News @ M-Media

Tag: Robert Elhose

  • လူသားဟာ တစ်ဦးကိုတစ်ဦး မကင်းနိုင်ကြပါ၊ အဓမ္မ၀ါဒ များ ကင်းရှင်းကြပါစေ (သူ့အမြင်)

    ဇွန်လ ၉ ရက်၊ ၂၀၁၄။

    M-Media
    ရောဘတ်အယ်လ်ဟို့စ် ရေးသည်။

    10428516_239046329627640_787829769069766152_n

    ထင်ရှားတဲ့ ဗုဒ္ဓဘာသာ ဘုန်းတော်ကြီး တစ်ပါးဖြစ်တဲ့ သီတဂူ သဲကုန်းဆရာတော်ကြီး ဦးဉာဏိ ဿရ ရဲ့ အမြင်အာရုံ အကြည်ဓါတ် ကို ပြန်ရရှိအောင် အောင်မြင်စွာခွဲစိတ် ကုသပေးခဲ့သူ ဟာ သူမကြာခဏ မုန်းတီးရေး တရားတွေ ဟောတော်မူနေတဲ့ အစ္စလာမ် ဘာသာဝင် ၊ ပါကစ္စတန် လူမျိူး ဆရာဝန် တစ်ဦး ဖြစ်ခဲ့ပြီး ထင်ရှားတဲ့ မြန်မာမွတ်စလင်မ် တစ်ဦးဖြစ်သူ ကိုမြအေး ရဲ့ နှလုံး ရောဂါ ဝေဒနာ ကို သက်သာသွားအောင် အောင်မြင်စွာ ခွဲစိတ်ကုသမှု ပေးခဲ့တဲ့ သူကတော့ မွတ် စလင်မ် မုန်းတီးရေး တွေ တွင်တွင်လုပ်နေတဲ့ ရခိုင်အမျိူးသား များထဲက ဖြစ်နေတာကို အံ့သြစွာ တွေ့ရမှာ ဖြစ်ပါတယ်။

    တခြားသော နိုင်ငံသားအဖြစ် ခံယူထားပြီးသူ ရခိုင်လူမျိူးနှလုံးခွဲစိတ် အထူးကုဆရာဝန်ကြီးဟာ မြန်မာနိုင်ငံကို ခေတ္တ ပြန်လည်ရောက်ရှိနေခိုက် မှာ ကိုမြအေး ရဲ့ နှလုံးရောဂါ ဝေဒနာကို သက် သာသွားအောင် ကိုယ်တိုင်ခွဲစိတ် ကုသပေးနိုင်ခဲ့တာ ဖြစ်တယ်လို့ သိရပါတယ်။

    တကယ်တော့ ကျွန်တော်တို့ အကြားမှာ တကယ်တမ်းလိုအပ်နေတာက အခု အစွန်းရောက် ဘုန်းကြီး တွေ လှုံ့ဆော်ဟောကြားနေသလို ဟိုဟာကို မပတ်သက်ရဘူး၊ ဒီဟာနဲ့ ကင်းအောင် နေရမယ်၊ ဘာကို အဆက်ဖြတ်၊ ညာကိုတော့ သပိတ်မှောက်ကြ၊ ဘာညာ သဘာဝမကျတဲ့ လှိမ့် လုံးတွေနဲ့ လူပြိန်းကြိုက် လှုံ့ဆော်မှုတွေမဟုတ်ပါ။ တကယ်တမ်းမတော့ လူသားတွေအခြင်း ခြင်း တကယ်တမ်း အရေးပေါ်လာပြီ ဆိုရင် ဘယ်သူကမှလည်း ဘယ်သူနဲ့မှ ကင်းနိုင်ကြတာမ ဟုတ်ပါ။ ဒါကို နားလည် နှလုံးးသွင်းထားကြရင်ဖြင့် များစွာမှ စိတ်အေးချမ်းသက်သာမှာ ဖြစ်ပါ တယ်။

    ခုန နာရီပိုင်းလေးကပဲ မန္တလေးမြို့သစ် က ဆေးရုံကြီးရှေ့မှာ မွတ်စလင်မ်ကလေးမလေးကို ကား နဲ့ သေအောင်တိုက်မိပြီး ရပ်ခိုင်းတာကို မရပ်တဲ့ အသားဖြူဖြူ လူမျိူးခြားတစ်ဦးရဲ့ ကားနောက်ကို နေပြည် တော်မှာ နေတဲ့ မြန်မာဆရာဝန်တစ်ဦး က နောက်က သူ့ကားနဲ့ အတင်းလိုက်၊ မရပ် ပေးတော့ ကားနဲ့ တိုက်ပြေးသူရဲ့ ကားရှေ့မှာ သူ့ အသက်ကိုပင် ပဓာန မထားဘဲ သူ့ကားနဲ့ အတင်းဝင်ခံပြီးတော့ ရအောင် ဖမ်းပေးခဲ့တဲ့ ဖြစ်ရပ် တစ်ခုလည်း ဖြစ်ပွားခဲ့ပါတယ်။

