Tag: sport

အကြားအာရုံ မသန်စွမ်းသူများ အိုလံပစ် အားကစားပြိုင်ပွဲတွင် အီရန်နပန်းသမားများ ရွှေတံဆိပ်ဆု များဆွတ်ခူး

သြဂုတ်လ-၅၊ ၂၀၁၃
M-Media

ဘူလ်ဂေးရီးယားနိုင်ငံတွင်ကျင်းပပြုလုပ်နေသည့် ၂၀၁၃ နွေရာသီ အကြားအာရုံ မသန်စွမ်းသူမျာ အိုလံပစ် အားကစားပြိုင်ပွဲ(2013 Summer Deaflympics) နပန်းပြိုင်ပွဲတွင် အီရန်နိုင်ငံသားများက ရွှေတံဆိပ်နှစ်ခု ဆွတ်ခူးရရှိခဲ့သည်ဟု သိရသည်။

သောကြာနေ့ကကျင်းပခဲ့သော ၆၆ ကီလိုတန်း နပန်းပြိုင်ပွဲ ဗိုလ်လုပွဲတွင် အီရန်နပန်းသမား ဟိုစိန် နူရီက ဘူလ်ဂေးရီးယားနပန်းသမားကို အနိုင်ရရှိခဲ့ကာ ရွှေတံဆိပ်ဆုကို ဆွတ်ခူးရရှိခဲ့ပြီး ၈၄ ကီလိုတန်း နောက်ဆုံးဗိုလ်လုပွဲတွင်လည်း အီရန်နပန်းသမား ရစူလ် ဒါယနီက တူရကီ နပန်းသမားအား အနိုင်ရရှိခဲ့ကာ အီရန်နိုင်ငံအတွက် ရွှေတံဆိပ်တစ်ခုကို ထပ်မံဆွတ်ခူးပေးနိုင်ခဲ့သည်။

၎င်းအပြင် ၁၂၀ ကီလိုတန်းပြိုင်ပွဲတွင် မိုဟာမက် အဟ်ဘူဘီ က ငွေတံဆိပ်နှင့်၊ ၅၅ ကီလိုတန်းတွင် ဖာရူဒ် ဟိုဂျာတီက ကြေးတံဆိပ် အသီးသီးဆွတ်ခူးရရှိခဲ့ကြသည်။

၂၀၁၃ နွေရာသီ အကြားအာရုံ မသန်စွမ်းသူမျာ အိုလံပစ် အားကစားပြိုင်ပွဲကို ဘူလ်ဂေးရီးယားနိုင်ငံ၌ ဇူလိုင် ၂၆ ရက်မှ သြဂုတ်လ ၄ ရက်နေ့အထိ ကျင်းပပြုလုပ်မည်ဖြစ်ပြီး ကမ္ဘာတစ်ဝှမ်းမှ အားကစားသမား ၅၀၀၀ ကျော် ၀င်ရောက်ယှဉ်ပြိုင်ကြမည်ဖြစ်သည်။

ကစားနည်းမျိုးစုံပါဝင်သည့် ထိုအားကစားပြိုင်ပွဲကို ၁၉၂၄ ခုနှစ်တွင် ပဲရစ်မြို့၌ စတင်ကျင်းပခဲ့သည်။ အဆိုပါ အားကစားပြိုင်ပွဲသို့ ကစားနည်း ၉မျိုးတွင်ဝင်ရောက်ယှဉ်ပြိုင်ရန်အတွက် အားကစားသမား ၈၂ ဦးကို အီရန်နိုင်ငံမှ စေလွှတ်ထားပြီး ပြေးခုန်ပစ်၊ ဘောလုံး၊ ဂျူဒို၊ ကရာတေး၊ ရေကူး၊ ဘော်လီဘော၊ နပန်း၊ စားပွဲတင်တင်းနစ် နှင့် တိုက်ကွမ်ဒို အားကစားနည်းများတွင် ၀င်ရောက်ယှဉ်ပြိုင်ကြမည်ဖြစ်သည်။

