Tag: Norway_Muslim

စက်တင်ဘာ ၁၉၊ ၂၀၁၅
M-Media

– နော်ဝေနိုင်ငံ မြို့တော် အော်စလို၏ မြို့တော်ဝန် ဖြစ်လာရန် နော်ဝေမွတ်စလင် သဘာဝပတ်ဝန်းကျင် ပညာရှင်တစ်ဦးမှာ ရေပန်းစားနေပြီး နိုင်ငံအတွင်း သမိုင်းသစ်ရေးထိုးနိုင်မည့် အခြေအနေ ရှိနေသည်ဟု သိရသည်။

“အော်စလိုပြည်သူအားလုံးအတွက် သူ (ရှိုအာအစ်ဘ် ဆူလ်တန်)ဟာ အံ့သြစရာကောင်းတဲ့ မြို့တော်ဝန် ဖြစ်လာပါလိမ့်မယ်။ ပြီးတော့ ရှိခဲ့သမျှ မြို့တော်ဝန်တွေထဲမှာ သူဟာ အော်စလိုပြည်သူတွေကို ကိုယ်စားအပြုနိုင်ဆုံးသူ ဖြစ်လာပါလိမ့်မယ်” ဟု ၎င်း၏ MDG Green Party မှ ခေါင်းဆောင်ဖြစ်သူ ရက်စ်မက်စ် ဟန်ဆန်က NRK ရေဒီယိုသို့ အင်္ဂါနေ့တွင် ပြောကြားခဲ့သည်။

တနင်္လာနေ့က ပြုလုပ်ခဲ့သည့် အော်စလို မြို့တော်ကောင်စီ ရွေးကောက်ပွဲတွင် အဆိုပါ Green Party က အမတ်နေရာ ၅ နေရာ ရခဲ့သည်။ စုစုပေါင်း အမတ်နေရာ ၅၉ နေရာတွင် လွန်ခဲ့သည့် ၁၈ နှစ်ကတည်းက မြို့တော်ကောင်စီတွင် ကြီးစိုးခဲ့သည့် လက်ယာယိမ်းပါတီက ၂၉ နေရာနှင့် လက်ဝဲပါတီက ၂၆ နေရာ ရခဲ့ပြီးနောက် ထိုပါတီနှစ်ခုစလုံးမှာ ကောင်စီတွင် ကြီးစိုးနိုင်ရန်အတွက် MDG ပါတီနှင့် ဆွေးနွေးမှုများပြုလုပ်ရန် အဆင်သင့်ရှိနေသည်ဟု ပြောကြားခဲ့သည်။

“မြို့တော်ဝန်နေရာက ဆွေးနွေးရမယ့်ကိစ္စရဲ့ တစ်စိတ်တစ်ပိုင်းဆိုတာ သေချာပါတယ်” ဟု ဟန်ဆန်က ပြောကြားခဲ့သည်။

အဆိုပါ မြို့တော်ကောင်စီ ရွေးကောက်ပွဲတွင် MDG ကိုယ်စားပြုအမတ်များမှာ ပါတီနှစ်ခု၏ လွှမ်းမိုးမှုမှ လွတ်ကင်းကာ ၀င်ရောက်ယှဉ်ပြိုင်ခဲ့ခြင်းဖြစ်သည်။

အသက် ၄၁ နှစ်အရွယ်ရှိ ဆူလ်တန်မှာ နော်ဝေမွတ်စလင်များကို ကိုယ်စားပြုသည့် ပရဟိတအဖွဲ့အစည်း အစ္စလာမ့်မစ်ကောင်စီ၏ အတွင်းရေးမှူးဟောင်း ဖြစ်သည်။ ၎င်း တစ်နှစ်သားအရွယ်တွင် မိဘများမှာ ပါကစ္စတန်မှ ပြောင်းရွှေ့လာခြင်းဖြစ်ပြီး၊ ၎င်းမှာ လူမျိုးရေးခွဲခြားမှု တိုက်ဖျက်ရေးစင်တာတွင်လည်း အလုပ်လုပ်ခဲ့ဖူးသည်။

