အောက်တိုဘာ ၁၊ ၂၀၁၇
M-Media
(AFP သတင်းဌာနမှ Myanmar’s conflict-hit Rakhine a magnet for Chinese cash ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။ ဆောင်းပါးပါ ဖော်ပြချက်များသည် M-Media ၏ အာဘော်မဟုတ်ဘဲ မြန်မာစာဖတ်ပရိတ်သတ်များ ဖတ်ရှုနိုင်ရန် ဖော်ပြခြင်းသာ ဖြစ်ပါသည်)
– ရိုဟင်ဂျာမွတ်စလင်တွေအပေါ် စစ်တပ်က ဖြိုခွဲမှုနဲ့ပတ်သက်ပြီး ကမ္ဘာတစ်ဝှမ်းက အုပ်အောင်သောင်းနင်း ဖြစ်နေကြတဲ့အချိန် မြန်မာနိုင်ငံဟာ မိတ်ဆွေဟောင်းဖြစ်တဲ့ တရုတ်နိုင်ငံရဲ့ အားပေးနှစ်သိမ့်မှုကို ရနေပါတယ်။ အာရှ စူပါ ပါဝါဖြစ်တဲ့ တရုတ်နိုင်ငံရဲ့ ဒီမလွှဲမရှောင်သာ ထောက်ခံမှုဟာ မတည်မငြိမ်ဖြစ်နေတဲ့ ရခိုင်ပြည်နယ်က ဆိပ်ကမ်းတွေ၊ ဓာတ်ငွေ့သိုက်တွေ၊ ရေနံတွင်းတွေးမှာ ဒေါ်လာဘီလီယံနဲ့ချီ ရင်းနှီးမြှုပ်နှံထားမှုနဲ့ ဆက်စပ်နေတာပါ။
စစ်သွေးကြွအုပ်စုတစ်ခုရဲ့ တိုက်ခိုက်မှုနောက်ပိုင်း မြန်မာစစ်တပ်ရဲ့ ကြမ်းတမ်းတဲ့ စစ်ဆင်ရေးကြောင့် ပြီးခဲ့တဲ့လအတွင်းမှာ ရိုဟင်ဂျာ သန်းဝက်နီးပါးလောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ကုလကတော့ ဒီအခြေအနေကို ‘လူမျိုးစုလိုက် သုတ်သင်မှု’ လို့ သမုတ်ထားပါတယ်။
ရခိုင်ကိစ္စနဲ့ပတ်သက်ပြီး ကြာသာပတေးနေ့နှောင်းပိုင်းမှာ ပြုလုပ်မယ့် ကုလ လုံခြုံရေးကောင်စီအစည်းအဝေးမှာ ၀င်ပြောဖို့ရှိနေတဲ့ တရုတ်နိုင်ငံဟာ စစ်တပ်ဦးဆောင်တဲ့ စစ်ဆင်ရေးကို ရှုတ်ချနေတဲ့ ကမ္ဘာ့နိုင်ငံတော်တော်များများနဲ့ အမြင်မတူပါဘူး။
“နိုင်ငံဖွံ့ဖြိုးရေးကို တည်တည်ငြိမ်ငြိမ်ဖြစ်အောင် ၀န်းရံပေးခြင်းအားဖြင့် မြန်မာနိုင်ငံရဲ့ ကြိုးပမ်းအားထုတ်မှုတွေကို နိုင်ငံတကာအသိုင်းအ၀ိုင်းက ထောက်ခံသင့်တယ်လို့ ကျွန်တော်တို့ ထင်ပါတယ်” လို့ တရုတ်နိုင်ငံခြားရေးဝန်ကြီးဌာနက ပြောရေးဆိုခွင့်ရှိသူ Geng Shuang က ဒီလအစောပိုင်းမှာ ပြောကြားခဲ့ပါတယ်။
