Tag: OIC

မန္တလေး တိုင်းသာသနာရေး ဝန်ကြီး OIC ကိစ္စ သံဃာများနှင့် အစ္စလာမ်အဖွဲ့ ခေါင်းဆောင်များအား တွေ့ဆုံ

အောက်တိုဘာ၊ ၁၄၊ ၂၀၁၂

M-Media

မန္တလေး။ ။ ယနေ့ ၁၄-၁၀-၂၀၁၂ တနင်္ဂနွေနေ့လည်ပိုင်းတွင် မစိုးရိမ်တိုက်ဟောင်းတွင် မန္တလေးတိုင်းဒေသကြီး မဟာသံဃာနာယက ဆရာတော်ကြီးများနှင့် မြ၀တီမင်းကြီးကျောင်းတိုက် ဆရာတော်အမှူးပြုသော သံဃာတော်များနှင့် အစ္စလာမ်ဘာသာရေးအဖွဲ့အစည်း အသီးသီးမှခေါင်းဆောင်များအား မန္တလေးတိုင်းဒေသကြီး သစ်တောနှင့် သတ္ထုတွင်း၊ သာသနာရေးဝန်ကြီးမှ တွေ့ဆုံ၍ သာသနာရေးဆိုင်ရာကိစ္စရပ်များ-လက်ရှိ ဖြစ်ပေါ်နေသော ကိစ္စရပ်များနှင့်ပတ်သက်ပြီးရှင်းလင်း တင်ပြလျှောက်ထားခဲ့ပါသည်။

ဆရာတော်ကြီးများက အိုအိုင်စီ နှင့်ပတ်သက်၍ သံဃာတော်များ ဗုဒ္ဓဘာသာဝင်များ၏ စိုးရိမ်ပူပန်မှု များကိုမိန့်ကြားခဲ့ပြီး ဝန်ကြီးမှ အိုအိုင်စီရုံးဖွင့်လှစ်ခွင့်ပြုမည်မဟုတ်ကြောင်းနှင့် ယနေ့ည၈နာရီသတင်းတွင် တရားဝင်ကြော်ငြာပေးမှာဖြစ်ကြောင်း လျှောက်ထားခဲ့ ပါသည်။

ဆရာတော်များနှင့်အစ္စလာမ်ဘာသာခေါင်းဆောင်များက ငြိမ်းချမ်းစွာ အတူယှဉ်တွဲနေထိုင်ရေး-ဘာသာရေး အထင်အမြင်လွဲမှုများပပျောက်ရေး-ဖြစ်ပေါ်နေသောပဋိပက္ခများ ငြိမ်းအေးစေရေးတို့အတွက် ငြိမ်းချမ်းရေးတရားများ အပြန်အလှန်ပြောဟောပြီး-ချစ်ကြည်ရင်းနှီးစွာဖြင့် အခမ်းအနားရုပ်သိမ်းလိုက်ပါသည်။

အခန်းအနားတွင် ဆရာတော်ဦးဝီရသူမှ ဘာသာပေါင်းစုံ ဆုတောင်းပွဲများကို အစိုးရမှပိတ်ပင်ခြင်းများမပြုပါရန် မိန့်ကြားမှုအပေါ် ဝန်ကြီးမှ ခွင့်ပြုပေးပါမည့် အကြောင်းဖြေကြားခဲ့ပါသည်။

Source: Maungmaung Skw FB

October 14, 2012
OIC ၏ ရည်ရွယ်ချက်မှာ ၂ ဘက်စလုံးကို ကူညီရန်ဖြစ်ကြောင်း OIC တာဝန်ခံမှ BBC သို့ပြောကြား

