News @ M-Media

Tag: Option

  • ဘာသာတရားများအပေါ် အမည်းစက်များ မစွန်းထင်းစေလို

    ဘာသာတရားများအပေါ် အမည်းစက်များ မစွန်းထင်းစေလို

    ဧပြီ ၁၁ ၊ ၂၀၁၃
    ရေးသူ-O’Laie Manzu

    ဘာသာရေးအကြမ်းဖက်မှုများပေါ်ပေါက်လာစေရန်အတွက် တိုက်တွန်းနှိုးဆော်နေသော ဦးဝီရသူအား အတုအယောင် ဘာသာရေးခေါင်းဆောင်ဖြစ်ကြောင်းသုံးသပ်မှုများ ယခုရက်ပိုင်းများအတွင်း ထင်ထင်ပေါ်ပေါ်ထွက်ပေါ်လာခဲ့ပါသည်။ ဦးဝီရသူလျှောက်လမ်းနေသည့် လမ်းကြောင်းမှာ ဗုဒ္ဓဘာသာနှင့် ဆန့်ကျင်နေသည့်အပြင် ဗုဒ္ဓဘာသာ၏ သာသနာရေးအရှိုင်အဝါအားလည်း ငြိုးမှိန်စေပါသည်။ ဦးဝီရသူ၏ ဟောပြောချက်များသည် ဗုဒ္ဓမြတ်စွာဘုရား၏ သွန်သင်ဆုံးမမှုများနှင့် သွေဖီနေသောကြောင့် ဗုဒ္ဓဘာသာ အမှတ်တံဆိပ်ကပ်ရန်ပင် မထိုက်တန်။ ထိုကြောင့် ဗုဒ္ဓမြတ်စွာဘုရား၏ သွန်သင်ဆုံးမမှုများအား အခြေခံသည့် ထေရဝါဒ နှင့် ဦးဝီရသူ၏ လူမျိုးရေးနှင့် ဘာသာရေး မုန်းတီမှုများအပေါ် အခြေခံသည့် ဝီရသူဝါဒ တို့သည် မတူညီကြောင်း ကွဲကွဲပြားပြား ခွဲခြားရှု့မြင်ရပါလိမ့်မည်။ နှိုင်းယှဉ်၍ပင်မရနိုင်။

    ဦးဝီရသူသည် လူမျိုးရေးအစွန်းရောက် လမ်းမှားပေါ်သို့ရောက်ရှိနေသည့်အတွက် ၎င်း၏ လုပ်ရပ်အားအခြေခံ၍ ဗုဒ္ဓဘာသာတစ်ရပ်လုံးအား အပြစ်တင် လက်ညိုးထိုး၍မရနိုင်ပေ။ ၎င်းသည်ဗုဒ္ဓဘာသာဝင် အားလုံးကို ကိုယ်စားပြု ဦးဆောင်နေသည့် ခေါင်းဆောင်မဟုတ်ကြောင်းလည်း သတိပြုသင့်သည်။ မမှန်မကန်ဟောပြောချက်များ၊ လုပ်ကြံဝါဒဖြန့်မှုများ၊ ပုံကြီးချဲ့မှုများမှာ မုသာဝါဒဖြစ်ပြီး သံဃာကျင့်ဝတ်နှင့်မကိုက်ညီကြောင်း ဗုဒ္ဓဘာသာဝင်တိုင်း သိကြပါသည်။ ထို့ကြောင့် ဦးဝီရသူအား ဗုဒ္ဓဘာသာဝင်အများစုမှ လက်မခံကြပေ။

    ဘာသာရေးခေါင်းဆောင်များသည် မိမိတို့ယုံကြည်ကိုးကွယ်ကြသည့် ဘာသာတရားအား ပိုမိုထွန်းကားစေချင်ကြသည်။ ပြန့်ပွားလာစေချင်ကြသည်။ နှောင်ဘဝတွင် (သက်ရှိ သတ္တဝါ) အားလုံး နိဗ္ဗာန်ဘုံသို့ရောက်စေလိုသည့် စိတ်ရင်းစေတနာအပြည့်ရှိကြသည်။ ထို့ကြောင့် မကောင်းမှုရှောင်၊ ကောင်းမှုဆောင်ရန် တိုက်တွန်းနှိုးဆော်ကြသည်။ ကြိုးပမ်းဆောင်ရွက်ကြသည်။ သို့သော် အချို့သော ခေါင်းဆောင်များမှာ စေတနာလွန်ကဲ၍ အကုသိုလ်ပွားလာတက်ကြသည်။ မိမိနှင့် ယုံကြည်ချက်ချင်းမတူသူများအား ဆန့်ကျင်သည့် လုပ်ရပ်များ လုပ်ဆောင်လာကြသည်။ ဘာသာရေးခေါင်းဆောင်များအနက် အချို့သောအမြင်ကျဉ်းမြောင်းသူများသည် ဘာသာတရား၏ဆုံးမမှုများနှင့် မိမိကိုယ်ပိုင်ထင်မြင်ယူဆချက်များ ပေါင်းစပ်ကြသည်။ လူအများ၏ ကြည်ညိုမှုများရရှိလာပြီးနောက်ပိုင်း ဟောချင်တိုင်းဟော၊ ပြောချင်တိုင်းပြောနှင့် ဘာသာတရား၏ အနှစ်သာရအား ဦးဆောင်ဖျက်ဆီးသူများဖြစ်လာကြသည်။ ယင်းကဲ့သို့သော ခေါင်းဆောင်များ ဘာသာတိုင်းတွင် ရှိတက်ကြသည်။

    ဦးဝီရသူသည် ဗုဒ္ဓဘာသာ၏ သာသနာနှစ် နှစ်ထောင်ငါးရာကျော်အတွင်း အစွန်းရောက်ဆုံးသော ဘာသာရေးခေါင်းဆောင်အဖြစ် စံချိန်တင်လောက်ပေသည်။ သင်္ဃန်းခြုံထား၍သာ ဘာသာရေးခေါင်းဆောင်ဟု ရည်ညွန်းရခြင်းဖြစ်သည်။ ဘာသာရေးလုပ်နေခြင်းမဟုတ်သောကြောင့် တချို့မှာ ဘာသာရေးခေါင်းဆောင်အဖြစ် အသိအမှတ်ပြုကြမည်မဟုတ်ပေ။ ၎င်းဟောပြောချက်များမှာ ငြိမ်းချမ်းရေးတရားမဟုတ်… အမုန်းပွား ရန်ငြိုးထားရန် လှုပ်ဆော်နေခြင်းသာဖြစ်သည်။ ဦးဝီရသူ၏ ဟောပြောချက်များကြောင့် နားယောင်ကာ အမုန်းပွားမှုများ၊ အကြမ်းဖက်မှုဖြစ်ပေါ်လာခဲ့သည်ကို သာဓကနေဖြင့်မှတ်ယူကာ ဦးဝီရသူကဲ့သို့ အစွန်းရောက်သည့် ခေါင်းဆောင်များ မည်သည့်ဘာသာအတွင်းမှ မပေါ်ပေါက်လာစေရန် ထိန်းသိမ်းကြရမည်။

    အခြားနိုင်ငံ သို့မဟုတ် အခြားအရပ်ဒေသများတွင် ဖြစ်ပွားနေသော ဘာသာရေး-လူမျိုးရေး ပဋိပက္ခများအား လက်ညိုးထိုးကာ မိမိပတ်ဝန်းကျင်တွင်လည်း အလားသဏ္ဍာန်တူသည့် ပဋိပက္ခများဖန်တီးနေကြမယ်ဆိုလျင် ငြိမ်းချမ်းမှုဟူ၍ရှိလိမ့်မည်မဟုတ်။ လူတစ်စု၏ လုပ်ရပ်အား တုန့်ပြန်သည့်အနေဖြင့် ဘာသာတရားတစ်ရပ်လုံးအား ဆန့်ကျင်သည့် လုပ်ရပ်များ မလုပ်မိစေရန် သတိပြုကြရမည်။ လူသားတိုင်းသည် လွတ်လပ်စွာယုံကြည်ကိုးကွယ်ခွင့်ရှိစေရမည်ဖြစ်သော်လည်း အခြားဘာသာအား စော်ကားခြင်းမှာ အခွင့်အရေးတစ်ရပ်မဟုတ်။ လုပ်ပိုင်ခွင့်လည်းမရှိ။

    လူသားတို့သည် မိမိ၏ ခံယူချက်၊ ယုံကြည်ချက်များအား ထိပါးစော်ကားမှုကို မခံချင်ကြ။ မိမိကိုယ်၌လည်း အခြားသူများ၏ ခံယူချက်၊ ယုံကြည်ချက်များအား ထိပါးစော်ကားမှုများမပြုလုပ်သင့်။ ဘာသာတရားသည် လူသားတို့အဖို့ အပြင်းထန်ဆုံးသော ယုံကြည်ချက်ဖြစ်သည်။ အခြားဘာသာများအား ဆန့်ကျင်စော်ကားမှသာလျှင် မိမိကိုးကွယ်ယုံကြည်သည့် ဘာသာတရား ပိုမိုထွန်းကားပြန့်ပွားမည် မဟုတ်ကြောင်း အမြဲသတိပြုသင့်သည်။

    ဘာသာတရားများအား ဆန့်ကျင်စော်ကားကြလျှင်လည်း မည်သည့်ဘာသာမျှ ဤကမ္ဘာမြေပေါ်မှ ပပျောက်သွားမည်မဟုတ်။ ကမ္ဘာတစ်သက် ဘာသာတရားတစ်ခုတည်းအား လူသားတိုင်းအကြွင်းမဲ့လက်ခံသည့် ဘာသာတရား ဟူ၍လည်း ဖြစ်ပေါ်လာမည်မဟုတ်။ အပြန်အလှန်တိုက်ခိုက်နေကြလျှင် ဘာသာတရားများအပေါ် အမည်းစက်များ  စွန်းထင်းကာ သွေးစွန်းနေသည့်ဘာသာများအား နှောင်မျိုးဆက်သစ်များ စွန့်ပယ်လာကြလိမ့်မည်။ တစ်ခဏတာအသက်ရှင်နေထိုင်ကြရသည့် ဤလူ့လောကကြီးအား နိဗ္ဗာန်အကျိုးမျှော်ကိုး၍ ငရဲပြည်အသွင် ဖန်တီးနေကြသော ဘာသာရေးခေါင်းဆောင်များ၏ လုပ်ရပ်များကြောင့် ဘာသာတရားများအား ရွံ့ရှာမုန်းတီးလာကြလိမ့်မည်ကို သတိပြုသင့်ပေသည်။

  • အတူမနေရင် တသီးတခြားနေပေါ့။

    အတူမနေရင် တသီးတခြားနေပေါ့။

    ဖေဖော်ဝါရီ ၁၄ ၂၀၁၃
    M-Media
    ညီမောင်ပုံဖော်ကြည့်သည်။

    ကမ္ဘာ့မြေပုံကိုကြည့်၊ သေချာကြည့်၊ ခွဲခြမ်းစိတ်ဖျာကြည့်၊ နိုင်ငံစုံကို တွေ့ရမှာမဟုတ်လား။ ဗဟုသုတမရှိဘဲနှင့်တော့ မကြည့်လေနှင့်။ အမှားအယွင်းရှိသွားနိုင်တယ်လေ။ ဘာသာတစ်မျိုးတည်းသာရှိတယ်ဆိုတဲ့နိုင်ငံ ဘယ်နှစ်နိုင်ငံတွေ့လဲ? လူမျိုးတစ်မျိုးတည်းသာ နေထိုင်တယ်ဆိုတဲ့နိုင်ငံ ဘယ်နှစ်နိုင်ငံတွေ့သလဲ? ဒါဖြင့် ဘာတွေလဲ? အမှန်အတိုင်း ပြောရမယ်နော်၊ အရှိကို အရှိအတိုင်း မြင်ရမယ်နော်။ အမြင်မသွေစေနှင့်လေ။ အမှန်ကို အမှန်အတိုင်း ပြောရမယ်နော်။ အမှန်အတိုင်းပြောမှသာ အများက လက်ခံလေမပေါ့။ အမှန်ကို အမှန်အတိုင်းမပြောသူကို ဘယ်လို သတ်မှတ်ရမလဲ?

