News @ M-Media

Tag: Pyi

  • ပြည်မြို့တွင် သက်တော်(၈၂)နှစ်၊ ၀ါတော်(၆၂)နှစ်ရှိ ဆရာတော်တစ်ပါး ဓါးထိုးခံရ

    ပြည်မြို့တွင် သက်တော်(၈၂)နှစ်၊ ၀ါတော်(၆၂)နှစ်ရှိ ဆရာတော်တစ်ပါး ဓါးထိုးခံရ

    မေလ ၁၄၊ ၂၀၁၃
    M-Media
    ထွန်းတောက်
    ပြည် ။         ။           ပဲခူးတိုင်း၊ ပြည်မြို့ ပုညရှင်ကျောင်းတွင် သီတင်းသုံးနေသော ဆရာတော် ဦးသောဘိတအား ယနေ့ နေ့လည်ပိုင်းက ဓါးဖြင့် ထိုးခံရကြောင်း သိရှိရသည်။

    ယင်းသတင်းအား ဆက်သွယ်စုံစမ်းရာ သက်တော်(၈၂)နှစ်၊ ၀ါတော်(၆၂)နှစ်ရှိ ဆရာတော် ဦးသောဘိတသည် ကျောင်းတွင် သတင်းသုံးနေစဉ် လူတစ်စုမှ ကျောင်းပေါ်သို့တက်ရောက်လာပြီး ဆရာတော်အား ဓါးဖြင့်ထိုးကာ ပစ္စည်းများလုယက်ယူဆောင်သွားကြောင်းသိရသည်။ ဓါးထိုးခံရမှုကြောင့် ဆရာတော်သည် ပြည်မြို့ ပြည်သူ့ဆေးရုံကြီးတွင် တက်ရောက်ဆေးကုသမှု ခံယူနေရကြောင်းလည်းသိရသည်။

    ဆရာတော်ဦးသောဘိတသည် သူ့အား ဓါးနှင့်ထိုးသူသည် ရဲဝင်းဆိုသူ ဗမာလူမျိုး ဗုဒ္ဓဘာသာဝင်တစ်ဦးဖြစ်ကြောင်းကို ခွဲစိတ်ခန်းမ၀င်မီတွင် ပြောကြားခဲ့သည်။ ထို့ကြောင့် ဆရာတော်အား ဓါးဖြင့်ထိုး၍ ပြစ်မှုကျူးလွန်သူ တရားခံအား ရာအိမ်မှူး ဦးနေ၀င်းမှ တရားလိုပြုလုပ်၍ ပြည်မြို့ အမှတ်(၂) ရဲစခန်းတွင် (ပ)၃၆၄၊ ပုဒ်မ(၃၆၂)ဖြင့် တိုင်ချက်ဖွင့်ထား၍ ရဲများမှ တရားခံ ရဲဝင်းအား လိုက်လံရှာဖွေဖမ်းဆီးနေပြီဖြစ်ကြောင်းလည်းသိရသည်။

    ဆရာတော် ဦးသောဘိတအား ဓါးနှင့်ထိုးခံရသည်ဟု သတင်းထွက်ပေါ်လာပြီး အချိန်ပိုင်းအတွင်းမှာပင် ဆိုရှယ်မီဒီယာတွင် သတင်းများပျံနှံ့သွားသည်။ တရားခံမှာ မွတ်စလင်မ်ဖြစ်မည်ဟု စွပ်စွဲပြောဆိုသံများ အွန်လိုင်းစာမျက်နှာများတွင် ပေါ်ထွက်လာခဲ့သော်လည်း ဆရာတော်အား ဓါးနှင့်ထိုးသူမှာ ဗုဒ္ဓဘာသာ မြန်မာလူမျိုးသာဖြစ်ပြီး အစ္စလာမ်သာသနာဝင်များနှင့် ပတ်သက် ဆက်နွယ်မှု မရှိကြောင်းကိုလည်း M-Media မှ မေးမြန်းချက်တွင် ပြည်မြို့ခံမှ ရှင်းပြခဲ့ပါသည်။

  • နယ်ကျော်မှုဖြင့် ရိုဟင်ဂျာများ နေရပ်ပြန်ပို့ရန် ပြည်မြို့မှတဆင့် ပဒါန်းရဲစခန်း ပို့ဆောင်

    ဇန်န၀ါရီ – ၁၅ ၊ ၂၀၁၃
    ပြည်မြို့
    ဆောင်းနှင်းမှုံ

    1
    ပြည်မြို့ခံ အစ္စလာမ်ဘာသာဝင် မြို့မိမြို့ဖများမှ  ဒုက္ခသည်ရိုဟင်ဂျာများကို ညစာ ကျွေးမွေးရန် စီစဉ်နေစဉ်

