News @ M-Media

Tag: riotatmandalay

  • “ မန္တလေး အကြမ်းဖက်မှု ဘယ်သူ့မှာ တာဝန်ရှိလဲ ”

    “ မန္တလေး အကြမ်းဖက်မှု ဘယ်သူ့မှာ တာဝန်ရှိလဲ ”

    စည်သူအောင်မြင့်
    မဇ္ဈိမ သတင်းစာ၊ ၂၁-၇-၁၄။ စာ-၉။

    (1)_Wira_Thu_-_2014-07-02_02.37.56
    ဇူလိုင် လဆန်းက ဖြစ်ပွားခဲ့ပြီး ခုချိန်ထိ ည မထွက်ရ အမိန့်ထုတ်ပြန်ထားရဆဲ မန္တလေး အကြမ်းဖက်မှုကြီးကို စတင်စေခဲ့တဲ့ မုဒိန်းမှုဆိုတာဟာ လီဆယ် တိုင်တန်းမှု တစ်ခုပဲ ဖြစ်တဲ့အကြောင်း အစိုးရက သတင်းထုတ်ပြန်လိုက်ပါပြီ။ လီဆယ်တိုင်တန်း မှု တစ်ခုတောင် ခုလို အကြမ်းဖက်မှုကြီး ဖြစ်ရတယ် ဆိုရင် တကယ့်မှုခင်းတွေဆို ဒီထက်မက ဖြစ်နိုင်ခြေ အများကြီး ရှိတယ်ဆိုတာ အလွယ်တကူ သိနိုင်ပါတယ်။ ဒါတင်မက ဒီနိုင်ငံမှာ အကြမ်းဖက်မှုတွေ ဖြစ်ပွားအောင် ဖန်တီးရ၊ လှုံ့ဆော်ရ အလွန်လွယ်ကူ၊ အဲလို လုပ်လို့လဲ ဘာမှ အရေးယူ မခံရဘူး ဆိုတဲ့ အဓိပ္ပါယ်လည်း ထွက်ပါတယ်။ အခု ဖြစ်စဉ်နဲ့ ပါတ်သက်ပြီး တိုင်းပြည်အုပ်ချုပ် မင်းလုပ်တဲ့သူတွေဘက်က ဘာမှ သုံးသပ်တာ၊ အရေးယူ ဆောင်ရွက်တာ မလုပ်တော့ဘူးလားလို့ မေးစရာ မေးခွန်း ရှိလာပါတယ်။ ဒီကနေ့ ဒီအကြောင်း သုံးသပ်တင်ပြသွားပါ့မယ်။

    ပထမ တစ်ချက်ကတော့ မုဒိန်းကျင့်ခံရပါတယ် ဆိုတဲ့ တိုင်တန်းချက်တစ်ခုကို ဘယ်မီဒီယာတွေက ဘယ်လို ဖော်ပြခဲ့သလဲ ဆိုတာပါ။ “ တိုင်ကြားထားချက် ” ကို “ တိုင်ကြားထားချက်” လောက် မဖော်ပြပဲ တကယ်ပဲ ဖြစ်ခဲ့သယောင်၊ စွတ်စွဲခံရသူတွေက တကယ်ပဲ ကျူးလွန်ခဲ့သယောင် ရေးသားမှုက ပထမ ဦးဆုံး တာဝန်ရှိပါတယ်။ ဒုတိယ တစ်ချက်ကတော့ “ တိုင်ကြားထားဆဲ ” အဆင့်လောက်ပဲ ရှိနေသေးတဲ့ မှုခင်းတစ်ခုခုကို စွတ်စွဲခံရသူဟာ အစ္စလာမ် ဘာသာဝင်တွေ ဖြစ်တယ်ဆိုတဲ့ အကြောင်း အချက်တစ်ခုထဲနဲ့ အသည်းအသန် လိုက်လံ စုံစမ်း၊ သတင်းဖြန့်ဖြူး လုပ်ခဲ့ကြသူတွေလည်း တာဝန်ရှိပါတယ်။ အခုဖြစ်စဉ်မှာ အရှင်ဝီရသူဟာ အဲဒီ ကိစ္စ တိုင်ချက် “ပ ” နံပါတ်ရဖို့ မဘသ အဖွဲ့ဝင်တွေကို ပျဉ်းမနားရဲစခန်းအထိ သွားပြီး မေးမြန်း ခိုင်းခဲ့တာပါ။ တစ်နှစ်ကို မုဒိန်းမှုပေါင်း ၇၀၀ ကျော်လောက် ဖြစ်ပွားနေတဲ့၊ သက်ငယ်မုဒိန်းမှုတွေ အလွန်ပေါများ အရုပ်ဆိုး အကျည်းတန်နေတဲ့ တိုင်းပြည်တစ်ပြည်မှာ ခုလို အဓမ္မပြုကျင့်တယ် ဆိုပြီး ဘာသာခြားကို စွတ်စွဲတဲ့ ကိစ္စမျိုးတွေကိုမှ ရွေးပြီး ဘာကြောင့် စုံစမ်းခိုင်းရတာလဲ။ ဒါဟာ ဘုရားသားတော် သံဃာတွေ လုပ်ရမယ့် လုပ်အပ်တဲ့ အလုပ် ဟုတ်ပါရဲ့လား။ စသဖြင့် မေးစရာရှိလာပါတယ်။

    တဆက်တည်း ဒီ ကိစ္စကို ဦးဝီရသူနဲ့ မတူကွဲပြားပါတီ ခေါင်းဆောင် နေမျိုးဝေတို့ သူတို့ပိုင် ဖေ့ဘုတ် စာမျက်နှာမှာ ရေးကြသားကြ ပါတော့တယ်။ ဦးဝီရသူဆိုရင် ဇူလိုင် ၃ ရက်နေ့မှာ ခုလို ရေးခဲ့ပါတယ်။ “နေကဖေး ဆန်းကဖေးပိုင်ရှင် နေဝင်း(ခ)ပူလူး၊ ဆန်းမောင်(ခ) အွတ်စမန်းတို့ 28.6.2014 ရက်နေ့ ညဥ့်နက်သန်း ခေါင်အကာလ အချိန်မတော်ကြီး၌ မစိုးစိုးအား အဓမ္မပြုကျင့်ခြင်းသည် သာမန်ရာဇဝတ်မှုမဟုတ် အဓိကရုဏ်း ပေါ်ပေါက်လာအောင် ရည်ရွယ်ချက်ရှိရှိဖြင့် လုပ်ကြံဖန်တီး ကျူးလွန်ခြင်းသာ ဖြစ်သည်။ ” ဒီထက် ဆိုးတာတွေတောင် အများကြီး ရှိပါသေးတယ်။ တကယ်တော့ ဒါဟာ အမုန်းတရား ဖြစ်ပေါ်ဖို့ မဟုတ်မမှန် လုပ်ကြံ လှုံ့ဆော်မှု တစ်မျိုးလို့ ဆိုရင် မမှားပါဘူး။ နေမျိုးဝေကတော့ အမုန်းတရား ဖြစ်ဖို့ လှုံ့ဆော်ရုံမက အကြမ်းဖက်ဖို့တောင် လှုံ့ဆော်ခဲ့ပါတယ်။

    ဒီလောက်တောင်ပဲလား ဆိုတော့ မက သေးပါဘူး။ မန္တလေးမှာ ဆူပူမှု စဖြစ်တော့ မန္တလေး မဘသ အဖွဲ့ကြီးဟာ တစ်ဖက်က ဒီဆူပူမှုတွေဟာ သူတို့ကြောင့် မဟုတ်ပါဘူး လို့ ပြောပြီး အခြားတစ်ဖက်က အဲဒီ တိုင်ကြားထားဆဲ မုဒိန်းမှု ကို အမှုမှန် အမြန်ဆုံး ဖော်ထုတ်ပေးဖို့ ဆိုပြီး တရားဝင် ကြေငြာချက်ထုတ် တောင်းဆိုတာမျိုးတောင် လုပ်လိုက်ပါသေးတယ်။ ပြောရရင် မန္တလေးမှာ အကြမ်းဖက်မှုကြီး ဖြစ်ပွားအောင် အဦးအစ လှုံ့ဆော်သူတွေဟာ အဲဒီ သံဃာ၊ အဲဒီ လူပုဂိုလ်နဲ့ အဲဒီ အဖွဲ့အစည်းတွေ ပါဝင်တယ်ဆိုတာ အလွန်ထင်ရှားပါတယ်။ တစ်တိုင်းတစ်ပြည်လုံးလဲ သိကြပါတယ်။

