Tag: Pakistan

စက်တင်ဘာ ၂၀၊ ၂၀၁၈
M-Media

– မွတ်စလင်တွေအကြား သဘောထားကွဲလွဲမှုဟာ အစ္စလာမ့်အသိုင်းအ၀ိုင်းကို အားနည်းစေပြီး ဒီလိုတင်းမာမှုတွေကို ဖြေရှင်းရေး ကူညီဖို့ ဆန္ဒရှိတယ်လို့ ပါကစ္စတန်ဝန်ကြီးချုပ် အင်မရန်းခန်းက Arabiya TV နဲ့ အင်တာဗျူးမှာ ပြောကြားလိုက်ပါတယ်။

အင်မရန်းခန်းဟာ သူ့ရဲ့ ပထမဆုံး နိုင်ငံရပ်ခြားခရီးစဉ်အဖြစ် ဆော်ဒီအာရေဗျနိုင်ငံကို ရောက်ရှိစဉ် မနေ့က အင်တာဗျူး ဖြေကြားခဲ့တာ ဖြစ်ပါတယ်။

ခန်းက မွတ်စကမ္ဘာမှာ ဖြစ်ပွားနေတဲ့ တင်းမာမှုတွေကို အဆုံးသတ်ရေးနဲ့ နိုင်ငံအချင်းချင်း နားလည်းမှုတည်ဆောက်ရေးတို့အတွက် ပါကစ္စတန်က ကူညီဖို့ ဆန္ဒရှိနေတယ်လို့ Arabiya TV ကို ပြောကြားခဲ့ပါတယ်။

ပါကစ္စတန်ဟာ တာလီဘန်လို အကြမ်းဖက်သမားတွေကို ထိထိရောက်ရောက် နှိမ်နှင်းမှုမရှိဘူးလို့ အမေရိကန်က ပြီးခဲ့တဲ့လတွေမှာ စွပ်စွဲခဲ့ပါတယ်။

ဝန်ကြီးချုပ် ခန်းကတော့ အာဖဂန်နဲ့ အခြားတိုင်းပြည်တွေက ပြဿနာတွေကို ပါကစ္စတန်က သိသိသာသာ ခံစားနေရပြီး အစ္စလာမ်ကမ္ဘာမှာ ရန်လိုမှုတွေ မရှိသင့်တော့ကြောင်း၊ အရှေ့အလယ်ပိုင်းပြဿနာမှာ ညှိနှိုင်းသူအဖြစ် ပါကစ္စတန်က ဆောင်ရွက်လိုပြီး၊ ယီမင်ကပြဿနာကိုလည်း အဆုံးသတ်သွားအောင် ကူညီချင်ကြောင်း၊ အကြမ်းဖက်ဝါဒနဲ့ ပတ်သက်ပြီး မိမိတို့လောက် ဘယ်သူကမှ ထိရောက်တဲ့ အကြံဉာဏ်မျိုး မပေးနိုင်ကြောင်း ထည့်သွင်းပြောဆိုခဲ့ပါတယ်။

ဆော်ဒီက ပါကစ္စတန်ကို ကူညီခဲ့မှုတွေအတွက် အင်မရန်းခန်းက ကျေးဇူးတင်ခဲ့ပြီး၊ ဆော်ဒီခေါင်းဆောင်ပိုင်းရဲ့ ခြစားမှုတိုက်ဖျက်ရေးဆောင်ရွက်မှုကိုလည်း ချီးကျူးခဲ့ပါတယ်။ ဒါ့အပြင် နှစ်နိုင်ငံ ပြည်သူချင်း ဆက်သွယ်ဆောင်ရွက်မှုကို ခိုင်မာအောင် ဆောင်ရွက်သွားမယ်လို့လည်း ဆိုပါတယ်။