    လူမျိုးဆိုတာ အစုအဝေးနှင့် နေကြရတယ်။ အဲဒီနိုင်ငံတွေမှာ မတူသူတွေ ဘယ်လိုနေထိုင်ကြသလဲ။ လူဆိုတာမျိုးဟာ တစ်ဦးနှင်တစ်ဦး အားလုံး စိတ်တူကိုယ်တူဖြစ်ဖို့ဆိုတာ အင်မတန်မှ ခဲယဉ်းလှပါတယ်။ တစ်အူတုံဆင်း ညီရင်းအစ်ကိုမောင်နှမတွေပင် သင့်တင့်မှုရှိတယ်ဆိုတာ ရှာမှရှားပဲ။ ဒါဖြင့် ဘယ်လိုနေထိုင်ကြမလဲ? မတည့်ပေမဲ့ အတူနေကြတာပဲဖြစ်ဖြစ်၊ တသီးတခြားနေတာပဲဖြစ်ဖြစ် အဆင်ပြေအောင်တော့ နေကြရတာပဲမဟုတ်လား။ အဆင်ပြေမှုကို ရှာကြံရတာပဲမဟုတ်လား။ ရန်သူဖြစ်အောင်လုပ်လို့ကတော့ အကျိုးတရားရယ်လုိ့ ဖြစ်လာမှာမဟုတ်ဘူး။ အမုန်းတရားတွေသာ များလာမယ်ဆိုရင် နေရထိုင်ရ ကျဉ်းကြပ်လာမှာပေါ့။ နှစ်ဖက်စလုံး ထိခိုက်ကြရမှာပေါ့။

    ဒါကြောင့် တစ်ယူမသန်ဖို့လိုတယ်။ တဇောက်ကန်းဟာ ဘယ်နေရာမှ အသုံးမတည့်ဘူး။ ဒီလိုလူမျိုးတွေဟာ ပညာမဲ့တွေ၊ ငတုံးတွေ၊ အစွန်းရောက်တွေ၊ တာလီဘန်၊ အလ်ကိုင်ဒါတွေဟာ အစွန်းရောက်တွလို့ စွပ်စွဲကြတယ်။ မှန်သင့်သလောက်တော့ မှန်ပါတယ်။ အငြင်းမပွားလိုပါဘူး။ တာလီဘန်သတ်တာဟာ တစ်ကြိမ်တစ်ကြိမ်မှာ တစ်ရာကျော်လောက်မရှိပါဘူး။ ဒါဖြင့်ရင် နာဇီတွေက ဂျူးခြောက်သန်းသတ်တယ်။ ကမ္ဘောဒီးယားက မိမိပြည်သူတွေ သုံးသန်းကျော်လောက်သက်တယ်။ အာဖရိကမှာ Hutu နှင့် Tutsi တို့ အပြန်အလှန် မျိုးဖြုတ်သတ်ကြတာဟာ နှစ်သန်းလောက်ရှိတယ်။ ရုရှားက ချေချင်းညှာ လူဦးရေရဲ့ ထက်ဝက် သန်းကျော်သတ်တယ်။ သတ်တဲ့လူတွေဟာ မွတ်စလင်မ်တွေ မဟုတ်ကြဘူး။ ဒါကို အမြင်ရှင်းရှင်းနဲ့ မြင်တတ်ဖို့လိုတယ်။ ဓမ္မဓိဌာန် ကျကျ တွေးတတ်ဖို့လိုတယ်။ လူသတ်မှုကျူးလွန်တယ်ဆိုတာ ကျူးလွန်သူနှင့်သာ သက်ဆိုင်တယ်။ ကျူးလွန်သူဟာ ဘယ်ဘာသာဝင်၊ ဘယ်လူမျိုးဖြစ်တယ်ဆိုတာ အကြောင်းအရင်းခံမဟုတ်ဘူး။ လူတစ်ဦးကျူးလွန်တာကို တစ်နွယ်ငင် တစ်စင်ပါတယ်လို့  ခပ်နိမ့်နိမ့်အတွေးအခေါ်မျိုးနှင့်သာ သတ်မှတ်နေမယ်ဆိုရင်တော့ မီးခိုးမဆုံး ဖြစ်နေတော့မှာပဲမဟုတ်လား? ကျူးလွန်သူနဲ့ ဘာမှမပက်သက်သူက ဘာကိုတာဝန်ယူရမှာလဲ။ ဘယ်လိုများတာဝန်ရှိနေမှာလဲ?

    ကမ္ဘာ့ကုလသမဂ္ဂက (၁၀၊ ၁၂၊ ၁၉၄၈) ရက်နေ့မှာ “အပြည်ပြည်ဆိုင်ရာ လူ့အခွင့်အရေး ကြေညာစာတမ်း” ကို ထုတ်ခဲ့တယ်။ အဲဒီကြေညာစာတမ်းအပေါ် မြန်မာနိုင်ငံကလည်း အသိအမှတ်ပြု လက်မှတ်ရေးထိုးထားပြီးဖြစ်တယ်။ အဲဒီကြေညာစာတမ်းရဲ့ အပိုဒ်(၂)မှာ “လူတိုင်းသည် လူ့အခွင့်အရေးကြေညာစာတမ်းတွင် ဖေါ်ပြထားသည့် အခွင့်အရေးအားလုံး၊ လွတ်လပ်ခွင့်အားလုံးတို့ကို ပိုင်ဆိုင်ခံစားခွင့်ရှိသည်။ လူမျိုးနွယ်အားဖြင့် ဖြစ်စေ၊ အသားအရောင်အားဖြင့်ဖြစ်စေ၊ ကျား မ သဘာဝအားဖြင့်ဖြစ်စေ၊ ဘာသာစကားအားဖြင့်ဖြစ်စေ၊ ကိုးကွယ်သည့် ဘာသာအားဖြင့် ဖြစ်စေ၊ နိုင်ငံရေးယူဆချက် (သို့တည်းမဟုတ်) လူမှုအဆင့်အတန်းနှင့်ဆိုင်သော ဇစ်မြစ်အားဖြင့် ဖြစ်စေ၊ ပစ္စည်းဥစ္စာ ဂုဏ်အားဖြင့်ဖြစ်စေ၊ မျိုးရိုးဇာတိအားဖြင့်ဖြစ်စေ၊ အခြား အဆင့်အတန်းအားဖြင့်ဖြစ်စေ ခွဲခြားခြင်း မရှိစေရ” ဟု ဖော်ပြထားပါတယ်။

    ဘယ်လောက်မျှတတဲ့ ကြေညာစာတမ်းလဲ။ အများကိုဖြစ်စေ၊ တစ်ဦးချင်းကိုဖြစ်စေ နစ်နာစေရန်အတွက် ဘာမှမပါ။ ဒီကြေညာစာတမ်းအတိုင်း တစ်သဝေမတိမ်း လိုက်နာဆောင်ရွက်ကြမယ်ဆိုရင် နိုင်ငံတစ်နိုင်ငံကို မဆိုထားဘိ။ တစ်ကမ္ဘာလုံး ငြိမ်းငြိမ်းချမ်းချမ်း ဖြစ်နေမှာမဟုတ်လား။ သို့ပေမဲ့လို့ ဒီကြေညာစာတမ်းအတိုင်း မဆောင်ရွက်ကြလို့ စစ်ဖြစ်ကြ၊ ပဋိပက္ခဖြစ်ကြ၊ စိတ်ဝမ်းကွဲကြ အတောမသတ်နိုင်ကြပါတကား။ လူသားဆိုတာ အခြားလူသားတစ်ဦးကို မိမိလိုပဲ လူသားတစ်ဦးဖြစ်ပါလားဆိုတဲ့ အသိအမြင် ဦးစွာရှိရပါမယ်။ ဒီထက် တစ်လှမ်းတိုးပြီး တခြားတစ်ဦးကို လူ့ကျင့်ဝတ်အတိုင်း ကျင့်ကြံမယ်ဆိုရင် ပဋိပက္ခဆိုတာ ရှိနိုင်ပါတော့မလား။ ဆင်ခြင်ဖွယ်၊ မှတ်သားဖွယ်၊ သုံးသပ်ဖွယ်။

    ၂၀၀၈ခုနှစ် မြန်မာနိုင်ငံဖွဲ့စည်းပုံအခြေခံဥပဒေ အခန်း(၁၀)၌ နိုင်ငံသားများ၏ အခွင့်အရေးနှင့် ပက်သက်၍ ပြဌာန်းထားပါတယ်။ ဖွဲ့စည်းပုံ ဥပဒေတွင်ပါရှိသော ပြဌာန်းချက်များမှာ နိုင်ငံသားအားလုံးအတွက်ရည်ရွယ်ပြီး ပြဌာန်းထားခြင်းဖြစ်ရာ နိုင်ငံသားအားလုံးသည် ဖွဲ့စည်းပုံပါ ပြဌာန်းချက် အတိုင်း ရပိုင်ခွင့်များ ရရှိမည်ဆိုပါက အတိုင်းထက်အလွန် ၀မ်းသာပီတိ ဖြစ်ရမည်သာ။ နိုင်ငံသားတစ်ဦးသည် ဖွဲ့စည်းပုံဥပဒေပါ ပြဌာန်းချက်နှင့်အညီ အခွင့်အရေးများကို ရပိုင်ခွင့် ရရှိရမည်မှာ အငြင်းပွားစရာပင်မလိုပါ။ မိမိရပိုင်ခွင့်ကို အပြည့်အ၀တောင်းဆို ပိုင်ခွင့်ရှိပါသည်။ မိမိအခွင့်ရေးကို တရားသဖြင့်တောင်းဆိုရာတွင် အခြားသူတစ်ဦး၏ အခွင့်အရေးကို ထိခိုက်လာမည်ဆိုပါက ဖွဲ့စည်းပုံအတိုင်း တောင်းဆိုခြင်း မဖြစ်နိုင်တော့ပါ။ ဥပဒေကိုကျော်လွန်၍ တောင်းဆိုခြင်းဖြစ်သဖြင့် တောင်းဆိုချက်သည် လျော်ကန်ညီညွတ် မျှတသည်ဟု ပြောဆို၍ မရနိုင်တော့ပါ။ ဆင်ဆင်ခြင်ခြင်နှင့် သတိထားရမည့် အချက်ဖြစ်ပါတယ်။ တစ်ဖက်သူအနေဖြင့် တရားသဖြင့် ရပိုင်ခွင့်ကို ပြောဆို၊ ကန့်ကွက် တင်ပြနေသူများသည် တစ်ယူသန်ဝါဒသမားများသာ ဖြစ်ပေမည်။ အမှန်တရားကို ရှာဖွေသူ မဖြစ်နိုင်တော့ပါ။

