News @ M-Media

Tag: PyinOoLwin

  • တမန်တော်နေ့ အထိမ်းအမှတ် ပြင်ဦးလွင်မှာ ဘာသာပေါင်းစုံ စုပေါင်းသွေးလှူ

    တမန်တော်နေ့ အထိမ်းအမှတ် ပြင်ဦးလွင်မှာ ဘာသာပေါင်းစုံ စုပေါင်းသွေးလှူ

    ဇန်နဝါရီ ၁၂ ၊ ၂၀၁၇
    M-Media
    သတင်း-သီဟ
    .

    (၁၄၉၁)နှစ်မြောက် တမန်တော်နေ့ အထိမ်းအမှတ်အဖြစ် ဘာသာပေါင်းစုံ စုပေါင်းသွေးလှူဒါန်းပွဲ တရပ်ကို ဇန်နဝါရီ ၁၂ နေ့တွင်  ပြင်ဦးလွင်မြို့တွင် ကျင်းပပြုလုပ်ခဲ့ကြောင်းသိရသည်။
    .
    ပြင်ဦးလွင်မြို့နယ်လုံးဆိုင်ရာ မဟာ တမန်တော်နေ့ကျင်းပရေး ဗဟိုကော်မတီမှ ဦးစီး၍ ပြင်ဦးလွင်မြို့နယ် ဗိုလ်ချုပ်လမ်း”Royal Diamond ခန်းမ တွင် ကျင်းပပြုလုပ်ခဲ့တာ ဖြစ်ပြီး လူပေါင်း ၃၀ ကျော် ပါဝင်၍ သွေးလှူဒါန်းခဲ့ကြောင်း သိရသည်။
    .
    ယခုကဲ့သို့ တမန်တော်နေ့ အထိမ်းအမှတ် ဘာသာပေါင်းစုံ စုပေါင်းသွေးလှူဒါန်းမှုမှာ ဒုတိယအကြိမ်မြောက်ဖြစ်ကြောင်းသိရှိရသည်။


    ဓါတ်ပုံများကို Khin Mg Aye ၏ FB စာမျက်နှာမှ ရယူဖော်ပြပါသည်။

     

  • ပြင်ဦးလွင်မှာ ဘာအတွက် စုပေါင်းသွေးလှူကြတာလဲ

    ပြင်ဦးလွင်မှာ ဘာအတွက် စုပေါင်းသွေးလှူကြတာလဲ

    ဖေဖော်ဝါရီ ၁၀၊ ၂၀၁၆
    M-Media
    မိုးစက်
    12654332_182014445500306_3774906827835431854_n
    ပြင်ဦးလွင်။    ။ ဖေဖော်ဝါရီလ ၁၀ ရက်နေ့ ပြင်ဦးလွင်မြို့ Royal Diamond တွင် ကျင်းပပြုလုပ်သည့် (၁၄၉၀) နှစ်မြောက် မဟာတမန်တော်နေ့ အထိမ်းအမှတ် သွေးလှူဒါန်းပွဲ အခမ်းအနားကို ပထမဆုံးအကြိမ်အဖြစ် ပြုလုပ်ကျင်းပခဲ့ခြင်းလည်း ဖြစ်ပါတယ်။

    “ကျွန်တော်တို့တွေ တစ်ယောက်ချင်းလည်း သွေးလိုတယ်ဆို သွားလှူနေကြတာပဲ။ ခု တမန်တော်မွေးနေ့ အထိမ်းအမှတ်အဖြစ် တမန်တော်မြတ်ကြီးရဲ့ သြဝါဒတွေကို နာခံတဲ့အနေနဲ့ ဒီလိုသွေးလှူဒါန်းပွဲ ပြုလုပ်ရခြင်း ဖြစ်ပါတယ်။ သွေးလှူဒါန်းခြင်းဟာ လူ့အသက်ကို ကယ်တင်ခြင်းဖြစ်ပါတယ်။ ကျွန်တော်တို့ဒီမှာ ဘာသာပေါင်းစုံက သွေးလှူဒါန်းမယ့်သူတွေကို တစ်စုတစ်တည်း စုစည်းပြီး လှူဒါန်းရခြင်းဖြစ်ပါတယ်” လို့ြ ပင်ဦးလွင်မြို့ မဟာ တမန်တော်မွေးနေ့ ကျင်းပရေးကော်မတီမှ အတွင်းရေးမှူး ဦးမောင်မောင်မျိုးဝင့်က M-Media ကို ရှင်းပြပါတယ်။

