Tag: russia

နိုဝင်ဘာ ၁၆၊ ၂၀၁၆
M-Media

– ရုရှားစီးပွားရေးဝန်ကြီး အလက်စ်ကီ ယူကာယက်ဗ်ကို လာဘ်စားမှုနှင့် ခြိမ်းခြောက်ငွေတောင်းခံမှုတို့ဖြင့် တရားဝင်ရုံးတင် တရားစွဲဆိုလိုက်သည်ဟု ရုရှားစုံစမ်းရေးကော်မတီက ပြောကြားလိုက်သည်။

ရုရှား၏ ထိပ်တန်းရေနံကုမ္ပဏီ Rosneft ၏ ထုတ်ကုန်ပစ္စည်များအပေါ် ဘဏ္ဍာရေးဆိုင်ရာ အကဲဖြတ်ချက်များနှင့် ကောင်းမွန်သည် ထောက်ခံချက် ပေးရန်အတွက် ဒေါ်လာ ၂ သန်း လာဘ်ငွေတောင်းခံခဲ့ခြင်းဖြစ်ပြီး လာဘ်ငွေရယူသည့်အချိန်တွင် လက်ရ ဖမ်းဆီးရမိခဲ့ခြင်းဖြစ်သည်။

စုံစမ်းရေးကော်မတီ၏ ထုတ်ပြန်ချက်အရ ယူကာယက်ဗ်သည် ၎င်းအနေနှင့် ကုမ္ပဏီ၏ လုပ်ငန်းဆောင်ရွက်မှုများကို ၀န်ကြီးရာထူး အရှိန်အ၀ါကို အသုံးပြု၍ အနှောင့်အယှက်ပေးမည်ဟု ခြိမ်းခြောက်ပြောဆိုခဲ့သည်ဟု ဆိုသည်။ Rosneft ကုမ္ပဏီမှ တာဝန်ရှိသူများကမူ ယူကာယက်ဗ်၏ ထိုလုပ်ရပ်ကို စုံစမ်းစစ်ဆေးရေးကော်မတီသို့ သတင်းပေးပိုခဲ့သည်။

ကော်မတီ၏ တာဝန်ရှိသူများက ယူကာယက်ဗ်အား နေအိမ်အကျယ်ချုပ်ချထားရန် တရာရုံးတွင် လျှောက်ထားခဲ့သည်။

အပြစ်ရှိကြောင်း တွေ့ရှိရပါက ယူကာယက်ဗ်မှာ အမြင့်ဆုံးပြစ်ဓာဒ်အဖြစ် လာဘ်ယူထားသည့် ပမာဏ၏ အဆ ၈၀ မှ အဆ ၁၀၀ ရှိသည့် တန်ဖိုးကို ပေးလျော်ရမည်ဖြစ်ပြီး အစိုးရတာဝန်များကို ထမ်းဆောင်ခြင်းမှ ၁၅ နှစ် ရပ်ဆိုင်းခံရမည်ဖြစ်သည်။

သို့မဟုတ်ပါက ထောင်ဒဏ် ၁၅ နှစ်နှင့် လာဘ်ငွေပမာဏ၏ အဆ ၇၀ ပေးလျော်ရနိုင်သည်။

Ref : RT

နိုဝင်ဘာ ၁၅၊ ၂၀၁၆
M-Media

– အီရန်နိုင်ငံသို့ ရုရှားက S-300 လေကြောင်းရန်ကာကွယ်ရေးစနစ်ကို အောင်မြင်စွာ ပို့ဆောင်ခဲ့ပြီးနောက်ပိုင်း ၎င်းတို့နှစ်နိုင်ငံမှာ ကန်ဒေါ်လာ ၁၀ ဘီလီယံတန်ဖိုးရှိ စစ်လက်နက်ပစ္စည်းများ ၀ယ်ယူနိုင်ရေး ဆွေးနွေးမှု ပြုလုပ်နေသည်ဟု သိရသည်။

“ဒီနေ့မှာ တီဟီရန်ရဲ့ လိုအပ်ချက်ကို ဆွေးနွေးခဲ့ပြီး တန်ဖိုးကတော့ ၁၀ ဘီလီယံဖိုး ရှိပါတယ်” ဟု ရုရှားအထက်လွှတ်တော် ကာကွယ်ရေးနှင့် လုံခြုံရေးကော်မတီဥက္ကဌ ဗစ်တာ အိုဇီရော့ဗ်က ယမန်နေ့တွင် အီရန်လွှတ်တော်သို့ လာရောက်လည်ပတ်စဉ် ပြောကြားခဲ့သည်။

