News @ M-Media

Tag: NyeinChanAye

  • တရားမ၀င်ဘူးတဲ့လား ဒေါက်တာ ဖေမြင့်

    တရားမ၀င်ဘူးတဲ့လား ဒေါက်တာ ဖေမြင့်

    ဇူလိုင် ၁ ၊ ၂၀၁၆
    ငြိမ်းချမ်းအောင်ရေးသည်။
    160324153943_u_pe_myint_640x360_bbc_nocredit
    .
    ဦးဖေမြင့်ကို ကျနော် စာပေသမားတယောက်အနေနဲ့ လေးစားပါတယ်။ ဦးဖေမြင့်ကလည်း အသိပညာရှင်တယောက်ပီပီ လွတ်လပ်စွာကိုးကွယ်ခွင့်ကို အပြန်အလှန် လေးစားသင့်ပါတယ်။
    ငြိမ်းချမ်း ဘာကိုးကွယ်လည်း မေးရင် ကျနော့် မိန်းမက လွှဲပြီး ဘာမှ မကိုးကွယ်ပါဘူး။ (ရှင်းအောင် ပြောထားတာပါ။)
    သမိုင်းတွေ ကို သေသေချာချာ ပြန်ဖတ်ကြည့်ပါ။ သခင်စိုးကြီးကို အင်္ဂလိပ်အစိုးရက ဖမ်းချင်ပေမဲ့ ရွှေတိဂုံ ဘုရားပေါ်ကို တက်ပြေးတော့ ဘုရားပေါ်မှာ တက် မဖမ်းခဲ့ပါဘူး။ နောက်ဆုံး ဗမာ့ခေတ် ဦးအုံးခင်တို့က လော်ဘီလုပ်ပြီး မိန်းမအနေနဲ့ ရုပ်ဖျက်ပြီး ဘုရားပေါ်က ဆင်းသွားပြီ ၀ါဒဖြန့်တော့မှ အင်္ဂလိပ်က လက်လျှော့ သခင်စိုးကြီး အေးအေးဆေးဆေးနဲ့ ရွှေတိဂုံဘုရားက ပြန်ဆင်းလာနိုင်ပါတယ်။ ဒါဟာ အင်္ဂလိပ်အစိုးရရဲ့ ဘာသာတရားအပေါ်မှာ ထားတဲ့ လေးစားမှု့ပါ။ နောက်တချက်က တရားဥပဒေ အရပါ။ ဒေါက်တာဖေမြင့် တယောက် ဒီိလို စာတွေနဲ့ ယဉ်ပါး ပြီးသားပါ။
    ဒီလိုပဲ အခု ထိုင်းနိုင်ငံရဲ့ အကြောင်းကို ကျနော်မသိပါ။ လွန်ခဲ့သော ၁၅ နှစ် ၁၆နှစ်က တရားမ၀င် ဗမာနိုင်ငံသားတွေ မြဘုရား တို့ ထိုင်းနိုင်ငံက ဘုရားတွေပေါ်မှာ တက်နေရင် တရားမ၀င်မှန်း သိတာတောင် ထိုင်းရဲက မဖမ်းပါဘူး။ ဗုဒ္ဓဘာသာ အချင်းချင်းမို့ မဟုတ်ပါ၊ မွတ်စလင် ဘာသာဝင် သူငယ်ချင်း ကျောင်းသားတပ်မတော်သားတွေကိုလည်း ဘုရားကုန်းတော်ပေါ်မှာတော့ ရဲက တက်မဖမ်းပါဘူး။
    ဒီလ ဘာလ လည်း မေးကြည့်လိုက်ပါ။ အစ္စလာမ်ဘာသာဝင်တွေ ဥပုသ် သီလ ယူတဲ့ လပါ။ အစ္စလာမ်ဘာသာဝင်တွေဆိုတာ ဗမာနိုင်ငံသားတွေပါ။ သူတို့အနေနဲ့ အခြေခံဥပဒေအရ လွတ်လပ်စွာ ကိုးကွယ်ယုံကြည်ခွင့် အရ အေးအေးချမ်းချမ်း ယုံကြည်ရာကို ကိုးကွယ်ကြတာပါ။ နောက် တချက်က ဇူလိုင်လ တရက်နေ့ဟာ တကမ္ဘာလုံးဟာ အစ္စလာမ်ဘာသာဝင်တွေရဲ့ အထွဠ်အမြတ် ကဒရ်ညမြတ်လို့ ခေါ်တဲ့ နေ့ထူးနေ့မြတ်ပါ။
    ဒီလိုလ ဒီလိုနေ့ ကိုမှ ဗလီ တလုံး မီးလောင်တယ်ဆိုတော့ အစ္စလာမ်ဘာသာဝင်တွေရဲ့ ရင်ထဲမှာ ဘယ်လောက်များ ကြေကွဲလိမ့်မလဲ စဉ်းစားကြည့်ပေါ့ဗျာ။
    အစိုးရမင်းများ လုပ်ပြီး၊ ငါတို့ မသိလိုက်ဘူးဆိုရင်တော့ ခင်ဗျားတို့ သေလို့ရတဲ့ အထဲမှာ အစောကြီးကတည်းက ပါသင့်တဲ့သူတွေ ဖြစ်ကုန်မှာပေါ့။
    နောက်တချက်က ဘာသာရေးအဆောက်အဦးတွေ ဖျက်ဆီးမယ်ဆိုရင် အစိုးရမင်းများ ကိုယ်တိုင် လုပ်ရမှာပါ။ အရပ်သား မဆိုင်တဲ့သူတွေ ဖျက်ဆီးရင် ဘာသာရေး ပြဿ နာတွေ ပိုကြီးလာနိုင်တယ်၊ ဘာသာနှစ်ခုကြားမှာ အကြမ်းဖက်မှု့တွေ၊ အမုန်းတရားတွေ ကြီးထွားလာမယ်ဆိုတာကို အစိုးရမင်းများအနေနဲ့ သိရမှာပါ။ ကြိုတင်ကာကွယ်ရမှာပါ။
    ဖျက်ဆီးခံလိုက်ရတဲ့ ဗလီ တရားဝင်ခြင်း၊ တရားမ၀င်ခြင်းက အခု ပြောရမဲ့ ကိစ္စမဟုတ်ပါဘူး။ ဖျက်ဆီးသူတွေကို တရားဥပဒေအရ ဘယ်လို အရေးယူမလည်း၊ ဘယ်လို အပြစ်ပေးမလည်း၊ နစ်နာသူတွေကို ကျေနပ်အောင် ဘယ်လို ဆောင်ရွက်ပေး မလည်း။ နိုင်ငံတကာ အမြင်ရှင်းအောင် ဘယ်လို ဖြေရှင်းမလဲဆိုတဲ့ နောက်ဆက် တွဲတွေကိုပဲ ပြောရတော့မှာပါ။
    ဦးဖေမြင့် တဖြစ်လည်း ပြန်ကြားရေးဝန်ကြီး ဒေါက်တာ ဖေမြင့် ဟိုးတုန်းက လေးစားသလို၊ အာဏာရတဲ့အချိန်မှာလည်း ကျနော် လေးစားချင်ပါတယ်။ ပြဿ နာတခုကို အကောင်းဆုံး ဖြေရှင်းပေးနိုင်ပါစေလို့ ဆုတောင်းရင်းဖြင့်သာ
    စာရေးသူ၏ FB စာမျက်နှာမှ ရယူဖော်ပြပါသည်။
     
    ဆက်စပ်သတင်းဖတ်ရန်
    ————————-
    MOI- ဖားကန့်မြို့နယ် လယ်ပြင်ကျေးရွာဖြစ်စဉ်တွင် နောက်ကွယ်မှ သွေးထိုး လှုံ့ဆော်သူများ ရှိ၊ မရှိ စုံစမ်းဖော်ထုတ်ပြီး ထိရောက်စွာ အရေး ယူနိုင်ရေး ဆောင်ရွက်လျက်ရှိ
  • ငြိမ်းချမ်းအေး – ဘာသာရေးဗန်းပြ အာဏာနိုင်ငံရေး အမြတ်ထုတ်မှုကို တကိုယ်ရေ ဆန့်ကျင်ကြပါ

    ငြိမ်းချမ်းအေး – ဘာသာရေးဗန်းပြ အာဏာနိုင်ငံရေး အမြတ်ထုတ်မှုကို တကိုယ်ရေ ဆန့်ကျင်ကြပါ

    (သည်လေဒီးစ်နယူးစ် / မိုးမခ)
    ဇွန် ၂၆၊ ၂၀၁၅

    118
    ၂၀၁၆ နိုဝင်ဘာ အမေရိကန်နိုင်ငံ သမ္မတရွေးကောက်ပွဲမှာ ဒီမိုကရက်တစ်ပါတီ ကိုယ်စားပြု ဝင်ရောက်ရွေးချယ်ခံဖို့ ရည်မှန်း ထားတဲ့ နိုင်ငံခြားရေးဝန်ကြီးဟောင်းလည်းဖြစ်၊ သမ္မတဟောင်းကတော်လည်းဖြစ်သူ ဟီလာရီကလင်တန်က ဇွန်လ ၂၀ ရက်နေ့က ပြောလိုက်တယ်။  အမေရိကားရဲ့ လူမျိုးရေးခွဲခြားမှု ပပျောက်ရေးတိုက်ပွဲကြီးဟာ အောင်မြင်ပြီးမြောက်ဖို့ အဝေး ကြီး လိုပါသေးသတဲ့။  အသက် ၂၁ အရွယ် လူဖြူ လူငယ်ကလေးတယောက် ဇွန်လ ၁၇ ရက်နေ့တုန်းက ကျူးလွန်ခဲ့တဲ့  ချာလ်စတန် ဧမနွေလ အာဖရိကန်အမေရိကန် မက်သဒစ် ခရစ်ယာန်ဘုရားကျောင်း လူ ၉ ဦး သေနတ်ပစ်ခတ်ခံ သေဆုံးခဲ့ရမှု ရာဇဝတ်မှုကြီးကိုလည်း ‘လူမျိုးရေးခွဲခြားမှု အခြေခံအကြမ်းဖက်မှုကြီး’ အဖြစ် ပြစ်တင်ရှုတ်ချလိုက်တယ်။  အမေရိကန် ပြည် တွင်းစစ် (၁၈၆၁-၁၈၆၅) အတွင်းက လူမည်းတွေကို ကျွန်အဖြစ် ဆက်လက်ထားလိုကြတဲ့ တောင်ပိုင်းပြည်နယ်များရဲ့ ခွဲထွက်ရေးတပ်အလံကိုလည်း အမေရိကားရဲ့ လူမျိုးရေးခွဲခြားမှု အတိတ်ပုံရိပ်ဟောင်းဖြစ်တဲ့ ဒီလိုအလံတွေကို ဈေးကွက်မှာ ထုတ်လုပ်ဖြန့်ချိရောင်းချနေတာတွေရပ်ဖို့ ဟီလာရီက နှိုးဆော်လိုက်တယ်။

    အသားဖြူတဲ့ ကော့ကဆွိုတ် ဥရောပအနွယ်လူဖြူတွေ အစုအလိုက် အပြုံလိုက် လူသတ်တာမျိုး၊ လေယာဉ်တွေ ဖျက်ကြ တာမျိုး စတဲ့ လူသတ်အကြမ်းဖက်မှုကြီးတွေ ကျူးလွန်ကြရင် ဘက်မလိုက် တင်ပြရေးသားရမယ့် စာနယ်ဇင်းလိုမျိုးကအစ ‘Terrorism အကြမ်းဖက်မှု’ လို့ သုံးလေ့သုံးထနည်းပြီး တဦးချင် စိတ်ရူးသွပ်မှုသဘောသာ အရောင်ဖျော့ Low Profile လုပ် ဖော်ပြလေ့ရှိတတ်တဲ့ လူဖြူကြီးစိုးရာ အမေရိကန် နိုင်ငံလိုမျိုးမှာ အခုလို လူဖြူ အနွယ် သမ္မတလောင်း မျှော်လင့်ချက်ရှိတဲ့ အမျိုးသမီးခေါင်းဆောင် တယောက်က လူအများစု နားခံခက် မခံချိမခံသာစေမယ့် တိုင်းပြည်ရဲ့ ပကတိအခြေအနေ ခါးသီးတဲ့ အမှန်တရားတွေကို ရွေးကောက်ပွဲအတွက် မဲဆွယ် စည်းရုံးရေး ခရီးစဉ်တွေမှာ ရဲရဲဝံ့ဝံ့ ပြောဆိုနေတာတွေ ဖတ်သိ နားထောင်ရတော့ သူတို့ရဲ့ နိုင်ငံရေး၊ လူမျိုးရေး၊ ဘာသာရေး ရေချိန်ကို တွက်သိ တွေးကြည့် အားကျမိတယ်။

    ဟီလာရီ ဒီလိုတွေ ဒေါင်းတည်မောင်းတည် လူနည်းစုတွေဘက်က ရပ်တည် ပြောနေတာဟာ အာဖရိကန်အမေရိကန် လူနည်းစု မဲလိုချင်လို့ပါ လို့လည်း အလွယ်ကောက်ချက်ဆွဲလို့မရပါဘူး။  မစ်ဇူရီပြည်နယ် လူမည်းဘုရားကျောင်း တခုမှာ ဇွန်လ (၂၃) ရက်နေ့က သူပြောခဲ့တဲ့ စကားတခွန်းဖြစ်တဲ့ ‘All Lives Matter’ ဟာဆိုရင် အာဖရိကန်နွယ်အမေရိကန်များအရေး တက်ကြွလှုပ်ရှားနေသူတွေရဲ့ မကောင်းပြစ်တင် ဝေဖန်ခြင်းကိုတောင် ခံနေရပါတယ်။  ဟီလာရီရဲ့ ဒီ ‘လူသားအားလုံး အသက်ဟာ တန်ဖိုးရှိတယ်’ ဆိုတဲ့ စကားက ပြီးခဲ့တဲ့ ၂၀၁၄ ခုနှစ် သြဂုတ်လတုန်းက မစ်ဇူရီပြည်နယ်၊ ဖာဂူဆန်မြို့ မှာ ဖြစ်ပွားခဲ့တဲ့ ၁၈ နှစ် အရွယ် လူမည်းလူငယ်လေးကို လူဖြူရဲအရာရှိက မလိုအပ်ဘက် ပစ်သတ်ခဲ့မှု ဖြစ်စဉ်အပြီး အမေရိကန် တနိုင်လုံးမှာ နှိုးဆော် တောင်းဆိုလှုပ်ရှားနေကြတဲ့ ‘Black Lives Matter’ ဆောင်ပုဒ်ကို ရှေ့တန်းမတင် အသားမပေးရာ ရောက်နေလို့ လူမျိုးရေး ခွဲခြားမှု ဆန့်ကျင်ရေး လှုပ်ရှားသူတွေနဲ့ လူမည်းတချို့ရဲ့ အလိုမကျတုံ့ပြန်မှုကို သူ ရင်ဆိုင်နေရတာပါ။