    ရခိုင်ပြည်နယ်ကိုကြည့်၊ ရခိုင်ရောဂါစလို့ ပျက်စီးခြင်းငါးပါးတိုင်ခဲ့ပြီ။ ဒုက္ခသည်စခန်းကို သိန်းနဲ့ချီလို့ ရောက်ကြရပြီ။ အမှတ်ရှိသလား။ မရှိဘူး။ တစ်ယူသန်စိတ်ကို မဖျောက်နိုင်သေး။ အမြင်ကျဉ်းလို့ကတော့ လုပ်စားမရဘူးသာမှတ်။ ရခိုင်ပြည်နယ်မှာ ရခိုင် တစ်မျိုးတည်းသာနေမယ်ဆိုတဲ့ စိတ်ဓာတ် ဖြစ်နိုင်ပါ့မလား။ သမိုင်းအထောက်အထားတွေကို နောက်ကြောင်းပြန်လှည့်ပြီး စဉ်းစားဝေဖန်ကြည့်စမ်း။ အရှိကိုအရှိအတိုင်း ပြောနိုင်ရမယ်လေ။ ရခိုင် တစ်မျိုးတည်းသာ နေခဲ့တာဆိုလို့ ဘယ်သမိုင်းမှာမှ မရှိဘူး။ ပြောရဲလား။ စိန်ခေါ်တယ်။ တိမ်ပေါ် တက်ကြမလား? သမိုင်းကို လိမ်ချင်သလား။ လိမ်လို့ရောရမတဲ့လား။ သမိုင်းအထောက်အထားတွေကို နောက်ကြောင်းပြန်လှည့်ပြီး စဉ်းစားဝေဖန်ကြည့်စမ်း။ သမိုင်းကိုမသိရင် ငအပဲဖြစ်ပေမပေါ့။ သိသိကြီးနှင့် လိမ်နေတဲ့သူတွေကို ဘယ်လိုသတ်မှတ်ရမလဲ။ အရှိတရား အမှန်တရားဆိုတာ ငြင်းပယ်လို့ မသင့်တော်ပါဘူးဗျာ။

    တစ်ဖက်သက် မျက်ကန်းမျိုးချစ်ဝါဒကိုပဲ စွဲကိုင်ခဲ့လို့။ ကျင့်သုံးခဲ့လို့ ရခိုင်ပြည်နယ်က အဖတ်ဆယ်လို့မရအောင် ပျက်စီးခဲ့ရပြီ။ ဒါတောင် အမှတ်မရှိသေး။ တစ်ယူသန်နေတုန်း။ တစ်ဖက်သတ်ပြောတုန်း။ သူများမြှောက်ပေးတာလုပ်တုန်း။ မြှောက်ပေးတဲ့သူတွေက ဘာမှမဖြစ်၊ ကိုယ်သာသေရ၊ စားရမဲ့၊ သောက်ရမဲ့ဖြစ်ရေ။ မြှောက်ပေးတဲ့သူတွေက မြှောက်ပေးဖို့လောက်ပဲ ကျွမ်းကျင်ကြတာ။ အမြှောက်ခံရသူတွေ ဒုက္ခ၊ သုက္ခဖြစ်တော့ ဘယ်သူက လာပြီးကူညီလဲ။ ဖြေရှင်းပေးလဲ။ ဘာအထောက်အပံ့ပေးလဲ။ လောက၀တ်စကားလေးတောင် ပြောဖေါ်မရဘူး မဟုတ်လား။ ဒါတောင် အမှတ်မရသေး။ အင်မတန် အသိပညာနည်းလှပါလလား။ တစ်ယူသန်စိတ် ပြင်းထန်လှပါကော။

    ခုအခြေအနေမှာ ဘယ်သူကများ ထောက်ပံ့တာရှိလဲ။ လက်ချိုးရေလို့ရတယ်။ နိုင်ငံတော်ဖက်က ဘာထောက်ပံ့ကူညီတာရှိလဲ။ နတ္တိပါတကား၊ ဘာတာဝန်ယူလဲ၊ အစအနတောင် မတွေ့ရပါလား။ တာဝန်ယူဘို့ နေနေသာသာ၊ ဥပေက္ခာပြုထားတာ။ ဒါကို မဟာရခိုင်ခေါင်းဆောင်ကြီးများ မသိကြဘူးလား၊ သိပါတယ်ဗျာ။ ဒါပေမယ့် ရေလိုက်လွဲများသွားလို့ နောက်ကြောင်းပြန်မလှည့်နိုင်တော့ဘူးဗျို့။ ဒီတော့ မထူးဘူး ဆက်သွားရမှာဘဲလေ။ မဟုတ်ဘူးလား။ မထူးဇာတ်ကြီး ခင်းရုံပေါ့။ သန်းခေါင်ထက် ညဥ့်မနက်တော့ဘူး ရောက်တဲ့နေရာက ရပ်တန့်ပြီး စဉ်းစဉ်းစားစားနှင့် တွေးခေါ်မြော်မြင်တတ်ဘို့ ကြိုးစားဘို့ စိတ်ကူးတတ်ဘို့ မလိုအပ်ဘူးလား။ ဆင်ကန်းတောတိုးချည်းဘဲ လုပ်နေတော့မှာလား။ အတွေးမချော်ဘို့ လိုအပ်နေတဲ့အချိန်လေ။

    အခု အကူပေးနေတာ ဘယ်နိုင်ငံတွေလဲ။ ဘယ်နိုင်ငံတွေလဲ။ ဘယ်အဖွဲ့အစည်းလဲ။ သူတို့ပေးတာကို လက်ခံနေရပြီ မဟုတ်လား? လက်မခံလို့ကောရမတဲ့လား။ ဒါဖြင့် အခြား ဘယ်သူထောက်ပံ့တာရှိလဲ။ မာနကို ခ၀ါချရပြီကော။ လှူတာကိုတော့ လက်ခံတယ်။ ဒါတောင် ကျေးဇူးစကားမဆိုမိ။ ဘာဖြစ်လို့ ၀န်လေးနေတာလဲ။ သေချာစဉ်းစားကြည့်လေ။ အဲဒီနိုင်ငံတွေက ဆက်ပြီး ပေးဦးမှာ။ လာလတ္တံရှိသေးတယ်။ နောက်တွဲမျှော် (စေတနာက အဲလောက် ကြီးမားလှတာ။ ဒါကြောင့် အစစအရာရာ ချင့်ချိန်ဘို့လိုလာပြီ။ စဉ်းစားတွေးခေါ်တတ်ဘို့လိုလာပြီ။ အတွေးမှန်ဘို့လိုလာပြီးမဟုတ်လား။

    ကမ္ဘာ့အခြေအနေကြည့်ရမယ်လေ။ ဒုတိယကမ္ဘာစစ်ကြီးနောက်ပိုင်းမှာ အုပ်စုကြီး (၂)ရပ် ပေါ်ပေါက်လာခဲ့တယ်လေ။ အနောက်အုပ်စုနှင့် အရှေ့အုပ်စု။ အနောက်အုပ်စုက ဒီမိုကရေစီနိုင်ငံများဖြစ်တယ်။ အရှေ့အုပ်စုက ဆိုရှယ်လစ် (ကွန်မြူနစ်) နိုင်ငံများ ဖြစ်တယ်။ နှစ်ဖက်စလုံး အနုမြူပိုင်ဆိုင်ကြတယ် မဟုတ်လား။ သူတို့ စစ်ဖြစ်ရင် ကမ္ဘာကြီးဘာဖြစ်သွားမလဲ။ မတွေးရဲစရာ။ ဟီရိုရှီးမား၊ နာဂါဆာကီ သင်ခန်းစာယူကြတယ်။ ငတုံးတွေမဟုတ်ဘူး။ မျက်ကန်းမျိုးချစ်၊ တစ်ယူသန်နေလို့ မရတော့ဘူး။ နှစ်ဖက်က စစ်အေးခေတ်လို့ သတ်မှတ်ကြပြီး အကောင်းဆုံးနေထိုင်ရေးဆိုပြီး လုပ်လာကြတယ်။ ဘယ်လောက် မှတ်သားစရာကောင်းလဲ။ အတုယူစရာမဟုတ်လား။

    ခုဆိုရင် အဲဒီစိတ်ကူးအတိုင်း ပုံဖော်နိုင်ခဲ့လို့ ကမ္ဘာကြီးက အပြောင်းအလဲကြီးဖြစ်လာခဲ့တာကို မျက်မြင်ဒိဋ္ဌတွေ့မြင်ရမှာပါ။ အရှေ့အနောက် ခွဲခြားမနေကြဘဲ တစ်နိုင်ငံနှင့်တစ်နိုင်ငံ ကူးလူးဆက်ဆံကြ။ ကုန်သွယ်ကြ။ ရင်းနှီးမြှပ်နှံကြနှင့် ဘာအတားအဆီးမှမရှိဘဲ လွတ်လပ်စွာ ဆက်သွယ်၊ ဆက်ဆံနေကြပြီ။ ဒါကြောင့် အားလုံးအဆင်ပြေနေကြပြီ။ ပဋိပက္ခ မဖြစ်အောင် အတတ်နိုင်ဆုံး ရှောင်ရှားနေကြပြီ။ ပြဿနာတစ်ရပ်ကို ဆွေးနွေးစကားဝိုင်းမှာ အဖြေရှာကြပြီ။ ဒါဟာ ငြိမ်းချမ်းသောနည်းဖြင့် အဖြေရှာတာ မဟုတ်လား။  အားလုံး အကျိုးအမြတ်ရှိကြတယ် မဟုတ်လား။ အသီး၊ အပွင့်ကို လက်တွေ့ခံစားနေကြရပြီ မဟုတ်လား။ ဒါတွေကို မေ့ပျောက်ထားလို့ ရမလား။