အခက်အခဲမရှိ

အစ္စလာမ်သာသနာကို အမှန်တကယ် လက်တွေ့လိုက်နာကျင့်သုံးသည့် မွတ်စလင်တစ်ယောက်ဖြစ်ခြင်းက အော်စလို၏ ခေါင်းဆောင်ရာထူးကို ရယူရန်အတွက် အခက်အခဲမဖြစ်ဟု ဆိုသည်။

“ဒါက စိတ်လှုပ်ရှားစရာကောင်းတဲ့ စိန်ခေါ်မှုလို့ ကျွန်တော် ထင်ပါတယ်။ အော်စလိုဟာ စိန်ခေါ်မှုတွေ၊ အခွင့်အလမ်းကောင်းတွေနဲ့ အင်မတန် စိတ်ဝင်စားစရာကောင်းတဲ့ မြို့ပါ။ တစ်ခါတစ်ရံမှာ ကျွန်တော်တို့ဟာ (ဆိုရှယ်မီဒီယာက) မှတ်ချက်တွေ၊ အမည်မည်မသိတဲ့ ဘလော့ဂါတွေအပေါ် သိပ်အာရုံစိုက်လွန်းတယ်လို့ ထင်ပါတယ်။ ကျွန်တော့်ရဲ့အတွေ့အကြုံအရတော့ လက်တွေ့မှာ လူတွေက တကယ့်ကို ကွာခြားတယ်ဗျ။ သူတို့ရုန်းကန်နေရတဲ့ ပြဿနာတွေနဲ့ပတ်သက်ပြီး တစ်ခုခုလုပ်နိုင်သူတွေကို သူတို့က စိတ်ဝင်စားကြတယ်။
ဘာသာတွေ၊ လူမျိုးတွေကို မကြည့်ကြပါဘူး” ဟု ဆူလ်တန်က ပြောကြားခဲ့သည်။

နော်ဝေ၏ ၅.၂ သန်းသော လူဦးရေတွင် အစ္စလာမ်သာသနာကို သက်ဝင်ယုံကြည်ကြသူများမှာ ၁၅၀၀၀၀ မှ ၂၀၀၀၀၀ ကြားအထိ ရှိနေသည်။

Ref: Onislam

ဇွန် ၉၊ ၂၀၁၅
M-Media

– နော်ဝေနိုင်ငံတွင် အစ္စလာမ်သို့ ပြောင်းလဲသက်ဝင်သည့် လူငယ်အရေအတွက်မှာ မြင့်တက်လာခဲ့ပြီး ၎င်းတို့က အစ္စလာမ်မှာ ဘ၀အတွက် ရည်မှန်းချက်ပန်းတိုင်ကို ပြပေးကာ လူ့အဖွဲ့စည်းအတွင်း ပျောက်ဆုံးနေသော လမ်းညွှန်ချက်များ၊ ဥပဒေများကို ဖော်ညွှန်းပြသသည်ဟု ဆိုသည်။

“အဲဒီ လမ်းညွှန်မှုတွေ၊ ဥပဒေတွေ၊ ဆုပေးဒဏ်ပေးစနစ်ဆိုတဲ့ အကျိုးဆက်တွေကို လူတွေက လိုအပ်တယ်လို့ ကျွန်မ ထင်ပါတယ်။ ယုံကြည်စရာတစ်ခုခုပေါ့ရှင်” ဟု အစ္စလာမ်သို့ ပြောင်းလဲသက်ဝင်ခဲ့သူ အသက် ၂၆ နှစ်အရွယ် နော်ဝေအမျိုးသမီး အဲလ်ဆာက Aftenposten သတင်းစာသို့ ပြောကြားခဲ့သည်။