    ဒီဖြစ်ရပ်မှာလည်း မြန်မာဆရာဝန်က အတိုက်ခံပြီး ကံအကြောင်းမလှစွာ သေသွားရရှာတဲ့ က လေးငယ်လေးဟာ ဗမာကလေးလား၊ မွတ်စလင်မ်ကလေးလား၊ ဘာလူမျိူးလဲ၊ ဘာဘာသာကိုးကွယ် လဲ ဘာညာတွေကို သိအောင်စုံစမ်းပြီးမှ လုပ်ခဲ့တာမဟုတ်ပါ။ တစ်ဒင်္ဂအတွင်း လူသားတစ်ဦးရဲ့ အဖြူခံ စိတ်စေတသိတ် ကနေ ဖြစ်လာတဲ့ လူသားဆန်မှု ကသာ သူ့လုပ်ရပ်ကို မောင်းနှင် သွား ခြင်းပဲ ဖြစ်ပါတယ်။

    ဆိုလိုချင်တဲ့ သဘောက လူသားအချင်းချင်း မပတ်သက်ချင်ကြ လို့လည်း မရပါဘူး။ လူဆိုတာ အရင်ဖြစ်လာတာပါ။ နောက်မှာ အဲ့ဒီလူက ဘာလူမျိူးလည်း၊ ဘာအယူဝါဒ ရှိလဲ၊ ဆိုတာတွေက ပါလာတာပါ။ လူကိုလူခြင်း ဖြူစင်စွာ စာနာတတ်တဲ့ အဖြူထည်စိတ်ဓာတ်အခံ ကလေးများ ပျောက်ပျက် သွားလောက်အောင် အမုန်းတရားတွေကို စေ့ဆော်နေသူတွေဟာ မည်သည့် သစ် ခေါက်ဆိုး သင်္ကန်းကိုရုံထားရုံမျှ နဲ့ အရိယာ သူတော်စင် မဖြစ်နိုင်ဘဲ သူယုတ်ပင် ဖြစ်ကြောင်း ဆိုပါရစေ။

    ကုလားနဲ့ ပတ်သက်သော ပစ္စည်းများ အား မသုံးစွဲဘဲ သပိတ်မှောက်ရမယ်လို့ လိုက်ပြီး လှုံ့ဆော် ကြွေးကြော် နေသူ သံဃာဆိုသူ ကိုယ်တိုင်က အဲ့ဒီအသံကောင်းဟစ် လှုံ့ဆော်နေချိန် မှာပဲ သူစီးလာတဲ့ ကားဟာ ကုလားပြည်က လာတဲ့ ဓာတ်ဆီနဲ့ မောင်းနှင်လည်ပတ်ပြီး သူရုံ ထားတဲ့ သင်္ကန်းအတွက် ချည်ဟာ တရုတ်ပြည်ကလာတယ်၊ သင်္ကန်းကို ဆိုးထားတဲ့ ဆေးဟာ ပါကစ္စတန် ပြည်ကလာပြီး စီးထားတဲ့ ဖိနပ် အတွက် ကတ္တီပါစ ဟာ အိန္ဒိယ ပြည်က လာတယ် ၊ သူသွားလိုရာကို မောင်နှင်ပို့နေတဲ့ ကားသည်ပင်လျှင် ဂျပန်ပြည်က ထုတ်ပြီး ဘင်္ဂလားအ လုပ် သမားတွေရဲ့ လက်နဲ့ ထုတ်လုပ်ထားတဲ့ alternator ကိုတပ်ဆင်ထားတယ်ဆိုတာ ကို မြင်နိုင် လောက်တဲ့ ပညာသတိ ပင် ရှိဟန်မတူပါ။

    ထိုသူများ ကာကွယ်မည် တကဲကဲ ကြုံးဝါးနေတဲ့ အယူဝါဒဟာလည်း မေတ္တာတရား ကို အခြေ ခံ တဲ့ ရှင်တော်ဂေါတမ မြတ်ဗုဒ္ဒ ရဲ့ စကြ၀ဠာလွှမ်းခြုံ တဲ့ မေတ္တာသဘောတရား နဲ့ ကင်းကွာနေ တာ မို့ ထိုသူများဟာ ဘယ်လိုလူတွေဖြစ်ပြီး သင်တို့ကို မည်သည့်လမ်းကို ဦးဆောင်ခေါ်ယူ သွားနေတယ် ဆိုတာကို သတိမျက်စေ့လေး ဖွင့်ကြည့်လိုက်ရုံနဲ့တင် မြင် သာမှာဖြစ်ပါတယ်။

    အသွေးအရောင်၊ အယူဝါဒ မတူသော်လည်း လူသားခြင်း မေတ္တာမျက်စေ့ဖြင့် အခြင်းခြင်း မြင် နိုင် ကြည့်နိုင်ပြီး ဗြဟ္မစိုရ်တရား အားဖြင့် နှလုံးသွင်းနိုင်ကြပါစေရန် ဆန္ဒပြုအပ်ပါသည်။

