News @ M-Media

Tag: Saudi

  • မက္ကာနှင့် မဒီနာကြား ဆက်သွယ်မည့် မြန်နှုန်းမြင့် ရထားလမ်း တည်ဆောက် ပြီးစီးနေမှု အခြေအနေ

    ဧပြီ-၂၇-၂၀၁၃
    M-Media

    Haramain rail project

    ဆော်ဒီအာရေဗျနိုင်ငံ ဟာရာမိန်း(Haramain) ရထားလမ်းဖောက်လုပ်မှု၏ တစ်စိတ်တစ်ဒေသဖြစ်သည့် ဘူတာရုံ တည်ဆောက်မှုမှာ ဂျစ်ဒါမြို့တွင် ၂၇ ရာခိုင်နှုန်းကျော်နှင့် မက္ကာမြို့တွင် ၁၃ ရာခိုင်နှုန်းခန့်ပြီးစီးနေပြီး ထိုရထားလမ်းတည်ဆောက်ရေးလုပ်ငန်းမှာ အချိန်မီ ပြီးစီးလိမ့်မည်ဟု ဆော်ဒီရထား ပို့ဆောင်ရေး အဖွဲ့၏ အကြီးအကဲဖြစ်သူ မိုဟာမက် အလ်-ဆူဝေကတ် ( Muhammad Al-Suwaiket) က ဆိုသည်။ ဘူတာရုံများ တည်ဆောက်မှုပြီးစီးသွားလျှင် ရထားလမ်းဖောက်လုပ်မှု၏ ဒုတိယအဆင့်ကို စတင်ဆောင်ရွက်နိုင်လိမ့်မည်ဟုလည်း သူက ပြောကြားသည်။

    မက္ကာ၊ မဒီနာ၊ ဂျစ်ဒါနှင့် အနောက်ဘက် ကမ်းရိုးတမ်း ရာဘစ်(Rabigh)ရှိ ဘုရင်အဗ်ဒွလ္လာဟ် စီးပွားရေးမြို့တော်တို့တွင် ဘူတာရုံများတည်ဆောက်ခြင်းမှာ ရထားလမ်းဆောက်လုပ်မှု ပထမအဆင့်၏ ဒုတိယနှင့်၊ အပြီးသတ် ဆောင်ရွက်မှုဖြစ်လေသည်။ ထိုရထားလမ်းဖောက်လုပ်မှု၏ ဒုတိယနှင့် နောက်ဆုံး အဆင့်များတွင် ရထားလမ်းပိုင်းများတည်ဆောက်ခြင်း၊ အချက်ပြစနစ်နှင့် ဆက်သွယ်ရေးစနစ်များ တပ်ဆင်ခြင်း၊ ရထားလမ်းပိုင်းဆိုင်ရာ လျှပ်စစ် ဓာတ်အားပေးစနစ်များ တည်ဆောက်ခြင်းနှင့်၊ ခရီးသည်များအတွက် ကြိုပို့ယာဉ် ၃၅ စီး စီစဉ်ပေးခြင်းတို့ ပါဝင်မည်ဖြစ်သည်။ အဆိုပါ ရထားလမ်းဖောက်လုပ်မှု လုပ်ငန်းကို ၂၀၁၄ ခုနှစ်ကုန်ပိုင်းတွင် အပြီးသတ်နိုင်လိမ့်မည်ဟု ခန့်မှန်းထားသည်။

    1366999946765328900
    ဂျစ်ဒါမြို့မှ ဘူတာရုံတည်ဆောက်နေမှုမြင်ကွင်း

    မက္ကာ-မဒီနာ လမ်းပိုင်းကို စစ်ဆေးခဲ့သော အလ်-ဆူဝေကတ် က ဟာရာမိန်းမြန်နှုန်းမြင့် ရထားလမ်းမှာ ဆော်ဒီဘုရင့်နိုင်ငံ ရထားလမ်းတိုးချဲ့ဆောင်ရွက်မှု၏ အဓိက အစိတ်အပိုင်းများထဲမှ တစ်ခုဖြစ်သည်ဟု အင်္ဂါနေ့က ပြောကြားခဲ့သည်။ ရာဘစ် ရှိ ဘုရင်အဗ်ဒွလ္လာဟ် စီးပွားရေးမြို့တော်အပါအ၀င် မက္ကာ နှင့် မဒီနာကို ဆက်သွယ်ထားသည့် အဆိုပါလျှပ်စစ်ရထားလမ်းမှာ ကီလိုမီတာ ၄၅၀ ရှည်လျားမည်ဖြစ်သည်။

