အစ္စလာမ်မစ် ပူးပေါင်းဆောင်ရွက်ရေးအဖွဲ့ (OIC) အထွေထွေအတွင်းရေးမှူးနှင့် အဖွဲ့ ရန်ကုန်မြို့မှ ပြန်လည်ထွက်ခွာ
=========================
နေပြည်တော် နိုဝင်ဘာ ၁၇
ပြန်ကြားရေးဝန်ကြီးဌာန
အစ္စလာမ်မစ် ပူးပေါင်း ဆောင်ရွက်ရေး အဖွဲ့ (OIC) အထွေထွေ အတွင်းရေးမှူး မစ္စတာ အီမယ်လ်ဒင် အီဆန် အိုဂလူနှင့် (OIC) အဖွဲ့ဝင် နိုင်ငံခြားရေး ဝန်ကြီးများ ပါဝင်သော ကိုယ်စား လှယ်အဖွဲ့သည် ယနေ့ နံနက်ပိုင်းတွင် ရန်ကုန်မြို့မှ လေကြောင်း ခရီးဖြင့် ပြန်လည် မထွက်ခွာမီ ရန်ကုန် အပြည်ပြည်ဆိုင်ရာ လေဆိပ်၌ သတင်းဌာန များမှ မီဒီယာများနှင့် တွေ့ဆုံသည်။
ရှေးဦးစွာ OIC အထွေထွေအတွင်းရေးမှူးက မြန်မာနိုင်ငံခရီးစဉ်နှင့်ပတ်သက်၍ ရှင်းလင်းပြောကြားသည်။
၎င်းက ယခုခရီးစဉ်တွင် မိမိနှင့်အတူ တူရကီနှင့် ဂျီဘူဘီ နိုင်ငံတို့မှ နိုင်ငံခြားရေးဝန်ကြီးများ၊ ဘင်္ဂလားဒေ့ရှ်၊ အီဂျစ်၊ အင်ဒိုနီးရှား၊ မလေးရှားနှင့် ဆော်ဒီအာရေဗီးယားနိုင်ငံတို့မှ အဆင့်မြင့် ကိုယ်စားလှယ်များ လိုက်ပါခဲ့ကြ ပါကြောင်း၊ သုံးရက် တာခရီးစဉ်အတွင်း တာဝန်ရှိသူများနှင့် တွေ့ဆုံခွင့်ရရှိခဲ့ပါကြောင်း၊ ထိုသို့တွေ့ဆုံစဉ် ဆွေးနွေးမှုများမှာ အကျိုးဖြစ်ထွန်းမှုရှိပြီး အပြုသဘောလည်းဆောင်ပါကြောင်း။
ရခိုင်ပြည်နယ်သို့ သွားရောက်လေ့လာခွင့်ရရှိခဲ့ပြီး တာဝန်ရှိသူများက အကူအညီများ ပေးကြသဖြင့် ခရီးစဉ် အဆင်ပြေ ချောမွေ့မှု ရှိခဲ့ပါကြောင်း၊ ရခိုင်ပြည်နယ်အပါအဝင် နိုင်ငံတစ်ဝန်းတွင် လူမျိုးရေး အကြမ်းဖက်မှုများပပျောက်ရေး ဆောင်ရွက် ရန်၊ ပြည်သူများအား အကြမ်းဖက်မှုများမှ အကာအကွယ်ပေးရန်၊ လူ့အခွင့်အရေးအား လေးစားလိုက်နာရန်နှင့် အခြေခံ လွတ်လပ်ခွင့်များရရှိစေရန် ဆောင်ရွက်မည့် နိုင်ငံတော် အစိုးရ၏ ကြေညာချက်များနှင့် အာမခံပြောကြားချက်များကို သိရှိခဲ့ရပါကြောင်း။