    ဓာတ်ပုံ – သီတဂူဆရာတော်ကြီးအား မျက်လုံးခွဲစိတ်ပေးခဲ့သူ ပါကစ္စတန် ဆရာဝန် နှင့်၊ ကိုမြ အေး အား နှလုံးခွဲစိတ်ကုသ ပေးခဲ့သူ ရခိုင်ဆရာဝန်ကြီး နှင့် အတူတွေရရစဉ်။

  • ကိုလိုနီ လက်သစ်ဝါဒ- တောင်တရုတ်ပင်လယ်မှာ ဗိုလ်ကျတဲ့ ထောင်ကဲ ၊ မြန်မာပြည်ကိုလည်း လာကျူးပြီ

    ဇွန် ၄ ၊ ၂၀၁၄
    M-Media
    ရောဘတ်အယ်လ်ဟို့စ်

    10373641_237429429789330_6447980076097680475_n

    တရုတ်ပြည်သူ့သမ္မတနိုင်ငံ ကတော့ တောင်တရုတ်ပင်လယ်ထဲက သူတို့နဲ့ ဘာမှ မ ဆိုင် တဲ့ ဖိလစ်ပိုင်၊ ဗီယက်နမ်၊ မလေးရှား၊ ဘရူနိုင်း၊ ထိုင်ဝမ်၊ တောင်ကိုရီးယား၊ ဂျပန် စတဲ့ နိုင်ငံ တွေရဲ့ ပိုင်နက်နယ်မြေတွေ ထဲက တချိူ့ကို သူတို့ဖာသာသူတို့ အသစ်ဆွဲထားတဲ့ မြေပုံ တွေ အရ တ ရုတ်ပြည်ပိုင်နက် ဖြစ်ပါတယ် လို့ လူပေါ်လူဇော်လုပ်ပြီး အနိုင်ကျင့်ဗိုလ်ကျ တာတွေ လုပ် နေ တာတော့ အားလုံးလည်း အသိပါ။

    ကဲဗျာ … မြန်မာ ကလည်း တရုတ်အတွက် တော့ ဘာမို့လို့ မြန်မာကို သူတို့က ချန်ထားရမှာ တုန်း။ ကဲ .. အခု တရုတ်ပြည် ရဲ့ မြေပုံ အရ အစဉ်အဆက် မြန်မာပိုင် နက် ဖြစ်လာခဲ့တဲ့ နယ်မြေ တွေတောင် တရုတ်က ဆွေမျိူးပေါက်ဖော် ချစ်ကြည်ရင်းနှီးမှု့ ဘာညာ ဆိုတာတွေတောင် မ ထောက်ထားတော့ဘဲ တရုတ်ပြည်ပိုင်နက် ပေါ်တင် ကျူးကျော်လာနေကြပြီ။

    ရှမ်းပြည်မြောက်ပိုင်း၊ နမ့်ခမ်းမှာ နယ်ခြားမျဉ်းကို မေလ ၂၇ ရက်နေ့ကနေ မေလ ၃၀ ရက်နေ့ အထိ ပြန်လည်တိုင်းတာကြရာမှာ အရင်ကတည်းက ရှိထားပြီးသား နယ်ခြားကျောက်တိုင်တွေ ကနေ မြန်မာဖက်ခြမ်းကို ကျူးလာပြီး မြန်မာဖက်ခြမ်းက လယ်မြေဧက ပေါင်းများစွာကို တရုတ်ပြည် ပိုင်နက် ဆိုပြီး လုပ်လာပြီ။ နယ်ခြားကျောက်တိုင် အသစ်ကို လာစိုက်တာမှာ ဒေသခံ လယ်သမားတွေက ပြန်နှုတ်ပစ်လိုက်လို့ နောက်ထပ် အသင့် စိုက်ပြီးသား ညောင်ပင် နှစ်ပင်ကို ထပ်လာစိုက်တယ်။ ဒါတွေကိုလည်း အမြစ်က လှန်တူးထုတ်လိုက်ပြန် တဲ့ လယ်သမားတွေကို အရေး ယူဖမ်းဆီး တဲ့ သတင်းကိုတော့ မကြာခင် မှာ မျှော်လင့် ထားကြရမှာဖြစ်ပါတယ်။

