News @ M-Media

Tag: Romania

  • ပြန်ပေးဆွဲခံရသူကို အချိန်မီ မကယ်တင်နိုင်မှုအတွက် ရိုမေးနီးယားရဲချုပ် ရာထူးမှ ထုတ်ပယ်ခံရ

    ပြန်ပေးဆွဲခံရသူကို အချိန်မီ မကယ်တင်နိုင်မှုအတွက် ရိုမေးနီးယားရဲချုပ် ရာထူးမှ ထုတ်ပယ်ခံရ

    ဇူလိုင် ၂၈၊ ၂၀၁၉
    M-Media

    – ပြန်ပေးဆွဲခံရတဲ့ အသက် ၁၅ နှစ်အရွယ် မိန်းကလေးငယ်ကို ရဲတပ်ဖွဲ့က အချိန်မီ ကယ်တင်နိုင်ခြင်း မရှိတဲ့အတွက် ရိုမေးနီးယား ပြည်ထဲရေးဝန်ကြီးက ရဲချုပ်ကို ထုတ်ပယ်လိုက်ပြီး၊ ပြည်သူလူထုက ရဲတပ်ဖွဲ့အပေါ် ဝေဖန်မှုတွေလည်း မြင့်တက်လာခဲ့ပါတယ်။

    နိုင်ငံတောင်ပိုင်း ကာရာကာလ်မြို့က အလက်ဇန်ဒရာလို့ အမည်ရတဲ့ အဲဒီ မိန်းကလေးငယ်ဟာ ဗုဒ္ဓဟူးနေ့က ပြန်ပေးဆွဲ ခံခဲ့ရတာဖြစ်ပြီးရဲတပ်ဖွဲ့ကို ၃ ကြိမ်တိုင်တိုင် ဖုန်းခေါ်ကာ ပြန်ပေးဆွဲခံရတဲ့ အသေးစိတ်အချက်အလက်တွေကို ပြောပြခဲ့ပါတယ်။

    ရဲတွေဟာ ဒီဖုန်းခေါ်ဆိုမှုတွေကို သေသေချာချာ ကိုင်တွယ်ဆောင်ရွက်ခြင်း မရှိဘူးလို့ မိန်းကလေးငယ်ရဲ့ မိဘတွေက ဝေဖန်ပြစ်တင်ခဲ့ပါတယ်။

    စနေနေ့မှာတော့ မိန်းကလေးငယ်ရဲ့ ရုပ်အလောင်းနဲ့ သူဝတ်သွားတဲ့ လက်ဝတ်လက်စားတွေကို ပြန်တွေ့ခဲ့ပြီး ပြန်ပေးဆွဲသူက သတ်ဖြတ်သွားတယ်လို့ ကောက်ချက်ချခဲ့ပါတယ်။

    မိန်းကလေးငယ်ဟာ အရေးပေါ်ဖုန်းလိုင်း 112 ကို ကြာသာပတေးနေ့မှာ ၃ ကြိမ်တိုင်တိုင် ခေါ်ဆိုခဲ့ပါတယ်။

    ဖုန်းခေါ်မှုကို လက်ခံရရှိခဲ့ပေမယ့် ဘယ်နေရာလဲဆိုတာ ခြေရာခံလို့ မရကြောင်း၊ သူမဖမ်းဆီးခံထားရတဲ့အိမ်ကို သောကြာနေ့မှာ ဖော်ထုတ်နိုင်ခဲ့ပေမယ့် ၀ရမ်းစောင့်နေတာကြောင့် စနေနေ့ မနက်ပိုင်းမှ ၀င်ရောက်နိုင်ခဲ့ကြောင်း ရိုမေးနီးယား ရဲတပ်ဖွဲ့က ပြောကြားခဲ့ပါတယ်။

    ဒါပေမယ့် ဒီလိုဝင်ရောက်ရှာဖွေမှုအတွက် ဖမ်းဝရမ်းမလိုဘဲ၊ မိန်းကလေးငယ် ဖုန်းခေါ်ဆိုပြီး ၁၉ နာရီ ကြာတဲ့အထိ ထိထိရောက်ရောက် တုန့်ပြန်ဆောင်ရွက်မှု မရှိတဲ့အပေါ် ရဲတပ်ဖွဲ့ကို ပြည်သူတွေက ဝေဖန်လာကြပါတယ်။