    ဆိုတော့ အခု ဟီလာရီက တိုင်းပြည်ရဲ့ လူမျိုးရေးသူငယ်နာမစင်မှု အနာပြည်ပုပ်ကို ဘွင်းဘွင်း မချွင်းမချန် ဖောက်ထုတ် ထောက်ပြခြင်းဟာ လူမည်းတွေအပေါ် မဲဆွယ်ခြင်းဆိုတာထက် ပိုပါတယ်။  ပြောသင့်ပြောထိုက်တာကို ပြောခြင်း သဘော ယူဆနိုင်တယ်။  တိုင်းပြည်ရဲ့ လူမျိုး၊ ဘာသာ အစွန်းမရောက်ကြတဲ့ လူအများကလည်း လက်ခံစဉ်းစားပေးနိုင်ကြတယ်။  အမေရိကန်အများစု၊ ဘာသာရေးအဖွဲ့အစည်းတွေ၊ နိုင်ငံရေးပါတီတွေနဲ့ စာနယ်ဇင်း အပါအဝင် လူထု အစုအဖွဲ့အသီးသီးဟာ ဒီလို ဦးဆောင် ဝေဖန် ဆော်သြမှုတွေကို ဆတ်ဆတ်ထိမခံ မဖြစ်၊ မရိုသေ့စကား ရင့်ရင့်သီးသီးနဲ့ ‘Nigger Lover — ငမည်းချစ်သူ’ လို ကက်ကက်လန် နင်ပဲငဆ ပြန်မပြောကြဘဲ တိုင်းပြည်မှာ လိုအပ်နေဆဲ ချို့ယွင်းအားနည်းချက်များဖြစ်တဲ့ လူမျိုးရေးအမြင် ပြင်းထန်စွန်းရောက်မှု (Racism)၊ အမုန်းရာဇဝတ်မှု (Hate Crime) နဲ့ အကြမ်းဖက်မှု (Terrorism) အလုပ်တွေကို လျော့ပါး ပပျောက်ရေးကို ရှေးရှု ဆင်ခြင်နိုင်ကြတယ်။

    ဒါက အာဏာလက်မဲ့ သြဇာရှိ အမေရိကန် နိုင်ငံရေးသမားတဦးရဲ့ လတ်တလော အဖြစ်အပျက်ပါ။  တဖန် အာဏာလည်း လက်ရှိ၊ သြဇာလည်း ကြီးတဲ့ လက်ရှိ အမေရိကန်သမ္မတ အိုဘားမားရဲ့အလုပ်တွေကိုလည်း လေ့လာကြည့်ပါဦး။  အစ္စလာမ် ဘာသာဝင် မွတ်ဆလင်တွေရဲ့ ဥပုသ်လအထိမ်းအမှတ် ဝါဖြေ ညစာစားပွဲကို နှစ်စဉ်ကျင်းပနေကျအတိုင်း အိမ်ဖြူတော်မှာ ပြုလုပ်ပေးတယ်။  အမေရိကန် မွတ်ဆလင် တက်ကြွလှုပ်ရှားသူတွေ၊ လွှတ်တော်အမတ်တွေ၊ သံတမန်တွေ တက်ရောက်ခဲ့ကြ တယ်။  မြန်မာပြည်က မြန်မာ-မွတ်ဆလင်အမျိုးသမီးအရေးလှုပ်ရှားသူတယောက်တောင် တက်ရောက်ခွင့်ရခဲ့တယ်။

    အိုဘားမားက ညစာစားပွဲ မိန့်ခွန်းမှာ လူသားတွေရဲ့ မူလအခွင့်အရေးရပိုင်ခွင့် လွတ်လပ်စွာ ကိုးကွယ်ယုံကြည်၊ ဓလေ့ထုံးစံ တွေ ကျင့်သုံးခွင့်ဟာ အမေရိကန်တွေရဲ့ အသည်းနှလုံးမှာ စွဲမြဲနေတဲ့ တန်ဖိုးတွေ ဖြစ်ကြောင်း ထပ်လောင်း အသိပေးခဲ့တယ်။  လူတယောက်ဟာ ဘယ်လူမျိုး၊ ဘယ်ဘာသာ၊ ဘာယုံကြည်ကိုးကွယ်လို့၊ ဘယ်လူမှုအလွှာက လာလို့၊ ဘယ်လိုပုံပန်း သဏ္ဌာန်သွင်ပြင် အသားအရောင်ရှိလို့၊ ဘယ်သူ့ကို ချစ်မြတ်နိုးလို့ ဆိုပြီး မတူကွဲပြားမှုတွေအပေါ် ပစ်မှတ်မထားသင့်ကြောင်း လည်း ပြောဆို သတိပေးခဲ့တယ်။  လတ်တလော ဖြစ်ခဲ့တဲ့ ချာလ်စတန် အာဖရိကန်အမေရိကန် ၉ ဦး အသတ်ခံရမှုနဲ့ နှစ်ဆန်းပိုင်း ဖေဖော်ဝါရီတုန်းက မြောက်ကယ်ရိုလိုင်းနားပြည်နယ် ချက်ပယ်ဟေးလ် မှာ ဖြစ်ခဲ့တဲ့ အမေရိကန်မွတ်ဆလင် ၃ ဦး အသတ်ခံရမှုတွေအတွက် ဝမ်းနည်းဆုတောင်းစကားတွေ ဆိုခဲ့တယ်။  ဘာသာရေးထုံးတမ်း ခေါင်းခြုံ ပုဝါဆောင်းခွင့်အ တွက် ဥပဒေရေးရာ တိုက်ပွဲဝင်ခဲ့တဲ့ အမေရိကန်မွတ်ဆလင် အမျိုးသမီးငယ်ကိုလည်း ညစာစားပွဲမှာ ဖိတ်ခေါ်ဂုဏ်ပြုခဲ့တယ်။

    ဆိုခဲ့တာကတော့ သူတို့ဆီက ခေါင်းဆောင် ၂ ဦးရဲ့ အလုပ်တွေ၊ စကားတွေပေါ့။  ကျွန်တော်တို့ တိုင်းပြည်နဲ့ ယှဉ်ကြည့်ရ အောင်ပါ။  နှိုင်းမှ နှိုင်းရက်ပလေလို့တော့ စာဖတ်သူများ ဆိုချင်မလား မသိ။  လေ့လာ နမူနာယူရင်တော့ ဖွံ့ဖြိုးတိုးတက် ငြိမ်းချမ်း နိုင်ငံသားအားလုံး ဘာသာ၊ လူမျိုး မခွဲ ခွင့်တူညီမျှရရှိ ဒီမိုကရေစီအရသာ အပြည့်အဝ စံစားနေရတဲ့ တိုင်းပြည်မျိုးကိုပဲ လှမ်းမျှော်ကြည့်တတ်ရမှာပေါ့။  အမျိုး၊ ဘာသာ အစွဲတွေကြီး အမုန်းတွေပွား၊ လူတွေသတ်နေတဲ့ ISIS လို အဖွဲ့တွေမျိုးရဲ့ အလုပ်၊ အကျင့်အကြံတွေ၊ လူမျိုးရေး ဘာသာရေးကို အာဏာအတွက် အသုံးချနေကြတဲ့ ရှေးရိုးစွဲ နိုင်ငံတွေကိုတော့ ဘာသွား အတုယူ နှိုင်းယှဉ် လေ့လာ စရာလိုတော့မလဲ၊ ကိုယ့်ဆီမှာလည်း ဒီအကျင့်အကြံတွေ အပြည့် ဖြစ်နေခဲ့ပြီကိုး။

    ဆိုခဲ့တဲ့ အမေရိကန်က ခေါင်းဆောင်း ၂ ယောက် ရဲ့ အလုပ်၊ အပြောတွေကို ကျွန်တော်တို့ တိုင်းပြည်က ခေါင်းဆောင် ၂ ယောက် လုပ်ကြည့်မယ် စဉ်းစားကြည့်ပါစို့ ခင်ဗျာ။  ရွေးကောက်ပွဲဝင်ဖို့ ပြင်ဆင်နေတဲ့ အတိုက်အခံ ဒီမိုကရေစီပါတီ ခေါင်း ဆောင် ဒေါ်အောင်ဆန်းစုကြည်ကများ ဟီလာရီ ကလင်တန်လို စကားတွေပြောခဲ့တယ် တွေးကြည့်ရအောင်ပါ။

    မြန်မာပြည်မှာ လူမျိုးရေးခွဲခြားမှုတွေ ပြင်းထန်နေတယ်များ ဆိုကြည့်ပါလား၊ လူအများစု မြန်မာတွေချည်းပဲအတွက် မကြည့် နဲ့ လူနည်းစုအတွက်လည်း စဉ်းစား ခွင့်တူပေးပါ အော်ကြည့်ပါလား၊ မျိုးချစ်ဆိုသူများရဲ့ ဝိုင်းပြီး သမခံထိမှာ၊ ‘Muslim Lover’ ဆိုပြီး ဆော်ခံထိမှာ။  လူသာမန် လူအများ ကိုယ်နှိုက်ကလည်း ဒါမျိုး ဖြစ်သင့် ဖြစ်ထိုက်တာမျိုး၊ ခွင့်တူညီမျှမှု စကား တွေကို လူမျိုးရေး၊ ဘာသာရေး စိတ်အခံလေးနဲ့ နားဝင်လွယ်ကြမှာ မဟုတ်ပါ။  ဒါမျိုး လက်တွေ့ ဖြစ်မှာ မြေကြီးလက်ခတ်မလွဲ စိတ်ကူးကြည့်နိုင်ပါတယ်။

    ဒီလိုတွေ ပြင်းပြင်းထန်ထန် မဆိုမပြော တတ်နိုင်သမျှ နှုတ်ဆိတ်နေတာတောင် တရားဝင် စာနယ်ဇင်းမျိုးကအစ မုတ်ဆိတ်နဲ့ ဘာသာကွဲ ပုဂ္ဂိုလ်တွေကို ဒေါ်အောင်ဆန်းစုကြည် ကန်တော့နေဟန် ပုံမှားရိုက် ဓာတ်ပုံတင် ယုံထင်ကြောင်ထင် ဖြစ်အောင် လုပ်ကြံခံနေရတယ်။  ဒေါ်အောင်ဆန်းစုကြည်နဲ့ သူ့ပါတီဟာ အမျိုးသားရေးတက်ကြွသူ ဘုန်းကြီးများ၊ လူများရဲ့ ပစ်မှတ်ထားခြင်း ခံနေရတယ်။

    ဒါမှမဟုတ် လက်ရှိ အာဏာရအစိုးရ သမ္မတ စစ်ဗိုလ်ချုပ်ဟောင်း ဦးသိန်းစိန်ကများ သူ့သမ္မတ အိမ်တော်မှာ မြန်မာ-မွတ်ဆလင် ခေါင်းဆောင်တွေဖိတ် ဝါဖြေညစာစားပွဲ လုပ်ကြည့်တယ် ဆိုကြပါစို့။  ဒီမိုကရေစီနဲ့ လူ့အခွင့်အရေးကို ချစ်မြတ်နိုး လှချည်ရဲ့ဆိုပြီး တောင်းဆို ‘ဒီမိုမှ ဒီမို’ ဖြစ်နေသူများ ကိုယ်တိုင် ဝိုင်းဝန်း ‘ကုလားအားပေး စစ်အစိုးရ’ ဆိုပြီး ဆိုကြမှာ မြင်ယောင်ကြည့်မိပါတယ်။

    ကျွန်တော်တို့ တိုင်းပြည် အခြေအနေက ဒီလို အရေခွံပါးတဲ့ သူတွေ အများစုနဲ့ ဝမ်းနည်းဖွယ် ဖြစ်နေရပါတယ်။  စစ်အာဏာရှင် စနစ်ဆိုး တိုင်းပြည်မှာ နှစ်ငါးဆယ် ကြီးစိုးနေခြင်းရလဒ် လူမျိုးရေး၊ ဘာသာရေး သူငယ်နာမစင် အကဲဆတ်နေကြပါတယ်။  နိုင်ငံသားအချင်းချင်းမှာတောင်မှ ‘တိုင်းရင်းသားမဟုတ်’ ဆိုပြီး တရုတ်နဲ့ အိန္ဒိယ အနွယ် နိုင်ငံသားတွေကို ဒုတိယနိုင်ငံသား တဆင့်နိမ့် အတန်းနဲ့ နိမ့်ကျတဲ့ အခွင့်အရေးပဲယူစေ လုပ်ချင်နေကြပါတယ်။

    ဒါကြောင့်လည်း ဒီလို လူမျိုး၊ ဘာသာ အိုင်းအနာကို လိုရင်နှိုးဆွ မီးတောက်စေတဲ့နည်း တနည်းတည်းနဲ့ အာဏာသက်ဆိုး ရှည်လိုသူများ အမြဲ လုပ်စားခွင့်သာနေပါတယ်။  အခု လွှတ်တော်မှာ စစ်တပ်ကိုယ်စားလှယ်က ဆိုခဲ့ပြီ မဟုတ်ပါလား။  ၅၉-စ မပြင်လိုခြင်းက ဒေါ်အောင်ဆန်းစုကြည်နဲ့ မဆိုင်ဟန် — ‘သွေးနှောသူ နိုင်ငံသားများက နိုင်ငံတော်ရဲ့ အရေးအရာကို စီမံခန့်ခွဲလုပ်ဆောင်၊ အုပ်ချုပ်ရေးကဏ္ဍမှာ ၀င်ရောက်လာပါက နိုင်ငံတော်ရဲ့လွတ်လပ်ရေးနဲ့ အချုပ်အခြာအာဏာပေါ်မှာ ဆိုးကျိုးများ သက်ရောက်လာမှာ’ မို့ပါဆိုပြီး တကယ့် တိုင်းပြည်ကို ချစ်လှတဲ့ မျိုးချစ်ကြီးများသဖွယ် ခပ်တည်တည်ပဲ ဆိုခဲ့နိုင်ပြီ မဟုတ်ပါလား။

    ဒီလိုနဲ့ ၄၃၆ နဲ့ ၅၉-စ အပါအဝင် အခြေခံဥပဒေရဲ့ အရေးကြီး အချက်များလည်း မပြင်နိုင်ဘဲ နှစ်ကုန် ရွေးကောက်ပွဲ ဝင်ရတဲ့ အခြေဆိုက်ခဲ့ပြီ ဖြစ်ပါတယ်။  ဒီရွေးကောက်ပွဲ အတွက် ယှဉ်ပြိုင်ရာမှာကိုက လူမျိုးရေး၊ ဘာသာရေးက နိုင်ငံရေး အမြတ်ထုတ်ရာ အာဏာထောက်ကူပစ္စည်း ဖြစ်နေတာလည်း အခု အာဏာရှင်မှိုင်းမိ အမျိုးသားရေး တက်ကြွလှုပ်ရှားသူများ သဲသဲလှုပ် ထောက်ခံအားပေးဝန်းရံကြတဲ့ အမျိုး၊ ဘာသာ၊ သာသနာ ကာကွယ်စောင့်ရှောက်ရေး မဘသ ဆရာတော် သံဃာတော်များရဲ့ ‘ဘယ်လိုလူမျိုးပဲ မဲပေးရမယ်’ ဆိုတဲ့ တိုက်တွန်းချက် သြဝါဒဆိုတာတွေက သက်သေပါပဲ။  ရွေး ကောက်ခံမယ့် ကိုယ်စားလှယ်တွေဟာ မဘသ ဘုန်းကြီးများရဲ့ အစစ်အဆေးကို အရင်ခံရမယ် အခြေအနေ ဆိုက်နေရတယ် မဟုတ်လား။  ဘုန်းကြီး ကြည်ဖြူ ကျေနပ်သူသာ လူထု မဲရစေရမယ် ဆိုတဲ့ သဘောမျိုး အမျိုးသားရေး သံဃာများ လုပ်ဆောင်ချင်တာ ပြီးခဲ့တဲ့ မဘသ ဗဟို ဒု-ကြိမ် အစည်းအဝေးပြီး ထွက်လာခဲ့တဲ့ ဆုံးဖြတ်ချက်တွေ၊ တိုက်တွန်းချက်တွေက ထင်ထင်ရှားရှား ပြသခဲ့ပါပြီ။