နော်ဝေမွတ်စလင်လူ့အဖွဲ့အစည်းအတွင်း သိသင့်သိထိုက်သည်များကို ဖော်ပြပေးနေသည့် Aftenposten သတင်းစာမှာ နော်ဝေရှိ အစ္စလာမ်သာသနာနှင့်ပတ်သက်၍ သတင်းများကို ပြီးခဲ့သည့် သီတင်းပတ်အတွင်း ဆက်တိုက်ဆိုသလို ဖော်ပြခဲ့သည်။

သုတေသနပညာရှင်များ၏ အဆိုအရ နော်ဝေရှိ ဌာနေတိုင်းရင်းသားများ အစ္စလာမ်ကို ပြောင်းလဲသက်ဝင်ယုံကြည်မှုမှာ ၁၉၉၀ ပြည့်နှစ်နှောင်းပိုင်းက ၅၀၀ ၀န်းကျင်သာ ရှိခဲ့သော်လည်း ယနေ့တွင် ၃ ထောင်ဝန်းကျင် ရှိနေပြီဟု သိရသည်။

နော်ဝေရှိ လူဦးရေနှင့်နှိုင်းယှဉ်လျှင် ထိုပမာဏမှာ သေးငယ်သော်လည်း အစ္စလာမ်ဘာသာသို့ ပြောင်းလဲသက်ဝင်မှုနှုန်းမှာ သိသိသာသာဖြစ်လာသည်ဟု မှတ်ယူကြပြီး၊ ထိုသို့ ပြောင်းလဲသက်ဝင်မှု၏ နောက်ကွယ်တွင်လည်း အကြောင်းအရင်း ရှိနေသည်။

“အစ္စလာမ်ကို ပြောင်းလဲသက်ဝင်ခြင်းဟာ ဒီနေ့ခေတ် လူငယ်တော်လှန်ရေးမှာ စိတ်အထက်သန်ဆုံး ပုံစံလည်း ဖြစ်ကောင်းဖြစ်နိုင်ပါတယ်” ဟု ဘာသာရေးဆိုင်ရာ ပါမောက္ခ အန်နီ ဆိုဖီ ရိုအဲလ်က ပြောကြားခဲ့သည်။

ထို့ပြင် အဆိုပါ ပြောင်းလဲသက်ဝင်ယုံကြည်သူများ၏ ယခင် ဘ၀နေထိုင်မှုနှင့် လုံးဝ ခြားနားသော လူနေမှုပုံစံကို အစ္စလာမ်တွင် လိုအပ်သည်ဟုလည်း သူမက ထည့်သွင်းပြောကြားခဲ့သည်။ သူမမှာလွန်ခဲ့သည့် နှစ်ပေါင်း ၃၀ ကပင် အစ္စလာမ်သို့ ပြောင်းလဲသက်ဝင်ခဲ့သူ ဖြစ်သည်။

အစ္စလာမ်သို့ ပြောင်းလဲသက်ဝင်ခဲ့ကြသည့် သစ်လွင်မွတ်စလင်များမှာ များသောအားဖြင့် ၎င်းတို့၏ ဘ၀များကို အစ္စလာမ်သာသနာအတွင်းသို့ တင်းပြည်ကျပ်ပြည့် ၀င်ရောက်ခဲ့ကြသည်ဟုလည်း ရိုအဲလ်ကဆိုသည်။

“ယေဘူယျအားဖြင့် သစ်လွင်မွတ်စလင်အများစုဟာ ပုပ်ရဟန်းမင်းကြီးထက်ကိုပိုပြီး ဘာသာရေး ကိုင်းရှိုင်းကြပါတယ်။ အမှန်က ဘာသာတရားက သတ်မှတ်ထားတဲ့ ကန့်သတ်ချက်နဲ့ပတ်သက်တဲ့ အတွေးအခေါ်တွေဟာ သူတို့ကိုယ်တိုင်သတ်မှတ်ထားတဲ့
ကန့်သတ်ချက်တွေထက် ပိုပြီး စိတ်ကို ဆွဲဆောင်နိုင်နေတာကြောင့်လည်း ဖြစ်နိုင်ပါတယ်”