    ထိုရထားလမ်းမှာ မြင့်မြတ်သော မြို့နှစ်မြို့သို့ ဘုရားဖူးလာရောက်ကြမည့် သန်းပေါင်းများစွာသော ဘုရားဖူးဧည့်သည်များအတွက် လျင်မြန်၍ စိတ်ချရသော ခရီးသည်ပို့ဆောင်ရေးဖြစ်လာမည်ဖြစ်ပြီး မက္ကာနှင့် မဒီနာ မြို့နှစ်မြို့ကို ထိန်းသိမ်းရသော ဘုရင်အဗ်ဒွလ္လာဟ်၏ အပြည့်အ၀ ထောက်ပံ့မှုဖြင့် တည်ဆောက်ခြင်းဖြစ်သည်ဟု ထည့်သွင်းပြောကြားခဲ့သည်။

    အလ်-ဆူဝေကတ်မှာ မဒီနာမြို့အ၀င် အရေးကြီးသော နေရာတစ်ခုအပါအ၀င် ရထားလမ်းဖောက်လုပ်ရာလမ်းတစ်လျှောက် ဆောက်လုပ်လျက်ရှိသည့် တံတားများကိုလည်းစစ်ဆေးခဲ့ပြီး လုပ်ငန်းများလျင်လျင်မြန်မြန်ဆောင်ရွက်ရန် နည်းလမ်းများကိုလည်း ဆွေးနွေးညွှန်ကြားခဲ့သည်ဟု ဆော်ဒီရထား ပို့ဆောင်ရေး ပြောရေးဆိုခွင့်ရှိသူ မိုဟာမက် အဘူဇာအစ်(Muhammad Abuzaid) က ပြောကြားခဲ့သည်။
    Arab News

  • ဆော်ဒီ ပင်မ အတိုင်ပင်ခံ ကောင်စီ၌ အမျိုးသမီး ၃၀ အား ပထမဆုံး အကြိမ် ခန့်အပ်

    ဖေဖော်ဝါရီ ၂၁၊ ၂၀၁၃

    M-Media

    King Abdullah

    ပင်မအတိုင်ပင်ခံကောင်စီကြီးအတွင်း အဖွဲ့ဝင် ၁၅၀ အနက် အမျိုးသမီး ၃၀ ဦး ကျမ်းသစ္စာဆို ပါဝင်လာခြင်းမှာ ဆော်ဒီဘုရင့် နယ်မြေရာဇ၀င်၌ ပထမဆုံးအကြိမ် ဖြစ်လာခဲ့သည်။

    အမျိုးသမီး ၃၀ ဦးမှ ရိယာ့ဒ်မြို့တော်ရှိ ဘုရင့်နန်းတော်၌ ဆော်ဒီဘုရင် အဗ်ဒုလ္လာဟ်၏ ရှေ့တွင် ဆော်ဒီအာရေဗျ ပင်မအတိုင်ပင်ခံကောင်စီ၏ အဖွဲ့ဝင်အဖြစ် တာဝန်ထမ်းဆောင်ရန် ကျမ်းသစ္စာကျိန်ဆိုစေလိုက်ပြီ ဖြစ်သည်။ ၄င်းသည် ဘုရင့်နယ်မြေမှ ရှေးရိုးစွဲအစဉ်အလာအား ပထမဦးဆုံး ဖောက်ထွက်လာခြင်း ဖြစ်သည်။