    အခုဆိုရင် မဘသ သံဃာ အစုအဝေးရဲ့ အလုပ်တွေဟာ မျိုးစောင့်ဥပဒေတွေကနေတဆင့် တိုင်းပြည်ရဲ့ ဥပဒေပြုရေးရာ ကဏ္ဍမှာလည်း ဝင်ရောက်ခြယ်လှယ်ခွင့်ရခဲ့ပါပြီ။  တိုင်းပြည်ရဲ့ ရပ်ထဲ ရွာထဲမှာလည်း နဂိုမူလ သဘောမှာကတည်းက ဘာသာရေး ကိုင်းရှိုင်းတဲ့ လူ့အဖွဲ့အစည်းဖြစ်တာကြောင့် ဘာသာရေးခေါင်းဆောင်တွေရဲ့ သြဇာဟာ ကြီးလှလို့ ရပ်ရွာ အုပ်ချုပ်ရေးမှာ အမြဲ ဝင်ဆန့် အာဏာရှိခဲ့တယ်။  တိုင်းပြည်ရဲ့ တရားစီရင်ရေးစနစ်မှာလည်း သံဃာတွေရဲ့ အသံစူး လွှမ်းမိုး မှုကိုလည်း ဦးထွန်းလင်းဦး အမှုက ပြသခဲ့ပါတယ်။

    ဒီလို တိုင်းပြည်ရဲ့ ဥပဒေပြုရေး၊ တရားစီရင်ရေး၊ အုပ်ချုပ်ရေး မဏ္ဍိုင်ကြီး ၃ ရပ်ကို ဘာသာရေးခေါင်းဆောင်တွေ လွှမ်းမိုး သက်ရောက်နေတာအပြင် အခုဆိုရင် တိုင်းပြည်ရဲ့ စတုတ္ထမဏ္ဍိုင်လို့ ခေါ်ဆိုကြတဲ့ စာနယ်ဇင်း ကဏ္ဍမှာပါ အမျိုးသားရေး သံဃာများရဲ့ ဂျာနယ်၊ မဂ္ဂဇင်းတွေ တွေ့နေရပါပြီ။  (ဒါက ပယောဂကင်းတဲ့ ဘာသာရေးစာပေ ကဏ္ဍကို ဆိုခြင်း မဟုတ်ပါ။)

    မဘသ ကိုယ်တော်များဟာ ရွေးကောက်ပွဲ ဖြစ်စဉ်မှာလည်း ဝင်ရောက် အရွေးခံခွင့် မရှိလို့ မပါတာကလွဲလို့ အမျိုးသားရေး အတွက် ဘယ်သူ့ ဘယ်ဝါ၊ တော်၏ မတော်၏ လူထုကို တအိမ်ဝင် တအိမ်ထွက်တောင် မဲဆွယ် စည်းရုံး၊ မှတ်ချက်ပြု လမ်းညွှန်ကာ ပါတီအာဏာနိုင်ငံရေးမှာ ထဲထဲဝင်ဝင် ပါဝင်ပတ်သက်မယ် အခု တရားဝင် ဆိုနေနိုင်ပြန်ပါတယ်။

    ဆိုတော့ တိုင်းပြည်ကို ၂၀၀၈ အခြေခံဥပဒေ အကာအကွယ်နဲ့ စစ်ဗိုလ်အဟောင်းအသစ်များ အုပ်ချုပ်နေတဲ့အပြင် အမျိုးသား ရေးသံဃာအစုအဖွဲ့ကလည်း သူ့နည်းသူ့ဟန်နဲ့ သြဇာရှိ၊ အာဏာထက် ဦးဆောင်နေတယ်လို့ သုံးသပ်နိုင်ပါတယ်။

    ဒါတွေအားလုံးရဲ့ ရင်းခံအကြောင်းကတော့ သူသူကိုယ်ကိုယ် လူအများရဲ့ မသိစိတ်နဲ့ ရင်ဘတ် နှလုံးသားမှာ စွဲထင်နေတဲ့ လူမျိုးရေး၊ ဘာသာရေး သူငယ်နာမစင်မှု ရောဂါ အခံကြောင့်ပါလို့ ကောက်ချက်ဆွဲချင်ပါတယ်။  ဒီလို ကုလားမုန်း၊ တရုတ် မုန်း လူမျိုး/ဘာသာ အလာဂျီ ရနေတဲ့ စိတ်အခံ Mindset တွေကို လူအများစုကြီးက မပြင်နိုင်သရွေ့တော့ အာဏာနိုင်ငံရေး၊ စစ်အုပ်စု အသက်ရှည်ရေးအတွက် ဝံသာနု အမျိုး၊ ဘာသာတရားများက ဓားစာခံ ဖြစ်နေဦးမှာပါပဲ။

    ဒီလို အနေအထားမှာ တကိုယ်ရေ မိသားစုအလိုက် တနိုင် လုပ်ဆောင်နိုင်တာတွေ ရှိပါတယ်။  လူမျိုးရေး၊ ဘာသာရေး အစွဲပြင်းထန်မှုတွေ လျှော့ကြပါ။  ဒီမိုကရေစီ ပြည်ထောင်စု တိုင်းပြည်မှာ လူမျိုး၊ ဘာသာအားလုံး နိုင်ငံသား အားလုံး သမ္မတ ဖြစ်ခွင့်ကနေ အသေးအဖွယ် စင်ပေါ်တက် တရားဟောခွင့်ပေးတဲ့ ကိစ္စမျိုး အထိ အားလုံး တန်းတူခွင့်တူ ဖြစ်ရမယ် ဆိုတာကို နှစ်နှစ်ကာကာ နှလုံးသွင်းနိုင်ကြပါ။  လာမယ့် ရွေးကောက်ပွဲ အတွက်ဆိုရင်လည်း ကိုယ့်အိမ်ကို ဘာသာရေးခေါင်းစဉ် အောက်မှာ မဲပေးရေးနဲ့ ပတ်သက်ပြီးလာရောက် ပြောဆိုဆွေးနွေးစည်းရုံးသူ ရှိရင် လက်မခံပါနဲ့။  ဒါဟာ လက်ရှိတည်ဆဲ အခြေခံဥပဒေနဲ့ ဆန့်ကျင်ကြောင်း ပြန်လည် ထောက်ပြကြပါ။

    ဒီလို တဦးချင်းက ဘာသာ၊ လူမျိုး ပြင်းထန်စွန်းရောက် ဇောင်းမပေး၊ ဘာသာရေးနဲ့ နိုင်ငံရေး၊ အုပ်ချုပ်ရေး လုံးလုံး ခွဲခြား မြင်နိုင်တဲ့ အပြုအမူ၊ အကျင့်အကြံ၊ အတွေးအခေါ်တွေ တည်ဆောက်နိုင်ရင် အာဏာအတွက် ဘာသာကို အသုံးချလို သူများဖြစ်ဖြစ်၊ အမျိုးသားရေး တဖက်စွန်းရောက်သူများရဲ့ အန္တရာယ်ကို ဖြစ်ဖြစ်၊ အမုန်းတရားပွားလိုသူများရဲ့ သွေးထိုး လှုံ့ဆော် ရန်မီးပွားမှုကို ဖြစ်ဖြစ် တိုင်းပြည်မှာ ကာကွယ်နိုင်ပါပြီ။  လူများစု၊ လူနည်းစု၊ လူတဦးချင်း အားလုံးရဲ့ ရပိုင်ခွင့်၊ အခွင့်အရေး၊ လွတ်လပ်မှုနဲ့ လူ့ဂုဏ်သိက္ခာကို တပြေးညီ အာမခံတဲ့ ဒီမိုကရေစီ အကျင့်အကြံတွေကို တိုင်းပြည်စနစ်မှာ ခိုင်မာအသားကျ အရိုးစွဲအောင် ကျွန်တော်တို့ လူတဦးချင်းမှာလည်း တာဝန်ရှိပါတယ်။  ၂၀၁၅ အလွန်မှာ ဒီမိုကရေစီ အဝါ၊ ဒီမိုကရေစီ အစိမ်းတွေ ပပျောက် ဖြူစင် စစ်မှန်တဲ့ ဒီမိုကရေစီစစ်စစ် အရိပ်အယောင်လေး မြင်ရဖို့ ဘာသာရေးဗန်းပြ အာဏာနိုင်ငံရေး အမြတ်ထုတ်နေမှုတွေကို သတိပြုဆင်ခြင်စေချင်ကြောင်း တိုက်တွန်းနှိုးဆော်လိုက်ကြောင်းပါ။

    ငြိမ်းချမ်းအေး
    ဇွန် ၂၅၊ ၂၀၁၅ (စာပြီးရက်စွဲ)

    (သည်လေဒီးစ် သတင်းဂျာနယ်၊ အတွဲ (၂)၊ အမှတ်စဉ် (၆၇)၊ (၂၀၁၅) ခုနှစ် ဇွန်လ (၂၆) ရက်၊ သောကြာနေ့ထုတ်၌ ပုံနှိပ်သည်။  မိုးမခတွင်လည်း အွန်လိုင်း ဖြန့်ချိသည်။  ဆောင်းပါးပါ အာဘော်ကို ဝေဖန်ရန် လွတ်လပ်စွာ မှတ်ချက်ပြုနိုင်ပါ သည်၊ [email protected] သို့လည်း စာရေးနိုင်ပါသည်။)

  • “ပီတာဇော်မြင့် အမျိုးသားရေး အပင်းဆို့၍ တဒင်္ဂ ရူးသွားခြင်း”

    “ပီတာဇော်မြင့် အမျိုးသားရေး အပင်းဆို့၍ တဒင်္ဂ ရူးသွားခြင်း”

    10559931_10205299986192163_7044384160346219458_nငြိမ်းချမ်းအေး FB စာမျက်နှာ မှ ကူးယူဖော်ပြပါသည်။

    .
    ကာမသုခ ဓာတ်ချောင်းကို ပါးစပ်က အယုတ္တအနတ္တ အလေဏတောတွေ ထွက်တတ်တဲ့ ကိုယ်တော် အတွက် သုံးနှုန်းရမှာ။ ဇော်ဇော်အောင်က ပြောင်းပြန် ပြောခဲ့တယ်။

    တကယ်တော့ ဆရာဇော်ကိုချည်း အပြစ်တင်လို့ မရဘူး။ အဲဒီ အချိန်က ပြည်တွင်း စာနယ်ဇင်းကြီး တချို့က တိုင်းမ် ဆောင်းပါးကို တလွဲတွေ ဘာသာပြန်ခဲ့တယ်၊ သိသိသာသာကြီးကို မကောင်းပုံဖော်တဲ့ ဘာသာပြန်မှုတွေ လုပ်ခဲ့တယ်။ ဒါကြောင့် မူရင်း ဆောင်းပါး တမ်းမဖတ်ဖြစ်တဲ့ ပြည်တွင်းက နာမည်ကြီး အင်္ဂလိပ်စာတတ်များကိုယ်တိုင် အတော်နာခဲ့ကြတယ်၊ စိတ်ခံစားမှု အရင်းခံနဲ့ တုံ့ပြန်ခဲ့ကြတယ်။ ဇော်ဇော်အောင် စာက အဲဒီလို အနေအထေားမှာ ရေးခဲ့တဲ့ စာတပုဒ်၊ စာပြီး နေ့စွဲက ၉ ဇူလိုင်၊ ၂၀၁၃။ အဲဒီတုန်းက အွန်လိုင်းပေါ် မရောက်တော့ လူမသိခဲ့ဘူး။ ပုံနှိပ်ဂျာနယ်ကလည်း လူကြား သိပ်မပြန့်ခဲ့ဘူး ထင်ပါတယ်။
    .
    အလာတူ သဘောမျိုး တခြား နာမည်ကြီးဆရာတွေ အဲဒီတုန်းက ရေးခဲ့ပါတယ်။ ဥပမာ ဆရာ သစ္စာနီ က ဧရာဝတီမှာ ရေးခဲ့တယ်။ ဆိုတော့ အွန်လိုင်းရောက်တယ်၊ လူသိတယ်၊ ကျနော်လည်း ဖတ်ခဲ့ရတယ်။ ဒါကြောင့် အကောက်ယူပုံတွေ ဘယ်လိုမှားနေကြောင်းတောင် တုံ့ပြန်ခဲ့ဖူးတယ်။ ဆရာဇော်ဇော်အောင် စာ ကို အဲဒီတုန်းက ဖတ်ခဲ့ရရင်လည်း အလားတူ တုံ့ပြန်ချက်မျိုးပဲ ပြန်ပေးရမှာပါ။
    .
    အခု ဆောင်းပါး ပေါင်းချုပ် စာအုပ် ထုတ်ရမှာ ဘာကြောင့် ပြန်ထည့်ခဲ့သလဲ ဆိုတာတော့ မေးစရာ ရှိလာတယ်။ ဆရာဇော် ကျန်းမာရေးလည်း သိပ် မကောင်းဘူးလို့ ဟိုတလောက ကြားခဲ့တော့၊ စာအုပ်ပြန်ထုတ်ရာမှာ ပြန်လည် စိစစ်တာတွေ မလုပ်နိုင်ခဲ့ဘူး ထင်တယ်။ ထုတ်ဝေသူကပဲ ဂျာနယ်မှာ ရေးခဲ့သမျှ အားလုံးကို စု ထုတ်လိုက်ဟန် ရှိတယ်။
    .
    ဘာပဲ ဖြစ်ဖြစ် ဒီ ဖြစ်စဉ်က ကျနော့် ရဲ့ သီအိုရီ ဖြစ်တဲ့ ဘယ်လို အရင့်အမာ ပုဂ္ဂိုလ်ကြီးမျိုးမဆို လူမျိုးရေး၊ ဘာသာရေး၊ အထူးသဖြင့် မွတ်ဆလင်၊ အထူးသဖြင့် ရိုဟင်ဂျာ စတဲ့ ဆားတမျိုးမျိုးနဲ့သာ ပက် ပေးလိုက် ပရောဂမှန်တော့ အားလုံး တုန်ဆင်း တီကောင်ဆားပက် တုံ့ပြန်ပုံတွေချည်းပဲ ဆိုတာကို ထပ်မံ ထောက်ခံနေတယ်။
    .
    ပြီးတော့ ဗမာပြည်က စာရေးဆရာများ၊ နာမည်ကျော်ကြားသူများ အများစု စိတ်ခံစားမှုတွေ၊ အစွဲ စိတ်အခံတွေနဲ့ ပုဂ္ဂလဓိဋ္ဌာန် (subjectivity) သုံးသပ်ရေးသားမှုတွေသာ ပြုကြတာ များတယ် ဆိုတာကိုလည်း ပေါ်လွင်တယ်။
    .
    ဒီလို လူထုကို မျက်စိ ဖွင့်ပေး၊ နှလုံးသားကို ပျော့ပြောင်း နူးညံ့ ခံစားနားလည်တတ်အောင် သွန်သင်ပေးရမယ့် သြဇာရှိ၊ နာမည်ရှိ ကလောင်ကိုင် စာရေးဆရာ ဆိုသူတွေက အစ အစွဲတွေ မကင်းရင်၊ စာတခုခု မရေးခင် သတင်းအချက်အလက်တွေ၊ ဘာသာပြန်ချက်တွေကို အမှန် ဟုတ်/မဟုတ် ရေဆုံးရေဖျား လိုက်ကြည့်လိုစိတ် မရှိရင် တခြား သာမန်လူတွေ ဘယ်လို ဘာသာ/လူမျိုး အစွဲ စိတ်တွေ ကင်းပါတော့မလဲ၊ အကြောင်းအရင်း အမှန်ကို ရှာဖွေလိုစိတ် ရှိတဲ့ “အကြောင်းကိုသိသော ငါ” တွေ တိုင်းပြည်မှာ ပေါများအောင် ဘယ်လို လုပ်နိုင်တော့မလဲ။

