News @ M-Media

Tag: quran

  • အီဂျစ်အနုပညာရှင်တစ်ဦး ၎င်း၏ ကုရ်အာန်လက်ရေးမူကို ဂင်းနစ်မှတ်တမ်းဝင်ရန် မျှော်လင့်

    အီဂျစ်အနုပညာရှင်တစ်ဦး ၎င်း၏ ကုရ်အာန်လက်ရေးမူကို ဂင်းနစ်မှတ်တမ်းဝင်ရန် မျှော်လင့်

    မေ ၄၊ ၂၀၁၇
    M-Media

    မီတာ ၇၀၀ အရှည် စက္ကူလိပ်တွင် စအဒ်ရေးသားထားသည့် ကုရ်အာန်

    – အီဂျစ်နိုင်ငံက အနုပညာသမားတစ်ဦးဖြစ်တဲ့ စအဒ်မိုဟာမက်ဆိုသူဟာ ကုရ်အာန်ကျမ်းတော်မြတ် တစ်အုပ်လုံးကို ၃ နှစ်အတွင်း လက်ရေးနဲ့ ရေးသားချယ်မှုန်းခဲ့ပြီး ကမ္ဘာ့အကြီးဆုံး ကုရ်အာန်ကျမ်းစာအုပ်အဖြစ် မှတ်တမ်းဝင်ဖို့လည်း မျှော်လင့်နေပါတယ်။

    ကိုင်ရိုမြို့မြောက်ဖက် ဘဲလ်ကီနာမှာ နေထိုင်တဲ့ စအဒ်ဟာ သူ့အိမ်ရဲ့ နံရံတွေနဲ့ မျက်နှာကျက်တွေမှာလည်း ကုရ်အာန်ကျမ်းက ပါဒတော်တွေကို စာပန်းချီ ချယ်မှုန်း အလှဆင်ထားပြီး၊ အခုတစ်ကြိမ်မှာတော့ မီတာ ၇၀၀ ရှည်တဲ့ စာရွက်လိပ်မှာ ကုရ်အန်တစ်အုပ်လုံးကို လက်ရေးနဲ့ ရေးသားခဲ့တာပါ။

    စာလုံးတိုင်းကို အနုစိတ်ကအစ အလှပဆုံး ချယ်မှုန်းထားတာဖြစ်ပြီး ဒီစာရွက်လိပ်ကြီးကို သစ်သားသေတ္တာထဲမှာ ရိုလာနဲ့ အလွယ်တကူ ဖတ်ရှုနိုင်အောင်လည်း သူက စီစဉ်ထားပါတယ်။

    “ဒီကုရ်အာန်ဟာ မီတာ ၇၀၀ ရှည်လျားပြီး၊ ဒါဟာ တ်ာတော်များတဲ့ စက္ကူပမာဏပါ။ ပြီးခဲ့တဲ့ ၃ နှစ်အတွင်း ဒီလုပ်ငန်းအတွက် ကိုယ်တိုင် ငွေကြေးစိုက်ထုတ်ခဲ့တာပါ။ ကျွန်တော်ဟာ သာမန်လူတန်းစားဖြစ်ပြီး ဘယ်လိုထာက်ပံ့မှုမျိုးမှ မရှိပါဘူး” လို့ စအဒ်က Reuters Television ကို ပြောကြားခဲ့ပါတယ်။

    စအဒ်က သူ့ရဲ့ ဒီ ကုရ်အာန်ကျမ်းတော်မြတ်ကို ဂင်းနစ်မှတ်တမ်းဝင်ဖို့ အလိုရှိနေပါတယ်။

    ဂင်းနစ်မှတ်တမ်းစာအုပ် တာဝန်ရှိသူတွေကတော့ သူတို့ရဲ့မှတ်တမ်းမှာ ကမ္ဘာ့အကြီးဆုံး ပုံနှိပ်ကုရ်အာန်စာအုပ်သာရှိနေပြီး၊ လက်ရေးနဲ့ ရေးထားတဲ့ မှတ်တမ်းတော့ မရှိဘူးလို့ ဆိုပါတယ်။