    အင်း… ရခိုင်ပြည်နယ်မှာတော့ ဒီအပြောမျိုးပဲ ထပ်ကာတလဲလဲ ပြောနေတော့မှာလား။ ဓါတ်ပြားဟောင်းကြီးက စုတ်ပြတ်သတ်နေပြီပဲ။ အကျိုးမရှိတာကိုပဲ ထည်လဲသုံးနေခြင်းအားဖြင့် အမှန်တရား ဖြစ်လာမှာ မဟုတ်ဘူး။ ကမ္ဘာအခြေအနေကို ကြည့်ရမယ်လေ။ နှိုင်းနှိုင်းယှဉ်ယှဉ် စဉ်းစားနိုင် ရမယ်လေ။ ကမ္ဘာပေါ်မှာ ခေတ်မစား ၊ ခေတ်မမှီတဲ့ အတွေးအခေါ်တွေကိုသာ ဆက်လက်ခံယူနေမယ်။ ကျင့်သုံးနေမယ်ဆိုရင်တော့ သုံးစားမရဘူးသာမှတ်လိုက်ပါ။ တစ်ပြည်နယ်လုံး မိမိ တစ်မျိုးထဲသာနေမယ်ဆိုတဲ့ အင်မတန်မှ ကျဉ်းမြောင်းလှတဲ့ အတွေးအခေါ်မျိုး မဖျောက်သရွေ့ ခင်ဗျားတို့မှာ တိုးတက်မဲ့လမ်းပိတ်သွားပြီ၊ ဆုတ်ယုတ်မှုတွေသာ တွေ့ရမယ်မှတ်။ အခြားနိုင်ငံမှာ အလုပ်မလုပ်နှင့်။ ကိုယ့်တစ်ပြည်နယ်ထဲမှာနေ၊ ရှိဂိုန်ခေတ်က ဂျပန်နိုင်ငံလို ဘာနှင့်မှ မဆက်သွယ်ဘဲ ဧကစာရီကျင့်ပေတော့။ ဒါတောင် တံခါးဖွင့်တဲ့ အမေရိကန်နိုင်ငံကရှိသေး။

    ဒုတိယကမ္ဘာစစ်တုန်းက အမေရိကန်၏ အနုမြူဒဏ်ကို ဂျပန်မရှုမလှခံခဲ့ရတယ်။ စစ်ပြီးတော့ ဂျပန်တိုးတက်ဖို့အတွက် အမေရိကန်နဲ့ပဲ ပေါင်းခဲ့ရတယ် မဟုတ်လား။ ဒါကြောင့် အတူမနေရင် သီးခြားနေပေါ့ဗျာ။ ရခိုင်ပြည်နယ်တစ်ခုလုံးဟာ ခင်ဗျားတို့ပိုင်တယ်ဆိုပြီး မူပိုင်ခွင့် ရထားတာမှ မဟုတ်တာ။ ရခိုင်ပြည်နယ်ဟာ မြန်မာနိုင်ငံရဲ့ အစိတ်အပိုင်းလေ။ ခင်ဗျားတို့ ထင်တိုင်းကြဲလို့ မရနိုင်ဘူး မဟုတ်လား။ မြန်မာအစိုးရကို ကျော်လွန်ပြီး တစ်ဖက်သတ် ပြောချင်တာ ပြောလို့ရမလား။ ဘိုးတော်ဘုရားလက်ထက်ကစပြီး ရခိုင် မင်းဆက်ပျောက်လို့ မြန်မာပိုင် ဖြစ်ခဲ့ရတာ မှတ်မိမှာပေါ့။ နောက်ထပ် ရခိုင်မင်းဆက်ပေါ်ဖို့ အကြောင်းမရှိတော့ဘူး။ ခင်ဗျားတို့ရော။ ကျွန်တော်တို့ရော မြန်မာအစိုးရ၏ အစီအမံအတိုင်း လိုက်နာကြရမှာမဟုတ်လား။

    ဘကြီးတော်ဘုရားလက်ထက် (၁၈၂၄) မှာ အင်္ဂလိပ်-မြန်မာ ပထမစစ်ပွဲဖြစ်တဲ့အခါ ရခိုင်ပြည်နယ်ဟာ မြန်မာနိုင်ငံရဲ့ အစိတ်အပိုင်းအနေနှင့် ရှိနေခဲ့တာ။ စစ်ရှုံးလို့ ရန္တပိုစာချုပ်အရ မြန်မာနိုင်ငံရဲ့ အစိတ်အပိုင်းအနေနှင့် ရခိုင်၊ တနသာင်္ရီတို့ဟာ အစောဆုံး ကိုလိုနီဖြစ်ခဲ့တာပေါ့။ လွတ်လပ်ရေးအတွက် ဗိုလ်ချုပ်အောင်ဆန်း ကြိုးပမ်းခဲ့တဲ့အခါ ရခိုင်၊ တနင်္သာရီအတွက်ပါထည့်ပြီး တောင်းဆိုခဲ့တယ်လေ။ ပင်လုံစာချုပ်မှာ ရခိုင်အတွက်ဆိုပြီး သီးခြား လက်မှတ်ရေး ထိုးခဲ့တာ မရှိဘူး။ မလိုဘူးလေ။ ရခိုင်က မြန်မာပိုင်အဖြစ်ကနေပြီး အသိမ်းခံရတာဖြစ်လို့ ဗိုလ်ချုပ်ဦးဆောင်ပြီး ပင်လုံစာချုပ်ချုပ်ဆိုတဲ့အခါ ရခိုင်အတွက် ဗိုလ်ချုပ်ပဲ လက်မှတ်ရေးထိုးခဲ့တာမဟုတ်လား။

    ဒါကြောင့် ရခိုင်၊ တနင်္သာရီတို့ဟာ မြန်မာပိုင်အဖြစ်ကနေပြီး လွတ်လပ်ခဲ့ရတာမဟုတ်လား။ တစ်ကယ့်တကယ်တော့လည်း အသံကွဲ မြန်မာတွေပါ။ ဒါကြောင့် ရခိုင်ပြည်နယ်ဟာ သီးခြားအနေဖြင့် ဘယ်နည်းနှင့်မှ မဖြစ်နိုင်ပါ။ မြန်မာနိုင်ငံ ရခိုင်ပြည်နယ်မှာ ရခိုင်လူမျိုး ရှိသလို မူစလင်ကလည်း ရှိနေမှာပါ။ ဒါဖြင့် အတူနေလို့ မရဘူးဘဲ တစ်ဖွဖွပြောနေတော့ တစ်သီးတစ်ခြားစီခွဲပြီး နေကြရတော့မှာပေါ့။ လက်တွေ့ကျဘို့မလိုဘူးလား။ ငြိမ်းချမ်းစွာ ယှဉ်တွဲနေထိုင်ကြစို့လား။ ။

    ဆောင်းပါးရှင်ရဲ့ အမြင်နှင့် အာဘော်သာဖြစ်ပါသည်။

  • သန့်ရှင်းသော ကော်မရှင် ဖြစ်စေချင် (သို့) ဒေါက်တာအေးမောင်ကို ဖယ်ရှားပါ

    ဇန်နဝါရီ ၃၁၊ ၂၀၁၃
    M-Media
     စိန်စံထိုက် (ဟံသာမြေ)

    သန့်ရှင်းသော ကော်မရှင် ဖြစ်စေချင် (သို့မဟုတ်) ဒေါက်တာအေးမောင်ကို ဖယ်ရှားပါ

    Dr-Aye-Mg

    ရခိုင်ပဋိပက္ခ စုံစမ်းစစ်ဆေးရေးကော်မရှင်တွင် အဖွဲ့ဝင်အဖြစ်ပါဝင်သော ရခိုင်အမျိုးသားတိုးတက်ရေး ပါတီ ဥက္ကဋ္ဌ ဒေါက်တာအေးမောင်အား ကော်မရှင်မှ ထုတ်ပယ်ခြင်း ပြုသင့်ပါသည်။

    ဒေါက်တာအေးမောင်သည်ကော်မရှင် အဖွဲ့ဝင်တစ်ဦး၏စံနှုန်းနှင့် မကိုက်ညီဘဲ အတ္တကြီး၍ ရန်လိုသူ တစ်ဦးဖြစ်ကြောင်း ပြည်တွင်းထုတ် ဂျာနယ်များ၏ ဖေါ်ပြချက်အရ အထင်အရှား တွေ့မြင်နိုင်ပါသည်။

    သုံးသပ်ချက်အချို့ကို ဂျာနယ်များမှ ကိုးကားချက်များနှင့်တကွ အောက်တွင် စုစည်း တင်ပြလိုက်ပါသည်။

    ၁။ ကော်မရှင်မဖွဲ့မီ (၂)ရက်အလို (၁၅.၈. ၂၀၁၂) ရက်စွဲဖြင့် ထုတ်ဝေသော (newday news) ဂျာနယ်တွင် ဒေါက်တာအေးမောင်သည် (ရခိုင် ပဋိပက္ခနှင့် ပက်သက်၍ စုံစမ်းစစ်ဆေးရေး ကော်မရှင်ဖွဲ့ရန် မလိုပါ) ဟု အတိအလင်း ပြောဆိုခဲ့ပါသည်။

    (မှတ်ချက်) ဒီလိုလူကို ဘာကြောင့် ကော်မရှင်ထဲ ပါဝင်စေတာလဲ ဆိုတာကို စဉ်းစားကြဖို့ လိုပါသည်။

    ၂။ (၃၀.၁၀.၂၀၁၂) နေ့စွဲဖြင့် ထုတ်ဝေသော (Flower News) ဂျာနယ်တွင် (Flower News) သတင်းထောက်မှ ဒီလို ပဋိပက္ခဖြစ်တာ    ဘယ်သူ့မှာ တာဝန်အရှိဆုံးလဲ ဟု မေးမြန်းသည်ကို ဒေါက်တာအေးမောင်မှ ပြည်ထောင်စု အစိုးရ နဲ့ ပြည်နယ်အစိုးရမှာ လုံးဝ တာဝန်ရှိပါတယ် ဟု ပြောဆိုခဲ့ပါသည်။

    (မှတ်ချက်)ဒေါက်တာအေးမောင်၏ ပြောကြားချက်မှာပြည်ထောင်စု အစိုးရနှင့်ပြည်နယ်အစိုးရကိုပြည်သူလူထုမှ အကြည်ညို ပျက်အောင် ပြောဆိုခြင်း ဖြစ်ပါသည်။

    ၃။ (၃၀.၁၀.၂၀၁၂) နေ့ထုတ် မြန်မာပို့စ် ဂျာနယ် ဖော်ပြချက်၌ ဒေါက်တာအေးမောင်မှ ပြောဆိုခဲ့ရာတွင် –    “ရခိုင် ပြဿနာ ဗမာပြည်ကို ကူးရင် ဒီနေ့ကူးရင် မနက်ဖြန် ရပ်သွားမယ်။ ရန်ကုန်မှာ ရခိုင်နဲ့ မဟုတ်ဘဲ ဗမာနဲ့ပြဿနာကြီးဖြစ်တော့မယ်ဆိုရင်  အခုဖြစ်နေတာတွေ ငြိမ်သွားလိမ့်မယ်။ အဲဒီပုဂ္ဂိုလ်တွေက မလုပ်သင့်တော့ဘူးလို့ ယူဆရင် ငြိမ်သွားလိမ့်မယ်။” ဟု ပြောဆိုခဲ့ပါသည်။

    (မှတ်ချက်)ဤသို့ဖော်ပြချက် အရဒေါက်တာအေးမောင်သည်ပြဿနာကို ရန်ကုန်ဘက်သို့ကူးစက်စေရန် လှုံ့ဆော်သည့် အခြေအနေ တစ်ရပ်ဖြစ်ကြောင်း တွေ့ရှိရမည် ဖြစ်ပေသည်။