    ကော့သောင်းတွင် အဖမ်းခံရသည့် ရိုဟင်ဂျာ ၈၅ ယောက်သည် ၁၄ ရက်နေ့ ညနေ ၅ နာရီက ရန်ကုန် သာကေတ ဆိပ်ကမ်းမှ  အသင့်စီစဉ်ထားသည့် ပြည်-ကျိုက်ထီးရိုး-မော်လမြိုင် ခရီးစဉ် ကားဖြစ်သည့် မျိုးဆက်သစ်/ဘုန်းမြတ်ပိုင် ကားများဖြင့် ပြည်မြို့ သို့ ည ၁၁ နာရီ အချိန်တွင် ရောက်ရှိကြောင်း သတင်းရရှိသည်။

    ပြည်မြို့ လ၀ကရုံးတွင် ထားရှိပြီး ပြည်မြို့ ဒေသခံ မြို့မိမြို့ဖများမှ ညစာ ကျွေးမွေးခဲ့ကြသည်။ ပြည်မြို့မှ အစ္စလာမ် ဘာသာဝင် မြို့မိမြို့ဖ အားလုံးနီးပါက တတ်နိုင်သမျှ သဒ္ဒါအားဖြင့် အိပ်အသစ် တစ်လုံးထဲတွင် လူတစ်ဦးကို စောင်တစ်ထည် အ၀တ်ထည်များ အနွေးထည် တစ်ထည် ခေါက်ဆွဲကြော်တစ်ပွဲ ငွေသား၆၀၀၀ ဆီ ပေးခဲ့ကြောင်း ပြည်မြို့ဒေသ ခံ တစ်ဦးဖြစ်သည့် အောင်အောင်အလ်အေ ပေးပို့သောသတင်းများမှ သိရှိရသည်။ ပြည်မြို့မှ  ပဒါန်းရဲစခန်း သို့ပို့ဆောင်မည်ဖြစ်ကြောင်း သိရသည်။

    “ကျွန်တော်တို့ ပြည်မြို့ အစ္စလာမ်ဘာသာဝင် မြို့မိမြို့ဖ တွေက ပဲ သူတို့သွားဖို့ ၁၀ဘီးကား စီစဉ်ပေး တာပါ။ ကျွန်တော်တို့အခု ပြည်မှာ တအားအေးနေပါတယ်၊ အဲဒီအတွက် တစ်ခါတည်း ဒုက္ခသည်တွေကို အနွေးထည်တွေ ပေးလိုက်တဲ့အချိန်တည်းက သူတို့ကို တစ်ခါတည် ၀တ်ခိုင်းလိုက်ရပါတယ်၊ ပြီးတေ့ာ သူတို့သွားမည့် ခရီးတစ်လျှောက်မှာ အေးတဲ့ရာသီဥတု ဒဏ်ကိုခံနိုင်အောင် ကားပေါ်မှာ ကတ်ထူတွေ တစ်ခါတည်းခင်းပေးလိုက်ပါတယ်” ဟု ပြည်မြို့ခံ မွတ်စလင်မ်တဦး မှ M-Media သို့ပြောကြားသည်။

    စစ်တွေ မြို့ သဲချောင်း ဒုက္ခသည် စခန်းမှ ပင်လယ်ခရီးကို စက်လှေဖြင့် ဖြတ်သန်းပြီး ပြည်ပသို့ထွက်ပြေးလာသည့် ရိုဟင်ဂျာ မွတ်စလင်မ် (၈၅) ယောက်ကို ကောသောင်းတွင် အာဏာပိုင်အဖွဲ့အစည်းများမှာ နယ်ကျော်ပုဒ်မဖြင့် ဖမ်းပြီး နေရပ်ဒေသသို့ပြန်ပို့ခြင်းဖြစ်သည်။ အခြား ၁ ဦးမှာကလေးမြို့သို့ ဝင်ရောက်လာသူဖြစ်ပြိး နယ်ကျော်ပုဒ်မ ဖြင့် အဖမ်းခံရခြင်းဖြစ်သည်။

    ၁၄ရက်နေ့ညက ထိုဒုက္ခသည် ၈၆ယောက်သည် ပြည်မြို့ လ၀က ရုံးတွင် တစ်ညအိပ် ခဲ့ပြီး ယနေ့မနက် ၆နာရီက ပြည်မြို့မှ  ပဒါန်းရဲစခန်း သို့ထွက်ခွာသွားကြောင်း သတင်းရရှိသည်။ ထိုမှ တဆင့် ၄င်းတို့ နေရပ်ဇာတိ ရခိုင်ပြည်နယ်သို့ ပြန်လည်ပို့ဆောင်သွားမည် ဟု သတင်းရရှိသည်။