    “နေကဖေး ဆန်းကဖေးပိုင်ရှင် နေဝင်း(ခ)ပူလူး၊ ဆန်းမောင်(ခ)အွတ်စမန်းတို့ 28.6.2014 ရက်နေ့ ညဥ့်နက်သန်း ခေါင်အကာလ အချိန်မတော်ကြီး၌ မစိုးစိုးအား အဓမ္မပြုကျင့်ခြင်းသည် သာမန်ရာဇဝတ်မှုမဟုတ် အဓိကရုဏ်း ပေါ်ပေါက်လာအောင် ရည်ရွယ်ချက်ရှိရှိဖြင့် လုပ်ကြံဖန်တီး ကျူးလွန်ခြင်းသာ ဖြစ်သည်။ ” ဦးဝီရသူ

    တတိယ တစ်ချက်ကတော့ တိုင်ကြားထားဆဲ အမှုတစ်ခုက တိုင်ကြားခံလူတွေကို ထုတ်ပေးဖို့ လူစုလူဝေးနဲ့ တောင်းဆိုတာပါ။ တကယ်တော့ လူတွေ ဒီလို စုရုံးပြီး စွတ်စွဲခံရသူတွေကို ထုတ်ပေးဖို့ တောင်းဆိုမှု လုပ်လာအောင် ကနဦး လှုံ့ဆော်ပေးခဲ့သူတွေဟာ အဲဒီ လီဆယ် တိုင်တန်းထားတဲ့ မုဒိန်းမှုကို တကယ့်ဖြစ်ရပ်ကြီးသဖွယ် မီးမောင်းထိုး လှုံ့ဆော် ရေးသားခဲ့ကြသူတွေပဲ ဖြစ်ပါတယ်။ တကယ့် မုဒိန်းမှု အစစ်အမှန် ဖြစ်ခဲ့ရင်တောင် ဒီလို လူစုလူဝေး လူအုပ်ဝါဒနဲ့ ရိုင်းစိုင်းကြမ်းတမ်း တဲ့သူတွေလို ဥပဒေ အပြင်ဘက်က ကိုယ့်ဖာသာကိုယ် အပစ်ပေးချင်တဲ့ ပုံစံမျိုး လုပ်ဖို့ မလိုအပ်ပါဘူး။ တရားဥပဒေ အတိုင်း စီရင်စေရမှာပဲ ဖြစ်ပါတယ်။

    စတုတ္တ တစ်ချက်ကတော့ အကြမ်းဖက်မှုတွေ ဖြစ်လာချိန် ဒုတ်ဒါးကိုင်ဆောင် လှည့်လည် သွားလာသူတွေကို တားဆီးဖို့ မကြိုးစားတဲ့ ရဲတပ်ဖွဲ့နဲ့ အာဏာပိုင်တွေရဲ့ ပြသနာပါ။ အဲလို အကြမ်းဖက်မှုကို တစ်ပြိုင်နက်တည်း မနှိမ်နင်းတဲ့အခါ အကြမ်းဖက်သူတွေ ပို အတင့်ရဲလာပါတယ်။ နောက်ပိုင်းမှ ဖမ်းမယ် ဆိုတဲ့အခါ လိုရင် လိုသလို မလိုရင် မလိုသလို၊ အရေးယူတာတွေ၊ အရေးမယူပဲ လျစ်လျူရှုပေးထားလိုက်တာတွေ အားလုံး လုပ်ခွင့်ပေးလိုက်သလို ဖြစ်သွားစေပါတယ်။ ခုဆိုရင် အာဏာပိုင်တွေဟာ လူသတ်မှု နှစ်မှုရဲ့ လက်သည်တရားခံ ဖော်ထုတ်ပြီး ပြည်သူတွေကို ရှင်းပြနိုင်ခြင်း မရှိသေးပါဘူး။

    တိုင်းပြည်တစ်ပြည်မှာ အမုန်းတရား ပေါက်ဖွားနိုင်ပါတယ်။ ဆူပူဖို့ လှုံ့ဆော်မှုသူတွေ ရှိနိုင်ပါတယ်။ အကြမ်းဖက်မှုတွေ ဖြစ်ပွားနိုင်ပါတယ်။ အဲဒီမှာ အစိုးရ တစ်ရပ်ရဲ့ တာဝန်ဟာ နောက်နောင် အဲလို ထပ်မဖြစ်စေဖို့ နည်းပေါင်းစုံနဲ့ အရေးယူတားဆီးရမှာ ဖြစ်ပါတယ်။ လိုအပ်ရင် ပြည်သူတွေကို ပညာပေးတာမျိုး လုပ်ရပါမယ်။ အခုကတော့ ဗြောင်းပြန်ပါပဲ။ အမုန်းတရား ဖြန့်ဖြူးသူတွေ အရှိန်အဟုန် မပျက် ဆက်ပြီး ဖြန့်ဖြူးနေနိုင်ကြပါတယ်။ ဆူပူဖို့ လှုံ့ဆော်သူတွေ ဆက်ပြီး လှုံ့ဆော်ကြပါဦးမယ်။ အကြမ်းဖက် သမားတွေကလည်း အခွင့်ပေါ်လာတိုင်း အကြမ်းဖက်ကြပါဦးမယ်။ အကြောင်းကတော့ အာဏာပိုင် အဖွဲ့အစည်းက ထိထိရောက်ရောက် အရေးယူမှု မရှိတာ၊ တမင် ရည်ရွယ်ချက်ရှိရှိ လျစ်လျူရှုထားတာတွေကြောင့် ဖြစ်ပါတယ်။ ဒီလိုနည်းနဲ့ ရခိုင်ပြည်နယ်က စ လိုက်တဲ့ အကြမ်းဖက်မီး မိတ္တီလာ၊ ပဲခူးတိုင်း၊ ရှမ်းပြည်နယ်၊ ရန်ကုန်တိုင်း၊ မကွေးတိုင်းနဲ့ အခုနောက်ဆုံး မန္တလေး ရွှေမြို့တော်အထိ မရပ်မနား ကူးစက် လောင်ကျွမ်းခဲ့ပါတယ်။

    ဘယ်လိုပဲဖြစ်ဖြစ် အခု မန္တလေး ဇတ်လမ်းအစ အဖြစ်မှန်ပေါ်လာပါပြီ။ အာဏာပိုင်တွေအနေနဲ့ ဒီလို ပြသနာမျိုး နောက်ထပ် ဖြစ်ပေါ်မလာရလေအောင် ကာကွယ်တားဆီးရမယ့် အပြင် လီဆယ် တိုင်တန်းသူကို ဥပဒေ အရပဲ အရေးယူရပါမယ်။ သူ့ကြောင့် အကြမ်းဖက်မှုတွေ ဖြစ်ပွားတယ်လို့ ၀ါဒဖြန့်ပြီး တရားလွန် အပစ်ပေးတာမျိုး ခုတ်ရာတခြား၊ ရှရာတလွဲ ဖြစ်အောင် မလုပ်သင့်ပါဘူး။ ပုံမှန် တရားဥပဒေအတိုင်း စီရင်ရပါမယ်။

    အလားတူ စွပ်စွဲခံရတဲ့၊ နစ်နာသွားတဲ့ လဖက်ရည်ဆိုင် ပိုင်ရှင်တွေ သူတို့ အလုပ် သူတို့ ဆက်လုပ်နိုင်အောင် အာဏာပိုင်တွေက အပြည့်အ၀ အကာအကွယ်ပေး တာဝန်ယူရပါမယ်။ အပြစ်မရှိတဲ့ နိုင်ငံသားတွေကို အစိုးရက အကာအကွယ်ပေးတာမျိုး ဖြစ်ပါတယ်။ အရင် စစ်အာဏာရှင်တွေဟာ နိုင်ငံတော်က ဦးဆောင်တဲ့ အကြမ်းဖက်မှုလို့ ဆိုနိုင်တဲ့ ဒီပဲရင်း လို အကြမ်းဖက်မှုမျိုး ကျူးလွန်ခဲ့တဲ့ အမဲစက် စွန်းထင်းခဲ့ဖူးပါတယ်။ လက်ရှိ သမ္မတ ဦးသိန်းစိန်ကတော့ အဲလို အခြေအနေမျိုး မဖြစ်အောင် ရှောင်ရှားလိုတယ်ဆိုရင် အမုန်းတရား ဖြန့်ဖြူးနေတဲ့ ကိစ္စတွေ စပြီး ကိုင်တွယ်ပါ၊ အကြမ်းဖက်ဖို့ လှုံ့ဆော်သူတွေ၊ အကြမ်းဖက်သူတွေကို ထိထိရောက်ရောက် အရေးယူပါ၊ နောက်နောင် မဖြစ်ပွားအောင် နည်းပေါင်းစုံနဲ့ ကာကွယ်ဖို့ စပြီး ပြင်ဆင်ပါ၊ စာနယ်ဇင်း သတင်းသမားတွေကို တကယ့် တိုင်းပြည်ဖျက်မယ့် ရန်သူကြီးတွေ သဖွယ် ဖိနှိပ်ရန်ရှာနေတာတွေကို ရပ်ပါတော့လို့သာ မေတ္တရှေ့ထား၊ တိုက်တွန်း ပြောကြားလိုက်ရပါတယ်။

