Tag: Quintana

မြန်မာနိုင်ငံမှ မွတ်စလင် တို့အား ခိုင်မာသော ရပ်တည်မှုပေးရမည်ဟု ကုလသံတမန်မှ ပြောကြား

မေ ၂ ၊ ၂၀၁၄
M-Media

လက်ရှိတွင် တရားမ၀င်ရွှေ့ပြောင်းလာသူများဟု ယူဆခံထားရသော ရိုဟင်ဂျာမွတ်စ်လင်မ်တို့အတွက် လုံခြုံမှုပေးနိုင်သည်မှာ နိုင်ငံသားအဖြစ် သတ်မှတ်ခြင်း ပင်ဖြစ်ကြောင်း ဗီဂျေး နမ်ဗီးယားမှ ပြောကြားလိုက်သည်။

မြန်မာနိုင်ငံရှိ ရိုဟင်ဂျာမွတ်စ်လင်မ်တို့ အတွက် နိုင်ငံသားဖြစ်ရေး လမ်းကြောင်းတစ်ရပ် ရှိရမည်၊ သို့မဟုတ်ပါက သူတို့၏လုံခြုံရေးသည် အန္တရာယ် အနေအထား၌ ရောက်နေဆဲဖြစ်နေလိမ့်မည်ဟု မြန်မာနိုင်ငံအရေးဆိုင်ရာ ကုလသမဂ္ဂ၏ထိပ်တန်းသံတမန်က ပြောကြားသည်။

ကြာသပတေးနေ့က International Peace Institute ၌ ပြောခဲ့သည့်မိန့်ခွန်းတွင် “ယင်းလမ်းကြောင်း အတိုင်း မလျှောက်လှမ်းပါက မြန်မာနိုင်ငံ အနေနှင့် နိုင်ငံတကာရှေ့မှောက်ဝယ် ဂုဏ်သိက္ခာ ကျဆင်း ထိခိုက်ဖွယ်ရှိနေကြောင်း ” ဗီဂျေး နမ်ဗီးယားမှ ထည့်သွင်းဖော်ပြခဲ့သည်။

ရခိုင်ပြည်နယ်ရှိ ရိုဟင်ဂျာ မွတ်စ်လင်မ် အမြောက်အများတို့မှာ မြန်မာနိုင်ငံတွင်း ရာစုနှစ်များစွာကတည်းကရောက်ရှိခဲ့သော မျိုးဆက်နွယ်များဖြစ်သော်လည်း မြန်မာနိုင်ငံက ၎င်းတို့အား တရားမ၀င်ပြောင်းရွှေ့ အခြေချလာသူများအဖြစ် အမြင်ထားရှိနေကြသည်။

လူဦးရေပမာဏ တစ်သန်း အထက်ရှိနေသော ရိုဟင်ဂျာတို့ကို မြန်မာအစိုးရ၏ မှတ်တမ်းများ၌ ထည့်သွင်း မထားချေ။ ၎င်းပြင် ၎င်းတို့သည် မိမိကိုယ်ကို ဘင်္ဂါလီများအဖြစ် ဖော်ပြခြင်းမပြုသရွေ့ ပြည်လုံးကျွတ်သန်းခေါင်စာရင်းထဲ ထည့်သွင်းခွင့်ပြုမည်မဟုတ်ဟုလည်း အစိုးရဖက်က ဆိုထား၏။

ရိုဟင်ဂျာတို့၏ သွားလာမှု၊ ထိမ်းမြားမှု၊ ကလေးမွေးဖွားနှုန်း၊ အိမ်ရာပြုပြင်ရေး၊ ၀တ်ပြုဌာန တည်ဆောက်ရေးတို့ အပေါ် နိုင်ငံတော်မူဝါဒအရ ပိတ်ပင်တားဆီးထားသည် ဟူ၍ ဖေဖော်ဝါရီလထုတ် လူ့အခွင့်အရေးအုပ်စု တစ်ခု၏အစီရင်ခံစာက ဆိုထားသည်။

ယခုလအစောပိုင်းက ကုလသမဂ္ဂ၏ နောက်ထပ် သံတမန်တစ်ဦးက မြန်မာနိုင်ငံ အနောက်ပိုင်းရှိ ရိုဟင်ဂျာ မွတ်စ်လင်မ်တို့အကြား အစာရေစာ ရိက္ခာပြတ်လပ်မှုနှင့် ဆေးဝါးကုသ ခံယူနိုင်မှု ပြင်းထန်ဆိုးရွားလာခြင်းသည် လူနည်းစု ဘာသာဝင်များအပေါ် နှစ်ကာလ များစွာကတည်းက ညှင်းပန်းနှိပ်စက်ခြင်း၏ တစ်စိတ် တစ်ဒေသဖြစ်ကြောင်း၊ ထိုအချက်က လူသားချင်းစာနာခြင်း ကင်းမဲ့သည့် ရာဇ၀တ်မှု အဖြစ် သတ်မှတ်ရန် လုံလောက်ကြောင်း ပြောကြားသည်။

