News @ M-Media

Tag: Option

  • ဘယ်ရွေးကောက်ပွဲ ပုံစံကို ရွေးကြမလဲ

    ဇွန် ၅ ၊ ၂၀၁၃
    ဆောင်းပါးရှင်-အောင်တင်

    vote
    PR (Proportional Representation) ရွေးကောက်ပွဲစနစ်ဆိုတာ တစ်နိုင်ငံလုံးက မဲပေးပွဲတွေ အကုန်ပြီးလို့ ပါတီအလိုက်ရတဲ့ မဲတွေစုစုပေါင်းကို မဲဆန္ဒနယ်မြေတွေ အားလုံးပေါင်းစည်း တွက်ချက်ပြီးမှ ပါတီတစ်ခုချင်းက ရထားတဲ့ စုစုပေါင်း မဲအချိုးအလိုက် အမတ်ခွဲတမ်း ချပေးတဲ့စနစ်ဖြစ်တယ်။ ပါတီတွေက မိမိရတဲ့ အမတ်ဦးရေအလိုက် မိမိပါတီသဘောကျ အမတ်အမည်စာရင်းကို အပြီးသတ် ရွေးချယ်တဲ့စနစ်ရှိသလို၊ မိမိပါတီတွင်းက လူထုထောက်ခံမဲ ပိုရသူတွေကိုသာ သက်ဆိုင်ရာ ပါတီရဲ့ ခွဲတမ်းဘောင်အတွင်းက ပေးအပ်တာမျိုးလည်း ရှိပါတယ်။ စနစ်ဟောင်းလို မဲပေးပြီးတာနဲ့ အနိုင်ရသူ ဦးဖြူ ဦးနီဆိုပြီး ချက်ချင်းမသိနိုင်လို့ အားရစရာ မကောင်းဘူးလို့ ဆိုနိုင်ပါတယ်။

    PR စနစ်သစ်ကို မြန်မာပြည်သူတွေ အတွေ့အကြုံ မရှိသေးတဲ့အတွက် ရှုပ်ထွေးတယ်လို့ ပြောကြပေမဲ့ တစ်ကယ်တော့ မဲပေးရတဲ့ ပြည်သူတွေအဖို့က မဲပေးတဲ့အခါမှာ ရှုပ်ထွေးစရာ အကြောင်းမရှိပါဘူး။ စနစ်ဟောင်းအတိုင်းဘဲ ကိုယ်ကြိုက်တဲ့ ပါတီ (သို့မဟုတ်) ကိုယ်ကြိုက်တဲ့လူ (ပါတီအမည်နဲ့ တွဲထားပေးတယ်)ကိုဘဲ မဲခြစ်လိုက်ရတာပါဘဲ။ ထူးခြားတာက စနစ်ဟောင်းလို ဒီမဲရုံမှာ မဲနိုင်တိုင်း အမတ်တန်းမဖြစ်တာ ဖြစ်ပါတယ်။ တစ်နိုင်ငံလုံးက မဲတွေပေါင်းပြီးမှ မဲရတဲ့ရာခိုင်နှုံးအရ အမတ်ခွဲတန်းရတာမို့ မဲဆန္ဒနယ်မြေတစ်ခုမှာ နိုင်လိုက်တိုင်း အမတ် ချက်ချင်းမဖြစ်ပါဘူး။ PR စနစ်ကို တိုင်းပြည်တွေရဲ့ အခြေအနေအလိုက် အနည်းငယ်ခြားနားပြီး ကျင့်သုံးတာမျိုးလည်း ရှိပေမဲ့ အခြေခံသဘောက အတူတူဖြစ်ပါတယ်။

    လက်ရှိကျင့်သုံးနေတဲ့ BV (Bloc Voting or Winner Takes All) ရွေးကောက်ပွဲစနစ်က မဲဆန္ဒနယ်မြေမှာ တစ်မဲအသာနဲ့ဘဲ နိုင်နိုင် နိုင်တဲ့လူကို ချက်ချင်းရွေးချယ်လိုက်တဲ့ ရွေးကောက်ပွဲစနစ် ဖြစ်ပါတယ်။ မြန်မာပြည်သူတွေ ကျင့်သားရတဲ့ စနစ်ဖြစ်ပါတယ်။ နိုင် ပြုံး၊ ရှုံး မှိုင်၊ ရော့ ပတ္တမြား၊ ရော့ နဂါးစနစ်ဖြစ်တယ်။

    ဘယ်စနစ်မဆို အားသာချက် အားနဲချက်ရှိတတ်တာမို့ အသစ်ပုံစံဖြစ်တဲ့ PR စနစ်သစ်ကို သုံးသုံး၊ လက်ရှိကျင့်သုံးနေတဲ့ BV စနစ်ဟောင်းကို သုံးသုံး အကျိုး အပြစ်၊ အားသာချက်၊ အားနဲချက်က နှစ်မျိုးလုံးမှာ ရှိပါတယ်။ အကျိုးချည်းဘဲ ရှိတဲ့စနစ်၊ အပြစ်ချည်းဘဲ ရှိတဲ့စနစ်ဆိုတာ လောကမှာ မရှိစကောင်းပါဘူး။ ရောဂါပျောက်အောင် သောက်တဲ့ဆေးမှာတောင် ဘေးထွက် ဆိုးကျိုးဆိုတာ ရှိနေတတ်ပါတယ်။

    သို့သော် ဘယ်စနစ်ကို ကြိုက်သလဲဆိုတာက ဘယ်စနစ်ကို သုံးရင် ကိုယ့်ပါတီက ပိုအကျိုးရှိမလဲဆိုတဲ့ ပေတံနဲ့ တိုင်းပြီး နိုင်ငံရေးပါတီတွေက ကြိုက်တယ်၊ မကြိုက်ဘူးပြောကြတာကိုး။ ဒါကြောင့် ပါတီအသီးသီးက မိမိအကျိုးစီးပွါးအလိုက် ကြိုက်သူရှိသလို မကြိုက်သူရှိကြမှာပါ။ တစ်ကယ်တော့ နိုင်ငံရေး ပြသနာဆိုတာ အရင်းစစ်ရင် အကျိုးစီးပွါး ပြသနာကို လူကြားကောင်းအောင် နိုင်ငံရေးဆိုတဲ့ နာမည်လှလှလေး ပေးထားတာဘဲ မဟုတ်ပါလား။ လူထုအကျိုးစီးပွါး ကြည့်တဲ့ပါတီရဲ့ မြင်ပုံနဲ့ လူတစ်စုအကျိုးစီးပွါး ကြည့်တဲ့ပါတီရဲ့ မြင်ပုံ တူနိုင်ပါ့မလား။

    ယနေ့ပြောနေကြတဲ့ ရွေးကောက်ပွဲ စနစ်သစ်PR အကြောင်းကို နားလည်လွယ်အောင် ဥပမာပေးကြည့်ချင်ပါတယ်။ တစ်ကယ်လို့ PR စနစ်သစ်ကိုသာ ၁၉၉၀ရွေးကောက်ပွဲမှာ ကျင့်သုံးခဲ့မယ်ဆိုရင် အင်အယ်လ်ဒီက အမတ်နေရာ ၈၂%ကို ရခဲ့မှာ မဟုတ်ဘူး။ သူ့နောက်က လူထုထောက်ခံမဲ အရေအတွက် ကပ်လိုက်နေတဲ့ တစညကလည်း လူထုထောက်ခံမဲ ရသလောက် အမတ်နေရာ ခွဲတမ်းရမှာမို့ အင်အယ်လ်ဒီက အမတ် ၄၅%သာ ရပြီး (၈၂% မရတော့ဘူး။) ရွေးကောက်ပွဲ စနစ်ဟောင်းအရ မဲအပြတ်ရှုံးနေတဲ့ တစညက ရွေးကောက်ပွဲ စနစ်သစ်မှာ အမတ် ၃၅% ရသွားနိုင်တဲ့အတွက် အပြတ်ရှုံးမဲ့အစား အင်အယ်လ်ဒီကို ပုခုန်းချင်း ယှဉ်နိုင်မယ်လို့ အကြမ်းဖျဉ်းပြောနိုင်ပါတယ်။ စနစ်ဟောင်းအရ အမတ်အင်အားချိနဲ့သွားခဲ့တဲ့ တစညဟာ စနစ်သစ်အရ သူ့ကိုထောက်ခံခဲ့တဲ့ ပြည်သူတွေရဲ့ ဆန္ဒကို လွှတ်တော်မှာ အင်နဲ့အားနဲ့ ဆက်လက်ကိုယ်စားပြု ထမ်းဆောင်ခွင့် ရသွားမှာဖြစ်တယ်။

    တစ်ဖန် ၁၉၉၀ရွေးကောက်ပွဲကို စနစ်သစ်အရ ကျင်းပခဲ့ပြီး အင်အယ်လ်ဒီက အမတ်များဆဲမို့ အစိုးရသာဖွဲ့ခွင့် ရခဲ့မယ်ဆိုရင်လည်း အမတ် ၄၅%သာရတော့တဲ့ အင်အယ်လ်ဒီက သူ့တစ်ပါတီတည်း အစိုးရမဖွဲ့နိုင်တဲ့အတွက် အစိုးရဖွဲ့ဖို့ ပါတီငယ်တွေရဲ့ ထောက်ခံမှုကို ယူရမယ်။ ဒါကြောင့် ပါတီငယ်တွေရဲ့ ဆန္ဒသဘောထားကို အစိုးရဖွဲ့မဲ့ ပါတီကြီးက မလဲမသွေ ထဲ့စဉ်းစားပေးရမှာမို့ PR စနစ်ကို အားကောင်းတဲ့ ပါတီကြီးတွေက ကြိုက်တတ်တဲ့ သဘောမရှိဘူးလို့ ပြောနိုင်တယ်။ ဒီအတိုင်းဘဲ အားနည်းတဲ့ ပါတီငယ်တွေက မိမိရဲ့ လူထုထောက်ခံမှု တစ်မဲကိုတောင် အလဟသမဖြစ်စေတဲ့ စနစ်သစ်ကို ပိုကြိုက်တတ်တဲ့ သဘောရှိတယ်လို့ ပြောနိုင်ပါတယ်။

    နောက်ဥပမာတစ်ခု ထပ်ပေးပါမယ်။ တစ်ချို့ပါတီတွေဟာ တစ်နိုင်ငံလုံး အတိုင်းအတာနဲ့ အင်အားကြီးပါတီ မဟုတ်သော်လည်း သူတို့ကို ထောက်ခံတဲ့ပြည်သူတွေက နိုင်ငံအနှံ့ မဲဆန္ဒနယ်မြေ အများအပြားမှာ အထိုက်အလျောက် ရှိနေတယ်ဆိုပါစို့။ အဲဒီလို ပါတီမျိုးတွေဟာ စနစ်ဟောင်းအတိုင်းသွားရင် လာမဲ့ရွေးကောက်ပွဲမှာ သူတို့တွေဟာ သူတို့ယှဉ်ပြိုင်မဲ့ မဲဆန္ဒနယ်မြေတွေမှာ မဲ ၁၀%၊ ၂၀%၊ ၃၀%ကနေ ၄၉%လောက်ဘဲရနေရင် လူထုထောက်ခံမှု တစ်စုံတစ်ရာ ရှိပင်ရှိနေငြားသော်လည်း တစ်ကယ်တန်းကျတော့ အမတ်တစ်ယောက်မှ မရဘဲ မျိုးပြုတ်သွားမဲ့ အန္တရာယ်ရှိနေပါတယ်။ PR ရွေးကောက်ပွဲ စနစ်သစ်အရဆိုရင် သူတို့ရခဲ့သမျှမဲ ၂၀%ဖြစ်ဖြစ်၊ ၅%ဖြစ်ဖြစ်၊ ၁%ဘဲဖြစ်ဖြစ် ရသလောက်မဲတွေကို နောက်ဆုံးမှာ စုပေါင်းလိုက်ပြီး ရတဲ့အချိုးအတိုင်း အမတ်ခွဲတမ်းရမှာဆိုတော့ မျိုးမပြုတ်တော့ဘဲ အမတ်အနဲဆုံး တစ်ယောက်ဖြစ်ဖြစ် ရနိုင်တဲ့ အခွင့်အလန်းရှိနေနိုင်တယ်။

