Tag: Space

ဇွန် ၆၊ ၂၀၁၇
M-Media

– အိန္ဒိယဟာ ၃ တန်ကျော်လောက်ရှိတဲ့ ဆက်သွယ်ရေးဂြိုဟ်တုတစ်လုံးကို ကမ္ဘာပတ်လမ်းကြောင်းထဲ အောင်မြင်စွာ လွှတ်တင်နိုင်ခဲ့ပြီး အလေးချိန်ကြီးတဲ့ ဂြိုဟ်တုတွေ လွှတ်တင်နိုင်တဲ့ လက်တစ်ဆုပ်စာ နိုင်ငံတွေထဲမှာ ပါဝင်လာခဲ့ပါတယ်။

GSAT-19 လို့ အမည်ပေးထားတဲ့ အဲဒီ ဂြိုဟ်တုကို မနေ့က Satish Dhawan အာကာသစင်တာကနေ လွှတ်တင်ခဲ့တာဖြစ်ပြီး ၀န်ကြီးချုပ် မိုဒီကတော့ ဒါဟာ တိုင်းပြည်အတွက် ဂုဏ်ယူစရာကောင်းတဲ့အချိန် ဖြစ်တယ်လို့ ပြောကြားခဲ့ပါတယ်။

အခုအချိန်အထိ အမေရိကန်၊ ရုရှား၊ တရုတ်၊ ဂျပန်နဲ့ ဥရောပအာကာသအေဂျင်စီတို့ကသာ ၃ တန်အထက်ကျော်တဲ့ အာကာသယာဉ်တွေကို လွှတ်တင်နိုင်တာပါ။

အိန္ဒိယနိုင်ငံက ထုတ်လုပ်တဲ့ ဒုံးပျံတွေထဲမှာ အားအကောင်းဆုံးဖြစ်တဲ့ GSLV Mk-III ဒုံးပျံကို အသုံးပြုကာ လွှတ်တင်ခဲ့တာဖြစ်ပြီး နိုင်ငံရဲ့ အာကာသ စီမံကိန်းအတွက် ဒီ ဒုံးပျံကို အပြောင်းအလဲအဖြစ် ယူဆထားပါတယ်။

အရင်က ၂၃၀၀၀ ကီလိုဂရမ်ထက်ကျော်တဲ့ ဂြိုဟ်တုတွေကို လွှတ်တင်ဖို့အတွက် အိန္ဒိယဟာ ပြင်သစ်ကို ငွေကြေးပေးခဲ့ရပါတယ်။

“အရင်တုန်းကဆိုရင် နိုင်ငံခြားကနေ ကျွန်တော်တို့ရဲ့ ဂြိုဟ်တုတွေကို လွှတ်တင်ရတာပါ။ အိန္ဒိယ အာကာသစီမံကိန်းဟာ အခုအချိန်မှာတော့တော့ လုံးဝ ပြည်ထွင်းဖြစ် ဖြစ်ပါပြီ” လို့ အိန္ဒိယ အာကာသ သုတေသနအဖွဲ့ရဲ့ ပြောရေးဆိုခွင့်ရှိသူ ဒီပီ ကာရ်နစ်က ပြောကြားခဲ့ပါတယ်။

GSLV Mk III ဒုံးပျံဟာ ကီလိုဂရမ် ၄ ထောင် အလေးချိန်လောက်ကို အာကာသထဲ သယ်သွားနိုင်ပြီး အရင်က အိန္ဒိယအာကာသစီမံကိန်းမှာ သယ်ဆောင်နိုင်တဲ့ ပမာဏထက် ၂ ဆလောက် မြင့်တက်သွားတာပါ။

GSAT-19 ဂြိုဟ်တု လွှတ်တင်နိုင်မှုကြောင့် နိုင်ငံရဲ့ အင်တာနက် ချိတ်ဆက်မှုနဲ့ မြန်နှုန်းကို အားကောင်းစေမှာဖြစ်ပါတယ်။

၂၀၁၄ ခုနှစ်မှာ အိန္ဒိယဟာ ဟောလီးဝုဒ်ရုပ်ရှင်ကား Gravity ရိုက်ကူးစားရိတ်ထက် နည်းတဲ့ငွေကြေးနဲ့ အင်္ဂါဂြိုဟ် စူးစမ်းရေးယာဉ်ကို လွှတ်တင်နိုင်ခဲ့ပြီး၊ အခုနှစ် ဖေဖော်ဝါရီလမှာလည်း ကမ္ဘာ့စံချိန်တင် ဂြိုဟ်တု ၁၀၄ လုံးကို တစ်ကြိမ်တည်း လွှတ်တင်နိုင်ခဲ့ပါတယ်။

အခုနောက်ဆုံး အောင်မြင်မှုကို ကမ္ဘာ့အာကာသဈေးကွက်မှာ ထိပ်တန်းနိုင်ငံဖြစ်လာရေး ကြိုးပမ်းမှုမှာ အဓိက ခြေလှမ်းတစ်လှမ်းအဖြစ် ရှုမြင် ကြပါတယ်။

Ref: CNN