    ဒီလို ဂင်းနစ်မှတ်တမ်းဝင်နိုင်ဖို့ ကုန်ကျမယ့် ငွေကြေးအတွက် အစိုးရ၊ ဒါမှမဟုတ် အခြားသော စိတ်ဝင်စားသူတွေက ကူညီဖို့ စအဒ်က မျှော်လင့်နေပါတယ်။

    Ref: middle east eye

    စအဒ်က လက်ရေးဖြင့် ရေးသားထားသည့် ကုရ်အာန်ကျမ်းစာ လက်ရာတစ်ခု
    စအဒ်က လက်ရေးဖြင့် ရေးသားထားသည့် ကုရ်အာန်ကျမ်းစာ လက်ရာတစ်ခု
    စအဒ်က လက်ရေးဖြင့် ရေးသားထားသည့် ကုရ်အာန်ကျမ်းစာ လက်ရာတစ်ခု
  • ရှေးဟောင်း ကုရ်အာန်ကျမ်းစာ လက်ရေးမူ မိတ္တူ  ဧရာမ စာမျက်နှာကို ၀ါရှင်တန်တွင် ပြသထား

    ရှေးဟောင်း ကုရ်အာန်ကျမ်းစာ လက်ရေးမူ မိတ္တူ ဧရာမ စာမျက်နှာကို ၀ါရှင်တန်တွင် ပြသထား

    အောက်တိုဘာ ၂၆ ၊ ၂၀၁၆
    M-Media
    enormous_quran
    ကျမ်းတော်မြတ်ကုရ်အာန်၏ ဧရာမစာ မျက်နှာကြီးနှစ်ရွက်ကို “တူရကီနှင့် အစ္စလာမ်မစ်အနုပညာ လက်ရာများပြတိုက်မှ အမွေအနှစ်များဖြစ်သည့် ကုရ်အာန်ကျမ်းမြတ်လက်ရာများ” အမည်ရသည့် ပြခန်း၌ ခင်းကျင်းပြသထားပြီး အဆိုပါပြခန်းကို ၀ါရှင်တန်ရှိ အာသာအမ် ဆက္ကလာ ပန်းချီအနုပညာပြခန်း၌ စနေနေ့က ဖွင့်လှစ်ခဲ့သည်။

    အလျား ၇ ပေ၊ အနံ ၅ ပေခန့်ရှိသော ဧရာမစာရွက်ကြီးများတွင် ၈ လက်မမှ ၉ လက်မ ရှိ လက်ရေးစာတန်းများဖြင့် အတန်းလိုက် ရေးသားထားသည်။ ၎င်းတို့သည် လွန်ခဲ့သော နှစ်ပေါင်း ၁၄၀၀ ခန့်မှ လက်ရာများဖြစ်ပြီး စမစ်ဆိုနီယမ်ပြတိုက်၌ ကာလကြာမြင့်စွာ ထိန်းသိမ်းထားခဲ့သည်။

    ပြသထားသော စာပိုဒ်သည် ကဏ္ဍတစ်ခုမှ ဖြစ်ပြီး “အလ္လာဟ်အရှင်မြတ်နှင့် ၎င်း၏ သက်သေ လက္ခဏာတော် များသည် နေရာအနှံ့အပြား၌ တည်ရှိသည်” ဟု အဓိပ္ပါယ်ရသည့် စာပိုဒ်များဖြစ်ကြောင်း အစ္စလာမ်မစ်အနုပညာဆိုင်ရာ လက်ထောက်ပြတိုက်မှူးဖြစ်သူ ဆိုင်မွန်ရက်တစ်၏ ပြောကြားချက်အရ သိရသည်။