BBC မြန်မာပိုင်း

ဆော်ဒီအာရေဗျနိုင်ငံ အခြေစိုက် အိုအိုင်စီလို့ခေါ်တဲ့ အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ အတွင်းရေးမှူးချုပ်ရဲ့ ပြီးခဲ့တဲ့ ရှေ့ပြေးခရီးစဉ်အတွင်း စက်တင်ဘာ ၁၁ ရက်က အိုအိုင်စီနဲ့ နယ်စပ်ရေးရာဝန်ကြီး ဒုတိယဗိုလ်ချုပ်ကြီး သိန်းဌေးတို့ ပူးပေါင်း ဆောင်ရွက်မှု စာချွန်လွှာကို လက်မှတ် ရေးထိုးခဲ့ကြပါတယ်။

နယ်စပ်ရေးရာဝန်ကြီး ဒုတိယဗိုလ်ချုပ်ကြီး သိန်းဌေး

စာချွန်အရ ရန်ကုန်မြို့နဲ့ စစ်တွေမြို့ အပါအဝင် ရခိုင်ပြည်နယ်မှာ အိုအိုင်စီရဲ့ ရုံးတွေကို ဖွင့်လှစ် သွားမယ်လို့ အိုအိုင်စီက ဘီဘီစီကို ပြောပါတယ်။ အိုအိုင်စီရုံးတွေ ဘယ်တော့ဖွင့်မှာလဲ၊ ဘာတွေ ဆောင်ရွက်မှာလဲဆိုတာ ပြည်သူတွေက စောင့်ကြည့်နေသလို ကန့်ကွက် ဆန္ဒပြမှုတွေကလည်း ရန်ကုန်နဲ့ ရခိုင်ဒေသတွေမှာ ဖြစ်ပွားနေပါတယ်။

လက်ရှိ အခြေအနေမှာတော့ အိုအိုင်စီရုံးကိုဖွင့်ဖို့ ပြင်ဆင်နေပြီး မကြာခင် ဖွင့်လှစ်သွားမယ်လို့ အိုအိုင်စီရဲ့ မွတ်ဆလင် လူနည်းစု ရပ်ဝန်းဌာနရဲ့ ရိုဟင်ဂျာအရေးဆိုင်ရာ တာဝန်ခံ မစ္စ ဒီနာ မန်ဒနီက ဘီဘီစီကို ပြောပါတယ်။

ရန်ကုန်ရုံးကို ဗီဇာကိစ္စ အပါအဝင် ထောက်ပံ့ရေးဆိုင်ရာတွေအတွက် ဖွင့်လှစ်မှာဖြစ်ပြီး၊ စစ်တွေရုံးကိုတော့ လူသားချင်းစာနာမှု အကူအညီတွေ ထောက်ပံ့ပေးရာရုံးအဖြစ် ဖွင့်မယ်လို့ သူက ဆိုပါတယ်။

အိုအိုင်စီက လူဘယ်လောက်လွှတ်မယ် ဆိုတာကိုတော့ မပြောဘဲ ပြည်တွင်းက လူတွေကိုလည်း ငှားရမ်းအသုံးပြုမယ်လို့ ဆိုပါတယ်။

ပြည်တွင်းမှာ အိုအိုင်စီရုံး မဖွင့်ဖို့ကို ပြည်သူတချို့ရော၊ သံဃာတော်တွေကပါ ဆန္ဒပြမှုတွေရှိနေတာကို သိပါသလားလို့ မေးတော့ မစ္စ ဒီနာ မန်ဒနီက ဒါကလူထုရဲ့ ထင်မြင်ချက်သက်သက်သာ ဖြစ်တယ်၊ မြန်မာအစိုးရ သဘောထား မဟုတ်ဘူး။ လူထုထင်မြင်ချက် အပေါ်မှာတော့ ဘာမှ မပြောလိုဘူး။ သူတို့ အိုအိုင်စီဟာ အစိုးရနဲ့လက်တွဲ လုပ်ဆောင်နေတာ ဖြစ်တယ်။ အိုအိုင်စီရုံးတွေ ဖွင့်တယ် ဆိုတာကလည်း ဗုဒ္ဓဘာသာတွေရော မွတ်ဆလင်တွေကိုပါ ကူညီဖို့ ဖြစ်တယ်။ အခုတော့ ရုံးဖွင့်လို့ရတဲ့ အခွင့်အရေးကို ယူပြီး နှစ်ဘက်ကြားယုံကြည်မှုတည်ဆောက်ဖို့ လုပ်ပါမယ်လို့ ဘီဘီစီကို ပြောပါတယ်။