မိမိတို့အဖွဲ့ ကွင်းဆင်းလေ့လာ သွားရောက်ခဲ့ရာတွင် ရခိုင်ပြည်နယ်အတွင်း ပြည်သူများ တွေ့ကြုံ ခံစားနေရမှုများနှင့် ပတ်သက်၍ လက်တွေ့နားလည်ခွင့ျရရှိခဲ့ပါကြောင်း၊ ကိုင်တွယ်ရခက်ခဲသည့် အခြေအနေ တစ်ရပ်ဖြစ်ပြီး လူ့အသိုက် အဝန်းများအကြား ပြန်လည်သင့်မြတ်မှုရရှိစေရန် အစိုးရ၏ ကြိုးပမ်း ဆောင်ရွက်ချက် များကို သိရှိနားလည်ပါကြောင်း။
ဒုက္ခသည်များနှင့် မိမိတို့တွေ့ဆုံကာ ၎င်းတို့၏ ရင်ဖွင့်ပြောကြားချက်များကို နားထောင်ခဲ့ရပါကြောင်း၊ ၎င်းတို့၏ သတင်း စကားကို မိမိတို့ သိခွင့်ရရှိသကဲ့သို့ မိမိတို့၏ သတင်းစကားကိုလည်း ၎င်းတို့ကို အသိပေး ခဲ့ပါကြောင်း၊ အစိုးရအဖွဲ့၊ အိမ်နီးချင်းနိုင်ငံများနှင့် နိုင်ငံတကာ အသိုက်အဝန်းတို့က ၎င်းတို့၏ ဒုက္ခခံစား နေရမှုများကို သက်သာရာရရှိစေရေးအတွက် အကူအညီများကို ဆက်လက်ပေးအပ်သွားမည်ဖြစ်ပါကြောင်း။
မတူကွဲပြားသည့် ယုံကြည်ချက်များရှိလင့်ကစား ငြိမ်းချမ်းစွာ အတူယှဉ်တွဲနေထိုင်လာရာမှ အကြမ်းဖက်မှု များဖြစ်ပေါ်ရခြင်း သည် ဘာသာရေးအယူအဆကြောင့်မဟုတ်ဘဲ သာမန်ရာဇဝတ်မှု ကျူးလွန်သည့် ပုဂ္ဂိုလ်ရေး လုပ်ရပ်အဖြစ်သာ ဖြစ်သဖြင့် ပြစ်မှုကျူးလွန်သူများကို တရားဥပဒေနှင့်အညီ အရေးယူသွားရမည် ဖြစ်ပါကြောင်း။
ဖြစ်ပေါ်နေသည့် အဓိကပြဿနာမှာ အကြမ်းဖက်ဖြေရှင်းတတ်သည့် နည်းလမ်းကို အသုံးပြု နေခြင်းဖြစ်ပါကြောင်း၊ အပြန်အလှန် ယုံကြည်မှုပျက်ပြားခြင်းသည် အကြမ်းဖက်မှုကိုသာဖြစ်ပေါ်စေပါကြောင်း။
မိမိတို့၏ အိုင်အိုစီအဖွဲ့အပေါ် နားလည်မှုလွဲမှားနေသည့်အချက်ရှိပါကြောင်း၊ မိမိတို့၏ အဖွဲ့အစည်းသည် ဘာသာရေး အဖွဲ့အစည်း တစ်ခုဖြစ်သည်ဟု နားလည်မှု လွဲမှားနေပါကြောင်း၊ အမှန်မှာ အိုင်အိုစီအဖွဲ့သည် International Inter- governmental Organization တစ်ခုသာလျှင် ဖြစ်ပါကြောင်း၊ အစိုးရအဖွဲ့အချင်းချင်း အပြန်အလှန်ပူးပေါင်း ဆောင်ရွက် သည့် အဖွဲ့အစည်းသာ ဖြစ်ပါကြောင်း။