    အဆိုပါပြခန်း၌ စမစ်ဆိုနီယမ်၏ အာရှ အနုပညာပြတိုက်မှ တစ်စုတစ်ဝေးတည်း ယူဆောင်လာသည့် ဆက္ကလာနှင့်ဖရီယာ အနုပညာပြခန်းမှ စုစည်းချက်များမှ ရှေးဟောင်လက်ရေးမူများနှင့်အတူ အစ္စတန်ဘူလ်ပြတိုက်မှ လက်ရေးမူများနှင့် ရှေးဟောင်း စာအုပ်များကိုပါ အတူတကွ ထားရှိထားသည်။

    Ref; IINA

  • ကုရ်အာန်ကျမ်းမြတ်ဆိုင်ရာ ပြခန်းတစ်ခု မဒီနာတွင် ဖွင့်လှစ်

    စက်တင်ဘာ ၁၈၊ ၂၀၁၅
    M-Media

    quran

    – ကုရ်အာန်ကျမ်းတော်မြတ်၏ သမိုင်းကြောင်း၊ ထိန်းသိမ်းမှုများနှင့် ကျမ်းတော်မြတ်နှင့် ပတ်သက်ဆက်နွယ်မှုများကို စုံလင်စွာ ပြသထားသည့် ပြခန်းတစ်ခုကို ဆော်ဒီအာရေဗျနိုင်ငံ မဒီနာမြို့တွင် ဖွင့်လှစ်ခဲ့ပြီး မဒီနာ အုပ်ချုပ်ရေးမှူး မင်းသား ဖိုင်ဆယ် ဘင် ဆလ်မန် တက်ရောက် ဖွင့်လှစ်ပေးခဲ့သည်ဟု သိရသည်။

    အဆိုပါပြပွဲကို မဒီနာရှိ အစ္စလာမ့်ရေးရာ ၀န်ကြီးဌာနနှင့် Simaya Group တို့ပူးပေါင်းကာ စီစဉ်ခဲ့ခြင်းဖြစ်သည်။ ၁၅၀၀ စကွဲယားကီလိုမီတာရှိသည့် ပြပွဲနေရာတွင် ကုရ်အာန်ကျမ်းတော်မြတ်၏ သမိုင်းနှင့် အရေးပါမှုကို စနစ်ကျစွာ ပြသထားသည်။

    ကုရ်အာန်ကျမ်းတော်မြတ်အကြောင်း ရိုက်ကူးထားသည့် မှတ်တမ်းရုပ်ရှင်လည်း ပြပွဲတွင် ပါဝင်ပြီး၊ အသံများ၊ ဂရပ်ဖစ် နည်းပညာများဖြင့်လည်း ကျမ်းတော်မြတ်၏ အဓိကကျမှုကို ဖော်ပြထားသည်။ ထို့ပြင် သမိုင်းကြောင်း၊ ပြန်ဆိုချက်များ၊ ဖတ်ရွတ်သရဇ္ဈာယ်မှု၊ တစ်ဦးချင်း၊ မိသားစုနှင့် လူ့အဖွဲ့အစည်းအပေါ် ကျမ်းတော်မြတ်၏ လွှမ်းမိုးမှုများအကြောင်းကိုလည်း ထည့်သွင်း ပြသထားသည်။

    ထို့ပြင် အဆိုပါပြခန်း၌ မဒီနာရှိ ဘုရင် အဗ်ဒူလ် အဇစ် စာကြည့်တိုက်နှင့် တမန်တော်မြတ်၏ ဗလီဝတ်ကျောင်းတော် စာကြည့်တိုက်မှ ရှားပါးပြီး တန်ဖိုးကြီးသည့် ကုရ်အာန်လက်ရေးမူများကိုလည်း ပြသထားသည်။ ကအ်ဘာ ကျောင်းတော်အား လွန်ခဲ့သည့် နှစ်ပေါင်း ၁၄၀ ခန့်က ဖုံးလွှမ်းခဲ့သည့် အ၀တ်အစိတ်အပိုင်းကိုလည်း ထိုပြခန်း၌ တွေ့မြင်နိုင်သည်။