    စည်သူအောင်မြင့်။
    https://www.facebook.com/sithu.aungmyint/posts/303850966464377

  • ဟုတ်ပါ့မလား မောင်ကာဠုရယ်

    ဟုတ်ပါ့မလား မောင်ကာဠုရယ်

    ဇူလိုင် ၂၁ ၊ ၂၀၁၄
    M-Media
    .ဆောင်းပါးရှင် – မောင်သမာဓိ
    Report of Home affair Ministry
    စာရှုသူ အနေဖြင့် ပထမဦးစွာ ယနေ့ (၂၀ ဇူလိုင်၂၀၁၄) ထုတ် သတင်းစာများတွင် ဖေါ်ပြ ပါရှိသော ပြည်ထဲရေး ဝန်ကြီးဌာန၏ မန္တလေး ပဋိပက္ခ ဖြစ်စဉ်အမှန်၊ အများ ပြည်သူသို့ သတင်းထုတ်ပြန်ချက်ကို ဦးစွာ ပထမ ဖတ်ရှုပြီးမှ ယခုသုံးသပ်ချက်ကို ဖတ်စေချင်ပါသည်။

    ပြည်ထဲရေး ဝန်ကြီးဌာန သတင်းထုတ်ပြန်ချက် ဒီနေရာတွင်ဖတ်ပါ။

    (၁) ဘဝတွင် တစ်ခါမျှ မဆုံခဲ့ဘူးသော အမျိုးသားနှင့် အမျိုးသမီး မုဒိမ်းမှုဖြစ်ပွား။

    ဆန်းကဖီးတွင် မည်သည့်အခါကမှ အလုပ်လုပ်ကိုင်ခဲ့ဘူးခြင်း မရှိသော မစိုးစိုး (ခ) ဖြူဖြူမင်း (ခ) ကတုံးမ (၃၀) နှစ် ဆိုသူက ဆန်းကဖီး ပိုင်ရှင် ညီအစ်ကို နှစ်ဦးသည် ၎င်းအား အဓမ္မ သားမယားပြုကျင့် ပါ သည်ဟု ပျဉ်းမနား ရဲစခန်းတွင် အောင်မြင်စွာ အမှုဖွင့်နိုင်ခဲ့သည့် ဖြစ်စဉ်သည် ပျဉ်းမနား ရဲဌာနနှင့် စခန်းမှူး အား ပြည်သူလူထုကို ဥပဒေဖြင့် အကာအကွယ် ပေးနိုင်မှု အလွန်အားနည်းကြောင်း ထုတ်ဖေါ်ပြောဆိုသကဲ့သို့ ဖြစ်စေပါသည်။

    ဖြူဖြူမင်း (ခ) ကတုံးမ သည် မစိုးစိုး အမည်ခံ၍ ပျဉ်းမနား ရဲစခန်းတွင် အမှုဖွင့်ရာ မှတ်ပုံတင် တောင်း ကြည့်လိုက်ရုံမျှနှင့် မိနိုင်သော လီဆယ်မှုကို ပျဉ်းမနား အမှုစစ် အရာရှိ အငိုက်မိသွားသည်မှာ အလွန် ရှက်စရာ ကောင်းပါသည်။

    (၂) ဂေါ့ဖါးသား တစ်ဦးကဲ့သို့ အစွမ်းထက်သော ဟာဂျီထွန်းထွန်း။

    ကြက်ခြံအလုပ်သမ မကေသီခိုင် (ခ) ချယ်ရီသိန်းကို သားမယားပြုကျင့်မှုဖြင့် စစ်ကိုင်းမြို့မရဲစခန်း၊ (ပ) ၂၈၁/၂၀၁၄၊ ပြစ်မှုဆိုင်ရာဥပဒေပုဒ်မ ၃၇၆ အရ ၁၇-၅-၂၀၁၄ ရက်နေ့တွင် အရေးယူခံထားရသော ဟာဂျီ ထွန်းထွန်း ဆိုသူသည် မစိုးစိုး (ခ) ဖြူဖြူမင်း (ခ) ကတုံးမမှ ဆန်းကဖီး ညီအစ်ကို နှစ်ဦးကို ပျဉ်းမနား ရဲစခန်း တွင် ၂၉-၆-၂၀၁၄ ရက်နေ့၌ မုဒိမ်းမှု လီဆယ် ဖွင့်နိုင်အောင် ကြားလူများဖြစ်သော ရဲထွဋ်နှင့် နုနုမြတ်တို့ အကူအညီဖြင့် ဆောင်ရွက်နိုင်ခဲ့သည်ဟု ဆိုရာ တကယ်ကျူးလွန်ခဲ့သည့် မုဒိမ်းမှုကြောင့် မည်သို့မျှ အာမခံ မရနိုင်သော (non-bailable)အမှု တရားခံ ဟာဂျီထွန်းထွန်းသည် အချုပ်၊ အနှောင် အတွင်းမှ စီစဉ်ခြင်းဖြစ်ရာ ဂေါ့ဖါးသား တစ်ဦးသဖွယ် ဖြစ်နေသောကြောင့် အချုပ်နှင့် အကျဉ်းထောင်တို့တွင် လုံခြုံရေး အားနည်းနေ ကြောင်း ထုတ်ဖေါ်ပြောရာ ကျသဖြင့် ပြည်ထဲရေး ဝန်ကြီးဌာနကိုသာ သိက္ခာကျဆင်းစေပါသည်။

    ဤနေရာတွင် မှိတ်ကွက် တစ်ခုမှာ ဟာဂျီထွန်းထွန်းသည် ရမာန်နှင့် တရားရင်ဆိုင်ဆဲ သို့မဟုတ် တရားရုံးမှ စီရင်ချက်ချပြီး၊ မပြီး ရှင်းလင်းစွာ ဖေါ်ပြမထားဘဲ ပုဒ်မ ၃၇၆ အရ အရေးယူခံရသည်ဟုသာ ဖေါ်ပြထားပါသည်။

    ထို အဓိက ဇာတ်ကောင် ဟာဂျီထွန်းထွန်းဆိုသူ အမှန်တစ်ကယ်ရှိ၊ မရှိနှင့် ရှိပါက ဖြစ်ရပ်မှန် ဟုတ်၊ မဟုတ် CJ များမှ တစ်ချိန်ချိန်တွင် ဟာဂျီထွန်းထွန်းကို ရှာဖွေ၊ တွေ့ဆုံမေးမြန်း ဖေါ်ထုတ်နိုင်ပါသည်။

    (၃) ဖြူဖြူမင်း (ခ) ကတုံးမကို ပျဉ်းမနား ဆရာဝန်၏ ဆေးစစ်သည့် ရက်စွဲအား ဖျောက်ထားသည်။

    ရက်ကြာလျှင် ပြင်ပဒဏ်ရာများ ပျောက်ကွယ် သွားနိုင်သောကြောင့် မုဒိမ်းမှု မှန်သမျှ အမျိုးသမီးကို ပြုကျင့်ခံရသော ပြင်ပ ဒဏ်ရာရှိ၊ မရှိ ဆရာဝန်စစ်ချက်ကို ဖြစ်နိုင်သမျှ နေ့ချင်းပေါက် ရယူလေ့ရှိသည် ။

    ၂၉-၆-၂၀၁၄ ရက် တနင်္ဂနွေ နေ့တွင် ဖွင့်သော မုဒိမ်းမှုအတွက် နောက်တနေ့ ရုံးဖွင့်ရက်ဖြစ်သော တနင်္လာနေ့ (၃၀-၆-၂၀၁၄) တွင် အဓမ္မ ပြုကျင့် ခံထားရခြင်း မရှိကြောင်း မှုခင်းဆိုင်ရာ ဆေးပညာ စစ်ဆေးချက် ထွက်ရှိနေပါက ၁-၇-၂၀၁၄ ရက်နေ့တွင် မန္တလေး ပဋိပက္ခပေါ်ပေါက်စရာ အကြောင်းမရှိပါ။

    ထိုဆေးစာတွင် လက်မှတ်ထိုးထားသော ဆရာဝန်ကို သတင်းထောက် CJ များ အနေဖြင့် အင်တာ ဗျူးပြီး အတည်ပြုချက် ရယူနိုင်ပါသည်။

    (၄) သစ်ထူးလွင် အဖွနှင့် တိုက်ဆိုင်စွာ သမ္မတ မိန့်ခွန်း ၂ ရက် နောက်သို့ရွှေ့။

    လစဉ် ၁ ရက်နေ့တိုင်းပြောလေ့ရှိသော သမ္မတ မိန့်ခွန်းကို တိုက်ဆိုင်စွာ ရက်ရွှေ့၍ ဇုလိုင်လ အတွက် မိန့်ခွန်းကို ၃ ရက်နေ့မှ ထုတ် လွှင့်ခဲ့ပါသည်။ ထုံးစံ အတိုင်း မျက်ဖြေလင်္ကာ ရေးသွင်းသွားပါသည်။