    တစ်ကယ်လို့ ဦးခင်မောင်ဆွေ၊ ဦးသုဝေ၊ ဦးသိန်းညွန့်တို့လို ပါတီတွေက သူတို့ရဲ့အနေအထားက အဲဒီလို အခြေအနေမျိုးမှာ ရှိနေတယ်လို့ ယုံကြည်ကြရင် အနယ်နယ် အရပ်ရပ်သော မဲဆန္ဒနယ်မြေတွေက လူထုထောက်ခံမှုမဲ စုစုပေါင်းအပေါ်မှာ မူတည်ပြီး အမတ်ခွဲတမ်းချပေးတဲ့ စနစ်သစ်ကို သဘာဝကျစွာဘဲ ထောက်ခံကြမှာ ဖြစ်ပါတယ်။ ဒါမှလဲ စနစ်ဟောင်းအတိုင်းသွားရင် အမတ်တစ်ယောက်မှ မရတဲ့အနေအထားကနေ စနစ်သစ်အရ အမတ်အချို့ကို ရလာနိုင်ကြမယ်။ ဒါမှလဲ သူတို့ပါတီရဲ့ မူဝါဒကို ထောက်ခံတဲ့ ပြည်သူတွေရဲ့ အကျိုးကို လွှတ်တော်မှာ ကိုယ်စားပြု ပြောဆိုနိုင်ခွင့် ရလာမှာဖြစ်ပါတယ်။

    တစ်ချို့ပါတီတွေက တစ်နိုင်ငံလုံး အတိုင်းအတာနဲ့ဖြစ်ဖြစ်၊ သက်ဆိုင်ရာ ပြည်နယ်နှင့် တိုင်းဒေသကြီး အတိုင်းအတာနဲ့ဖြစ်ဖြစ် မဲဆန္ဒနယ်မြေတွေမှာ ဖျမ်းမျှခြင်းအားဖြင့် မဲပေးသူ အများစု (သို့မဟုတ်) တစ်ဝက်ကျော်က သူတို့ကို ထောက်ခံနေကြတယ်လို့ ယုံကြည်ကြရင် တစ်မဲပိုရတာနဲ့ အမတ်ဖြစ်သွားတဲ့ လက်ရှိစနစ်ကို ပိုကြိုက်ကြမှာဖြစ်တယ်။ ဒါမှလည်း သူတို့ပါတီက အခြားပါတီငယ်တွေကို မဲရတဲ့အရေအတွက် အချိုးအရ အမတ်ခွဲတန်း ခွဲဝေပေးစရာမလိုဘဲ အမတ်အင်အားများများ သပိတ်ဝင် အိတ်ဝင် ချက်ချင်းရလာကြမှာဖြစ်ပါတယ်။ ဒါကြောင့် တစ်နိုင်ငံလုံးမှာ အင်အားကောင်းနေတဲ့ အင်အယ်လ်ဒီ အပါအဝင် ဒေသဆိုင်ရာမှာ လူထုထောက်ခံမှု အားကောင်းတဲ့ ရှမ်း၊ ရခိုင်၊ ချင်း၊ မွန်စတဲ့ ပါတီတွေက လက်ရှိမဲပေးပုံစနစ်ကိုဘဲ ကြိုက်ကြမယ်ဆိုရင် သဘာဝ ကျပါတယ်။ တစ်နိုင်ငံလုံးမှာ ပြုပြင်ပြောင်းလဲမှုတွေကို အင်အားကောင်းကောင်း အရှိန်အဟုန်နဲ့ လုပ်နေချင်တဲ့ အင်အယ်လ်ဒီအတွက်ကတော့ စနစ်ဟောင်းက သူ့အတွက် ပိုလက်တွေ့ကျနေပါတယ်။ ဒါကြောင့်လဲ တနေ့က အမေရိကန် နိုင်ငံခြားရေးဝန်ကြီးဟောင်း မယ်ဒလင်းအောဘရိုက်နဲ့ တွေ့ဆုံပွဲမှာ ရွေးကောက်ပွဲစနစ်သစ်PRကို လက်မခံနိုင်ကြောင်း၊ စနစ်ဟောင်းကိုဘဲ ကြိုက်ကြောင်း အင်အယ်လ်ဒီအမတ် ဦးဝင်းထိန် ပြောခဲ့ပါတယ်။

    ဆိုတော့ လာမဲ့ရွေးကောက်ပွဲက စနစ်ဟောင်းအတိုင်း သွားမလား။ စနစ်သစ်ကို ရွေးမလားဆိုတာ တွက်ချက်ကြည့်ရအောင်။

    ဒီအခါမှာ ရွေးကောက်ပွဲစနစ်ကို ဘယ်သူက ဆုံးဖြတ်ရွေးချယ်နိုင်ခွင့် ရှိသလဲဆိုတဲ့ မေးခွန်းကို အရင်ဆန်းစစ်ဖို့ လိုလာပါပြီ။

    တိုတိုပြောရရင် လက်ရှိ အနေအထားအရ ကြံ့ဖွံ့က တရားဥပဒေပြုရေး၊ အုပ်ချုပ်ရေး၊ တရားစီရင်ရေးဆိုတဲ့ အာဏာသုံးရပ်စလုံးကို ချုပ်ကိုင်ထားတာဖြစ်လေတော့ ဘယ်စနစ်ကို ရွေးမလဲဆိုတာ ကြံ့ဖွံ့ပေါ်မှာဘဲ လုံးလုံးလျားလျားတည်နေတယ်ဆိုတာ ဗေဒင်မေးစရာ မလိုပါဘူး။ ဒါကြောင့် ကြံ့ဖွံ့က သူ့အတွက် ဘယ်စနစ်ကအကျိုးရှိမလဲ၊ အကျိုးဆုတ်မလဲ ဆိုတာပေါ်မှာ မူတည်ပြီး မဲပေးပုံစနစ်ကို လာမဲ့ရွေးကောက်ပွဲမှာ ရွေးချယ်ကျင့်သုံးမှာက သေချာနေပါတယ်။

    ကြံ့ဖွံ့ ဘယ်လိုတွက်မလဲဆိုတာကို ဆက်စဉ်းစားကြရအောင်။

    (၁) တစ်ကယ်လို့ လာမဲ့၂၀၁၅ရွေးကောက်ပွဲမှာ အင်အယ်လ်ဒီက ၁၉၉၀ရွေးကောက်ပွဲတုန်းကလို၊ ၂၀၁၁ ကြားဖြတ်ရွေးကောက်ပွဲတုန်းကလို တစ်မဲအသာနဲ့ဖြစ်ဖြစ်၊ မဲအပြတ်နဲ့ဘဲဖြစ်ဖြစ် မဲဆန္ဒနယ်တွေမှာ သိမ်းကြုံးအနိုင်ယူနိုင်တဲ့ အနေအထားရှိနေတယ်လို့ ကြံ့ဖွံ့က ယုံကြည်ရင် ဘယ်နိုင်ငံရေးပါတီက ကိုယ့်သေလမ်းကိုယ်ရွေးပြီး ကိုယ့်အမတ်တွေ မျိုးပြုတ်ကုန်မဲ့ စနစ်ဟောင်းကို ဆက်လက်ဖက်တွယ်နေမှာလဲ။ Do or Die ဖြစ်ပါတယ်။ ဒီအန္တရာယ်ကို ဟန့်တားကာကွယ်ဖို့က တစ်နိုင်ငံလုံးမှာ လူထုထောက်ခံမှု အင်အားအတော်အသင့်ရှိနေတဲ့ ကြံ့ဖွံ့အတွက် ရွေးကောက်ပုံစနစ်သစ် (PR) ကို မလွဲမသွေ ရွေးချယ် ဆုံးဖြတ်ရမှာဘဲ။

    (၂) အကယ်၍ ကြံ့ဖွံ့က အင်အယ်လ်ဒီကို တရားတဲ့နည်းအရဖြစ်စေ၊ မတရားလုပ်လို့ဖြစ်စေ မဲဆန္ဒနယ်မြေတွေမှာ ယှဉ်ပြိုင် အနိုင်ကြဲနိုင်တယ်လို့ ယူဆနေသေးရင်တော့ လက်ရှိမဲပေးပုံစနစ်ဟောင်း(BV)ကိုဘဲ သူဆက်ရွေးမှာပါ။

    စာဖတ်သူ မိတ်ဆွေက ဘယ်လိုထင်ပါသလဲ။

    ကျနော့အမြင်မှာ အင်အယ်လ်ဒီဟာ ၁၉၉၀က ပုံစံမျိုးလို အပြတ်အသတ် အနိုင်ရမှုမျိုးကို စိတ်ကူးမယဉ်နိုင်သော်လည်း လက်ရှိမဲပေးပုံ စနစ်ဟောင်းအတိုင်းဆိုရင် ပြည်မမဲဆန္ဒနယ်မြေတွေမှာ ကြံ့ဖွံ့ကို အလဲထိုးနိုင်တယ်လို့ ယုံကြည်တာမို့ ကြံ့ဖွံအတွက်က စနစ်သစ်ဖြစ်တဲ့ PR ကို မလွဲမသွေ ရွေးချယ်မယ်လို့ ယူဆမိပါတယ်။

    အောင်တင်
    ဇွန်လ ၅၊ ၂၀၁၃

    ** ဆောင်းပါးရှင်၏ အာဘော်သာဖြစ်ပါသည်။

  • အကြမ်းဖက်မှု အန္တရာယ် ဘယ်လိုအမြစ်ဖြတ်ကြမလဲ

    Popular Myanmar News Journal

    ဦးကိုနီ (တရားလွှတ်တော်ရှေ့နေ)

    dsc_0477-copy
    ဘာသာရေးပဋိပက္ခတွေ မငြိမ်း သေးတာ ငြိမ်အောင်မလုပ်လို့ မငြိမ် တာ။ တည့်တည့်ပြောရရင် ငြိမ်အောင် လုပ်ရင် သိပ်ပြီးတော့ ငြိမ်ပါတယ်။ ၈၈ အရေးတော်ပုံမှာ တစ်တိုင်းပြည်လုံး ဆန္ဒပြနေတာ။ ၂ဝဝ၇ ခုနှစ် သံဃာ့ အရေးအခင်း ငြိမ်သွားတာပဲဗျာ။ ပြဿနာဖြစ်တာနဲ့ ချက်ချင်း ရဲက ဝိုင်းမယ် ဖမ်းဆီးမယ်။ ဒီလောက်ပုံတူ လေးတွေ ဖြစ်နေတာကိုမှ ပြဿနာ ဖန်တီးတဲ့သူတွေကို မိအောင်မဖမ်းနိုင် ဘူးဆိုတော့ ထိရောက်တဲ့ အရေးယူမှု မလုပ်နိုင်ဘူးဆိုရင် အဲဒီလို မလုပ်သေး သရွေ့ ဒီပြဿနာ ငြိမ်းသွားမှာ မဟုတ်ပါဘူး။ အဓိက တာဝန်အရှိဆုံးကတော့ အုပ်ချုပ်ရေး ဌာနပဲ။ ပြည်ထဲရေးဝန်ကြီး ဌာနက တာဝန်အရှိဆုံးပဲဗျ။ ဥက္ကံဆိုရင် လည်း တော်တော်အရေးယူတာ များ လာတယ်။ ဥက္ကံမှာ ချက်ချင်းထိန်း တယ်။ ပြီးတာနဲ့ အရေးယူတယ်။ တော်တော်ကို ဖမ်းတယ်ဆီးတယ်။ရုံးဘယ်နှယောက်တင်တယ်တော့ မသိ ပါဘူး။ အခု လားရှိုးဆိုရင်လည်း ချက်ချင်းထိန်း တယ်။ သာသနာရေး ဝန်ကြီးက အန္တရာယ်တွေကြားထဲမှာ စပီကာနဲ့ လိုက်အော်နေတယ်ဆိုတာ တော်တော်လေးစားဖို့ ကောင်းတယ်။ တကယ် တမ်း အဲဒီအလုပ်က ပြည်ထဲ ရေးကလုပ်ရမှာ။