    အစွန်းရောက် အတွေးအမြင် အခြေခံတဲ့ ဘာသာရေးခေါင်းဆောင်တွေကို အာဇာနည်လို့ ထင်၊ တကယ် အမျိုး၊ ဘာသာ၊ သာသနာ ကို အဲဒီလို ပြင်းထန်တဲ့ သဘော၊ နည်းလမ်း၊ အလုပ်တွေနဲ့သာ ကာကွယ်စောင့်ရှောက်နိုင်တယ်၊ ကာကွယ် စောင့်ရှောက်ရမယ်လို့၊ .ဒါမှမဟုတ် ဒါမျိုးလည်း လူ့အဖွဲ့အစည်းမှာ ရှိအပ်တယ်လို့ ယူဆနေသူတွေဟာ လူပြိန်း သာမန် လူအများတင် မဟုတ်ဆိုတာ အစကတည်းက ကျက်မိလို့ အခုကိစ္စမှာ သိပ်တော့ အံ့အားတကြီး မရှိလှပါဘူး။ ဒါပေမဲ့ ဘာသာစုံ၊ လူမျိုးစုံ မှီတင်းနေထိုင်နေတဲ့ ပြည်ထောင်စု တိုင်းပြည် အနာဂတ် အတွက်တော့ အနုတ် လက္ခဏာတွေ ပိုများလာတဲ့ နိမိတ်မို့ ရတက်မအေးဖွယ်ပါပဲ။
    .
    ကိုယ့် လူမျိုး၊ ကိုယ့် ဘာသာ ကို စောင့်ရှောက် ချီးမြှင့် လိုတာ နားလည်နိုင်စရာပါ။ ဒါပေမဲ့ ဒီအတွက် တခြား လူမျိုး၊ ဘာသာ တခုခုကို အမြဲမပြတ် မကောင်းပုံဖော်ပြီး ဖိနှိပ်လိုခြင်း၊ အကြမ်းဖက်မှု ဖြစ်စဉ်တွေ အတွက် တရားကြောင်း ပြန်လှန် အကြောင်းပြလိုခြင်းတွေ အတွက်ကတော့ ငြိမ်းချမ်းသာယာ ဖွံ့ဖြိုးတိုးတက်မှုကို တည်ဆောင်မယ့် ယဉ်ကျေးတဲ့ လူ့အဖွဲ့အစည်းမှာ မလိုလားအပ်ပါဘူး။ ဒီလို သဘောတွေ မစည်ပင်၊ မကြီးပွား လူရာမဝင်သင့်ပါဘူး။ အစွန်းရောက် အမုန်းတရားဟာ နောက်ဖေးလမ်းကြားမှာ ရှိသင့်ပါတယ်။ အိမ်ဦးခန်းတင် မထားသင့်ပါဘူး။
    .
    ပြီးခဲ့တဲ့ (၂) နှစ် (၂၀၁၃) က ဆရာ့ ဇော် စာ၊ ဆရာ သစ္စာနီ စာတွေကို ကြည့်ရင် ဒီ လူမျိုးရေး၊ ဘာသာရေး ပြင်းထန်မှု အမြင်တွေ၊ အမုန်းတွေ၊ ပဋိပက္ခတွေဟာ နိုင်ငံရေး ပယောဂ၊ အာရုံလွှဲမှု၊ နောက်ကွယ်က လက်မည်းကြီး ဆိုတာထက် အများကြီး ပိုကြောင်း ကျနော် မပြတ် ထောက်ပြခဲ့တာတွေကို သက်သေပြု ထောက်ခံနေသလိုပါပဲ။
    .
    ကျနော်တို့ တိုင်းပြည် နဲ့ လူမျိုးစုစုံ အနာဂတ် အတွက် အများကြီး ပြောဖို့၊ ဆိုဖို့၊ အသံထွက်ဖို့၊ အလုပ်တွေ အများကြီး လုပ်ဖို့ လိုနေပါသေးတယ်။
    မြန်မာ့ နှစ်သစ်မှာ ဒီလို စာမျိုး ရေးရလို့ စိတ်မကောင်း ဖြစ်ရပါတယ်။
    .
    နှစ်သစ်မှာ အမုန်းတရား၊ အစွန်းရောက်မှုတွေ ကျဆုံးပါစေ။
    .
    ဉာဏ်ပညာ၊ ချစ်ခြင်းတရားနဲ့ လူသားဝါဒ ထွန်းကားပါစေ။
    .
    ငြိမ်းချမ်းအေး
    ဧပြီ ၁၈၊ ၂၀၁၅

    https://www.facebook.com/nyeinchanaye81/posts/10153220607108704

    ဆက်စပ် ဆောင်းပါး –
    ————————
    ၂၀၁၃ ဇွန်လ တုန်းက ဆရာသစ္စာနီ ရဲ့ “တိုင်းမ်မဂ္ဂဇင်း မီးလောင်ရာ လေပင့်တာလား”ဧရာဝတီ ဆောင်းပါးကို တုံ့ပြန်ခဲ့တဲ့ ကျနော့် ရဲ့ “သစ္စာနီ မီးလောင်ရာ လေပင့်တာလား”

    “…. လူဆိုတာ အတ္တစွဲ၊ အုပ်စုစွဲ၊ လူမျိုး ဘာသာစွဲတွေ အနည်း၊ အများ ရှိတတ်ကြစမြဲမို့ ကျွန်တော်တို့ မမြင်နိုင်၊ ကွယ်နေတဲ့ ဗမာ့မျက်မှောက်ရေးရာမှာ အရေးကြီးတဲ့ ပြဿနာ အရင်းခံ အခြေအနေတခုရဲ့ အတွင်းသဘောတွေကို နိုင်ငံတကာ အမြင်၊ တတိယ ကြားနေအုပ်စု သဘော၊ လွတ်လပ်တဲ့ စာနယ်ဇင်းတခုရဲ့ ထောက်ပြချက် အနေနဲ့ တိုင်းမ်မဂ္ဂဇင်းက ဖော်ထုတ်ရေးသားထားခြင်းကို လက်မခံနိုင်ရင်တောင် အလေးအနက် ထည့်သွင်းစဉ်းစား အရေးတယူ ရှိရပါမယ်။ လုံးဝ အသိအမှတ်မပြု ဥပေက္ခာပြု နေခြင်း၊ ပစ်ပစ်ခါခါ ပြန်လည် ဝေဖန်ခြင်း၊ မဟုတ်ဘူး ဆိုကာ အတွင်တွင် “ဘူး” ခံငြင်းခြင်း စတဲ့ အပြုအမူ၊ သဘောထားတွေဟာ ခေတ်အဆက်ဆက် စစ်အစိုးရတွေ ကျင့်သုံးလာခဲ့ပြီး ဘာတခုမှ အကျိုးရလဒ် မရှိ၊ ကမ္ဘာကလည်း မယုံ၊ ပြည်တွင်း ပြဿနာလည်း အမှန်တကယ် မရှင်းနိုင်ခဲ့တာ သမိုင်းသက်သေ ရှိပါတယ် ခင်ဗျာ။

    အစွဲကင်းတဲ့ ရင်ဘတ် နှလုံးသား စိတ်၊ ကျယ်ပြန့်တဲ့ သဘောထား၊ မှန်ကန်တဲ့ အလုပ်တွေနဲ့သာ ကိုင်တွယ် ဖြေရှင်းမှသာ မိမိလူ့အဖွဲ့အစည်းမှာ စွဲကပ်နေတဲ့ “အမုန်းတရား” နဲ့ ဆက်စပ်တဲ့ ရောဂါစုံ နဲ့ ရေသောက်မြစ် “ဇာစ်မြစ်” အားလုံး ကို အလုံးစုံ အောင်မြင် ပြီးမြောက် အေးချမ်း နိုင်မှာ ဖြစ်ကြောင်း…”

    @ http://burma.irrawaddy.org/religious/2013/06/26/43039.html

  • မန္တလေး ပဋိပက္ခနှင့် ရလဒ် သုည၊ အနာဂတ် သုည

    မန္တလေး ပဋိပက္ခနှင့် ရလဒ် သုည၊ အနာဂတ် သုည

    Two-Motorcycle
    မန္တလေး ပဋိပက္ခကာလအတွင်းက တုတ်၊ ဓားများ ကိုင်ဆောင်ထားသူ ၂ ဦး (ဓာတ်ပုံ – ဧရာဝတီ)

    ဆောင်းပါးရှင် – ငြိမ်းချမ်းအေး

    ၂၀၁၄ ခုနှစ် ဇွန်လ မန္တလေး ဘာသာရေးပဋိပက္ခ နောက်ဆက်တွဲ အရေးယူမှုအဖြစ် သားမယားပြုကျင့်မှု လီဆယ်တိုင်တန်းသူ အပါအဝင် လှုံ့ဆော်သူ စွပ်စွဲခံ ၅ ဦးကို ထောင်ဒဏ်နှစ်ရှည်ချမှတ်ခဲ့ပါတယ်။  ဒါပေမယ့် တိုင်းပြည်ရဲ့ အနာဂတ် သုခချမ်းသာရာအတွက် ဝေဖန်ပိုင်းခြား အဖြေရှာရမယ့် မေးခွန်းတွေက တပုံကြီး ကျန်နေသေးပါတယ်။  လူမျိုးရေး၊ ဘာသာရေး ပဋိပက္ခ အတွက် ရင်းမြစ်တရားခံတွေ၊ နောက်ကွယ်က ကြိုးကိုင် မြှောက်ပင့်ပေးသူတွေ၊ မီးလောင်ရာ လေပင့်စေသူတွေ၊ ဘာသာရေး အဓိကရုဏ်းအတွင်း သေဆုံးခဲ့သူရဲ့ အလောင်းကို မြို့ပတ်စေပြီး သွေးထိုးခဲ့သူတွေ စတဲ့ တခြား သွေးစွန်းတဲ့ လက်တွေအားလုံး စုံလင်ထိုက်သင့်တဲ့ အရေးယူမှုတွေ ပြုလုပ်နိုင်ခဲ့ပါပြီလား။  နောင် ဒါမျိုး အဖြစ်ဆိုးတွေ မဖြစ်ပေါ်နိုင်အောင်ကော ကြိုတင်ကာကွယ် စီစဉ်မှုတွေ အခြေခံကျကျ ပြင်ဆင် ပြုပြင်နိုင်ခဲ့ပါပြီလား။

    ၂၀၁၃ ခုနှစ် မတ်လ မိတ္ထီလာမြို့မှာ ဖြစ်ပွားခဲ့တဲ့ အကြမ်းဖက်၊ မီးရှို့၊ သတ်ဖြတ်ခဲ့မှု ဆိုရင် ၂ နှစ် ရှိခဲ့ပါပြီ။ တရားမျှတမှုတွေ အပြည့်အဝ အလုံးစုံ ဖော်ဆောင်ပြီးပါပြီလား။

    လူ့အဖွဲ့အစည်းမှာကော အမုန်းတရားတွေ လျော့ပါးသွားပါပြီလား။  နိုင်ငံရေးပယောဂ၊ အာရုံလွှဲမှုဆိုတဲ့ လက်ငင်း အကြောင်းကိုပဲ ဇောင်းပေး အကြောင်းပြ ဓာတ်ပြားဟောင်းဖွင့် ဆိုချင်နေကြတုန်းပဲလား။  တခါလာလည်း အစိုးရနဲ့လူထု နိုင်ငံရေးပါတီတွေ၊ လူမှုရေးအဖွဲ့တွေ အပြန်အလှန် နောက်ကွယ်က လက်မည်းကြီး မှန်းဆ စွပ်စွဲ သုံးသပ်ကြတဲ့ ခေတ်ကုန်ပါပြီလား။  အကောင်အထည် တကယ် လက်မည်းကြီး ရှိရင်လည်း နောင် ဝင်မစွက်၊ ကြိုးမဆွဲနိုင်အောင် လက်ထိပ်ခတ်နိုင်ခဲ့ပါပြီလား။  တခုခုဖြစ်လိုက်ရင် ဘာအလုပ်မှ မဖြစ်တဲ့ စုံစမ်းရေး ကော်မရှင်တွေ ဖွဲ့လိုက်၊ စိုးရိမ်ကြောင်း ဟန်ပြစကားတွေ ထုတ်ဆိုလိုက် အခြေအနေကရော ပြောင်းလဲပြီလား။

    ဒီ ရန်ပွဲ၊ ပဋိပက္ခ၊ အငြိုး၊ အမုန်းတွေရဲ့ ဆန့်ကျင်ဘက်အဖြစ် တဖက်မှာ ပြည်ထောင်စုအတွင်းက နိုင်ငံသား လူမျိုး၊ ဘာသာစုံ ဥမကွဲ သိုက်မပျက် ငြိမ်းချမ်းစွာ အတူယှဉ်တွဲနေထိုင်နိုင်ဖို့ သမမျှတတဲ့ ရာသီဥတု အာမခံရာ စနစ်အဖွဲ့အစည်း၊ အစီအမံ၊ အခြေခံ ဥပဒေတွေ၊ လူ့အခွင့်အရေး ပညာပေး လှုပ်ရှားမှုတွေ ဖော်ဆောင်ဖို့ရာရော ဘယ်အခြေအနေများ ရောက်နေ၊ ဘယ်လောက်တောင် တိုးတက်နေပါပြီလဲ။  အမုန်းတရားတွေကို တန်ပြန်ဖို့ရာ ချစ်ကြည်ရေးတရား ပြန့်ပွားမှုတွေ ဘယ်လောက် ထိရောက် လုပ်ဆောင်နိုင်ခဲ့ပါပြီလဲ။

    လူမှုရေး၊ ဘာသာရေး၊ နိုင်ငံရေးအဖွဲ့အသီးသီးက ဘာသာပေါင်းစုံ ချစ်ကြည်၊ ငြိမ်းချမ်းရေး ဖော်ဆောင်နေသူတွေ ကြယ်ငါးပွင့်ဟိုတယ်တွေက ဆွေးနွေးပွဲတွေမှာ သတင်းဖြစ် ပွဲတက်ခံ၊ ဓာတ်ပုံတွဲရိုက်ခံ၊ ခေါင်းဆောင်တွေချည်း  ကြည်စေ၊ အေးစေ၊ ငြိမ်းစေ လုပ်နေကြတဲ့ အဆင့်ကရော တက်ခဲ့ပြီလား။  ဘယ်လောက်အထိ တိုးတက်အောင်မြင် လူအများကြားကို ငြိမ်းချမ်းရေးတရားတွေ ပြန့်နှံ့ စိမ့်ဝင်သက်ရောက်နိုင်ပြီလဲ။ လူမျိုးမတူ၊ ဘာသာကွဲရုံနဲ့ လူသားအချင်းချင်း အမြင်မကြည်လင်မှု၊ သံသယထားမှုတွေ အခု လျော့ပါးခဲ့ပြီလား။ အမုန်းပင်စည် အမြစ်တွယ်မှုတွေကို ဘယ်လောက် လှန်ထုတ် သင်းကွပ် နိုင်ပါပြီလဲ။