    မဒီနာအုပ်ချုပ်ရေးမှူး မင်းသား ဖိုင်ဆယ်ကမူ ကုရ်အာန်ကျမ်းတော်မြတ်အကြောင်း ထိုကဲ့သို့ ပြည့်စုံစွာ ပြသနိုင်ရန် အားထုတ်ခဲ့သူများကို ကျေးဇူးတင်ကြောင်း ပြောကြားခဲ့ပြီး ၎င်းတို့အား မေတ္တာလက်ဆောင်များ ပေးအပ်ခဲ့သည်။

    ထိုပြခန်းများကို နေ့စဉ် မနက်မှ ည ၉ နာရီအထိ ဖွင့်လှစ်ပြသသွားမည်ဖြစ်ပြီး၊ သောကြာနေ့တွင်မူ နေ့လည်ပိုင်းမှ ည ၉ နာရီအထိ ဖွင့်လှစ်သွားမည်ဖြစ်သည်။

    Ref: Arabnews

  • ကမ္ဘာ့ရှေးအကျဆုံး ကုရ်အာန် ဘာမင်ဟန် တက္ကသိုလ်မှာ ရှာတွေ့

    ကမ္ဘာ့ရှေးအကျဆုံး ကုရ်အာန် ဘာမင်ဟန် တက္ကသိုလ်မှာ ရှာတွေ့

    ဇူလိုင် ၂၂ ၊၂၀၁၅
    M-Media
    _84426217_composite2
    ကမ္ဘာ့ရှေးအကျဆုံး ကုရ်အာန် အစိတ်အပိုင်း တစ်ရပ်ကို ဗြိတိန်နိုင်ငံ၊ ဘာမင်ဟန်တက္ကသိုလ် စာကြည့်တိုက်ထဲမှာ ရှာတွေ့ခဲ့ပါတယ်။ အဲ့ဒီလက်ရေးမူ ပုရပိုက်ဟာ အနည်းဆုံးနှစ်ပေါင်း ၁၃၇၀ ရှိပြီလို့ ရေဒီယိုကာဘွန် စစ်ဆေးချက်က ဖော်ပြနေလို့ အစောဆုံး ကာလ ကတည်းက တည်ရှိခဲ့ကြောင်း အတည်ပြုနိုင်ခဲ့ပါတယ်။ အဲ့ဒီစာရွက်များကို တက္ကသိုလ်စာကြည့်တိုက်ထဲ နှစ်(၁၀၀) ကျော် နီးပါးအထိ ရှိနေတာကို သတိမပြုမိခဲ့ကြပါဘူး။ ဒီစိတ်လှုပ်ရှားစရာတွေ့ရှိချက်ဟာ မွတ်စ်လင်မ်များအဖို့ ၀မ်းသာဂုဏ်ယူဖွယ်ဖြစ်စေ လိမ့်မယ်လို့ စာကြည့်တိုက်ရဲ့ ပုရပိုက်ရေးရာကျွမ်းကျင်သူ ဒေါက်တာ မုဟမ္မဒ် အီစာ ၀လီက ဆိုပါတယ်။

    ဒီပုရပိုက်ကို ကမ္ဘာ့သက်တမ်းအရင့်ဆုံး ကုရ်အာန်ကျမ်း အစိတ်အပိုင်း တစ်ရပ်အဖြစ် မသတ်မှတ်နိုင်ခဲ့ဘဲ အခြား အရှေ့အလယ်ပိုင်းကျမ်းနဲ့ စာရွက်စာတမ်း စုဆောင်းချက်များ အကြား ရှိနေခဲ့တာကြာမြင့်ခဲ့ပါပြီ။