    သစ်ထူးလွင် web site ကလည်း  ရုန်းရင်းဆံခတ် ဖြစ်ပေါ်စေရန်အတွက် ပိုမိုသေချာအောင် ဖြစ်စဉ်တွင် ပါဝင် သူများ၏ လူမျိုးနှင့် ကိုးကွယ်သည့် ဘာသာကို conflict Sensitive media ethics ကိုချိုးဖေါက်ပြီး (မူဆလင်၊ အစ္စလာမ်ဘာသာ) နှင့် (မြန်မာ၊ ဗုဒ္ဒဘာသာ) ဟူ၍ နှစ်ဆင့် ရေးသားဖေါ်ပြခဲ့ပါသည်။

    (၅) X2O သင်္ကြန်မဏ္ဍပ် ဗုံးခွဲမှုနှင့် ခပ်ဆင်ဆင်တူသည်။

    မန္တလေးပဋိပက္ခ ဖြစ်စဉ်ကို သတင်းထုတ်ပြမှုသည် X2O သင်္ကြန်မဏ္ဍပ် ဗုံးခွဲမှု ဖြစ်စဉ်ကို သတင်း ထုတ်ပြန်မှုနှင့် များစွာ ဆင်တူနေပါသည်။

    ပြည်ထဲရေးဝန်ကြီးဌာန၏ သတင်းထုတ်ပြန်ချက်နှင့် ကျနော်၏ သုံးသပ်ချက်ကို ဖတ်ရှုပြီးနောက် စာဖတ်သူအနေဖြင့် ဤထုတ်ပြန်ချက် မှန်၊ မှန် ဆုံးဖြတ်ရန်နှင့် CJ များမှ အတည်ပြုချက်များ ရရန်အတွက် သတင်းထောက် ရန်သာ ကျန်ပါတော့သည်။

    လေးစားစွာဖြင့်
    မောင်သမာဓိ
    ၂၀-၇-၂၀၁၄

  • မန္တလေးမှ အကြမ်းဖက်မှု စတင်ဖြစ်စေသည့် ဆန်းကဖီး မုဒိမ်းမှု သတင်း လိမ်လည်တိုင်ကြားမှုဖြစ် (အစိုးရသတင်း ထုတ်ပြန်ချက်)

    ဇူလိုင် ၂၀ ၊ ၂၀၁၄
    M-Media
    မူရင်း ၊ ကြေးမုံ မြန်မာအလင်း

    (1)_Wira_Thu_-_2014-07-02_02.37.56
    သစ်ထူးလွင်ဘလောဂ်မှ စတင်ခဲ့သည့် သတင်း ဦးဝီရသူ မှ ထပ်ဆင့် ဖြန့်ဝေခဲ့သည်။

    မန္တလေးမှ အကြမ်းဖက်မှု စတင်ဖြစ်ပေါ်စေသည့်  “ဆန်းကဖီး”  ပိုင်ရှင်များမှ သားမယားပြုကျင့်သည့်ဟု အမှုဖွင့်တိုင်ကြားမှုမှာ  လိမ်လည် လုပ်ကြံတိုင်ကြားမှုဖြစ်ကြောင်း ပြည်ထဲရေး ဝန်ကြိးဌာ၏ သတင်း ထုတ်ပြန်ချက်ကို ယနေ့ထုတ် ကြေးမုံနှင့် မြန်မာအလင်း သတင်းစာများမှာ ဖော်ပြပါရှိပါတယ်။ ထုတ်ပြန်ကြေညာချက် အပြည့်အစုံမှာ အောက်ပါ အတိုင်းဖြစ်ပါတယ်။

    မန္တလေးမြို့ တွင် ဖြစ်ပွားခဲ့သော ပဋိပက္ခများ စတင်ဖြစ်ပေါ်စေသည့် ဖြစ်စဉ် အများပြည်သူတို့ သတင်းအမှတ် သိရှိစေရန် သတင်းထုတ်ပြန်

    မန္တလေးမြို့ ချမ်းအေးသာစံမြို့နယ် (၂၈)လမ်း နှင့်(၈၂)လမ်းထောင့်ရှိ “ဆန်းကဖီး” လက်ဖက်ရည် ဆိုင်၌ ၁-၇-၂၀၁၄ ရက်နေ့တွင် ပဋိပက္ခအသွင် လူအုပ်စုစတင်ဖြစ်ပေါ်ခဲ့ပြီး လုံခြုံရေးပူးပေါင်း အဖွဲ့ဝင်များက ထိန်းသိမ်းဆောင်ရွက်ခဲ့သည်။

    လူအုပ်စုချင်း ပဋိပက္ခများဆက်လက်ဖြစ်ပွားခြင်း ကြောင့် လူနှစ်ဦးသေဆုံးပြီး ၁၄ ဦး ဒဏ်ရာရရှိကာ အဆောက်အအုံများနှင့် မော်တော်ယာဉ်များ ဖျက်ဆီး ခံရပြီး တည်ငြိမ်အေးချမ်းရေးထိန်းသိမ်းရန် လိုအပ် လာသဖြင့် ၄-၇-၂၀၁၄ ရက်နေ့တွင် မြို့နယ် (၇)မြို့နယ်၌ ပြစ်မှုဆိုင်ရာကျင့်ထုံးဥပဒေပုဒ်မ ၁၄၄ထုတ်ပြန်၍ ထိန်းသိမ်းခဲ့သည်။

    ထိုသို့ဖြစ်ပွားရခြင်းသည် နေပြည်တော် ပျဉ်းမနား မြို့တွင် မြန်မာအမျိုးသမီးတစ်ဦးအား အခြားဘာသာဝင် ညီအစ်ကိုနှစ်ဦးက သားမယားအဖြစ် အဓမ္မပြုကျင့်ကြောင်းသတင်းကို ဇွန် ၃၀ ရက် အင်တာနက်၊ လူမှုကွန်ရက်စာမျက်နှာများ၌ စတင် ဖော်ပြရာမှ လူအုပ်စုဖြင့် ပဋိပက္ခများစတင်ဖြစ်ပွား ခဲ့ခြင်းဖြစ်သည်။

    မှုခင်းဖြစ်ရပ်မှာ ၂၈-၆-၂၀၁၄ ရက်နေ့ ည ၁၀ နာရီတွင် မန္တလေးမြို့ (၂၈)လမ်းနှင့် (၈၂) လမ်းထောင့်ရှိ “ဆန်းကဖီး” လက်ဖက်ရည်ဆိုင်၌ ဆိုင်ဝန်ထမ်း မစိုးစိုး(၂၅)နှစ် ဗန္ဓုလရပ်ကွက် ဘုတလင်မြို့နယ်နေသူသည် ဆိုင်ပိတ်သိမ်းနေစဉ် ဆိုင်ရှင်ဖြစ်သူ ဆန်းမောင်(၄၄)နှစ် (ဘ) ဦးမောင်မောင်အောင်မြေသာစံမြို့နယ် မေဃဂီရိရပ်ကွက် လေလာဝန်းအကွက်အမှတ်(၁၄၆)နေသူနှင့် ယင်း၏ အစ်ကို နေဝင်း(၄၅)နှစ် (ဘ) ဦးမောင်မောင် အောင်မြေသာစံမြို့နယ် ပုလဲငွေရောင်ရပ်ကွက် ကွက်အမှတ်(၁၄၇) နေသူတို့ နှစ်ဦးက အမျိုးအစားနှင့်ယာဉ်အမှတ် မမှတ်မိသည့် အဖြူရောင်ယာဉ်ဖြင့် နေပြည်တော်တွင် လက်ဖက်ရည်ဆိုင် အသစ်ဖွင့်မည်ဖြစ် ကြောင်းနှင့် အလုပ်လုပ် ရမည်ဟု ပြောဆိုခေါ်ဆောင် ပြီး၂၉-၆-၂၀၁၄ ရက်နေ့ နံနက် ၃ နာရီခန့်တွင် ပျဉ်းမနားမြို့ ယောက်သွားအင်းအုပ်စု ပျဉ်းမနား-တောင်ညိုကားလမ်း တော်ဝင်နန်း စားသောက်ဆိုင်အနီး ကားလမ်းဘေး၌ ကားကိုရပ်၍ ညီအစ်ကိုနှစ်ဦးက ၄င်းအား သားမယား အဖြစ်ပြုကျင့်၍ တိမ်းရှောင်သွားကြောင်း တရားလို မစိုးစိုး၏ တိုင်ကြားချက်အရ ယင်းနေ့ည ၇ နာရီခွဲတွင် ပျဉ်းမနား မြို့မရဲစခန်း (ပ)၂၉၃/၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ ဖြင့် အမှုဖွင့်အရေးယူခဲ့မှုဖြစ်သည်။