    ရုပ်ရှင်၊ သဘင်၊ ဂီတ၊ စာပေ၊ ကာတွန်း၊ ပညာရေးစနစ် စတဲ့ လူထုကြားခံတွေက လူမျိုးမတူချင်း၊ ဘာသာမတူချင်း အမြင်မကြည်လင် မနှစ်မြို့ အယ်လာဂျစ်ဖြစ်တတ်တဲ့၊ တဖက်သတ် ကောက်ချက်ဆွဲတတ်တဲ့၊ ပုံသေကားချပ်ချ ပုံဖော်တတ်တဲ့ အမုန်းပွားရေး ‘ကြောင်ချေး’ တွေရော အခု ကုန်စင် ရှင်းလင်းပြီးပါပြီလား။

    လိုရာဆွဲတွေး ပုံဖော် လူမျိုးရေး၊ ဘာသာရေး သွေးထိုးတတ်တဲ့ အကျင့်တွေ ဖျောက်နိုင်ခဲ့ကြပြီလား။ အသံဝဲဝဲနဲ့ မြန်မာစကားသံကို နားထောင်၊ အသားအရောင်ကို ကြည့် နိုင်ငံသား သတ်မှတ်လိုတဲ့ သဘောထား အမြင်တွေ ရေပန်းမစား ခေတ်ကုန်သွားခဲ့ပါပြီလား။

    ဘာသာ၊ လူမျိုးစုံ မှီတင်းနေထိုင်နေတဲ့ တိုင်းပြည်မှာ လူမျိုစုစုံ ချစ်ကြည်ရေး တိုးပွားစေတဲ့ သင်ရိုးညွန်းတမ်းတွေ ပညာရေးစနစ်မှာ ထည့်သွင်း ပြဌာန်းနိုင်ပြီလား။ မြန်မာပြည်မှာ တလူမျိုး၊ တဘာသာ ဗဟိုပြု “Ethnocentric” ပြုကာ မျိုးမြင့်စိတ်နေ ထောင်လွှား  ပုံဖော်တဲ့ ပညာရေးစနစ်၊ အနုသုခုမ ပုံစံတွေ အခု လျှော့ချပစ်နိုင်ခဲ့ပြီလား။  ခွင့်တူညီမျှ ဝါဒဖြူစင်တဲ့ ပြည်ထောင်စုစစ်စစ် တည်ဆောက်ဖို့ လမ်းစမှန်ပေါ် ရောက်နေပြီလား။

    အထက်မှာ ဆိုခဲ့သမျှ မေးခွန်းများ အားလုံးအတွက် အဖြေက ‘သုည’ ပါ။  ပင်မရေသောက်မြစ် နိုင်ငံရေး သဘောထား စနစ် မပြောင်းလဲမှုနဲ့အတူ လူမှု၊ စီးပွား၊ ပညာ၊ ကျန်းမာ ကဏ္ဍစုံ ဒုံရင်းထက် ပိုဆိုးနေကာ အလုပ်သမား၊ လယ်သမား၊ ကျောင်းသား ပြဿနာစုံ တိုးပွားနေသလို လူမျိုးရေး၊ ဘာသာရေး ပဋိပက္ခတွေလည်း တိုးပွားမြဲ တိုးပွားနေခြင်းကြောင့် အဖြေက ဘဲဥမကွဲရတာပါ။  ဒါကြောင့်လည်း လက်ရှိအစိုးရရဲ့ နောက်ဆုံးနှစ် ၂၀၁၅ အရောက်မှာ တိုင်းပြည်ရဲ့ အထွေထွေ ပြုပြင်ပြောင်းလဲမှုနဲ့ ဒီမိုကရေစီတည်ဆောင်မှုက ရပ်တန့်ရုံမက၊ နောက်ပြန် ကျဆုံးနေတယ်လို့ နိုင်ငံတကာက သုံးသပ်နေကြတာပါ။

    အကျိုးစီးပွား၊ အာဏာ၊ လုပ်ပိုင်ခွင့် ရေရှည်တည်တံ့ရေး မျှော်ကိုး နိုင်ငံရေးစနစ်ကို ဟန်ပြ ပြောင်းပြနေခြင်းကြောင့် လူဆိုး၊ မူဆိုးတွေ ရှင်သန် အမြစ်တွယ်မှုက မပျက်ပါ။  လူမျိုး၊ ဘာသာ ဆက်စပ် ပြဿနာ အတွက်လည်း အခြေခံ ပြောင်းလဲ တိုးတက်မှု လုံးဝ မဖော်ဆောင်နိုင်သေးပါ။  ပြည်တွင်းစစ်အတွက် ဟန်ပြ ငြိမ်းချမ်းရေး အလုပ်တွေသာ ပေါများနေသလို လူမျိုးရေး၊ ဘာသာရေး အမုန်းတွေ အတွက်လည်း ရင်းမြစ် ပြဿနာကို ဖြေရှင်းစေတဲ့ မူဝါဒ၊ အလုပ် ပြောင်းလဲ ဖော်ဆောင်မှုတွေ မလုပ်ချင်ကြသေးပါ။  စစ်အာဏာရှင်စနစ်က ရာစုဝက်ကျော်ကြာ မှိုင်းတိုက်ခဲ့တဲ့ အစွန်းရောက် အမျိုးသားရေး စိတ်အခံဟာ လူအများကြားမှာ အတိုင်းအတာတခုအထိ သက်ရောက်နေကြောင်း မျက်မှောက် ဖြစ်စဉ်တွေက အထင်အရှား ပြသလို့နေပါတယ်။

    ဒါထက် ပိုဆိုးတာက အမုန်းတရား ပွားများလိုသူတွေရဲ့ နောက်ကွယ်က ကြံစည်ချက်စနက်မှာ အမျိုးသားရေး သကြားချိုချို အုပ်ထားတဲ့၊ ရဟန်း သံဃာတွေပါ ဝင်ရောက် အသုံးတော်ခံ ပါဝင်ရတဲ့ မျိုးစောင့် ဥပဒေများဟာလည်း မျက်မှောက်မှာ လုံးလုံး အသက်ဝင်လို့ သွားခဲ့ပါပြီ။ လူ့အခွင့်အရေး၊ အမျိုးသမီး အခွင့်အရေး နိုင်ငံတကာအဆင့် စံချိန်မီတဲ့၊ ကမ္ဘာ့ အနောက် ဒီမိုကရေစီ နိုင်ငံကြီးများထက်တောင် ရိုးရာဓလေ့မှာ အမြင်ကျယ်တဲ့ လူမှုထုံးတမ်းတွေဟာလည်း လူမျိုးရေး၊ ဘာသာရေး၊ နိုင်ငံရေး အရောင်ဆိုးထားတဲ့ ဥပဒေတွေအောက်မှာ ကျဆင်း အားနည်းခဲ့ရပါပြီ။  မျိုးစောင့်ဥပဒေလို ကိစ္စတွေ အခုတရားဝင် နိုင်ငံရဲ့ တရားစီရင်ရေးစနစ်မှာ အကျုံးဝင် ရပ်တည်လာခဲ့ပြီမို့ လူမျိုးရေ၊ ဘာသာရေး ခွဲခြားမှုကိစ္စက ပိုတောင် ယိုယွင်း ဆုတ်ယုတ်လာတယ် ဆိုရမှာပါ။

    ဒါ့အပြင် ဒီမိုကရေစီ ရှေ့ဆောင် နိုင်ငံရေး ပါတီကြီးလိုမျိုးက အစလည်း အစိုးရနဲ့ ရွေးကောက်ပွဲ ကော်မရှင်ရဲ့ တင်းကျပ်မှု၊ ပြဿနာ အရှာခံရမှု လွတ်အောင်၊ အမျိုးသားရေးသမားများလည်း ကြည်ဖြူအောင်၊ လူအများလည်း ထောက်ခံအောင် ဘာသာရေး လူမျိုးရေး ကိစ္စတွေများ ပေယျာလကန် ပြုခဲ့တာတွေလည်း တွေ့ခဲ့ရပါပြီ။

    လူ့အဖွဲ့အစည်းမှာ သြဇာကြီးတဲ့ ဘာသာရေးခေါင်းဆောင် ဘုန်းတော်ကြီးများ ပါဝင်တဲ့ သံဃာအဖွဲ့အစည်းတွေရဲ့ အမြင်ကလည်း ဝေဝါးနေပါတယ်။  ကျောင်းသားတွေနဲ့ ပညာရှင်တွေ တောင်းဆိုတဲ့ ဒီမိုကရေစီပညာရေး ပြုပြင်ပြောင်းလဲမှု ဥပဒေကြမ်းတွေကို သံဃာအဖွဲ့စုံ ဝေဖန်ထောက်ပြ အသံတွေ ညံခဲ့တဲ့ ပြီးခဲ့တဲ့ ဖြစ်စဉ်က သက်သေပါပဲ။  ဒီကိစ္စမှာ ကျောင်းသားလှုပ်ရှားမှုကို အားပျော့စေလိုတဲ့ နိုင်ငံရေးပယောဂ၊ အုပ်စိုးသူ အာဏာရှိသူတွေရဲ့ ဖိအားကြောင့် ပါတယ်ဆိုတာ မှန်ပေမယ့် မီးမရှိဘဲ မီးခိုးမထွက်ပါဘူး။

    ဒါတွေအပြင် စစ်အစိုးရအဆက်ဆက် ကုလသမဂ္ဂ လူ့အခွင့်အရေး ကိုယ်စားလှယ်တိုင်းနဲ့ အဆင်မပြေ၊ သူတို့ပြောသမျှ လက်မခံ၊ ဘူးခံငြင်းတဲ့ အနေအထားကလည်း အခု ပြောင်းမသွားတဲ့အပြင် ပိုတောင်ဆိုးလာပါတယ်။  အရင်က အစိုးရ တခုတည်းက ကုလသမဂ္ဂကို ပြန်လည် အပြစ်တင်ခဲ့ရာက အခုဆိုရင် လူမျိုးရေး၊ ဘာသာရေး အခြေခံ  ပြင်းထန်မှုကြောင့် နိုင်ငံရေးပါတီများနဲ့ လူမှုအဖွဲ့တချို့ကပါ ကုလကိုယ်စားလှယ်ကို ကန့်ကွက်တာ၊ ဆန္ဒပြတာတွေလည်း လုပ်ပြခဲ့ကြပါပြီ။  ကုလသံကိုယ်စားလှယ်ကို ကမ္ဘာကျော် စော်ကားပြောဆို တိုင်းထွာမှုကိုလည်း ခပ်တည်တည်ပဲ အသာ နှာစေး ပြဝံ့ခဲ့ကြပါပြီ။

    တကယ်တော့ အားမနာ မညှာစတမ်း သုံးသပ်ရရင် မျက်မှောက် ဒီမိုကရေစီစနစ် အမည်ခံထားတဲ့ တိုင်းပြည်က လက်ရှိ လူ့အခွင့်အရေး၊ ဘာသာရေး လွတ်လပ်ခွင့်၊ အမျိုးသမီး အခွင့်အရေးတွေဟာ စစ်အစိုးရခေတ်အတိုင်း မပြောင်းလဲ သေးတဲ့အပြင် တချို့ကဏ္ဍတွေမှာ ပိုလို့တောင် နိမ့်ကျလာတယ် ဆိုရပါမယ်။ လူထုရဲ့ သဘော စိတ်ဓာတ်ဟာလည်း ငြိမ်းချမ်းရေး၊ လူမျိုး၊ ဘာသာ မခွဲ သွေးစည်းချစ်ကြည်ရေးကို အခြေခံကျကျ နှစ်နှစ်ကာကာ အစွဲကင်းကင်း လုပ်လိုစိတ်၊ မြင်လိုစိတ်၊ ကျင့်ကြံလိုစိတ် မရှိဘူးလို့လည်း ဆိုနိုင်ပါတယ်။ ဘာသာ၊ လူမျိုး မခွဲဖို့ အကြောင်းတွေ ရေးရင်၊ ပြောရင် ရေးသူ ပြောသူနဲ့ စာနယ်ဇင်းကို ခေါင်းစဉ်တပ် တံဆိပ်ခတ် အမြဲ စွပ်စွဲချင်ကြတာလည်း သတိထားမိတယ်။

    သူလိုကိုယ်လို လူသာမန်မှာတောင်မှ လူမျိုး၊ ဘာသာ ဆိုတဲ့ လူမှုအသိုင်းအဝန်းက ကန့်သတ်လိုက်တဲ့ သညာတွေ၊ ပညတ်ချက်တွေ ပါလာတာနဲ့ အစွဲမကင်းတဲ့ သဘောထားတွေ၊ တဖက်သတ် ကြိုတင် ကောက်ချက်ချလိုမှုတွေ၊ တိမ်သလ္လာဖုံးနေတဲ့ အမြင်တွေ၊ မကြီးမကျယ်နိုင်တဲ့ ဦးနှောက်၊ ရင်ဘတ်နှလုံးသားတွေ အကြောင်းတွေက နေ့စဉ် လူမှုလောကမှာ၊ သတင်းဖြစ်ရပ်တွေမှာ အသစ် အသစ် အမြဲ ထင်ရှား ဖြစ်ပေါ်နေပါတယ်။  အမုန်းပွားဖို့ ပိုလွယ်တဲ့၊ ထိရောက်မှု ကျယ်ပြန့် မြန်ဆန်တဲ့ အင်တာနက် လူမှုကွန်ရက်များမှာဆို ပိုတောင်ဆိုးပါသေးတယ်။

    ဒါတောင် အစိုးရက လူသုံးများတဲ့ လူမှုကွန်ရက် ဝန်ဆောင်မှုတခုဖြစ်တဲ့ Facebook က တာဝန်ရှိသူတွေနဲ့ တရားဝင် ပူးပေါင်းပြီး အပုန်းအလျှိုး နာမည်ဝှက်တွေနဲ့ အွန်လိုင်း အမုန်းပွားနေသူတွေကို နှိမ်နှင်းနေတယ်လို့ ဆိုပါတယ်။  လက်တွေ့မှာတော့ အွန်လိုင်းမှာ အမုန်းစကားတွေက လျော့မသွားပါ။  နိုင်ငံရေးအရ အစိုးရကို ဝေဖန် အတိုက်ခံတဲ့ လူတွေရဲ့ စာမျက်နှာတွေသာ ပိုမို ကန့်သတ်ခံလာရတာပဲ အဖတ်တင်ပါတယ်။ အမုန်းပွားရေး စာမျက်နှာတွေကတော့ ရှိမြဲ ရှိနေလျက်၊ လူမျိုး၊ ဘာသာ ဆက်စပ် အမှန်တဝက်၊ အမှားတဝက် ပုံဖျက် အချက်အလက်တွေ၊ အမုန်းစကားတွေ၊ ဓာတ်ပုံတွေ ဖြန့်ဝေလျက်ပါပဲ။

    ခြုံပြောရရင် လူမျိုး၊ ဘာသာ အကဲဆတ်မှု လျော့ပါးရေးမှာ အခြေခံကျကျ ခံယူချက်၊ အတွေးအခေါ် ပြောင်းလဲလိုမှုက တဦးချင်းသဘောမှာကို အင်မတန် အားနည်းလှပါသေးတယ်။  ဒါကြောင့်ကို နေ့စဉ် အွန်လိုင်းမှာ အမုန်းပွားလိုသူတွေရဲ့ အလုပ်တွေ တွင်ကျယ်နေတာပါ။  လူတဦးချင်း အသိစိတ်နဲ့ တကိုယ်ရေ ပြောင်းလဲချင်စိတ်မရှိရင် မငြိမ်းချမ်းတဲ့ အနိဋ္ဌာရုံ ဖြစ်ရပ်တွေကို အလိုတူအလိုပါ ဝင်ရောက် ဖန်တီးနေသလို ဖြစ်နေဦးမှာပါပဲ။