MP/MHB

August 4, 2013
ငွေတိုးချေး ကုမ္ပဏီ၏ ၀တ်စုံ စပွန်ဆာ ကိစ္စကြောင့် Newcastle ရာသီအကြိုပွဲစဉ်မှ ဆစ်ဆေး နှုတ်ထွက်

ဇူလိုင်-၁၈၊ ၂၀၁၃
M-Media

Newcastle ကလပ်အသင်းအတွက် ၀တ်စုံစပွန်ဆာဖြစ်သော Wonga တံဆိပ်သည် ဘာသာရေးကိစ္စနှင့်ငြိစွန်းနေသဖြင့် ၄င်းအားဝတ်ဆင်ရန်ငြင်းဆန်လိုက်ပြီး ပါပစ္စ ဆစ်ဆေး (Papiss Cisse) သည် ပေါ်တူဂီသို့ထွက်ခွာမည့် အသင်း၏ ရာသီအကြိုပွဲစဉ်မှ နှုတ်ထွက်လိုက်သည်။

အသက် ၂၈ နှစ်အရွယ် ဆီနီဂေါကစားသမား တိုက်စစ်မှူး ဆစ်ဆေး က ငွေချေးကြွေးချ အတိုးပေးသည့် ကုမ္ပဏီကို အားမပေးနိုင်ကြောင်း ကလပ်အသင်းသို့ တရားဝင်ပြောကြားခဲ့ သဖြင့် ၄င်းတံဆိပ် အစား သူ့ကို တံဆိပ်မဲ့အင်္ကျီ သို့မဟုတ် ဒါနအဖွဲ့တံဆိပ်တစ်ခု ပါဝင်သောအင်္ကျီ ၀တ်ဆင်ခွင့်ပေးရန် အဆိုပြုခဲ့သည်။

၎င်းသည် အဖွဲ့သားများအကြား သီးခြားကွဲပြားသွားစေသည့် ကိစ္စဖြစ်ရာ ဆစ်ဆေး ၏ အနာဂတ်မှာ မသေချာတော့ပေ။

သူနှင့်သူ့ကိုယ်စားလှယ်များက အသင်းတာဝန်ရှိသူများ၊ Professional Footballers’ Association (PFA) အဖွဲ့တို့နှင့် ယခုရက်ပိုင်း၌ ပြောဆိုဆွေးနွေးခဲ့ကြသော်လည်း ကလပ်အသင်းနှင့်ဝတ်စုံစပွန်ဆာတို့မှ အဖြေမရှာနိုင်ခဲ့ကြချေ။ နယူးကာဆယ် အသင်းတွင် ဆစ်ဆေး နှင့်ကစားဖက်များဖြစ်ကြသော တီယိုတီ(Tiote) နှင့် မူဆာ ဆစ်စကို(Moussa Sissoko) တို့သည်လည်း မွတ်စ်လင်မ်များ ဖြစ်ကြသည်။ သို့သော် စပွန်ဆာတီရှပ်ဝတ်ဆင်ခြင်းအပေါ် မည်သည့်ပြဿနာမှ မရှိကြောင်း ၄င်းတို့က ပြောသည်။

လာမည့် နိုင်ငံတကာပြိုင်ပွဲ အတွက် ဆီနီဂေါနိုင်ငံ လက်ရွေးစင်အသင်းနှင့် လေ့ကျင့်ပြီး ပြန်လာလျှင် ဆစ်ဆေးသည် မိမိ၏ပုံမှန် ခြေစွမ်းကို ထိန်းထားရန် မိမိဖာသာလေ့ကျင့်မှု ဆက်လက်ပြုလုပ် သွားမည်ဖြစ်သည်။ ယင်းအဖွဲ့ ၂ ရပ်လုံးမှ အဖြေတစ်ခုထွက်လာရန် မျှော်လင့်နေကြသည်။ သို့သော် ဆစ်ဆေး သည် သူ့ရပ်တည်ချက်အား ပြောင်းလဲရန် အစီအစဉ်မရှိနိုင်ကြောင်း သုံးသပ်ကြ၏။