    9
    ပြည်မြို့ခံ အစ္စလာမ်ဘာသာဝင် မြို့မိမြို့ဖများမှ ဒုက္ခသည်ရိုဟင်ဂျာများကို ညစာ ကျွေးမွေးရန် စီစဉ်နေစဉ်
    8
    ပြည်မြို့ခံ အစ္စလာမ်ဘာသာဝင်များမှ ဒုက္ခသည် ရိုဟင်ဂျာများကို လှူဒါန်းလိုက်မည့် အလှူပစ္စည်းများ
    သာကေတဆိပ်ကမ်းမှ အဝေးပြေးကားဖြင့် ပြည်မြို့သို့ ထွက်ခွါမည့် ရိုဟင်ဂျာဒုက္ခသည်များကို တွေ့ရစဉ်
    သာကေတဆိပ်ကမ်းမှ အဝေးပြေးကားဖြင့် ပြည်မြို့သို့ မထွက်ခွါခင် ရိုဟင်ဂျာဒုက္ခသည်များကို တွေ့ရစဉ်
  • ပြည်မြို့ မွတ်စလင်သုဿာန် အဟောင်းတွင် မြှုပ်နှံ့မှုကြောင့် တရားစွဲခံရသူ ထောင်ဒဏ်ချမှတ်ခံရ

    ပြည်မြို့ မွတ်စလင်သုဿာန် အဟောင်းတွင် မြှုပ်နှံ့မှုကြောင့် တရားစွဲခံရသူ ထောင်ဒဏ်ချမှတ်ခံရ

    ဒီဇင်ဘာ ၁၂၊ ၂၀၁၂
    M-Media
    ထွန်းတောက်

    နှစ်ပေါင်း ၁၀၀-ကျော်သက်တမ်းရှိ ပြည်မြို့မှ မွတ်စလင်မ်သုဿာန် ဟောင်း

    ပြီးခဲ့သည် ဇူလိုင် (၂၄)ရက်နေ့က ပြည်မြို့မွတ်စလင်မ်သုသာန် အဟောင်းတွင် မြှုပ်နှံခဲ့သော သေဆုံးသူ၏ မိသားစုဝင်များအား တရားစွဲဆိုထားရာမှ မနေ့က ၁၁.၁၂.၁၂ နေ့တွင် ပြည်မြို့တရားရုံးမှ ထောင်ဒဏ်ချမှတ်လိုက်ကြောင်း သတင်းရရှိသည်။

    ပြည်မြို့ မွတ်စလင်မ်သုဿာန် အဟောင်းတွင် မြှုပ်နှံမှုကြောင့် သေဆုံးသူ၏ မိသားစုဝင် (နာရေးရှင်)များအား မြို့နယ်အုပ်ချုပ်ရေးမှူး ဦးအောင်ဇော်ထက်မှ တရားလိုပြုလုပ်၍ ပုဒ်မ ၁၈၈ ဖြင့် တရားစွဲဆိုထားခဲ့သော အမှုများဖြစ်ပြီး ပြီးခဲ့သည့်လများအတွင်းတွင် ရုံးချိန်းများ မကြာခဏပြုလုပ်လေ့ရှိပြီး တရားခွင် စစ်ဆေးမှုများပြုလုပ်ခဲ့ကြောင်း၊ အဆိုပါ တရားခွင်တွင်လည်း တရားလို မြို့နယ်အုပ်ချုပ်ရေးမှူး ဦးအောင်ဇော်ထက်မှ တရားရုံးအား မထေမဲ့မြင်အပြုအမူများ အမြဲတမ်းပြုလုပ်လေ့ရှိသော်လည်း သူ့အား မည်သူမှ တားဆီးခြင်းမရှိခဲ့ကြောင်း၊ ယခု ထောင်ဒဏ်အပြစ်ချခံရသူမှာ ဦးလှသန်း(ခ) ဦးကာစင်နှင့် ကိုဇော်ကိုကိုနိုင်(ခ)ကိုရာဂျူး တို့ဖြစ်ကြောင်းသိရသည်။ ယင်း(၂)ဦးတို့အား အလုပ်မဲ့နှင့် ထောင်ဒဏ်(၁)လ ချမှတ်ခဲ့ပါသည်။

