အောက်တိုဘာ ၂၊ ၂၀၁၄
M-Media
လမင်း
ရန်ကုန်။ ။ ပဲခူးတိုင်းဒေသကြီး အနောက်ပိုင်း ပြည်မြို့ န၀င်းကွက်သစ်ရပ်ကွက်ရှိ သမိုင်းဝင် ရွှေဘဏ္ဍ စေတီတော်မြတ်ကြီး၏ ၀ါတွင်းကာလ မြို့တွင်းလှည့်လည် ဘုရား ပူဇော်ခံပွဲတွင် ပြည်မြို့ ဘာသာပေါင်းစုံ လူငယ်များအဖွဲ့ (Interfaith Youth Network) မှ လူငယ်များမှ ပူးပေါင်း ပါဝင်ခဲ့ကြသည်။
“ကျွန်မတို့အဖွဲ့က ဘာသာပေါင်းစုံကနေ ပရဟိတစိတ်ဓာတ် တက်ကြွတဲ့လူငယ်တွေ ပေါင်းပြီးတော့ ဖွဲ့စည်းထားတာပါ။ ဘာသာတိုင်းရဲ့လိုအပ်တဲ့ နေရာတိုင်းမှာ လိုအပ်သလိုလိုက်ကူညီကြပါတယ်။ ဒီနေ့လည်း ဒီဘုရားကနေ လူငယ်တွေ ပါဝင်ပေးဖို့ ကမ်းလှမ်းလာခဲ့တဲ့အတွက် အခုလိုလာရောက်ကူညီရခြင်း ဖြစ်ပါတယ်” ဟု Interfaith Youth Network မှတာဝန်ခံ မStella က ရှင်းလင်းပြောကြားခဲ့သည်။
ဘာသာပေါင်းစုံမှလူငယ်များက ဘုရားလှည့်လည်အပူဇော်ခံရာတွင် အလှူငွေများကောက်ခံပေးခြင်း၊ တွန်းလှည်းများ တွန်းပေးခြင်း စသည့်ဝေယျဝစ္စကိစ္စများကို ကူညီဆောင်ရွက်ပေးခဲ့သည်။
ယခုလို ကျွန်မတို့ လူငယ်တွေအနေနဲ့ လာရောက်ကူညီလုပ်ကိုင်ရတာ အရမ်းကိုပျော်ရွှင်ပါတယ်။ လူမျိုးဘာသာမခွဲခြားပဲ ဘာဘာသာမှာဖြစ်ဖြစ် ကျွန်မတို့လူငယ်တွေ တတ်နိုင်တဲ့အရာတွေကို ကူညီဆောင်ရွက်ပေးသွားမှာဖြစ်ပါတယ် ဟု ဘုရားလှည့်လည်ပွဲတွင် ၀င်ရောက် ပါဝင်ကူညီပေးသူ တစ်ဦးဖြစ်သူ လူငယ်တစ်ဦးက ဆိုသည်။
ပြည်မြို့Interfaith Youth Network ကို ၂၀၁၄ ခုနှစ် ဇန်န၀ါရီလက စတင်ဖွဲ့စည်းခဲ့ပြီး လူငယ်ပေါင်း ၄၀ ကျော် EC အဖွဲ့ဝင်အဖြစ် ဘာသာပေါင်းစုံမှ ဘာသာရေး ခေါင်းဆောင်လူကြီးများ ၂၀ ကျော်ဖြင့် ဖွဲ့စည်းထားသော အဖွဲ့တစ်ခုဖြစ်သည်။
ယခုကဲ့သို့ ဘာသာပေါင်းစုံကလူငယ်တွေ လာရောက်ကူညီခြင်းသည် လူငယ်များ စုစည်းခြင်း၊ စည်းလုံးခြင်းကိုပြသခြင်းဖြစ်တယ်။ နောက်ကိုလည်း ယခုကဲ့သို့ လက်တွဲလုပ်ကိုင်သွားမှာ ဖြစ်ပါတယ် ဟု ရွှေဘဏ္ဍ စေတီတော်မြတ်ကြီး မှ နိဗ္ဗာန်ဆော်တစ်ဦးဖြစ်သူက ပြောဆိုခဲ့သည်။
့Interfaith Youth Network အဖွဲ့သည် ဘိုးဘွားရိပ်သာများသို့ သွားရောက် လှူဒါန်းခြင်း၊ ပရဟိတလုပ်ငန်းများ လုပ်ကိုင်ခြင်း၊ ရပ်ကွက်ကြီး (၁၀) ခုအတွင်း ကလေးသူငယ်များ စောင့်ရှောက်ရေး လုပ်ငန်းများနှင့် ဘာသာရေး အခမ်းအနားများတွင် ၀င်ရောက် အားဖြည့်ကူညီပေးခြင်းတို့ကို ပြုလုပ်လျှက်ရှိကြောင်း သိရသည်။
မွတ်စလင် ဆန့်ကျင်ရေး လုပ်ဆောင်နေသည့် ၉၆၉ အဖွဲ့ ဦးဆောင် သံဃာတံပါးဖြစ်သည့် ဦးဝီရသူမှ ပြည်မြို့ရှိ မိသားစုအတွင်း လူမှုရေးကိစ္စ ပြသနာတခု အပေါ် ဆိုရှယ်မိဒီယာ တဆင့် အမုန်းတရား ဖြစ်စေမည့် အသုံးအနှုန်းများဖြင် ဝါဒဖြန့် လှုံ့ဆော်နေသည်မှာ ရက်သတ္တပတ် အနည်းငယ်မျှ ရှိပြီဖြစ်သော်လည်း ပြည်မြို့တွင် ယနေ့ အချိန်ထိ ငြိမ်းချမ်းလျက်ရှိကြောင်း သိရှိရပါသည်။