    ဆူပူတာ၊ သောင်း ကျန်းတာ အကြမ်းဖက်တာ၊ လူသတ် တာ၊ မီးရှို့တာ၊ လုတာတွေက ကြီးလေး တဲ့ ပြစ်ဒဏ်တွေပါ။ ဒါမရှိစေချင်ရင် လွယ်လွယ်လေးပါ။ နံပါတ် ၁ ကြို တင်ပြီးတော့ သတင်းထောက်လှမ်းပြီး ဆူပူအောင် လှုံ့ဆော်နေသူတွေကို ဖမ်း မယ်။ အဲဒါကို မီဒီယာကနေ ဘယ်နေရာ မှာ ဆူပူအောင် လုပ်လို့ဖမ်းဆီးအရေး ယူလိုက်ပါတယ်လို့ ကြိုတင်လုပ်ရမယ်။ ဒုတိယအဆင့် က ဖြစ် ပြီဆိုတဲ့အချိန်မှာ ထိထိရောက်ရောက် အရေးယူရမယ်။ ဥပမာ ရာဘာကျည်နဲ့ ပစ်တယ်ဆိုပါ တော့။ ရော်ဘာကျည်ဆန်နဲ့မှ မရရင် ကျည်ဆန် အစစ်နဲ့ ပစ်ရမယ်။ အိမ်မီးရှို့ တဲ့အခါမျိုးပေါ့။ အဲဒီလို လုပ်တဲ့အခါ လုပ်တဲ့သူတွေဟာ မရဘူးဟ ဒီလိုမျိုး လုပ်ရင် ပစ်တာပဲကွဆိုပြီး သိသွားရင် ရှဲသွားကြမျာပါ။

    နောက် တတိယအဆင့် က ပြဿနာဖြစ်ပြီးရင် ပြဿနာလုပ်တဲ့ နေရာမှာ ပါတဲ့သူအားလုံးကို ထိထိရောက်ရောက် အရေးယူရ မယ်။ ဒီနေ ရာမှာ ကုလား-ဗမာ မလိုချင်ဘူး။ အားလုံးကို အရေးယူပေးရမယ်။ အဲဒီလို ထိထိရောက်ရောက် လုပ်မယ် ဆိုရင် ဒီပြဿနာဟာ ပြီးသွားပြီပေါ့။ ဒီပြဿနာရပ် တန့်သွားပြီဆိုမှ ပြန်လည် သင့်မြတ်ရေးကို လုပ်ရမှာပါ။ ပြန်လည်သင့်မြတ်ရေးဆိုတာမှာ ရှင်းရှင်း ပြော ရရင် ချစ်ပြီး သားဗျ။ တကယ့် တကယ် ပြဿနာပေါ်ရင် ကာကွယ်ပေးနေတာ ဗုဒ္ဓဘာသာတွေပဲ။ သူတို့မှ မကာကွယ် ရင်ရော ဒီလူနည်းစုက ဘယ်သွားမလဲ ဗျာ။ ဖြစ်ချင်တဲ့သူ ရှိတယ်။ မဖြစ်ချင်တဲ့ သူရှိတယ်။ နည်းနည်းပါးပါးအထင် လွဲတာလေးတွေကို ရှင်းပြရင် ပြီးပါ တယ်။ မှိုင်းမိတဲ့သူတွေပေါ့ဗျာ။ ခုလုပ် ရမှာက စောစောကပြောတဲ့ အချက် သုံးခု၊ သိကြပါတယ်။ အားလုံးက ကြောက်တတ်ပါတယ်။ အရေးမယူတာ သိရင်တော့ ဆော်မှာပေါ့ဗျာ။ ဘာဖြစ် လို့လဲဆိုတော့ ပစ္စည်းလုရတာက တော် တော်ကို အရသာရှိတာကိုးဗျ။ ရုတ်ရုတ် ရုတ်ရုတ်ဖြစ်ပြီဆိုရင် သူများ ရှာဖွေ ထားတဲ့ဟာကို အသာလေး ကောက် ယူသွားကြဆိုတော့ အဓိက ကတော့ အုပ်ချုပ်ရေးက ထိရောက်ရင် ပြီးသွား မယ့်ကိစ္စပါ။

    ဓာတ်ငွေ့ပိုက်လိုင်းနဲ့ နီးစပ် တဲ့နေရာတွေမှာ ဖြစ်တယ် ဆိုတာ မှာကျွန်တော်တို့က တရုတ်ကို မကြိုက် ရင် တည့်တည့်ဆန္ဒပြပေါ့။ ဓာတ်ငွေ့ ပိုက်လိုင်းကို မကျေနပ်ရင် ပိုက် လိုင်းကို လုပ်လို့ရတယ်ဗျ။ လူသတ်တာ၊ အဆောက်အအုံတွေ မီးရှို့တာတွေမှာ ဒီလိုလုပ်ဖို့ မလိုပါဘူး။ ကျွန်တော်တို့က ဟိုဘက် သည်ဘက် အကုန်တွေးမှာပဲ။

    =======================================================
    ဒေါ်ဒွဲဘူ (ပြည်သူ့လွှတ်တော်ကိုယ်စားလှယ်)
    dwyebu

    ဒါကပြောဖို့ ခက်ပါတယ်။ တကယ် ပဲ ဘာသာရေး အသွင်ဆောင်တာလား။ နိုင်ငံရေးအကျိုးအမြတ် တစ်ခုအတွက် ဘာသာရေးကို ခုတုံးလုပ်တာ လား ဆို တာကို အဓိကလေ့လာဖို့ လိုအပ်ပါ တယ် ။အရင် အစိုးရခေတ်ကဆို ဗုဒ္ဓ ဘာသာကလွဲပြီးတခြားဘာသာတွေကို တော်တော်လေး အခွင့် အရေး မပေးခဲ့ ဘူးလေ။ အဲ့ဒီတုန်းက ဒီလိုမျိုး ပြဿ နာတွေ သိပ်မရှိခဲ့ဘူးလေ။ ကျွန်မတို့ ခရစ်ယာန်ဆိုလည်း တော်တော်လေး လှိမ့်ခံရတာပဲလေ။ ဒါပေမဲ့ ဒီလိုမျိုး အကြမ်းဖက်မှုတွေ ဖြစ်မှ မဖြစ်ခဲ့တာပဲ။

    အခု ကျွန်မ အမြင်တော့ ဘာသာ ရေးမဟုတ်ဘူးလို့ မြင်တာပဲ။ နိုင်ငံရေး အကျိုးအမြတ်တစ်ခုအတွက် ဘာသာ ရေးအကြောင်းပြပြီး ဝင်အကြမ်း ဖက် တယ်လို့ပဲ မြင်ပါတယ်။ ဗုဒ္ဓဘာသာက လည်း သည်းခံခြင်းတရားနဲ့ပဲ၊ မွတ်ဆ လင်ရော၊ ကျွန်မတုိ့ ခရစ်ယာန်တွေရော အကုန်လုံး သည်း ခံခြင်းတရား အဆုံး အမနဲ့ နေလာခဲ့တာပဲ။

    မဖြစ်ခင်ကတည်းက ကြိုတင် ဖော်ထုတ် အရေးယူတဲ့အပိုင်းမှာ အ ရမ်းအားနည်းပါတယ်။ အခုလိုမျိုး ပဋိ ပက္ခတွေဖြစ်၊ မီးလောင်ဆုံးရှုံးမှုဖြစ် ပြီးမှ ဖမ်းဆီး အပြစ်ပေးတာထက်စာရင် ကြိုတင်ကာကွယ်နိုင်ရင် ပြည်သူတွေ အတွက် ပိုကောင်းတာပေါ့။ တရား ဥပဒေစိုးမိုးမှု ပိုရှိလာတယ်လို့ ပြော လို့ရ မှာပေါ့။ ကျွန်မအမြင်ကတော့ ရဲ ထောက်လှမ်းရေးတို့၊ြှ တို့လိုမျိုးဟာ တွေဟာ တော်တော်အားနည်းတယ်လို့ မြင်ပါတယ်။ အဲ့ဒီဘက်မှာ အင်အား လည်း တိုးသင့်တယ်လို့ ထင်ပါတယ်။ ပြီးတော့ နိုင်ငံတကာနဲ့ အညီဖြစ်အောင် သင်တန်းတွေ၊ နိုင်ငံတကာမှာ ဘယ်လို လုပ်ကိုင်ဆောင်ရွက် လဲ သိရအောင် ပညာသင်တွေလည်း အများကြီးလွှတ်ဖို့ လိုပါလိမ့်မယ်။ အဲ့ဒါမှ ကိုယ့်နိုင်ငံမှာ အကြမ်းဖက်မှုတွေက ကာကွယ်နိုင်မှာ ပေါ့။ ဒါဟာ တရားဥပဒေစိုးမိုးရေး ကိုလည်း အများကြီးအထောက်အကူ ပြုပါလိမ့်မယ်။

    အခုလိုမျိုး ပြည်နယ်နဲ့ တိုင်းတွေမှာ အကြမ်းဖက်မှုေ တွ တောက်လျှောက် ဖြစ်နေတာဟာ နိုင်ငံ ရဲ့ အပြောင်းအလဲဖြစ်စဉ်ကို ထိခိုက် လာနိုင်တာ သတိထားရပါမယ်။ ပြီး တော့ ပဋိပက္ခဖြစ်တဲ့နေရာတွေဟာ ဓာတ်ငွေ့ ပိုက်လိုင်း ဖြတ်သန်းသွားတဲ့ နေရာအနီးတစ်ဝိုက်မှာ ဖြစ်တဲ့ကိစ္စ အပေါ်လည်း ဂရုစိုက်သင့်တယ်။ ပဋိ ပက္ခဖန်တီးလိုတဲ့သူတွေဟာ အဲ့ဒါတွေ ကို သွားထိလိုက်ရင် ဆုံးရှုံးမှု အရမ်း ကြီးမှာဆိုတော့လေ။ ကျွန်မတို့နိုင်ငံက လည်း အန္တရာယ်ရှိတဲ့ ဓာတ်ငွေ့ပိုက် လိုင်းနဲ့ဆိုတော့ အဲဒီနေရာတွေမှာ ဖြစ် ခဲ့ရင်ဘယ်လို ကာကွယ်မလဲဆိုတာ ကြိုပြီး ပြင်ဆင်ထားသင့်တယ်။ ဒါဟာ အစိုးရတစ်ခုတည်းရဲ့ တာဝန်မဟုတ် ဘူး။ ပြည်သူတွေမှာလည်း တာဝ န်ရှိ တယ်။ ဒီလို အဖျက်လုပ်ငန်းတွေကို တားဆီးကာကွယ်ဖို့ဆိုတာ အစိုးရမှာ တင် မဟုတ်ဘဲ ပြည်သူတစ်ဦးချင်းစီက အသိစိတ်အပြည့်နဲ့ တာဝန် ယူစေချင် တယ်။