    ဒီလိုအနေအထားနဲ့ တိုင်းပြည် အနာဂတ်ဟာလည်း အတိတ်နဲ့ ပစ္စုပ္ပန်လိုပဲ တိုင်းရင်းသား လူမျိုးစု စစ်ပွဲတွေ၊ လူမျိုး၊ ဘာသာ ပဋိပက္ခတွေ တင်းကျမ်းနဲ့ ငြိမ်းချမ်းရေး ပင်စည် မရှင်သန်၊ ဖွံဖြိုးတိုးတက် ချမ်းသာမှု အကိုင်းအခက် မကြီးထွားနိုင်၊ တရားမျှတမှု အသီးအပွင့် မစားသုံးနိုင်၊ လွတ်လပ်အေးချမ်းခြင်း အရိပ်အာဝါသအောက် မခိုလှုံနိုင် ဖြစ်နေဦးမှာပါပဲ။  ဒါကြောင့် ညီညွတ်မျှတ လောကပါလ တရားဓမ္မ ထွန်းကား လွှမ်းမိုး စောင့်ရှောက်တဲ့ သုခချမ်းသာ စံစားရာ ဒီမိုကရေစီ လောကနိဗ္ဗာန် မျက်မှောက်ပြုဖို့ရာလည်း အလှမ်းဝေးနေဦးမယ့် သဘောကို အားလုံး ဆင်ခြင် မြော်ချင့်စေချင်ပါတယ်။  တိုင်းပြည် အနာဂတ် ငြိမ်းချမ်းဖွံ့ဖြိုး ချမ်းသာရာရဖို့ လူတဦးချင်း အသိစိတ်ဓာတ်ရှိရှိနဲ့ ဘာသာစွဲ၊ လူမျိုးစွဲကြီးမှုတွေ လျှော့ချ၊ ပြုပြင်သင့်တာတွေ ပြုပြင်၊ ပြောင်းလဲသင့်တာတွေ ပြောင်းလဲ၊ အလုပ်ကောင်းတွေ၊ ခံယူချက်ကောင်းတွေ စံပြတနိုင် ထားနိုင်ကြစေကြောင်း တိုက်တွန်းချင်ပါတယ်။

    (ငြိမ်းချမ်းအေးသည် အွန်လိုင်းနှင့် ပုံနှိပ် စာနယ်ဇင်းများတွင် မျက်မှောက် ရေးရာနှင့် အထွေအထွေ အာဘော် ဆောင်းပါးများ ရေးသားနေသူ တယောက် ဖြစ်သည်။ [email protected] သို့ ဆက်သွယ်နိုင်သည်။)

    ဧရာဝတီမှ ကူးယူဖော်ပြသည်။
    http://burma.irrawaddy.org/opinion/viewpoint/2015/03/23/72978.html

  • ငြိမ်းချမ်းအေး – အချစ်ဂျီဟဒ် ရှိသလား

    ငြိမ်းချမ်းအေး – အချစ်ဂျီဟဒ် ရှိသလား

    ငြိမ်းချမ်းအေး ရေးသည်။

    10941830_10153128926118704_170431775020291427_n

    မျိုးစောင့်ဥပဒေရဲ့ နောက်ဆက်တွဲထဲက တခုဖြစ်တဲ့ လူဦးရေတိုးပွားနှုန်းထိန်းညှိခြင်းဆိုင်ရာ ကျန်းမာရေးစောင့်ရှောက်မှု ဥပဒေဟာ အခုဆိုရင် လွှတ်တော်က အတည်ပြုပြီးခဲ့ပါပြီ။ တစ်လင်တစ်မယားစနစ် ဥပဒေက လွှတ်တော်မှာ နောက်ဆုံးအစီရင်ခံစာတင်တဲ့ အဆင့်ရောက်နေပါပြီ။ တခြား ဥပဒေ (၂) ခု ဖြစ်တဲ့ ကိုးကွယ်ရာ ဘာသာ ကူးပြောင်းခြင်းနဲ့ လက်ထပ်ထိမ်းမြားခြင်းဆိုင်ရာတွေကလည်း ဥပဒေကြမ်းအဆင့်ပြီးလို့ လွှတ်တော်မှာ ရောက်နေကြပါပြီ။

    ဒီထဲမှာ တစ်လင်တစ်မယား ဥပဒေကလွဲလို့ ကျန် (၃) ခုက လူထု လူအများကြားမှာ ကျယ်ကျယ်ပြန့်ပြန့်ဆွေးနွေး ပြင်းပြင်းထန်ထန် ကန့်ကွက်ဖို့ လိုတဲ့ တိုင်းပြည်အနာဂတ်အတွက် အမှန်တကယ် အရေးကြီး ကိစ္စပါ။ ဒါပေမဲ့ လူအများစုက ဘာသာရေး/လူမျိုးရေး ဆက်စပ်ဆိုတော့ “ငါနဲ့ မဆိုင်ပါဘူးလေ၊ ငါ့တို့ကို မထိပါဘူးလေ” သဘောနဲ့ ဘာသိဘာသာပဲ နေချင်ကြတယ်လို့ ယူဆမိတယ်။ စာနယ်ဇင်းမှာလည်း သတင်းပုံစံပဲ အများစု တွေ့ရတယ်။ ဆွေးနွေးတဲ့ သဘော အများအပြား မတွေ့ရသလို ဖြစ်နေတာ သတိထားမိတယ်။ လူ့အခွင့်အရေးအဖွဲ့တွေနဲ့ လူနည်းစု ဘာသာအဖွဲ့အစည်းတွေရဲ့ ကန့်ကွက်သံကလည်း အင်အားမကြီးခဲ့ဘူး။ ဒီလို ကန့်ကွက်မှုတွေ တိုးလျခဲ့လို့ကို အခု လွှတ်တော်မှာ ဥပဒေတွေ ပြဋ္ဌာန်းနိုင်တဲ့ အဆင့် ရောက်ခဲ့တာပါပဲ။

    တိုင်းပြည်မှာ ဖြစ်ပေါ်နေတဲ့ စစ်အာဏာရှင်စနစ်ဆိုးရဲ့ ဒဏ်ရာ ဒဏ်ချက်များ ဖြစ်တဲ့ ပြည်တွင်းစစ်၊ ငြိမ်းချမ်းရေး ဆွေးနွေးပွဲ၊ နိုင်ငံရေး အကျပ်အတည်း၊ ကျောင်းသား၊ လယ်သမား၊ အလုပ်သမား၊ မြေသိမ်းယာသိမ်း အစရှိတဲ့ အမှု အစုစုက မျက်မှောက်မှာ ထိပ်တန်းရောက်နေတာကြောင့်လည်း ပါတယ် ဆိုတာ နားလည်ပါတယ်။

    အမှန်တော့ ဥပဒေရေးရာက အင်မတန် အလေးထားဖို့လိုပါတယ်။ စစ်အစိုးရအဆက်ဆက် ဖိနှိပ်ရက်စက်မှုမျိုးစုံ ပြုလုပ်ခဲ့တာမှာ အခုနောက်ဆုံး လက်ပံတန်းမှာ ကျောင်းသားကို အကြမ်းဖက်ခဲ့မှု ဖြစ်စဉ်အထိ အားလုံး က တည်ဆဲဥပဒေတွေရဲ့ အရိပ်အာဝါသအောက်ကနေ လုပ်ခဲ့ကြတာပါ။ ဥပဒေအရတို့၊ တရားဝင်တို့၊ အမိန့်အရတို့ရဲ့ အကျိုးဆက်က သိပ်ကြီးပါတယ်။ နာဇီခေတ် ဂျာမဏီမှာ ကျူးလွန်ခဲ့တဲ့ လူမျိုးတုံးသတ်ဖြတ်ခဲ့မှု အားလုံးဟာ အဲဒီခေတ် ဥပဒေတွေနဲ့ အားလုံး တရားဝင် ပါတယ်။

    ဒီလို သဘောကြောင့် ဥပဒေပြုမှုတွေဟာ အရေးကြီးပါတယ်။ အဲဒီမှာမှ အခုလို ဘာသာရေး၊ လူမျိုးရေး ခွဲခြားလိုမှု အခြေခံကလာတဲ့ ဥပဒေတွေက ပိုအလေးထား စဉ်းစားဆွေးနွေး၊ လုပ်သင့်တာ လုပ်၊ ကန့်ကွက်စရာ ရှိရင် ကန့်ကွက်ရာမှာပါ။

    ဒါကြောင့် ကျနော်ဟာ ဒီမျိုးစောင့်ကိစ္စအတွက် စတင်ရာ (၂၀၁၃) အင်းစိန်၊ ရွာမ သံဃာ ဆွေးနွေးပွဲတွေကနေ စ ပြီး နောက်ပိုင်း တလျှောက်လုံး ကြိုးကြားကြိုးကြား ပြန်လည် ဝေဖန် တနိုင် အသံထွက်ခဲ့ပါတယ်။ အခုလည်း ဥပဒေတွေ အတည်ပြုတဲ့ အဆင့်ထိတောင် ရောက်လာပြီမို့ ပြည်တွင်း ဂျာနယ်မှာ (၂) ပတ် ဆက် ဒီကိစ္စကို ဆွေးနွေးခဲ့ပါတယ်။

    တကယ်တော့ အခု ကျောင်းသားသပိတ်၊ လောက်ကိုင်စစ် သတင်းတွေ အရေးကြီးချိန်မို့ ကျနော့် ဒီမျိုးစောင့်အတွက် တန်ပြန်တဲ့ စာတွေက လူစိတ်စားမှု ရှိမှာ မဟုတ်ပါဘူး။ ဒါပေမဲ့ ကျနော့် မူဝါဒက လူစည်ဖို့ မဟုတ်၊ နာမည်ကြီးဖို့ မဟုတ်ဘဲ ပြောသင့်ပြောထိုက်ကို ပြောမှ တနိုင် ကျင့်ဝတ်တာဝန် ကျေမယ်၊ ကိုယ့်ဘာသာ လိပ်ပြာသန့်နိုင်မယ် ခံယူထားလို့ လူအများ ကြိုက်ကြိုက် မကြိုက်ကြိုက် ရေးရခြင်းပါပဲ။

    အခု ဆောင်းပါးကတော့ အရင် ဆွေးနွေးခဲ့ဖူးပါတယ်။ ဒီတပတ် ထုတ်တဲ့ နောက်တပုဒ်ကတော့ အသစ် ဆွေးနွေးချက်ပါ၊ အတည်ဖြစ်သွားပြီ ဖြစ်တဲ့ လူဦးရေတိုးပွားနှုန်းထိန်းညှိခြင်းဆိုင်ရာ ကို ဦးတိုက်ပြီး မျက်မှောက်ရေးရာ နိုင်ငံရေးနောက်ခံနဲ့ ဆွေးနွေးထားတာပါ။

    အခု တင်ဆက်တဲ့ (အရင်အပတ်ထုတ်) ပထမ ဆောင်းပါးမှာတော့ အရင် ဆွေးနွေးဖူးခဲ့တဲ့ ‘Love Jihad’ ကို ပြန်လည် တင်ပြထားပြီး မျိုးစောင့် ပစ်မှတ်ထားလိုတဲ့ ဗမာမွတ်ဆလင် အသိုင်အဝန်းအတွက် သတင်းစကား အကြံပြုထားခြင်းပါ။

    ဗမာမွတ်ဆလင် တွေအနေနဲ့ ဘာသာရေးကို အသုံးချနေတဲ့ အစိုးရကို အားမကိုးဘဲ နိုင်ငံတကာက ဘာသာရေး အဖွဲ့အစည်းမဟုတ်တဲ့ ဘက်မလိုက် လူမှုရေး အဖွဲ့အစည်းတွေ၊ ကုလသမဂ္ဂ လက်အောက်ခံ အဖွဲ့အစည်းတွေနဲ့ ပူးပေါင်း အကူအညီယူပြီး တိုင်းပြည်မှာ လူအများကြား အမုန်းတရားကျယ်ပြန့်အောင် စနစ်တကျ လုပ်နေတဲ့ စွပ်စွဲချက်တွေကို စနစ်တကျ သုတေသနဆန်ဆန် အချက်အလက်နဲ့ ပြန်လည် ချေဖျက်ဖို့ လိုကြောင်း အဓိက အကြံပြု ထောက်ပြ လိုခြင်းပါပဲ။

    ဆွေးနွေးမှုကို အောက်မှာ ရှုပါ ခင်ဗျား။ ဆန္ဒရှိပါကလည်း ပြန်လည် ဝေဖန် ထောက်ပြ ဆွေးနွေးပါ။

    ■ ‘အချစ်ဂျီဟဒ်’ အစ

    ‘Love Jihad’ ဆိုတဲ့ အသုံး လွန်ခဲ့တဲ့နှစ်များကစပြီး နိုင်ငံတကာမှာ ထင်ထင်ရှားရှား ဖြစ်လာတယ်။ ကျနော်တို့ဆီမှာလည်း ဒီသဘောကို နာမည်တပ်လိုက်တာ ဒုတ်ထိုးအိုးပေါက် ‘သားဖောက်သာသနာပြုခြင်း’ ပါတဲ့။ မြန်မာ စကားလုံးရဲ့ ဇာစ်မြစ်သမိုင်း ‘Etymology’ ကို စစ်ရင် နိုင်ငံတကာထက်တောင် စောဦးမလား မသိပါ။ နာမည်ကြီး စာရေးဆရာကြီး တချို့၊ ဘုန်းတော်ကြီး တချို့ အစ္စလာမ်အကြောက်အမုန်း ‘Islamophobia’ စိတ်အခံနဲ့ ဟိုးအရင် ဆယ်စုနှစ်လောက်ကတည်းက ဒီသဘောတွေ မြွက်ဟတတ်တာ သတိထားမိခဲ့ပါတယ်။

    ဒီမှန်းဆသီအိုရီ စွပ်စွဲချက်က မှန်နေရင် တော်သေးတယ်။ မမှန်ရင် အပြောခံရတဲ့ ဘာသာ/လူမျိုးကွဲ တဖက်အုပ်စုက အခံရခက်တာပေါ့။ ပြီးတော့ စကားလုံးအသုံး ပြင်းထန်မှုကြောင့် လူအများကြား ဟုတ်နိုးနိုးနဲ့ ပိုယုံထင်ကြောင်ထင် ဒွိဟဖြစ်လာ၊ ပြဿနာပိုကြီးလာ၊ ရှင်းဖို့ခက်လာပြီး တဖက်နဲ့ တဖက် မယုံသင်္ကာပိုဖြစ်၊ နောက်ဆုံး ပြင်းထန်တဲ့ ပဋိပက္ခတွေ အထိ ဖြစ်လာခဲ့တယ်။ ဒီလိုနဲ့ တိုင်းပြည်မှာ ရာစုနဲ့ချီ တမြေတည်းနေ၊ တရေတည်းသောက်ခဲ့ကြတဲ့ မတူကွဲပြားတဲ့ နောက်ခံရှိ နိုင်ငံသား အချင်းချင်း ရေရှည်မှာ ဖျောက်ဖို့ခက်တဲ့ စိတ်ဝမ်းကွဲ ဒဏ်ရာအမာရွတ်တွေ ထင်ကျန်လာတော့တာပါပဲ။