    အဆိုပါအမှုအား မြန်မာနိုင်ငံရဲတပ်ဖွဲ့၊ မှုခင်းရဲတပ်ဖွဲ့ က စစ်ဆေးခဲ့ရာ တရားလိုမစိုးစိုး၏ တိုင်ကြားချက်ပါ ယင်း၏ကိုယ်ရေး အချက်အလက်များ၊ “ဆန်းကဖီး”တွင် အလုပ်လုပ်ကိုင်ခဲ့ခြင်းနှင့် စပ်လျဉ်းသည့်အခြေအနေများ၊ အတူတကွ အလုပ်လုပ်ခဲ့သည် ဆိုသော တောင်သာမြို့နယ်မှ အလုပ်သမားများ၊ ယခင်က အလုပ်လုပ်ကိုင်ခဲ့ဖူးကြောင်း ထွက်ဆိုခဲ့သည့် လားရှိုး၊ မူဆယ်နှင့် နမ့်ခမ်းမြို့များသို့ အသေးစိတ်စုံစမ်းစစ်ဆေးခဲ့သည်။ စစ်ဆေးချက်များအရ ၄င်း၏အမည်ရင်းမှာ ဖြူဖြူမင်း (ခ) ကတုံးမ (၃၀)နှစ်ဖြစ် ကြောင်း၊ အဖအမည်မှန်မှာ ဦးအောင်မင်း (ကွယ်လွန်) ဖြစ်ကြောင်း၊ မွေးရပ်ဇာတိမှာ မန္တလေးမြို့ ချမ်းအေးသာစံ မြို့နယ်ဖြစ်ကြောင်း၊ “ဆန်းကဖီး”တွင် အလုပ်လုပ်ကိုင်ခဲ့ ဖူးခြင်း မရှိကြောင်း၊ မှုခင်းဆိုင်ရာဆေးပညာနှင့် ဓာတုဗေဒ ဆိုင်ရာစစ်ဆေးချက်များအရလည်း ယင်းအပေါ် အဓမ္မ ပြုကျင့်ခံထားရသည့် လက္ခဏာနှင့် ပြင်ပဒဏ်ရာများလည်း မရှိကြောင်း စစ်ဆေးပေါ်ပေါက်ခဲ့သည်။ ထို့ကြောင့် ယင်းအားအသေးစိတ် ဆက်လက်စစ်ဆေးခဲ့ရာ ကိုယ်တိုင် ဝန်ခံချက်အရ ရဲထွဋ် (ခ) သူရရဲထွဋ်နှင့် နုနုမြတ်တို့၏ ငွေပေး၍ခိုင်းစေမှုအရ ဆန်းမောင်နှင့် နေဝင်းတို့က ယင်း အပေါ်သားမယားအဖြစ်ပြုကျင့်ကြောင်းဖြင့် ပျဉ်းမနားရဲစခန်းတွင် လီဆယ်အမှုဖွင့်ခဲ့ခြင်းဖြစ်ကြောင်း ပေါ်ပေါက်သည်။

    မှုခင်းဆိုင်ရာစစ်ဆေးချက်များအရ မစိုးစိုးအမည်ခံ၍ လီဆယ်တိုင်ကြားသူ ဖြူဖြူမင်း (ခ) ကတုံးမသည် ၂၀ဝ၇ ခုနှစ် ဖေဖော်ဝါရီလအတွင်း အဘ ဦးကျော်ဆန်း- အမိ ဒေါ်မာလာတို့၏သား မင်းသူရဇော် (ခ) နိုမိုဟာမက်နှင့် အိမ်ထောင်ကျခဲ့ကြောင်း၊ ၂၀၁၃ ခုနှစ် စက်တင်ဘာလတွင် ခင်ပွန်းဖြစ်သူမှာ မူးယစ်ဆေးဝါးမှုဖြင့် တရားရုံးတွင် ရင်ဆိုင်နေရစဉ် အမှုမှလွတ်မြောက်ရေးကူညီပေးသူ ရဲထွဋ် (ခ) သူရရဲထွဋ်နှင့် နုနုမြတ်တို့အား ရင်းနှီးခဲ့ကြောင်း၊ အမှု အား ၁၀-၄-၂၀၁၄ ရက်နေ့တွင် မန္တလေးခရိုင် တရားရုံးကတရားခံ မင်းသူရဇော် (ခ) နိုမိုဟာမက်အပေါ် ထောင်ဒဏ် ၁၆ နှစ်နှင့် ပူးတွဲ တရားခံ မင်းသူရဇော် (ခ) နိုမိုဟာမက်၏အဒေါ် ခင်မာလွင်နှင့် နီနီဌေးတို့ အပေါ် ထောင်ဒဏ် ၁၂ နှစ်စီ ပြစ်ဒဏ်ချမှတ်ခဲ့ကြောင်း သိရသည်။ ထိုသို့ ပြစ်ဒဏ် ချမှတ်ခံရမှုအပေါ် ခင်မာလွင်၏ခင်ပွန်း ခင်မောင်ထွေး (ခ) ကိုထွေး၊ ရဲထွဋ် (ခ) သူရရဲထွဋ်နှင့် မင်းသူရဇော် (ခ) နိုမိုဟာမက်၏မိခင် ဒေါ်မာလာတို့က မကျေနပ်၍ တရားရုံးအတွင်း အော်ဟစ် ဆဲဆိုခြိမ်းခြောက်မှုများပြုလုပ် ခဲ့ခြင်းကြောင့် မန္တလေးခရိုင်တရားရုံးမှ စာရေးဦးတင်မောင်ဝင်းကတရားလို ပြုလုပ်တိုင်ကြားသဖြင့် အမှတ်(၃)ရဲစခန်း (ပ)၁၄၉/၂၀၁၄၊ ပြစ်မှုဆိုင်ရာ ဥပဒေပုဒ်မ ၂၉၄/၅၀၆/၃၅၃ အရ အမှုဖွင့်အရေးယူခံရကာ ချမ်းအေးသာစံမြို့နယ် တရားရုံးတွင် စစ်ဆေးနေဆဲဖြစ်သည်။

    ထိုသို့ပြန်လည် အမှုဖွင့်အရေးယူခံရမှုအပေါ် ခင်မောင်ထွေး(ခ)ကိုထွေး၊ ရဲထွဋ်(ခ)သူရရဲထွဋ်နှင့် ဒေါ်မာ လာတို့က မကျေနပ်သဖြင့် မန္တလေးခရိုင်တရားရုံးမှ စာရေး ဦးတင်မောင်ဝင်းက ဟေမာကျော်အား သားမယားအဖြစ်ပြု ကျင့်ကြောင်း လီဆယ်တိုင်တန်းရန် စီစဉ်ခဲ့ပြီး ၂၁-၅-ကျော်တို့အား နေအိမ်သို့ခေါ်ယူ၍ လီဆယ်တိုင်ကြားမည့် အစီအစဉ်ကို သင်ကြားပေးခဲ့ကြောင်း၊ ယင်းနေ့ နေ့လယ်ပိုင်းတွင် ခင်မောင်ထွေး(ခ)ကိုထွေး၊ ဒေါ်မာလာနှင့်၎င်း၏ သမီး ဖြူမ(ခ) ဖြူဖြူဇော်၊ ဟေမာကျော်တို့သည် မော်တော် ယာဉ်ဖြင့် ပြင်ဦးလွင်သို့ သွားရောက်ပြီး ဟေမာကျော်အား လီဆယ်တိုင်ကြားမည့် ဖြစ်စဉ်နှင့်သက်ဆိုင်သည့် လက်ဖက်ရည်ဆိုင်၊ တည်းခိုခန်းနှင့် စတိုးဆိုင်တို့အားပြသခဲ့ကြောင်း၊ ထို့နောက် ဒေါ်မာလာ၊ ဖြူမ(ခ)ဖြူဖြူဇော်နှင့်ဟေမာကျော်တို့သည် ပြင်ဦးလွင်မြို့မရဲစခန်းသို့ သွားရောက်ပြီး ရဲထွဋ်(ခ)သူရရဲထွဋ်နှင့် နုနုမြတ်တို့သင်ကြား ပေးသည့်အတိုင်း ပုလဲတည်းခိုခန်းတွင် ဦးတင်မောင်ဝင်းက ၄င်းအားသားမယား အဖြစ်ပြုကျင့်ခဲ့ကြောင်းဖြင့် ဟေမာကျော်က တရားလိုပြုလုပ်၍ လီဆယ်တိုင်ကြားခဲ့ရာ ပြင်ဦးလွင်မြို့မရဲစခန်း(ပ)၁၀၇/၂၀၁၄၊ ပြစ်မှုဆိုင်ရာ ဥပဒေပုဒ်မ ၃၇၆ ဖြင့် ဦးတင်မောင်ဝင်းအပေါ် အမှုဖွင့်အရေးယူ ခဲ့သည်။