ဘ၀သစ်

၂၀၁၁ ခုနှစ် ဇူလိုင် ၂၂ က်နေ့က ယူတိုယာကျွန်းရှိ လေဘာပါတီ၏ နွေရာသီလူငယ်စခန်းတွင် သေနတ်သမားတစ်ဦး ၀င်ရောက်ပစ်ခတ်မှုမှ လွတ်မြောက်လာခဲ့ခြင်းက အသက် ၂၃ နှစ်အရွယ် မော်တန် အီဘရာဟင်မ် အေဘရာဟမ်ဆန်၏ ဘ၀တွင် အပြောင်းအလဲတစ်ခု ဖြစ်ခဲ့သည်။

အန်ဒရက်စ် ဘဟ်ရင်း ဘရီဗစ်က်ဟု အမည်ရသည့် အဆိုပါသေနတ်သမား၏ ပစ်ခတ်မှုကြောင့် လူငယ်စခန်းတွင် လူပေါင်း ၆၉ ဦးနှင့် အစိုးရအဆောက်အဦးတွင် ၇ ဦး စုစုပေါင်း ၇၆ ဦး သေဆုံးခဲ့သည်။ ရဲတပ်ဖွဲ့ကမူ ဘရီဗစ်က်မှာ လက်ယာစွန်း ခရစ်ယာန်အစွန်းရောက်ဖြစ်သည်ဟု ဆိုသည်။

ဘရီဗစ်က်က ၎င်းမှာ ဥရောပ ခရစ်ယာန်နိုင်ငံတော်ကို အစ္စလာမ်မှ ကယ်တင်ရန်အတွက် ထိုကဲ့သို့ သတ်ဖြတ်ခဲ့ခြင်းဖြစ်သည်ဟု ပြောကြားခဲ့သည်။

ထိုအဖြစ်အပျက် ဖြစ်ပျက်ပြီးနောက်ပိုင်း အေဘရာဟမ်ဆန်မှာ အစ္စလာမ်သို့ ပြောင်းလဲသက်ဝင်ခဲ့ခြင်းဖြစ်သည်။

“လေနှစ်နီးပါးတောင် ရှိပါပြီ။ ကျွန်တော့်ရဲ့ အယူဝါဒနဲ့အတူ ကျွန်တော် ရှင်သန်နေပါတယ်။ ကျွန်တော်ရှာနေတဲ့ တည်ငြိမ်မှုမျိုးကို ကျွန်တော်တွေ့ခဲ့ပါတယ်” ဟု ၎င်းက ထည့်သွင်း ပြောကြားခဲ့သည်။

အေဘရာဟမ်ဆန်နှင့် ၎င်း၏ မွတ်စလင်သူငယ်ချင်းများမှာ အစွန်းရောက်ဝါဒကို ဆန့်ကျင်ပြီး အစ္စလာမ်အပေါ် ယူဆချက်အမှားများကိုလည်း ရှင်းလင်းခဲ့သည်။ ထို့ပြင် ရှရီအာ ဥပဒေနှင့်ပတ်သက်၍ ၎င်းက အာဏာပိုင်များမှာ ရှရီအာဥပဒေကို ကုရ်အာန်က ပြဌာန်းထားသည့်အတိုင်း မကျင့်သုံးဘဲ အလွဲသုံးစားလုပ်နေကြသည်ဟုလည်း ထည့်သွင်းပြောကြားခဲ့သည်။

နော်ဝေနိုင်ငံ၏ ၄.၅ သန်းသော လူဦးရေတွင် အစ္စလာမ်ကိုသက်ဝင်ယုံကြည်ကြသူများမှာ ၁၅၀၀၀၀ ခန့်ရှိပြီး အများစုမှာ ပါကစ္စတန်၊ ဆိုမာလီ၊ အီရတ်နှင့် မော်ရိုကိုနွယ်ဖွားများဖြစ်သည်။