    လက်ရှိအချိန်မှာ ဒီအဖြစ်အပျက်အတွက် အသက် ၆၅ နှစ်အရွယ် အမျိုးသားတစ်ဦးကို ဖမ်းဆီးထိန်းသိမ်းထားပြီး ဒီအမျိုးသားဟာ ဧပြီလက အသက် ၁၈ နှစ်အရွယ် မိန်းကလေးငယ်တစ်ဦး ပျောက်ဆုံးမှုမှာလည်း ပါဝင်ပတ်သက်သူ ဖြစ်မယ်လို့ ရဲတပ်ဖွဲ့က ယူဆထားပါတယ်။

    ရိုမေးနီးယား ပြည်ထဲရေးဝန်ကြီး နီကိုလာ မိုဂါက ထိရောက်တဲ့ ဆောင်ရွက်ချက်တွေ လိုအပ်တာကြောင့် ရဲချုပ်ကို ရာထူးကနေ ထုတ်ပယ်လိုက်ရတာ ဖြစ်တယ်လို့ ပြောကြားခဲ့ပါတယ်။

    Ref: BBC

  • ရိုမေးနီးယားဝန်ကြီးချုပ်အဖြစ် အစ္စလာမ်ဘာသာဝင်အမျိုးသမီးတစ်ဦး အမည်စာရင်းတင်သွင်းခံရ

    ရိုမေးနီးယားဝန်ကြီးချုပ်အဖြစ် အစ္စလာမ်ဘာသာဝင်အမျိုးသမီးတစ်ဦး အမည်စာရင်းတင်သွင်းခံရ

    ဒီဇင်ဘာ ၂၂၊ ၂၀၁၆
    M-Media

    romania
    ရိုမေးနီးယားဝန်ကြီးချုပ်အဖြစ် အမည်စာရင်း တင်သွင်းခံရသည့် ဆီဗီလ် ရှာဟီဒါ

    – ဥရောပနိုင်ငံတစ်ခုဖြစ်တဲ့ ရိုမေးနီးယားက အကြီးဆုံးနိုင်ငံရေးပါတီ ‘ဆိုရှယ် ဒီမိုကရက်တစ် ပါတီ’ ဟာ လူနည်းစု တာတာအမျိုးသမီး ဆီဗီလ် ရှာဟီဒါကို ၀န်ကြီးချုပ်အဖြစ် ဗုဒ္ဓဟူးနေ့မှာ အမည်စာရင်း တင်သွင်းလိုက်ပြီး ပါလီမန်နဲ့ သမ္မတရဲ့ အတည်ပြုမှုရရင်တော့ ရှာဟီဒါဟာ နိုင်ငံရဲ့ ပထမဆုံး အမျိုးသမီးဝန်ကြီးချုပ်နဲ့ ပထမဆုံး မွတ်စလင်ဝန်ကြီးချုပ် ဖြစ်လာမှာ ဖြစ်ပါတယ်။

    ဆိုရှယ် ဒီမိုကရက်တစ်ပါတီဟာ ဒီဇင်ဘာ ၁၁ ရက်နေ့က ပြုလုပ်ခဲ့တဲ့ ရွေးကောက်ပွဲမှာ ၄၅ ရာခိုင်နှုန်း အနိုင်ရရှိခဲ့ပြီး မဟာမိတ် Alliance of Liberals and Democrats ပါတီနဲ့ပေါင်းရင်တော့ လွှတ်တော်မှာ အမတ်နေရာအများစုကို ရရှိခဲ့ပါတယ်။