    မူဆယ် နဲ့ ရွှေလီကို ရောက်ဘူးသူတိုင်းက ကျယ်ဂေါင် ဆိုတဲ့ နေရာအကြောင်း ကို သိမှာပါ။ နှစ် နိုင်ငံ နယ်ခြား အဖြစ် ယေဘုယျ သတ်မှတ်ထားတဲ့ ရွှေလီမြစ် ရဲ့ တစ်ဖက်ကမ်း မြန်မာဖက် အခြမ်းမှာ ရှိနေတဲ့ ကျယ်ပြောလှပြီး မဟာဗျူဟာ ကျလှတဲ့ မြေပြင်အနေအထားဖြစ်ပေမယ်လို့ ဒီ နေရာ ဟာ တရုတ်ပြည် ပိုင်ဖြစ်နေတာကို တွေ့ဘူးသူတိုင်း သိကြမှာ ဖြစ်ပါတယ်။ ဒီနေရာဟာ တကယ်တမ်းတော့ လွတ်လပ်ရေး ရခဲ့စဉ် နိုင်ငံတကာ စာချူပ်တွေအရ မြန်မာပြည်ပိုင်နက် ဖြစ်ခဲ့ ဘူးတာပါ။ နောက်ပိုင်းကျမှ တရုတ်ပြည် ပိုင်နက်အဖြစ် ပေးလိုက်ဖို့ ယခင်က တိုင်းပြည် အကြီး အကဲဟောင်း ဦးနေ၀င်း ရဲ့ ခွင့်ပြုချက်နဲ့ တရုတ်ကို ပေးလိုက်ရကြောင်း မှတ်သားဘူးပါတယ်။

    အဲ့ဒီတုန်းက ပေးလိုက်ရတာ ကျယ်ဂေါင် တစ်ခုတည်းမဟုတ်ဘဲ တရုတ်- မြန်မာ နယ်ခြားက မြန်မာ ပိုင်နက် အတော်များများ ပါသွားခဲ့တယ်လို့လည်း အလားတူ မှတ်သားခဲ့ဘူးပါတယ်။ သိမှီသူ များ လာရောက်ထောက်ပြနိုင်ကြပါတယ်။

    အခုလည်း ဒုတိယ၊ တတိယ၊ စတုတ္တ ကျယ်ဂေါင်တွေများ ထပ်လာနေပြီလား၊ ထပ်ပြီးလာနေ ဦးမှာလားဆိုတဲ့ ပူပင်သောကစိတ်က ဒီတိုင်းပြည်က မွေးခဲ့တဲ့ သားတစ်ယောက်အနေနဲ့ မခံချိ မခံသာ နဲ့ ခံစားနေရ ကြောင်းပါ။

    ဒီကိစ္စ က တစ်ဖက်မှာ လုပ်တော့မှာမို့ မိမိတို့ ကိုယ်ကျိူးစီးပွားအတွက် တိုင်းပြည်ကို တရုတ် ပြည်ဖက် ရောင်းစားကြမယ့် အာဏာရှိသူများ၊ တပ်မတော် ခေါင်းဆောင်များက ဘင်္ဂလားနယ် စပ် ပဋိပက္ခ ကို တမင်အာရုံလွှဲပြီး တိုင်းသူပြည်သားတွေကို မျက်လှည့်ပြတာလား ဆိုတာ တွေး ဆ စဉ်းစားစရာ ဖြစ်လာပါတယ်။

    ကျူပ်တို့ လူထု ဒီနေ့ထိ ချာတူးလန်အောင် နားလှည့်ပါးရိုက် လုပ်တာ ခံနေရတုန်းပါလားဆိုပြီး စိတ်မသက်မသာ ဖြစ်မိပါတယ်။

    (ရောဘတ်အယ်လ်ဟို့စ်)

    ဓာတ်ပုံ – တရုတ်ပြည်ကြီးနှင့် ဘာမှမဆိုင်လောက်အောင် ကွာလှမ်းလှသည့် ၊ တောင်တရုတ် ပင်လယ် အတွင်းမှ အရှေ့တောင်အာရှ နိုင်ငံ များ၏ မဟာဗျူဟာမြောက် ရေပြင်ပိုင်နက် များ အား တရုတ်ပြည်က ပိုင်ဆိုင်ပါသည် ဟု အသစ်ထုတ်ပြန်လိုက် သဖြင့် နိုင်ငံပေါင်း များစွာနှင့် အငြင်း ပွားနေရသည့် တရုတ်တို့၏ မြေပုံသစ်။

  • မြန်မာဖက်ကပြောသလို RSO သာဖြစ်ခဲ့ရင် သူ့ကို ဒီလို ခမ်းခမ်းနားနား သင်္ဂြိုလ်ပါ့မလား (သူ့အမြင်)

    ဇွန် ၂ ၊ ၂၀၁၄
    M-Media
    ရေးသူ- ရောဘတ်အယ်လ်ဟို့စ်
    10360197_237034189828854_4449638057334376786_n
    ဘင်္ဂလား-မြန်မာ နယ်စပ်တွင် မြန်မာတပ်ဖွဲ့များဖက်မှ ပစ်ခတ်မှုကြောင့် သေဆုံးသွားခဲ့သည့် ဘင်္ဂလားဒေ့ရှ် နယ်ခြားစောင့်တပ်ရင်း ၃၁ မှ တပ်ဖွဲ့ဝင် မီရ်ဇာနူရ် ရဟ်မန်း ၏ ရုပ်အလောင်းအား ဘင်္ဂလား တပ်ဖွဲ့များက ရဟတ်ယာဉ်ဖြင့် ပြန်လည်သယ်ဆောင်သွားပြီး ကိုမီလာ မြို့သို့ သယ် ဆောင်သွားစဉ်။