ရာနှင့်ချီသော နိုင်ငံတကာ လူသားချင်းစာနာကူညီရေး လုပ်သားများကို ရခိုင်ပြည်နယ်မှ ထွက်ခွာစေခဲ့သည့်ဖြစ်ရပ်နောက်ပိုင်း သောမတ်စ် အိုယေး ကင်တားနားထံမှ အထက်ပါ စကားထွက်ရှိလာခြင်းဖြစ်သည်။

မြန်မာနိုင်ငံသည် အမေရိကန်သမ္မတ ဘားရက်ခ် အိုဘားမား၏ ရှုတ်ချဝေဖန်မှုနှင့်လည်း ရင်ဆိုင်နေရသည်။ အကယ်၍ မြန်မာပြည်သူတို့သည် ဘာသာရေး သို့မဟုတ် လူမျိုးရေး လက္ခဏာအပေါ် အခြေတည်သည့် နိုင်ငံရေးကို လက်ခံအသုံးပြုလျှင် တိုင်းပြည်သည် အလွန်ဆိုးဝါးသော လားရာဖက်သို့ ဦးတည်သွားလိမ့်မည်ဟု ပြီးခဲ့သည့်လ၌ အိုဘားမားမှ ပြောဆိုလိုက်သည်။

AP

May 2, 2014
ရိုဟင်ဂျာများကို ဂျီနိုဆိုက်လုပ်သည့် လက္ခဏာများ တွေ့နေရသည်ဟု ကင်တားနားပြော

ဧပြီ ၂၉ ၊ ၂၀၁၄
M-Media

– မြန်မာနိုင်ငံအတွင်းရှိ ရိုဟင်ဂျာများနှင့် ပတ်သက်သည့် အရေးတွင် လူမျိုးတုန်းသတ်ဖြတ်မှု (ဂျီနိုဆိုက်) ၏ လက္ခဏာများ ရှိနေသည်ဟု မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် သောမတ် ကင်တားနားက ပြောကြားလိုက်သည်။

ဧပြီလ ၂၈ ရက်နေ့က လန်ဒန်မြို့ တွင်ပြုလုပ်ခဲ့သည့် “ မြန်မာနိုင်ငံရှိ ရိုဟင်ဂျာများကို ဆယ်စုနှစ်များစွာ ညှင်းပန်းခြင်း ” ခေါင်းစဉ်ဖြင့် ပြုလုပ်ခဲ့သည့် ညီလာခံတွင် ကင်တားနားက ထိုကဲ့သို့ပြောကြားလိုက်ခြင်းဖြစ်သည်။ ထိုကိစ္စမှာ လူသားထုအပေါ် ကျူးလွန်သည့် ရာဇ၀တ်မှုဖြစ်ကြောင်း၊ လူမျိုးတုန်းသတ်ဖြတ်မှု ဖြစ်နိုင်ချေကိုမူ ဆွေးနွေးရန် လိုအပ်ပြီး၊ ယခုညီလာခံမှာ အလွန်ရေးပါကြောင်း စသဖြင့် ကင်တားနားက ထည့်သွင်းပြောကြားခဲ့သည်။

လန်ဒန်ရှိ စီးပွားရေးနှင့် နိုင်ငံရေးသိပ္ပံကျောင်းတွင်ပြုလုပ်ခဲ့သည့် အဆိုပါညီလာခံသို့ နိုင်ငံတကာ လူမျိုးတုန်း သတ်ဖြတ်မှုရေးရာ ပညာရှင်များအသင်းမှ ပရော်ဖက်ဆာ ဒန်နီယဲလ် ဖိုင်ယာစတိုင်၊ လူ့အခွင့်အရေးဆိုင်ရာ ပြဿနာများကို ကိုင်တွယ်သည့် ရောမမြို့ပြည်သူ့ရေးရာ တရားရုံးမှ အထွေထွေအတွင်းရေးမှူး ဂီယန်နီ တော့ဂ်နိုနီ ၊ Malaya တက္ကသိုလ်၊ ဒီမိုကရေစီနှင့်ရွေးချယ် တင်မြှောက်မှုဌာန၏ အဆင့်မြင့်သုတေသီ၊ Civil Society and Human Security Research Unit, LSE & Judge, Permanent People’sTribunal on Sri Lanka (Germany, 2013)၏ ဧည့်သည်တော်အဖွဲ့ဝင် ဒေါက်တာမောင်ဇာနည် တို့အပါအ၀င်၊ ဥပဒေရေးရာ ကျွမ်းကျင်သူများ၊ ပညာရှင်များနှင့် တက်ကြွလှုပ်ရှားသူများ တက်ရောက်ခဲ့ကြသည်။