Ref: Onislam

ဖေဖော်ဝါရီ ၂၂၊ ၂၀၁၅
M-Media

– အိမ်နီးချင်းဒိန်းမတ်နိုင်ငံမှာ ပြီးခဲ့တဲ့ သီတင်းပတ်က ဖြစ်ပွားခဲ့တဲ့ ဂျူးဘုရားကျောင်း တိုက်ခိုက်မှုကို ရှုတ်ချမှုနဲ့အတူ မိမိတို့ နိုင်ငံက ဂျူးအသိုင်းအ၀ိုင်းကို ကာကွယ်မယ်ဆိုတဲ့ သန္ဓိဌာန်ကို ဖော်ကျူးတဲ့အနေနဲ့ နော်ဝေနိုင်ငံက ရာနဲ့ချီတဲ့ မွတ်စလင်တွေဟာ လက်တွေကိုယ်စီချိတ်လို့ မြို့တော်အော်စလိုက ဂျူးဘုရားကျောင်းကို ၀န်းရံခဲ့ကြပါတယ်။

ယမန်နေ့က အဲဒီဂျူးဘုရားကျောင်းမှာ မွတ်စလင်တွေက ငြိမ်းချမ်းရေးအဖွဲ့တစ်ခုကို ဖွဲ့စည်းခဲ့ပြီးတဲ့နောက် ဒီလို သရုပ်ဖော်ခဲ့တာဖြစ်ပြီး “ဂျူးဆန့်ကျင်ရေး အလိုမရှိ။ အစ္စလာမ်ကြောက်ရောဂါ အလိုမရှိ” ဆိုတဲ့ ကြွေးကျော်သံကိုလည်း ကျွေးကြော်ခဲ့ကြပါတယ်။

“လူသားဝါဒဆိုတာ တစ်ခုတည်းရှိတာဖြစ်ပြီ ဒါကို ကျွန်တော်တို့က ဒီမှာပုံဖော်တာပါ” လို့ ဒီငြိမ်းချမ်းရေးအဖွဲ့ကို ဖွဲ့စည်းခဲ့တဲ့ သူတွေထဲက တစ်ဦးဖြစ်သူ ဇီဟန်အဘ်ဒူလာက အော်စလိုရဲ့ တစ်ခုတည်းသော ဂျူးဘုရားကျောင်းမှာ ကျင်းပတဲ့ အခမ်းအနားကို လမ်းတွေပြည့်လျှံအောင် လာရောက်စုဝေးခဲ့ကြတဲ့ နော်ဝေမွတ်စလင်တွေနဲ့ အခြားသော နော်ဝေနိုင်ငံသားတွေကို ပြောကြားခဲ့ပါတယ်။

“စစ်ကို လိုလားသူတွေထက် ငြိမ်းချမ်းရေးကို လိုလားသူတွေက ပိုပါတယ်။ လူသားထုအတွက်၊ ငြိမ်းချမ်ရေးအတွက်၊ ချစ်ခြင်းမေတ္တာအတွက် မတူကွဲပြားတဲ့ ဘာသာတရားတွေ နောက်ခံဘက်ဂရောင်းတွေကြားထဲမှာ မျှော်လင့်ချက်တွေ ရှိနေတုန်းပါပဲ” လို့ အဘ်ဒူလာက ဆိုပါသေးတယ်။

နော်ဝေက ဂျူးအသိုင်းအ၀ိုင်းဟာ ဥရောပမှာ အနည်းဆုံးဖြစ်ပြီး လူပေါင်း ၁၀၀၀ ၀န်းကျင်လောက်သာရှိပါတယ်။ နော်ဝေလူဦးရေ ၅.၂ သန်းမှာ မွတ်စလင်အရေအတွက်ကတော့ ၁၅၀၀၀၀ ကနေ ၂၀၀၀၀၀ လောက်ရှိပါတယ်။