နှုန်းထားမြင့် နေ့ပြန်တိုးငွေချေးကုမ္ပဏီ Wonga မှာ နယူးကာဆယ် အသင်း ၀တ်စုံနှင့်ကုန်ကျစရိတ်အတွက် ၂၀၁၃-၁၄ ဘောလုံးရာသီမှစပြီး ဒိုင်ခံ တာဝန် ယူမည်ဖြစ်ကြောင်း ကြေငြာထား၏။ ၄င်းမှာ တစ်နှစ်လျှင် ပေါင်စတာလင် (၈) သန်းနီးပါး တန်ကြေးရှိသော သဘောတူညီချက်ဖြစ်ကြောင်း ခန့်မှန်းထားကြသည်။

PFA ၏ ဒုတိယအကြီးအကဲ ဘော်ဘီဘန်းစ်(Bobby Barnes)က “ ကလပ်အသင်းတွေဟာ ပုံမှန်ဝင်ငွေရှိနေဖို့ လိုအပ်တာကို ကျွန်တော်တို့အားလုံး သိကြပါတယ်။ ရံဖန်ရံခါမှာ ကုမ္ပဏီတွေရဲ့အလှမ်းကျယ်မှုကိုလည်း အသုံးချရလေ့ရှိတယ်။ ဘယ်လိုပဲဖြစ်ဖြစ် တစ်စုံတစ်ယောက်အနေနဲ့ မိမိအယူဝါဒနဲ့မကိုက်ညီကြောင်း တူးတူးခါးခါးဖြစ်လာပြီ ဆိုရင်တော့ အဖြေတစ်ခုမဟုတ်တစ်ခု ရအောင်ရှာရတော့မှာပါ ” ဟူ၍ ဇွန်လအတွင်း BBC Sport သို့ ပြောကြားခဲ့သည်။

ဆစ်ဆေီးသည် ၂၀၁၂ ဇန္န၀ါရီတွင် ပြောင်းရွှေ့ရေး အဆက်အသွယ်များနှင့်ချိတ်ဆက်ခဲ့ပြီး ပြိုင်ပွဲအားလုံး၌ သွင်းဂိုး ၂၆ လုံးထိ ရှိခဲ့ပြီဖြစ်သည်။

July 18, 2013
လူမျိုးရေး နှိမ့်ချခွဲခြား ဆက်ဆံမှုအပေါ် တင်းကြပ်စွာ အရေးယူ ကိုင်တွယ်ရန် ဖီဖာ မှ အဆိုပြု

မေ-၇၊ ၂၀၁၃
M-Media

အားကစားအဖွဲ့များ၊ ၄င်းတို့၏ တာဝန်ရှိသူများနှင့် ပရိသတ်များထံ လူမျိုးခွဲခြားဆက်ဆံမှု သို့မဟုတ် အဆင့်ခွဲခြားမှုများ ကျူးလွန်သည်ကိုတွေ့ရှိပါက သက်ဆိုင်ရာအသင်းအဖွဲ့ကို ပြိုင်ပွဲမှထုတ်ပယ်ရန်သော် လည်းကောင်း၊ အတန်းဆင်းစေခြင်းဖြင့်သော်လည်းကောင်း အရေးယူရန် တင်းကြပ်သော အဆိုပြုချက်များကို FIFA မှ ယမန်နေ့တွင် တင်သွင်းလိုက်သည်။