    ဒီလို ပဋိပက္ခတွေ လုံးဝရပ်ဆိုင်း သွားဖို့က အချင်းချင်း ချစ်ခြင်းမေတ္တာ ထားဖို့ပဲ။ ဒို့နိုင်ငံရဲ့ သွားနေတဲ့ နိုင်ငံ ရေးလမ်းကြောင်းကိုလည်း အားလုံးက ဝိုင်းဝန်းကူညီဖို့ လိုပါလိမ့်မယ်။ ပဋိပက္ခ ဆိုတာကတော့ တကယ့် ဒီမိုကရေစီ ထွန်းကားတဲ့နိုင်ငံတွေမှာတောင် လုံးဝ ချုပ်ငြိမ်းတယ်မှ မရှိတာ။ အားလုံး စုစည်းထိန်းသိမ်းရမှာပါ။ လုံးဝချုပ်ငြိမ်း သွားဖို့ဆိုတာ အင်မတန် ခဲယဉ်းပါ တယ်။ လူအမျိုးမျိုး၊ စိတ်အထွေထွေဆို တော့လေ။

    Popular Myanmar News Journal မှ ကူးယူဖော်ပြပါသည်။
    အပြည့်အစုံဖတ်လိုလျှင် http://popularmyanmar.com/mpaper/?p=70620

  • မြန်မာ မွတ်စလင်တွေ နိုင်ငံရေး ပိုလုပ်ကြ

    မြန်မာ မွတ်စလင်တွေ နိုင်ငံရေး ပိုလုပ်ကြ

    မေ-၆၊ ၂၀၁၃
    M-Media
    ဆောင်းပါးရှင်- အောင်တင်

    နိုင်ငံရေးလုပ်ခြင်းဆိုတာ နိုင်ငံသားတိုင်းရဲ့ အခြေခံရပိုင်ခွင့်ဖြစ်ပါတယ်။

    မွတ်စလင်တွေကို နိုင်ငံရေးကင်းရှင်းကြဖို့ ဧရာဝတီတိုင်းဒေသကြီး အစ္စလာမ်ကောင်စီရဲ့ ထုတ်ပြန်ကြေငြာချက်မှာ စဉ်းစားစရာ အကြောင်းအချက်တွေ၊ စေတနာတွေ ပါနေတာကို လေးစားစွာ အသိအမှတ်ပြုပါတယ်။ သို့သော် မြန်မာမွတ်စလင်တွေ ဘာလုပ်သင့်တယ်။ ဘာကို မလုပ်သင့်ဘူးဆိုတာက တရားဥပဒေရှုဒေါင့်၊ လူ့အခွင့်အရေးရှုဒေါင့်၊ နိုင်ငံသားပိုင်ခွင့်ရှုဒေါင့်၊ လူ့အဖွဲ့အစည်း အေးချမ်းသာယာရေးရှုဒေါင့် စသဖြင့် ရှုဒေါင့်ပေါင်းစုံကကြည့်ပြီး ရေရှည်စဉ်းစားမှ မှန်ကန်ပါမယ်။ ရေတို အကျပ်အတည်းကြောင့် မိမိတို့ရဲ့ မူလရပိုင်ခွင့်တွေကို စွန့်လွှတ်စရာ အကြောင်းမရှိပါဘူး။ စွန့်လည်း မစွန့်လွှတ်သင့်ဘူး။ စွန့်လွှတ်ပါလို့ တိုက်တွန်းခွင့်လည်း မရှိပါဘူး။

    အပြစ်ရှာလိုသူ၊ ဖိနှိပ်လိုသူ၊ ဥပဒေမဲ့ ပြုကျင့်လိုသူတွေ စိတ်ကြိုက် (Appeasement Policy) လုပ်ပေးကြမယ်ဆိုရင် ဒီအပြစ်ရှာလိုသူတွေရဲ့ မူလရည်ရွယ်ချက်က အပြစ်မဟုတ်တာကို အပြစ်လုပ်တဲ့ ရည်ရွယ်ချက်ဖြစ်နေလေတော့ ဒီလိုလိုက်လုပ်ပေးပြီးရင် ဟိုလိုလုပ်ပေးဖို့ တောင်းဆိုရင်း နောက်ဆုံး ဘယ်လိုမှ လိုက်မလုပ်နိုင်တဲ့အဆင့် ရောက်သွားပြီး ဒုံရင်းဘဲ ဖြစ်သွားမှာပါ။ ဥပမာအားဖြင့် မြန်မာ့ယဉ်ကျေးမှုနှင့် သဟဇာတမဖြစ်ဘူးဆိုပြီး မုတ်ဆိတ်ထားတာတွေ၊ အင်္ကျီရှည်ဝတ်တာတွေ၊ ပုဝါပေါင်းတာတွေကို အပြစ်တင်နေတာကို ကျေနပ်သွားအောင် ကျနော်တို့တွေက မုတ်ဆိတ်တွေကို ရိပ်ပစ်လိုက်လို့၊ တိုက်ပုံနဲ့ တောင်ရှည်တွေ ဝတ်၊ ပုဝါတွေချွတ်ပြလိုက်လို့လည်း ပြသနာတွေ ပျောက်သွားမယ်လို့ မထင်ပါဘူး။ အရှက်လုံတဲ့ အင်္ကျီရှည်တွေကို မြန်မာ့ယဉ်ကျေးမှုနဲ့ မကိုက်ညီဘူးဆိုပြီး အပြစ်တင်နေသူတွေဟာ သူတို့ရဲ့ အမ၊ နှမတွေ ဖင်ပေါ်ခေါင်းပေါ် အရှက်ကင်းမဲ့စွာ ဝတ်ဆင်နေတာကို မသိချင်ယောင်ဆောင်နေကြတာကို ကြည့်ခြင်းအားဖြင့်လည်း သူတို့ရဲ့ တမင်အပြစ်ရှာတတ်တဲ့အမြင် (Double Standards) ကိုလည်း သိနိုင်ပါတယ်။ လူတိုင်းမှာ အရှက်လုံပြီဆိုရင် လွတ်လပ်စွာ ဝတ်စားဆင်ယင်ခွင့် ရှိပါတယ်။ သို့သော် အစ္စလာမ်သည် အာရဗ်အတွက်၊ အိန္ဒိယအတွက်၊ တရုပ်အတွက်ဘဲ မဟုတ်။ လူသားအားလုံး အတွက်ဖြစ်တဲ့အတွက် ယဉ်ကျေးမှုပေါင်းစုံအတွက်လည်း ဖြစ်ပါတယ်။ မြန်မာပြည်က မွတ်စလင်များသည် မြန်မာအပါအဝင် တိုင်းရင်းသားပေါင်းစုံရဲ့ ယဉ်ကျေးမှုကို ချစ်မြတ်နိုးသင့်တယ်။ ကျင့်သုံးသင့်တယ်။ ကျနော်တို့ မြန်မာမွတ်စလင်တွေဟာ အစဉ်အဆက်က မြန်မာ့ ယဉ်ကျေးမှုကို မြတ်နိုးကျင့်သုံးသူများလည်း ဖြစ်ပါတယ်။

    ယနေ့ရင်ဆိုင်နေရတဲ့ ပြသနာတွေကို အကောင်းဆုံးနှင့် အမှန်ဆုံး ဖြေရှင်းနည်းက ဘာသာပေါင်းစုံ လူမျိုးပေါင်းစုံ တိုင်းရင်းသားပြည်သူများနှင့် နိုင်ငံရေး၊ လူမှုရေးစတဲ့ နယ်ပယ်အားလုံးမှာ တက်တက်ကြွကြွ ပိုမိုပါဝင် ပူးပေါင်းဆောင်ရွက်တဲ့ နည်းဘဲ ဖြစ်ပါတယ်။ ထွက်ပြေးတဲ့ နည်းလမ်း မဟုတ်ဘူး။ ခက်ခဲကောင်း ခက်ခဲမယ်။ ကြာကောင်း ကြာမယ်။ သို့သော် အခြားနည်းလမ်း မရှိပါဘူး။

    အထူးသဖြင့် နိုင်ငံရေးကို ပိုလုပ်ကြပါ။ ကိုယ်မလုပ်နိုင်ရင်တောင် လုပ်နိုင်သူတွေကို အားပေးပါ။ ထောက်ခံပါ။ ထောက်ပံ့ပါ။

    ကျနော်တို့မှာ ဘာမှ ဖုံးကွယ်ထားတာ (Hidden Agenda) မရှိဘူး။ လျှို့ဝှက်ချက်လည်း မရှိဘူး။ မြန်မာ မွတ်စလင်တွေကြားမှာ ဆွေးနွေးနေတာနှင့် မွတ်စလင် မဟုတ်သူ မြန်မာများနှင့် ဆွေးနွေးတာတွေကလည်း အတူတူဘဲ။ နှစ်ယောက် တည်းပြောလည်း ဒီစကားဘဲ။ တစ်နိုင်ငံလုံးသိအောင် အော်ပြောလည်း ဒီစကားဘဲ။ မြန်မာမွတ်စလင် (မြန်မာပြည်က မွတ်စလင်ကို ဆိုလိုသည်။)တွေဟာ ခေတ်အဆက်ဆက် ကတည်းက သမိုင်းနဲ့ချီပြီး နိုင်ငံရေး၊ လူမှုရေး၊ ပညာရေး၊ စီးပွါးရး၊ အနုပညာ၊ ဂီတ၊ စာပေ၊ အားကစားစတဲ့ နယ်ပယ်အသီးသီးမှာ တိုင်းရင်းသားပေါင်းစုံ ဘာသာပေါင်းစုံ ပြည်သူလူထုနဲ့ ဒိုးတူဘောင်ဖက် ရင်ဘောင်တန်း လုပ်ဆောင်ခဲ့ကြသူတွေဖြစ်တယ်။

    တိုင်းရင်းသားပေါင်းစုံ ပြည်သူလူထု၏ အကျိုးစီးပွါးသည် မြန်မာမွတ်စလင်များ၏ အကျိုးစီးပွါးဖြစ်ပြီး၊ မြန်မာမွတ်စလင်များ၏ အကျိုးစီးပွါးသည်လည်း တိုင်းရင်းသားပေါင်းစုံ အကျိုးစီးပွါးတွင် ပါဝင်ပြီးဖြစ်သည်ဟု အစဉ်အဆက် ယုံကြည် ကျင့်သုံးသူများဖြစ်ပါတယ်။

