စက်တင်ဘာ ၁ ၊ ၂၀၁၃
M-Media
အီဒင်ဘာ့ဖ် (Edinburgh)။ ။ အီဒင်ဘာ့ဖ်တွင် ထူးခြားသော စံပြလုပ်ဆောင်ချက်အဖြစ် စကော့တလန် ဗလီကျောင်းတော် တစ်ခုသည် သူ၏ စားသောက်ဆိုင်အား မွတ်စ်လင်မ်ဝတ်ပြုသူများအပြင် မွတ်စ်လင်မ် မဟုတ်သူများပါ စားသုံးနိုင်ရန်အတွက် ၉/၁၁ အဖြစ်အပျက်များအပြီးတွင် စတင်ကာ ဖွင့်လှစ်ခဲ့ပြီး၊ ယခုအခါ အောင်မြင်မှု ရလျက်ရှိသည်။
“ ကျွန်တော်တို့က သောကြာနေ့ဝတ်ပြုပြီးတိုင်း စားသောက်ဆိုင်ကို ဖွင့်လှစ်လာခဲ့ပြီး ကြက်သားနှင့်ထမင်းကို ပေါင်စတာလင် ၂ ပေါင်နှုန်းနဲ့ရောင်းချပေးနေခဲ့ပါတယ် ” ဟု သြဂုတ်လ ၂၈ ရက်၊ ဗုဒ္ဓဟူးနေ့က BBC သတင်းဌာနသို့ အီဒင်ဘာ့ဖ်ရှိ Mosque Kitchen ၏ အုပ်ချုပ်သူမန်နေဂျာ မူဘာရှား အလီ (Mubashar Ali) မှပြောကြားခဲ့သည်။
၁၉၈၀ ခုနှစ်များတွင် အီဒင်ဘာ့ဖ်ရှိ ထို Mosque Kitchen သည် အစ္စလာမ်ဘာသာဝင်များအတွက်သာ ရောင်းချရန် ရည်ရွယ်ခဲ့သည်။
သို့သော် နယူးယောက်ခ်တွင် ၉/၁၁ တိုက်ခိုက်မှု၏နောက်ပိုင်း ဗလီကျောင်းတော်၏အုပ်ချုပ်ရေးမန်နေဂျာများမှ မွတ်စ်လင်မ် မဟုတ်သူများအတွက်ပါ တံခါးဖွင့်လှစ်စေခဲ့သည်။ မွတ်စ်လင်မ်တို့၏ယုံကြည်ချက်များအပေါ် နားလည်မှုလွဲမှားခြင်းကို ချေဖျက်ရန် နှင့် အခြားဘာသာဝင်များနှင့်ထိတွေ့ဆက်ဆံမှုရှိစေရန် ရည်ရွယ်ခဲ့ကြခြင်းဖြစ်သည်။
“ ၉/၁၁ အဖြစ်အပျက်နောက်ပိုင်း ခရစ်ယာန်၊ ဟိန္ဒူ နဲ့ ဆစ်ခ် အပါအ၀င် အခြားဘာသာဝင်တွေအားလုံးကို အစ္စလာမ့်အကြောင်းသိစေဖို့အတွက် ဗလီထဲမှာ ပြပွဲတစ်ရပ်ကျင်းပခဲ့ပါတယ်။ တစ်ချိန်တည်းမှာဘဲ အစ္စလာမ်ဘာသာဝင်များကိုသာ ရောင်းချနေတဲ့ စားသောက်ဆိုင်ငယ်လေးကို လူတွေကသတိပြုမိသွားကြပါတယ် ” ဟု စားသောက်ဆိုင်တွင် ယခင်ကတည်းက တာဝန်ယူဆောင်ရွက်နေသူ အလီက ဆိုသည်။
Mosque Kitchen သည် အီဒင်ဘာ့ဖ်ရှိ ပြည်သူများကြား တစ်စစဖြင့် အောင်မြင်လာခဲ့သည်။