ပြီးခဲ့တဲ့လ ရွေးကောက်ပွဲမှာ အာဏာရခဲ့တဲ့ ၀န်ကြီးချုပ် အင်မရန်းခန်းဟာ တိုင်းပြည်အတွင်း ခြစားမှုကို တိုက်ဖျက်သွားမှာဖြစ်ပြီး စီးပွားရေး ပိုမိုကောင်းမွန်လာအောင် ဆောင်ရွက်မယ်လို့ ပြောကြားထားပါတယ်။

ဆော်ဒီကနေတစ်ဆင့် အင်မရန်းခန်းဟာ မနေ့နှောင်းပိုင်းမှာ အာရပ်စော်ဘွားများပြည်ထောင်စု (ယူအေအီး) နိုင်ငံကို သွားရောက်ခဲ့ပါတယ်

Ref : Pakistan Today

စက်တင်ဘာ ၁၈၊ ၂၀၁၈
M-Media

– ပါကစ္စတန်အစိုးရ အသုံးပြုနေတဲ့ ကားတွေထဲက ဇိမ်ခံကား အစီးရေ ၁၀၀ လောက်ကို မနေ့မှာ စတင်လေလံပစ်ခဲ့ပြီး အစိုးရအသုံးစားရိတ် ခြွေတာဖို့နဲ့ တိုင်းပြည်ရဲ့ဘဏ္ဍာကို ပြန်လည်ဖြည့်တင်းဖို့ ရည်ရွယ်တာ ဖြစ်ပါတယ်။

ပြည်ကြွေးမြီတွေကြောင့် ပါကစ္စတန်ဟာ ငွေကြေးအကြပ်အတည်းနဲ့ ရင်ဆိုင်နေရပြီး ၀န်ကြီးချုပ်သစ် အင်မရန်းခန်းက သူ့အနေနဲ့ အစိုးရအဖွဲ့ရဲ့ မလိုအပ်တဲ့ အသုံးစားရိတ်တွေကို လျှော့ချသွားမယ်လို့ ရွေးကောက်ပွဲမတိုင်ခင်က ပြောကြားခဲ့ပါတယ်။

လေလံဆိုင်ရာတာဝန်ရှိသူ မိုဟာမက် အာဆစ်ဖ်က ဒီကားတွေကို ရောင်းချရမှုကနေ ရူပီး ၂ ဘီလီယံ (ကန်ဒေါ်လာ ၁၂ သန်း) လောက် ရမယ်လို့ ခန့်မှန်းထားပါတယ်။

ရောင်းချမယ့်ကစားတွေထဲမှာ ကျည်ကာ မာစီဒီးကား ၄ စီး၊ ၀န်ကြီးချုပ်ဟောင်း နာဝဇ်ရှရစ်ဖ်က ၀န်ကြီးချုပ်အိမ်တော်မှာ မလိုအပ်ဘဲ ယူထားတဲ့ တန်ဖိုးကြီးဇိမ်ခံစား ၈ စီးတို့လည်း ပါဝင်မှာ ဖြစ်ပါတယ်။

ပြီးခဲ့တဲ့လ ရွေးကောက်ပွဲမှာ အနိုင်ရခဲ့တဲ့ အင်မရန်းခန်းက နှစ်ပေါင်း ၅၀ အတွင်း တိုင်းပြည်ရဲ့အာဏာကို သူတစ်ပြန်ကိုယ်တစ်ပြန် ရယူခဲ့ကြတဲ့ အဓိကနိုင်ငံရေးပါတီကြီး ၂ ခုဟာ၊ ခြစားတာတွေ၊ တိုင်းပြည်ဘဏ္ဍာကို ဖြုန်းတီးတာတွေ လုပ်ခဲ့တယ်လို့ ဝေဖန်ခဲ့ပါတယ်။

ဒါတွေကို တိုက်ဖျက်ဖို့အတွက် ‘တိုင်းပြည်ရဲ့ ကြွယ်ဝမှုတွေကို ပိုင်ရှင်အစစ်ထံ ပြန်ပေးရေး’ လှုပ်ရှားမှုကို ဆောင်ရွက်သွားမယ်လို့ ခန်းက ကတိပြုခဲ့ပြီး အခု ကားလေလံတင်မှုဟာ ဒီလှုပ်ရှားမှုရဲ့ တစ်စိတ်တစ်ပိုင်း ဖြစ်ပါတယ်။