ထိုညီလာခံတွင် နိုင်ငံတကာ ဥပဒေပညာရှင်များက လူမျိုးတုန်းသတ်ဖြတ်မှုအဓိပ္ပါယ်၊ တရားမျှတရေးအတွက် လုပ်ထုံးလုပ်နည်းများနှင့် ပုံစံများကို တင်ပြခဲ့ကြသည်။ ထို့ပြင် မြန်မာနိုင်ငံအတွင်း ရိုဟင်ဂျာများအား ညှင်းပန်းနှိပ်စက်မှုများမှာ နိုင်ငံတကာ ဥပဒေအရ လူမျိုးတုန်းသတ်ဖြတ်မှု မြောက်၊ မမြောက် ဆွေးနွေးမှုကိုလည်း ပြုလုပ်ခဲ့ကြသည်။

နာမည်ကြီး လူ့အခွင့်အရေး သုတေသနပညာရှင်များနှင့် ရိုဟင်ဂျာ ဒုက္ခသည်များက မြန်မာနိုင်ငံ အတွင်း ရိုဟင်ဂျာများ အပေါ် ဆယ်စုနှစ်များစွာကြာ စနစ်တကျ ညှင်းပန်းနှိပ်စက်မှုများနှင့် ပတ်သက်သည့် အထောက်အထားများ ကိုလည်း ပေးအပ်ခဲ့ကြသည်။

ညီလာခံအဆုံးပိုင်းတွင် လူမျိုးတုန်းသတ်ဖြတ်နေသည်ဟု သတ်မှတ်၍ရနေသည် ရိုဟင်ဂျာများအပေါ် ညှင်းပန်း နှိပ်စက်နေမှုများအား ချက်ခြင်းရပ်တန့်ရန် တိုက်တွန်းခဲ့သည်။ ထိုတိုက်တွန်းချက်အား ထိုညီလာခံသို့ တက်ရောက်လာသည့် အသင်းအဖွဲ့များနှင့် လူပုဂ္ဂိုလ်များကလည်း ထောက်ခံခဲ့ကြသည်။

Image via thiha jamal

April 30, 2014
RFA: မစ္စတာ ကင်တားနား မြန်မာနိုင်ငံ နောက်ဆုံးခရီးစဉ် ရက်ပိုင်းအတွင်း စတင်မည်

ဖေဖော်ဝါရီ ၁၁၊ ၂၀၁၄
RFA (မြန်မာပိုင်း)

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာကင်တားနားဟာ သူ့ရဲ့ရာထူးသက်တမ်း ၆ နှစ်ကုန်ဆုံးခါနီး၊ တရားဝင်နောက်ဆုံးခရီးစဉ်အဖြစ် လာမယ့်သောကြာနေ့မှာ မြန်မာနိုင်ငံကို လာရောက်မယ်လို့ သိရပါတယ်။

မစ္စတာကင်တားနားဟာ ဖေဖော်ဝါရီလ ၁၄ ရက်နေ့ကနေ ၁၉ ရက်နေ့အထိ ၆ ရက်ကြာမြင့်မယ့် ခရီးစဉ်အတွင်း ရခိုင်ပြည်နယ်၊ ကချင်ပြည်နယ်၊ စစ်ကိုင်းတိုင်း မုံရွာလက်ပံတောင်းတောင် ကြေးနီစီမံကိန်းနဲ့ ရန်ကုန်မြို့အနီး သံလျင်သီလ၀ါ ရေနက်ဆိပ်ကမ်းစီမံကိန်းတွေကို သွားရောက်မှာဖြစ်ပြီး၊ ကရင်ပြည်နယ်ကိုပါ သွားရောက်ခွင့် တောင်းဆိုထားတယ်လို့ သိရပါတယ်။

ရခိုင်ပြည်နယ် ခရီးစဉ်အတွင်း မောင်တောဒေသအပါအ၀င် အဲဒီဒေသမှာ လူ့အခွင့်အရေးအခြေအနေတွေ ပိုမိုတိုးတက်ကောင်းမွန်လာအောင် အစိုးရအနေနဲ့ တိုးမြှင့်လုပ်ဆောင်သင့်တဲ့အချက်တွေကို စူးစမ်းလေ့လာသွားမယ်လို့ မစ္စတာကင်တားနားက ပြောပါတယ်။

ဒီခရီးစဉ်ဟာ မြန်မာနိုင်ငံရဲ့ လူ့အခွင့်အရေး အခြေအနေတွေကို လေ့လာမှာဖြစ်တဲ့ အပြင် အရင်ခရီးစဉ်တွေအတွင်း အကြံပြုထားချက်တွေကို ဖြည့်ဆည်း အကောင်အထည်ဖော်မှုရှိ၊ မရှိကိုပါ ဆန်းစစ်လေ့လာ သွားမယ်လို့ ဂျီနီဗာမြို့ ကုလသမဂ္ဂ လူ့အခွင့်အရေးကောင်စီရုံးက သတင်းထုတ်ပြန်ပါတယ်။