    ပါရဂူဘွဲ့ရ သုတေသီ Alba Fedeli က ဒီပုရပိုက်တွေကို အနီးကပ်လေ့လာပြီး ရေဒီယိုကာဗွန်သုံး သက်တမ်းတွက်ကြည့်ဖို့ ဆုံးဖြတ်လိုက်ရာက ဒီအဖြေဟာ ထူးခြားအံ့သြစွာ ထွက်ပေါ်လာခြင်းဖြစ်ပါတယ်။ “ကျွန်မတို့ရဲ့အိပ်မက်ပင်လယ်ထဲ ဒီလောက်ထိ ရှေးကျတာမျိုး ရှိလိမ့်မယ်လို့ သုတေသီတွေ မမျှော်လင့်ခဲ့ကြပါဘူး။ ကမ္ဘာတစ်ခွင်လုံးမှာ ရှေးအကျဆုံး ကုရ်အာန် အစိတ်အပိုင်း တစ်ရပ် ကျွန်မတို့ဆီမှာ ရှိနေခဲ့ကြောင်း သိလိုက်ရတော့ မဖော်ပြနိုင်အောင် စိတ်လှုပ်ရှားခဲ့ရတယ်ရှင်” လို့ အထူးစုဆောင်းချက်များဆိုင်ရာ တက္ကသိုလ်ဒါရိုက်တာ Susan Worrall က ဆိုပါတယ်။

    Oxford University Radiocarbon Accelerator Unit ကနေ စမ်းသပ်မှုကို ပြုလုပ်ခဲ့တာပါ။ စာသားတွေကို သိုး သို့မဟုတ် ဆိတ်သားရေပေါ် ရေးသားထားခြင်းဖြစ်ပြီး ကုရ်အာန်ရဲ့ ရှေးအကျဆုံးရေးထုံးနဲ့စာသား ဖြစ်နေကြောင်း ဖော်ပြလိုက်ပါတယ်။ အဲ့ဒီပုရပိုက်ဟာ အေဒီ ၅၆၈ မှ ၆၄၅ အတွင်း အသုံးပြုတဲ့အမျိုးအစား ဖြစ်နိုင်ခြေ ၉၅ ရာခိုင်နှုန်းရှိကြောင်း စမ်းသပ်ချက်များက ပြောပြနေပါတယ်။

    “အဲ့ဒီပေလွှာများဟာ အစ္စလာမ်စတင်ထွန်းပေါ်မှုရဲ့နှစ်များအတွင်းထိ ကျွန်တော်တို့ကို ဆွဲခေါ်သွားနိုင်ပါလိမ့်မယ်။ မွတ်စ်လင်မ်တို့ရဲ့ အစဉ်အလာအဆိုအရ တမန်တော်မုဟမ္မဒ်က အေဒီ ၆၁၀ ခုနှစ်ကနေ သူကွယ်လွန်တဲ့ ၆၃၂ ခုနှစ်အတွင်း ဗျာဒိတ်တော်တွေကို လက်ခံရရှိခဲ့ရာမှ အစ္စလာမ့်ကျမ်းဂန်ကုရ်အာန် ထွက်ပေါ်လာပါတယ်။ ယခုတွေ့လိုက်တဲ့ ဘာမင်ဟန်က ရှေးဟောင်းကျမ်းရဲ့ သက်တမ်းကိုကြည့်ရင် ဒီစာကို မှတ်တမ်းတင်ခဲ့တဲ့ ပုဂ္ဂိုလ်ဟာ တမန်တော်မုဟမ္မဒ် သက်ရှိ ထင်ရှားရှိနေစဉ် ကာလအတွင်း ရေးမှတ်ထား ဖွယ်ဖြစ်နိုင်ကြောင်း ညွှန်းပြနေပါတယ်။ ဒီလူဟာ တမန်တော်မုဟမ္မဒ်ကို ရင်းရင်းနှီးနှီးသိကျွမ်းဖူးသူ၊ မျက်မြင်တွေ့ဖူးသူ၊ တရားဓမ္မနာယူဖူးသူ၊ အတွေးနီးစပ်သူ ဖြစ်နိုင်ပါတယ်” လို့ တက္ကသိုလ်ရဲ့ အစ္စလာမ်နဲ့ခရစ်ယာန်ဝါဒဆိုင်ရာ ပရော်ဖက်ဆာ ဒေးဗစ်သောမတ်စ်က ပြောကြားလိုက်ပါတယ်။