    ဒါကြောင့်လည်း အင်အယ်လ်ဒီပါတီ နာယကကြီး ဦးတင်ဦးက

    ၁။ မြန်မာမွတ်စလင်တွေဟာ မြန်မာတိုင်းရင်းသားတွေဖြစ်တယ်။

    ၂။ မြန်မာမွတ်စလင်တွေကို ဘယ်တုန်းကမှ လက်တွဲခေါ်ဖို့ မလိုခဲ့ဘူး။ မြန်မာမွတ်စလင်တွေဟာ သမိုင်းအစဉ်အလာအရ တိုင်းကျိုးပြည်ကျိုးကို ဒိုးတူဘောင်ဖက် ထမ်းဆောင်ခဲ့သူများဖြစ်တယ်”လို့ စက်တင်္ဘာလ(၉)ရက်၊ ၂၀၁၂ ရန်ကုန်မှာ ကျင်းပတဲ့ အိးဒ် မိတ်ဆုံစားပွဲ အခမ်းအနား မှာ ရှင်းရှင်းပြတ်ပြတ် မိန့်ကြားခဲ့တယ်။

    ဒါကြောင့် ကျနော်တို့ မြန်မာမွတ်စလင်တွေဟာ မိမိရဲ့ ပိုင်ခွင့်တွေကို တောင်းဆိုရဲသူတွေဖြစ်သလို တာဝန်တွေကိုလည်း ခေါင်းမရှောင် တတ်သူ နိုင်ငံသားကောင်းတွေ ဖြစ်ရပါမယ်။ ကျနော်တို့ဟာ လိုအပ်ချက်အရ ခေါင်းပျော့ပေးနိုင်သူများဖြစ်ပေမဲ့ ဒူးမပျော့တတ်သူများဖြစ်ရမယ်။ ကျနော်တို့ဟာ ဘယ်သောအခါမှ အကြမ်းဖက် သမားများ မဟုတ်သလို၊ ဒူးထောက် တတ်သူများလည်း မဟုတ်ပါ။

    SURRENDER IS NOT THE OPTION.
    http://www.m-mediagroup.com/news/13312

    ဆောင်းပါးရှင်ရဲ့ အာဘော်သာဖြစ်ပါသည်။

  • စုံစမ်းရေးကော်မရှင် အခေါင်းတွေကို နောက်ဆုံး ရိုက်သွင်းလိုက်သော သံတစ်ချောင်း

    စုံစမ်းရေးကော်မရှင် အခေါင်းတွေကို နောက်ဆုံး ရိုက်သွင်းလိုက်သော သံတစ်ချောင်း

    မေ- ၂-၂၀၁၃
    ရေးသူ- အောင်တင်

    စုံစမ်းရေးကော်မရှင် အခေါင်းတွေကို နောက်ဆုံးရိုက်သွင်းလိုက်သော သံတစ်ချောင်း (သို့မဟုတ်) ရခိုင်ပြည်နယ် ပဋိပက္ခများ စုံစမ်းရေးကော်မရှင်၏ အစီရင်ခံစာ

    ဘင်္ဂါလီလူမျိုးများမှာ ရခိုင်လူမျိုးများထံတွင် အစေခံ၊ အလုပ်သမား၊ အခစားသမားအဖြစ်သာ နေခဲ့ကြရသည်မှာ အစဉ်အလာတစ်ရပ်ကဲ့သို့ ဖြစ်နေခဲ့ပါသည်။ ထိုအချိန်အထိ လူမျိုးစုအလိုက် ကြီးမားသော မည်သည့်ပဋိပက္ခမှ ဖြစ်ပွါးခဲ့ခြင်း မရှိခဲ့ကြောင်း တွေ့ရှိရပါသည်။ (၂.၃)

    ရခိုင်ပြည်နယ် ပဋိပက္ခများ စုံစမ်းရေးကော်မရှင် အစီရင်ခံစာရဲ့ စာမျက်နှာ(၇)မှာရှိတဲ့ အထက်ပါစာကြောင်းကို ဖတ်မိလိုက်တာနဲ့ မျက်လုံးက ရှေ့ဆက်ဖတ်ဖို့ မရွေ့တော့ဘူးဖြစ်သွားတယ်။ ရင်ထဲမှာ နာကြင်မှုတစ်ရပ်ကိုလည်း စူးစူးနစ်နစ် ခံစားမိတယ်။ သြော် ဘယ်လို အသဲနှလုံးမျိုး၊

    ဘယ်လိုပညာတတ် ဆင်ခြင်တုန်တရားနဲ့ အခုလို ရေးရက်လိုက်သလဲ။ မကြောက်တတ်ပါဘူး ဆိုရင်တောင် မရှက်တတ်ကြဘူးလားဗျာ။

    အာဖရိကလူမဲတွေက ဥရောပတိုက်သား လူဖြူတွေကို အလုပ်အကျွေးပြုဖို့ ကျေးကျွန်အဖြစ် ဘုရားသခင် ဖန်ဆင်းထားတဲ့အတွက် ဒါဟာ လူသားတိုင်းလိုက်နာရမဲ့ လောကပါလ တရားဖြစ်တယ်လို့  ဘိုင်ဘယ်ကျမ်းကို ကိုးကားပြီး လူလူချင်း ကျွန်လုပ်နေခဲ့တာကို သတိရမိတယ်။

    ဘုရားသခင်က ချမှတ်ထားတဲ့ ဒီသဘာဝတရားကြီးဟာ ကျေးကျွန်တွေရဲ့ အကျိုးစီးပွါးအတွက်လည်းဖြစ်တာမို့ ဆန့်ကျင်ရင် သဘာဝလောကကြီး ဖေါက်လွှဲဖေါက်ပြန်ဖြစ်ပြီး ကပ်ဆိုးတွေ ကျနိုင်တယ်လို့လည်း ဆိုခဲ့ကြတယ်။ ဟိန္ဒူတွေရဲ့ လူတွေကို အမျိုးအနွယ် ဇာတ်အရ အလုပ်အကိုင်၊ နေရာထိုင်ခင်း၊ အဆင့်အတန်း ခွဲခြားထားခြင်းစနစ်နဲ့လည်း ထပ်တူဖြစ်ပါတယ်။

    “Slaves, obey your earthly masters with fear and trembling” (Ephesians 6:5). “Tell slaves to be submissive to their masters and to give satisfaction in every respect” (Titus 2:9).

    According to Robert Dabney (1820-1898), it was part of God’s natural order in a fallen world that ‘superior’ races should enslave ‘inferior’ races for their own spiritual, moral and material good, and for the social stability of everybody else.

    ကျွန်ဟာ ကျွန်နေရာမှာနေရင် လောကကြီးက တည်ငြိမ်မယ်။ ပဋိပက္ခတွေကို ရှောင်ကြဉ်နိုင်မယ်ဆိုတာကို တိုက်ရိုက်ဘဲဖြစ်ဖြစ်၊ သွယ်ဝိုက်လို့ဘဲဖြစ်ဖြစ် ယနေ့ ကမ္ဘာပေါ်မှာ ယဉ်ကျေးတဲ့ မည်သည့်လူသားကမှ မပြောကြတော့ပါဘူး။ သို့သော် ရခိုင်ပြည်နယ်ပဋိပက္ခများ စုံစမ်းစစ်ဆေးရေးကော်မရှင်က ရိုဟင်ဂျာတွေက ကိုယ့်နေရာမှန် အခစား၊ အစေခံ၊ ကျွန်က ကျွန်နေရာမှာ မနေလို့ အခုလို သတ်ပွဲ၊ သေပွဲတွေဖြစ်ရတယ်လို့ အဓိပ္ပါယ်ကောက်ယူရင် ကောက်ယူလို့ရနိုင်တဲ့ စကားမျိုးကို ဘာဖြစ်လို့ ရေးသားလိုက်ရသလဲဆိုတာကို ကော်မရှင်အဖွဲ့ဝင်များ အဖြေပေးဖို့လိုပါမယ်။ ဒီအချက်ကို ဘာရည်ရွယ်ချက်နဲ့ ထည့်သွင်းရေးသားခဲ့ရတာလဲ။ စုံစမ်းစစ်ဆေးရေး အစီရင်ခံစာရဲ့ ဘယ်လိုအပ်ချက်တွေကို ဖြည့်ဆည်းနိုင်မယ်ထင်လို့ ဒီအချက်ကို ဖေါ်ပြခဲ့ရတာလဲ။ ဒီလိုရေးသားမှုမျိုးဟာ ပဋိပက္ခတွေဖြစ်နေတဲ့ လူမျိုးနွယ်နှစ်စု ပြန်လည်သဟဇာတဖြစ်ရေးကို ဘယ်လိုအထောက်အကူပြုနိုင်တယ်လို့ မဟာညာဏ်ကြီးရှင် ကော်မရှင်အဖွဲ့ဝင်လူကြီးများက ယုံကြည်ပြီး ထည့်သွင်းခဲ့ရတာလဲ။

    ဒေါက်တာမျိုးမြင့်၊ ဒေါက်တာကျော်ရင်လှိုင်နှင့် ဦးကိုကိုကြီးအပါအဝင် ကော်မရှင်လူကြီးမင်းများကို “လူကို လူအဖြစ် မမြင်နိုင်ဘူးဆိုရင် လူအဖြစ်ကို တစ်ကယ် ဆုံးရှုံးသွားတာက ဘယ်သူလဲ”လို့ မေးမြန်းချင်လှပါတယ်။ ကိုယ်ဖေါ်တဲ့ဆေး၊ ကိုယ်မစားရဲဘူးဆိုရင် သမိုင်းဆိုတဲ့ တရားသူကြီးက ဘက်မလိုက်ဘူး၊ လာဘ်ထိုး လို့ မရဘူး၊ မညှာတတ်ဘူး ဆိုတာကိုတော့ သတိပေးလိုက်ချင်ပါတယ်။

    စစ်အစိုးရအဆက်ဆက်တွေက ရိုဟင်ဂျာတွေကို အဖိုးအဖွား၊ အဖေအမေနဲ့ သားသမီး၊ မြေးမြစ်တိုင်အေင် အိမ်ထောင်စုစာရင်း တမင်ခွဲမပေးဘဲ တစ်ခုတည်းထားပြီး လူဦးရေပေါက်ဖွားနှုံးများတယ်လို့ လည်ဆယ် စွပ်စွဲခဲ့ကြတယ်။ မြန်မာပြည်မှာ ကြိုက်တဲ့လူမျိုးကို အခုရိုဟင်ဂျာတွေလို မိသားစုလေးဆက်လောက် အိမ်ထောင်စုစာရင်း တစ်ခုတည်းထားပေးရင် ဒီလိုဖြစ်နေမှာဘဲဆိုတာကို စာနာတရားထားပြီး စဉ်းစားနိုင်တဲ့ စွမ်းရည်လည်း ကော်မရှင်မှာ ရှိဟန်မတူဘူး။ ဒါကြောင့်လည်း ပညာတတ်တွေရဲ့ ရခိုင်ကော်မရှင်က အစီရင်ခံစာထဲမှာ မြေနိမ့်ရာ လှံစိုက်ပြီး ရိုဟင်ဂျာတွေဟာ လူဦးရေပေါက်ဖွားနှုံးများလွန်းတယ်လို့ စစ်အစိုးရလေအတိုင်း သံယောင်လိုက် အပြစ်တင်စွပ်စွဲလိုက်ခြင်း ဖြစ်ဟန်တူပါတယ်။ မိသားစု စီမံကိန်း သဘောမျိုးနဲ့ ပညာပေးတာမျိုးကို ကျနော်တို့ လက်ခံပါတယ်။ သို့သော် လူကို လူအဖြစ်မြင်ဖို့လိုပါတယ်။