    အဆိုပါ ကျင်းပခဲ့သော သွေးလှူဒါန်းပွဲတွင် ဘာသာပေါင်းစုံ၊ နယ်ပယ် အသီးသီးမှ သွေးလှူရှင် (၆၀) ကျော်က လာရောက် လှူဒါန်းခဲ့ကြကြောင်းလည်း သိရပါတယ်။ ပြင်ဦးလွင်မြို့ သွေးလှူဘဏ်မှ သွေးလှူရှင်များ လှူဒါန်းသည့်သွေးများကို လာရောက်ဖောက်ပေးကြပြီး လိုအပ်နေသည့် လူနာများကို လှူဒါန်းသွားမည် ဖြစ်ကြောင်း သိရပါတယ်။

    ပြင်ဦးလွင်မြို့ မဟာတမန်တော်နေ့ ကျင်းပရေးကော်မတီမှ နောက်နှစ်များတွင်လည်း ထိုကဲ့သို့ ကိစ္စရပ်များ ကို နှစ်စဉ်ဆောင်ရွက်သွားနိုင်ရန် အတွက် စီစဉ်ထားရှိကြောင်း သိရပါတယ်။

    Photo Credit – ပြင်ဦးလွင် မြို့ခံများ FB မှ

    12717364_444871902373351_8982265956272673916_n

    12717925_444872109039997_1952893046010288240_n

    12654145_444872142373327_3156896438472102445_n

  • အသားအရောင်နှင့် လူမျိုး၊ ဘာသာမတူတိုင်း ရန်သူဟု မသတ်မှတ် သင့်ကြောင်း ဒေါ်အောင်ဆန်းစုကြည်ပြောကြား

    ပြင်ဦးလွင်၊ ဇွန် ၉
    The Voice Weekly

    အသားအရောင် မတူသူများ၊ ဘာသာ မတူများ၊ လူမျိုးမတူသူများကို ရန်သူဟု မသတ်မှတ်သင့်ကြောင်း အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြင်ဦးလွင်မြို့တွင် ဇွန်လ ၉ ရက် က ဒေသခံများနှင့် တွေ့ဆုံစဉ် ပြောကြားခဲ့သည်။

    DASSK
    Photo Zaw Zaw Latt FB

    ပြင်ဦးလွင် ခရီးစဉ်အတွင်း ဒေသခံ လူထုနှင့်တွေ့ဆုံပြီးအမေး အဖြေပြုလုပ်စဉ် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ယင်းသို့ ပြောကြားခဲ့ခြင်း ဖြစ်သည်။

    “ကျွန်မတို့ ဘာသာမတူတာကို အပြစ်လို့ မယူဆဘူး။ အချင်းချင်းနားလည်မှု တည်ဆောက်ထားရင် ပြဿနာ အားလုံး ပြေလည်နိုင်ပါတယ်” ဟု ၎င်းက အကြံပြုပြောဆိုသည်။

    မြန်မာနိုင်ငံတွင်းဖြစ်ပွားခဲ့သည့် ဘာသာရေး ပဋိပက္ခများသည် တရားဥပဒေ စိုးမိုးမှု မရှိခြင်း၊ အစိုးရ၏ ဆောင်ရွက်ပုံ အားနည်းခြင်းကြောင့် ပိုမိုကြီးထွား လာရခြင်း ဖြစ်ကြောင်း ဒေါ်အောင်ဆန်းစုကြည်က မိန့်ခွန်းပြောကြားစဉ် ထည့်သွင်း ပြောကြားခဲ့သည်။

    ပဋိပက္ခဖြေရှင်းအတွက်ကို လူ့အဖွဲ့အစည်း နှစ်ဖက်စလုံး သည်းခံရန် လိုအပ်ပြီး နိုင်ငံသားအချင်းချင်းနားလည်မှု ရှိသင့်ကြောင်း ဒေါ်အောင်ဆန်းစုကြည်က ဆိုသည်။

    ဒေါ်အောင်ဆန်းစုကြည်သည် ပဋိပက္ခ ဖြစ်ပွားခဲ့သည့် ဒေသများအတွင်း ထုတ်ပြန်ထားသော အရေးပေါ်ကြေညာချက်များ လိုအပ်မှု ရှိ မရှိ ပြန်လည် သုံးသပ်ရန် လွှတ်တော်တွင် အစိုးရကို တိုက်တွန်းထားသည်။

    ဒေါ်အောင်ဆန်းစုကြည်၏ ဇွန်လ ၉ ရက်နေ့ ပြင်ဦးလွင်ခရီးစဉ်တွင် မန္တလေး အောင်ပင်လယ်ရှိ မြရည်နန္ဒာ ကျူးကျော်ရပ်ကွက်တွင်နေထိုင်သူ များ နေအိမ် ပြန်လည်ရရှိရန် ကူညီသွားမည်ဖြစ်ကြောင်း ပြောကြားခဲ့သည်။

