မေ ၂၇၊ ၂၀၁၅
M-Media
– ပိုင်နက်ကိစ္စ တရုတ်နိုင်ငံနှင့် တင်းမာမှုများ မြင့်တက်လာသည့်အချိန်တွင် တောင်တရုတ်ပင်လယ်အတွင်းရှိ ကျွန်းတစ်ကျွန်းတွင် ဗီယက်နမ်နှင့် ဖိလစ်ပိုင်တို့မှ စစ်သားများမှာ ဘောလုံးကန်ခဲ့ကာ ကာရာအိုကေများ ဆိုခဲ့ကြသည်ဟု သိရသည်။
တရုတ်နိုင်ငံက စိုးမိုးရေးလှုပ်ရှားနေသော စပရက်တလေကျွန်းစု၌ ယနေ့တွင် ပြုလုပ်ခဲ့ခြင်းဖြစ်ပြီး တရုတ်နိုင်ငံ၏ လှုပ်ရှားမှုများကို တန်ပြန်တုံ့ပြန်ရန် ဆောင်ရွက်ခဲ့ခြင်းဖြစ်သည်။ ဖိလစ်ပိုင် ရေတပ်မှ အကြီးတန်းတာဝန်ရှိသူများကမူ ဖိလစ်ပိုင်က ထိန်းချုပ်ထားသော အရှေ့မြောက်ဘက် ကေးကျွန်းတွင် မိမိတို့တပ်ဖွဲ့ ၂ ဖွဲ့မှာ ဘောလုံးပွဲ၊ ဘောလီဘောပွဲများ ကစားခဲ့သည်ဟု ပြောကြားခဲ့သည်။
အဆိုပါကျွန်းတွင် ဖိလစ်ပိုင်စစ်သား ၁၀၀ ခန့် ရှိနေပြီး ဗီယက်နမ်ရေတပ်မှ စစ်သင်္ဘောတစ်စင်းမှာ ပြီးခဲ့သည့် ရက်ပိုင်းအတွင်း ရေတပ်သား ၆၀ ခန့်ကို ကျွန်းပေါ်သို့ ပို့ဆောင်ခဲ့သည်ဟု ၎င်းတို့က ထပ်လောင်း ပြောကြားခဲ့သည်။
“ကျွန်တော်တို့ တော်တော်ပျော်ခဲ့ပါတယ်။ ဒီလှုပ်ရှားမှုတွေဟာ အငြင်းပွားနေတဲ့ ဒီနေရာမှာ စစ်သားတွေကို သက်တောင့်သက်သာဖြစ်စေပြီး ကျွန်တော်တို့ ရေတပ်တွေအကြား ဆက်ဆံရေးကိုလည်း ခိုင်မာစေပါတယ်” ဟု အမည်မဖော်လိုသည့် ဖိလစ်ပိုင် အကြီးတန်း ရေတပ်အရာရှိတစ်ဦးက ပြောကြားခဲ့သည်။
တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွာချန်ယင်းက သူမအနေဖြင့် ထိုလုပ်ရပ်များကို သတိမပြုမိခဲ့ကြောင်း၊ ထိုကျွန်းတွင် ရှိနေသည့် မိမိတို့က မည်သူ့ကိုမှ အခြားသူများကို နှောက်ယှက်မည်မဟုတ်ကြောင်း ပုံမှန်သတင်းစာရှင်းလင်းပွဲတွင် ပြောကြားခဲ့သည်။
“ဒါပေမယ့် တရုတ်နိုင်ငံရဲ့ အချုပ်အခြာနဲ့ ပိုင်နက် တည်တံ့ခိုင်မြဲဖို့အတွက်ကတော့ ကျွန်မတို့ရဲ့ ကာကွယ်လိုစိတ်နဲ့ ကာကွယ်နိုင်တဲ့စွမ်းရည်တွေ အဲဒီမှာရှိနေပါတယ်” ဟု ဟွာချန်ယင်းက ထည့်သွင်းပြောကြားခဲ့သည်။
တရုတ်နိုင်ငံမှာ စပရက်တလေကျွန်းစုအတွင်းမှ ကျွန်းတစ်ချို့တွင် ကျွန်းတုများဖန်တီးကာ စိုးမိုးရေးလုပ်ငန်းများ လုပ်ဆောင်နေပြီး ဒေသတွင်းနိုင်ငံများနှင့် တင်းမာမှုများလည်း မြင့်တက်လာနေသည်။
Ref: Reuters