    ကျောက်ချပ်၊ စွန်ပလွံရွက်နဲ့ ကုလားအုပ် အရိုးပြားတွေကို ပေလွှာအဖြစ်အသုံးပြုပြီး ကုရ်အာန်စာသားအချို့ကို ရေးသား မှတ်တမ်းတင်ခဲ့ကြပြီး ကျမ်းစာအုပ် အဖြစ် အဆုံးသတ်စုစည်းချက်ကို အေဒီ ၆၅၀ ခုနှစ်မှာ အပြီးသတ်နိုင်ခဲ့ကြတယ်။ တမန်တော်မုဟမ္မဒ် ကွယ်လွန်ပြီး နှစ်ပေါင်းနှစ်ဆယ် မတိုင်မီအတွင်း ယခုတွေ့ရတဲ့ ပုရပိုက်ကို ကမ္ဗည်းတင်ရေးသားခဲ့ကြောင်း အခိုင်အမာ ယုံကြည်ပါတယ်။ ယနေ့လက်ရှိကုရ်အာန်ကျမ်း ရေးသားထားပုံနဲ့ အလွန်နီးစပ်တဲ့အပြင် စာသားတွေကလည်း ဆင့်ပြန်ကျရောက်ချိန်ကအတိုင်း အပြောင်းအလဲ အပျက်အစီး မရှိကြောင်း တွေ့မြင်ရတယ် လို့ ပရောဖက်ဆာ သောမတ်စ်က ထပ်ဆင့် တင်ပြထားပါတယ်။

    ရှေးအကျဆုံးကုရ်အာန်မှတ်တမ်းတင်ချက်တစ်ခုအဖြစ် ပြောနိုင်တာက အဲ့ဒီပုရပိုက်ကို ရှေးဟောင်းဟိဂျာ့ဇ် အရဗီမူ အတိုင်း ရေးသားထားတာကြောင့်၊ ဒါ့အပြင် အခြားခေတ်ပြိုင်ပုရပိုက်များနဲ့ တစ်ထပ်တည်းဖြစ်ကြောင်း ရေဒီယိုကာဗွန် သက်တမ်းတွက်ချက်ဖော်ပြမှုတို့ကြောင့် ဖြစ်ပါတယ်။

    “ဒီပေလွှာစာရွက်တွေ တွေ့လိုက်ရတဲ့အခါ လှိုက်ကနဲ ခံစားရပြီး ၀မ်းသာပီတိမျက်ရည် ယိုစီးခဲ့ရပါတယ်။ ယူကေတစ်ဝှမ်းက လူတွေလည်း ဘာမင်ဟန်ကို လာပြီး ဒီပေလွှာတွေကို မြင်ဖူးအောင်ကြည့်ကြလိမ့်မယ်လို့ ကျွန်တော် တပ်အပ်ပြောနိုင်ပါတယ်” ဟု ဘာမင်ဟန်ဗဟိုဗလီဥက္ကဋ္ဌ Muhammad Afzal မှ ပြောကြားပါတယ်။

    မိမိတို့မြို့တော်မှာ ဒီလိုရှာဖွေတွေ့ရှိချက်အပေါ် ဒေသခံ မွတ်စ်လင်မ် အသိုင်းအ၀ိုင်းက နှစ်ထောင်းအားရ ဖြစ်လှကြောင်း ဖော်ပြကြသလို၊ ပုရပိုက်ကိုလည်း ဘာမင်ဟန်တက္ကသိုလ်ရဲ့ Barber Institute မှာ အောက်တိုဘာလကစပြီး အများပြည်သူတို့ကို ပြသသွားမယ်လို့ တက္ကသိုလ်က ဆိုပါတယ်။