ဒိန်းမတ်နိုင်ငံက ဂျူးဘုရားကျောင်းကို ပါလက်စတိုင်းနွယ်ဖွားတစ်ယောက်က သေနတ်နဲ့ပစ်ခဲ့လို့ ဂျူးလူမျိုးတစ်ယောက် သေဆုံးခဲ့ပြီးတဲ့နောက်မှာ မိမိတို့နိုင်ငံအတွင်းက ဂျူးတွေကို ကာကွယ်ပေးရမယ်ဆိုတဲ့ အသိစိတ်တွေက နော်ဝေမွတ်စလင်တွေထဲ ၀င်ရောက်လာခဲ့ပြီး “ငြိမ်းချမ်းရေးဂိုဏ်း” လို့ခေါ်တဲ့ အဖွဲ့တစ်ခုဖွဲ့ဖို့ ပြီးခဲ့တဲ့ တစ်ပတ်ကတည်းက စီစဉ်ခဲ့ကြတာပါ။

ဒီအစဉ်ကို စီစဉ်ခဲ့တဲ့ သူတွေထဲက တစ်ဦးက “တကယ်လို့များ အကြမ်းဖက်သမားတွေဟာ အစ္စလာမ်ရဲ့နာမည်ကို အလွဲသုံးစားလုပ်ပြီး အကြမ်းဖက်ချင်ရင်တော့ ကျွန်တော်တို့မွတ်စလင်တွေကို အရင်ဆုံး ရင်ဆိုင်ရမှာပါပဲ။ ဂျူးမုန်းတီးမှု ပုံစံအားလုံးကို ပြင်းပြင်းထန်ထန် စက်ဆုပ်ရွံရှာတယ်ဆိုတာနဲ့ အဲဒီဂျူးလူမျိုးတွေကို အားပေးထောက်ခံတယ်ဆိုတာ ကျွန်တော်တို့ ပြသချင်ပါတယ်” လို့ သူတို့ရဲ့ စိတ်သဘောထားကို ပွင့်ပွင့်လင်းလင်းပဲ ပြောခဲ့ပါတယ်။

မွတ်စလင်တွေရဲ့ ဒီလိုစိတ်ဓာတ်မျိုးအတွက်လည်း ဂျူးခေါင်းဆောင်တွေက ချီးကျူးခဲ့ကြပြီး ဂျူးအဖွဲ့အစည်းရဲ့ အကြီးအကဲဖြစ်သူ အာဗင်ခွန်က “သူတို့လုပ်ဖို့ စီစဉ်ထားတာက တစ်ကယ်လို့ နော်ဝေမှာရှိတဲ့ ဂျူးလူမျိုးတွေကို တစ်ယောက်ယောက်က တစ်ခုခုလုပ်တော့မယ်ဆိုရင် သူတို့က အရင်ဆုံး ရင်ဆိုင်မယ်ဆိုတဲ့ ပုံစံမျိုးပါပဲ။ ဒါဟာ သိပ်ကို အပြုသသဘောဆောင်တယ်လို့ ကျွန်တော်ထင်ပါတယ်” လို့ ပြောကြားခဲ့ပါတယ်။

“ငြိမ်းချမ်းရေးဂိုဏ်း” လို့ခေါ်တဲ့ ဒီငြိမ်းချမ်းရေးအဖွဲ့ကို ဖွဲ့စည်းမယ့်အခမ်းအနားမှာ လူ ၅၀ ၀န်းကျင်လောက်ပဲ လာမယ်လို့
ခန့်မှန်းထားပေမယ့် တစ်ကယ်တမ်းမှာတော့ ဂျူးဘုရားကျောင်းတည်ရှိရာ ဘာဂျက်စတီယန် လမ်းမကြီးတစ်ခုလုံး ပြည့်လျှံသွားခဲ့ပါတယ်။

လူနည်းစုက လူများစုကို ကာကွယ်ပေးရမယ်ဆိုတဲ့ ဒီမိုကရေစီရဲ့ အနှစ်သာရအတိုင်း ဒီမိုကရေစီ ထွန်းကားတဲ့ နော်ဝေမှာ
ဒုတိယလူများစုဖြစ်တဲ့ မွတ်စလင်တွေဟာ သူတို့ရဲ့တာဝန်ကို ကျေပွန်စွာ ဆောင်ရွက်နိုင်ခဲ့ကြပါတယ်။

Ref: refuters