    ၄။ (၂.၁၁.၂၀၁၂) နေ့စွဲဖြင့် ထုတ်ဝေသေမြန်မာဂလိုဘယ်လ် ဂျာနယ်၏ ဖေါ်ပြချက်တွင် – (၂၈.၁၀.၂၀၁၂)နေ့တွင် ရခိုင်ပြည်နယ် အချက်အလက်များ စုစည်း ပြောကြားနိုင်ရန် ရန်ကုန်ရောက် ရခိုင် ကိုယ်စားပြု ပြောရေးဆိုခွင့် အဖွဲ့ကို ဖွဲ့စည်းကြောင်း၊ ဤသည်ကို ဒေါက်တာအေးမောင်မှ ပြောဆိုကြောင်း၊ ထိုအဖွဲ့ကို ရန်ကုန်ရောက် ရခိုင်ကွန်ယက် အသင်းအဖွဲ့အသီးသီးမှ လူပေါင်း (၁၅၀) ခန့်နှင့် ပြောရေးဆိုခွင့် အဖွဲ့တင် (၂၇) ဦး ပါဝင်ပြီး ထိုပြောရေးဆိုခွင့် အဖွဲ့တွင် ဒေါက်တာအေးမောင် ပါဝင်ကြောင်း အကျယ်တ၀င့် ရေးသားထားသည်ကို တွေ့ရပါမည်။

    (မှတ်ချက်) ဤဖော်ပြချက်အရဒေါက်တာအေးမောင်သည်နိုင်ငံတော်မှ ဖွဲ့စည်းထားသောကော်မရှင် အဖွဲ့ဝင်တစ်ဦးဖြစ်ပါလျက် ရခိုင်များသာ ပါဝင်သော ပြောရေးဆိုခွင့် အဖွဲ့ တစ်ဖွဲ့ကို ထပ်မံ ဖွဲ့စည်းခြင်းမှာနိုင်ငံတော်မှ တရားဝင် ဖွဲ့စည်းထားသော ကော်မရှင်ကို မထီမဲ့မြင်ပြုရာ ၊ ဆန့်ကျင်ရာ ရောက်သည့် အပြင် ပဋိပက္ခ ဖြစ်သော အုပ်စုတစ်စုကို ကိုယ်စားပြုသောကြောင့် လူမျိုးအခွဲ ၀ါဒရှိကြောင်း ပေါ်လွင်ပါသောကြောင့် ကော်မရှင် အဖွဲ့ဝင်အဖြစ် ပါဝင်ခြင်းမှာ လုံးဝ မသင့်လျော်ပါဟု သုံးသပ်ခြင်း ပြုရမည် ဖြစ်ပေသည်။

    ၅။ ထို့အပြင် ရခိုင်အမျိုးသား တိုးတက်ရေးပါတီမှ  (၂၀၁၃) ခုနှစ် ပြက္ခဒိန် ထုတ်ဝေရာတွင်  မသီတာထွေးရုပ်ပုံဖြင့် ထုတ်ဝေခြင်း ပြုခဲ့ပါသည်။

    (မှတ်ချက်) ဤသို့ ပြုလုပ်ခြင်းမှာ ပြဿနာ ပြန်လည်ဖြစ်ပေါ်အောင် နှိုးဆွခြင်း ဖြစ်သည်ဟု ယူဆရပါသည်။

    အထက်ဖေါ်ပြပါ အခြေအနေ ၊ အကြောင်းအရာများကြောင့်ဒေါက်တာအေးမောင်သည် နိုင်ငံတော်မှ ဖွဲ့စည်းထားသော (ကော်မရှင်) အဖွဲ့ဝင် အဖြစ်မှ ထုတ်ပယ်ခြင်း ပြုသင့်ပါကြောင်း သန့်ရှင်းသော ကော်မရှင် ဖြစ်စေချင်သည့် ဆန္ဒဖြင့် အလေးအနက် သုံးသပ်မိပါသည်။

     

     စိန်စံထိုက် (ဟံသာမြေ)

    ဆောင်းပါးရှင်၏ အမြင်နှင့် အာဘော်သာဖြစ်ပါသည်။

  • နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၂)

    နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၂)

    ဇန်နဝါရီ ၁၁၊ ၂၀၁၃

    ဦးဦးမှော်ဆရာ

     

    …. `ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှပြီးဆုံးတော့မှာ မဟုတ်´…..

    နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁) မှာ UNHCR မဟာမင်းကြီးနဲ့ သမ္မတဦးသိန်းစိန်တို့ တွေ့ဆုံခဲ့တဲ့ သတင်း အကျဉ်းကိုဖေါ်ပြရင်း နိုင်ငံသား၊ နိုင်ငံမဲ့ နဲ့ တရားဝင်နိုင်ငံမဲ့အကြောင်းကို ဖေါ်ပြခဲ့ပြီးဖြစ်ပါတယ်။  ခု `အမှန်တကယ်နိုင်ငံမဲ့သူများ´အကြောင်းကို ဆက်လက်ရေးသားပါမယ်။  

    (၂) အမှန်တကယ် နိုင်ငံမဲ့သူ (de facto stateless) ဆိုတာ မည်သည့်နိုင်ငံသားဖြစ်သည် ဆိုသည့် အချက်ကို တရားဝင်ဖေါ်ပြနိုင်ခြင်းမရှိတဲ့သူ (သို့မဟုတ်) ထိုသူနဲ့ ခိုင်မာသောဆက်ဆံရေး ရှိတဲ့ နိုင်ငံများက ထိုပုဂ္ဂိုလ်အား နိုင်ငံသားအဖြစ်လက်ခံရန် သဘောမတူဘဲ ငြင်းပယ်ခံရသောသူကို ဆိုလိုပါတယ်။

    (ခိုင်မာသောဆက်ဆံရေး ဆိုတာ တခြားသူတွေအတွက် နိုင်ငံသားအဖြစ်ခံယူရန် လုံလောက်မှုရှိသော အခြေအနေ မျိုးကို ဆိုလိုပါတယ်။)

    ဒီလို အမှန်တကယ်နိုင်ငံမဲ့ဖြစ်နေသူတွေဟာ ဘယ်နိုင်ငံရဲ့အကာကွယ်ပေးမှုမှ မရရှိတဲ့အပြင်၊ ခုလိုနိုင်ငံမဲ့ ဖြစ်နေရတာကိုက သက်ဆိုင်ရာနိုင်ငံရဲ့ ခွဲခြားဆက်ဆံမှုနဲ့ ညှဉ်းပန်းနှိပ်စက်မှုကြောင့်လည်း ဖြစ်နိုင်ပါတယ်။ ဒါဆိုရင် သူကတော့ အမှန်တကယ်နိုင်ငံမဲ့ ဖြစ်တဲ့အပြင် ဒုက္ခသည်စာရင်းလည်း ၀င်သွားပါတယ်။ ဒီအကြောင်းကို စာဖတ်သူတို့ အလွယ်တကူနားလည်နိုင်စေရန် ဘင်္ဂလားဒေ့ရ်ှဘက်က ဒုက္ခသည်စခန်း တွေမှာရှိတဲ့ ရိုဟင်ဂျာဒုက္ခသည်တွေနဲ့ ဥပမာပေးရေးသားပါမယ်။

     (၁၉၇၈)ခုနှစ်မှာ ရိုဟင်ဂျာလူမျိုးများပေါ်ပြုလုပ်ခဲ့တဲ့ နဂါးမင်းစစ်ဆင်ရေးကဲ့သို့သော စစ်ဆင်ရေး များကြောင့် ရိုဟင်ဂျာလူမျိုး သုံးသိန်းခန့် နေရပ်စွန့်ခွာထွက်ပြေးပြီး၊ ဘင်္ဂလားဒေ့ရ်ှနိုင်ငံထဲမှာ ခိုလှုံခဲ့ရတယ်။ (၁၉၉၁-၉၂) နှစ်များ မှာလည်း မြန်မာစစ်တပ်ရဲ့ ညှဉ်းပန်းနှိပ်စက်မှုများကြောင့် ရိုဟင်ဂျာလူမျိုး ၂၅၀၀၀၀ ကျော်လောက် ဘင်္ဂလားဒေ့ရှ် နိုင်ငံဘက်ကို နေရပ်စွန့်ခွာ ထွက်ပြေးခဲ့ရပါတယ်။ ထိုသူများဟာ တဘက်နိုင်ငံရှိ ဒုက္ခသည် စခန်းများတွင် နေထိုင်ကြရပြီး ထိုထဲတွင် မြန်မာနိုင်ငံနှင့် စပ်ဆက်မှုရှိကြောင်း အထောက်အထား တစ်စုံတစ်ခု (ဥပမာ- အစိမ်းရောင်ကဒ်ပြား၊ အဖြူရောင်စာရွက်) ပြနိုင်သူများသည်မြန်မာနိုင်ငံမှပြန်လည် လက်ခံသည့်အခါ ပြည်တွင်းသို့ ပြန်လည် ၀င်ရောက်နိုင်မှာဖြစ်တယ်။ သူတို့ဟာနေရပ်ပြန်တဲ့အခါ ညှဉ်းပန်းနှိပ်စက်ခံရမယ်လို့ အမှန်တကယ် စိုးရိမ်ကြောက်ရွံ့မှု ရှိနေတဲ့အတွက် ဒီလူတွေဟာကျနော့်ဆောင်းပါး (အပိုင်း-၁)မှာ ပြောခဲ့သလို တရားဝင် နိုင်ငံမဲ့များဖြစ်တဲ့အပြင် `ဒုက္ခသည်များ´အဖြစ်လည်း သတ်မှတ်ခံရပါတယ်။ ဘင်္ဂလားဒေ့ရ်ှနိုင်ငံဘက်က ဒုက္ခသည် စခန်းများမှာရှိတဲ့ တရားဝင်နိုင်ငံမဲ့ ရိုဟင်ဂျာဒုက္ခသည် အရေအတွက်မှာ ၃၀၀၀၀ ခန့်ရှိတယ်လို့ သိရတယ်။

    5

      အဲဒီလိုမှမဟုတ်ဘဲ သက်သေခံ အထောက်အထားများကို အဓမ္မသိမ်းဆည်း ဖျောက်ဖျက်ခံရခြင်း၊ ထွက်ပြေးလာစဉ် ပျောက်ဆုံးပျက်ဆီးခြင်း (သို့) အာဏာပိုင်များက မည်သည့်သက်သေခံစာရွက် တရွက်တလေမှ ထုတ်မပေးခဲ့ခြင်း တို့ကြောင့် ဘာအထောက်အထားမှ မပြနိုင်ပါက မြန်မာနိုင်ငံတွင်းသို့ ပြန်လည် အခြေချနေထိုင်ခွင့်ရရန် မျှော်လင့်ချက် နည်းပါတယ်။ ဒီအခြေအနေမျိုးမှာတော့ သူတို့ကို   အမှန်တကယ်နိုင်ငံမဲ့များ လို့ သတ်မှတ်ပါတယ်။ သူတို့ဟာ မြန်မာပြည်မှာ ဘိုးဘွားစဉ်ဆက် မွေးဖွားနေထိုင်လာခဲ့သော်လည်း မြန်မာပြည်နှင့် သက်ဆိုင်ကြောင်းလည်းမပြနိုင်၊ နယ်ချင်းကပ်နေတဲ့ ဘင်္ဂလားဒေ့ရ်ှကလည်း သူတို့နိုင်ငံသားမဟုတ်ဟု ငြင်းပါမည်။  Emdadul Haque (Senior Lecturer of the Department of Law and Justice, Southeast University) ရဲ့ အဆိုအရ       ခုလိုအမှန်တကယ်နိုင်ငံမဲ့ ရိုဟင်ဂျာဒုက္ခသည်ပေါင်း ၄၇၀၀၀၀ ခန့်ရှိတယ်လို့ သိရပါတယ်။ ဒါ ၂၀၁၂ အောက်တိုဘာလမှာ ထုတ်ပြန်တဲ့ စာရင်းအရေအတွက်ပါ။ ထိုသို့သောသူများ အတွက် UNHCR ၏ ဆောင်ရွက်ပေးမှုတွေကတော့ အလွန်ကျယ်ပြန့်ပြီး ရှုပ်ထွေးပါတယ်။ ဒါကြောင့် ဒီဆောင်းပါးမှာ လိုတာပဲ အနည်းငယ်ပြောပါမယ်။ အထူးသဖြင့် နေရပ်ပြန်တဲ့အခါ ညှဉ်းပန်းနှိပ်စက်ခံရမယ် ဆိုတဲ့ စိုးရိမ်ရမှုအတွက် အာမခံချက်ရအောင် လုပ်ဆောင်ပါတယ်။