အီရန်က တောင်းဆိုသည့် လက်နက်ပစ္စည်းများတွင် T-90 တင့်ကားများ၊ အမြှောက်များ၊ လေယာဉ်အမျိုးမျိုးတို့ ဖြစ်ကြောင်း၊ လက်နက်တင်ပို့မှုများကို အကြိမ်ကြိမ်ခွဲ၍ ပြုလုပ်မည်ဖြစ်ပြီး ၂၀၂၀ ခုနှစ်မတိုင်မီအထိ ကုလသမဂ္ဂလုံခြုံရေးကောင်စီ၏ သဘောတူညီချက်နှင့်အညီ ဆောင်ရွက်မည်ဖြစ်ကြောင်း ထည့်သွင်းပြောကြားခဲ့သည်။

နျူအရေး သဘောတူညီချက်ရရှိပြီးနောက် အီရန်နိုင်ငံအပေါ် ပိတ်ဆို့မှုဖယ်ရှားခဲ့ခြင်းကြောင့် ရုရှားမှာ S300 လေကြောင်းရန် ကာကွယ်ရေးစနစ်ကို ပြီးခဲ့သည့် အောက်တိုဘာလက ပေးပို့နိုင်ခဲ့သည်။

“ရုရှားနဲ့ အီရန်ကြားက ပူးပေါင်းဆောင်ရွက်ရေးတွေကို ဆက်လက်လုပ်ဆောင်နေပါတယ်၊ ကျွန်တော်တို့လက်နက်ကိုင်တပ်ဖွဲ့တွေက ရုရှားရဲ့ MI-17 ရဟတ်ယာဉ်တွေ ဆက်ဝယ်သွားဖို့ ရှိပါတယ်။ ရုရှားဆီက S-300 စနစ်လည်း ရထားပြီးပါပြီ” ဟု အီရန် နိုင်ငံခြားရေး ပေါ်လစီနှင့် အမျိုးသားလုံခြုံရေးကော်မတီဥက္ကဌ အာလက်ဒင်း ဘူရူဂျာဒီက ပြောကြားခဲ့သည်။

Ref : RT

နိုဝင်ဘာ ၁၃၊ ၂၀၁၆
M-Media

– ရုရှားအစိုးရနှင့် နီးစပ်သည်ဟု သိကြသည့် ပါမောက္ခတစ်ဦးက ရုရှားသမ္မတ ဗလာဒီမီရ် ပူတင်သည် ၎င်း၏ လက်ရှိ သမ္မတသက်တမ်း ၆ နှစ်မကုန်ခင် တစ်နှစ်အလို ၂၀၁၇ တွင် ရာထူးမှ နုတ်ထွက်နိုင်ဖွယ်ရှိသည်ဟု ပြောကြားလိုက်သည်။

ကြာသပတေးနေ့က မော်စကိုခြေစိုက် Moskovskij Komsomolets သတင်းစာနှင့် အင်တာဗျူးတွင် ရုရှားနိုင်ငံ၏ ဂုဏ်သိက္ခာကြီးမားသည့် နိုင်ငံတကာဆက်ဆံရေးတက္ကသိုလ် ပါမောက္ခတစ်ဦးဖြစ်သူ ဗလာရီ ဆိုလိုဗီက ထိုကဲ့သို့ ပြောကြားခဲ့ခြင်းဖြစ်သည်။

နာက်ပိုင်းတွင် အဆိုပါ အင်တာဗျူးကို Moskovskij Komsomolets သတင်းစာ၏ ၀ဘ်ဆိုက်တွင် ဖတ်ရှု၍ မရတော့သော်လည်း အချို့ အင်တာနက် archive များနှင့် တွစ်တာစာမျက်နှာများတွင် ဖတ်ရှုတ်နိုင်သည်ဟု ၀ါရှင်တန်ပို့စ်က ပြောကြားခဲ့သည်။

“အဲ့ဒီဆောင်းပါးကို ဖယ်ရှားလိုက်ပါပြီ၊ ဒါပေမယ့် Twitter အချို့မှာတော့ ရှိနေတုန်းပါပဲ” ဟု ၀ါရှင်တန်ပို့စ်က ဆိုသည်။

အစိုရအသိုင်းအ၀ိုင်းနှင့် နီးစပ်သည့် ဆိုလိုဗီမှာ မကြာသေးခင်က အစိုးရ၏ ရာထူးခန့်အပ်မှုများကို ကြိုတင်ပြောပြရာတွင် မှန်ကန်မှုရှိခဲ့သည်။ ယခုအင်တာဗျူးတွင် ပူတင်မှာ လူမြင်ကွင်းမှ လအနည်းငယ် ပျောက်သွားရမည့် ပြဿနာမျိုး ရှိနေသည်ဟု ဆိုသည်။

သို့သော်လည်း အသေးစိတ်အချက်အလက်များကို ပြောပြရန် ငြင်းဆိုခဲ့ပြီး အထူးသဖြင့် ပူတင်၏ ကျန်းမာရေးနှင့် ပတ်သက်၍ ဖြစ်သည်။