    ထို့ပြင် ရဲထွဋ်(ခ)သူရရဲထွဋ်နှင့် နုနုမြတ်တို့သည်မန္တလေးမြို့ စစ်ကိုင်းလမ်းခွဲနေ ဟာဂျီထွန်းထွန်းဆိုသူနှင့်ရင်းနှီးမှုရှိပြီး ဟာဂျီထွန်းထွန်းနှင့် “ဆန်းကဖီး”ပိုင်ရှင်ဆန်းမောင်၊ “နေကဖီး” ပိုင်ရှင် နေဝင်းတို့မှာလည်း လူမှုရေးပြဿနာများကြောင့် မှုခင်းများအပြန်အလှန်ဖြစ်ပွားမှုများ ရှိကြောင်း စစ်ဆေးသိရှိရသည်။ ဟာဂျီထွန်းထွန်းသည် ၄င်းကြက်ခြံမှ အလုပ်သမား မကေသီခိုင်(ခ)ချယ်ရီသိန်း(၂၇)နှစ်(ဘ)ဦးရဲမြင့်အား ၉-၅-၂၀၁၄ ရက်နေ့တွင်စစ်ကိုင်းမြို့တည်းခိုခန်း၌ သားမယားအဖြစ်ပြုကျင့်ကြောင်းတိုင်ကြားခံရသဖြင့် ၁၇-၅-၂၀၁၄ ရက်နေ့တွင် စစ်ကိုင်း မြို့မရဲစခန်း(ပ)၂၈၁/၂၀၁၄၊ ပြစ်မှုဆိုင်ရာဥပဒေပုဒ်မ ၃၇၆အမှုဖြင့် အရေးယူခံရသည်။ ယင်းသို့ အရေးယူခံရမှု အပေါ် ဆန်းမောင်နှင့်နေဝင်း တို့က သွေးထိုးမြှောက်ပင့်ခဲ့သည်ဟု ဟာဂျီထွန်းထွန်းက ယူဆယုံကြည်ခဲ့သည်။ ထို့နောက် ဟာဂျီထွန်းထွန်းသည် ဆန်းမောင်နှင့် နေဝင်းတို့ အပေါ် ပြစ်ဒဏ်ကြီးစွာရရှိနိုင်သည့် အမှုတစ်ခုဖြင့် လီဆယ်တိုင်ကြားနိုင်ရေးအတွက် ရဲထွဋ်(ခ)သူရရဲထွဋ်ထံ အကူအညီတောင်းခံခဲ့သည်။ ရဲထွဋ်(ခ)သူရရဲထွဋ်နှင့် နုနုမြတ်တို့က ခင်ပွန်းဖြစ်သူ မူးယစ်ဆေးဝါးမှုဖြင့်ထောင် ကျပြီး ငွေကြေးလိုအပ်နေသူ ဖြူဖြူမင်း(ခ) ကတုံးမအား အသုံးချ၍ သားမယားပြုကျင့်မှုဖြင့် လီဆယ်တိုင်ကြားရန် စီစဉ်ခဲ့သည်။ ဇွန်လအတွင်း၌ ရဲထွဋ်(ခ) သူရရဲထွဋ်နှင့် နုနုမြတ် တို့သည် ဖြူဖြူမင်း(ခ)ကတုံးမအား မန္တလေးမြို့ရှိ ၄င်းတို့၏ နေအိမ်သို့ခေါ်ယူနေထိုင်စေကာ သားမယား ပြုကျင့်သည့် လုပ်ကြံဖြစ်စဉ်ကို အသေးစိတ်ဇာတ်လမ်းဆင် သင်ကြားပေးခဲ့ပြီး အောင်မြင်ပါက ဖြူဖြူမင်း(ခ)ကတုံးမ အား ငွေကျပ် ၁၀ သိန်းပေးမည်ဟု သွေးဆောင်စည်းရုံး ခဲ့ကြောင်း စစ်ဆေးပေါ်ပေါက်သည်။

    ထို့နောက် ဖြူဖြူမင်း(ခ)ကတုံးမ၊ ရဲထွဋ်(ခ)သူရရဲ ထွဋ်၊ နုနုမြတ်၊ ဖြူဖြူဇော်(ခ)ဖြူမတို့သည် ဆန်းမောင်နှင့်နေဝင်းတို့အပေါ် သားမယားအဖြစ်ပြုကျင့်မှုဖြင့် လီဆယ် အမှုဖွင့်ရန် ၂၈-၆-၂၀၁၄ ရက်နေ့ ညပိုင်းတွင် ပျဉ်းမနားသို့ ရဲထွဋ်(ခ) သူရရဲထွဋ်၏ တိုရိုတာမတ်တူးယာဉ်ဖြင့် အမြန်လမ်းမကြီးအတိုင်း သွားရောက်ခဲ့ကြောင်း၊ ပျဉ်းမနားသို့ရောက်ရှိပြီး ရွှေတောင်တည်းခိုခန်းတွင် တည်းခိုခဲ့ကြောင်း၊သားမယားအဖြစ်ပြုကျင့်ခံရသည်ဟု လုပ်ကြံဖော်ပြမည့်နေရာနှင့် ပျဉ်းမနားမြို့၏အနေအထားကို ရဲထွဋ်(ခ)သူရရဲထွဋ်နှင့် နုနုမြတ်တို့က မော်တော်ယာဉ်ဖြင့် လိုက်လံပြသခဲ့ကြောင်း၊ ၂၉-၆-၂၀၁၄ ရက်နေ့ နေ့လယ်ပိုင်း တွင်ဖြူဖြူမင်း(ခ)ကတုံးမအား ငွေကျပ် ၂၅၀ဝ၀ ပေး၍ ပျဉ်းမနားမြို့မြင်းရတနာရုပ်တုအနီးတွင်ထားခဲ့ပြီး မန္တလေးသို့ပြန်သွားခဲ့ကြောင်း သိရသည်။ ဖြူဖြူမင်း(ခ)ကတုံးမသည် ဆိုင်ကယ်ကယ်ရီဖြင့် ပျဉ်းမနားရဲစခန်းသို့ သွားရောက်ကာ မစိုးစိုးအမည်ခံ၍ နေဝင်းနှင့် ဆန်းမောင်တို့က ၄င်းအားသားမယား အဖြစ်ပြုကျင့်ကြောင်း လီဆယ်တိုင်ကြားခဲ့သည်ကိုစစ်ဆေးပေါ်ပေါက်သည်။

    ဖြူဖြူမင်း(ခ)ကတုံးမသည် ရဲထွဋ်(ခ) သူရရဲထွဋ်နှင့် နုနုမြတ်တို့၏ စည်းရုံးသင်ကြားပေးမှုအရ ဆန်းမောင်နှင့်နေဝင်းတို့က ယင်းအား သားမယားအဖြစ်ပြုကျင့်ကြောင်း လီဆယ်တိုင်ကြားခဲ့ရခြင်းဖြစ်သည်ကို အမှုစစ်ရဲအရာရှိထံ ဝန်ခံထွက်ဆိုခဲ့သည်။ ထို့နောက် ၉-၇-၂၀၁၄ ရက်နေ့ တွင် ပျဉ်းမနားမြို့နယ်တရားရုံး၌ ပြစ်မှုဆိုင်ရာကျင့်ထုံး ဥပဒေပုဒ်မ ၁၆၄/၃၆၄ အရ ထိုသို့လီဆယ်အမှုတိုင်ကြား ခဲ့ရသည့် ဖြစ်စဉ် အပြည့်အစုံကို ဖြူဖြူမင်း(ခ)ကတုံးမကဖြောင့်ဆိုချက်ပေးခဲ့၍ ပျဉ်းမနားမြို့နယ် တရားရုံးမှပြစ်မှုသေးအမှတ်၊ ၁၂၂/၂၀၁၄ ဖြင့်လက်ခံခဲ့သည်။ ထို့ပြင် ပျဉ်းမနားနှင့်ပြင်ဦးလွင်တို့တွင် တိုင်ကြားခဲ့သည့် သားမယားအဖြစ်ပြုကျင့်မှုများမှ ဟေမာကျော်၏ ဦးလေးတော်စပ်သူ ခင်မောင်ထွေး(ခ)ကိုထွေး၊ ဆက်စပ်သက်သေ ဇင်မင်းထွန်း(ခ)ဇင်လေးနှင့်ဖိုးခွား (ခ)ပြားကြီး(ခ)တင်မင်းထက်တို့ကလည်း ယင်းအမှုများသည် လီဆယ် တိုင်ကြားခြင်းသာဖြစ်ကြောင်း ချမ်းမြသာစည်မြို့နယ် တရားရုံး၌ ပြစ်မှုဆိုင်ရာကျင့်ထုံးဥပဒေပုဒ်မ ၁၆၄ အရကြိုတင်ထွက်ဆိုချက်များပေးခဲ့ကြသည်။