    Ref : BBC

  • ကာ့ဒ် ဘာသာစကားဖြင့် ကုရ်အာန် ကျမ်းတော်မြတ်ဘာသာပြန်ကို တူရကီ ဖြန့်ချီ

    ကာ့ဒ် ဘာသာစကားဖြင့် ကုရ်အာန် ကျမ်းတော်မြတ်ဘာသာပြန်ကို တူရကီ ဖြန့်ချီ

    မေ ၃၊ ၂၀၁၅
    M-Media

    quran

    – ကုရ်အာန်ကျမ်းတော်မြတ်အား ဥရောပရှိ ဘာစကားများဆို့ ပြန်ဆိုကာ ရိုက်နှိပ်ဖြန့်ချီခဲ့သည့် တူရကီ သာသနာရေးရာအဖွဲ့က ယခုနောက်ဆုံး ကာ့ဒ်ဘာသာစကားဖြင့် ကုရ်အာန်ကျမ်းတော်မြတ်အား ပြန်ဆိုကာ ထုတ်ဝေဖြန့်ချီလိုက်သည်ဟု သိရသည်။

    “ကျွန်တော်တို့အဖွဲ့ဟာ အစ္စလာမ်ရဲ့သတင်းစကားကို ကမ္ဘာပေါ်မှာ ပြောနေတဲ့ ဘာသာစကားအားလုံးနဲ့ ဖြန့်ဝေဖို့ ဆောင်ရွက်ပေးတဲ့ စကြ၀ဠာလုံးဆိုင်ရာ၊ ကမ္ဘာလုံးဆိုင်ရာ အဖွဲ့အစည်းတစ်ခု ဖြစ်ပါတယ်” ဟု အဆိုပါအဖွဲ့မှ ဘာသာရေးဆိုင်ရာ ပုံနှိပ်ထုတ်ဝေမှု အထွေထွေဒါရိုက်တာဖြစ်သူ ဒေါက်တာ ယုက်ဆဲလ် ဆလ်မန်က The Anadolu Agency သို့ မေလ ၁ ရက်နေ့တွင် ပြောကြားခဲ့သည်။

    ထို့ပြင် ဆလ်မန်က “အလ္လာဟ်အရှင်မြတ်၏ သက်သေလက္ခဏာတော်တစ်ခုသည်ကား (လူသားများ၏) ဘာသာစကားများ၊ အသားအရောင်များ မတူကွဲပြားစွာ ရှိနေခြင်းပင်ဖြစ်၏၊။ အမှန်စင်စစ် ထိုအရာများထဲတွင် အသိပညာရှိသူတို့အတွက် သက်သေလက္ခဏာများလည်း ရှိနေပေသည်” ဟူသော ကုရ်အာန်ကျမ်းတော်မြတ်၏ ပါဒတော်ကို ကိုးကား၍ အစ္စလာမ်၏ ကမ္ဘာလုံးဆိုင်ရာ အခြေခံကို မီးမောင်းထိုးပြခဲ့သည်။

    တူရကီရှိ တိုင်းရင်းသားလူနည်းစုဖြစ်သည့် ကာ့ဒ်လူမျိုးများအတွက် ကုရ်အာန်ကျမ်းတော်မြတ်အား ကာ့ဒ်ဘာသာစကားဖြင့် ပြန်ဆိုခြင်းကို လွန်ခဲ့သည့် ၅ နှစ်က စတင်ခဲ့ခြင်းဖြစ်ပြီး ယခုအချိန်တွင် ပုံနှိပ်ထုတ်ဝေနိုင်ခဲ့ပြီဖြစ်သည်။

    “နောက်ဆုံး ကုရ်အာန်ကျမ်းတော်မြတ် ဘာသာပြန်က ကာ့ဒ်ဘာသာကို ပြန်ဆိုတာဖြစ်ပြီး အုပ် ၁၀၀၀၀ ရိုက်နှိပ်ထုတ်ဝေပြီးပါပြီ” ဟု ဆလ်မန်က ထည့်သွင်းပြောကြားခဲ့သည်။