အိုအိုင်စီလို့ခေါ်တဲ့ အစ္စလာမ်နိုင်ငံများအဖွဲ့ဟာ မြန်မာနိုင်ငံနဲ့ ပတ်သက်လာတာဟာ ပြီးခဲ့တဲ့ ရခိုင့်အရေး နောက်ပိုင်းမှသာ ဖြစ်ပါတယ်။ ဒါပေမဲ့ မြန်မာပြည်သူတွေ၊ သံဃာတော်တွေကတော့ အိုအိုင်စီမှာ တခြား လုပ်ဆောင်မှုတွေပါ ပါလာမှာကို စိတ်ပူနေကြလို့ အခုလို အိုအိုင်စီ အလိုမရှိ ဆိုတဲ့ ဆန္ဒပြမှုတွေ ဖြစ်ခဲ့တာပါ။

အစိုးရကလည်း အိုအိုင်စီရုံး ဖွင့်မယ့်ကိစ္စကို လူထုကို ရှင်းရှင်းလင်းလင်း အသိပေးတာ မရှိပါဘူး။ ဒါပေမဲ့ မစ္စ ဒီနာ မန်ဒနီကတော့ မစိုးရိမ်ကြဖို့ ပြောပါတယ်။

မြန်မာပြည်သူတွေအနေနဲ့ စိတ်ပူဖို့ မလိုပါဘူး။ အစိုးရနဲ့ လက်မှတ်ထိုးထားတဲ့ ပူးပေါင်းဆောင်ရွက်မှု စာချွန်လွှာကလည်း အင်မတန်မှကို တင်းကျပ်ပါတယ်။ အိုအိုင်စီက လုပ်မှာကလည်း လူသားချင်းစာနာမှု လုပ်ငန်းသက်သက်ပါပဲ။ မြန်မာအစိုးရအနေနဲ့ကလည်း ဒါကို မြန်မာပြည်သူတွေ ရှင်းရှင်းလင်းလင်း သိသွားအောင် ပြောပြသင့်ပါတယ်။ အိုအိုင်စီက ကူညီဖို့ သက်သက်ရုံးဖွင့်တာ၊ တခြား ဘာရည်မှန်းချက်၊ မျှော်မှန်းချက်မှ မရှိပါဘူးဆိုတာကို ပြည်သူတွေကို ပြောပြသင့်ပါတယ်လို့ အိုအိုင်စီရဲ့ ရိုဟင်ဂျာအရေး တာဝန်ခံက ဘီဘီစီကို ပြောပါတယ်။

မြန်မာအစိုးရက လူထုကို ရှင်းရှင်းလင်းလင်း မပြောခဲ့လို့ အိုအိုင်စီအနေနဲ့ မြန်မာလူထုနဲ့ သံဃာတော်တွေကို ကိုယ့်ရုံးလုပ်ငန်းတွေနဲ့ ပတ်သက်ပြီး ရှင်းလင်းပြောပြဖို့ အစီအစဉ် ရှိပါသလားလို့ မေးတာကိုတော့ မစ္စ ဒီနာ မန်ဒနီက အိုင်အိုစီ အတွင်းရေးမှူးချုပ်ရဲ့ ရှေ့ပြေး ခရီးစဉ်တွင်းမှာလည်း ဘာသာရေး ခေါင်းဆောင်တွေနဲ့ တွေ့ဆုံခဲ့ပြီး ဖြစ်တယ်လို့ ဘီဘီစီကို ပြောပါတယ်။

