Tag: russia

ဒီဇင်ဘာ ၁၁၊ ၂၀၆
M-Media

– သမ္မတပူတင်၏သမီး နှစ်သက်သော အကအားကစားနည်းတစ်ခုဖြစ်သည့် acrobatic rock’n’roll အတွက် ရုရှားအစိုးရမှာ ကန်ဒေါ်လာ သန်း ၃၀ တန် အကစင်တာတစ်ခုကို ဆောက်လုပ်ပေးခဲ့သည်ဟု Reuters သတင်းဌာနကဖော်ပြခဲ့သည်။

Zhavoronki Acrobatic Rock’n’Roll အကစင်တာဖြစ်ပြီး မော်စကိုမြို့အနောက်ဖက် ဆင်ခြေဖုံးတွင် ဆောက်လုပ်ထားခြင်းဖြစ်သည်။ အဆိုပါအဆောက်အဦး ဆောက်လုပ်ရန်အတွက် စည်ပင်သာယာရေးဌာနက ငွေထုတ်ပေးခဲ့သည်။

World Rock’n’Roll Confederation (WRRC) အဖွဲ့ကမူ ထိုစင်တာမှာ acrobatic rock’n’roll အားကစားနည်းအတွက် ထူးရှယ်အဆောက်အဦးဖြစ်သည်ဟု ပြောကြားခဲ့သည်။ စင်တာအတွက် သုံးစွဲသည့် ငွေကြေးပမာဏမှာ ရုရှားတွင် ပို၍ လူကြိုက်များသည့် မြှားပစ်အားကစားနည်းနှင့် ဘိုင်သလွန်အားကစားနည်းတို့တွင် သုံးစွဲသည့် ငွေကြေးထက် အဆမတန် များပြားနေသည်။

သမ္မတပူတင်၏ အငယ်ဆုံးသမီးဖြစ်သူ ကက်ထရီနာ တီဟိုနိုဗာမှာ Moscow City Khamovniki အားကစားနှင့် အကသင်တန်းကျောင်းတွင် acrobatic rock’n’roll အက အားကစားနည်းကို သင်ကြားပေးနေပြီး အစိုးရကဆောက်ပေးသည့် Zhavoronki Acrobatic Rock’n’Roll စင်တာမှာ အဆိုပါ သင်တန်းကျောင်းအတွက် ဖြစ်သည်။

အသက် ၃၀ အရွယ်ရှိ တီဟိုနိုဗာမှာ ရုရှားရှိ ထိပ်တန်း acrobatic rock’n’roll အားကစားမယ်တစ်ဦးဖြစ်ပြီး WRRC ၏ ဒုတိယ ဥက္ကဌလည်းဖြစ်သည်။ ထို့ပြင် ရုရှား၏ အားကစားအဖွဲ့ချုပ်တွင် အကြီးတန်း တာဝန်ရှိသူဖြစ်ကာ နိုင်ငံတကာ ကော်မတီနှင့် ရုရှားဒေသဆိုင်ရာ ဖွံ့ဖြိုးရေးအဖွဲ့တွင်လည်း တာဝန်ယူထားသည်။

Ref: Reuters

ဒီဇင်ဘာ ၁၀၊ ၂၀၁၆
M-Media

– နွေရာသီ၊ ဆောင်းရာသီနှင့် မသန်စွမ်း အိုလံပစ်များတွင် ပါဝင်ယှဉ်ပြိုင်ခဲ့သည့် ရုရှား အားကစားသမား ၁၀၀၀ ကျော်မှာ ဆေးမအောင်မှုကို ဖုံးကွယ်ရန် အစိုးရ၏ ပူးပေါင်းကြံစည်မှုတွင် ပါဝင်ခဲ့သည် သို့မဟုတ် ထိုအစီအစဉ်မှ အကျိုးဖြစ်ထွန်းခဲ့သည်ဟု ကမ္ဘာ့တားမြစ်ဆေးဆန့်ကျင်ရေး အေဂျင်စီ (WADA) က ပြောကြားလိုက်သည်။

ကနေဒါ အားကစားဆိုင်ရာ ရှေ့နေဖြစ်သူ ရစ်ချက် မက္ကလာရင်က ယမန်နေ့တွင် ထုတ်ပြန်သော အစီရင်ခံစာ၌ ဖော်ပြထားခြင်းဖြစ်ပြီး ရုရှားအစိုးရက ကျောထောက်နောက်ခံပြုထားသော တားမြစ်ဆေး သုံးစွဲမှုအစီအစဉ် အသေးစိတ်ကို ဖော်ပြခဲ့သည်။

၂၀၁၂ အိုလံပစ်၊ ၂၀၁၃ ကမ္ဘာ့ အားကစား ချန်ပီယံရှစ်၊ ၂၀၁၄ ဆိုချီ ဆောင်းရာသီ အိုလံပစ်နှင့် ဘောလုံးအပါအ၀င် အားကစားနည်း ၃၀ ကျော်တွင် တားမြစ်ဆေးသုံးစွဲကြောင်း တွေ့ရှိမှုကို ဖုံးကွယ်ရန်အတွက် စနစ်တကျ ပြုလုပ်ခဲ့သည်ဟုလည်း အစီရင်ခံစာက ဆိုသည်။

“အနည်းဆုံး ၂၀၁၁ လောက်နေစလို့ ဖုံးကွယ်ခဲ့တာတွေ၊ ဆိုချီအိုလံပစ်နောက်ပိုင်း ဆက်လုပ်တာတွေကို ကျွန်တော်တို့ အတည်ပြုနိုင်ခဲ့ပါတယ်။ ဒီလိုဖုံးကွယ်မှုဟာ မကြုံစဖူး ပမာဏဖြစ်ပြီး အစီရင်ခံစာရဲ့ ဒုတိယပိုင်းမှာတော့ ကစားသမားတွေ အများအပြားပါဝင်မှု၊ တားမြစ်ဆေးသုံးစွဲမှုကို ဖုံးကွယ်ဖို့အတွက် ပူးပေါင်းစီစဉ်မှုတွေကို ဖော်ပြထားပါတယ်” ဟု မက္ကလာရင်က သတင်းစာရှင်းလင်းပွဲတွင် ပြောကြားခဲ့သည်။

ထို့ပြင် ရုရှားအစိုးရမှာ ဆေးမအောင်သည့် အားကစားသမား ၅၀၀ ကျော်ကို ဆေးအောင်သည်ဟု ဖော်ပြခဲ့ပြီး ထိုအထဲတွင် နာမည်ကြီးနှင့် ထိပ်တန်းကစားသမားများလည်း ပါဝင်ကြောင်း၊ ၂၀၁၂ လန်ဒန်အိုလံပစ်တွင် ရုရှားမှာ ရွှေ ၂၄၊ ငွေ ၂၆ နှင့် ကြေး ၃၂ ခု ရရှိခဲ့ပြီး ယှဉ်ပြိုင်သည့်အားကစားသမားအားလုံး မည်သူမှ ဆေးမအောင်ခဲ့ကြောင်း ၎င်းက ထပ်လောင်း ပြောဆိုခဲ့သည်။

Ref: Aljazeera