    အဆိုပါ သာသနာရေးရာအဖွဲ့မှာ ၁၉၂၄ ခုနှစ်က စတင်ဖွဲ့စည်းခဲ့ပြီး စာအုပ်များ ရိုက်နှိပ်ထုတ်ဝေခဲ့ရာတွင် ယခု ဘာသာပြန်မှာ ၁၁၅၀ အုပ်မြောက် စာအုပ်လည်းဖြစ်သည်။ ထိုအဖွဲ့၏ ကြိုးပမ်းမှုများမှာ ၁၉၉၀ ပြည့်နှစ်များကတည်းက အရှိန်မြှင့်လာခဲ့ပြီး ကုရ်အာန်ကျမ်းတော်မြတ်အား ဂျာမန်၊ အင်္ဂလိပ်၊ ပြင်သစ်နှင့် ရုရှားဘာသာစကားများသို့ ပြန်ဆိုမှုများ ပြုလုပ်ခဲ့သည်။

    ကာ့ဒ်လူမျိုးများမှာ အင်ဒို-ဥရောပ မိသားစုဝင်၏ အနောက်မြောက်ပိုင်း အီရန်မျိုးခွဲဖြစ်သည်။ ထို့ပြင် ကာ့ဒ်ဘာသာစကားမှာ အာရဘီ၊ ပါရှန်းနှင့် တာ့က်ကစ်ရှ် ဘာသာစကားများပြီးလျှင် အရှေ့အလယ်ပိုင်း၌ တတိယ လူပြောအများဆုံး ဘာသာစကားဖြစ်သည်။

    ဆလ်မန်က အဆိုပါ ဘာသာပြန်ဆိုမှုကို ကာ့ဒ်၊ အာရဘီတို့နှင့်ပတ်သက်၍ ဗဟုသုတကြွယ်ဝသော ကျွမ်းကျင် ပညာရှင်များက ဆောင်ရွက် ခဲ့ခြင်းဖြစ်သည်ဟု ဆိုသည်။ ထို့ပြင် မိမိတို့ ဌာနအနေဖြင့် အင်္ဂလိပ်၊ ပြင်သစ်၊ ရုရှား၊ အဇာဘိုင်ဂျာနီ၊ ကာဇက်ခ်၊ ဒန်းနစ်ရ်ှနှင့် အလ်ဘေးနီးယား ဘာသာစကားများဖြင့်လည်း ကုရ်အာန်ကျမ်းတော်မြတ် ဘာသာပြန်များကို ရိုပ်နှိပ်ထုတ်ဝေသွားမည်ဖြစ်ပြီး နိုင်ငံရပ်ခြားသို့ ပို့ဆောင်သွားမည်ဟု ထည့်သွင်းပြောကြားခဲ့သည်။

    “နိုင်ငံရပ်ခြားက တူရကီကိုလာတဲ့သူတွေ၊ ကမ္ဘာလှည့်ခရီးသွားတွေ ရှိပါတယ်။ အထူးသဖြင့် ကမ်းရိုးတန်းဒေသတွေမှာပါ။ သူတို့တွေ အစ္စလာမ်နဲ့ ပတ်သက်ပြီး၊ ကုရ်အာန်နဲ့ပတ်သက်ပြီး သင်ယူလေ့လာဖို့ ဆန္ဒပြုပါတယ်”

    အစ္စလာမ်ကြောက်ရောဂါ မြင့်တက်လာပြီးသည့်နောက် အထူးသဖြင့် ဥရောပတွင် အစ္စလာမ်နှင့် ကုရ်အာန်ကျမ်းတော်မြတ်အပေါ် စိတ်ဝင်စားမှုများမှာ မြင့်တက်လာကြောင်း၊ ထိုအကြောင်းရာကို မိမိတို့၏ အဆက်အသွယ်များ၊ ကောင်စစ်ဝန်များနှင့် အခြားသော တာဝန်ရှိသူများမှာတစ်ဆင့် သိရှိကြောင်း ဆလ်မန်က ထည့်သွင်းပြောကြားခဲ့ပြီး ဒိန်းမတ်ဘာသာစကားဖြင့် ကုရ်အာန်ကျမ်းတော်မြတ် ဘာသာပြန်မှာ ဒိန်းမတ်နိုင်ငံတွင် အရောင်းရဆုံးဖြစ်နေသည်ကို ဥပမာတစ်ခုအဖြစ် ထောက်ပြခဲ့သည်။

    Ref: Onislam