တခါ ရခိုင်ပြည်နယ်အစိုးရ ဝန်ကြီးတပါးရဲ့ စီစဉ်ပေးမှုနဲ့ ဘာသာရေးနဲ့ ရပ်ရွာခေါင်းဆောင်တွေနဲ့လည်း ဆွေးနွေးနိုင်ခဲ့လို့ အိုအိုင်စီရဲ့ လုပ်ဆောင်သွားမယ့် လုပ်ငန်းတွေကို ရှင်းပြခဲ့ပြီးဖြစ်တယ်၊ ဒီလိုပဲ ဆွေးနွေးပြောဆို ပြီးရင် အဆင်ပြေအောင် ညှိနှိုင်း လုပ်ကိုင်နိုင်မှာ ဖြစ်တယ်၊ ဘာမှ ပြောဆိုခွင့် မသာရင်တော့ ပြဿနာတွေကို ရှင်းနိုင်မှာမဟုတ်လို့ နှစ်ဘက်စလုံးက အတူ လက်တွဲလုပ်ဖို့ လိုပါတယ်လို့ မစ္စ ဒီနာ မန်ဒနီက ပြောပါတယ်။

October 11, 2012
ရခိုင်များကိုပါ ကူညီရန် OIC အား မလေးရှား တောင်းဆို

အောက်တိုဘာ၊ ၉ ရက်၊

Source: မဇ္ဈိမ

နယူးဒေလီ (မဇ္ဈိမ) ။ ။ ကမ္ဘာ့မူဆလင်အဖွဲ့ကြီး OIC မှ ကောက်ခံရရှိထားသော လှူဒါန်းမှုများကို ရခိုင်ပြည်နယ် အတွင်းရှိ ရိုဟင်ဂျာများအတွက်သာမကဘဲ ရခိုင် တိုင်းရင်းသားများ အတွက်ပါ ထောက်ပံ့ကူညီမှုများ ပြုလုပ်သွားရန် မလေးရှားနိုင်ငံက တောင်းဆိုလိုက်သည်။

OIC အဖွဲ့ဝင် မူဆလင်နိုင်ငံ တနိုင်ငံဖြစ်သည့် မလေးရှား နိုင်ငံခြားရေးဝန်ကြီး အနီဖာ့ အမန်း Anifah Aman က အင်္ဂါနေ့ ပါလီမန်အတွင်း ပြောကြားလိုက်ခြင်း ဖြစ်ကြောင်း ကွာလာလန်ပူ အခြေစိုက် Bernama သတင်းတရပ်တွင်ဖော်ပြပါရှိသည်။

မလေးရှား နိုင်ငံခြားရေးဝန်ကြီး အနီဖာ့ အမန်း

သောကြာနေ့က ကာတာနိုင်ငံ၊ ဒိုဟာမြို့တွင် ကျင်းပခဲ့သော OIC အထူး အစည်းအဝေးကြီးအတွင်း ကောက်ခံ ရရှိခဲ့သော အမေရိကန်ဒေါ်လာ ၂၅ သန်းနှင့် နောက်ထပ် ထည့်ဝင်ရန်ရှိသော ဒေါ်လာ သန်း ၁ဝဝ ခန့်တို့ကို ရခိုင်ပြည်နယ်ရှိ ရိုဟင်ဂျာ ဒုက္ခသည်များ၏ ပြန်လည်နေရာချထားရေးနှင့် ထူထောင်ရေးလုပ်ငန်းများတွင် အသုံးပြု သွားမည်ဟု OIC က ရည်ရွယ်ထား၍ ယခုကဲ့သို့ မလေးရှားနိုင်ငံက သဘောထား ပေးလိုက်ခြင်း ဖြစ်သည်။