      ဘင်္ဂလားဒေ့ရ်ှနိုင်ငံက ဒုက္ခသည်စခန်းများမှာရှိတဲ့ ရိုဟင်ဂျာဒုက္ခသည်များကို မြန်မာဘက်က ပြန်လည်လက်ခံ ခဲ့တာနဲ့ပက်သက်ပြီး အစိုးရပိုင်းက တရားဝင်သတင်းထုတ်ပြန်တဲ့ စာရင်းအရပြောရရင် ဟင်္သာစီမံချက်ဖြင့် ပြန်လက်ခံသူ အရေအတွက်မှာ ၁၈၀,၀၀၀ ရှိပါတယ်။ နောက်ပြီး ၁၉၉၄ မှ ၁၉၉၆ ခုနှစ်အတွင်း ပြန်လက်ခံသူ ရိုဟင်ဂျာအရေအတွက်မှာ ၂၅၀,၀၀၀ ရှိကြောင်း သိရပါတယ်။  နောက်ပြီး လွန်ခဲ့တဲ့ ၂၀၁၂ ဇူလိုင်လ (၂) ရက်နေ့မှာ ဘင်္ဂလားဒေ့ရှ်-မြန်မာ နှစ်နိုင်ငံ အစည်းဝေးပွဲမှာ မြန်မာ ဒု-နိုင်ငံခြားရေး ၀န်ကြီး ဦးမြင့်မောင် က ဘင်္ဂလားဒေ့ရ်ှမှာ ရှိတဲ့ မြန်မာနိုင်ငံသား ရိုဟင်ဂျာ ၆၈၀၀၀ ကို ပြန်လက်ခံရန် သဘောတူ ခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးရဲ့ သတင်းစာရှင်းလင်းပွဲမှာ ပြောခဲ့ပါတယ်။ ဒီနေရာမှာ အစိုးရရဲ့ ရိုးသားမှုမရှိတဲ့ အကြောင်းအရာတစ်ခု ဆက်ပြောချင်ပါတယ်။ ၁၉၉၄-၉၆ ခုနှစ်အတွင်းက ဘင်္ဂလားဒေ့ရ်ှဒုက္ခသည် စခန်းများမှ ရိုဟင်ဂျာများကိုမြန်မာဘက်ကစစ်ဆေးပြီး ပြန်လည်လက်ခံခဲ့အကြောင်းကို အစိုးရထုတ် New Light of Myanmar သတင်းစာမှာ took refugee/taken refugee ဆိုတဲ့ အသုံးအနှုန်းများဖြင့် (ဘင်္ဂလားဒေ့ရ်ှနိုင်ငံသားများကိုမြန်မာပြည်တွင် ခိုလှုံခွင့်ပေးခဲ့သည်)ဆိုတဲ့ အဓိပ္ပါယ်မျိုးဖြစ်အောင် ရေးသား ခဲ့တာ တွေ့ရတယ်။

    တနည်းအားဖြင့်ပြောရရင် အစိုးရကိုယ်တိုင်က `ကြက်လည်းမောစေ၊ ယာလည်းညှက်စေ´ဆိုတဲ့ အနေအထားမျိုးဖြစ်အောင် လူမျိုးရေးအဓိကရုဏ်း မီးမွှေးနေခြင်းလို့ပဲ မြင်ပါတယ် …

    (ဒါ ဘင်္ဂလားဒေ့ရ်ှနိုင်ငံသား ဒုက္ခသည်တစ်ယောက်ကို ပေးတဲ့စာရွက်လား??)

    တကယ်တမ်းတော့ ဒီလူတွေဟာ လ၀ကမှတ်တမ်းများနဲ့ တိုက်ဆိုင်စစ်ဆေးပြီးမှ မြန်မာနိုင်ငံက လူများဖြစ်ကြောင်း မှန်ကန်လို့သာ ပြန်လည်လက်ခံခဲ့တာ ဖြစ်ပါတယ်။ UNHCR ရဲ့ ကြီးကြပ်မှုနဲ့ သူတို့ရဲ့ မူလနေထိုင်ရာ ဒေသများတွင်ပြန်လည် နေရာချထားပေးခဲ့ကြောင်း သိရပါတယ်။ ဒီလို သေချာစွာ စစ်ဆေးပြီး ပြန်လည် လက်ခံခဲ့တဲ့သူများကို ခုချိန်ကျမှ ခိုးဝင်လာသူများလို့ စွပ်စွဲလို့မရပါ။

    သူတို့ကို ဒီနိုင်ငံသား ဟုတ်၊မဟုတ် မသေချာသေးလို့၊ မရေရာသေးလို့၊ နိုင်ငံခြားသားများအဖြစ် သံသယရှိနေလို့ ဆိုတဲ့ အကြောင်းပြချက်မျိုးဖြင့် နှစ်(၆၀)ကြာအောင် အချိန်ဆွဲထားပြီး ညှဉ်းပန်းနှိပ်စက်ခွင့် မရှိပါ။ ဒီအကြောင်းပြချက်မျိုးနဲ့သာဆိုရင် ဘင်္ဂလားဒေ့ရ်ှနိုင်ငံရှိနေသရွေ့ ခင်ဗျားတို့ သံယသရှိနေတာတွေ၊ မသေချာတာတွေကို ဘယ်တော့မှ ပြီးဆုံးတော့မှာ မဟုတ်ပါ။

    (၁၉၈၂)ခုနှစ် နိုင်ငံသားဥပဒေမပေါ်သေးခင်၊ မြန်မာနိုင်ငံ လွတ်လပ်ရေးရခဲ့စဉ် ကတည်းက မြန်မာနိုင်ငံသား ဥပဒေရှိခဲ့ပါတယ်။ အဲဒီဥပဒေတွေအရ မြန်မာနိုင်ငံသားအဖြစ် နေထိုင်ခဲ့သူများကိုပါ ခုချိန်ကျမှ သံသယ ရှိနေလို့ပါဆိုတဲ့ အကြောင်းပြချက်မျိုးကတော့ တကယ်တမ်း ရူးကြောင်ကြောင် လူတစ်ယောက်ရဲ့ စကားလို့ပဲ ပြောရပါလိမ့်မယ်။ ဤလူများ နိုင်ငံတွင်းသို့ တရားမ၀င် ခိုးဝင်နေထိုင်သူများဟုဆိုလျှင် ဖမ်းဆီး အရေးယူနိုင်ရန် ၁၉၄၇ခုနှစ် လူဝင်မှုကြီးကြပ်ရေး လတ်တလောဥပဒေ (Emergency Act) နှင့် တခြား လ၀က ဥပဒေများ ရှိနေသည်မဟုတ်ပါလား။

    အထက်ခိုးဝင်နေသူများကို ဘာကြောင့်နှစ်ပေါင်း(၆၀)ကျော် အရေးမယူဘဲထားခဲ့သလဲ။ဒါ စဉ်းစားစရာ တစ်ချက်ပါ …

    ဒီလောက်ဆိုရင် အမှန်တကယ်နိုင်ငံမဲ့ဖြစ်နေသူများနဲ့ပက်သက်ပြီး အကြမ်းဖျင်းတော့ သဘောပေါက်မယ် ထင်ပါတယ်။ ခုချိန်ထိ ရေးခဲ့သမျှထဲမှာ နိုင်ငံတကာဥပဒေတွေ မပါသေးပါဘူး။ နိုင်ငံသားတွေကို နိုင်ငံမဲ့ဘ၀ရောက်သွားအောင် ဘယ်အာဏာပိုင်ကမှ လုပ်ဆောင်ခွင့်မရှိပါဘူး။ ဒီအကြောင်းကို ရှင်းပြဖို့အတွက် နိုင်ငံမဲ့ဖြစ်စေတဲ့ အကြောင်းရင်းများ နဲ့မြန်မာနိုင်ငံအနေနဲ့ မဖြစ်မနေလိုက်နာဆောင်ရွက်ရမဲ့ နိုင်ငံတကာသဘောတူစာချုပ်တွေနှင့် ပဋိဥာဉ်ခံ အချက်တစ်ချို့အကြောင်းကို (အပိုင်း-၃) မှာ ဆက်လက် ရေးသားပါဦးမယ်။

    Ref: UNHCR – Handbook for Parliamentarians- 2005

            Human Rights Abuses and Discrimination on Rohingyas

            International Crisis Group – Myanmar: A New Peace Initiative – Nov-2011  

            bangalnews24.com            

     

    ဦးဦး မှော်ဆရာ

    (၁၁-၁-၂၀၁၃)

  • နိုင်ငံသား၊ နိုင်ငံမဲ့ နှင့် ရိုဟင်ဂျာ (အပိုင်း-၁)