    ■ ‘မျိုးစောင့်ဥပဒေ’ အကြောင်းရင်းခံ

    သံဃာတော်တချို့ ဦးဆောင်တောင်းဆိုမှုက အစပြုခဲ့ပြီး အခု လွှတ်တော်မှာတောင် တချို့ အတည်ပြုလိုက်ပြီ ဖြစ်တဲ့ ‘မျိုးစောင့်ဥပဒေများ’ ထုတ်ပြန်လိုမှုရဲ့ အရင်းစစ်က ဒီ ‘အချစ်ဂျီဟဒ်’ မှန်းဆသီအိုရီ (Conspiracy Theory) ကြောင့်လို့ ဆိုနိုင်ပါတယ်။ ဒီဖြစ်စဉ်မှာ သတိပြုဖွယ်ရာက ဒီလိုသဘောနီးစပ် စကားမျိုးကို အပြောခံ အုပ်စုဘက်ကပါ ‘အပြောင်အပြက်’ ပြောလေ့ရှိတာကိုပါ။ ကျနော်ကိုယ်တိုင် မကြခဏ ဆိုသလို ကြားဖူးခဲ့တယ်။ ဘာသာကွဲနဲ့ လူငယ် ဘာသာဘာဝ ချစ်ကြိုက်မိရာက လက်ထပ်ဖို့အထိဖြစ်လာရင် ဘာသာတူ သူငယ်ချင်းများကြား နောက်ပြောင်ရင်း ‘ကောင်းတာပေါ့၊ သာသနာပြုပြီးသားလည်း ဖြစ်တာပေါ့..’ လို့ ‘ပြက်ချော်ချော်’ ပြောလေ့ရှိတာ သတိထာမိခဲ့တယ်။ ‘အပြက်အပြက်နဲ့ နှာခေါင်းသွေးထွက်’၊ ‘အမှိုက်ကစ ပြဿဒ်မီးလောင်’ ပြီး အခုတော့ ဘာသာကွဲတွေကြားမှာ တကယ် အမြင်မှား၊ ထိထိရောက်ရောက် စွပ်စွဲ၊ အရေးယူချင်စရာ ဖြစ်လာခဲ့ခြင်းဟာ သက်ဆိုင်ရာ ဘာသာဝင်များ သတိပြုဆင်ခြင်ဖွယ်ပါ။

    ■ လက်ထပ်ခြင်းဆိုင်ရာ မတူညီတဲ့ ထုံးတမ်းများ

    ဒီ ‘အချစ် ဂျီဟဒ်’ မှန်းဆချက်ထုတ်မှုက အစွပ်စွဲခံအုပ်စုရဲ့ ဘာသာတရား အစ္စလာမ်ထုံးက လက်ထပ်ခြင်းဆိုင်ရာ ဓလေ့ကြောင့်လို့ ဆိုနိုင်ပါတယ်။ အစ္စလာမ်သာသနာဟာ ပေါ်ထွန်းခဲ့တဲ့ ခေတ်နောက်ခံ၊ ပထဝီဝင် ဒေသ အခြေအနေကြောင့် အခြား ဘာသာကြီးတွေနဲ့ ယှဉ်ရင် လူမှုရေး၊ စီးပွားရေး၊ နိုင်ငံရေးနဲ့ ပတ်သက်တဲ့ လမ်းညွှန်ချက်တွေကို ပိုပြီး တိတိကျကျ ဆိုသလို ပြဋ္ဌာန်း သတ်မှတ်ထားတာ လေ့လာမိသလောက် သတိပြုမိပါတယ်။

    ဥပမာ – စီးပွားရှာရမှာ ဘာသာ ပေါ်ဦးစ ဒေသတွင်း ခေတ်အနေအထား ကြီးစိုးနေတဲ့ အတိုးကြီးစားမှု ကို ပပျောက်စေချင်တော့ အတိုးယူ စီးပွားရှာမှုကို ပြင်းပြင်းထန်ထန် တားမြစ်တာမျိုး၊ ကျေးကျွန်တွေကို လွတ်ငြိမ်းချမ်းသာပေးတာမျိုး၊ အလုပ်သမား လုပ်ခ ကို ဘယ်လိုအချိန်၊ ဘယ်လိုပုံစံနဲ့ မျှမျှတတ ဘယ်လိုပေးရမယ် ဆိုတာမျိုးနဲ့ စီးပွားရှာရာမှရရှိတဲ့ အမြတ်ကို ဘယ်လို သုံးစွဲ၊ စုစောင်း၊ လှူဒါန်းမှုမျိုးပြုရမယ်ဆိုတာမျိုးတွေကို တိတိကျကျ လမ်းညွှန်တာမျိုးကို ဆိုလိုပါတယ်။ ဒါကြောင့် ကိုးကွယ်ယုံကြည်မှုနဲ့ မဆိုင်တဲ့ လွတ်လပ်တဲ့ လေ့လာသူ နိုင်ငံတကာ ပညာရှင်တွေက အစ္စလာမ် အယူဝါဒ ကို စတင်ဖော်ထုတ်တဲ့ ခေါင်းဆောင် တမန်တော် မုဟမ္မဒ် ကိုဆိုရင် သြဇာကြီးမားလှတဲ့ လူမှုရေး ခေါင်းဆောင်၊ နိုင်ငံရေး ခေါင်းဆောင် အနေနဲ့ပါ သတ်မှတ်လေ့ရှိကြတာကို တွေ့ရပါတယ်။

    ဆိုချင်တာက မွတ်ဆလင်တွေအတွက် လက်ထပ်ခြင်းနဲ့ ပတ်သက်လို့ တိတိကျကျ သတ်မှတ်ထားတဲ့ လမ်းညွှန်ချက်တွေရှိပါတယ်။ ဘာသာကွဲသူများအကြား အိမ်ထောင်ပြုမှု အတွက်လည်း အတိအကျ ပြဋ္ဌာန်းထားပါတယ်။ တခြား ဘာသာကြီးတချို့မှာဆိုရင် ဒီလို သတ်မှတ်ချက်မျိုး အတိအကျရယ် မရှိဘူးလို့ ဆိုနိုင်ပါတယ်။

    ဥပမာ – ကမ္ဘာ့ ရှေးအကျဆုံး ဘာသာကြီးတခုဖြစ်တဲ့ ဟိန္ဒူဘာသာယုံကြည်မှုအရဆိုရင် ဘုရားကို ရှာတဲ့ နေရာမှာ၊ ပရမတ္တသစ္စာကို ရှာရမှာ မရေမတွက်နိုင်တဲ့ ကွဲပြားတဲ့ လမ်းတွေ ရှိမယ်။ ဒါပေမဲ့ ခရီးအဆုံးမှာ (နိဗ္ဗာန်မှာ) အားလုံးဟာ အတူတူပဲ လို့ ယူဆတဲ့ အတွက် ဟိန္ဒူတယောက်နဲ့ ဟိန္ဒူမဟုတ်သူ တယောက် အကြားမှာ အဓိပ္ပာယ် သတ်မှတ်ချက် ကွဲပြားမှု မရှိပါဘူး။ ဒါကြောင့် ကိုးကွယ်ယုံကြည်မှုဆိုတာ ပုဂ္ဂလိက အခွင့်အရေးနဲ့ ရွေးချယ်မှု သက်သက် ဖြစ်တယ်၊ ကြိုက်တဲ့ လမ်းရွေး၊ ကြိုက်တာ ကိုးကွယ် ဆိုတဲ့ အယူအဆ အရ ဘာသာကွဲနဲ့ လက်ထပ်မှု ကို သတ်သတ်မှတ်မှတ် လမ်းညွှန်မှု ပြုမထားဘူး။ ဟိန္ဒူအသိုင်းအဝန်းမှာ လူမှုရေးထုံးအရတော့ ရှေးရိုးစွဲများအကြား မတူကွဲပြားအိမ်ထောင်ပြုမှုအပေါ် ပြင်းထန်တဲ့ တားမြစ်ချက်သဘောထားတွေ ရှိပါတယ်။ ဘာသာရေးအရ သီးသန့်လမ်းညွှန်မထားခြင်းကိုသာ ဆိုလိုတာပါ။

    ခရစ်ယာန်ဘာသာမှာ ဆိုရင်လည်း သမ္မာကျမ်းစာကို ဘုရားကျောင်းတော် (ဂိုဏ်း) တခုနဲ့တခု အနက်ကောက်ရာမှာ မတူညီတဲ့ အတွက် ဘာသာကွဲ လက်ထပ်မှု ခွင့်ပြုတာ ရှိသလို၊ ပြင်းထန်တဲ့ အဖွဲ့တွေမှာလည်း တားမြစ်ထားတာ ရှိပါတယ်။ ဓမ္မသစ်ကျမ်းစာမှာ ယုံကြည်မှုမရှိသူ လင် (သို့မဟုတ်) မယားဟာ ယုံကြည်မှုရှိသူ မိမိ အိမ်ထောင်ဖက်မှ တဆင့် မြင့်မြတ်တဲ့ ကောင်းကင်ဘုံကို ရောက်နိုင် တယ် ဆိုတဲ့ သဘောမျိုး ပါတဲ့အတွက် ယေဘုယျ သဘော ဘာသာကွဲနဲ့ လက်ထပ်ခြင်းကို ခွင့်ပြုထားတယ်လို့ ဆိုနိုင်ပါတယ်။ ဒါပေမဲ့ လက်ထပ်မှုပုံစုံ ဘယ်လို၊ ဘယ်ပုံ ဆိုပြီး အတိအကျ လမ်းညွှန်ထားမှုမျိုးတော့ မရှိပါဘူး။

    (စကားချပ် – ကိုးကွယ်ယုံကြည်မှုတွေမှာ ဘာသာတူချင်းတောင်မှ ဂိုဏ်းအမျိုးမျိုးကွဲ၊ ကောက်ယူပုံ၊ နေထိုင်၊ ကျင့်ကြံပုံ အမျိုးမျိုး ရှိပါတယ်။ အခုရေးသားချက်တွေဟာ ယေဘုယျ သဘောသာ ဖြစ်ပါတယ်။)

    ဗုဒ္ဓဘာသာမှာ ဆိုရင်လည်း ကိလေသာနဲ့ ဆက်စပ်တဲ့ အိမ်ထောင်သားမွေးပြုမှုဟာ ဘာသာတရားနဲ့ မပတ်သက်တာကြောင့် လက်ထပ်မှုအပြုဟာ ဘာသာရေးနဲ့ လုံးလုံးမသက်ဆိုင်တဲ့ကိစ္စ ‘Pure Secular Affair’ အဖြစ် သတ်မှတ်ပါတယ်။ ငါးပါးသီလလို ကျင့်ဝတ် ဆိုင်ရာ လမ်းညွှန်ချက်တွေမှာ လိင်ပိုင်းဆိုင်ရာ မလျော်မကန် မပြုအပ်ဖို့ တားမြစ်ထားတဲ့ အချက်တော့ ရှိပါတယ်။ ဒါပေမဲ့ အိမ်ထောင်မှုပြုခြင်း အတွက် သီးသန့်လမ်းညွှန်မှုမျိုးတော့ အတိအကျ မရှိပါဘူး။ ယေဘုယျ ဆိုရရင် ဗုဒ္ဓဟာ ဆင်းရဲခြင်း ချုပ်ငြိမ်းရာ နိဗ္ဗာန်ရောက်ကြောင်း ညွှန်ကြားရာမှာ မွေးဖွား၊ ကြီးပြင်း၊ အို၊ နာ၊ သေ အားလုံးဟာ ဆင်းရဲခြင်းချည်းပဲဆိုတဲ့ ဒုက္ခသစ္စာ အမှန်တရား ကို သိမြင် ရှုတတ်အောင် လမ်းပြခဲ့တဲ့အတွက် အိမ်ထောင်သားမွေးပြုခြင်းရဲ့ ဒုက္ခ ဆင်းရဲခြင်းကို ဟောကြားခဲ့တာတွေ ရှိပါတယ်။ အတိုဆိုရရင် ဗုဒ္ဓဘာသာဝင်တွေ အဖို့ လက်ထပ်ထိမ်းမြားခြင်းဟာ လောကီလူမှုကိစ္စသက်သက်၊ ဘာသာတရားနဲ့ လုံးလုံး မဆပ်စပ်ဘူးလို့ ဆိုနိုင်ပါတယ်။

    အစ္စလာမ်အယူမှာတော့ အိမ်ထောင်ပြုမှုအတွက် လမ်းညွှန်ချက်တွေ သီးသန့်ရှိပါတယ်။ မွတ်ဆလင် အမျိုးသမီးတွေကို ဘာသာကွဲနဲ့ လုံးလုံး လက်ထပ်ခွင့်မပေးပါဘူး။ အမျိုးသားတွေကိုတော့ ကျမ်းစာပါ အခြား ဘာသာ နှစ်ခု ဖြစ်တဲ့ ဂျူး နဲ့ ခရစ်ယာန် ဘာသာဝင် အမျိုးသမီးတွေနဲ့ လက်ထပ်ခွင့်ပေးပါတယ်။ သားသမီးကိုလည်း မွတ်ဆလင် အဖြစ်သာ ကြီးပြင်းစေရမယ်လို့ သတ်မှတ်ထားပါတယ်။ ဒီလို အတိအကျ ပြဋ္ဌာန်းထားခြင်းကလည်း ဘာသာအယူ စတင်ထူထောင်ချိန်က အစ္စလာမ်ဝါဒဟာ ပေါ်ထွန်းရာဒေသတွင်းမှာ အပြင်းအထန် နှိပ်ကွပ်မှုတွေဒဏ်ခံခဲ့ရခြင်းကြောင့် ကာကွယ်တဲ့ သဘော ဆောက်ရွက်ခဲ့ဟန်ရှိတယ်လို့ သမိုင်းနဲ့ယှဉ် သုံးသပ်နိုင်ပါတယ်။

    ဒီသဘောကြောင့် ဒါဟာ မွတ်ဆလင် ဘာသာဝင် အရေအတွက် တိုးပွားအောင် စနစ်တကျ ကြံဆောင်ထားခြင်းသာ ဖြစ်တယ် ဆိုပြီး မှန်းဆသုံးသပ်ကြတဲ့ ‘အချစ်ဂျီဟဒ်’ သီအိုရီ ပေါ်လာခြင်း ဖြစ်တယ်လို့ ယူဆနိုင်ပါတယ်။ မွတ်ဆလင် အမျိုးသားတွေဟာ မွတ်ဆလင် မဟုတ်တဲ့ အခြား ဘာသာဝင် အမျိုးသမီးတွေ၊ အထူးသဖြင့် လူမှု၊ စီးပွား တခုခု ချို့ယွင်းမှု ကြောင့် သိမ်းသွင်းဖို့ပိုလွယ် ‘Vulnerable’ ဖြစ်တဲ့ အမျိုးသမီးတွေကို ချစ်ခင်စုံမက်မှု အကြောင်းပြ လက်ထပ်ပြီး ဘာသာထဲကို သွတ်သွင်းကြရင်း သာသနာပြန့်ပွားအောင် လုပ်နေခြင်းဖြစ်တယ်ဆိုတဲ့ အယူအဆ စွပ်စွဲမှု တရပ် ဘာသာမတူသူတွေကြားမှာ ဖြစ်လာပါတော့တယ်။