အိုင်အိုစီအဖွဲ့တွင် အဖွဲ့ဝင် ၅၇ နိုင်ငံပါရှိပြီး လေ့လာသူအဆင့် ငါးနိုင်ငံ ရှိပါကြောင်း၊ ထိုင်းနိုင်ငံသည် မိမိတို့အဖွဲ့တွင် လေ့လာသူအဆင့် နိုင်ငံဖြစ်ပါကြောင်း၊ အမေရိကန်၊ ဗြိတိန်၊ ပြင်သစ်၊ အီတလီစသည့် နိုင်ငံများသည် မိမိတို့အဖွဲ့နှင့် ပူးပေါင်းဆောင်ရွက်နေပြီး အထူးသံတမန်များကိုထားရှိကာ လုပ်ငန်းများကို လက်တွဲ ဆောင်ရွက်လျက်ရှိပါကြောင်း၊ အာရှ၊ ဥရောပ၊ အာဖရိက၊ လက်တင်အမေရိက ဒေသများတွင် လူမှုရေးနှင့် စီးပွားရေးဖွံ့ဖြိုးတိုးတက်မှုများ ရရှိစေရန် အိုင်အိုစီနှင့် ကမ္ဘာ့နိုင်ငံအများအပြား ပူးပေါင်းဆောင်ရွက် လျက်ရှိပါကြောင်း၊ အခြေခံအဆောက်အအုံ စီမံကိန်းများအတွက်လည်း မိမိတို့ အကူအညီများပေးလျက်ရှိ ပါကြောင်း၊ အိုင်အိုစီသည် နိုင်ငံရေး၊ စီးပွားရေး၊ လူမှုရေးကဏ္ဍများအားလုံးအတွက် အကူအညီ များ ပေးအပ်လျက် ရှိပါကြောင်း။
လူမျိုးရေးပဋိပက္ခများ ဒေသတစ်ခုမှတစ်ခုသို့ ကူးစက်ပျံ့နှံခြင်းမရှိစေရန် ဝိုင်းဝန်းကြိုးပမ်းကြရမည် ဖြစ်ပါကြောင်း၊ လူမှုရေး စာနာထောက်ထားမှု အကူအညီများကို မိမိတို့ပေးအပ်ရာတွင် လူမျိုး၊ တိုင်းရင်းသား မျိုးနွယ်နှင့် ဘာသာရေး တို့အပေါ်အခြေခံ၍ ခွဲခြားဆက်ဆံမှု မပြုပါကြောင်း၊ ဘက်လိုက်ခြင်းကို မိမိတို့ ကျင့်သုံးမည် မဟုတ်ပါကြောင်း။
မိမိတို့သည် အစိုးရအဖွဲ့ချင်းဆက်ဆံသော အဖွဲ့အစည်းဖြစ်သဖြင့် လူသားချင်းစာနာထောက်ထားမှု ဆိုင်ရာ အကူအညီများကို မြန်မာအစိုးရမှတစ်ဆင့် ပေးအပ်သွားမည်ဖြစ်ပါကြောင်း၊ အပြန်အလှန် ယုံကြည်မှုရှိကြပြီး ငြိမ်းချမ်းစွာ အတူယှဉ်တွဲနေထိုင် နိုင်စေရန် အိုင်အိုစီအဖွဲ့က ကြိုးပမ်းသွားမည်ဖြစ်ပါကြောင်း။
မြန်မာနိုင်ငံ၌ အစိုးရက ပြုပြင်ပြောင်းလဲရေးအစီအစဉ်များအား ချမှတ်နေခြင်းကို မိမိတို့ အသိအမှတ်ပြု ပါကြောင်း ဖြင့် ပြောကြားသည်။
ထို့နောက် သတင်းဌာနများ၏ မေးမြန်းချက်များကို အိုင်အိုစီအတွင်းရေးမှူးက ပြန်လည်ဖြေကြားခဲ့သည်။
မေး။ အခုခရီးစဉ်အတွင်း ရရှိခဲ့တဲ့ ရလဒ်တွေနဲ့ ပတ်သက်ပြီး သိရှိလိုပါတယ်။
ဖြေ။ အိုင်အိုစီအဖွဲ့ရဲ့ အခုခရီးစဉ်ဟာ အချက်အလက် ရှာဖွေရေးခရီးစဉ်ဖြစ်ပြီး ဒုက္ခရောက်နေ သူတွေကို ဘယ်လိုအကူအညီ တွေပေးသွားနိုင်မယ်ဆိုတဲ့ နည်းလမ်းတွေကို လေ့လာခဲ့ပါတယ်။ လူသားချင်းစာနာ ထောက်ထားမှုအကူအညီတွေကို ပေးအပ်သွားမှာဖြစ်ပါတယ်။