မစ္စတာ ကင်တားနားဟာ ခရီးစဉ်အတွင်း နေပြည်တော်ကိုပါ သွားရောက်ပြီး၊ လွှတ်တော်နဲ့အစိုးရအဖွဲ့ တာဝန်ရှိသူတွေ၊ တရားသူကြီးတွေနဲ့လည်း တွေ့ဆုံမယ့် အပြင် ခရီးစဉ်နောက်ဆုံးနေ့ဖြစ်တဲ့ ဖေဖော်ဝါ ရီလ ၁၉ ရက်နေ့ ညနေပိုင်းမှာ ရန်ကုန်လေဆိပ်မှာ သတင်းစာရှင်းလင်းပွဲ လုပ်ဖို့ရှိတယ်လို့ သိရပါတယ်။ သူ့ရဲ့ မြန်မာနိုင်ငံ လူ့အခွင့်အရေးအခြေအနေ နောက်ဆုံးအစီရင်ခံစာ အပြည့်အစုံကို ကုလသမဂ္ဂလူ့အခွင့်အရေးကောင်စီမှာ မတ်လ ၁၇ ၇က်နေ့ တင်သွင်းမယ်လို့လည်း သိရပါတယ်။

အာဂျင်တီးနားနိုင်ငံသားဖြစ်သူ မစ္စတာ ကင်တားနားဟာ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် အဖြစ် ၂၀၀၈ ခုနှစ် မေလက စတင်တာဝန်ထမ်းဆောင်လာခဲ့တာ ဖြစ်ပါတယ်။

Photo-AP

Link =>https://www.facebook.com/photo.php?fbid=10152285680703128&set=a.10150522560153128.405723.39218993127&type=1

February 11, 2014
UN ၏ လူ့အခွင့်အရေး သံတမန် ချင်းပြည်နယ် ဆင်းရဲနွမ်းပါးမှု အခြေအနေ အပေါ်တုန်လှုပ်ခဲ့

သြဂုတ်လ- ၂၃ ရက်၊ ၂၀၁၃
M-Media
Source: chinlandguardian

ချင်းလူ့အခွင့်အရေးအဖွဲ့အစည်း (CHRO) နှင့် ကင်တားနား ရန်ကုန်မြို့တွင် တွေ့ဆုံနေစဉ် (Photo-CHRO)

၂၀၁၃ ခုနှစ် သြဂုတ်လ ၂၂ ရက်နေ့တွင် UN ၏ မြန်မာပြည်ဆိုင်ရာလူ့အခွင့်အရေးအထူးကိုယ်စားလှယ်ဖြစ်သူသောမတ်စ် အိုယေး ကင်တားနား (Tomás Ojea Quintana)သည် မြန်မာပြည်၏ သီးခြားဒေသတစ်ခုကဲ့သို့ ဖြစ်နေသော ချင်းပြည်နယ်သို့ ပထမဆုံးအကြိမ်လာရောက်ခဲ့ပြီး၊ သူသည် ချင်းပြည်နယ်အတွင်း ဖြစ်ပေါ်နေသည့် ဆင်းရဲနွမ်းပါးမှုများကို မြင်တွေ့ခဲ့ရသဖြင့် များစွာတုန်လှုပ်ခဲ့ရသည်။

ချင်းပြည်နယ်သည် နှစ်ပေါင်းများစွာ ဗဟိုအစိုးရ၏ ပစ်ပယ်ခြင်းကို ခံစားခဲ့ရကြောင်း ယမန်နေ့ထုတ်ပြန်ချက်တွင် မစ္စတာ ကင်တားနားက ပြောကြားခဲ့သည်။

“ တံခါးဖွင့်ဝါဒနဲ့အတူ ဖွံ့ဖြိုးတိုးတက်မှုက ဖြစ်လာရပါမယ်။ သို့ပေမယ့် ဒီလုပ်ငန်းစဉ်ဟာ အတူတစ်ကွ အားလုံးပါဝင်နိုင်ဖို့၊ ပွင့်လင်းမြင်သာဖို့၊ တာဝန်ယူတတ်ဖို့၊ ညီတူမျှတူပေးအပ်ဖို့တော့ အလွန်အရေးကြီးပါတယ်။ ဖွံဖြိုးရေးလုပ်ငန်းစဉ် နဲ့ သယံဇာတဆိုင်ရာ အကျိုးအမြတ်များကို ချင်းပြည်နယ်က လူ့အဖွဲ့အစည်းတွေအပေါ်မှာလည်း ခံစားခွင့်ပေးသင့်ပါတယ် ” ” ဟု UN မှ တာဝန်ရှိသူက ချင်းပြည်နယ်မှပြန်လာပြီးသည်နှင့် ပြောကြားသွားခဲ့သည်။

ချင်းပြည်နယ်ရှိ လူဦးရေ ၇၀ ရာခိုင်နှုန်းသည် သာမန်ထက်ဆင်းရဲနွမ်းပါးနေသူများဖြစ်ပြီး၊ ချင်းပြည်နယ်သည် မြန်မာနိုင်ငံရှိ ပြည်နယ်များအားလုံးအနက် အဆင်းရဲဆုံး ဖြစ်နေပေသည်။ မြန်မာပြည်သို့ ၈ ကြိမ်မြောက် ရောက်ရှိလာသော မစ္စတာ ကင်တားနားသည် ချင်းပြည်နယ် တောင်ပိုင်းရှိ မင်းတပ် နှင့် ကန်ပက်လက်မြို့များသို့ သွားရောက်ခဲ့ကာ၊ ခရစ်ယာန် ဘုရားကျောင်းများ နှင့် အစိုးရလက်အောက်ခံ နတလ ကျောင်းများထံလည်း သွားရောက်ခဲ့သည် ဟု သိရသည်။