    ပုဒ်မ ၁၈၈ စွဲချက်ဖြင့် တရားစွဲဆိုခံရသူမှာ ကိုတင်ကိုလတ်၊ ဦးလှသန်း၊ ကိုဇော်ကိုကိုနိုင်တို့ (၃)ဦးဖြစ်သော်လည်း ကိုတင်ကိုလတ်သည် သူ၏အမှုအား (၁၀/၁၂)ဖြင့် ဥပဒေနှင့် မညီကြောင်းကို မြန်မာနိုင်ငံ၏ အမြင့်ဆုံး တရားရုံးချုပ်ဖြစ်သည့် ပြည်ထောင်စု တရားရုံးလွှတ်တော်ချုပ်ရုံးသို့ လျှောက်ထားခဲ့သည့်အတွက် ယခုအချိန်ထိ ပြည်ထောင်စုတရားရုံး လွှတ်တော်ချုပ်ရုံးမှ အမိန့်စာပြန် မရရှိသောကြောင့် ပြည်ထောင်စုတရားရုံး လွှတ်တော်ချုပ်ရုံးသို့ မလျှောက်ထားနိုင်ခဲ့သည် (၂)ဦးကိုသာ ပြည်မြို့တရားရုံး၏ မြို့နယ်တရားသူကြီး ဒေါ်သီရိတင်မှ ထောင်ဒဏ်(၁)လ ချမှတ်ခဲ့ခြင်းဖြစ်ပါသည်။

    အဆိုပါကိစ္စနှင့် စပ်လျဉ်း၍ မေးမြန်းရာ “ဒီအမှုက ပုဒ်မ-၁၈၈ နဲ့စွဲချက်တင်ခဲ့တာပါ။ ပုဒ်မ ၁၈၈ က အမိန့်အာဏာကို ဖီဆန်မှုပါ။ ရာဇ၀တ်မှု မဟုတ်လို့ တရားရုံးကို ဦးတိုက်လျှောက်ထားတဲ့ အမှုဖြစ်ပါတယ်။ စွဲချက်အဆင့် မရှိတာကြောင့် အလုပ်မဲ့နဲ့ ထောင်ဒဏ် (၁)လ ကျခံရတာပါ။ တရားခွင်မှာတော့ တရားခံဘက်ကနေ အပြည့်အ၀ ချေပခွင့်ရခဲ့ပါတယ်။ ဟုတ်ပါတယ်။ ဟိုအရင် ရုံးချိန်းတွေကတည်းက တရားခွင်မှာတော့ တရားလိုဖြစ်တဲ့ အုပ်ချုပ်ရေးမှူး ဦးအောင်ဇော်ထက်က အမြဲတမ်းလိုလို ရန်လိုမှုပုံစံတွေ ကြုံခဲ့ရပါတယ်။ မေးမြန်းနေရင် ရန်ပြုမယ့် ပုံစံပြုတာတို့၊ ဖုန်းလာလို့ ဖုန်းပြောတာတို့၊ ပီကေ၀ါးနေတာတို့ အဲဒါမျိုးတွေလုပ်လေ့ရှိတယ်။ သူ့ကို ဘယ်သူကမှတော့ မတားဆီးခဲ့ပါဘူး။ ဟုတ်ကဲ့ တရားသူကြီးကလည်း မတားဆီးပါဘူး။ တစ်ခြားကြောင့်တော့မဟုတ်ပါဘူး မြို့နယ် အုပ်ချုပ်ရေးမှူးဖြစ်နေလို့ဖြစ်မယ်။ အဲလိုတော့ တရားသူကြီးအနေနဲ့ ဘက်လိုက်တယ်လို့တော့ ကျွန်မ မပြောလိုပါဘူး။ ကျွန်မလည်း တရားခွင်မှာ အမြဲတမ်း အခက်အခဲတွေ့ရပါတယ်။ ဥပဒေအရာရှိရယ်၊ တရားသူကြီးရယ်၊ တရားလိုရယ်နဲ့ ကျွန်မ အမြဲတမ်းလိုလို တော်တော်လေးကို အချေအတင်ပြောရပါတယ်။

    ရုံးချိန်းချိန်ရင် တခြားသူတွေကိုဆို အဲလောက် မချိန်းဘူး။ အခုအမှုက တစ်ပတ်မှာ (၅)ရက်ရှိရင် (၄)ရက်လောက်က ရုံးချိန်းနေတာ။ တကယ်တမ်း ဒီအမှုက ဒီလောက်ကြီးကျယ်တဲ့ အမှုမဟုတ်ပါဘူး။ ဘာသာရေး၊ လူမှုရေးတွေနဲ့ ပတ်သက်လို့ ကြီးကြီးကျယ်ကျယ် လုပ်နေတာပါ။