၂၀၀၀ ခုနှစ်ကတည်းက အာဏာရယူထားသည့် ၎င်း၏နေရာတွင် အစားထိုးရန်အတွက် ပူတင်မှာ ရွေးကောက်ပွဲ စောလုပ်နိုင်ချေရှိသော်လည်း ယခင်သမ္မတဟောင်း ဒီမီထရီ မက်ဗီဒက်ဗ်ကသာ သမ္မဖြစ်နိုင်ချေရှိသည်ဟု ဆိုလိုဗီက ပြောကြားခဲ့သည်။

Ref : alarabiya

နိုဝင်ဘာ ၁၀၊ ၂၀၁၆
M-Media

– အမေရိကန်သမ္မတရွေးကောက်ပွဲတွင် ဒေါ်နယ်ထရမ့်အနိုင်ရသွားပြီးနောက် အစိုးရသစ်နှင့် ဆက်ဆံရေး ပြန်လည်ကောင်းမွန်အောင်ဆောင်ရွက်ရန် အဆင်သင့်ရှိနေသည်ဟု ရုရှားသမ္မတ ဗလာဒီမီရ်ပူတင်က ပြောကြားလိုက်သည်။

ထရမ့်သည် ပြိုင်ဘက်ဖြစ်သူ ဟီလာရီကလင်တန်ကို အင်္ဂါနေ့ သမ္မတရွေးကောက်ပွဲ၌ အနိုင်ယူခဲ့ပြီး ကမ္ဘာကြီးကို အံ့သြစေခဲ့ကာ ဒီမိုကရက်တစ်ပါတီ၏ ၈ နှစ်ကြာ ကြီးစိုးမှုကို အဆုံးသတ်နိုင်ခဲ့သည်။

ထို့ပြင် အမေရိကန်ကို မရေရာသော လမ်းကြောင်းသစ်ပေါ်သို့ တင်ပေးနိုင်ခဲ့ပြီး ယင်းကဲ့သို့ မသေချာမရေရာမှုများအနက် ထရမ့်ဦးဆောင်သည့်အစိုးရအဖွဲ့နှင့် ရုရှားတို့ကြား ဆက်ဆံရေးလည်း ပါဝင်သည်။ အမေရိကန်နှင့် ရုရှားတို့အကြား ဆက်ဆံရေးသည် ယူကရိန်းနှင့် ဆီးရီးယားပဋိပက္ခများ၊ အမေရိကန်ရွေးကောက်ပွဲ မဲဆွယ်ပွဲ၌ ရုရှား၏ ဆိုက်ဘာတိုက်ခိုက်မှုကြောင့် တင်းမာမှုမြင့်တက်လာခဲ့သည်။

“အမေရိကန်သမ္မလောင်းတွေရဲ့ မဲဆွယ်ဟောပြောချက်တွေထဲမှာ ရုရှားနဲ့ အမေရိကန်ပြည်ထောင်စုတို့အကြား ဆက်ဆံရေး ပြန်လည်ကောင်းမွန်အောင် လုပ်ဆောင်မယ့်အကြောင်း နားထောင်လိုက်ရပါတယ်။ လွယ်ကူတဲ့လမ်းကြောင်းတော့မဟုတ်ပါဘူး။ ဒါပေမဲ့ ကျွန်တော်တို့အနေနဲ့ ကျွန်တော်တို့အပိုင်းကိုတော့ အသင့်ပြင်ထားပြီးပါပြီ၊ ရုရှားနဲ့ အမေရိကန်ဆက်ဆံရေး တည်ငြိမ်ဖွံ့ဖြိုးတဲ့လမ်းကြောင်းပေါ် ပြန်လည်ရောက်ရှိအောင် အစွမ်းကုန်ကြိုးစားသွားမှာပါ” ဟု ပူတင်က ယမန်နေ့တွင် ပြောကြားခဲ့သည်။

ထရမ့်မှာ ရုရှားနှင့် နွေးထွေးသောဆက်ဆံရေးရှိမည်ဟု အများစုက ယူဆနေကြပြီး ပူတင်ကမူ ထရမ့်မှာ ပါရမီရှိပြီး၊ ကိုယ်ရည်ကိုယ်သွေး ပြည့်ဝသည်ဟု ပြောကြားဖူးသည်။

ဗုဒ္ဓဟူးနေ့ မနက်ပိုင်းကလည်း ရုရှားက မိမိတို့အနေဖြင့် ဆီးရီးယားအရေးတွင် အမေရိကန်နှင့် ပူးပေါင်းဆောင်ရွက်သွားရန် မျှော်လင့်ထားသည်ဟု ပြောကြားခဲ့သည်။

Ref : alarabiya