    ၎င်း၏ ဈာပန ကို ဘင်္ဂလားဒေ့ရှ် နိုင်ငံ၊ ဘင်ဒရာဘန် ခရိုင်၊ နစ်ခါချာရီ မြို့ရှိ ၊ နယ်ခြားစောင့်တပ် ရင်း ၃၁ ၏ ဌာနချူပ်တွင် မေလ ၂ ရက်နေ့(တနင်္လာနေ့ နံနက်) က ကျင်းပပြီးစီးခဲ့ပြီ ဟု ဘင်္ဂ လားဒေ့ရှ် နိုင်ငံထုတ် The Daily Star သတင်းစာမှာ ဖော်ပြထားပါတယ်။

    မြန်မာတာဝန်ရှိသူတွေက အကွက်ဆင်လိမ်ညာသလိုသာ ဒီသေဆုံးသွားသူဟာ ရိုဟင်ဂျာ RSO လက်နက်ကိုင်တစ်ဦးသာ ဖြစ်ခဲ့မယ်ဆိုရင် ဘင်္ဂလားဒေ့ရှ် ရဲ့ တရားဝင် နယ်ခြားစောင့်တပ်ရင်း အမှတ် ၃၁ က သူတို့ရဲ့ တပ်ရင်းဌာနချူပ်မှာ ဒီလို တခမ်းတနား သဂြိုဟ် ကြပါ့မလား။ သာမန် ဦးဏှောက်လေးပဲ သုံးပြီး စဉ်းစားကြည့်ကြစမ်းပါ။ ဒါကိုနားလည်ဖို့သိပ်ပြီးကြီးကျယ်တဲ့ အသိပ ညာ တွေ ဘာတွေလည်း မလိုလှပါဘူးဗျာ။

    ဆိုလိုချင်တာက နယ်စပ်မှာ ဒီလို မထင်မှတ်တဲ့ ထိတွေ့မှု ဖြစ်ပြီး သူ့ဖက်ကိုယ့်ဖက် သေဆုံးမှု တွေ ဆိုတာ ဘယ်ကမ္ဘာ့နိုင်ငံမှာ မဆိုရှိပါတယ်။ ဒါဟာ သိပ်ပြီး ကြီးကျယ်လှတဲ့ ကိစ္စတော့လည်း မဟုတ်ပါ။ ပြဿနာ က ဒါကို ရည်ရွယ်ချက်ရှိရှိ အစိုးရ တာဝန်ရှိသူ အရာရှိကြီးတွေကိုယ်တိုင် က ဘင်္ဂလားနယ်ခြားစောင့် တပ်ဖွဲ့ဝင် ကို တကယ်တမ်းအပြင်မှာ မရှိတဲ့ RSO ရိုဟင်ဂျာ လက် နက်ကိုင်ပါဆိုပြီး လိမ်ညာအကွက်ဆင်တယ်။

    တစ်ချိန်တည်းမှာ သူတို့ရဲ့ မိတ်ဖက် အွန်လိုင်းမှာ ဖွနေတဲ့ ဖက်ဆစ်ကောင်တွေရဲ့ ဖေ့စ်ဘွတ်ခ် အကောင့်တွေကနေ RSO တွေ လက်နက်တွေကိုင်ပြီး ၀င်လာနေကြပြီ။ ရိုဟင်ဂျာ ဒုက္ခသည် စခန်းတွေကို အရင်ရှင်းပစ်ကြ ဆိုပြီး ပေါ်ပေါ်ထင်ထင်ကြီး ကို လှုံ့ဆော်ကြတယ်။ ရှင်းပစ်ကြ ဆိုတာက ရှင်းပါတယ်။ ရိုဟင်ဂျာတွေကို သတ်ပစ်ကြ လို့ အချက်ပေးတာပဲ။

    တကယ်တမ်းဘာမှ မဖြစ်ခဲ့လို့သာ ပြီးသွားတာ။ ဖြစ်သာဖြစ်ခဲ့ရင် တကယ်တမ်းနစ်နာသွားရမှာ က ဘယ်သူတွေလဲ ဆိုတာ စဉ်းစားကြည့်ကြပါ။ မလုပ်ကြပါနဲ့ဗျာ။ ဒါမျိူးအောက်တန်းကျတဲ့ စိတ် ဓာတ်တွေက တစ်ချိန်မှာ ခင်ဗျားတို့ ဘာတွေဆိုတာကို သမိုင်းမှာ ဖျက်မရအောင် ကျန်ရစ်ခဲ့မယ့် လုပ်ရပ်ဆိုးတွေပါ။ ခင်ဗျားတို့ မရှက်ကြပေမဲ့ ခင်ဗျားတို့ရဲ့ နောက်လာမယ့် သားမြေးတွေ ရှက်ြ ကလိမ့်မယ်ဗျ။ ဒါမျိူးတွေမလုပ်ကြပါနဲ့။