    ဒေါ်အောင်ဆန်းစုကြည်၏ ယင်းခရီးစဉ်တွင် ပြင်ဦးလွင် မြို့ခံများကို မိန့်ခွန်း ပြောကြားခဲ့ပြီး ဒေသခံများ မေးမြန်းသည့် မေးခွန်းငါးခု ကို ပြန်လည်ဖြေကြားခဲ့သည်။

  • ပြင်ဦးလွင်မြို့တွင် ပဋိပက္ခမဖြစ်ပွားရန် မြို့မရဲစခန်းက ကြိုတင်ပြင်ဆင်လျက်ရှိ

    ပြင်ဦးလွင်မြို့တွင် ပဋိပက္ခမဖြစ်ပွားရန် မြို့မရဲစခန်းက ကြိုတင်ပြင်ဆင်လျက်ရှိ

    မေ(၃၁)ရက်၊ ၂၀၁၃ ခုနှစ်။

    ကောင်းမြတ်ဖြိုး (မြစ်မခ ) /မြန်မာခရိုနီကယ်

    လားရှိုးမြို့တွင် ဖြစ်ပွားခဲ့သော ပဋိပက္ခများကြောင့် ပြင်ဦးလွင်မြို့သို့ ကူးစက်မှု မရှိစေရန်လုံခြုံရေးအတွက်ကြိုတင် ပြင်ဆင်မှုများ ဆောင်ရွက်ထားကြောင်း ပြင်ဦးလွင် မြို့မ ရဲစခန်းက သိရှိရသည်။

    “ကျွန်တော်တို့ အနေနဲ့တော့ ပြည်သူတွေ လုံခြုံရေးအတွက် တစ်ခုခုဖြစ်ရင် အမြန် ဆောင်ရွက်ပေးနိုင်ဖို့ အဆင်သင့်ပြင်ဆင်ထားပါတယ်”ဟု ပြင်းဦးလွင် မြို့မ ရဲစခန်းမှ တာဝန်ကျ ဒုရဲအုပ်က ပြောသည်။

    လက်ရှိဖြစ်ပွားနေသောပဋိပက္ခများနှင့် ဖြစ်ပွားခဲ့သောပဋိပက္ခများကြောင့် ပြည်သူများအနေဖြင့် လုံခြုံရေး အတွက် စိုးရိမ်ပူပန်များဖြစ်ပေါ်လျက် ရှိကြောင်း သိရှိရသည်။

    “ကျွန်တော်တို့ ပထမကတော့ စိုးရိမ်မိတယ်၊ မြို့ထဲမှာ ဘာဖြစ်တယ် ညာဖြစ်တယ်နဲ့ ကောလဟာလတွေကြား နေရတော့။ ဒါပေမဲ့ ပြင်ဦးလွင်က စစ်တပ်တွေများတော့ မဖြစ်ဘူးလို့တော့ထင်တာဘဲ။ ” ဟု ရပ်ကွက်ကြီး (၇)နေဒေသခံတစ်ဦးက ပြောသည်။

    ၂၀၁၃ ခုနှစ် မတ်လမှ မေလပိုင်းအတွင်း ပဋိပက္ခများဖြစ်ပွားခဲ့ပြီး မတ်လပိုင်း တွင် မိထ္ထီလာမြို့၌ ဖြစ်ပွားခဲ့ပြီး မေလကုန်ပိုင်းတွင် လာရှိုးမြို့ ၌ ဖြစ်ပွား ခဲ့သည်။

    လားရှိုးမြို့ပဋိပက္ခတွင် ပါဝင်ပတ်သက်သူ (၃၈)ဦးကို သက်ဆိုင်ရာ ရဲတပ်ဖွဲ့မှ ထိန်းသိမ်းထားကြောင်း ပုဂ္ဂလိက သတင်းစာများတွင် ဖော်ပြထားသည်။
    ပြင်ဦးလွင်မြို့ ဒေသခံများအနေဖြင့် မိထ္ထီလာမြို့၌ ဖြစ်ပွားခဲ့သော ပဋိပက္ခကြောင့် ဒုက္ခသည် ၂၀၀ ၀န်းကျင် ကူညီဆောင်ရွက်ပေး လျက်ရှိကြောင်း NLD ပါတီမှ လယ်သမားအရေးဆောင်ရွက်နေသူ ကိုအောင်ကျော်ဆန်းက ပြောဆိုသည်။