    ဟုတ်ပါတယ်။ တရားစွဲခံရတာက (၃)ယောက်ပါ။ တစ်ယောက်ကတော့ (၁၀/၁၂) ဥပဒေနဲ့ မညီလို့ဆိုပြီး ပြည်ထောင်စုတရားရုံး လွှတ်တော်ချုပ်ရုံးကို လျှောက်ထားပါတယ်။ ဟုတ်ကဲ့ ကျန်တဲ့ (၂)ယောက်က ကာလ စည်းကမ်းချက်နဲ့ မမီလို့ မလျှောက်ထားနိုင်ခဲ့ပါဘူး။ ပြည်ထောင်စုတရားရုံး လွှတ်တော်ချုပ်ရုံးက နေပြည်တော်မှာရှိတာ အဲဒီကို သွားရလာရဆိုတော့ စရိတ် မတတ်နိုင်ကြတာလည်း ပါတယ်။ ဒါကြောင့် အခု ထောင်ဒဏ်ချမှတ်ခံရတဲ့ ၂-ယောက်က မလျှောက်နိုင်ခဲ့ပါဘူး။” လို့ ယင်းအမှုအား တရားခံများဘက်မှ ရှေ့နေလိုက်ခဲ့သည့် အထက်တန်းရှေ့နေ ဒေါ်အေးသန္တာမှ ပြောပြခဲ့ပါတယ်။

    အလားတူ အမျိုးသား ဒီမိုကရေစီ အဖွဲချုပ်၊ ဗဟိုအလုပ်အမှုဆောင်(၁၉၉၀)ခုနှစ် လွှတ်တော် ကိုယ်စားလှယ်ဖြစ်သူ ရန်ကုန်မြိုနေ ဦးသိန်းဟန်၏ ရုပ်အလောင်းကို ပြည်မြို့ မွတ်ဆလင်များသဂြိုဟ်သည် မြန်မာမွတ်စလင်မ် သုဿန်တွင် (၁၉.၅.၂၀၁၂)နေ့က သဂြိုလ်မှု့အပေါ်စည်ပင်ဥပဒေပုဒ်မ-၇၃အရ ပြည်မြိုနယ် တရားရုံးသို ပြစ်မှုကြီး အမှုအမှတ်-၃၆၆၇/၁၂ဖြင့် ပြည်စည်ပင်အဖွဲ ဒုဦးစီးမှုး ဦးမျိုးဇင်ဝင်းမှ တရားလိုပြုလုပ်ခါ ဆွေမျိုး နီးစပ်တော်သူ ဦးမောင်မောင်ဆိုသူအား အရေးယူ တရားစွဲဆိုသည်ဖြစ်ရပ် ပြည်မြိုနယ်တရားရုံးတွင်ဖြစ်ခဲ့ပါသည်၊

  • နယ်ကျော် ပုဒ်မဖြင့် ဖမ်းခံရပြီး နေရပ်ပြန်ပို့သည့် ရိုဟင်ဂျာများအား ပြည်မြို့ခံ မွတ်စလင်မ်များ အကူညီပေး

    နယ်ကျော် ပုဒ်မဖြင့် ဖမ်းခံရပြီး နေရပ်ပြန်ပို့သည့် ရိုဟင်ဂျာများအား ပြည်မြို့ခံ မွတ်စလင်မ်များ အကူညီပေး

    နိုဝင်ဘာ၊ ၉၊၂၀၁၂
    M-Media
    သတင်း- ဇာဏီ

    ကော့သောင်းမြို့တွင် နယ်ကျော် လ.ဝ.က ဥပဒေဖြင့် အဖမ်းခံရသည့်  ရိုဟင်ဂျာ(၇၈) ဦးအား ၄င်းတို့နေရပ် ရခိုင်ပြည်နယ်သို့  မနေ့က (၉.၁၁.၁၂)နေ့တွင် ရန်ကုန်မှတဆင့် ပြန်လည် ပို့ဆောင်ခဲ့ရာ ပြည်မြို့မှာ ခရီးတထောက်နားခဲ့ပါတယ်။  အဆိုပါ  ရိုဟင်ဂျာ(၇၈) ဦးကို ပြည်မြို့မွတ်စလင်မ်များမှ ညစာ ကျွေးမွေးလှူဒါန်း ကြကြောင်း သတင်းရရှိပါသည်။

    ကော့သောင်းမြို့တွင် နယ်ကျော်ပုဒ်မဖြင့် ဖမ်းခံရသည့် ရခိုင်မှ ရိုဟင်ဂျာများကို တောင်ကြီးသင်္ဘောဖြင့်ခေါ်ဆောင်လာပြီး Asia Express ကားဖြင့် ရခိုင်ပြည်နယ် ၄င်းတို့ နေရပ်သို့ ပြန်ပို့ရန် ရွှေ့ပြောင်းရာ သာကေတဆိပ်ကမ်းတွင် တွေ့ရစဉ်
    ကော့သောင်းမြို့တွင် နယ်ကျော်ပုဒ်မဖြင့် ဖမ်းခံရသည့် ရခိုင်မှ ရိုဟင်ဂျာများကို ရခိုင်ပြည်နယ် ၄င်းတို့ နေရပ်သို့ ပြန်ပို့ရန် ခရီးလမ်းတထောက်နားရာ ပြည်မြို့တွင် ရပ်နားစဉ် မြို့ခံ မွတ်စလင်မ်များမှ ညစာကျွေးမွေးလှူဒါန်းစဉ်