    အစဉ်အလာအရ မဲအများဆုံးရတဲ့ပါတီရဲ့ ခေါင်းဆောင်ကို သမ္မတက ၀န်ကြီးချုပ်အဖြစ် ခန့်အပ်ရတာဖြစ်ပေမယ့် ဆိုရှယ်ဒီမိုကရက်တစ်ပါတီခေါင်းဆောင် လီဗီယူ ဒရဂ်နီယာဟာ ရွေးကောက်ပွဲဆိုင်ရာ မသမာမှုနဲ့ ဧပြီလမှာ ဆိုင်းငံ့ထောင်ဒဏ် ၂ နှစ် ချမှတ်ခံထားရတာကြောင့် ၀န်ကြီးချုပ်တာဝန်ထမ်းဆောင်ဖို့ အခက်တွေ့နေပါတယ်။

    သမ္မတ ကလော့စ် အီအိုဟန်နစ်က တိုင်းပြည်ရဲ့ နောက်တက်မယ့်ဝန်ကြီးချုပ်ဟာ ရာဇ၀တ်မှုဆိုင်ရာ ပြစ်မှုတွေ၊ စုံစမ်းစစ်ဆေးမှုတွေနဲ့ ကင်းလွတ်ရမယ်လို့ ကြေငြာထားပါတယ်။

    ဒါ့ကြောင့် ဆိုရှယ်ဒီမိုကရက်တစ်ပါတီက အသက် ၅၂ နှစ်အရွယ် တာတာမွတ်စလင်အမျိုးသမီး ဆီဗီလ် ရှာဟီဒါကို ရွေးချယ်ခဲ့တာ ဖြစ်ပါတယ်။ သူမဟာ လူသိမများပေမယ့် ဆိုရှယ်ဒီမိုကရက်တစ်ပါတီ ဦးဆောင်တဲ့ အရင်အစိုးရလက်ထက်မှာ ဖွံ့ဖြိုးရေးဝန်ကြီးဌာနကို ကိုင်တွယ်ခဲ့သူပါ။

    “အံ့သြစရာကောင်းတဲ့ ရွေးချယ်မှုပါ။ ဒရဂ်နီယာ ကြိုးကိုင်နိုင်မယ့် တစ်ယောက်ယောက် ဖြစ်လာမယ် ဒါမှမဟုတ် ပါတီရဲ့ အကြီးတန်းအဆင့်က ဖြစ်မယ်လို့ လူတွေက မျှော်လင့်ထားကြပြီး မျက်နှာသစ်ဖြစ်မယ်လို့ မထင်ထားကြပါဘူး။ ရှာဟီဒါကို ရွေးချယ်လိုက်ခြင်းက ဒရဂ်နီယာဟာ အစိုးရကို တိုက်ရိုက် တာဝန်မယူဘဲ ထိန်းချုပ်မယ်လို့ အဖြထွက်ပါတယ်။ သူမက ဘာမှ အစွန်းအထင်းမရှိဘူး။ ဒါဆိုရင် အီအိုဟန်နစ်ကလည်း ငြင်းစရာအကြောင်း မရှိတော့ပါဘူး” လို့ နိုင်ငံရဲ့ ဒုတိယမြို့တော် ကလုဂ်ျက Babes-Bolyai တက္ကသိုလ် နိုင်ငံရေးသိပ္ပံဆိုင်ရာ ပါမောက္ခ Sergiu Miscoiu က ပြောကြားခဲ့ပါတယ်။

    ပြီးတော့ ဒီရွေးချယ်မှုဟာ မဲဆွယ်မှုအတွင်းမှာ မြင်တွေ့ခဲ့ရတဲ့ အမျိုးသားရေးဝါဒ၊ ခရစ်ယာန် အော်သိုဒေ့ါစ် အသားပေးဝါဒတို့ကို တန်ပြန်ဖို့ဖြစ်တယ်လို့လည်း ပါမောက္ခက ထပ်လောင်း ပြောဆိုခဲ့ပါတယ်။ ရှာဟီဒါကို ၀န်ကြီးချုပ်အဖြစ် ဒီလိုအမည်စာရင်း တင်သွင်းလိုက်တဲ့အတွက် နိုင်ငံရေးစောင့်ကြည့်လေ့လာသူ တော်တော်များများက အံ့သြခဲ့ကြပါတယ်။