    နှိမ့်ချအထင်သေးတဲ့အမြင်(Stereotype)နဲ့ မချဉ်းကပ်သင့်ဘူး။ ရိုဟင်ဂျာတွေကို လူ့မျိုးဆက်တစ်ဆက် (One Generation)ကျော် အသက်၁၈နှစ်ပြည့် တာတောင် လွတ်လွတ်လပ်လပ် လက်ထပ်ခွင့် မရှိ။ လက်ထပ်လိုရင် လျှောက်လွှာတင်ရတာ၊ လာဘ်ထိုးရတာ၊ လက်ထပ်ခွင့် မရှိဘဲ လက်ထပ်သူတွေကို ထောင်ချပစ်တာ၊ မိသားစုတစ်ခုကို ခလေးနှစ်ယောက်ထက် ပိုမယူရဆိုတာတွေနဲ့ လူမဆန်တဲ့ ဖိနှိပ်မှုတွေကြားက ရိုဟင်ဂျာတွေဟာ လူဦးရေပေါက်ဖွားနှုန်း များတယ်လို့ ပြောချင်သေးရင် မူလက လူဦးရေ ဘယ်လောက်ရှိခဲ့တယ်။ အခု ဘယ်လောက်ရှိပြီမို့ လူဦးရေ တိုးပွါးနှုန်း ဘယ်လောက်ဖြစ်နေတယ် ဆိုတာကို ကိန်းဂဏန်းတွေနှင့် ဖေါ်ပြဖို့ လိုအပ်တယ်ဆိုတာလောက်တောင် မသိဆိုးရွားနိုင်လှတဲ့ သနားစရာ အသုံးချခံ ခပ်ချာချာ ပညာတတ် ရခိုင်ကော်မရှင်ဟာ အရပ်ထဲ ရွာရိုးလျှောက် ထင်ရာမြင်ရာ အတင်းလိုက်တုတ်တဲ့ အမယ်အိုကြီးအဆင့်ဘဲရှိနေတာကို မြင်ရတာ စိတ်မကောင်းစရာပါ။

    လူရာချီ အသတ်ခံရ၊ သိန်းချီအိုးမဲ့အိမ်မဲ့ဖြစ်ရတဲ့ ရိုဟင်ဂျာတွေကို မျိုးရိုးနဲ့ချီ၊ သမိုင်းနဲ့ချီပြီး ခိုးဝင်လာသူတွေ၊ အောက်တန်းစားတွေ၊ အကြမ်းဖက်လို သူတွေ၊ ကော်မရှင်ကို လိမ်သူတွေအဖြစ် အခွင့်ရတိုင်း မညှာမတာ အတုံးလိုက် အတစ်လိုက် ထိုးနှက်ထားတာက အစီရင်ခံစာတစ်ခုလုံးမှာ မြင်မကောင်း၊ ရှုမကောင်းလောက်အောင် ဗလပွ ပွစာကြဲနေပါတယ်။ ရခိုင်တွေဘက်ကျတော့ အစွန်းရောက်အုပ်စု ကွက်ကွက်ကလေးကိုတောင် ယောက္ခမနို့ သမက် မစို့ဝန့်သလို ရွှေဖေါ့ရိုးနဲ့ မဝံ့မရဲ ရွယ်ထားတာလောက်ကိုပင် သန်းရှာသလို အတော်လေး ဖြဲရဲရှာယူရတယ်။ ဒါတောင် ကော်မရှင်က မျှမျှတတဝေ ဖန်ထားပါတယ်ဆိုတာကို သက်သေပြနိုင်အောင် မကောင်းတတ်လွန်းလို့ ဘုရားစူးလွတ်၊ မိုးကြိုးပစ်လွတ် ထည့်ပေးလိုက်ရဟန်တူပါတယ်။

    ဦးကိုကိုကြီးက ကျနော်တို့ မျှမျှတတ ဘက်ပေါင်းစုံက ထည့်သွင်းထားပါတယ်လို့ သတင်းစာရှင်းလင်းပွဲမှာ ပြောသွားပါတယ်။ ၁၈၆၁မှာ ဖြစ်ခဲ့တဲ့ ကျွန်တွေ လွတ်မြောက်ရေး အမေရိကန်ပြည်တွင်းစစ်နဲ့ ပတ်သက်ပြီး အမေရိကန်သမ္မတ Abraham Lincoln က My concern is not whether God is on our side. My greatest concern is to be on God’s side. ပြောခဲ့တယ်။ ဦးကိုကိုကြီးတို့ ကော်မရှင်အဖွဲ့ဝင် လူကြီးမင်းများအနေနှင့် အမေရိကန်သမ္မတကြီး အဗရာဟင်လင်ကွန်းနဲ့ ပြောင်းပြန်ဖြစ်တဲ့ မှန်တဲ့ဘက်မှာ မှန်တဲ့အတိုင်း ရပ်တည်ရဲဖို့ထက် ကိုယ်လုပ်ခဲ့တာကို မှန်ကြောင်းသက်သေပြဖို့ ခက်ခက်ခဲခဲ ပင်ပင်ပမ်းပမ်း ကြိုးစားနေတာကို တွေ့နေရတဲ့အတွက် သနားစရာတောင် ကောင်းနေပြန်ပါတယ်။ ဘယ်သူမပြု မိမိမှုပါ ဦးကိုကိုကြီး။ ကိုယ်စိုက်တဲ့အပင်ပဲ ကိုယ်ရိပ်ရမှာပါ။ လူတိုင်းဟာ ကိုယ့်သမိုင်း ကိုယ်ရေးရပါတယ်။

    အတ္တာဟိ အတ္တနော နာထော။

    မိန်းမတွေ၊ သက်ကြီးရွယ်အိုတွေ၊ ခလေးငယ်တွေအပါအဝင်၊ ရိုဟင်ဂျာတွေကို တိုက်ခိုက်မှုတွေမှာ အစိုးရ အုပ်ချုပ်ရေးအဆင့်ဆင့်တွေ၊ နစက၊ လုံထိန်းတွေရဲ့ ပါဝင် ကျူးလွန်မှုတွေကို ဗီဒီယိုကင်မရာ အထောက်အထားတွေ အရကော၊ မျက်မြင်သက်သေများအရပါ အထင်အရှားရှိနေခဲ့တာကို ကော်မရှင်က စုံစမ်းဖေါ်ထုတ်ခဲ့ပါသလား။ အထိကရုန်းဖြစ်စဉ်မှာ တာဝန်ရှိတဲ့ စစ်ဖက်၊ နယ်ဖက်အရာရှိတွေကို စုံစမ်းရေးကော်မရှင်က မစစ်ဆေးနိုင်အောင် ဦးသိန်းစိန်အစိုးရက နယ်ပြောင်းပစ်တာကိုကော ကန့်ကွက်ဘူးပါသလား။ RNDP အပါအဝင် ရခိုင်နိုင်ငံရေးပါတီ ခေါင်းဆောင်တွေက လူမျိုးရေး မုန်းတီးမှုတွေ ပြန့်ပွါးအောင် လူသိရှင်ကြား မိန့်ခွန်းတွေပြော၊ စာရွက်စာတန်းတွေထုတ် လှုံ့ဆော်ခဲ့ကြတာကိုကော  ထိထိရောက်ရောက် အရေးယူပေးဖို့လိုအပ်တယ်လို့ အစိုးရကို ထောက်ခံတင်ပြခဲ့ပါသလား။ နိုင်ငံတကာ သတင်းထောက်တွေက အထောက်အထားနဲ့ ထောက်ပြထားတဲ့ ရိုဟင်ဂျာတွေကို အစုလိုက်အပြုံလိုက်သတ်ပြီး မြှုပ်နှံထားတဲ့ကျင်းတွေကို ပြန်လည်တူးဖေါ်ပြီး စစ်ဆေးမှုတွေ လုပ်ခဲ့ဘူးပါသလား။   ပညာရေး၊ စီးပွါးရေး၊ လူမှုရေး၊ အလုပ်အကိုင် အခွင့်အလမ်း၊ အုပ်ချုပ်ရေးစတဲ့ မြန်မာ့လူ့အဖွဲ့အစည်းက ရှိရှိသမျှ ကဏ္ဍအသီးသီးမှာ ရာစုနှစ်တစ်ဝက်ကျော်လောက် ရက်ရက်စက်စက် အချိုးနှိမ်၊ အပစ်ပယ်ခံထားရလို့ အဖက်ဖက်က အောက်ကျနောက်ကျဖြစ်နေရတဲ့  လူ့မျက်နှာမွဲ ရိုဟင်ဂျာတွေကို လူလိမ်၊ လူညစ်၊ အကြမ်းဖက်သမား၊ လူရိုင်းတွေအဖြစ် မညှာမတာ ရက်ရက်ရောရော ပုံဖေါ်နေခဲ့တဲ့ ခြင်္သေ့အတုကော်မရှင်က ခြင်္သေ့ အစစ်နဲ့တွေ့တဲ့အခါ ယုန်ကလေးဖြစ်သွားပြီး နှာစေး သွားဟန်တူပါတယ်။ စုံစမ်းရေးကော်မရှင် တစ်ရပ်ရဲ့ အင်္ဂါရပ်နှင့် ညီညွတ်အောင် မလုပ်ဆောင်နိုင်ဘဲ ငြိမ်းချမ်းရေးစင်တာမှာ ခပ်တည်တည် သတင်းစာရှင်းလင်းပွဲလုပ်ခဲ့တဲ့ စုံစမ်းရေးကော်မရှင်ဝင် လူကြီးတွေဟာ ပြည်တွင်းမှာ အစိုးရအားကိုးနဲ့ အိမ်ကျယ်လုပ်နိုင်ပေမဲ့ နိုင်ငံတကာ မျက်နှာစာမှာ နတ်ဝတ်ပုဆိုး တိမ်မီးခိုး ဆင်မြန်းထားတဲ့ ပြည့်ရှင်မင်းလို လဇင်းကျွတ်ကြီး ငေါင်းတောင်းတောင်း ဖြစ်နေတာကိုလည်း သတိထားမိကြဟန် မတူဘူး။

    မည်သို့ပင်ဖြစ်စေကာမူ စစ်အစိုးရအဆက်ဆက်ဟာ သူတို့ကို အလုပ်အကျွေးပြုမဲ့ ပညာတတ်အုပ်စုဆိုတာကို အရင်ကလည်း အမြဲတမ်း လွယ်လွယ်ကူကူ ရှာဖွေ အသုံးချနိုင်ခဲ့သလို အခုလည်း အရင်အတိုင်း အလျှံပယ်ရနေတာပါဘဲဆိုတာကို ရခိုင်ကော်မရှင်က သက်သေပြလိုက်တာပါဘဲ။

    ကော်မရှင်ရဲ့ ယေဘုယျ တင်ပြချက်တွေ၊ အကြံပြုချက်တွေမှာ ကောင်းမွန်တာတွေရှိပေမဲ့ အစီရင်ခံစာတစ်ခုလုံးက (၁) ဦးသိန်းစိန်အစိုးရကို အကာအကွယ်ပေးရန်
    (၂) ရခိုင်အစွန်းရောက်အုပ်စုကို မထိခိုက်စေရန်
    (၃) ရိုဟင်ဂျာများကို နိုင်ငံမဲ့ ခိုးဝင်သူ လူဆိုးများအဖြစ် ပုံဖေါ်ရန် ဆိုတဲ့