    တစ်စုတစ်စည်းတည်း ကျမ်းသစ္စာကျိန်ဆိုခဲ့ကြသော ထိုအမျိုးသမီးတို့သည် ၄င်းတို့၏ လုပ်ဖော်ကိုင်ဖက် အမျိုးသား ၁၃၀ ဦးနှင့်အတူ တစ်ဌာနတည်း၌ ပူးတွဲတာဝန်ထမ်းဆောင် မည်ဖြစ်ကြောင်း နိုင်ငံတော် ရုပ်မြင်သံကြားမှ ပြီးခဲ့သည့် အင်္ဂါနေ့တွင် သတင်းထုတ်ပြန်ကြေငြာသည်။

    ဘုရင် အဗ်ဒုလ္လာဟ်က နိုင်ငံတော်ရုပ်မြင်သံကြား သတင်းထုတ်ပြန်ချက်တွင် “   တိုးတက် ဖွံ့ဖြိုးမှုကို ကျွန်တော်တို့တစ်တွေ ဖြေးဖြေးနဲ့မှန်မှန် ဆောင်ရွက် သွားရမှာဖြစ်တယ် ” ဟု တိုတုတ် ရှင်းလင်းသောမိန့်ခွန်း၌ ထည့်သွင်းပြောကြားခဲ့သည်။

    ပင်မအတိုင်ပင်ခံကောင်စီဖြစ်သည်နှင့်အညီ ယထာဘူတကျကျ ဆွေးနွေးအဖြေရှာခြင်း နှင့် လက်ရှိအရေးများကို ကိုင်တွယ်အပ်သည့် နည်းလမ်းများ သုံးသပ်ထုတ် ဖော်ဆောင်ရွက် သွားရန်လည်း သူက တိုက်တွန်းမှာကြားသည်။

    ယခင်က အမျိုးသားများသာ ပါဝင်ခွင့်ရှိသည့် အတိုင်ပင်ခံကောင်စီ၌ ဘုရင် အဗ်ဒုလ္လာဟ် မှ ဇန္န၀ါရီလ ၁၁ ရက်နေ့တွင် အမျိုးသမီးများကို စတင်တာဝန်ပေး ခန့်အပ်ခဲ့သည်။ ထိုအမျိုးသမီး အဖွဲ့၌  တက္ကသိုလ်ဘွဲ့ရများ၊ လူ့အခွင့်အရေးလှုပ်ရှား ဆောင်ရွက်သူများနှင့်အတူ မင်းသမီး နှစ်ဦး လည်း ပါဝင်ကြသည်။

    ဘုရင့်အမိန့်သည် ယာဉ်မောင်းနှင်ခြင်း၊ သွေးသားရင်းချာ မပါဘဲခရီးသွားလာခွင့် မရှိခြင်း နှင့်တစ်ကွ အမျိုးသမီးများပေါ်ရှိနေသည့် ဘုရင့်နယ်မြေအတွင်း တင်းကြပ်ထားမှုများကို ထိုးခွဲချေဖျက် လိုက်ခြင်း ဖြစ်သည်။

    အစ္စလာမ့်ဥပဒေအား ကြပ်တည်းစွာဖွင့်ဆို ကိုင်စွဲထားသော ဆော်ဒီအာရေဗျရှိ ဘာသာ ရေးပညာရှင်တို့နှင့် တိုင်ပင် ညှိနှိုင်းပြီးသည့်နောက် အာဏာပိုင်များမှ ဆုံးဖြတ်ချက်များ ချမှတ်ခဲ့သည်။

    ဘုရင် အဗ်ဒုလ္လာဟ်သည် ၂၀၀၅ ခုနှစ်တွင်ကျင်းပခဲ့သည့် ပထမဆုံးအကြိမ် ပြည်သူ့ ရွေးကောက်ပွဲမှစ၍ အပြောင်းအလဲများကို သတိကြီးစွာဖြင့် တစ်ဆင့်ချင်း ဦးတည်ဖော်ဆောင်ခဲ့သည်။

