Tag: SweMon

အတုယူစရာ သူတို့ကမ္ဘာ

မတ် ၃ ၊ ၂၀၁၅
M-Media
.ဆွေမွန် ရေးသည်။

“ဘာပဲလုပ်လုပ် စိတ်ပါလက်ပါလုပ်ပါ။ ကိုယ့်ကိုယ်ကိုအမြဲတမ်းတွန်းအားပေးနေပြီး အားမာန်အပြည့်နဲ့ လုပ်ကိုင်တတ်သူတိုင်းဟာ အံ့ဖွယ်အရာတွေကို ဖန်တီးနိုင်ပါတယ်။”

ဆာဟီလာအေဗရာဟမ် အမည်ရတဲ့ နိုင်ဂျီးရီးယားနွယ်ဖွား မိန်းကလေးတစ်ဦးရဲ့ နှုတ်ဖျားက ထွက်ကျလာတဲ့ စကားတွေပါ။ သာမန်လူတိုင်းပြောနိုင်တဲ့စကားကို ပြောခဲ့တဲ့ ဒီမိန်းကလေးဟာ သာမန်လူညံ့တစ်ဦးတော့ မဟုတ်ခဲ့ပါဘူး။ ဆာဟီလာလေးဟာ အမေရိကန်ပညာရေးသမိုင်းမှာ ပထမဆုံးဖြစ်စဉ်အနေနဲ့ အသက် ၁၅ နှစ်အရွယ်မှာ အမေရိကန်နိုင်ငံက ၀င်ခွင့်ရဖို့ အခက်ဆုံးတက္ကသိုလ်ကြီး ၁၃ ခုရဲ့ ၀င်ခွင့်လက်ခံမှုကို တပြိုင်တည်းရရှိခဲ့သူပါ။

သူကလေးရဲ့ ဘ၀တစေ့တစောင်းကြည့်ကြရင်…

ဆာဟီလာကို အာဖရိကတိုက်ရဲ့ နွမ်းပါးလှတဲ့နိုင်ငံတစ်နိုင်ငံဖြစ်တဲ့ နိုင်ဂျီးရီးယားနိုင်ငံမှာ မွေးဖွားခဲ့ပါတယ်။ ဖခင်ဖြစ်သူ ဆာရာဖာအေဗရာဟမ်ဟာ နိုင်ဂျီးရီးယားက ထင်ရှားတဲ့ အိုက်ဘာဒန်တက္ကသိုလ်မှာ ပညာသင်ယူခဲ့ပြီး သူ့ရဲ့အလုပ်အကိုင်ကိုအကြောင်းပြုကာ အမေရိကန်နိုင်ငံကို ပြောင်းရွှေ့ခဲ့ပါတယ်။ နယူးယောက်မြို့တော်က ထင်ရှားတဲ့ စီးပွားရေးလုပ်ငန်းစုတစ်ခုမှာ စီးပွားရေးဆိုင်ရာအကြံပေးအဖြစ်လုပ်ကိုင်နေရင်း သမီးဖြစ်သူ ဆာဟီလာလေးနဲ့ သားဖြစ်သူ ဆလင်းမ်တို့ကို အမေရိကန်နိုင်ငံမှာ ပညာဆည်းပူးစေခဲ့ပါတယ်။ မိခင်ဖြစ်သူ ရှာကေရာဟာ ရင်သွေးနှစ်ဦးကို ကိုယ်အုပ်မကွာစောင့်ထိန်းရင်း ဆာဟီလာနဲ့ ဆလင်းမ်တို့ရဲ့ တတ်သင့်သမျှပညာတွေကို သင်ပေးခဲ့တဲ့ လက်ဦးဆရာဖြစ်ခဲ့ပါတယ်။

၅ နှစ်သမီး မူကြိုအရွယ်ကတည်းက ဆာဟီလာလေးအနှစ်သက်ဆုံးဘာသာရပ်ဟာ သင်္ချာနဲ့ သိပ္ပံဘာသာရပ်တွေဖြစ်ခဲ့တယ်။ မူကြိုအရွယ်မှာ ဘယ်တက္ကသိုလ်တက်ချင်ပါတယ်လို့ စပြောနေပြီဖြစ်တဲ့ တောက်မယ့်မီးခဲရဲရဲလေးကို မိခင်ရှာကေရာက ကြိုမြင်ခဲ့ပါတယ်။ သမီးငယ်လိုအပ်မယ့် စာအုပ်တွေကို ၀ယ်ပေးတယ်။ အိမ်မှာ ကြိုသင်ပေးတယ်။ ကျောင်းမတက်ခင်မှာပဲ ကျောင်းဟာ သူ့အတွက် အဆင်သင့်ဖြစ်နေစေခဲ့ပါတယ်။