    စီးပွားရေး ကျွမ်းကျင်သူတစ်ယောက်ဖြစ်တဲ့ ရှာဟီဒါဟာ ဒေသတွင်းနဲ့ ပြည်နယ်ဖွံ့ဖြိုးတိုးတက်ရေးလုပ်ငန်းမှာ အများဆုံး ကျင်လည်ဖူးပြီး၊ သူ့ရဲ့ အချိန်တွေကိုလည်း နိုင်ငံရေးအရ အချက်အခြာကျတဲ့ ဘူခါရက်စ်မှာမဟုတ်ဘဲ ကွန်စတန်တာမှာ ကုန်ဆုံးခဲ့တာပါ။ ဒါပေမယ့် ပါတီခေါင်းဆောင် ဒရဂ်နီယာနဲ့တော့ အနီးကပ်ဆက်ဆံရေး ရှိပါတယ်။

    ဖွံ့ဖြိုးရေတိုးတက်ရေး ၀န်ကြီးဌာနမှာ ဒရဂ်နီယာက ၀န်ကြီးအဖြစ် တာဝန်ထမ်းဆောင်ချိန် ရှာဟီဒါက လက်ထောက်ဖြစ်ပြီး ၂၀၁၅ ဒရဂ်နီယာ နှုတ်ထွက်သွားခဲ့ပြီးနောက်ပိုင်း ရှာဟီဒါက ၀န်ကြီးဖြစ်လာခဲ့ပါတယ်။

    ဥရောပမှာ မွတ်စလင်အမျိုးသမီးတွေဟာ နိုင်ငံရဲ့ အကြီးအကဲအဖြစ် တာဝန်ထမ်းဆောင်တယ်ဆိုတာ အလွန်နည်းပါးပါတယ်။

    ထမ်းဆောင်ခဲ့သူတွေဟာလည်း မွတ်စလင်အများစုရှိရာနိုင်ငံတွေမှာဖြစ်ပြီး ဥပမာအားဖြင့် ၁၉၉၀ ပြည့်နှစ်တွေက တူရကီဝန်ကြီးချုပ်အဖြစ် တာဝန်ထမ်းဆောင်ခဲ့တဲ့ တန်ဆူ စီလ်လာ၊ ၂၀၁၁ ခုနှစ်ကနေ ၂၀၁၆ ခုနှစ်အထိ ကိုဆိုဗိုသမ္မတအဖြစ် တာဝန်ထမ်းဆောင်ခဲ့တဲ့ အတစ်ဖ်တီ ဂျာဟ်ဂျာဂါတို့လောက်သာ ရှိပါတယ်။

    ရိုမေးနီးယားရဲ့ လူဦးရေ ၈၀ ရာခိုင်နှုန်းကျော်ဟာ အော်သိုဒေါ့စ်ခရစ်ယာန်တွေဖြစ်ကြပြီး အစ္စလာမ်ဘာသာဝင်က ၁ ရာခိုင်နှုန်းအောက်သာ ရှိပါတယ်။

    Ref: Newyork Times

  • အစိုးရယန္တရားတွင် ခြစားမှုအဆုံးသတ်ရေး ရိုမေးနီးယားပြည်သူများ ဆန္ဒပြ

    အစိုးရယန္တရားတွင် ခြစားမှုအဆုံးသတ်ရေး ရိုမေးနီးယားပြည်သူများ ဆန္ဒပြ

    နိုဝင်ဘာ ၅၊ ၂၀၁၅
    M-Media

    rmna

    – အင်္ဂါနေ့ ဆန္ဒပြမှုများကြောင့် ၀န်ကြီးချုပ် ဗစ်တာ ပွန်တာ ယမန်နေ့က နှုတ်ထွက်ခဲ့သော်လည်း အစိုးရအဖွဲ့အတွင်း လာဘ်စားမှုများကို အဆုံးသတ်ရေးအတွက် ယမန်နေ့က နိုင်ငံတစ်ဝှမ်းတွင် ရိုမေးနီးယားပြည်သူများက ဆန္ဒပြခဲ့ကြသည်ဟု သိရသည်။