                    ၂၀၁၁ ခုနှစ်တွင် အမျိုးသမီးများအား မဲပေးပိုင်ခွင့်ပြုခဲ့ပြီး၊  လာမည့် ၂၀၁၅ ခုနှစ် ဒေသဆိုင်ရာ ရွေးကောက်ပွဲများ၌ အမျိုးသမီး အမတ်များအဖြစ် ပါဝင်ယှဉ်ပြိုင်ခွင့်ပေးမည်ဖြစ်သည့် အတွက် “ ဆော်ဒီလူ့အဖွဲ့အစည်းထဲမှာ အမျိုးသမီးတွေရဲ့အခန်း ကဏ္ဍ ကန့်သတ်ထားမှုကို ကျွန်တော်တို့ လက်မခံပါဘူး ” ဟု ဘုရင် အဗ်ဒုလ္လာဟ်မှ ပြောဆိုလိုက်သည်။

    ref:aljazeera

  • ရခိုင်မှ မွတ်စလင်မ် ဒုက္ခသည်များပြန်လည်နေရာ ချထားရေးဆော်ဒီ ဘုရင်မှဒေါ်လာ ၁.၈၈ သန်း လှူ

    ဇူလိုင်-၂၁၊၂၀၁၃
    M-Media

    KSA gives

    မြန်မာနိုင်ငံ ရခိုင်ပြည်နယ်မှ ရိုဟင်ဂျာများ၏ နေရာထိုင်ခင်းအတွက် UNHCR မှ ဆောင်ရွက်ပေးနေသော လူသားချင်း စာနာထောက်ထားရေးအစီအစဉ်ထံသို့ ဒေါ်လာ ၁.၈၈ သန်းကို ပေးပို့လှူဒါန်းကြောင်း ဆော်ဒီအာရေဗျမှ ကြေညာလိုက်သည်။

    ဤအရေးအတွက် နားလည်မှုစာချွန်လွှာတစ်ရပ်ကို ဆော်ဒီအာရေဗျ၊ ဖွံ့ဖြိုးရေးလုပ်ငန်းဆိုင်ရာ ရံပုံငွေအဖွဲ့မှ ယူစွတ်ဖ် အလ်ဘတ်စမ် (Yousef Al-Bassam) နှင့် ရိယဒ်မြို့၊ UNHCR ဌာနေကိုယ်စားလှယ် အင်မ်ရာန် ရီဇာ (Imran Riza) တို့က လက်မှတ်ရေးထိုးခဲ့ကြသည်။

    ရခိုင်ပြည်နယ်ရှိ အိုးမဲ့အိမ်မဲ့ဖြစ်နေသူများစွာ၏ ဘ၀အနေအထားများ တိုးတက်လာရေး၌ ဤသို့ ငွေပင်ငွေရင်း၊ အချိန် နှင့် ရည်ရွယ်မှုများဖြင့် ကူညီပါဝင်ခြင်း၏ အရေးကြီးပုံကို ရီဇာမှ သဘောတူလက်မှတ်ရေးထိုးပြီးနောက် အလေးအနက် ထားပြောကြားသည်။

    အထူးကော်မရှင်နာမင်းကြီး အန်တိုနီယို ဂူတာရက်စ်(Antonio Guterres) ကိုယ်စား ရီဇာက ကမ္ဘာ့အမြင့်မြတ်ဆုံး ၀တ်ကျောင်းတော်နှစ်ခုအား ထိန်းသိမ်းစောင့်ရှောက်နေသူ ဆော်ဒီဘုရင် အဗ်ဒုလ္လာဟ်၏ ရက်ရောသော ဤအလှူဒါနအပေါ် အထူးကျေးဇူးတင် အသိအမှတ်ပြုပါကြောင်း၊ လူသားချင်းစာနာရေး၌ ဆော်ဒီ၏ ဦးဆောင်ကူညီခြင်း အခန်းကဏ္ဍကို ပေါ်လွင်ထင်ရှားစေကြောင်း ဆက်လက်တင်ပြခဲ့သည်။

    ယင်းအိုးအိမ်မဲ့ ဒုက္ခသည် ပြည်သူများအား အခိုင်အမာနေရာ ချထားပေးရေးအတွက် ဆော်ဒီအာရေဗျ၊ ဖွံ့ဖြိုးရေးလုပ်ငန်းဆိုင်ရာ ရံပုံငွေအဖွဲ့သည် ပါကစ္စတန်နှင့်အတူ လက်တွဲ ပူးပေါင်းဆောင်ရွက်သွားမည်ဟု သိရသည်။