    ဓာတ်ပုံ – Anurup Kanti Das ( The Daily Star)

  • ဘင်္ဂလား-မြန်မာ တင်းမာမှုကို ဗမာအစိုးရ တမင် ဖန်တီးလာနေပြီလား (သူအမြင်)

    မေ ၃၀ ၊ ၂၀၁၄
    M-Media
    ရေးသူ- (ရောဘတ်အယ်လ်ဟို့စ်)

    Border-1
    ဘင်္ဂလား-မြန်မာ နယ်စပ်မှာ တကယ်မရှိတဲ့ ရိုဟင်ဂျာ RSO အကြမ်းဖက်သမားတွေနဲ့ မြန်မာ နယ်ခြားစောင့်တပ်တွေ တိုက်ပွဲဖြစ်ပြီး RSO တိုက်ခိုက်ရေးသမား တစ်ယောက်ကို တိုက်ခိုက် ရေး ရိုင်ဖယ်တစ်လက် ၊ ကျည် အတောင့်ပေါင်း တစ်ထောင် ကျော် နဲ့ အသေဖမ်းဆီးရမိတယ် လို့ မောင်တောခရိုင် ရဲမှုးကြီးက တရားဝင် မီဒီယာကို ပြောခဲ့တယ်။

    တစ်ဖက်ကလည်း ဘင်္ဂလားအစိုးရ က သူတို့ရဲ့ နယ်ခြားစောင့် တပ်ဖွဲ့က အရာရှိ တစ်ဦး အဲ့ဒီ အချိန်မှာ ပဲ ဒီနေရာမှာ ပျောက်ဆုံးသွားတယ်လို့ တရားဝင် ပြောလာတယ်။ ဒီတော့ ဒီမိထား တယ် ဆိုတဲ့ RSO လို့ စွပ်စွဲခံထား ရသူဟာ ဘင်္ဂလား နယ်ခြားစောင့် တပ်ဖွဲ့ဝင် ကို ၀ါဒဖြန့်ချီပြီး နှစ်နိုင်ငံ အကြားတင်းမာလာအောင် ဗမာဖက်က တမင် ရည်ရွယ်ချက်ရှိရှိ ဖန်တီးလာ ပြီ လား ဆိုပြီး စဉ်းစားစရာ ဖြစ်လာပြီ။

    တစ်ချိန်တည်းမှာ နေပြည်တော် ဥတ္တရသီရိမြို့နယ်၊ စလောင်းကျေးရွာအုပ်စုက အများပြည် သူပိုင် လယ်မြေဧကပေါင်း ၂၀၀ ကျော်ကို အရင် ဗိုလ်ချူပ်မှုးကြီး သန်းရွှေ ရဲ့ သမီး ဒေါ်သန္တာ ရွှေ မိသားစု က လျှော်ကြေးမပေးဘဲ ၂၀၁၀ ခုနှစ်က မတရားသိမ်းထားတဲ့ ကိစ္စကို လူထုက မခံနိုင်တော့ဘဲ အာခံလာကြတဲ့ ကိစ္စက တစ်ပြိုင်နက်တည်း ပေါ်လာတယ်။ သူတို့မိသားစု ပိုင်ဆိုင်မှုကို ထိလာလို့ အများအာရုံ ကတစ်ဖက်ကို ပြောင်းသွားအောင် divert လုပ်တာလား ဆိုတာ စဉ်းစားစရာ ဖြစ်လာတယ်။

    တစ်ချိန်တည်းမှာပဲ ဒီလိုလုပ်လာတဲ့ အချိန်ဟာ ၂၀၀၃ ခုနှစ်က ဒေါ်အောင်ဆန်းစုကြည်ကို လုပ်ကြံဖို့ ကြိုးစားခဲ့တဲ့ ဒီပဲယင်း အစုလိုက်အပြုံလိုက် သတ်ဖြတ်ပွဲ နှစ်ပတ်လည် နေ့နဲ့လည်း လာတိုက်ဆိုင်နေတယ်။ ဗမာအစိုးရ သာ တကယ်တမ်း ရိုးသားမယ် ဆိုရင် အသေဖမ်းမိတယ် ဆိုတဲ့ RSO အကြမ်းဖက်သမား ဆိုသူရဲ့ ၀တ်ဆင်ထားတဲ့ ယူနီဖောင်းနဲ့ လက်နက်တွေလို ဟာမျိူးကို ဖုံးကွယ်မထားဘဲ၊ အများသိအောင် မီဒီယာကနေ ချပြသင့်တယ်။ ဒါမှ ဒီလူဟာ RSO လား၊ ဘင်္ဂလား နယ်ခြားစောင့် တပ်ဖွဲ့ဝင်လားဆိုတာ အများကွဲကွဲပြားပြား သိရမှာဖြစ်တယ်။