ရာစုနှစ်တ၀က်လောက် စစ်အာဏာရှင် အုပ်စိုးမှုအတွင်း အမေရိကန်ရဲ့ ပိတ်ဆို့မှုတွေကြောင့် စီးပွားရေး မရှုနိုင်မကယ်နိုင် ဖြစ်နေတဲ့အချိန်မှာ မြန်မာနိုင်ငံမှာ ငွေတွင်းတူးခဲ့တဲ့ မိတ်ဖက်နိုင်ငံတစ်ခုအနေနဲ့ ဒီလိုထောက်ခံမှုမျိုးဟာ လိုအပ်တာထက် ပိုနေပါတယ်။
မြန်မာနိုင်ငံအပေါ် ပိတ်ဆို့မှုတွေကို ဒီမိုကရေစီနည်းကျ ရွေးကောက်ပွဲတွေကြောင့် ၂၀၁၄ ခုနှစ်မှာ ဖယ်ရှားပေးခဲ့ပေမယ့် တရုတ်နိုင်ငံအတွက်တော့ အပြောင်းအလဲ သိပ်မရှိခဲ့ပါဘူး။
၁၉၉၈ ခုနှစ်ကနေ ၂၀၁၄ ခုနှစ်အတွင်းမှာ မြန်မာနိုင်ငံမှာ ကန်ဒေါ်လာ ၁၅ ဘီလီယံဖိုးလောက် တရုတ်က ရင်းနှီးမြှုပ်နှံခဲ့တယ်လို့ တရုတ်နိုင်ငံပိုင်သတင်းဌာန Xinhua က ဖော်ပြခဲ့ပါတယ်။ တရုတ်နိုင်ငံဟာ အပယ်ခံစစ်အာဏာရှင်ကို လက်နက်တွေလည်း ပံ့ပိုးပေးခဲ့ပါတယ်။
“အဓိကစီးပွားရေး စီမံကိန်းအချို့ကို တရုတ်က မြန်မာအစိုးရနဲ့ လုပ်ဆောင်နေပါတယ်” လို့ French Institute for International Relations က အရှေ့တောင်အာရှဆိုင်ရကျွမ်းကျင်သူ ဆိုဇီ Sophie Boisseau du Rocher က ပြောကြားခဲ့ပါတယ်။
လက်ရှိ မတည်ငြိမ်မှုတွေ ဖြစ်နေတဲ့နေရာရဲ့ တောင်ဘက် ကျောက်ဖြူမြို့က ကန်ဒေါ်လာ ၉ ဘီလီယံတန် ရေနက်ဆိပ်ကမ်းစီမံကိန်းလည်း ဒီအထဲမှာ ပါဝင်ပြီး တရုတ်အစိုးရပိုင် CITIC ရင်းနှီးမြှုပ်နှံမှု အဖွဲ့က ၂၀၃၈ ခုနှစ်အထိ လုပ်ကိုင်ခွင့် ရထားပါတယ်။
တရုတ်နိုင်ငံဟာ မတည်ငြိမ်တဲ့ ရခိုင်ပြည်နယ်မှာ ငွေတော်တော်များများကို ထည့်ထားသူပါ။
အခုနှစ် ဧပြီလအတွင်းမှာ ရခိုင်ပြည်နယ်ကနေ တရုတ်နိုင်ငံ ယူနန်ပြည်နယ်အထိ သွယ်တန်းထားတဲ့ ကန်ဒေါ်လာ ၂.၄၅ ဘီလီယံတန် ပိုက်လိုင်းကို စတင်အသုံးပြုခဲ့ပြီး အရှေ့အလယ်ပိုင်းက ရေနံစိမ်းတွေ တရုတ်နိုင်ငံကို ပို့ဆောင်နိုင်ရေး အဓိကလမ်းကြောင်းလည်း ဖြစ်ပါတယ်။
အဲဒီလမှာပဲ တရုတ်သမ္မတ ရှီကျင့်ဖျင်ဟာ မြန်မာသမ္မတ ဦးထင်ကျော်ကို ဘေဂျင်းမှာ လက်ခံတွေ့ဆုံခဲ့ပါတယ်။ ရှီရဲ့ One Belt, One Road စီမံကိန်းဟာ တရုတ်နိုင်ငံရဲ့ အိမ်နီးချင်းနိုင်ငံတွေမှာ ကြီးမားတဲ့ ကုန်သွယ်ရေးနဲ့ အခြေခံအဆောက်အဦးဆိုင်ရာ စီမံကိန်းတွေကို ချိတ်နိုင်ဖို့ ရည်ရွယ်တာ ဖြစ်ပါတယ်။