စက်တင်ဘာလ ၁ ရက်နေ့ စာရင်းအရ မလေးရှားနိုင်ငံတွင် ရိုဟင်ဂျာဒုက္ခသည်ပေါင်း ၉၁,၁၉ဝ ယောက် ရှိနေပြီဖြစ်၍ နောက်ထပ် ထွက်ပြေးရောက်ရှိလာမှုမျိုးကိုလည်း ၎င်းတို့အစိုးရအနေနှင့် မလိုလားပေ။

တနင်္လာနေ့ကလည်း မလေးရှား ဝန်ကြီးချုပ်၏ မိတ်ဖက် လူမှုအဖွဲ့တခုဖြစ်သည့် Kelab Putera 1 အဖွဲ့က ရခိုင်ပြည်နယ်ရှိ မူဆလင်နှင့် ရခိုင်ဒုက္ခသည်များအတွက် ဆန်အိတ်၊ သကြားအိတ်၊ အဝတ်အထည်ပုံးများ၊ ဆေးဝါးပုံး များနှင့် ရေသန့်ဗူးများ စစ်တွေမြို့သို့ လာရောက် လှူဒါန်းသွားခဲ့သေးသည်။

မြန်မာနိုင်ငံ၊ ရခိုင်ပြည်နယ်ရှိ အဆိုပါ “အရှုပ်တော်ပုံကြီး” အား မျှတစွာနှင့် သမာသမတ်ကျစွာ ဖြေရှင်းမှုဖြစ်ရန် ကြိုးစားသွားမည်ဟု ပါလီမန်တွင်း မေးခွန်း တရပ်ကို ဖြေဆိုစဉ် နိုင်ငံခြားရေး ဝန်ကြီးက ပြောဆိုသွားသည်။

ရိုဟင်ဂျာအဖွဲ့တခုကမူ ယခုကဲ့သို့ ၎င်းတို့အပေါ် OIC ၏ ထောက်ပံ့မှုအပေါ် ကျေးဇူးတင်ရှိပါကြောင်း စာတစောင် ရေးသားပေးပို့ခဲ့သည်။

ရခိုင်ရိုဟင်ဂျာအဖွဲ့ ARU ခေါင်းဆောင် ဒေါက်တာ ဝါကာအူဒင် က OIC အတွင်းရေးမှူးချုပ်ထံ ရေးသားလိုက်သော စာတွင် ၂ဝ၁၁ ခုနှစ်၊ ဇွန်လက ကဇာ့ခ်စတန်နိုင်ငံတွင် ကျင်းပခဲ့သည့် OIC နိုင်ငံခြားရေး ဝန်ကြီးများ ကောင်စီ အစည်းအဝေးမှ စတင်ကာ မြန်မာပြည်အရေးနှင့် ပတ်သက်၍ OIC ၏ ဆောင်ရွက်မှု အဆင့်ဆင့်ကို ဖော်ထုတ် ချီးကျူးထားသည်။

ယခုဆိုလျှင် OIC နှင့် မြန်မာအစိုးရတို့ ဆက်ဆံရေးများ ထူထောင်လာနိုင်ကာ အဆင့်မြင့်ကိုယ်စားလှယ်အဖွဲ့ နှစ်ကြိမ်စေလွှတ်နိုင်ခဲ့ပြီး လူသားချင်း စာနာမှုဆိုင်ရာ စောင့်ကြည့်ရေးရုံး နှစ်ရုံးကိုလည်း မြန်မာနိုင်ငံတွင် ဖွင့်လှစ် သွားရန် အစိုးရနှင့် သဘောတူညီမှု ရရှိခဲ့ပြီး ဖြစ်သည်။

သို့သော် အဆိုပါ OIC ရုံးများ နိုင်ငံတွင်း လာရောက်ဖွင့်လှစ်ထားရှိခြင်းအား ဒေသခံ ရခိုင်လူမျိုးများက ကန့်ကွက် ဆန္ဒပြမှုများလည်း ဖြစ်ပေါ်နေသည်။