    ရိုဟင်ဂျာ အမျိုးသား(၇၆)ယောက်၊ အမျိုးသမီး(၂)ယောက်သည် မနေ့ကမနက်ကပိုင်းတွင် ရန်ကုန် သာကေတဆိပ်ကမ်းသို့ တာဝန်ရှိ လ.၀.က ၀န်ထမ်းများနှင့်အတူ ရောက်ရှိလာပြီး ထိုမှတဆင့် ညပိုင်းတွင် ပြည်မြို့သို့ ရောက်ရှိမည်ဟု တာဝန်ရှိသူများ၏ ပြောကြားချက်အရ ပြည်မြို့ရှိ မွတ်စလင်မ်များက ညစာကျွေးမွေးခဲ့ကြပြီး မုန့်များ၊ အအေးဗူးများပေးခြင်း၊ စောင်နှင့်အ၀တ်အစားများပေးခြင်းဖြင့် ကူညီခဲ့ကြကြောင်းသိရပါသည်။

    ယင်း ရိုဟင်ဂျာ(၇၈)ယောက်တွင် အများစုမှာ မြန်မာလို ရေလည်အောင်ပြောနိုင်ကြကြောင်း၊ စစ်တွေမှအများဆုံးဖြစ်ပြီး၊ မြောက်ဦးမှ ၂၀-ယောက်နှင့် ကျောက်တော်မှ အနည်းငယ်ပါဝင်သည်။ အများစုသည် အသက်(၂၅)နှစ်နှင့် (၃၀)၀န်းကျင်ဖြစ်ကြောင်း၊ ၇၈-ယောက်အနက် တချို့မှာ မလေးရှားသို့ အလုပ်သွားလုပ်ရန် ထွက်ခွာခဲ့၍ လွန်ခဲ့သော ဧပြီလက ဖမ်းဆီးခံထားရသူများ၊ တချို့မှာ ရခိုင်ပြည်နယ်တွင် ဇွန်လကဖြစ်ပွားခဲ့သော အရေးများကြောင့် ထွက်ပြေးလာသူများဖြစ်ကြောင်း သိရသည်။

    နယ်ကျော်ပုဒ်မဖြင့် ဖမ်းရာမှ ပါဝင်တဲ့ ရိုဟင်ဂျာ အမျိုးသမီး(၂) ဦးကို ပြည်မြို့ခံ မွတ်စလင်အမျိုးသမီးများမှ အားပေးစကားပြောကြားစဉ်

    “အခုဒီမှာပါတာ စစ်တွေက (၅၀)ကျော်၊ မြောက်ဦးက(၂၂)ယောက်၊ ကျောက်တော်က(၁)ယောက်ပါ။ ရခိုင်ကထွက်လာရတာက ကျွန်တော်တို့ မြို့တစ်မြို့နေ တစ်ခြားမြို့ကို သွားလို့မရဘူး။ ကျွန်တော်တို့သွားမယ်ဆိုရင် ထောက်ခံချက်လိုတယ်။ ရခိုင်မှာ အလုပ်လုပ်လို့မရဘူးလေ။ တစ်ရွာကနေ တစ်ရွာကိုသွားရင် အဖမ်းခံရတယ်။ အဲဒါကြောင့် ထွက်လာပြီး တစ်ခြားမှာအလုပ်လုပ်တာ။ ကျန်တဲ့ပိုက်ဆံကို စုစုပြီးနေတာ။ အဲဒီအချိန်မှာ အဖေအမေက ဒုက္ခကျပြီဟိုမှာ။ ဒါကြောင့်ပြန်ချင်ပြီ။”လို့ ဒုက္ခသည်တစ်ယောက်ကပြောပြခဲ့ပါတယ်။