    ဗိုလ်ချူပ်မှုးကြီးသန်းရွှေဟာ အရင်ကလည်း ဒါမျိူး စိတ်ဓာတ်စစ်ဆင်ရေး တွေ လုပ်တာမှာ ရာဇ၀င် တွေ အများကြီး ရှိဘူးတော့ ဒါဟာ သိပ်ကိုစဉ်းစားဖို့ ကောင်းတဲ့ ကိစ္စတစ်ခု ဖြစ်လာတယ်။ မိတ္ထီလာမှာလည်း ပြဿနာဖန်တီးပြီး ဗိုလ်ချူပ်မှုးကြီးသန်းရွှေ သမီး တွေက အဲ့ဒီက မွတ်စလင်မ် မြေတွေကို သူတို့ လုပ်ချင်တဲ့ ဟိုတယ်ဇုန်းအတွက် ၀င်အမြတ်ထုတ်သွားခဲ့တာတွေ ရှိခဲ့တယ်။

    ဘင်္ဂလား-မြန်မာ နှစ်နိုင်ငံ အကြား တရားဝင် တိုက်ခိုက်မှုတွေ ဖြစ်လာပြီ ဆိုရင်တော့ ဒါကို အကြောင်းပြုပြီး ဘာမှ မဆိုင်တဲ့ ပြည်တွင်းက ရိုဟင်ဂျာ နဲ့ မြန်မာမွတ်စလင်မ် တွေ အပေါ် ထိုးနှက်မှုတွေ ပိုလုပ်လာဖို့ အကြောင်းအရာကောင်း တစ်ရပ်ဖြစ်လာလိမ့်မယ်။ ဒီလောက် အန္တရာယ်ကြီးတဲ့ လုပ်ရပ်ကို တကယ်သာ လုပ်လာပြီ ဆိုလို့ကတော့ ထင်ထားတာထက် အတိုင်းအတာ ကြီးမားတဲ့ ထိခိုက်မှုတွေ ပြည်တွင်းက အစ္စလာမ်ဘာသာဝင် တွေ ဆီ ကို ရောက်လာနိုင်တယ်လို့ ထင်တယ်။ သတိရှိထားတာ မမှားပါဘူး။ သတိရှိကြပါ။

    (ရောဘတ်အယ်လ်ဟို့စ်)

  • မြန်မာပြည် မှာ နိဗ္ဗာန်ရောက်ကြောင်း စတုဒီသာ ပွဲကြီး ၀ှဲချီး ကျင်းပနေသည်

    အောက်တိုဘာ ၂၈၊ ၂၀၁၃။
    M-Media
    ရေးသူ- ရောဘတ်အယ်လ်ဟို့စ်

    1420495_168593403339600_1900591144_n

    မြန်မာပြည်မှာ Ethnic Cleansing ဆိုတာ မရှိဘူးတဲ့ ဟုတ်စ။ လူပေါင်း ရာထောင်ချီ ကို ပိုးစိုးပက်စက်သတ်တယ်။ ပြီးတော့ မွတ်စလင်မ် ပေါင်း တစ်သိန်းခွဲလောက်ကို ကိုယ့်နေထိုင်နေရာ အိုးအိမ်တွေကနေ အတင်းဆွဲချ ပြီး ရွာပြင်ထုတ်၊ အစာရေစာ ၀လင် အောင် မစားရအောင်ပိတ်ဆို့ထားတယ်။

    အစားအသောက် ခိုးရောင်း တဲ့ သူ တွေ ကိုတောင် အမျိူးသား သစ္စာဖောက် ဘာညာ နဲ့ လူပုံအလယ် မှာ တိရိစ္ဆာန် ဘ၀ နဲ့ အပြစ်ပေးတယ်။ ဆေးကုသခွင့် မပေးဘဲ ဒီအ တိုင်းသေအောင် ပစ် ထားတယ်။ ပြုံးပြုံးကြီး ဒီတိုင်း ထိုင်ကြည့်နေကြတယ်။ လူတွေရဲ့ မျှော်လင့်ချက် တွေကို ရိုက်ချိူးပြီး ကမ္ဘာ့ အန္တရာယ် အကြီး ဆုံး ဘင်္ဂလားပင် လယ် အော် ထဲကို ဘာဖြစ်ဖြစ်ကွာ ဆိုပြီး ဇွတ်မှိတ် လှေစုတ်ကလေး တွေနဲ့ ထွက်ပြေး အောင် သီရိလင်္ကာက ကမ္ဘာမှာ နာမည်ပျက်နေတဲ့ ဗူးဒူးဘာလာဆင်ဟာ ဖက်ဆစ် ဗုဒ္ဓ၀ါဒီ တွေ လုပ်သလို ဗျူဟာ တွေနဲ့ စီမံကိန်း ချလုပ်နေ တယ်။