    မြို့တော်ဘူခါရက်တွင် ပြုလုပ်သည့် ဆန္ဒပြမှုအတွင်း ပြည်သူ ၃ သောင်းကျော် ပါဝင်ခဲ့ကြပြီး နိုင်ငံအတွင်းရှိ အခြားသော အဓိကမြို့ကြီးများတွင်လည်း ဆန္ဒပြမှုများ ပြုလုပ်ခဲ့ကြသည်။ ယခုတစ်ပတ် အစောပိုင်းက ဘူခါရက်ရှိ နိုက်ကလပ်တစ်ခုတွင် မီးလောင်ကာ လူ ၃၂ ဦး သေဆုံးခဲ့သည့် အဖြစ်အပျက်ကို မကျေနပ်သည့်အတွက် အင်္ဂါနေ့က ပြုလုပ်ခဲ့သော ဆန္ဒပြမှုများကြောင့် ၀န်ကြီးချုပ်ပွန်တာ ဦးဆောင်သည့် အစိုးရက နှုတ်ထွက်ပေးခဲ့ခြင်းဖြစ်သည်။

    သို့သော်လည်း ထိုနှုတ်ထွက်ခြင်းမှာ နိုင်ငံရေးအခြေအနေ ပြုပြင်ပြောင်းလဲမှု စတင်ခြင်းသာဖြစ်ပြီး အုပ်ချုပ်ရေး ယန္တရားတွင် အလွန်အမင်း လာဘ်စားမှုများ ရှိနေသည်ဟု ရိုမေးနီးယားပြည်သူများက မှတ်ယူနေကြသည်။

    “ကျွန်တော်တို့ဟာ ခြစားမှု၊ ခြစားသူတွေနဲ့ သူတို့တွေကို ကာကွယ်ပေးနေတဲ့ စနစ်ကြီးကို ပထမဆုံး ဆန့်ကျင် ဆန္ဒပြကြတပါ။ အဲဒီစနစ်က ခြစားသူတွေကို သူတို့ဟာသူတို့ မဖယ်ရှားဘူးဆိုရင် ပြည်သူတွေက သူတို့ရဲ့လက်နဲ့ တရားမျှတမှုကို ရှာဖွေရပါလိမ့်မယ်” ဟု ဆန္ဒပြသူတစ်ဦးက ပြောကြားခဲ့သည်။

    Ref: Aljazeera

  • ပြည်သူ မကြိုက်တော့သည့် အတွက် ရိုမေးနီးယား အစိုးရ နှုတ်ထွက်ပေး

    ပြည်သူ မကြိုက်တော့သည့် အတွက် ရိုမေးနီးယား အစိုးရ နှုတ်ထွက်ပေး

    နိုဝင်ဘာ ၄၊ ၂၀၁၅
    M-Media

    rma

    – လူပေါင်း ၃၀ ကျော်သေဆုံးခဲ့သည့် နိုက်ကလပ်မီးလောင်မှုနှင့် ပတ်သက်၍ ပြည်သူများက ဆန္ဒပြမှုများ ပြုလုပ်ခဲ့ပြီးနောက် ရိုမေးနီးယား ၀န်ကြီးချုပ် ဗစ်တာပွန်တာက ရာထူးမှ နှုတ်ထွက်ကြောင်း ယနေ့တွင် ကြေငြာလိုက်သည်။

    “ကျွန်တော့်ရဲ့လုပ်ပိုင်ခွင့်ကို ကျွန်တော် လွှဲပြောင်းပေးတော့မှာဖြစ်ပြီး ရာထူးကနေလည်း နှုတ်ထွက်တော့မှာပါ။ ကျွန်တော့်အစိုးရကလည်း အကြွင်းမဲ့ နှုတ်ထွက်မှာ ဖြစ်ပါတယ်။ အစိုးရရဲ့ ဒီလိုနှုတ်ထွက်မှုဟာ လမ်းပေါ်ထွက်ပြီး ဆန္ဒပြနေတဲ့သူတွေ ကျေနပ်ကြလိမ့်မယ်လို့ ကျွန်တော် မျှော်လင့်ပါတယ်” ဟု ယနေ့တွင် ထုတ်ပြန်သော ပွန်တာ၏ ကြေငြာချက်တွင် ဖော်ပြထားသည်။