သူက ခရစ်ယာန် ဘုရားဝတ်ပြုကျောင်းများဖွင့်လှစ်ရေး၌ ဗဟိုမှထိန်းချုပ်မှုကြောင့် အတားအဆီးအခက်အခဲ ဖြစ်ပေါ်နေခြင်း အခြေအနေများကိုလည်း ဖော်ပြခဲ့သည်။

ဒေသတွင်း နတလ ကျောင်းများသည် စစ်တပ်လက်အောက်ရှိ နယ်စပ်ရေးရာဝန်ကြီးဌာနမှ ကိုင်တွယ်ထားပြီး၊ ချင်း ခရစ်ယာန် ကျောင်းသားများအား နိုင်ထက်စီးနင်းပြုလုပ်ကာ ဗုဒ္ဓဘာသာသို့ ပြောင်းလဲရန် ခိုင်းစေလျက်ရှိသည်ဟု ဆိုသည်။

ချင်း လူ့အခွင့်အရေးအဖွဲ့(Chin Human Rights Organization – CHRO)၏ ဒါရိုက်တာ ဆလိုင်း ဇာအွခ်လင်း က “ နတလ ကျောင်းမှအောင်မြင်သူများဟာ အစိုးရ အလုပ်တွေကို ရရှိခံစားကြရတယ်။ ဒါပေမယ့် ဗုဒ္ဓဘာသာဝင်များသာဖြစ်ရမယ်လို့ဆိုပါတယ်။ ဒါဟာ ဘာသာရေးခံယူချက်နဲ့ပတ်သက်ပြီး အလွန်ထင်ရှားလွန်းတဲ့ ခွဲခြားဆက်ဆံမှု ဖြစ်နေပါတယ်။ နတလကျောင်းတွေမှာ ဒီစံနစ်ကို အခိုင်အမာ သွတ်သွင်းထားပါတယ်။ ဒါကြောင့် ကျွန်တော်တို့အနေနဲ့ အဲ့ဒီကျောင်းများကို ဖျက်သိမ်းပေးဖို့ နဲ့ အဲ့ဒါအစား လူတိုင်းအတွက် တန်းတူညီမျှ ပညာရေးစံနစ်ရရှိရေးမှာ ပီပီပြင်ပြင် ငွေကြေးထောက်ပံ့ပေးဖို့ နှိုးဆော်မှုတွေ ပြုလုပ်နေရခြင်းပဲဖြစ်တယ် ” ဟု ပြောပြခဲ့၏။

ချင်းပြည်နယ်သို့ မသွားရောက်မှီ အရင်အပတ်က ရန်ကုန်မြို့သို့ မစ္စတာ ကင်တားနား ရောက်ရှိနေစဉ် CHRO ကိုယ်စားလှယ်အဖွဲ့မှ သွားရောက်တိုင်ပင်ခဲ့သည် ဟု သိရသည်။

အချို့ ပြည်နယ်ခေါင်းဆောင်များက မိမိတို့ ဆက်လက်ကြုံတွေ့နေရသော လူ့အခွင့်အရေးထိုးနှက်ခံနေရမှုများနှင့် ပတ်သက်၍ မစ္စတာကင်တားနားထံ တင်ပြခွင့်မရသဖြင့် မကျေမနပ်ဖြစ်နေခဲ့ကြသည်။

UN အထူးသံတမန်သည် ချင်းပြည်နယ်အတွင်း ၂ ရက်ကြာနေထိုင်ခဲ့၏။ ရခိုင်၊ ရှမ်း၊ ကချင် စသော အခြားပြည်နယ်များသာမက မိတ္ထီလာ နှင့် မန္တလေးသို့လည်း သွားရောက်ခဲ့သည်။

သူ၏ ၁၀ ရက်တာ ခရီးစဉ်တွင် မစ္စတာ ကင်တားနားသည် ကေအိုင်အို (Kachin Independence Organization) ၏ ဌာနချုပ်ဖြစ်သော ကချင်ပြည်နယ်၊ လိုင်ဇာမြို့သို့ သွားရောက်ခွင့်ကို ငြင်းပယ်ခံခဲ့ရသည်။

August 23, 2013
ဆင်ဖြူကို နဖားကြိုး ထိုးရန် ကြံစည်ကြ သူများ (သူ့အမြင်ကဏ္ဍ)

Robert Elhose
သြဂုတ်လ ၂၄ ရက်၊ ၂၀၁၃။

သြဂုတ်လ ၁၉ ရက်နေ့ ကုလ လူအခွင့်အရေးကိုယ်စားလှယ် ကင်တားနား မိထ္ထိလာမြို့သို့ရောက်ရှိစဉ် တွေ့ရသော ဆန္ဒပြလူအုပ်ကို တွေ့ရစဉ်
Photo Credit- (VOA Burmese Service)