    တိရိစ္ဆာန် သာသာ ဘ၀မှာ မိုးထဲလေထဲ ဒီအတိုင်းပစ်ထားတာ တစ်နှစ်ခွဲကျော်ပြီ။ ဒါလား ယဉ်ကျေး တဲ့ လူ့အဖွဲ့အစည်းဆိုတာ။ နောက်ထပ် ငါးနှစ်လား၊ ဆယ်နှစ်လား ၊ ဒီလူ တွေ ဒီအတိုင်းနေရမှာလား၊ မနေရဘူးလား ဆိုတဲ့ အာမခံချက် ခုထိ ဘာမှ ရေရေ ရာ ရာ မရှိသေးဘူး။ နေ့စဉ် သဘာဝမကျတဲ့ သေဆုံးခြင်း တွေနဲ့ တစ်ဖြုတ်ဖြုတ် သေ နေ ကြရတယ်။ ကဲဒါတွေ ထားတော့ ။

    ကံကောင်းထောက်မစွာ အဲ့ဒီ ဘ၀ မရောက်ခဲ့ဘဲ ကိုယ့်အိုး ကိုယ့်အိမ် ကို မစွန့်လွှတ်ရ ဘဲ ဆက်ပြီး ဥမကွဲ သိုက်မပျက် နေထိုင်ခွင့် ရနေတဲ့ ကံကြီး သူများကိုတော့ အခု ဓါတ်ပုံ မှာ မြင်နေရသလို (Barbed Wire ) သံဆူးကြိုး အကာအရံ တွေ တားဆီးထား တဲ့ အကျဉ်းထောင် အကြီးကြီးလို ထဲမှာ ဒီလိုပဲ ဘာထူးလဲ တိရိစ္ဆာန် သာသာ ဘ၀ နဲ့ပဲ ဆက်ပစ် ထားတာ (မှတ်ချက် – ဒီလိုလူတွေက ခုနက ဒုက္ခသည် ဖြစ်သွားရတဲ့ လူတစ်သိန်းခွဲ ထဲမှာ မပါသေးဘူး။) ဒီလူတွေရဲ့ ဘ၀တွေလည်း သေနေတာပဲ ဘာထူးလဲ။ ဆေးကုသခွင့် သူတို့ မလုပ်ပေးဘူး။ အပြင်က လာကူညီလုပ်ပေးနေတဲ့ နိုင်ငံတကာ အကူအညီ ပေးရေး အဖွဲ့တွေကို လည်း ညစ်ပတ် တားဆီး ပိတ်ပင်တာမျိူးတွေ အချိန်နှင့် အမျှခံနေရ တယ်။ နောက်လည်း အများကြီး ထောက်ပြစရာတွေ ရှိသေးနေတယ်..  ကဲပြောစမ်းပါ။ ဒီ လောက် အခြေနဲ့ကို ဒါဟာ Ethnic Cleansing မဟုတ်သေးပါဘူးလိ်ု့ ရဲရဲ ငြင်းရဲပြီ လား။

    ဘော့စနီးယား စစ်ပွဲတုန်းက ပိတ်ဆို့ခံထားရတဲ့ ဆာရာယေဗို မြို့ ထဲက မွတ်စလင်မ် တွေကို ကုလသမဂ္ဂ အကူအညီပေးရေး ယာဉ်တန်း မှန်မှန် ၀င်ရောက်ပြီး စားရေ ရိက္ခာနဲ့ ဆေးဝါး အကူအညီတွေ ပေးတာကို ဆားဗီးယန်း ချက်ထ်နစ်က် ဖက်ဆစ်ဝါဒီတွေက တောင် မပိတ်ပင်ဘဲ ခွင့်ပြုထားပေးခဲ့တဲ့ သာဓကတွေ ရှိခဲ့ဘူး တယ်။ အခု မြန်မာပြည်မှာ ဖြစ်နေတာတွေက Systematic Ethnic Cleansing မဟုတ်ရင် ဘာလဲ။ နိဗ္ဗာန်ရောက်ကြောင်း စတုဒီသာ ကျွေးပွဲ ကျင်းပနေတာလား။ သက္ကာရတိထ္ထိ ဆိုတာလို မောဟာမဖုံးဘဲ လူသားဆန်တဲ့ အမြင်နဲ့ ကြည့်ကြရအောင်။ ကမ္ဘာ့လူထု က ဗဟုသုတ နကန်းမရှိ၊ လူ့အန္တ နလပိန်းတုံး တွေတော့မဟုတ် ပါဘူး။

    ဓာတ်ပုံ – ရခိုင်ပြည်နယ်၊ စစ်တွေမြို့၊ အောင်မင်္ဂလာ ရိုဟင်ဂျာ မွတ်စလင်မ် ရပ်ကွက်ကြီး အား နှစ်ချီ စနစ်တကျ ၀ိုင်းပတ်ပိတ်ဆ်ို့ထားပုံ ( ကုလသမဂ္ဂ ၀န်ထမ်းတစ်ဦး ရိုက်ကူးထားသည်)
    photo credit : Soe Lwin Oo

    ** စာရေးသူ၏ အာဘော်သာဖြစ်ပါသည်။