    ■ အိန္ဒိယ ဖြစ်စဉ်

    လွန်ခဲ့တဲ့ လေးငါးနှစ်လောက်က အိန္ဒိယမှာ အစ္စလာမ်အခြေခံဝါဒီ အုပ်စုတစုက ဦးစီးပြီး ‘အချစ်ဂျီဟဒ်’ ဆင်နွှဲကာ သူတို့ ဘာသာဝင် အမျိုးသမီးငယ်တွေကို အစ္စလာမ်ဘာသာထဲကို သိမ်းသွင်းနေတယ်ဆိုပြီး ဟိန္ဒူနဲ့ခရစ်ယာန် ဘုန်းကြီးတွေက စွပ်စွဲခဲ့ဖူးပါတယ်။ ဒီလို စနစ်တကျနဲ့ လူပ်ရှားမှု ‘Campaign’ ပုံသဏ္ဌာန် ဆောင်ရွက်နေတဲ့ အစ္စလာမ်အုပ်စုကို နိုင်ငံခြားက အစ္စလာမ် အဖွဲ့တွေကလည်း ငွေကြေးထောက်ပံ့ ကူညီပြီး အားပေးနေတယ်ဆိုပြီး တပါတည်း ဆိုလာခဲ့ကြပါတယ်။ ဒါကြောင့် အစိုးရနဲ့ တရားရေး အဖွဲ့တွေက ဒီကိစ္စကို တရားဝင် စုံစမ်းစစ်ဆေးမှုတွေ လုပ်ခဲ့ဖူးကြပါတယ်။ ပုဂ္ဂလိက တဦးချင်း ဆန္ဒနဲ့ မိမိ ဇနီး၊ မယား ဘာသာခြားကို အဓမ္မ ဘာသာပြောင်းခိုင်းမှုတချို့ တွေ့ရှိခဲ့ပေမဲ့ အဖွဲ့အစည်း ပုံစံ၊ ရည်ရွယ်ချက် ရှိရှိ ကျူးလွန်မှု ပုံစံမျိုးနဲ့ စနစ်တကျ ကျယ်ကျယ်ပြန့်ပြန့် လုပ်တာမျိုး မတွေ့ရဘူးလို့ စစ်ဆေး ဖော်ထုတ်တွေ့ရှိချက်ကို သတင်းထုတ်ပြန်ခဲ့ပါတယ်။ ဒါပေမဲ့ ပြင်းထန်တဲ့ အမျိုးသားရေး စာနယ်ဇင်း တချို့က ဒီကိစ္စကို အလေးပေး ရေးသား ဆွေးနွေးနေဆဲပါ။ အထူးသဖြင့် ဘာသာရေး အစွန်းရောက်တွေက မုန်းတီးမှုတွေ လူအများကြား ပြန့်နှံ့စေဖို့ အွန်လိုင်းမှာ အင်တိုက်အားတိုက် ဝါဒဖြန့်နေကြဆဲပါပဲ။

    ■ ယူကေ ဖြစ်စဉ်

    ဗြိတိန်နိုင်ငံမှာလည်း အလားတူ စွပ်စွဲမှုမျိုး နိုင်ငံသား အိန္ဒိယအနွယ် ဆစ်ခ်လူမျိုးစု အသိုင်းအဝန်းမှာ ဖြစ်ခဲ့ဖူးပါတယ်။ ဆစ်ခ် အမျိုးသမီးငယ် ပညာတတ်လေးတွေဟာ မွတ်ဆလင်တွေရဲ့ ပစ်မှတ်ထား ‘အချစ်ထောင်ခြောက်’ နဲ့ သိမ်းသွင်းခြင်း ခံနေရတယ်။ နောက်ပိုင်းမှာ အဓမ္မ ဘာသာပြောင်းခံရမှုတွေ ကျယ်ကျယ်ပြန့်ပြန့် ဖြစ်နေတယ် ဆိုပြီး ဆစ်ခ်တွေကြား စိုးရိမ်မှုတွေ ဖြစ်ပေါ်ခဲ့ဖူးပါတယ်။ ဒါကြောင့် (၂၀၀၈) ခုနှစ်တုန်းက လိဒ်စ်တက္ကသိုလ် ‘လူမျိုးစု နှင့် လူမျိုးရေးခွဲခြားမှု လေ့လာရေး’ ဌာန က ဦးစီးပြီး လွတ်လပ်တဲ့ ပညာရပ်ဆိုင်ရာ လေ့လာဆန်းစစ်မှု လုပ် စစ်ဆေး တွေ့ရှိချက်ကို အစီအရင် ခံစာ ထုတ်ခဲ့ရဖူးပါတယ်။ လေ့လာချက်အရ်စွပ်စွဲမှုတွေဟာ အခြေအမြစ်မရှိဘဲ ချဲ့ကားပြောဆိုမှုတွေသာ ဖြစ်တယ် ဆိုတာ တွေ့ရှိခဲ့တယ်။ မွတ်ဆလင်တွေကို မကောင်းဆိုးဝါးတွေ အဖြစ် ယူဆနေတဲ့ အစ္စလာမ် အကြောက်၊ အမုန်း ရောဂါရဲ့ လက္ခဏာ တရပ်သာ ဖြစ်တယ်ဆိုပြီး အဆုံးသတ် ကောက်ချက်စွဲ ထုတ်ပြန် ခဲ့ရဖူးပါတယ်။

    ■ ဗမာပြည် ဖြစ်စဉ်

    ဆိုလိုချင်တာက ‘အချစ်ဂျီဟဒ်’ ပြဿနာ ဟာ နိုင်ငံတကာမှာလည်း စိုးရိမ်စွပ်စွဲမှုတွေ ရှိခဲ့တယ်။ မှန်ကန်တဲ့ အရေးယူ ဆောင်ရွက်မှုတွေ လည်း ပြုခဲ့တယ် ဆိုတာကို မြင်စေလိုခြင်းပါ။ အခု ကျနော်တို့ဆီမှာလည်း လွန်ခဲ့တဲ့ နှစ်အနည်းငယ်က အစ နိုင်ငံရေး ပယောဂကြောင့်လည်းပါတဲ့ ဘာသာရေး အမုန်းပွားမှု၊ အကြမ်းဖက်မှုတွေနဲ့အတူ ဒီ ‘အချစ်ဂျီဟဒ်’ သဘောကို အသားပေး လူအများကြား ပြောဆို၊ ဆွေးနွေးလာကြသလို၊ ဘာသာရေးအစွဲကြီးသူ တချို့ကလည်း အွန်လိုင်း/ပြင်ပ ပြင်းပြင်းထန်ထန် ဝါဒဖြန့်ချိ လာကြပါတယ်။ ဘာသာရေး ပဋိပက္ခ ဖြစ်ပေါ်စေလိုသူတွေ၊ ခေတ်နောက်ပြန်ဆွဲသမားတွေ၊ အစွန်းရောက် ကျဉ်းမြောင်းသူတွေကလည်း နေရာတိုင်းမှာ ဘာသာမတူသူချင်းအကြား ပိုမို အထင်အမြင် လွဲမှားစရာ အဖြစ်အပျက်တွေကို ချဲ့ကား ဖော်ထုတ်ခြင်း၊ မမှန်အချက်အလက်များကို ပုံဖျက် ဖြန့်ဖြူးနေခြင်းဖြင့် လူအုပ်စု နှစ်စု အကြား အမုန်းတရားနဲ့ သံသယဟာ လူ့အဖွဲ့အစည်းအတွင်းမှာ ပြန့်နှံ့လာနေပါတယ်။ မန္တလေးက နာမည်ကျော် အမျိုးသားရေးကိုယ်တော်ရဲ့ လူမှုကွန်ရက်စာမျက်နှာမှာဆို နေ့စဉ် ဒီကိစ္စဆက်စပ်ချည်းပဲ အတင်းချရာ၊ ဝါဒဖြန့်ရာ နေရာဖြစ်လို့နေပါတယ်။ အခုနောက်ဆုံး အစိုးရနဲ့ လွှတ်တော်ကလည်း မလိုလားအပ်တဲ့ အငြင်းပွားဖွယ် ဥပဒေတွေပြုဖို့အထိ ဖြစ်လာခဲ့ရပါပြီ။

    ■ ဘာစလုပ်သင့်သလဲ

    ဖြစ်သင့်တာက နိုင်ငံတကာမှာလို အစိုးရ၊ ဘာသာရေး၊ လူမှုရေး အဖွဲ့အစည်းတွေ၊ ပညာရှင်တွေက ဦးစီးပြီး လွတ်လပ်မျှတပြီး မြင်သာ ထင်သာရှိတဲ့ ပညာရပ်ဆိုင်ရာ စုံစမ်းစစ်ဆေးမှုမျိုး အရင် ပြုလုပ်ရပါမယ်။ ပြီးတော့ ထုတ်ဖော်တွေ့ရှိချက် ကို အများပြည်သူနဲ့ နိုင်ငံတကာ၊ အထူးသဖြင့် ကမ္ဘာ့မွတ်ဆလင် အသိုင်းအဝန်းကို မှန်မှန်ကန်ကန် အကျိုး/အကြောင်း အညီ ချပြနိုင်ရပါမယ်။ ‘အချစ်ဂျီဟဒ်’ သီအိုရီဟာ လူအများ ထင်ယောင်မှားမှုလား၊ အစ္စလာမ် အမုန်းရောဂါ ရဲ့ ပြဿနာ နောက်ဆက်တွဲလား၊ ဒါမှမဟုတ် တကယ်ပဲ လက်တွေ့ လူ့အဖွဲ့အစည်းက အမျိုးသမီးငယ်တွေ ခံစားနေရသလား ဆိုတာ ဘက်မလိုက်တဲ့ စုံစမ်းစစ်ဆေးမှု အရင်လုပ်ရပါမယ်။ လူမျိုး/ဘာသာအစွန်းရောက်တွေ အွန်လိုင်းနဲ့အပြင်မှာ လက်လွတ်စပယ်၊ လေဖမ်းဝါးလုံးတန်းချည် ပြောဆို၊ ရေးသား နေမှုမျိုး၊ အမှန်တဝက် အမှားတဝက် ရောစွက် ပုံဖျက်ထားတဲ့ အချက်အလက်မျိုး၊ အမုန်းစကားပွား ဝါဒဖြန့် မှိုင်းတိုက်နေမှုမျိုးတွေကို အခြေခံပြီး ဥပဒေတွေပြုချင်လို့ မဖြစ်ပါ။ ဘက်မလိုက်၊ အစွဲကင်းတဲ့ ပကတိ အခြေအမှန်ကို အရင်သိအောင် သုတေသန ပြုရပါမယ်။

    တကယ်တော့ ကျနော်တို့ ပြည်တွင်းမှာလည်း ‘Love Jihad’ စွပ်စွဲမှုဟာ နိုင်ငံတကာမှာလိုပဲ ယုတ္တိကျတဲ့ အချက်အလက်ကို နောက်ခံ ထားခြင်း မဟုတ်ပါ။ အမုန်းတရားဖြန့်ဖြူးခြင်းသက်သက်ပါပဲ။ ဒါကို ချေဖျက်နိုင်အောင်၊ နောက်ဆက်တွဲ ဖြစ်ပေါ်နေတဲ့ မလိုလားအပ်တဲ့ ဥပဒေတွေ၊ အမုန်း၊ အာဃာတ၊ အငြိုး၊ ရန်ပွဲတွေ တိုင်းပြည်မှာ ဆက်လက် ရှင်သန် မီးမတောက်အောင် ဗမာမွတ်ဆလင် (ဗမာပြည်က နိုင်ငံသား အစ္စလာမ် ဘာသာဝင်) အသိုင်းအဝန်းကိုယ်တိုင်က ဦးဆောင် ဆော်သြပြီး သိပ္ပံနည်းကျ ပညာရပ်ဆန်ဆန် လေ့လာမှုတွေ အဖွဲ့ပေါင်းစုံပါ ဘက်မလိုက်အဖွဲ့တွေနဲ့ အတူ ပြုလုပ်ဖို့ လိုနေပါတယ်။

    ‘သားဖောက်သာသနာပြုနေတယ်’ ရိုးစွပ်လိုမှု ပပျောက်သွားရင် အမုန်းတရားပွားလိုသူများရဲ့ လှည့်ကွက် စနက်တွေ အလုပ်ဖြစ်အောင်မြင် တွင်ကျယ်တော့မှာ မဟုတ်ပါ။ ဒါမှ ဘာသာ/လူမျိုးစုံ ချစ်ကြည် ငြိမ်းချမ်း ဖွံ့ဖြိုးတိုးတက်တဲ့ အနာဂတ် ဒီမိုကရေစီ နိုင်ငံတော်သစ်ကို တည်ဆောက်နိုင်မှာပါ။ အချစ်ဂျီဟဒ်နဲ့ အစ္စလာမ်အမုန်းရောဂါ ဆက်စပ်အကြောင်းအရာတွေ နောက်အပတ်တွေမှာ ဆက်လက် ဆွေးနွေး တင်ပြပါမယ်။

    ငြိမ်းချမ်းတဲ့ လူ့ဘောင်သစ်ကို မျှော်ရည်လျက်…။

    ငြိမ်းချမ်းအေး
    “အချစ်ဂျီဟဒ် ရှိသလား”
    မတ် ၀၃၊ ၂၀၁၅ (အသစ်ပြင်ဆင်တည်းဖြတ် ရေးခဲ့သည့် ရက်စွဲ)

    (မျိုးစောင့်ဥပဒေ ပြဋ္ဌာန်းနိုင်ရန် အမျိုးသားရေး သံဃာတော်များ အင်းစိန်၊ ရွာမ ပရိယတ္တိစာသင်တိုက်တွင် ဆွေးနွေးတိုက်တွန်း ကနဦး ကြေညာချက်ထုတ်ပြန်ခဲ့သည့်ကာလ (၂၀၁၃) ခုနှစ် ဇွန်လ (၁၇) ရက်နေ့တွင် မိုးမခ၌ တုံ့ပြန် ပြန်လည်ဆွေးနွေး ရေးသားခဲ့သည့် “Love Jihad Conspiracy: ‘အချစ်ဂျီဟဒ်’ ရဲ့ နောက်ဆက်တွဲ စာမျက်နှာများ” ဆောင်းပါးဟောင်းကို ကျောရိုး အခြေခံ၍ အသစ် ပြန်လည်ရေးခဲ့ခြင်း ဖြစ်သည်။ မန္တလေး Friday Times News Journal အတွဲ (၁)၊ အမှတ် (၄)၊ (၂၀၁၅) ခုနှစ် မတ်လ (၀၆) ရက် သောကြာနေ့ထုတ်တွင် ပုံနှိပ်ခဲ့သည်။ ဆောင်းပါးပါ အာဘော် ကို ဝေဖန်ရန် လွတ်လပ်စွာ မှတ်ချက်ပြုနိုင်ပါသည်၊ [email protected] သို့လည်း စာရေးနိုင်ပါသည်။)

    မူလ မိုးမခ ဆောင်းပါး: “Love Jihad Conspiracy: ‘အချစ်ဂျီဟဒ်’ ရဲ့ နောက်ဆက်တွဲ စာမျက်နှာများ”
    @ http://gita.cc/archives/1585
    http://www.moemaka.blogspot.com.au/2013/06/nyein-chan-aye-love-jihad-and-next.html

    ဆောင်းပါးရှင် ငြိမ်းချမ်းအေး၏ FB စာမျက်နှာမှ ကူးယူဖော်ပြပါသည်။