“ အစ္စလာမ်ဟာ အကြမ်းဖက်ဝါဒတစ်ခုမဟုတ်ကြောင်း လူအများကို ကျွန်တော်တို့ပြချင်ခဲ့ပါတယ်၊ ဒါ့ကြောင့် စားသောက်ဆိုင်ကို တိုးချဲ့လို့ နေ့တိုင်းဖွင့်လှစ်နိုင်အောင် ကြိုးစားခဲ့တဲ့အပြင် အခြားဘာသာဝင်အားလုံးကိုလည်း စတင်ကြိုဆိုဖိတ်ခေါ်ခဲ့ပါတယ်။ စဦးပိုင်းတုန်းကတော့ လူတွေ လာရောက်ဖို့ကြောက်နေကြတယ်၊ တွန့်ဆုတ်နေကြတယ်ပေါ့။ သို့ပေမယ့်လည်း သိပ်မကြာခင်မှာ ဒေသခံဟင်းလျာရတဲ့ဆိုင်တစ်ဆိုင်အဖြစ် ကျော်ကြားလာတော့တာပါဘဲ ” ဟု အလီက ထပ်မံပြောပြသည်။
စကော့တလန်တွင် မွတ်စ်လင်မ် ၅၀၀,၀၀၀ ကျော်ရှိပြီး၊ လူဦးရေစုစုပေါင်း၏ ၁ ရာခိုင်နှုန်းပင် မပြည့်ချေ။
မွတ်စ်လင်မ်တို့သည် နိုင်ငံအတွင်း ဒုတိယအကြီးဆုံး ဘာသာရေးလူ့အဖွဲ့အစည်းဖြစ်ပြီး၊ ဗလီကျောင်းတော် ၃၀ ရှိကြောင်း သိရသည်။
အောင်မြင်မှု
အီဒင်ဘာ့ဖ်ရှိ လူများအား နှစ်ပေါင်း ၂၀ ကျော်ကြာ တည်ခင်းရောင်းချခြင်းဖြင့် Mosque Kitchen သည် သူ၏ အောင်မြင်မှုအား ထိုက်ထိုက်တန်တန် ရရှိခဲ့ခြင်းဖြစ်သည်။
“ Mosque Kitchen ဟာ ဖော်ရွေတယ်။ လူတိုင်း အရသာရှိရှိ စားသောက်နိုင်လောက်အောင်လည်း ဈေးသက်သာတယ်လေ ” ဟု အီဒင်ဘာ့ဖ်၌ နှစ် ၂၀ ကျော်ကြာနေထိုင်လာခဲ့သော အိုင်လာ (Ayla) က ဆိုသည်။
ဖဟဒ် ဘက် (Fahad Beg) သည် ထိုစားသောက်ဆိုင်သို့ အပတ်စဉ် မကြာမကြာလာလေ့ရှိသူဖြစ်သည်။
ပထမဆုံးဖွင့်လှစ်ချိန်ကပင် သူသည် အီဒင်ဘာ့ဖ် ဗလီကျောင်းတော်သို့ လာရောက်ဝတ်တက်လေ့ရှိပြီး၊ ၀တ်ပြုမှုပြီးလျှင် ၄င်း၌သွားရောက်စားသောက်စမြဲ ဖြစ်၏။
“ အခုဆိုယင် အဲ့ဒီအရသာကို ကျွန်တော်နှစ်သက်နေပြီ။ တစ်မိုးအောက်ထဲမှာ လူပေါင်းစုံ အတူတကွစုရုံးစားသုံးစေတာက အလွန်ကို ကောင်းမွန်တဲ့ အတွေးအမြင်တစ်ခုဘဲဗျ ” ဟု သူမှ ၀န်ခံပြောဆိုသည်။
စားဖိုမှူးတစ်ဦးဖြစ်သူ ဟမ်ဇား (Hamza) က စားသုံးသူများကြားတွင် ထမင်းသည် အရောင်းရဆုံး ဖြစ်ကြောင်း ပြောပြသည်။
“ ကျွန်တော့်အိမ်လက်ရာ အိန္ဒိယအစားအသောက်လို အနီးစပ်ဆုံးရနိုင်တာကတော့ အီဒင်ဘာ့ဖ်တစ်မြို့လုံးမှာ ဒီတစ်နေရာထဲ ရှိပါတယ် ” ဟု သုံးနှစ်မျှ နိုင်ငံအတွင်းလာရောက်ပညာသင်ကြားနေသူ မိတ်သ်လီ (Maithlee) က ဆိုပါသည်။
သက်သတ်လွတ်သမားတစ်ဦးဖြစ်သော ဆဟီးလ် (Sahil) ကလည်း ၄င်းဆိုင်မှ ထမင်းနှင့် ပဲနီလေးဟင်းသည် အိန္ဒိယမှာရှိနေသော သူ့မိခင်၏လက်ရာအလား ခံစားရသည်ဟု ပြောဆိုလေ့ရှိသည်။