တန်ဖိုးမဖြတ်နိုင်တဲ့ဒေသ
စိုက်ပျိုးမြေတော်တော်များများ၊ ကမ်းရိုးတမ်းနဲ့ ကမ်းလွန် ဓာတ်ငွေ့သိုက်တွေရှိတဲ့ ရခိုင်ပြည်နယ်ဟာ ရခိုင် ဗုဒ္ဓဘာသာဝင်တွေနဲ့ ရိုဟင်ဂျာမွတ်စလင်တွေအကြား လူမျိုးစုပဋိပက္ခတွေ ဆယ်စုနှစ်ချီ ဖြစ်ခဲ့တဲ့နေရာဖြစ်ပါတယ်။
ပြီးခဲ့တဲ့နှစ် အောက်တိုဘာလက ARSA ဆိုတဲ့အဖွဲ့ဟာ နယ်စပ် ရဲကင်းစခန်းတွေကို တိုက်ခိုက်ပြီးနောက်ပိုင်းမှာ အပြန်အလှန် တိုက်ခိုက်မှုတွေ ဖြစ်ခဲ့ပါတယ်။
ဒီစစ်သွေးကြွတွေဟာ အခုနှစ် သြဂုတ်လ ၂၅ ရက်နေ့ နောက်ထပ်တစ်ကြိမ် တိုက်ခိုက်ခဲ့ပြီး အဲဒီနောက် စစ်တပ်ရဲ့ နယ်မြေရှင်းလင်းရေးမှာ ပြီးခဲ့တဲ့လအတွင်း ရိုဟင်ဂျာ ၄၈၀၀၀၀ လောက် ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။
ရိုဟင်ဂျာရွာသားတွေ စွန့်ပစ်ထားခဲ့တဲ့ အိမ်ယာတော်တော်များများဟာ မီးရှို့ဖျက်ဆီးခံခဲ့ရပြီး မြန်မာစစ်တပ်နဲ့ ရခိုင်လူအုပ်စုက လုပ်တယ်လို့ စွပ်စွဲမှုတွေ ရှိခဲ့ပါတယ်။
“ရိုဟင်ဂျာတွေကို တစ်ဖက်သက်မောင်းထုတ်မှုကနေ ထွက်လာတဲ့ မြေတွေဟာ စစ်တပ်ရဲ့ အကြိုးစီးပွားအတွက် ဖြစ်ကောင်းဖြစ်လာနိုင်သလို၊ နိုင်ငံတစ်ဝှမ်း စီးပွားရေးဖွံ့ဖြိုးဖို့ လုပ်ဆောင်ရာမှာ စစ်တပ်ကို ထိပ်တန်းအခန်းကဏ္ဍမှာ ပါဝင်စေလာနိုင်မှာ ဖြစ်ပါတယ်။ တရုတ်စီမံကိန်းတွေကြောင့် မြေတွေဟာ တန်ဖိုးရှိလာပါတယ်” လို့ Columbia တက္ကသိုလ်က လူမှုရေးရာ ပါမောက္ခ Saskia Sassen က ပြောကြားခဲ့ပါတယ်။
အစိုးရကတော့ ရခိုင်က မီးလောင်ပျက်ဆီးသွားတဲ့ မြေတွေကို ပြန်လည်ဖွံ့ဖြိုးရေးအတွက် စီမံသွားမယ်လို့ ဒီတစ်ပတ်ထဲမှာ ပြောကြားလိုက်ပြီး အသေးစိတ်ကိုတော့ ထုတ်ပြန်ခဲ့ခြင်း မရှိပါဘူး။
ဒီစီမံမှုဟာ ဘင်္ဂလားဒေ့ရ်ှကို ထွက်ပြေးခဲ့ရတဲ့ ရိုဟင်ဂျာ လူအုပ်စုကြီးအတွက် ဘာကို ရည်ရွယ်သလဲဆိုတာကို ရှင်းရှင်းလင်းလင်း မသိရသေးဘဲ သူတို့အနေနဲ့ ဘယ်အချိန်မှာ၊ ဘယ်လို ပြန်လာလို့ရမလဲ ဆိုတဲ့ မေးခွန်းတွေကိုလည်း မြင့်တက်စေပါတယ်။
