အောက်တိုဘာ ၂၉၊ ၂၀၁၈
M-Media
အင်ဒိုနီးရှား ခရီးသည်တင်လေယာဉ်တစ်စင်း ဂျာဗားပင်လယ်ထဲပျက်ကျ
==============
မြို့တော်ဂျကာတာကနေ ဆူမားတြားကျွန်းကို ဒီနေ့မနက်ပိုင်းက ပျံသန်းသွားတဲ့ အင်ဒိုနီးရှား ပြည်တွင်းလေကြောင်း Lion Air က ခရီးသည်တင်လေယာဉ်တစ်စင်းဟာ ပင်လယ်ထဲမှာ ပျက်ကျသွားတယ်လို့ အာဏာပိုင်တွေက အတည်ပြု ပြောကြားလိုက်ပါတယ်။ Boeing 737 MAX 8 အမျိုးအစား လေယာဉ်ဟာ ပျံတက်ပြီး ၁၃ မိနစ်အကြာမှာ ပျက်ကျသွားတာ ဖြစ်ပါတယ်။ လိုက်ပါသွားသူဦးရေ၊ သေဆုံးသူ၊ ပျောက်ဆုံးသူဦးရေတို့ကို ထုတ်ပြန်ခြင်း မရှိသေးပါဘူး။ သြဂုတ်လအတွင်းကလည်း နိုင်ငံအရှေ့ပိုင်း တောတောင်ထူထပ်တဲ့ဒေသမှာ ခရီးသည်တင်လေယာဉ်တစ်စီး ပျက်ကျခဲ့ပြီး ၈ ဦးသေဆုံးကာ အသက် ၁၂ နှစ်အရွယ် ယောက်ျားလေးတစ်ဦးသာ အသက်ရှင်ကျန်ရစ်ပါတယ်။
ရဟတ်ယာဉ်ပျက်ကျမှုအတွင်း အသင်းပိုင်ရှင် သေဆုံးသွားကြောင်း လက်စတာ အတည်ပြု
===============
စနေနေ့က ကွင်းရဲ့ ကားပါကင်မှာ ရဟတ်ယာဉ် ပျက်ကျပေါက်ကွဲမှုအတွင်း လိုက်ပါသွားသူ ၅ ဦးစလုံး သေဆုံးသွားခဲ့ပြီး အသင်းပိုင်ရှင် ထိုင်းသူဌေး ဗီချိုင်းလည်း ပါဝင်ခဲ့တယ်လို့ ပရီးမီးယားလိဂ်ကလပ် လက်စတာအသင်းက မနေ့မှာ အတည်ပြု ပြောကြားလိုက်ပါတယ်။ ဗီချိုင်းဟာ လက်စတာကို ပထမတန်းမှာ ကစားနေတဲ့အချိန် ၂၀၁၀ ခုနှစ်က ပေါင် ၃၉ သန်းနဲ့ ၀ယ်ယူခဲ့တာဖြစ်ပြီး ၂၀၁၆ ခုနှစ်မှာ ပရီးမီးယားလိဂ်ချန်ပီယံ ဖြစ်လာခဲ့ပါတယ်။ လက်စတာအသင်းက အသက် ၆၀ အရွယ် ဗီချိုင်း ကွယ်လွန်တာကို အတည်ပြုခဲ့ပေမယ့် ကျန်တဲ့ သေဆုံးသူ ၄ ဦးဟာ ဘယ်သူဘယ်ဝါ ဖြစ်လဲဆိုတာကို မထုတ်ပြန်ခဲ့ပါဘူး။ ပျက်ကျသွားတဲ့ ရဟတ်ယာဉ်ဟာ ဗီချိုင်းရဲ့ ရဟတ်ယာဉ်ဖြစ်ပြီး သူ့သမီးဖြစ်သူလည်း လိုက်ပါသွားတယ်လို့ သတင်းတွေ ထွက်နေပါတယ်။
သီရိလင်္ကာတွင် နိုင်ငံရေး မငြိမ်သက်မှုကြောင့် လူ ၁ ဦးသေဆုံး