    Ref: ARAB NEWS

  • ရခိုင်မြောက်ပိုင်းတွင် ကျန်းမာရေးနှင့် ပညာရေးကဏ္ဍအတွက် UNHCR ကို ဆော်ဒီမှ ဒေါ်လာ ၁ သန်းလှူဒါန်း

    ရခိုင်မြောက်ပိုင်းတွင် ကျန်းမာရေးနှင့် ပညာရေးကဏ္ဍအတွက် UNHCR ကို ဆော်ဒီမှ ဒေါ်လာ ၁ သန်းလှူဒါန်း

    စက်တင်ဘာ၊ ၃၊ ၂၀၁၂

     
    ဆော်ဒီအာရေးဗီးယားနိုင်ငံသည် ရခိုင်ပြည်နယ်မြောက်ပိုင်းတွင် လိုအပ်သော ကျန်းမာရေးနှင့် ပညာရေးဝန်ဆောင်မှုများပေးရန် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးကို စက်တင်ဘာလ ၃ ရက်နေ့က အမေရိကန်ဒေါ်လာ ၁ သန်း ပေးအပ်လိုက်သည်။

     

    ဆော်ဒီအာရေးဗီးယားသံအမတ်ကြီးက UNHCR မြန်မာပြည်ကိုယ်စားလှယ်ကို အလှူငွေ ချက်လတ်မှတ် ပေးအပ်နေစဉ်

    အလှူငွေကို မြန်မာနိုင်ငံဆိုင်ရာ ဆော်ဒီသံအမတ်ကြီး H.E Mr. Talal M. S. Abdul Salam က UNHCR ၏ မြန်မာပြည်ကိုယ်စားလှယ် Mr.Johannes G. Ten Feld အား ချက်လက်မှတ်ဖြင့် ဆော်ဒီသံရုံးတွင်ပင် ပေးအပ်လိုက်ခြင်းဖြစ်သည်။ အဆိုပါလှူဒါန်းငွေများမှာ မြန်မာအစိုးရ၏ ရခိုင်ပြည်နယ်အတွင်း ပြန်လည်ထူထောင်ရေး လုပ်ငန်းများ လုပ်ဆောင်ရန် အထောက်အပံ့ဖြစ်စေမည်ဟုလည်း မျှော်လင့်ကြောင်း သိရသည်။

    ဆော်ဒီအာရေးဗီးယားနိုင်ငံ၏ ဘုရင် Custodian of the Two Holy Mosques King ABDULAH BIN ABDUL AZIZ SAUD ကလည်း ရခိုင်ပြည်နယ်အတွင်း  ငြိမ်းချမ်းရေးနှင့် လုံခြုံရေး ရေရှည်တည်မြဲစေရန်အတွက် မျှော်မှန်းကာ မြန်မာအစိုးရ၏ ကြိုးပမ်းအားထုတ်မှုကို ထောက်ပံ့သောအားဖြင့် အမေရိကန်ဒေါ်လာ သန်း ၅၀ ကိုလည်း ထပ်လောင်း လှူဒါန်းခဲ့ကြောင်း ဆော်ဒီအာရေးဗီးယားသံရုံးက ကြေညာခဲ့သည်။

    မြန်မာနိုင်ငံသမ္မတ ဦးသိန်းစိန်ကလည်း မကြာသေးမီက RFA နှင့် ပြုလုပ်ခဲ့သော အင်တာဗျူးတစ်ခုတွင် ရခိုင်ပြည်နယ်မြောက်ပိုင်းရှိ ဘင်္ဂါလီများကို ပညာသင်ကြားပေးရန် စာသင်ကျောင်းများကို ဆောက်လုပ်သွားမည်ဖြစ်ကြောင်း ပြောကြားခဲ့သေးသည်။

     