    Rock ဂီတဖျော်ဖြေပွဲ ကျင်းပပြုလုပ်နေစဉ် အောက်တိုဘာ ၃၀ ရက်နေ့က ဖြစ်ပွားခဲ့သော Colectiv နိုက်ကလပ်မီးလောင်မှုတွင် သေဆုံးသူ ၃၂ ဦးအထိ မြင့်တက်လာမှုနှင့် အစိုးရ၏ ကိုင်တွယ်မှုကို မကျေနပ်သည့် ပြည်သူထောင်ပေါင်းများစွားမှာ ပြီးခဲ့သည့် ရက်ပိုင်းအတွင်း ဆန္ဒပြခဲ့ကြပြီး ကတ်ဘိနတ်အဖွဲ့ နှုတ်ထွက်ရန်လည်း ထောင်းဆိုခဲ့ကြသည်။

    အဆိုပါ နိုက်ကလပ်၏ ပိုင်ရှင် ၃ ဦးကို ရဲတပ်ဖွဲ့က ဖမ်းဆီးထားပြီး ပေါ့ဆမှု၊ လူသတ်မှုနှင့် လက်ရောက်မှုတို့ဖြင့် တရားစွဲဆိုထားသည်။ အာဏာရ ဆိုရှယ်ဒီမိုကရက်တစ်ပါတီ အကြီးအကဲ လီဗီယူ ဘရာ့ဂ်နီယာကမူ ဖြစ်ပျက်ခဲ့သမျှအတွက် တစ်ဦးဦးက တာဝန်ယူပေးရမည်ဟု ယနေ့တွင် ပြောကြားခဲ့သည်။

    Ref: Aljazeera

  • ရိုမေးနီးယား နိုက်ကလပ်မီးလောင်မှု လူ ၂၀ ကျော်သေဆုံး

    ရိုမေးနီးယား နိုက်ကလပ်မီးလောင်မှု လူ ၂၀ ကျော်သေဆုံး

    အောက်တိုဘာ ၃၁၊ ၂၀၁၅
    M-Media

    rmn

    – ရိုမေးနီးယားမြို့တော် ဘူခါရက်စ်ရှိ နိုက်ကလပ်တစ်ခုတွင် ယမန်နေ့ည ၁၁ နာရီခန့်က မီးလောင်ကျွမ်းခဲ့သောကြောင့် ယနေ့မနက်အထိ သေဆုံးသူမှာ အနည်းဆုံး ၂၇ ဦး ရှိနေပြီး ၁၈၀ ကျော် ဒဏ်ရာရရှိခဲ့သည်ဟု ရိုမေးနီးယား အာဏာပိုင်များက ပြောကြားလိုက်သည်။

    Rock ဂီတဖျော်ဖြေပွဲ ပြုလုပ်နေပြီး လူရာနှင့်ချီ၍ ရှိနေစဉ် ထိုကဲ့သို့ မီးလောင်မှု ဖြစ်ပွားခဲ့ခြင်းဖြစ်ပြီး မီးလောင်ရခြင်း အကြောင်းအရင်းကို အတိအကျ မသိရှိရသေးသော်လည်း ဂီတဖျော်ဖြေပွဲတွင် အသုံးပြုသည့် မီးပန်းများတွင် ပြဿနာရှိသည်ဟု ယုံကြည်ရသည်။

    သေဆုံးဒဏ်ရာရသူ အများစုမှာ ဆယ်ကျော်သက်လူငယ်များဖြစ်ကြပြီး ဆေးရုံးသို့ တင်ပို့ထားရသူများတွင် မီးလောင်ဒဏ်ရာ ဆိုးဆိုးဝါးဝါးရသူများလည်း ပါဝင်ခဲ့ကာ သေဆုံးသူအရေအတွက်မှာ ဆက်လက်မြင့်တက်လာနိုင်ဖွယ် ရှိနေသည်။

    Ref: Aljazeera