====================
သောကြာနေ့မှာ ရာထူးကနေ ထုတ်ပယ်ခံလိုက်ရတဲ့ သီရိလင်္ကာ ၀န်ကြီးချုပ် ရာနီးလ် ၀စ်ကရီမီဆင်ဟီအစိုးရက ရေနံဝန်ကြီးရဲ့ သက်တော်စောင့်ဟာ မနေ့က မြို့တော်ကိုလံဘိုမှာရှိတဲ့ ဆန္ဒပြလူအုပ်အတွင်း သေနတ်နဲ့ ပစ်ခတ်ခဲ့တာကြောင့် လူတစ်ဦးသေဆုံးပြီး ၂ ဦး ဒဏ်ရာရရှိခဲ့ပါတယ်။ သမ္မတ ဆရီဆီနာက စီးပွားရေး စီမံခန့်ခွဲမှု ညံ့ဖျင်းမှု၊ သူ့ကို လုပ်ကြံဖို့ ကြိုးစားမှုတွေကြောင့် ရာနီးလ်ကို ထုတ်ပယ်ခဲ့တာဖြစ်တယ်လို့ ဆိုပေမယ့် အခြေခံဥပဒေကို ကျော်လွန်ဆောင်ရွက်တာလည်း ဖြစ်ပါတယ်။ ရာနီးလ်ဟာ ရာထူးကနေဆင်းပေးဖို့ ငြင်းဆိုထားပြီး မနေ့က သူ့လက်အောက်မှာရှိတဲ့ ရေနံဝန်ကြီးဟာ ၀န်ကြီးဌာန ရုံးခန်းကို ၀င်ရောက်ဖို့ ကြိုးစားစဉ်အတွင်း ဆရီဆီနာကို ထောက်ခံတဲ့ လူအုပ်ရဲ့တားဆီးမှုကို ကြုံတွေ့ခဲ့ရပြီး ပစ်ခတ်မှုအထိ ဖြစ်ပွားခဲ့တာဖြစ်ပါတယ်။
ကာရှိုဂျီအသတ်ခံရမှု အထောက်အထားများအားလုံးကို တူရကီက ဆော်ဒီကို ပြမည်
=================
အစ္စတန်ဘူလ်က ဆော်ဒီကောင်စစ်ဝန်ရုံးမှာ ဆော်ဒီဂျာနယ်လစ် ကာရှိုဂျီ အသတ်ခံရမှု ကိစ္စကို စုံစမ်းစစ်ဆေးနေတဲ့ တူရကီ တာဝန်ရှိသူတွေဟာ နိုင်ငံမှာ ရောက်ရှိနေတဲ့ ဆော်ဒီ ရှေ့နေချုပ်ထံ သူတို့ရဲ့ တွေ့ရှိချက်တွေ ပြသသွားမှာဖြစ်ပြီး ကောင်စစ်ဝန်ရဲ့နေအိမ်ကိုလည်း နှစ်နိုင်ငံပူးပေါင်းကာ ထပ်မံရှာဖွေသွားဖို့ ရှိနေပါတယ်။ ကောင်စစ်ဝန်ရဲ့အိမ်ကို အခုလအလယ်ပိုင်းက ၀င်ရောက် ရှာဖွေခဲ့ပေမယ့် အခန်း ၃ ခန်း၊ ပန်းခြံထဲက ပေ ၆၀ နက်တဲ့ ရေတွင်းတွေကို ဆော်ဒီဝန်ထမ်းတွေက ရှာခွင့် မပြုခဲ့ပါဘူး။ တူရကီရဲ့ စုံစမ်းဆေးမှုမှာ ဆော်ဒီဟာ ထိထိရောက်ရောက် ပူးပေါင်းဆောင်ရွက်မှု မရှိဘူးလို့ စွပ်စွဲမှုတွေ ထွက်ပေါ်နေတဲ့အချိန် ဆော်ဒီ ရှေ့နေချုပ် တူရကီကို ရောက်ရှိလာတာ ဖြစ်ပါတယ်။
Ref: Aljazeera