    ဇန်နဝါရီ ၇ ၊ ၂၀၁၃
    `….. ဒီထက်ပိုတွေးကြည့်ရင် ဦးသိန်းစိန်ပြောလိုက်တဲ့ စကားဟာ လူမျိုးစုတစ်စုကို နေရပ်စွန့်ခွာ ထွက်ပြေးအောင် အဓမ္မပြုလုပ်တဲ့ ethnic cleansing ကို လမ်းကြောင်းစ ဖေါ်ပေးလိုက်သလို …….´ 
    ပြီးခဲ့တဲ့နှစ် ဇူလိုင်လလောက်မှာ ကျနော်တာဝန် ယူထားတဲ့ မေးလ်ဂရု တစ်ခုမှာ မေးလ်တစ်စောင်ကို ၀င်ရောက်ဆွေးနွေးဖူး ပါတယ်။ ရိုဟင်ဂျာများနဲ့ ပက်သက်ပြီး ဦးသိန်းစိန်က ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးကိုပြောခဲ့တဲ့စကားကို `နိုင်ငံတကာမှာ လူရာမ၀င်တဲ့အမြင်´ ဖြစ်တယ်လို့ ကျနော်ဝေ ဖန် လိုက်တော့ တချို့ မိတ်ဆွေများ ကျနော့် အပေါ် ဒေါသ ထွက်ခဲ့ကြပါတယ်။ ကျနော် ဘာကြောင့် ဒီလိုပြင်းပြင်း ထန်ထန်ဝေဖန်ခဲ့ တယ်ဆိုတာနဲ့ ပက်သက်ပြီး သေချာပြန် မရှင်းဖြစ်ခဲ့ပါ။ ဦးသိန်းစိန်ရဲ့ စကားကိုမေ့နေသူ များလည်း ပြန်အမှတ် ရအောင် အဲဒီ သတင်းကို အကျဉ်းချုံးပြန်ရေးပြပါ့မယ်။၂၀၁၂ ဇူလိုင်လ (၁၁)ရက်နေ့မှာ သမ္မတ ဦးသိန်းစိန် နဲ့ UNHCR ကုလသမဂ္ဂ ဒုက္ခသည်များ ဆိုင်ရာ မဟာ မင်းကြီး Mr.Antinio Guterres တို့ ရိုဟင်ဂျာ အရေးနဲ့ ပက်သက်ပြီး ဆွေးနွေး ခဲ့ကြပါတယ်။ အဲဒီမှာ သမ္မတ ဦးသိန်းစိန်က ကမ္ဘာကျော်မဲ့ သမိုင်းဝင် စကားတစ်ခွန်း ခုလိုပြောသွားခဲ့ပါတယ်။“ရိုဟင်ဂျာများနှင့် ပက်သက်၍ သူတို့ဟာ တိုင်းရင်းသား မဟုတ်ဘဲ တဘက်နိုင်ငံမှ ခိုးဝင်လာ သူများ ဖြစ်တာကြောင့် လက်ခံရန် မည်သို့ မျှမဖြစ်နိုင်ကြောင်း၊ ထို့ကြောင့် အဆိုပါရိုဟင်ဂျာ များကို ဒုက္ခ သည် စခန်းများတွင် ထားရှိမည်ဖြစ်ပြီး UNHCR မှ ကျွေးမွေးထား ရမှာဖြစ်ကြောင်း၊ တတိယနိုင်ငံ လက်ခံ မည်ဆိုပါက လည်း ပို့ဆောင်ပေးမည် ဖြစ်ကြောင်း၊ ဤသည်မှာ ရိုဟင်ဂျာပြဿနာအတွက် ဖြေရှင်းနည်းကို စဉ်းစားနေခြင်းဖြစ်ကြောင်း” ပြောခဲ့ပါတယ်။
    1

    သမ္မတပြောခဲ့တဲ့ စကားနဲ့ ပက်သက်ပြီး UNHCR မဟာမင်းကြီး Mr. Antinio Guterres က နေ့ မကူးခင်ဘဲ ချက်ချင်း ပယ်ချ လိုက်ပါတယ်။ (ကျနော်တို့ သမ္မတကြီးရဲ့ ဂုဏ်သိက္ခာကတော့ ပီတိဖြစ်စရာပဲဗျာ)

    UNHCR မဟာမင်းကြီးက ခုလိုအကြောင်းပြပြီး ပယ်ချခဲ့တာပါ။ “UNHCR က တတိယနိုင်ငံတွင်အခြေ ချတဲ့ အစီစဉ်ဟာ နိုင်ငံတစ်နိုင်ငံကနေ အခြေအနေအကြောင်းတစ်ခုခုကြောင့် ထွက်ပြေးလာရတဲ့ ဒုက္ခသည်တွေ အတွက် ဖြစ်ပါတယ်။ အခု ရခိုင်ပြည်နယ်က ရိုဟင်ဂျာဒုက္ခသည်တွေဟာ UNHCR က သတ်မှတ်တဲ့ဒုက္ခ သည်စာရင်းမှာ မပါဝင်ပါဘူး။ UNHCR က ချမှတ်ထားတဲ့ ဒုက္ခသည် သတ်မှတ်ချက်များနဲ့ ကိုက်ညီမှသာ တတိယနိုင်ငံ ပို့ပေးမှာဖြစ်ပါတယ်။” လို့ ပြန်ရှင်းလင်းပြောကြား ခဲ့ပါတယ်။

    ရှင်းရှင်းပြောရရင် `မစ္စတာပြောင် ခင်ဗျား လူလည်မကျနဲ့´ လို့ ပြောလိုက်တာပါ။ ‘လူလည်ကျတယ်’ ဆိုတဲ့စကား ကျနော် ဘာကြောင့်သုံးရသလဲဆိုတာ ရှင်းပါမယ်။ ဒါကိုရှင်းဖို့ အရင်ဆုံး နိုင်ငံမဲ့ဆိုတာကို စာဖတ်သူများ နားလည်လွယ်အောင်လို့ ဥပဒေစကားလုံးများ မဟုတ်ဘဲ ပေါ့ပေါ့ပါးပါးဖြစ်အောင် အတို ချုံးပြီးပြောပါမယ်။

    မည်သူသည် နိုင်ငံသားနည်း။

    နိုင်ငံသားဖြစ်မှုနှင့် ပက်သက်၍ ပြည်တွင်း ဥပဒေပါ အချက် အလက်များနှင့် ကိုက်ညီသဖြင့် အလို အလျောက် နိုင်ငံသားအဖြစ် လက်ခံ စဉ်းစားခြင်းခံ ရသူ(သို့) သက်ဆိုင်ရာ အာဏာပိုင် အဖွဲ့အစည်း များ၏ ဆုံးဖြတ်ချက်ဖြင့် နိုင်ငံသားအဖြစ် အပ်နှင်းခြင်းခံရပြီး သူကို `နိုင်ငံသား´လို့ သတ်မှတ်ပါ တယ်။ နိုင်ငံ အများ စုမှာတော့ နိုင်ငံသား ဖြစ်၊မဖြစ် သတ်မှတ်ရာမှာ ယေဘုယျအားဖြင့် ထိုပုဂ္ဂိုလ်မွေး ဖွားရာနိုင်ငံ (jus soli) ၏ ဥပဒေများအရ (သို့) မွေးဖွားချိန်တွင် မိဘများ ၏နိုင်ငံသားဖြစ်မှု ဥပဒေများအရ ( jus sanguinis ) အရ လက်ခံစဉ်းစားတယ်။

    မည်သူသည် နိုင်ငံမဲ့နည်း။

    နိုင်ငံသား အဖြစ်လျောက် ထားရန် ဥပဒေဘောင် အတွင်းကျရောက်သော သူသည် နိုင်ငံသား အဖြစ်လျောက် ထားရာဥပဒေအရ အရည်အချင်းပြည့် မီသော်လည်း ယင်းလျောက်လွှာ ကို ငြင်းပယ် ခံရလျှင် ထိုသူသည် ထိုနိုင်ငံ ၏ ဥပဒေများအရ နိုင်ငံသားမဖြစ်နိုင်ပါ။ မိမိတို့ ၏လျောက်ထားချက်ကို အပြည့် အ၀ စိစစ် လက်ခံ အတည်ပြုပြီး ဥပဒေနှင့်အညီ နိုင်ငံသားအဖြစ် အပ်နှင်းခြင်းမပြုသရွေ့ ယင်းနိုင်ငံ ၏နိုင်ငံသား အဖြစ် ယူဆနိုင် မည်မဟုတ်ပါ။ ထိုအခါ ထိုသူသည် ယင်းနိုင်ငံ တွင် နေ ထိုင်နေသော် လည်း အလိုအလျောက် `နိုင်ငံမဲ့´ ဖြစ်နေပါလိမ့်မယ်။။

    UNHCR က သတ်မှတ်ထားတဲ့ နိုင်ငံမဲ့ နှစ်မျိုးနှစ်စား ရှိပါတယ်။

    (၁) တရားဝင်နိုင်ငံမဲ့
    (၂) အမှန်တကယ် နိုင်ငံမဲ့

    (၁) တရားဝင်နိုင်ငံမဲ့ဖြစ်သူ (de jure stateless) ဆိုတာ အလိုအလျောက် တရားဝင်နိုင်ငံ သားဖြစ်မှု မရရှိသူများ (သို့) နိုင်ငံတစ်နိုင်ငံ၏ဥပဒေများအရ နိုင်ငံသားအဖြစ်ခွင့်ပြုပေးနိုင်သူ အာဏာပိုင်အဖွဲ့၏ ဆုံးဖြတ် ချက်ကြောင့် နိုင်ငံသား အဖြစ် မရရှိသော သူများကို ဆိုလိုပါတယ်။တရားဝင်နိုင်ငံမဲ့ဖြစ်မှုအကြောင်း စာဖတ်သူတို့ အလွယ်တကူမြင်သာအောင် ရခိုင်ပြည်နယ်က ရိုဟင်ဂျာ များနဲ့ ဥပမာပေးပြီး ရှင်းပြပါမယ်။မဆလခေတ်မှ စပြီး မြန်မာအစိုးရ အဆက်ဆက်က ရိုဟင်ဂျာ ဆိုတာ မြန်မာနိုင်ငံက မဟုတ် ဘူး။ ဘင်္ဂလား ဒေ့ရှ် မှ ၀င်လာ သူများဖြစ်တယ်´ လို့ သတ်မှတ်ပြီး တရားဝင်နိုင်ငံ သားအဖြစ် မသတ်မှတ်ဘဲ ဤဒေသ တွင် နေထိုင်ကြောင်း ထောက်ခံစာအဖြစ် စာရွက်အဖြူတစ်ရွက် (သို့) အစိမ်းရောင်ကဒ် တစ်ခု ခုပေး ထားခဲ့ တယ်။ ဒီတော့ ဒီ ရိုဟင်ဂျာတွေဟာ ဒီနိုင်ငံနဲ့ ပက်သက် ဆက်နွယ်မှု ရှိတာ သေချာသော် လည်း၊ ဒီနိုင်ငံ ရဲ့ တရားဝင်နိုင်ငံသားအဖြစ် သတ်မှတ်ခံရသူတွေ မဟုတ်တဲ့အတွက် သူတို့ဟာ `တရား ၀င်နိုင်ငံမဲ့´ တွေ ဖြစ်နေပါတယ်။
    2

    ဒီလူတွေဟာ နိုင်ငံတွင်းမှာနေထိုင်ပေမဲ့ နိုင်ငံသားတစ်ယောက် ရသင့်ရထိုက်တဲ့ အခွင့်အရေးများ မရခြင်း၊ သူတို့နေထိုင် ရာဒေသမှ တခြားဘယ်နေရာကိုမှ လွတ်လပ်စွာသွားလာခွင့် မရှိခြင်း၊ အသက်မွေး ၀မ်း ကျောင်းမှု ပညာသင်ကြားခွင့် မရခြင်း၊ အစိုးရဆေးရုံများတွင် တရားဝင်ဆေးဝါးကုသခွင့် မရှိခြင်း၊ လွတ်လပ်စွာ လက်ထပ်ခွင့် မရှိခြင်း၊ ကလေးမွေးစာရင်း မရရှိခြင်း၊ လွတ်လပ်စွာ စီးပွားရှာဖွေစားသောက် ခွင့်မရခြင်း.. စသဖြင့် သူတို့အတွက် သီးသန့်ဥပဒေများထုတ်ပြီး ကန့်သတ်ချုပ်နှောင်ထားမှုများကြောင့် ရခိုင်ဒေသမှ ရိုဟင်ဂျာများဟာ မြန်မာပြည်တွင်းက အမိုးဖွင့်ထောင်ထဲမှာ နေ နေကြရတဲ့ `တရားဝင်နိုင်ငံ မဲ့များ´ ဖြစ်ပါတယ်။