ကုလသမဂ္ဂ အထွေထွေ အတွင်းရေးမှုးချူပ် ရဲ့ အထူးကိုယ်စားလှယ် ပါမောက္ခ တောမတ်စ်အိုဟေး ကင်တားနား ရဲ့ မြန်မာပြည် ယခု ခရီးစဉ် အတွင်း မှာ မြန်မာနိုင်ငံ အတွက် အရုပ်ဆိုး အကျည်းတန် တဲ့ မျက်နှာ ပျက်စရာ အဖြစ်အပျက် အတော် များ များ အများပြည်သူတို့ ကြားသိခဲ့ရပါတယ်။

တခြားသော ကိစ္စ အများအပြားကို ထားလိုက်ပါတော့။ ဒီ မျက်နှာပျက်စရာ ကိစ္စ အတော်များများ ထဲမှာ အခုနောက်ဆုံး အနေနဲ့ မြန်မာအစိုးရ တာဝန်ရှိ သူတွေ အနေ နဲ့ ကင်တားနားရဲ့ မင်္ဂလာဒုံ လေဆိပ် သတင်းထုတ်ပြန်ချက် အပေါ် တရားဝင် ပြန် လည် တုံ့ပြန်မှု တွေက မျက်နှာပျက်စရာ တွေထဲက က ရုပ်အပျက်ဆုံး ဖြစ်ရပ် တွေ လို့ ကျွန်တော်တော့ ထင်ပါတယ်။

ပထမ အနေနဲ့ မြန်မာအစိုးရအဖွဲ့ ရဲ့ ပြောရေး ဆိုခွင့် ရှိသူ လည်းဖြစ်၊ လက်ရှိ် အစိုးရ ပြန်ကြားရေး ၀န်ကြီးဌာန ရဲ့ ဒုတိယ၀န်ကြီး လည်း ဖြစ်တဲ့ ဦးရဲထွဋ် ရဲ့ ပြောကြား ချက် တွေပါ။ သြဂုတ်လ ၂၂ ရက်နေ့ည ဘီဘီစီ မြန်မာပိုင်း အစီအစဉ် နဲ့ လုပ်တဲ့ အင်တာ ဗျူးမှာ သူပြောသွားတာတွေ တော့ အများကြီးပါပဲ။ ဒါပေမဲ့ ကျွန်တော့်အနေနဲ့ တစ်ချက် နှစ်ချက်လောက်ကိုပဲ ထောက်ပြချင်ပါတယ်။

သူပြောချင်တာက ပါမောက္ခကင်တားနားက သတင်းစာရှင်းလင်းပွဲမှာ ပြောကြားတဲ့ မိတ္ထီလာမှာ ဆန္ဒပြတယ် ဆိုတဲ့ လူအုပ်က သူ့ကားကို ကန်ကျောက်တယ်၊ လက်သီးနဲ့ ထိုးတယ် ၊ ပြီးတော့ သူ့ကားတံခါးကို ဆွဲ ဖွင့်ဖို့ ကြိုးစားခဲ့ကြတယ် ဆိုတဲ့ ပြောဆိုချက် ကို ဦးရဲထွဋ် ပြန်လည် ချေပတာက ၊ “မဟုတ်ပါဘူး။ ဆန္ဒပြတဲ့ သူတွေက သူ့ကို အိတ်ပိတ်စာ နဲ့ တီရှပ်တစ်ထည် ပေးဖို့ ကြိုးစားတာပါ။ ကားတံခါး မဖွင့်ပေးတော့ ကားတံခါး ဖွင့်ခိုင်း တဲ့အနေနဲ့ ကားမှန်ကို ခေါက်တာပါ ” ဆိုပြီး အဲ့ဒီအချိန်က မူးရူးနေ ကြတဲ့ ဆန္ဒပြသူများ ဆိုသူ တွေကို ကာကွယ်ဖို့ ထင်ထင်ရှားရှားကြီး ကြိုးစားထားတာ တွေ့ရပါတယ်။

နောက်တစ်ခါ မိတ္ထီလာခရိုင် တာဝန်ခံ ရဲမှုးကြီးနဲ့ အာရ်အက်ဖ်အေ တို့ သြဂုတ်လ ၂၃ ရက် နံနက် ပိုင်း မြန်မာဘာသာ အစီအစဉ် အင်တာဗျူးမှာလည်း ဒီလေသံ ပဲ ဆန္ဒပြ လူအုပ်စု တွေက သူ့ကို အိတ်ပိတ်ပေးစာ တစ်စောင်နဲ့ တီရှပ်တစ်ထည် လက်ဆောင် ပေးဖို့ ကင်တားနား ရဲ့ ကားတံခါး ကို ဖွင့်ပေးဖို့ အချက်ပေးတဲ့ အနေနဲ့ ကားမှန်တွေ ကို ခေါက်ရတာပါ လို့ ထုချေ ထားပြန်ပါတယ်။ ကင်တားနားက ကား တံခါး မဖွင့်ပေးရ ကောင်းလား ဆိုပြီး တော့တောင် အပြစ်တင် ချင် ပုံ မျိူး။