    မြန်မာနိုင်ငံရဲတပ်ဖွဲ့၊ မှုခင်းရဲတပ်ဖွဲ့သည် စစ်ဆေးပေါ်ပေါက်ချက်များနှင့် ပြည်ထောင်စုရှေ့နေချုပ်ရုံး၏ ဥပဒေ အကြံပြုချက်အရ စိုးစိုး(ခ)ကတုံးမက တိုင်ကြားခဲ့သော ပျဉ်းမနားမြို့မရဲစခန်း (ပ)၂၉၃/၂၀၁၄၊ ပြစ်မှုဆိုင်ရာဥပဒေ ပုဒ်မ ၃၇၆ အမှုအား ၁၇-၇-၂၀၁၄ ရက်နေ့တွင် လီဆယ်မှုဖြင့်ပိတ်သိမ်းပြီး လီဆယ်တိုင်တန်းသူဖြူဖြူမင်း(ခ)ကတုံးမ(ဖမ်းမိ)နှင့် ထိုသို့လီဆယ်တိုင်တန်းရ န်ညွှန်ကြားစီစဉ်သူ နုနုမြတ်(ဖမ်းမိ)၊ ရဲထွဋ်(ခ)သူရရဲထွဋ် (တိမ်းရှောင်)တို့အပေါ် ဥပဒေနှင့်အညီ အရေးယူဆောင် ရွက်လျက်ရှိသည်။ အလားတူ ပြင်ဦးလွင်မြို့မရဲစခန်း(ပ) ၁၀၇/၂၀၁၄၊ ပြစ်မှုဆိုင်ရာဥပဒေ ပုဒ်မ ၃၇၆ အမှုကိုလည်း စစ်ဆေးပေါ်ပေါက်ချက်နှင့် ပြင်ဦးလွင်ခရိုင် ဥပဒေရုံး၏ ဥပဒေအကြံပြုချက်အရ ၁၈-၇-၂၀၁၄ ရက်နေ့တွင်လီဆယ်မှုဖြင့် ပိတ်သိမ်းခဲ့ပြီး လီဆယ်တိုင်တန်းသူ ဟေမာကျော် (တိမ်းရှောင်)နှင့်ဒေါ်မာလာ(တိမ်းရှောင်)တို့အပေါ် ဥပဒေနှင့်အညီ အရေးယူရန် ဆောင်ရွက်လျက်ရှိသည်။

    ထို့သို့ ပျဉ်းမနားမြို့တွင် လီဆယ်တိုင်ကြားခဲ့သော အမှုကို အကြောင်းပြု၍ မန္တလေးမြို့၌ ၁-၇-၂၀၁၄ ရက်နေ့မှ စတင်ဖြစ်ပွားခဲ့သည့် လူအုပ်စုချင်း ပဋိပက္ခဖြစ်စဉ်များတွင် ဥပဒေနှင့်အညီ အရေးယူဆောင်ရွက်မှုများ ပြုလုပ်ခဲ့ရာလူသတ်မှု၊ နာကျင်စေမှု၊ မီးရှို့မှု၊ ဘာသာရေး အဆောက်အအုံများဖျက်ဆီးမှု၊ ရုန်းရင်းဆန်ခတ်မှု၊ ငြိမ်ဝပ်ပိပြားရေးကိုပျက်ပြားစေရန်သွေးထိုးလှုံ့ဆော်မှု၊ လက်နက်မှုနှင့် ရဲအက်တို့ဖြင့် အမှုပေါင်း ၁၉ မှု အရေးယူနိုင်ခဲ့ပြီး တရားခံ ၄၉ ဦးဖမ်းဆီးရမိကာ တရားခံရှစ်ဦးမှာ ထွက်ပြေးတိမ်းရှောင် လျက်ရှိသည်။

    ပြစ်မှုဆိုင်ရာ ကျင့်ထုံးဥပဒေပုဒ်မ ၁၄၄ အရ ထုတ်ပြန်ထားသောအမိန့်ကို ချိုးဖောက်သဖြင့် ပညာပေး၍ ခံဝန်ချုပ်ဖြင့်ပြန်လည်စေလွှတ်သူ ၁၅၇ ဦး၊ ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူမှုမှာ ၁၇-၇-၂၀၁၄ ရက်နေ့ထိ အမှုပေါင်း ၃၄၉ မှု၊ အရေးယူခံရသူပေါင်း ၈၃၄ ဦးဖြစ်သည်။ ကျူးလွန်ခဲ့သောတရားခံများနှင့်ဆက်စပ်ပါဝင်သူများကို ဥပဒေအရ အရေးယူရန် ဆက်လက်စစ်ဆေးဖော်ထုတ်လျက်ရှိပြီး အများပြည်သူတို့ သတင်းအမှန်သိရှိစေရန်အတွက် ဆက်လက်ထုတ်ပြန် သွားမည်ဖြစ်သည်။

    ပြည်ထဲရေးဝန်ကြီးဌာန

  • မန္တလေး နေကဖေးပိုင်ရှင်များ မုဒိန်းမှုမှာ လိမ်လည်လီဆယ် လုပ်ကြံ တိုင်တန်းမှုဖြစ်၍ အမှုပိတ်သိမ်း

    ဇူလိုင် ၁၉၊ ၂၀၁၄
    M-Media
    သုတ

    Thit_Htoo_Lwin_-_2014-06-30_16.43.02
    ဇူလိုင်လဆန်းက မန္တလေးတွင် အကြမ်းဖက်မှု စတင်ဖြစ်ပွားစေရန် အကြမ်းဖက်သမားများက လှုံ့ဆော်ခဲ့သည့် ကိစ္စရပ်ဖြစ်သော မန္တလေး နေကဖေး ပိုင်ရှင်များက မုဒိန်းမှုကျူးလွန်သည်ဆိုသည်မှာ လိမ်လည်လီဆယ် လုပ်ကြံတိုင်တန်းခြင်းဖြစ်ကြောင်း
    အမှုမှန်ပေါ်ပေါက်ပြီဖြစ်ကြောင်း 88.9 FM က ယနေ့ညပိုင်းက ကြေညာ သွားသလို၊ ယနေ့ည ၈-နာရီ MRTV4 သတင်းတွင်လည်း ယင်းကိစ္စမှာ လိမ်လည်လီဆယ်တိုင်တန်းသည့်အမှုဖြစ်သည့် အတွက် ယင်းအမှုအား ပိတ်သိမ်းလိုက်ပြီဖြစ်ကြောင်း ကြေညာသွားခဲ့သည်ဟု သိရှိရသည်။
    (1)_Wira_Thu_-_2014-07-02_02.37.56
    အဆိုပါသတင်းကို သစ်ထူးလွင့် ဘလောဂ် မှ စတင် သတင်းတင်ခဲ့ပြိ့း  မန္တလေး မစိုးရိမ်ကျောင်းတိုက်မှ ၉၆၉ ဦးဆောင် ဆရာတော် ဦးဝီရသူတို့မှ အွန်လိုင်းစာမျက်နှာတွင် ဖြန့်ဝေရာမှ လှုံဆော်မှုများ ဖြစ်ပွားပြိး မန္တလေးမြိုတွင် အကြမ်းဖက်မှု ဖျက်ဆီးမှုများ ဖြစ်ပွားခဲ့ပြိး လူ ၂ ဦးသေဆုံးခဲ့ပါသည်။

    အဆိုပါကိစ္စနှင့်ပတ်သက်၍ နောက်ဆက်တွဲအခြေအနေကို M-Media မှ ထပ်မံစုံစမ်း တင်ပြသွားမည် ဖြစ်ပါသည်။

  • အစ္စလာမ် ဘာသာရေး အဖွဲ့ကြီးနှင့် မန္တလေးတိုင်း ဝန်ကြီးချူပ် ဒုတိယအကြိမ်တွေ့ဆုံ

    အစ္စလာမ် ဘာသာရေး အဖွဲ့ကြီးနှင့် မန္တလေးတိုင်း ဝန်ကြီးချူပ် ဒုတိယအကြိမ်တွေ့ဆုံ

    ဇူလိုင် ၁၅ ၊ ၂၀၁၄
    M-Media

    ယခုလဆန်းမှာ မန္တလေးမြို့မှာ ဖြစ်ပွားခဲ့တဲ့ ဖြစ်စဉ် တွေအတွက်  မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ တာဝန်ရှိသူတွေဟာ မန္တလေး တိုင်းဝန်ကြိးချူပ်နဲ့ ဒုတိယအကြိမ် တွေ့ဆုံခဲ့တဲ့ အကြောင်းကို အစ္စလာမ် ကောင်စီဌာနချူပ်မှ အောက်ဖော်ပြပါအတိုင်း သတင်း ထုတ်ပြန်ခဲ့ပါတယ်။

    ၁။ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ အောက်ဖော်ပြပါ တာဝန်ရှိ သူများသည် မန္တလေးမြို့သို့ သွားရောက်၍ (၁၃-၇-၂၀၁၄)ရက်နေ့ နံနက်(၉)နာရီတွင် မန္တလေးတိုင်းဒေသကြီးအစိုးရအဖွဲ့ ၀န်ကြီးချုပ် ဦးရဲမြင့်၊ လုံခြုံရေးဝန်ကြီး ဗိုလ်မှူးကြီး အောင်ကျော်မိုး စသည့် တိုင်းဒေသကြီး အစိုးရ အဖွဲ့ဝင်များနှင့် တွေ့ဆုံဆွေးနွေးခဲ့ပါသည်။