လူမျိုးခွဲခြားမှုဆန့်ကျင်ရေး အပြည်ပြည်ဆိုင်ရာ အဖွဲ့သည် ပြတ်သားသည့်အရေးယူမှု ပြုလုပ်နိုင်ရန် နှင့် သမမျှတသည့် နည်းလမ်းတစ်ရပ် ဖော်ဆောင်နိုင်ရန် အားကစားရုံ/ကွင်းများ၌ ခွဲခြားနှိမ့်ချမှုသတ်မှတ် အတည်ပြုပေးသော ရုံးခန်းတစ်ခန်းထားရှိဖို့ လိုအပ်နေသည်ဟုဆိုသည်။ ဤကိစ္စနှင့်ပတ်သက်၍ Zurich ၌ ပထမဆုံးအကြိမ် အစည်းအဝေးတွင် ယင်းအဖွဲ့၏ အကြီးအမှူးတဖြစ်လဲ FIFA ဒုဥက္ကဌ Jeffrey Webb က “ ဘောလုံးလောကနဲ့ပရိသတ်တွေအပေါ် သြဇာသက်ရောက်နိုင်ဖို့ ကျွန်တော်တို့မှာ အထူးတာဝန်ရှိပါတယ် ” ဟုပြောကြားသည်။ ထိုအဆိုပြုချက်များတွင် မူကြမ်းတစ်ရပ်ပါဝင်ပြီး၊ လကုန်ပိုင်း Mauritius ၌ ကျင်းပမည့် ဖီဖာကွန်ကရက်သို့ တင်ပြမည် ဖြစ်သည်။

ပရီးမီယားလိဂ်၏ လွန်ခဲ့သောရာသီပွဲစဉ်အတွင်း ချဲလ်ဆီးနောက်ခံလူ John Terry နှင့် လီဗာပူးတိုက်စစ်မှူး Luis Suarez တို့ထံဖြစ်ပွားခဲ့သောပြဿနာ အပါအ၀င်၊ ဇန္န၀ါရီလက အေစီမီလန်ကွင်းလယ်ကစားသမား Kevin-Prince Boateng နှင့် အီတာလျံလူမျိုးကစားဖက် Pro Patria တို့အကြား လူမျိုးရေးခွဲခြားနှိမ့်ချ ဆက်ဆံမှုပြဿနာ အပြီးတွင် FIFA ဥက္ကဌ Sepp Blatter မှ ဤအစီအစဉ်ကို ချမှတ်လိုက်ခြင်းဖြစ်သည်။

ပထမအကြိမ်အစည်းအဝေး၌ လူမျိုးခွဲခြားခြင်းနှင့်နှိမ့်ချဆက်ဆံခြင်း ပြုလုပ်ချက်အပေါ် အဆင့် ၂ ရပ်ဖြင့် သတိပေးမည်ဖြစ်ကြောင်း၊ ပထမအကြိမ် သို့မဟုတ် စော်ကားမှု မပြင်းထန်လျှင် ဒဏ်ငွေတပ်ခြင်းနှင့် ပွဲပယ်ခြင်း ပြစ်ဒဏ်မှသည် – ထပ်မံကျူးလွန်လျှင် သို့မဟုတ် ပြင်းထန်စွာစော်ကားမှုပြုလုပ်လျှင် ရမှတ်များလျှော့ချခြင်း (၀ါ) အတန်းဆင်းစေခြင်းပြစ်ဒဏ် အထိ အရေးယူသွားမည်ဖြစ်ကြောင်း ပဏာမအဆိုပြုထားကြသည်။

ကစားကွင်းများ၌ စောင့်ကြည့်လေ့လာသူများထားရှိခြင်းဖြင့် ဒိုင်လူကြီးများအပေါ်ရှိဖိအားများကို လျော့ပါးသွားစေမည့် အပြင်၊ ဆုံးဖြတ်ချက်ချမည့် စည်းကမ်း ထိန်းသိမ်းရေးကော်မတီများ အတွက် အမြဲတစေရရန်မလွယ်ကူသော သက်သေ အထောက်အထားများကိုလည်း ပေးစွမ်းနိုင်မည်ဟု ယင်း အစီအစဉ်ဖော်ဆောင်ရေးအဖွဲ့က ဆိုသည်။ ထိုအစည်းအဝေး တက်ရောက်ဆောင်ရွက်သူ ၁၄ ဦးတွင် ဖီဖာ တွဲဖက်အတွင်းရေးမှူးချုပ် Theo van Seggelen နှင့် ကုလသမဂ္ဂလူ့အခွင့်အရေးရုံး ခွဲခြားနှိမ့်ချဆက်ဆံမှု ဆန့်ကျင်ရေးကဏ္ဍ အကြီးအကဲ Yury Boychenko တို့ ပါဝင်ခဲ့သည်။

Ref: Washington Post

May 9, 2013