ပြီးတော့ အဲ့ဒီအချိန်က မိတ္ထီလာမှာ ညမထွက်ရ အမိန့်ထုတ်ထားတဲ့ ကန့်သတ်ချိန် က ည ၁၀ နာရီ။ သဘောက ည ၁၀ နာရီ ဆို လမ်းတွေပေါ်မှာ လူမပြောနဲ့ ၊ ခွေး တောင် ရှိမနေရ တော့ပါဘူး။ ကင်တားနား တို့ ကားတန်း အဲ့ဒီ မိတ္ထီလာ တံတား ပေါ် ရောက်လာခဲ့တဲ့ အချိန်က ၁၀ နာရီ ၃၀ လို့ အားလုံးလက်ခံ ထားကြတယ်။

ဒီတော့ မေးစရာ မေးခွန်း ရှိလာတာက ကင်တားနား လိုလူရဲ့ ကားကို ဆိုပါစို့ လူတစ် အုပ် က ဆန္ဒပြတယ်ပေါ့ဗျာ။ ဒါလက်ခံနိုင်ပါတယ်။ ညမထွက်ရ အမိန့် နောက်ဆုံးကန့်သတ်ချိန် နဲ့ မိနစ်သုံးဆယ် အပြင်ဖက် ကို စွန်းနေတဲ့ အချိန်မတော် မှာ လူအုပ်စုနဲ့ ဒီလို ရုန့်ရင်းတဲ့ အပြု နဲ့ ဆန္ဒပြနိုင်၊ ဆန္ဒပြခဲ့တာ ကပဲ ထူးဆန်းနေတာ။

ကဲ .. ကင်တားနား ကဘယ်သူလဲ။ ကင်တားနား ဆိုတာ ကုလသမဂ္ဂ အထွေထွေ အတွင်းရေးမှုးချူပ် ဘန်ကီမွန်း ရဲ့ အထူးကိုယ်စားလှယ်တော်။ ကုလသမဂ္ဂ ရဲ့ အထူးအခွင့်အာဏာ (Mandate) အပ်နှင်းခံရသူတစ်ဦး အနေ နဲ့ မြန်မာပြည် ကို လာခဲ့ တာ။ သူ့ဟာသူ ပျော်လို့ ငါးမျှားထွက်လာတာ မ ဟုတ်ပါ ဘူး။ သူလာတာ ကုလအတွင်းရေးမှုးချူပ် ကိုယ်တိုင် လာတဲ့သဘော သက် ရောက်တယ်။

ကုလအတွင်းရေးမှုးချူပ်လို လူက နေရာတိုင်းကို အသေးစိတ် သွားပြီး စစ်ဆေးမေးမြန်း တာတွေ လုပ်ဖို့ အခြေအနေ မပေးဘူး။ အချိန် မရှိဘူး။ ဒါ့ကြောင့် သူ့ ကိုယ်စား လာ တာ။ လေးစားလောက်တဲ့ သိက္ခာသမာဓိ ရှိသူ၊ ပညာရည် ရှိသူ၊ နိုင်ငံတကာ အတွေ့အကြုံ ရှိသူများ သာ ဒီလိုရာထူးမျိူး ထမ်းဆောင် နိုင်ပါတယ်။ ဦးရဲထွဋ် လိုလူမျိူး ဒါမျိူး ရာထူး သွားထမ်းဆောင်ချင်လို့လည်း အနားတောင် သီနိုင်မှာ မဟုတ်ပါ။

ဒီတော့ ဒီလို အဆင့်ရှိသူ ကို လမ်းဘေးမှာ တွေ့တဲ့ ဘယ်သူမှန်းမသိရသူ လူအုပ်စု က ခပ်လှမ်းလှမ်း ကနေ ဆန္ဒပြတာမဟုတ်ဘဲ၊ အနားကပ်လာ၊ ပြီးတော့ တံခါးပါ ဖွင့်ခိုင်းတာဆိုတော့။