    (က) အလ်ဟာဂ်ျ မောင်လာနာ ဆွာလေ့ဟ် (ခ) ဦးစိုးသန်း ( အိုလမာအဖွဲ့ချုပ်)
    (ခ) အလ်ဟာဂ်ျ ဦးကျော်ငြိမ်း ( အိုလမာအဖွဲ့ချုပ်)
    (ဂ) ဦးဝဏ္ဏရွှေ (အစ္စလာမ်ကောင်စီဌာနချုပ်)
    (ဃ) အလ်ဟာဂ်ျ ဦးမြင့်ထွန်း (မ-မ-လဌာနချုပ်)
    (င) ဟာဂျီ ဦးကျော်ခင် (မ-အ-ဖဌာနချုပ်)
    (စ) ဦးကိုကိုလတ် (မ-အ-ဖဌာနချုပ်)

    ၂။ ထိုသို့ တွေ့ဆုံဆွေးနွေးရာတွင် ၀န်ကြီးချုပ် ဦးရဲမြင့်က မန္တလေးမြို့ တည်ငြိမ်အေးချမ်းရေး ဆောင်ရွက်ထားမှု အခြေအနေများကို ရှင်းလင်း တင်ပြပြီး ဘာသာပေါင်းစုံမှ မန္တလေးမြို့ တည်ငြိမ်အေးချမ်းရေး အတွက် ကူညီဆောင်ရွက်ကြပါရန် တိုက်တွန်းခဲ့ပါသည်။

    ၃။ ၄င်းနောက် မြန်မာနိုင်ငံလုံးဆိုင်ရာ အစ္စလာမ် ဘာသာရေး အဖွဲ့ကြီးမှ ဦးဝဏ္ဏရွှေ၊ ဟာဂျီ ဦးကျော်ခင်၊ အလ်ဟာဂ်ျ မောင်လာနာ ဆွာလေ့ဟ် (ခ) ဦးစိုးသန်း ၊ အလ်ဟာဂ်ျ ဦးမြင့်ထွန်းနှင့် အလ်ဟာဂ်ျ ဦးကျော်ငြိမ်းတို့က အောက်ဖော်ပြပါ အချက်များ တင်ပြ ဆွေးနွေးကြပါသည်။

    (က) မန္တလေးတိုင်းဒေသကြီးလွှတ်တော်သို့ ၀န်ကြီးချုပ် ဦးရဲမြင့်၏ တင်ပြချက်ကို သတင်းစာ အချို့တွင် ရေးသားဖော်ပြရာဝယ် မန္တလေးမြို့ ဂျွန်းဗလီ၌လက်နက်ခဲယမ်းများဖမ်းမိဟု ရေးသားထားခြင်းသည် ဖြစ်ရပ်မှန်နှင့် ကွဲလွဲလျက်ရှိသည့်အပြင် ဘာသာတစ်ခုခုနှင့်တစ်ခု နားလည်မှု လွဲမှားစေသော အရေးအသား ဖြစ်သဖြင့် ဖြစ်ရပ်မှန်အတိုင်း ပြန်လည် ပြင်ဆင် ပေးရန်။

    (ခ) မန္တလေးမြို့ (ကြာနီကန်) မွတ်စ်လင်မ် သုသာန် ပြန်လည် ပြင်ဆင်ခွင့်ပြုရန်။

    (ဂ) ရာဇ၀တ်မှုကျူးလွန်ခဲ့သူများကို ကျောသားရင်သား မခွဲဘဲ ဖော်ထုတ် အရေးယူ ပေးရန်။ (ဃ) မန္တလေးမြို့ရှိ အစ္စလာမ် သာသနာဝင်များ၊ ၄င်းတို့၏ နေအိမ် ဆိုင်ခန်းများနှင့် ဗလီဝတ်ကျောင်းတော်များကို လုံခြုံရေး ပြည့်ဝစွာ တာဝန်ယူပေးရန်။

    (င) တရားဥပဒေစိုးမိုးမှုပျက်ပြားနေချန်တွင် မိမိကိုယ်ကို ခုခံကာကွယ် င်ရန်အတွက် မိမိနေအိမ်တွင် တုတ်၊ ဓား၊ လေးခွ ဆောင်ထားခဲ့သူများကို အရေးယူမှု မပြုပါရန်။

    (စ) အစ္စလာမ်ဘာသာဝင်များ၏ ဥပုသ်သီတင်းကာလဖြစ်သဖြင့် ညဖက် ၀တ်ပြုသူများ အဆင်ပြေစေရန် ညမထွက်ရအမိန့်ကို ည(၉)နာရီ အစား ည(၁၀)နာရီသို့ ပြင်ဆင်ပေးပါရန်။ (ဆ) (၁၂-၇-၂၀၁၄)ရက်နေ့ ညနေပိုင်းက ၃၄-လမ်း၊ ၇၄-၇၅ လမ်းကြား မောရဂီဝါရပ် ဖလံဘိုဝင်း (အမြောက်တန်းကြီး) အတွင်းနေထိုင်သည့် ဥပုသ်ဆောက်တည်ထားသူ အစ္စလာမ်ဘာသာဝင် လူငယ်များကို ဥပုသ်ဖြေခါနီးအချိန်တွင် (၀ါဖြေခွင့်မပေးဘဲ) ဖမ်းဆီးခဲ့ခြင်းအပေါ် အစ္စလာမ်ဘာသာရေးရှုထောင့်အရ သင့်လျော်ခြင်း မရှိကြောင်းနှင့် အမြန်ဆုံး ပြန်လွှတ်ပေး ပါရန်ပြောကြားခဲ့ပါသည်။

    (၄) ၀န်ကြီးချုပ် ဦးရဲမြင့်က မြန်မာနိုင်ငံလုံးဆိုင်ရာ အစ္စလာမ် ဘာသာရေး အဖွဲ့ကြီးမှ တာဝန်ရှိသူများ၏ တင်ပြဆွေးနွေး ချက်များ အပေါ် ပြန်လည် ရှင်းလင်း ဆွေးနွေးရာတွင် လက်နက်ခဲယမ်းများဟု ရေးသားခဲ့ခြင်းအား ဖြစ်ရပ်မှန် အတိုင်း ပြန်လည်ပြင်ဆင် ဖော်ပြပေးမည် ဖြစ်ကြောင်း၊ ကြာနီကန် သုသာန်အား ပြန်လည် ပြင်ဆင်ခွင့်ပြုကြောင်း၊ ရာဇ၀တ်မှု ကျူးလွန်ခဲ့သူများကို ကျောသားရင်သား မခွဲဘဲ အထောက်အထား ခိုင်လုံစွာဖြင့် ဖော်ထုတ် အရေးယူလျက်ရှိကြောင်း၊ မန္တလေးမြို့ရှိပြည်သူများ၊ ၄င်းတို့၏ နေအိမ်ဆိုင်ခန်းများနှင့် ဗလီ ၀တ်ကျောင်းတော်များ အပါအ၀င်သာသနိကအဆောက်အအုံများကို လုံခြုံရေး အပြည့်ဝ တာဝန်ယူစီမံဆောင်ရွက်ထားကြောင်း၊ ညမထွက်အရအမိန့်ကို အခြေအနေ တည်ငြိမ်လာသည်နှင့်အညီ လျှော့ချပေး သွားရန်ရှိကြောင်း၊ (၁၂-၇-၂၀၁၄)ရက်နေ့ ဖမ်းဆီးမှုတွင် ဥပုသ်ဖြေခါနီးအချိန်နှင့် မရည်ရွယ်ဘဲ တိုက်ဆိုင်သွားခြင်း သာဖြစ်ပါကြောင်း၊ ဖမ်ဆီးထားသူများကို အမြန်ဆုံး စိစစ်၍ ရာဇ၀တ်မှုကျူးလွန်ခဲ့ခြင်း မရှိသူများကို ပြန်လွှတ်ပေးမည်ဖြစ်ကြောင်း နိဂုံးချုပ်ပြောကြားခဲ့ပါသည်။

    ၅။ ၄င်းနောက် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှ တာဝန်ရှိသူများသည် မန္တလေးမြို့၊ ဗလီဝတ်ကျောင်းတော်အချို့နှင့် (ကြာနီကန်) မွတ်စ်လင်မ် သုသာန် သို့ သွားရောက်၍ ဂေါပက တာဝန်ရှိသူများနှင့် တွေ့ဆုံဆွေးနွေးခဲ့ပါသည်။

    Islam Council, Ahlone FB စာမျက်နှာမှ ကူးယူဖော်ပြပါသည်။