ဒုက္ခသည်စခန်းတွေမှာ ခိုလှုံနေရတဲ့သူတွေရဲ့ ကျန်းမာရေးစောင့်ရှောက်မှုအတွက် လိုအပ်တဲ့ ဆေးဝါးတွေ၊ နေထိုင်စရာ နေရာတွေ၊ သက်သာချောင်ချိရေးတွေကို ဖြည့်ဆည်းပေးသွားမှာဖြစ်ပါတယ်။ ဒါ့အပြင် ဒေသဆိုင်ရာ လူနေမှုဘ၀ မြင့်မား တိုးတက်မှုအနေနဲ့ ပြည်သူတွေရဲ့ အခြေခံလိုအပ်ချက်တွေကိုလည်း ဖြည့်ဆည်းသွား လိုပါတယ်။
ရုပ်ပိုင်းဆိုင်ရာ လိုအပ်ချက်တွေအပြင် စိတ်ဓာတ်ရေးရာအရ အပြန်အလှန်ယုံကြည်မှုတည် ဆောက်သွားဖို့ အထူးလိုအပ်တာမို့ ဒါအတွက်လည်း ဆောင်ရွက်ပေးသွားရပါမယ်။ လိုအပ်တဲ့ အကူအညီ တွေကို ဘယ်နည်းဘယ်ပုံပေးမယ်ဆိုတာကတော့ အသေးစိတ်ပြောဖို့ စောပါသေးတယ်။ ဒါနဲ့ပတ်သက်ပြီး ရေတို၊ ရေရှည်အစီအစဉ်တွေနဲ့ ချမှတ်ဆောင်ရွက်ရမှာဖြစ်ပါတယ်။
ဒေသဖွံ့ဖြိုးရေးလုပ်ငန်းတွေ သိပ်အရေးကြီးပါတယ်။ ဖွံ့ဖြိုးတိုးတက်မှုမှတစ်ဆင့် လူနေမှုဘ၀ တိုးတက်လာနိုင်မှာ ဖြစ်ပါ တယ်။ မြန်မာနိုင်ငံဟာ ဘက်စုံ၊ ကဏ္ဍစုံ ဖွံ့ဖြိုးတိုးတက်ဖို့ အလွန်အလားအလာ ကောင်းမွန်တဲ့ နိုင်ငံဖြစ်ပါတယ်။ သာယာ လှပတဲ့ ပင်လယ်ကမ်းရိုးတန်းဒေသတွေနဲ့ ပြည့်စုံတဲ့ မြန်မာနိုင်ငံနဲ့ ကျွန်တော်တို့ ပူးပေါင်းဆောင်ရွက်သွားပါမယ်။
မေး။ မြန်မာနိုင်ငံမှာ အိုင်အိုစီဆက်ဆံရေးရုံး (Liaison Office) ဖွင့်လှစ်ရေးနဲ့ပတ်သက်လို့ အခြေအနေ ဘယ်လို ရှိပါသလဲ။
ဖြေ။ ဆက်ဆံရေးရုံးဖွင့်ဖို့ကိစ္စနဲ့ ပတ်သက်ပြီး အငြင်းပွားပြောဆိုစရာတွေ ပေါ်ပေါက်နေဆဲပါ။
ကျွန်တော်တို့အပေါ် ပြည်သူတွေ နားလည်လာချိန်အထိ စောင့်ဆိုင်းရမှာပါ။ ဒါနဲ့ပတ်သက်ပြီး ပူးပေါင်း ဆောင်ရွက်မှုတွေ ဆက်လက်လုပ်ဆောင်သွားမှာပါ။
လူသားချင်းစာနာထောက်ထားမှု လုပ်ငန်းများမြှင့်တင်ရေး၊ လူ့အခွင့်အရေးကာကွယ်စောင့်ရှောက်ရေး၊ ဒေသတည်ငြိမ် အေးချမ်းရေးတို့အတွက် ချဉ်းကပ်မှုနည်းလမ်းမျိုးစုံနဲ့ ကျွန်တော်တို့အားလုံးလက်တွဲ ဆောင်ရွက်သွားကြပါမယ်။
ယင်းနောက် လေကြောင်းခရီးဖြင့် ပြန်လည်ထွက်ခွာသွားရာ တာဝန်ရှိသူများက ပို့ဆောင်နှုတ်ဆက် ခဲ့ကြသည်။