ဥပမာဗျာ သမ္မတဦးသိန်းစိန် ကိုပဲ ဆိုပါစို့။ မင်္ဂလာဒုံ လေဆိပ်လို နေရာမျိူးမှာ သူ့ကားတန်း ထွက်လာတဲ့အခါ မကျေနပ်သူ လူတစ်စု က ဆန္ဒပြတယ်ပေါ့ဗျာ။ သမ္မတ ကို တီရှပ်တစ်ထည် ပေးချင်တယ်။ ဒီတော့ သမ္မတ စီးလာတဲ့ ကား ကို အနားကပ်ပြီး တံခါးသွားဖွင့် ခိုင်းတယ်။ ပုံစံအနေအထား တွေကြည့် ရတာကလည်း မူးရူးသောက် စား ထားတဲ့ ပုံစံတွေ ဆိုတာ မြင်ရုံ နဲ့တင် သိသာနေတယ်။ ဒီတော့ သမ္မတ က တံခါး ဖွင့်ပေးမလား။ ဖွင့်မပေးဘူးလား။ ဒါမျူိးလုပ်လာခဲ့ရင် ကားတန်းမှာ အသင့် ပါလာတဲ့ လုံခြုံရေး တပ်ဖွဲ့များကရော ဘယ်လိုတုန့်ပြန် ကြမှာလဲ။ ကျွန်တော်လည်း တမ္မတကြီးကို ဆန္ဒပြတဲ့ အနေနဲ့ သမ္မတ ကိုတီရှပ် တစ်ထည် သွားပေးချင်ပါတယ်။ ဒါ့ကြောင့် သမ္မတ ကားနားကို ကပ်သွားပြီး ကားတံခါး ဖွင့် ပေးဖို့ မှန်တံခါး ကို ခြေထောက်နဲ့ ကန် ပြိး ခေါက်ချင်ပါတယ်။ ရမလား ခင်ဗျာ။

သမ္မတ အဆင့် ထားပါဦး တိုင်းမှုးအဆင့်လောက် ရှိသူတစ်ဦး ကို ဒီအချိူးမျိူး သွားချိူး ရင်ရော ဒါမျိူး သွားလုပ်တဲ့ သူတွေ ဘာဖြစ်သွား နိုင်သလဲ။ ပြီးတော့ ညမထွက်ရ ကာ ဖျူးအမိန့် ထုတ်ထားတဲ့ အချိန် မျိူးကြီးမှာ။ ဘာဖြစ်သွားနိုင်သလဲ ဆိုတဲ့ အဖြေကို မြန် မာပြည် မှာ မွေးပြီး ကြီးခဲ့တယ် ဆိုရင် အားလုံးသိပါတယ်။ မစ္စတာကင်တားနား ရဲ့ ကားတန်း ကိုဒါမျိူး သွားလုပ်ခဲ့ပါတယ်။

ဒါကို တီရှပ်နဲ့ စာ ပေး ချင်လို့ တံခါးဖွင့် ဖို့ မှန်ကို ခေါက်တာပါဆို ပြီး အစိုးရ နဲ့ နယ်မြေစိုးမိုး ရေး အာဏာ ကို ဖော်ဆောင် နေကြတဲ့ တာဝန်ရှိသူများက တာဝန်မဲ့တုံ့ ပြန် ခဲ့ပါတယ်။ တံခါး မဖွင့် ပေးရ ကောင်းလားဆိုပြီး အပြစ်တင်ချင်တဲ့ သဘောထား ကိုလည်း တွေ့ရပါတယ်။ ဒါဟာ မိုးကြိုးပစ်ရာ ထန်းလက် နဲ့ ကာ ဆိုသလို အင်မတန် ရယ်ဖွယ် ကောင်းတဲ့ ပျက်လုံး သက်သက် ပါပဲ။ ရယ်စရာ လည်း ဟာသဂုဏ် မမြောက်လှတဲ့ ပျက်လုံးပဲ ဖြစ်ပါတယ်။

ဒီလိုလုပ်ရ့ပ်မျိူး လုပ်ခဲ့ကြ သူတွေ နဲ့ သူတို့ရဲ့ လုပ်ရပ်ကို ရယ်ဘွယ် ကာကွယ် ပေး နေကြသူတွေ ဟာ ဆင်ဖြူတော် ကို နွားအမှတ် နဲ့ နဖားကြိုး ထိုး ဖို့ ကြိုးစား နေသူ တွေလို ပါပဲ။ ကိုယ့်အဖြစ် ကိုယ်ပြန်မမြင် နိုင်တာမို့ ကိုယ့်ကိုကိုယ် ဘာမှန်း ညာမှန်း မသိကြပေမယ့် အများအမြင် မှာတော့ ဆင်ဖြူတော်ကို နဖား ကြိုးထိုးဖို့ ကြံ သူများ သာ နွားလုံးလုံး ဖြစ်တယ် ဆိုတာ လယ်ပြင် ဆင်သွားသလို ထင်ရှားလှပါတယ်။

နောက်နောင် ဆင်ခြင်ဖို့နဲ့ တွေးတော နိုင်စေဖို့ မိချောင်းမင်းများ ကို ရေခင်း ပြနေ ရခြင်းသာ ဖြစ်ပါကြောင်း ရေးသားရင်း နိဂုံးချူပ်ခွင့်ပြုပါခင်ဗျာ။ ။

ဓါတ်ပုံ ရှင်းလင်းချက်- သြဂုတ်လ ၁၉ ရက်နေ့ ကုလ လူအခွင့်အရေးကိုယ်စားလှယ် ကင်တားနား မိထ္ထိလာမြို့သို့ရောက်ရှိစဉ် တွေ့ရသော ဆန္ဒပြလူအုပ်ကို တွေ့ရစဉ်
Photo Credit- (VOA Burmese Service)

August 23, 2013