    3

    ဒီလို တရားဝင်နိုင်ငံ မဲ့များရဲ့ အခက်အခဲများနဲ့ပက်သက်ပြီး UNHCR က လတ်တလော အကူအ ညီမျိုး ကိုသာ ပေးမှာဖြစ်ပြီး ရေရှည်တွင် မိမိနိုင်ငံ၏ နိုင်ငံသားအဖြစ်ရရှိစေပြီး ၊ ထိုနိုင်ငံ၏ ဥပဒေအရ အကာ ကွယ် ပေးမှုအောက် ပြန်ရောက်စေရန်သာ ဦးတည်ဆောင်ရွက် မှာဖြစ်ပါ တယ်။ နိုင်ငံတစ်နိုင်ငံ၏ အာ ဏာပိုင်များ က နိုင်ငံ နယ်နိမိတ်အတွင်း အစဉ်အဆက်နေထိုင်ခဲ့ သူများကို လက်လွတ်စ ပယ်မောင်း ထုတ်သဖြင့် နိုင်ငံမဲ့ ဘ၀ ရောက်သွားသူများအား တတိယနိုင်ငံသို့ ပို့ဆောင်ပေးခြင်းမှာ UNHCR ၏ လုပ်ရိုး လုပ်စဉ်လည်း မဟုတ်ပါ။ နောက်တချက်က UNHCR ၏ ကူညီထောက်ပံ့မှု လိုအပ်သော တရား ၀င်နိုင်ငံမဲ့ဖြစ်နေသူ တွေဟာ `ဒုက္ခသည်များ´ မဟုတ်သည့်အပြင် ခိုလှုံခွင့်ရ ရှိရန် တောင်းဆို ထားသူ များလည်း မဟုတ်ကြပါ။ “ညှင်းပမ်းနှိပ်ကွပ်ခံရမည်ကို အမှန်တကယ် စိုးရိမ်ကြောက်ရွံ့ရမှု” သည် ၁၉၅၁ ခုနှစ် ဒုက္ခသည်များအဆင့် အခြေအနေဆိုင်ရာ ကွန်ဗင်းရှင်း ပါ `ဒုက္ခသည်´ အဓိပ္ပါယ်ဖွင့်ဆိုချက်၏ အခရာကျသော အချက် ဖြစ်သည်။ တရားဝင်နိုင်ငံ မဲ့ဖြစ်ရခြင်းသည် ပြည်တွင်းဥပဒေများ၏ အားနည်းချက် များနှင့် ခွဲခြားဆက်ဆံမှုများကြောင့် သာ ဖြစ်လာတာဖြစ်ပြီး၊ `ညှင်းပမ်းနှိပ်ကွပ် ခံရခြင်း´ဆိုတဲ့ အဓိပ္ပါယ် မဆောင်ပါ။

    ဒီလောက်ဆိုရင် လက်ရှိရခိုင်ပြည်နယ်မှာရှိတဲ့ ရိုဟင်ဂျာများဟာ UNHCR ရဲ့ ကူညီထောက်ပံ့မှုလိုအပ်တဲ့ တရားဝင်နိုင်ငံမဲ့တွေဖြစ်တာ မှန်ပေမဲ့ UNHCR ကသတ်မှတ်ထားတဲ့ `ဒုက္ခသည်များ´ မဟုတ်ဘူးဆိုတာကို စာဖတ်သူများ သဘောပေါက်မယ်ထင်ပါတယ်။ ဒါကြောင့် ဒီလိုတရားဝင်နိုင်ငံမဲ့များကို ဒုက္ခသည်စခန်းမှာ ထားဖို့ (သို့မဟုတ်) တတိယနိုင်ငံကလက်ခံမယ်ဆိုရင် ပို့ပေးမယ်လို့ ဦးသိန်းစိန်ပြောတာဟာ လူလည် ကျတာလို့ ကျနော်အပေါ်မှာသုံးနှုန်းခဲ့တာဖြစ်ပါတယ်။

    ဒီတော့ ဒုက္ခသည် မဟုတ်တဲ့ဒေသခံ များကို နေရပ်ဒေသမှ အဓမ္မမောင်း ထုတ်ကာ ဒုက္ခသည် မဖြစ် ၊ဖြစ်အောင် လုပ်ပြီး ဒုက္ခသည် စခန်းတွေမှာ ထားမယ်ဆိုတဲ့ ဦးသိန်းစိန်ရဲ့ စကားဟာ ကိုယ့်အရည် အချင်းကို ကမ္ဘာ သိအောင် ဖေါ်ပြလိုက်သလိုသာ ဖြစ်ပါတယ်။ ဒီထက်ပို ရှင်းအောင်ပြော ရရင် နိုင်ငံ တကာမှာ `လူရာမ၀င်တဲ့ အတွေးအခေါ်´ တစ်ခုကို ချပြလိုက်တာပါ။ ဒါကြောင့် လည်း နောက် ပိုင်း သူ့အခြေ အနေ သူသိပြီး အတိတ်မေ့သလိုလို၊ ဒိတ်ပျောက်သလိုလို လုပ်ခဲ့တာပါ။ ဒီလို အဓမ္မမောင်း ထုတ်ခံရ သူများကို တတိယနိုင်ငံတစ်ခုက လက်ခံတဲ့အလုပ်ကလည်း လူမိုက်အားပေး သလို ဖြစ်စေ တဲ့အပြင် လူ့အဖွဲ့ အစည်း တစ်ခုရဲ့ မွေးရပ်မြေပျောက်ဆုံးကာ အစဉ် အဆက် နိုင်ငံ မဲ့လူမျိုးစု တစ်ခုဖြစ်သွားအောင် လုပ်ဆောင် ရာရောက်သဖြင့် ဘယ်နိုင်ငံကမှလည်း ထိုသူများ ကိုနိုင်ငံသား အဖြစ်လက်ခံ မည်မဟုတ်ပါ။ ရှင်းရှင်းပြော ရရင် ကိုယ့်ကိစ္စကို ကိုယ် တရားဥပဒေနှင့် အညီ လမ်းမှန် ကမ်း မှန် ဖြေရှင်းရမှာပါ။

    နောက်ထပ် သိသာစေတဲ့ အချက်တချက်ကို ထောက်ပြပါမယ်။ ဘင်္ဂလားဒေ့ရ်ှနိုင်ငံ ဘက်က ဒုက္ခသည် စခန်းတွေမှာ ရှိတဲ့ ရိုဟင်ဂျာတွေကို တတိယနိုင်ငံ ပို့ပေးပါလို့ ဘင်္ဂလားဒေ့ရ်ှက တခါမှမပြောခဲ့ ဘဲ၊ မြန် မာပြည်က လူတွေဖြစ်လို့ မြန်မာပြည်က ပြန်ခေါ်ဖို့ပဲ ပြောခဲ့ပါတယ်။ တကယ်တမ်း ဘင်္ဂလားဒေ့ရှ် ဘက် က ဒုက္ခသည်စခန်းတွမှာ ရှိနေသေးတဲ့ ရိုဟင်ဂျာများကိုတောင် အကုန်ပြန် လက်မခံရသေးလို့ ဘင်္ဂလားဒေ့ရှ် အစိုးရနဲ့ ဆွေးနွေးတိုင်း ကတိတွေပေးနေရဆဲပါ။ ဒါလက်တွေ့ဖြစ်နေတဲ့ အခြေအနေကို ကျနော်ပြောနေ တာ ဖြစ်ပါတယ်။ ဦးသိန်းစိန်က ရိုဟင်ဂျာတွေဟာ ဘင်္ဂလားဒေ့ရ်ှနိုင်ငံက ခိုးဝင်လာတဲ့ ဘင်္ဂါလီ များ ဖြစ် တယ် လို့ပြောခဲ့ပေမဲ့ ဘာလို့ ဘင်္ဂလားဒေ့ရ်ှက ပြန်ခေါ်ပါလို့မပြောဘဲ တတိယနိုင်ငံပို့ ပေးပါလို့ တောင်း ဆိုရတာလဲ စဉ်းစားစရာပါ။ ဒီထက် ပိုတွေးကြည့်ရင် ဦးသိန်းစိန်ပြောလိုက် တဲ့စကားဟာ လူမျိုးစု တစ်စု ကို နေရပ် စွန့်ခွာ ထွက်ပြေးအောင် အဓမ္မပြုလုပ်တဲ့ ethnic cleansing ကိုလမ်းကြောင်း အစ ဖေါ်ပေး လိုက်သလို ဖြစ်နေ ပါတယ်။ လူမျိုးစုနှစ် စုကြား တဘက်ကိုသွေး ဆူအောင်၊ လုပ်ရဲ ကိုင်ရဲရှိ လာအောင် ရဲဆေးတင်ပေး လိုက်သလိုဖြစ်ပြီး၊ကျန်တဘက်ကို မျှော်လင့် ချက်လက်မဲ့နဲ့  ဖြစ်ချင်ရာဖြစ် ပြန်ချ မယ် ဆိုတဲ့ အခြေအနေရောက်အောင် ပြောလိုက်သလိုဖြစ်နေ ပါတယ်။

    ကျနော်ရေး သွားတာတွေ ဖတ်ပြီးတချို့က တွေးမိကောင်းတွေးမိပါလိမ့်မယ်။ ရခိုင်ပြည် နယ်က ရိုဟင်ဂျာ တွေ လည်း တက္ကသိုလ်တက်ခွင့် ရတဲ့သူတွေ၊ သွားလာ လုပ်ကိုင်ခွင့် ရတဲ့သူတွေ၊ ၂၀၁၀ ရွေးကောက်ပွဲ မှာ မဲပေးခွင့် ရတဲ့သူတွေ အများကြီးရှိတာပဲ၊ ဘာကြောင့် နိုင်ငံမဲ့အဖြစ် သတ်မှတ်ရ တာလဲလို့ တွေးကြလိမ့်မယ် ထင်တယ်။ ဒီအတွက် ကျနော်သေချာထပ်ပြောပါမယ်။ တရားဝင်နိုင်ငံမဲ့ ဖြစ်နေသူတစ်ဦးကို ဥပဒေ အရ နိုင်ငံ သား အဖြစ် တရားဝင် အပ်နှင်းခြင်းမှ လွဲပြီး မည်မျှပင် အခွင့်အရေးများ ပေးအပ် ထားပါစေ အဲဒီ အခွင့်အရေးများသည် နိုင်ငံသားအဖြစ်ရရှိခြင်းနှင့် ထပ်တူပြု၍မရပါ။ ဒီအချက်ကို ကျနော် တို့ သေသေ ချာချာ သိထားဖို့လိုပါတယ်။

    အမှန်တကယ်နိုင်ငံမဲ့ နဲ့ပက်သက်ပြီး (အပိုင်း-၂) ဆက်လက်ဖတ်ရှုပါရန် ..

    Ref:

    • UNHCR – Handbook for Parliamentarians- 2005
    • Human Rights Abuses and Discrimination on Rohingyas 
    • International Crisis Group – Myanmar: A New Peace Initiative – Nov-2011

    ဤဆောင်းပါးပါ အကြောင်းအရာများသည် ဆောင်းပါးရှင်၏ အာဘော်သာ ဖြစ်ပါသည်။