    “ရခိုင်ပြည်နယ်ရှိ ရိုဟင်ဂျာ၊ ကမန် နှင့် အခြားသော အစ္စလာမ်ဘာသာ ကိုးကွယ်သူများမှာ မြို့နယ်ကျော်ပြိး ခရီးသွားလာလိုလျင် သက်ဆိုင်ရာမှ ခရီးသွားခွင့် လက်မှတ် တောင်းခံရကြောင်း၊ အဆိုပါ လက်မှတ်မပါဘဲ သွားလာလျင် နယ်ကျော်ပုဒ်မဖြင့် ဖမ်းဆီး အရေးယူခြင်းခံရတယ်။ လက်မှတ်ကလဲ ဘယ်တော့မှ လွယ်လွယ်နဲ့မရဘူး။   အိမ်ထောင်ပြုချင်ရင်လဲ သက်ဆိုင်ရာကို လက်ထပ်ခွင့် လျောက်လွှာတင်ပြီး ခွင့်ပြုမှာသာ လက်ထပ်ခွင့်ရကြောင်း၊ ယခုကဲ့ သို့ ဖိနှိပ်ချူပ်ချယ်မှုများပြုလုပ်နေသည့်မှာ နှစ်ပေါင်း ၂၀ ကျော်နေပြီဖြစ်ကြောင်း ၊ မိမိတို့ အ၇ပ်ဒေသမှာ လုပ်ကိုင်နေထိုင်စားသောက်ရန် အခက်အခဲပေါင်းစုံ ရှိသဖြင့် ရခိုင်ပြည်နယ်မှ ရိုဟင်ဂျာအများစုမှာ အန္တရာယ်များပြားလှတဲ့ ရေလမ်းခရီးမှတဆင့် ထိုင်း၊ မလေးရှားနိုင်ငံများသို့ အလုပ်လုပ်ရန်  အသက်စွန့် ပြိး ထွက်ပြေးလာရာမှ ယခုကဲ့သို့ နယ်ကျော်ပုဒ်မှ ဖြင့် အဖမ်းခံရခြင်း ဖြစ်ကြောင်း” ဒုက္ခသည်များထဲက တယောက်မှ ပြောကြားခဲ့တယ်။

  • ကွယ်လွန်သူ NLD CEC (၉၀ အမတ်) ဦးသိန်းဟန် ပြည်မြို့ မွတ်စလင်မ် သုဿာန်တွင် သင်္ဂြိုလ်ခဲ့ခြင်းကို တရားစွဲခံရ

    ကွယ်လွန်သူ NLD CEC (၉၀ အမတ်) ဦးသိန်းဟန် ပြည်မြို့ မွတ်စလင်မ် သုဿာန်တွင် သင်္ဂြိုလ်ခဲ့ခြင်းကို တရားစွဲခံရ

    အောက်တိုဘာ၊ ၁၁၊၂၀၁၂

    M-Media

    သတင်း- ပြည့်ပြည့်

    ကွယ်လွန်သူ ရှေ့နေကြီး ဦးသိန်းဟန် နောက်ဆုံးခရီး လိုက်ပို့ခဲ့စဉ်

    အမျိုးသားဒီမိုကရေစီအဖွဲချုပ်၊ ဗဟိုအလုပ်အမှုဆောင်(၁၉၉၀)ခုနှစ် လွှတ်တော် ကိုယ်စားလှယ်ဖြစ်သူ ရန်ကုန်မြိုနေ ဦးသိန်းဟန်၏ ရုပ်အလောင်းကို ပြည်မြို့ မွတ်ဆလင်များသဂြိုဟ်သည် မြန်မာမွတ်စလင်မ် သုဿန်တွင် (၁၉.၅.၂၀၁၂)နေ့ကသဂြိုလ်မှု့အပေါ်စည်ပင်ဥပဒေပုဒ်မ-၇၃အရ ပြည်မြိုနယ် တရားရုံးသို ပြစ်မှုကြီး အမှုအမှတ်-၃၆၆၇/၁၂ဖြင့်တရားစွဲဆိုခံရကြောင်း သတင်းရရှိပါသည်။

    အမျိုးသားဒီမိုကရေစီအဖွဲချုပ်၊ ဗဟိုအလုပ်အမှုဆောင်(၁၉၉၀)ခုနှစ် လွှတ်တော် ကိုယ်စားလှယ် ကွယ်လွန်သူ ရှေ့နေကြီး ဦးသိန်းဟန်

    ရန်ကုန်မြိုနေ ၁၉၉၀ခုနှစ် (NLD)ပါတီ၏ လွှတ်တော် ကိုယ်စားလှယ်ဖြစ် ရွေးချယ်ခံခဲ့ရသူဖြစ်ပြီး၊ လက်ရှိ(NLD)ပါတီ၏ ဗဟိုအလုပ်အမှုဆောင် အဖွဲ့ဝင်သည် ရန်ကုန်မြိုတွင် ကွယ်လွန်ခဲ့ပြီး ကွယ်လွန်သူ မိဘဘိုးဘွားများ သဂြိုဟ်ထားခဲသည် ပြည်မြို ဆင်စုရပ်ရှိ မဟာမေဒင် သုသာန် (လွန်ခဲ့သည်နှစ်ပေါင်း(၁၀၀)ကျော် တည်ထားခဲ့သည်)တွင် သင်္ဂြိုဟ်လိုသောဆန္ဒ (ကွယ်လွန်သူနဲ ကျန်ရစ်သူ ဆွေမျိုးများ၏ ဆန္ဒ)ရှိသဖြင့် ပြည်မြိုသို ဦးသိန်းဟန်၏ ရုပ်အလောင်းကို သယ်ဆောင်လာခဲ့ပြီး ဆွေမျိုးများနှင့်ပင် ပြည်မြိုနယ်(NLD)ပါတီဥက္ကဌနှင့် အလုပ်အမှုဆောင်များအပါအ၀င် (NLD)ပါတီ၏အလံ၊ လွမ်းသူပန်းခွေများနှင့် ခမ်းနားစည်းကားသိုက်မြိုက်စွာ (၁၉.၅.၂၀၁၂)နေ့ကသဂြိုဟ်ခဲ့ပါသည်၊