Ref: Khaleej Times

စက်တင်ဘာ ၆၊ ၂၀၁၈
M-Media

– ယူရေနီယံ သန့်စင်မှုတွေ၊ ပလူတိုနီယံ ထုတ်လုပ်မှုတွေကို တိုးမြှင့်လုပ်ဆောင်လာတဲ့ ပါကစ္စတန်ဟာ ၂၀၂၅ ခုနှစ်ရောက်ရင် ကမ္ဘာ့ ပဉ္စမမြောက် နျူအင်အားကြီးနိုင်ငံတစ်ခု ဖြစ်လာနိုင်တယ်လို့ နျူလက်နက်ဆိုင်ရာ ၀ဘ်ဆိုက်ဖြစ်တဲ့ Bulletin of the Atomic Scientists က အစီရင်ခံစာတစ်ခုမှာ ဖော်ပြထားပါတယ်။

Pakistani nuclear forces, 2018 အမည်နဲ့ အမေရိကန်သိပ္ပံပညာရှင်တွေက ရေးသားထားတဲ့ အဲဒီ အစီရင်ခံစာမှာ ပါကစ္စတန်ဟာ နျူလက်နက် ပစ်လွှတ်တဲ့ စနစ်တွေ တော်တော်များများကိုလည်း တီထွင်နေပြီး နောက်ထပ် ၇ နှစ်အတွင်း နျူထိပ်ဖူး ၂၂၀ ကနေ ၂၅၀ အထိ ပိုင်ဆိုင်လာလိမ့်မယ်လို့ သုံးသပ်ထားပါတယ်။

“နျူထိပ်ဖူးတွေ၊ နျူလောင်စာတွေနဲ့ ပစ်လွှတ်စနစ်တွေကို များပြားလာအောင်ဆောင်ရွက်ပြီး ပါကစ္စတန်ဟာ သူတို့ရဲ့ နျူလက်နက်အင်အားကို ဆက်လက်ချဲ့ထွင်နေပါတယ်” လို့ စာမျက်နှာ ၁၂ မျက်နှာပါတဲ့ အဲဒီ အစီရင်ခံစာမှာ ဖော်ပြထားပါတယ်။

ပါကစ္စတန်စစ်တပ်ရဲ့ စစ်စခန်းတွေ၊ လေတပ်အခြေစိုက်စခန်းတွေကို ဂြိုဟ်တုကနေ ကြည့်ရှုမှုအရ နျူလက်နက်တွေနဲ့ သက်ဆိုင်တယ်လို့ ယူဆရတဲ့ ဒုံးပစ်စင်တွေ၊ မြေအောက်စခန်းတွေကို တွေ့ခဲ့ရတယ်လို့လည်း အစီရင်ခံစာက ဆိုပါတယ်။

နောက်ထပ် ၁၀ နှစ်အတွင်း ပါကစ္စတန်ဟာ နျူထိပ်ဖူး ၃၅၀ လောက် ပိုင်ဆိုင်ပြီး ကမ္ဘာ့ တတိယ နျူအင်အားကြီးနိုင်ငံ ဖြစ်လာမယ်လို့ ပြောဆိုမှုတွေဟာ ချဲ့ကားပြောဆိုမှုသာ ဖြစ်တယ်လို့ အမေရိကန် သိပ္ပံပညာရှင်တွေက ဒီအစီရင်ခံစာမှာ သုံးသပ်ထားပါတယ်။

လက်ရှိ နျူအင်အားကြီး ၅ နိုင်ငံဟာ အမေရိကန်၊ ရုရှား၊ ယူကေ၊ ပြင်သစ်နဲ့ တရုတ်တို့ဖြစ်ပြီး အိန္ဒိယက အဆင့် ၆၊ ပါကစ္စတန်က အဆင့် ၇ မှာ ရှိနေပါတယ်။

Ref: NDTV