သဘာဝရင်းမြစ်တွေ ကြွယ်ဝပေမယ့် ရခိုင်ပြည်နယ်ဟာ မြန်မာနိုင်ငံရဲ့ အဆင်းရဲဆုံး ပြည်နယ်တွေထဲက တစ်ခုဖြစ်ပြီး ပြည်သူတွေရဲ့ ၇၈ ရာခိုင်နှုန်းဟာ ဆင်းရဲမွဲတေမှု သတ်ချက်အောက်မှာ နေထိုင်နေရကာ နိုင်ငံရဲ့ ပျမ်းမျှ ပမာဏထက် ၂ ဆလောက်ကို ရှိနေတာပါ။
နိုင်ငံရဲ့ လူများစု ဗမာလူမျိုးအပေါ်မှာ သံသယမျက်စိနဲ့ ကြည့်နေတဲ့ ရခိုင်လူမျိုးတွေဟာ ပြည်နယ်အတွင်း ရင်းနှီးမြှုပ်နှံမှု တိုးလာပေမယ့် သူတို့ကတော့ အကျိုးကျေးဇူးကို နည်းနည်းပဲ ခံစားရတယ်လို့ ရှုမြင်နေပါတယ်။
မြန်မာနိုင်ငံကို တရုတ်လွှမ်းမိုးမှုနဲ့ ပတ်သက်ပြီး ပြည်သူတွေကြားထဲမှာ မနှစ်မြို့မှုတွေလည်း ရှိနေပါတယ်။
“အကျိုးကျေးဇူးကို လောက်လောက်လားလား မခံစားရတာကြောင့် ဒေသတွင်း ပြည်သူတွေကြားထဲမှာ ရခိုင်ပြည်နယ်က တရုတ်စီမံကိန်းကြီးတွေနဲ့ ပတ်သက်ပြီး မကျေလည်မှုတွေ တော်တော်ဖြစ်လာပါတယ်” လို့ French School of Oriental Studies (Inalco) က ရခိုင်ရေးရာကျွမ်းကျင်သူနဲ့ သုတေသနပညာရှင် Alexandra De Mersan က ပြောကြားခဲ့ပါတယ်။
ရခိုင်က ပြဿနာတွေနဲ့ပတ်သက်ပြီး ကုလအတွင်းရေးမှူးဟောင်း ကိုဖီအန်နန် ဦးဆောင်တဲ့ အစိုးရကျောထောက်နောက်ခံပြု ကော်မရှင်က သြဂုတ်လအတွင်း ထုတ်ပြန်ခဲ့တဲ့ အစီရင်ခံစာမှာ ပြည်နယ်အတွင်း ရင်းနှီးမြှုပ်နှံမှုတွေကနေ ဘယ်သူတွေက အမှန်ကတယ် အမြတ်ထွက်နေလဲဆိုတာ သတိထားရမယ်ဆိုတဲ့ အချက်တစ်ခုလည်း ပါဝင်နေပါတယ်။
“အကျိုးအမြတ်တွေကို နေပြည်တော်နဲ့ နိုင်ငံခြားကုမ္ပဏီတွေကပဲ ခွဲယူနေကြတာပါ။ အဲဒါရဲ့ နောက်ဆက်တွဲအနေနဲ့ ဒေသတွင်း လူ့အဖွဲ့အစည်းတွေက အစိုးရဟာ အမြတ်ထုတ်နေတယ်လို့ မှတ်ယူနေကြပါတယ်” လို့ အစီရင်ခံစာမှာ ဖော်ပြထားပါတယ်။
ဒါပေမယ့် မြန်မာအစိုးရခေါင်းဆောင် ဒေါ်အောင်ဆန်းစုကြည်က ဖွံ့ဖြိုးတိုးတက်ရေးဟာ ရခိုင်ဒေသအတွက် ထိပ်တန်းဦးစားပေးဖြစ်တယ်လို့ ပြောကြားခဲ့ပြီး၊ လူ့အခွင့်အရေးအဖွဲ့တွေကတော့ ရခိုင်ပြည်နယ်က ရင်းနှီးမြှုပ်နှံမှုနဲ့ပတ်သက်လို့ သတိပေးမှုတွေ ရှိနေပါတယ်။
Ref: AFP