    သို့သော်လည်း ဦသိန်းဟန် ရုပ်အလောင်းကိုလွန်ခဲ့သည် နှစ်ပေါင်း (၁၀၀)ကျော် ကတည်းက တည်ရှိပြီး ခေတ်အဆက် သဂြိုင်္ဟ်ခဲ့သော မြန်မာမွတ်စလင်မ် သုဿန်တွင် သဂြိုဟ်ခဲ့ခြင်းသည် စည်ပင်ဥပဒေကို ဖောက်ဖျက်သည်ဟူဆိုကာ စည်ပင်ဥပဒေ ပုဒ်မ-၇၃ဖြစ် ပြည်မြိုဒေသဆိုင်ရာ အာဏာပိုင်များက တရားစွဲဆိုရန်စီစဉ်ခဲ့ပြီပြည်စည်ပင်အဖွဲ ဒုဦးစီးမှုး ဦးမျိုးဇင်ဝင်းမှ တရားလိုပြုလုပ်ခါ ဆွေမျိုး နီးစပ်တော်သူ ဦးမောင်မောင်ဆိုသူအား အရေးယူ တရားစွဲဆိုသည်ဖြစ်ရပ် ပြည်မြိုနယ်တရားရုံးတွင်ဖြစ်ခဲ့ပါသည်၊

    အတိုက်အခံ အင်အားစုပါတီ၏ ဗဟို အလုပ်အမှုဆောင်အဖွဲဝင်(လွှတ်တော်ကိုယ်စားလှယ်၁၉၉၀)ဦးသိန်းဟန် အနေအဖြင့် သေဆုံးသည်တိုင် အာဏာပိုင်အဖွဲတို့မှ ထိုသိုအရေးယူခြင်းသည် လူသားတဦး၏ အခွင့်အရေးများ ဆုံးရှူံးနေရကြောင်း ဒေသခံပြည်သူများ ကဝေဖန်နေကြပြီ ပြည်မြိုနယ် တရားရုံး၏ တရားစီရင်မှု့သည် ဘက်မလိုက်ဘဲ တရားမျှတမှုရှိစေရန်သာ ဆုတောင်းလျက်ရှိနေကြကြောင်း သိရသည်။

     

    NLD CEC ဥိးသိန်းဟန် နောက်ဆုံးခရီး လိုက်ပို့သူများ

     

    ဤသုဿာန်မြေသည် လွန်ခဲ့သော နှစ်ပေါင်း ၁၀၀ ကျော်ကတည်းက တည်ရှိခဲ့သော သုဿာန်ဖြစ်ပြီး ကိုယ်ပိုင်ဝယ်ယူထားခဲ့ကြသော မြေနေရာဖြစ်ကြောင်း၊ ၂၀၀၈-ခုနှစ်တွင် မြို့နယ်စည်ပင်မှ မြို့နယ်အင်္ဂါရပ်နှင့်မညီညွတ်ဟုပြောသဖြင့် မြို့နယ်အုပ်ချုပ်ရေးမှပိတ်သိမ်းရန် အမိန့်ထုတ်ခဲ့ကြောင်း၊ သုဿာန်မြေအဟောင်းအား ပိတ်သိမ်းပြီး အသစ်သို့ပြောင်းရွှေ့ရန် နေရာ အသစ်ပေးခဲ့သော်လည်း အဆိုပါနေရာမှာ အဆင်မပြေသောကြောင့် မပြောင်းရွေ့ပဲ နေခဲ့ကြကြောင်း၊  ဒေသခံများမှ သုဿာန်အသစ်သို့ ပြောင်းရွှေ့ခြင်းမပြုသေးတာကြောင့် ဇူလိုင်လ ၂၅-ရက်နေ့ ည ၉-နာရီခန့်တွင် ရဲများမှ လာရောက်ပြီး သော့ခတ်သွားကြောင်း သတင်းရရှိပါသည်။