    ဒို့တာဝန်အရေးသုံးပါးကိုတော့ အောင်မြင်စွာ အကောင်အထည်ဖေါ် ဆောင်ရွက်နိုင်ခဲ့တာကို အထင်အရှား တွေ့ရတယ်။

    တစ်ကယ်တော့ ရခိုင်ကော်မရှင်ရဲ့ အစီရင်ခံစာဟာ ဦးသိန်းစိန်ဖွဲ့ခဲ့တဲ့ ကော်မရှင်တွေအားလုံးအတွက် မသာခေါင်းကို နောက်ဆုံးရိုက်သွင်းလိုက်တဲ့ သံတစ်ချောင်းနဲ့လည်း အလားသဏ္ဍန်တူပါတယ်။ ဒီလိုပုံမျိုးနဲ့ဆို ဦးသိန်းစိန်အစိုးရက နောင်အနာဂတ်မှာ ကော်မရှင်ဆိုတာများဖွဲ့ရင် မျက်နှာပြောင်တိုက် ပါဝင်ရဲသူများဟာ အာဂယောင်္ကျားများသာ ဖြစ်ပေလိမ့်မယ်။

    သို့သော် ဒို့နိုင်ငံမှာက အာဂယောင်္ကျားတွေ ရိုက်သတ်လို့ မကုန်အောင် ပေါများလှတာမို့ – ကိုလွှမ်းမိုးရေ – ကျနော်တို့တွေ အမျိုးအတွက် ငိုနေရတာတွေက တာရှည်အုံးမှာပါဗျာ။

    ဆောင်းပါးရှင်၏ အမြင်နှင့် အာဘော်သာဖြစ်ပါသည်။

  • မြန်မာပြည်တိုးတက်မှု တည်မြဲပါစေ (TheStraitsTimes- ဘာသာပြန်)

    ဧပြီ-၁၉ ၂၀၁၃
    M-Media

    ST_20130419_NYTMYANMAR1_3619906e

    လွန်ခဲ့သည့် နှစ်နှစ်အတွင်း မြန်မာနိုင်ငံအရေးနှင့်ပတ်သက်လျင် အကောင်းမြင် မဆုံးနိုင်အောင်ပါပင်။

    ယုံကြည်ချက်ကြောင့် အချုပ်အနှောင်ခံနေခဲ့ကြရသည့် နိုင်ငံရေးအကျဉ်းသားများ ပြန်လွှတ်ပေးခဲ့သည်။ ခရီးသွားလာရေး ကန့်သတ် ပိတ်ပင်မှုများ ဖြေလျှော့ခဲ့သည်။ တိုင်းပြည်စီးပွားရေး တိုးတက်စရာ လမ်းစများစတင်ခဲ့သည်။ သတင်းလွတ်လပ်ခွင့်ရကာ စာပေစိစစ်ရေး ဆင်ဆာ လျှော့ချခဲ့သည်။ (ပုဂ္ဂလိက) သတင်းစာများ ထွက်ပေါ်ခွင့်ရလာသည်။ သမ္မတကြီး ဦးသိန်းစိန် အစိုးရအဖွဲ့အနေဖြင့် တိုင်းရင်းသားလူနည်းစု လက်နက်ကိုင်များနှင့် ကျွန်တော် အပါအဝင် တိုင်းပြည်မှ စွန့်ခွာခဲ့ကြရသူများအထိပင် အရောက်လှမ်း ဆက်သွယ်နိုင်ခဲ့ပေသည်။ သယံဇာတ ပေါကြွယ်ဝရာ ကျွန်တော်တို့နိုင်ငံသို့ နိုင်ငံခြားသား ခရီးသွားများနှင့် စီးပွားရေးလုပ်ငန်းရှင်များ အဆက်မပြတ် ဝင်ရောက်လာတော့မည့်အရေးပြင်ဆင်ကြလျက် ဗမာပြည်သူပြည်သားတို့ လှုပ်လှုပ်ရှားရှား နိုးကြား တက်ကြွခဲ့ကြရသည်။

    ထိုသို့သောပြုပြင်ပြောင်းလဲမှုများ ကြုံတွေ့ရပ်လျက် အစိုးရနှင့်ပတ်သက်လျင် မယုံရဲသေးကြသူများလည်းရှိသည်။ ကျွန်တော် အပါအဝင်ပါပင်။ စီးပွားနှင့်သြဇာအာဏာ အများစုသည် စစ်တပ်၏  ထိန်းချုပ်ချယ်လှယ်မှုအောက်တွင်သာ ရှိနေသေးသည်။  ယခင်က သူတို့ မည်ရွေ့ မည်မျှ အလွဲသုံးစား လုပ်ခဲ့ကြသည်ကိုလည်း မသိရသေး။ လွန်ခဲ့သော၂၄နှစ်အတွင်း ကျွန်တော် မြန်မာပြည်ကို ပထမဆုံးပြန်လည် သွားရောက်ခဲ့စဉ်က ဆုံတွေ့ခဲ့သည့် ဗမလူမျိုးအများအပြားကတော့ အပြောင်းအလဲများ ပြုလုပ်ပေးနေခြင်းသည် အနောက်နိုင်ငံအစိုးရများက စီးပွားရေး ပိတ်ဆို့မှုများ ရုတ်သိမ်းပေးစေရေး အတွက်သာ ရည်ရွယ်ကြောင်းနှင့် စစ်တပ်အနေဖြင့် အချန်မရွေး အာဏာပြန်သိမ်းနိုင်ကြောင်း ယူဆကြသည်။

    သို့ရာတွင် မြန်မာပြည်အလယ်ပိုင်းတွင် ဗုဒ္ဓဘာသာဝင်တို့နှင့် မွတ်စလင်မ်များအကြား မကြာသေးမီက ဖြစ်ပွားခဲ့သော မလိုလားအပ်ဖွယ် အဓိကရုဏ်းများသည် ကျွန်တော်တို့၏ ပွန်းပဲ့ပျက်စီးထိခိုက်လွယ်သော နိုင်ငံတော်အနာဂတ်အတွက် အကောင်းမြင်တတ်သူတို့အတွက်သည်ပင်လျင် ဆက်မမြင်နိုင်ကြရလောက်စရာ ရတက်မအေးဖွယ်ပါပင်။ ဆူပူအကြမ်းဖက်မှု လူမျိုးရေးပဋိပက္ခများအား အစိုးရက ထိရောက်စွာနှိမ်နင်းဖြေရှင်းခြင်းမရှိပါက တိုးတက်စ မြန်မာနိုင်ငံသည် ကမ္ဘာ့အလယ်တွင် နောက်ထပ်ယူဂိုဆလားဗီးယားနိုင်ငံတစ်နိုင်ငံအဖြစ်ရောက်ရှိကာ လူမျိုးရေးစစ်ပွဲများ ကြုံရပေတော့မည်။

    ပြီးခဲ့သည့်မတ်လက မွတ်စလင်မ်ရွှေဆိုင်ရှင် တစ်ဦးနှင့် ဗုဒ္ဓဘာသာဝင် ဈေးဝယ်သူတစ်ဦးကြား မြို့လယ်ခေါင်တွင်ဈေးအရောင်းအဝယ်တစ်ခုမှ အစပြုကာ မွတ်စလင်မ်တို့အပေါ်သို့ ဗုဒ္ဓဘာသာဝင်တို့မှ အဓမ္မ အကြမ်းဖက်မှု ဖြစ်ပေါ်ခဲ့သည်။ ဗုဒ္ဓဘာသာဝင် လူအုပ်များမှ မွတ်စလင်မ်တို့အား လိုက်လံတိုက်ခတ် သတ်ဖြတ်ခဲ့ကြသည်။ မွတ်စလင်မ် အမြောက်အမြား ရိုက်နှက်ညှင်းပမ်းခံခဲ့ရပြီး ၃၀ကျော် သေကြေခဲ့ရသည်။ အချို့သည်ကား လမ်းမထက်သို့ တရွတ်တိုက်ဆွဲကာ ဓာတ်ဆီလောင်း မီးရှို့ခံခဲ့ကြရသည်။ အလွန်ဆိုးရွားလှသည့်အချက်ကတော့ ရဲသားတို့က ဘေးကရပ်ကာ ကြည့်နေခဲ့ကြသည်လေ။

    ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် မစ္စတာ ဗီဂျေ နမ်ဗီးယားက မြန်မာပြည်သို့ သွားရောက်လေ့လာခဲ့ပြီး ပြောခဲ့သည်က မွတ်စလင်မ်များသည် ပစ်မှတ်ထားခံရကာ ဦးတည်ချက်ရှိရှိ  တိုက်ခိုက် ခံနေကြရသည်ဟူ၍ပင်။
    ”အကြင်နာကင်းမဲ့၍  ရက်စက်ကြမ်းကြုတ်သော အကွက်ကျကျ၊ စနစ်တကျ စွမ်းအားမြင့် အစွမ်းကုန်တိုက်ခိုက်မှု” ”brutal efficiency” ဟူသော စကားလုံးကိုရွေးချယ် အသုံးပြု၍ဖော်ပြသွားခဲ့သည်။ အလွန်ပင် ထိရောက်လှသော စကားလုံးရွေးချယ်မှု ဖြစ်ပါသည်။

    ဤသို့သော လူ့အဖွဲ့အစည်းနှစ်ရပ်ကြားရှိပဋိပက္ခများသည် မြန်မာပြည်အတွင်းအမြစ်တွယ်လျက်ရှိလေသည်။ တိုင်းရင်းသားလူမျိုးစုပေါင်း ၁၃၅မျိုး ရှိသော မြန်မာနိုင်ငံသည် လွတ်လပ်ရေးရခဲ့သည့် ၁၉၄၈ခုနှစ် ကတည်းကစတင်ကာ ပြည်တွင်းစစ်ဒဏ် ခံနေရသည်။ အများစုက ဗမာ လူမျိုးများဖြစ်ကြသည့် စစ်အာဏာရှင် အဆက်ဆက်သည် နှစ်ပေါင်းများစွာပင် လူနည်းစုတိုင်းရင်းသားတို့အား လူ့အဖွဲ့အစည်းအသိုင်းအဝိုင်းမှ နှိမ်ချကာ တစ်ဆင့်နိမ့်နိုင်ငံသား အဖြစ်သတ်မှတ်လျက် “တိုင်းရင်းသား သန့်စင်ရေး” လုပ်ရန် ကြိုးပမ်းခဲ့ကြသည်။

    တိုင်းပြည်လူဦးရေ သန်းပေါင်း၆၀နက် ၄ရာခိုင်နှုန်းခန့်ရှိသော မွတ်စလင်မ်တို့သည် အာဏာပိုင်တို့၏ ပစ်မှတ်ကောင်းတစ်ခု ဖြစ်လေသည်။ အနိမ့်ဆုံးအဆင့်အားဖြင့် ဗမာလူမျိုးများအနေနှင့် မွတ်စလင်မ်တို့အား သံသယဖြင့် ရှုမြင်ကာ ဒုတိယတန်းစား နိုင်ငံသားအဖြစ်သာ သဘောထားကြပေတော့သည်။ အဆိုးရွားဆုံးအနေအထားအားဖြင့်မူ မွတ်စလင်မ်တို့သည် ယခု မိတ္ထီလာဖြစ်စဉ်ကဲ့သို့ အကြမ်းဖက်မှုစီမံကိန်းများ၏ သားကောင် ဓားစာခံပင် ဖြစ်ကြရသည်အထိပင်။