    Source-EMG

  • ရိုဟင်ဂျာတွေကို သတ်ဖြတ်နေဟု မြန်မာကို ဆော်ဒီအာရေးဗီးယားက စွပ်စွဲ

    သြဂုတ်၊ ၇ ရက်၊ ၂၀၁၂

    RFA

    ရခိုင်ပြည်နယ်က မူဆလင် ရိုဟင်ဂျာတွေကို မြန်မာအစိုးရက လူမျိုးတုန်း သတ်ဖြတ်မှုတွေ ကျူးလွန်နေတယ်လို့ ဆော်ဒီအာရေးဗီးယား အစိုးရက မနေ့က စွပ်စွဲပြောဆိုလိုက်ပါတယ်။ ဆော်ဒီအစိုးရအဖွဲ့ရဲ့ သဘောထားကို အစိုးရသတင်းဌာန SPA က ပြောဆိုရာမှာ မြန်မာနိုင်ငံက မူဆလင် ရိုဟင်ဂျာတွေကို မြန်မာအစိုးရက ရက်စက်စွာ တိုက်ခိုက်မှုတွေ ရှိနေပြီး၊ လူမျိုးတုန်း သတ်ဖြတ်မှုတွေ ကျူးလွန်နေကြောင်း ၊ ဆော်ဒီအစိုးရ အနေနဲ့ ပြင်းထန်စွာ ရှုံ့ချကြောင်း ပြောဆိုတယ်လို့ သိရပါတယ်။

    ဒါ့အပြင် နိုင်ငံတကာ အသိုင်းအ၀ိုင်း အနေနဲ့ မြန်မာနိုင်ငံက မူဆလင် ရိုဟင်ဂျာတွေရဲ့ လူနေမှုဘ၀တွေ ကောင်းမွန်လာရေး၊ သူတို့တွေရဲ့ အသက်အန္တရာယ်ကို အကာအကွယ်ပေးနိုင်ဖို့ ၊ နောက်ထပ် အသက်ဆုံးရှုံးမှုတွေ မဖြစ်အောင် ကာကွယ်စောင့်ရှောက်ပေးဖို့ လိုအပ်ကြောင်း ဆော်ဒီအာရေးဗီးယား အစိုးရက တိုက်တွန်းလိုက်ပါတယ်။

    တစ်ချိန်တည်းမှာပဲ ရခိုင်ပြည်နယ်က ဘင်္ဂါလီ ရိုဟင်ဂျာတွေအရေးနဲ့ ပတ်သက်ပြီး အီဂျစ်နိုင်ငံသား တစ်ချို့က အီဂျစ်နိုင်ငံ ကိုင်ရိုမြို့တော်မှာရှိတဲ့ မြန်မာသံရုံးရှေ့မှာ ပြီးခဲ့တဲ့ တနင်္ဂနွေနေ့က ဆန္ဒပြခဲ့ကြပါတယ်။ အီဂျစ်အစိုးရ အနေနဲ့ မြန်မာအစိုးရ နဲ့ သံတမန် ဆက်ဆံရေး ဖြတ်တောက်ဖို့ ဒါဇင်လောက်ရှိတဲ့ ဆန္ဒပြသူတွေက တောင်းဆိုခဲ့ကြတယ်လို့ ဆိုပါတယ်။ အလားတူ ဆန္ဒပြပွဲကိုလည်း လာမယ့် သြဂုတ်လ ၁၀ ရက်နေ့မှာ မြန်မာသံရုံးရှေ့မှာ ထပ်မံကျင်းပသွားမယ်လို့ သိရပါတယ်။

    ကမ္ဘာမှာ အစ္စလမ်ဘာသာဝင် အများစု နေထိုင်တဲ့ အင်ဒိုနီးရှားနိုင်ငံ သမ္မတ ဆူဆီလို ယုဟိုရိုနိုကတော့ မြန်မာနိုင်ငံက ရခိုင်တိုင်းရင်းသားတွေ နဲ့ ဘင်္ဂါလီ ရိုဟင်ဂျာ ပဋိပက္ခဟာ ဘာသာရေး ပဋိပက္ခ မဟုတ်ကြောင်း၊ ဒေသတွင်း လူအုပ်စုကြား ဖြစ်ပွားတဲ့ ပဋိပက္ခသာ ဖြစ်ပြီး မြန်မာအစိုးရဟာ အကောင်းဆုံးဖြစ်အောင် ကိုင်တွယ်ဖြေရှင်းနေကြောင်း ပြောပါတယ်။