ကမ္ဘာတဝှန်းရှိ ရိုဟင်ဂျာများအား စုစည်းရန်အတွက် ARU ကို OIC အဖွဲ့ကြီးမှ ၂ဝ၁၁ ခုနှစ်၊ မေလအတွင်းက ဖွဲ့စည်းပေးထားခြင်းဖြစ်သည်။

October 9, 2012
ဘာသာတရားများကို အသေရေဖျက်မှုအပေါ် ဥပဒေထုတ်ပြန်ရန် ကုလသမဂ္ဂအား အင်ဒို သမ္မတ တိုက်တွန်း

စက်တင်ဘာ၊ ၁၉၊ ၂၀၁၂

M-Media

အင်ဒိုနီးရှားသမ္မတ ယူဒိုယိုနို

ဂျကာတာ(ဆင်ဟွာ)။ ။ အင်ဒိုသမ္မတယူဒိုယိုနို (Susilo Bambang Yudhoyono)က ကုလသမဂ္ဂနှင့် OIC တို့အား တမန်တော်မုဟမ္မဒ်ကို အသေရေဖျက်ရိုက်ကူးထားတဲ့ ဗီဒီယိုဖိုင်ကြောင့် ကန့်ကွက်ဆန္ဒပြမှုတွေဖြစ်ပေါ်လာခဲ့တဲ့ အတွက်ဘာသာရေး အသေရေဖျက်မှုကို စည်းမျဉ်းထုတ်ပြန်ဖို့ အလေးအနက် တိုက်တွန်းလိုက်တယ် လို့အင်္ဂါနေ့ကသတင်းမှာ ဖေါ်ပြပါရှိပါတယ်။

အနောက်ဂျာဗားရှိ စီရီဘွန်းမြို့(Cirebon) မှာ နာ့လာ့ဟ်တူအိုလမာ(Nahdlatul Ulama) အမျိုးသားတွေ့ဆုံပွဲ မတိုင်ခင်မိန့်ခွန်းတစ်ခုမှာ ယူဒိုယိုနိုက `ကျွန်တော် OIC နဲ့ UN ကို အခုလိုကိစ္စမျိုးတွေ နောက်ထပ်ဖြစ်ပွားမှုမှ ကာကွယ်ရန် အပြည်ပြည်ဆိုင်ရာ စည်းမျဉ်း ဥပဒေထုတ်ပြန်ဖို့ အလေးအနက်ထား စဉ်းစားဖို့ မေတ္တာရပ်ခံထားပါတယ်´ လို့ The Innocence of Muslims လို့ အမည်ရတဲ့အစ္စလာမ့် ဆန့်ကျင်ရေး ဗီဒီယိုကို ရည်ညွှန်းပြီးပြောဆိုသွားပါတယ်။

ဘာသာတရားအသရေဖျက်မှုဟာ ဘာသာရေး ကိုင်းရှိုင်းသူတွေရဲ့ နှလုံးသားကိုထိခိုက်စေတယ်၊ ငြိမ်းချမ်းရေးကိုပျက်ပြားစေပြီး ဆိုးဝါးတဲ့ ပဋိပက္ခတွေကို စတင်စေနိုင်တယ်လို့ ဂျကာတာဂလိုဘယ် သတင်းက ယူဒိုယိုနိုရဲ့ ပြောကြားချက်ကို ကိုးကားဖော်ပြသွားပါတယ်။

