ဇန်န၀ါရီ ၁၆၊ ၂၀၁၅
M-Media
– ဘုရားသခင်၏အမည်နာမကို အသုံးပြု၍ သတ်ဖြတ်ခြင်းကို ရှုတ်ချပြီး၊ ဘာသာတရားများကိုလည်း စော်ကား၍မရဟု ပုပ်ရဟန်းမင်းကြီးဖရန်စစ်က ပြောကြားလိုက်သည်။
အာရှရှိ ကက်သလစ်အမာခံနိုင်ငံဖြစ်သော ဖိလစ်ပိုင်သို့ ၅ ရက်ကြာ သွားရောက်လည်ပတ်ရန် သီရိလင်္ကာမှ မထွက်ခွာခင် လေဆိပ်၌ ပြီးခဲ့သည့်တစ်ပတ်က ဖြစ်ပွားခဲ့သော ပဲရစ်ရှိ မဂ္ဂဇင်းတိုက် တိုက်ခိုက်ခံရမှုနှင့်ပတ်သက်၍ မေးမြန်းရာတွင် ပုပ်ရဟန်းမင်းကြီးက သတင်းထောက်များအား ယခုကဲ့သို့ ပြောကြားခဲ့ခြင်းဖြစ်သည်။
`ဘုရားသခင်ရဲ့နာမတော်ကို အသုံးပြုပြီး သတ်ဖြတ်နေတာတွေဟာ အဓိပ္ပါယ်မရှိတဲ့ လုပ်ရပ်ပါ´ ဟု
ပုပ်ရဟန်းမင်းကြီးက ဆိုသည်။
ထို့ပြင် ပုပ်ရဟန်းမင်းကြီးက ဘာသာတရားတစ်ခုစီတိုင်းတွင် ဂုဏ်သိက္ခာရှိကြောင်း၊ လွတ်လပ်စွာ ပြောဆိုခွင့်တွင်လည်း အကန့်အသတ်ရှိကြောင်း ထည့်သွင်းပြောကြားခဲ့သည်။
`သူငယ်ချင်းကောင်းတစ်ယောက်က ကျွန်တော့်မိခင်ကို စော်ကားပြောဆိုမယ်ဆိုရင် ဒီလူဟာ အထိုးခံရဖို့ ကျိန်းသေပါပဲ။ ဒါဟာ သဘာဝပါ။ အခြားသူတစ်ဦးရဲ့ ဘာသာတရားကို ခင်ဗျားတို့က ရန်စတာမျိုး၊ စော်ကားတာမျိုး၊ လှောင်ပြောင်တာမျိုး မလုပ်ရပါဘူး´
ပဲရစ်ရှိ တိုက်ခိုက်ခြင်းခံခဲ့ရသော Charlie Hebdo မဂ္ဂဇင်းမှာ အစ္စလာမ်ဘာသာ၊ တမန်တော်မိုဟာမက်အပါအ၀င် အခြားဘာသာတရားများအား စော်ကားသောကာတွန်းများကို အကြိမ်ကြိမ်ဖော်ပြခဲ့သည့် မဂ္ဂဇင်းတစ်စောင်ဖြစ်သည်။ သေနတ်သမားများ၏ တိုက်ခိုက်မှုအတွင်း အယ်ဒီတာချုပ်အပါအ၀င် လူ ၁၂ ဦးသေဆုံးခဲ့ပြီး သေနတ်သမားများကမူ
တမန်တော်မိုဟာမက်အတွက် လက်စားချေခဲ့သည်ဟု ဟစ်အော်ခဲ့သည်။
တိုက်ခိုက်ခံရပြီးနောက် ပထမဆုံးထုတ်ဝေသော မဂ္ဂဇင်းတွင်လည်း Charlie Hebdo မှာ တမန်တော်မိုဟာမက်ပုံ ကာတွန်းကို ထည့်သွင်းဖော်ပြခဲ့သည်။
`လွတ်လပ်စွာပြောဆိုခွင့်ဆိုတာ အခွင့်အရေးတစ်ခုဖြစ်ပြီး တာဝန်တစ်ခုလည်းဖြစ်ပါတယ်။ ဒီအခွင့်အရေးကို စော်ကားတာမျိုးမရှိဘဲ အသုံးချရပါမယ်´ ဟု ပုပ်ရဟန်းမင်းကြီးက ထပ်လောင်းပြောကြားခဲ့သည်။
Ref : channelnewsasia