    မြန်မာပြည်အနောက်ပိုင်း ရခိုင်ပြည်နယ်ရှိ ရိုဟင်ဂျာ မွတ်စလင်မ်လူစုကတော့ မွတ်စလင်မ်ဆန့်ကျင်ရေး အမုန်းမီးကို ပြင်းပြင်းထန်ထန် ခံစားခဲ့ကြရဖူးပါပြီ။ ပြီးခဲ့သည့်နှစ်အတွင်း ဗုဒ္ဓဘာသာအစွန်းရောက်များ လက်ချက်ကြောင့် ရိုဟင်ဂျာလူမျိုး ၁၅၀ကျော် အသတ်ခံခဲ့ရပြီး ၁၀၀၀၀၀ကျော် အိုးမဲ့အိမ်မဲ့ဖြစ်ကာ ကယ်ဆယ်ရေးစခန်းသို့ ရောက်ခဲ့ကြရသည်။

    မြန်မာပြည်အနောက်ပိုင်းတွင် ထိုပဋိပက္ခ ဖြစ်ခဲ့စဉ်မှစကာ မွတ်စလင်မ်ဆန့်ကျင်သူ အစွန်းရောက်များက နိုင်ငံတစ်ဝန်း သွားကာ မွတ်စလင်မ်မကောင်းကြောင်း လှည့်လည်ဟောပြောခြင်း၊ “တိုင်းပြည်နှင့်လူမျိုး ကာကွယ်ရမည့်အကြောင်း” တရားဟော အသံသွင်း ရိုက်ကူးဖြန့်ဝေခြင်း၊ မွတ်စလင်မ်ပိုင် စီးပွားရေး လုပ်ငန်းများအား သပိတ်မှောက် ဆန့်ကျင်သည့်အနေဖြင့် အားမပေးရန် စတစ်ကာများ ဝေငှခြင်း စသည်တို့ကို လုပ်ဆောင်လာကြသည်။ လွတ်လပ်စွာပြောဆိုခွင့် လောလောလတ်လတ်ပြုထားသည်ကို အခွင့်ကောင်းယူကာ “မွတ်စင်မ်များက စီးပွားရေး လက်ဝါးကြီးအုပ်ကြသည်၊ မွတ်စလင်မ်များက အမျိုးသမီးတို့အား အစ္စလာမ်ဘာသာသို့ သွတ်သွင်းနေကြသည်” စသည်ဖြင့် ဝါဒဖြန့်ကြသည်။

    အုပ်ချုပ်သူတို့ကလည်း အခြေအနေ ပိုဆိုးစေရန်ဖန်တီးနေကြယုံမျှသာ။ ယခင်က စစ်အစိုးရအရာရှိဖြစ်ခဲ့ကာ လက်ရှိအစိုးရအဖွဲ့တွင်ပါဝင်သူ (အနည်းဆုံး) တစ်ဦးကလည်း ဆိုရှယ်မီဒီယာတွင် မွတ်စလင်မ်မုန်းတီးရေးများ တက်တက်ကြွကြွ ဖြန့်ချိနေသည်။ အစိုးရအနေဖြင့် ရခိုင်ပြည်နယ်တွင် လူသတ်မှု ကျူးလွန်ခဲ့ကြသူများအား ဖမ်းဆီး အရေးယူခြင်း မရှိသေးချေ။

    မိတ္ထီလာတွင်တော့ ဗုဒ္ဓဘာသာဝင်လူအုပ်စုက မွတ်စလင်မ်တို့အား တိုက်ခိုက်သတ်ဖြတ်နေသည်ကို ရဲများက လက်ပိုက်ကြည့်နေကြကြောင်း သတင်းများ ကြားသိတွေ့မြင်ခဲ့ရသည်။ ရဲအချို့က ဂျာနယ်များတွင် ပြောကြားဖော်ပြခဲ့သည်က “သူတို့အားရှောင်နေကြရန်၊ ဝင်မပါကြရန် အမိန့်ပေးထားသည်” တဲ့။

    နောက်ဆုံးတွင်တော့ မိတ္ထီလာသို့ စစ်တပ် စေလွှတ်ခဲ့သည်။ သို့သော် ဤသည်ကြောင့်ပင် တရားဥပဒေ ပြန်လည်စိုးမိုးစေရေးအတွက် အကြောင်းပြချက်ဖြင့် စစ်အာဏာပြန်သိမ်းမည်ကို စိုးရိမ်ကြစရာ ပိုဖြစ်ခဲ့ရသည်။

    ဤအနေအထားအရ မြန်မာတို့အတွက်ရွေးချယ်စရာက ဒွိဟ အတွေးပွားဖွယ် အခြေအနေပင် …. လုံခြုံမှုနည်းလွန်းသည့် လက်ရှိအခြေအနေလား၊ သို့တည်းမဟုတ် ယခင်ကကဲ့သို့ အလွန်တည်းကြပ်သည့် လုံခြုံရေးကပင် ပိုကောင်းလေသည်လား။

    မိတ္ထီလာ ပဋိပက္ခ အပြီးတွင် သမ္မတကြီး ဦးသိန်းစိန်က တီဗီရုပ်မြင်သံကြားမှ မိန့်ခွန်းပြောကြားရာတွင် နိုင်ငံရေး အမြတ်ထုတ်လိုသူများနှင့် ဘာသာရေးအစွန်းရောက်များအား၏ အမုန်းမီးတိုက်မှုကို လက်သင့်ခံမည်မဟုတ်ကြောင်း ထိုသူတို့ကို သတိပေးလိုက်သည်။ ထို့ပြင်
    သူ့အနေဖြင့် လိုအပ်ပါက အင်အားသုံးကာပင် ဖြေရှင်းရန် အသင့်ရှိကြောင်း ကြေညာခဲ့သည်။

    ဤသည်က အစကောင်းပါပင်။ သို့သော် မလုံလောက်သေးပါ။ အစိုးရသည် ယခုထက်ပို၍ လုပ်ရန် ရှိနေပါသေးသည်။ ပြစ်မှု ကျူးလွန်ခဲ့သူတို့အားဖမ်းဆီးကာ တရားဥပဒေအရ ပြစ်ဒဏ်ချ စီရင်ခြင်းအားဖြင့် နိုင်ငံတော်သည် တရားဥပဒေစိုးမိုးမှုရှိကြောင်း ပြသရာရောက်ပါမည်။
    ရေရှည် တည်ငြိမ်အေးချမ်းရေး အတွက်လည်း အစိုးရအနေဖြင့် သမာသမတ်တရားနည်းလမ်းကျသော၊ ကျိုးကြောင်းဆီလျော်သော ဆွေးနွေးပြောဆိုမှုများနှင့် လူမျိုးပေါင်းစုံ၊ဘာသာပေါင်းစုံ ချစ်ကြည်ရင်းနှီးစွာ အတူတကွနေထိုင်နိုင်ကြစေရေးတို့အတွက် အားပေးကူညီပံ့ပိုးပေးရပါမည်။

    မတော်မတရား အကြမ်းဖက်လှုံ့ဆော်မှုလုပ်သူများ အောင်မြင်မည်မဟုတ်ဘဲ လွတ်လပ်စွာကွဲလွဲကြပိုင်ခွင့်ကို အသိအမှတ်ပြုကြသူများ၊ ငြိမ်းချမ်းစွာ အတူယှဉ်တွဲနေထိုင် လိုသူများသာလျင် အောင်ပွဲခံနိုင်မည်ဖြစ်ကြောင်းကိုလည်း ကျယ်ကျယ်ပြန့်ပြန့်သိကြစေရန် ရှင်းလင်းပြတ်သားစွာဖြင့် ကြေညာရန် လိုအပ်ပါသည်။

    ဒီမိုကရေစီအတိုက်အခံများအင်အားစုများ၊ လူမှုရေးအသင်းအဖွဲ့များနှင့် ဘာသာအသီးသီးမှ ခေါင်းဆောင်များအနေဖြင့်အားလုံး မကြာမီက ပဋိပက္ခများကို ပေါ်ပေါ်တင်တင် ဆန့်ကျင် ရှုတ်ချကြသင့်ပေသည်။ လေးစားရပါသော အတိုက်အခံခေါင်းဆောင် ဒေါ်ါ်အောင်ဆန်းစုကြည် အနေဖြင့်လည်း နိုင်ငံသား လူနည်းစုများအပေါ် မတရား ဆက်ဆံနေကြခြင်းများနှင့်စပ်လျဉ်း၍ နှုတ်ဆိတ်နေခြင်း အဆုံးသတ်ကာ မွတ်စလင်မုန်းတီးရေး အကြမ်းဖက်မှုများနှင့် အခြား မည်သို့သော လူမျိုးရေး အကြမ်းဖက်မှုများကိုမဆို လက်မခံဆန့်ကျင်ကြောင်း ပွင့်ပွင့်လင်းလင်း ပြောကြားသင့်ပါပြီ။

    အမေရိကန်သမ္မတကြီး ဘာရက်အိုဘားမား ပြီးခဲ့သည့်နိုဝင်ဘာလက လာရောက်ခဲ့ခြင်းအပါအဝင် နိုင်ငံခြားခေါင်းဆောင်များ နှင့် နိုင်ငံခြား ခရီးသွားများ ခြေခြင်းလိမ် မတတ် မြန်မာပြည်သို့ လာရောက်လေ့လာနေစဉ် ကာလတွင် နိုင်ငံ့ကောင်းကျိုးကိုမျှော်ကိုးလျက် “အုပ်စုမတူသူကို မနှစ်သက်၍ ဖယ်ကြဉ်” တတ်သည့် အကျင့်ဆိုးကို ဖယ်ရှားသင့်ပါပြီ။ ၂၀၁၅တွင် ရွေးကောက်ပွဲ ကျင်းပဦးမည်ဖြစ်ရာ နောက်ကြောင်းပြန်လိုသူ အပြောင်းအလဲ မလိုလားသူ ခေါင်းမာသူများနှင့် ယခင်စစ်အာဏာရှင်များက ရွေးကောက်ပွဲ မတိုင်မီ ဤကာလအတွင်း ပဋိပက္ခများ စိုးရိမ်ပူပန်ကြောင့် ကျရမှုများ ဖန်တီးကာ စစ်အာဏာ နောက်တစ်ကြိမ်ပြန် သိမ်းရန် အသုံးချနိုင်ပါသည်။ မြန်မာပြည်ကြီး အမိုက်မှောင်ခေတ် နောက်တစ်ခါ ပြန်အရောက် မခံနိုင်တော့ပါ။

    INTERNATIONAL HERALD TRIBUNE
    (စာရေးသူသည် ဧရာဝတီ သတင်းမဂ္ဂဇင်း တည်ထောင်သူနှင့် (ယခင်က) ထိုမဂ္ဂဇင်း အယ်ဒီတာဟောင်း ဖြစ်ပါသည်။ ၈၈ ကျောင်းသားတစ်ဦးဖြစ်ပြီး ၁၉၈၈တွင် တိုင်းပြည်မှ ထွက်ခွာခဲ့ရကာ ထိုစဉ်မှစ၍ ပြီးခဲ့သည့်နှစ်က မြန်မာပြည်သို့ ပထမဆုံးအကြိမ် ပြန်လည် အလည်သွားရောက်ခဲ့ပါသည်။)

    The Straits Times  တွင် Keep Myanmar on track ဖြင့် Aung Zaw ရေးသားသည့် ဆောင်းပါးကို ဆီလျော်အောင် ပြန်ဆိုပါသည်။