အဲဒီဗီဒီယိုဖိုင်ကို အင်ဒိုအစိုးရရဲ့အမိန့်နဲ့ အင်ဒိုနီးရှားမှာ ပိတ်ပင်ထားပြီးဖြစ်ပါတယ်။ ကောပ့်တစ်အမေရိကန်ခရစ်ယာန်တစ်ယောက်ဖြစ်သူတစ်ယောက်က ထုတ်လုပ်လိုက်တဲ့ ဗီဒီယိုဖိုင်ကြောင့် အမေရိကန်ဆန့်ကျင်ရေးဟာ အရှေ့အလယ်ပိုင်းနဲ့အင်ဒိုနီရှားတစ်လျှောက်မှာ ဖြစ်ပွားခဲ့ပြီး လစ်ဗျားနိုင်ငံဆိုင်ရာ အမေရိကန်သံအမတ် ခရစ်စတိုဖာ စတီဖင် (Christopher Stevens)နဲ့ အခြားအမေရိကန်သုံးဦး အသတ်ခံရတဲ့ အထိဖြစ်ပွားခဲ့ပါတယ်။

electric
http://news.xinhuanet.com/english/world/2012-09/18/c_131857657.htm မှ ကောက်နှုတ် ဘာသာပြန်ဆိုသည်။

September 19, 2012
OIC လူသားချင်း စာနာမှု ဆိုင်ရာရုံး မြန်မာနိုင်ငံတွင် ဖွင့်လှစ်မည်

စက်တင်ဘာ၊ ၁၂ ၊ ၂၀၁၂

Source: RFA
OIC လို့ခေါ်တဲ့ အစ္စလာမ္မစ် ပူးပေါင်း ဆောင်ရွက်ရေးရုံးဟာ လူသားချင်း စာနာမှုဆိုင်ရာ ရုံးတစ်ရုံး ဖွင့်လှစ်ဖို့ မြန်မာအစိုးရနဲ့ သဘောတူညီချက် လက်မှတ် ရေးထိုးလိုက်တဲ့အကြောင်း OIC သံအမတ် Tariq Bakheet က မနေ့က ကြေညာပါတယ်။

ကူဝိတ်နိုင်ငံမှာရှိတဲ့ OIC အထွေထွေ အတွင်းရေးမှူးရုံးမှာ ဗုဒ္ဓဟူးနေ့က လုပ်တဲ့ သတင်းစာ ရှင်းလင်းပွဲမှာ အဲဒီလို ပြောကြားလိုက်တာ ဖြစ်ပြီး ရိုဟင်ဂျာ မူဆလင်တွေနဲ့ ပတ်သက်လို့ ဆက်လက်ဆောင်ရွက်ရမယ့် ကိစ္စအတွက် OIC အတွင်းရေးမှူးချုပ်က အချက်အလက် ရှာဖွေတဲ့ အဖွဲ့တစ်ဖွဲ့ စေလွှတ်ခဲ့ပြီး ဒီသဘောတူညီချက်ကို အင်္ဂါနေ့က လက်မှတ်ရေးထိုး ခဲ့တယ်လို့ Mr. Bakheet က ပြောပါတယ်။

ဒါဟာ ထူးခြားပြီး အပြုသဘောဆောင်တဲ့ တိုးတက်မှုလို့လည်း ပြောပါတယ်။ OIC အတွင်းရေးမှူးချုပ်လည်း မြန်မာနိုင်ငံ သွားရောက်ဖို့ အစီအစဉ်ရှိပြီး ဒီခရီးအတွက် မြန်မာအစိုးရနဲ့ အစီအစဉ် လုပ်နေတယ်လို့လည်း ဆိုပါတယ်။

OIC ကိုယ်စားလှယ် အဖွဲ့ဝင်တွေဟာ မြန်မာနိုင်ငံမှာ လုပ်ငန်းတွေ ဆက်လက် ဆောင်ရွက်နေပြီး တာဝန်ရှိသူတွေနဲ့ ဆွေးနွေးတဲ့အပြင် နေရပ်က ရွှေ့ပြောင်း ရသူတွေ ရှိနေတဲ့ နေရာတွေကိုလည်း ကွင်းဆင်းတယ်လို့ ဆိုပါတယ်။

September 13, 2012