နယူးဂျာဆီမှာ ပညာစသင်ခဲ့တယ်။ သူ့ကျောင်းစာတွေကို ၀ိုင်းလုပ်ပေးရင်လည်း မနှစ်သက်ဘူး။ သူ့စာတွေနဲ့ပတ်သက်ရင် မိခင်သင်ပေးတာကို လက်ခံပေမယ့် လေ့ကျင့်ခန်း အိမ်စာတွေကို မိခင်ကူညီဝိုင်းလုပ်ပေးတာကို လက်မခံတတ်ဘဲ သမီးရဲ့စာတွေကို သမီးပဲလုပ်ပါရစေလို့ အမြဲတမ်းပြောဆိုတတ်တယ်လို့ မိခင်ရှာကေရာက ထုတ်ပြောခဲ့ပါတယ်။ အလယ်တန်းကျောင်းသူ ဘ၀ရောက်လာချိန်မှာ သူ့ဘ၀ တဆစ် ချိုးလာပါတော့တယ်။ အတန်းထဲမှာ ထိပ်ဆုံးဖြစ်နေပြီး သင်သမျှစာတွေကို လွယ်လွယ် တတ်မြောက်နေပေမယ့် မကျေနပ်နိုင်တဲ့ ဆာဟီလာအတွက် စိန်ခေါ်မှုအသစ်တွေကို တွေ့ချင်ပါတယ်။ သူ့ကို ဒီထက်ကြီးတဲ့အတန်းမှာ ထားပေးပါ၊ ဒီထက်ခက်တဲ့ စာတွေကို သင်ယူချင်ပါတယ်လို့ တောင်းဆိုခဲ့ပါတယ်။ သမီးဖြစ်သူကို သိနားလည်နေတဲ့ မိဘတွေကလည်း ကျောင်းအုပ်ချုပ်ရေး ဘုတ်အဖွဲ့ကို တွန်းအားအကြိ်မ်ကြိမ်ပေးပြီးနောက်မှာ ဆာဟီလာလေးဟာ ၆ တန်းကနေကျော် တက်ပြီး ၇ တန်းကို တက်ခွင့်ရခဲ့ပါတော့တယ်။ မိခင်ဖြစ်သူ ရှာကေရာကလည်း ကျောင်းက ဂရုတစိုက် သင်မပေးထားတဲ့ သင်ခန်းစာလက်ကျန်တွေကို တစ်ခုမကျန် ဆာဟီလာကို ရှင်းပြပေး သင်ပေးခဲ့ပါတယ်။ အမေးအမြန်းထူတယ်၊ သိချင်တာကို မရမကရှာတယ်၊ ပြင်းပြင်းထန်ထန်ကြိုးစားတယ်၊ ကိုယ့်ကိုကိုယ်အမြဲတမ်း တွန်းအားပေးတတ်တဲ့ ဆာဟီလာလေးဟာ နောက်တစ်ခါ ၉ တန်းကို ကျော် ၁၀ တန်းကို အရောက်လှမ်းခဲ့ပြန်ပါတယ်။
.
ပညာရေးတင် မကဘဲ အထက်တန်းကျောင်း အမျိုးသမီးဘောလုံး အသင်းမှာ နောက်ခံလူအဖြစ် ပါခဲ့တယ်။ ရေကူးအသင်းမှာပါတယ်။ ဂီတအသင်းမှာလည်း ပါဝင်ခဲ့ကာ ထရွမ်းဘုန်းမှုတ်တယ်။ ဘာသာစကား အနေနဲ့ ရိုးရာနိုင်ဂျီးရီးယား စကား အပြင် အင်္ဂလိပ်၊ အရဗီ၊ စပိန် နဲ့ လက်တင်ဘာသာစကားတွေကို ပိုင်နိုင်ကျွမ်းကျင်ခဲ့ပါတယ်။ လူဦးနှောက်ကို လေ့လာတဲ့ သိပ္ပံပညာရှင်ဖြစ်ချင်တဲ့ ဆာဟီလာလေးဟာ အထက်တန်းကျောင်းသူဘ၀မှာလည်း ဘက်စုံထူးချွန်ခဲ့ပါတယ်။

.
တက္ကသိုလ်ဝင်ခွင့် SAT စာမေးပွဲမှာတော့ ဆာဟီလာဟာ သင်္ချာ အမှတ် ၈၀၀ (အပြည့်) အင်္ဂလိပ်စာ အရေးမှာ ၇၉၀၊ အင်္ဂလိပ်စာ အဖတ်မှာ ၇၅၀ နဲ့ SAT ရမှတ် ၂၄၀၀ ပေးတဲ့အနက် ၂၃၄၀ ထိ ရခဲ့ပါတယ်။ (Grade point ၁၀၀ မှာ ၉၆ ကနေ ၉၇ ထိ ရခဲ့ပါတယ်။) အသက် ၁၅ နှစ်သာရှိသေးတဲ့ ဆာဟီလာဟာ အသက်ငယ်ရွယ်လွန်းတဲ့အတွက် ဘယ်တက္ကသိုလ်ကမှ လက်မခံမှာကို စိုးရိမ်နေခဲ့ပါသေးတယ်။ ဒါကြောင့် သူ့ကို ဘယ်ကျောင်းကများ ၀င်ခွင့်ပေးပါ့မလဲ မျှော်လင့်တကြီးနဲ့ နယူးဂျာဆီကနေ ကယ်လီဖိုးနီးယားထိ တက္ကသိုလ်ကြီး ၁၄ ခုမှာထိ ၀င်ခွင့်လျှောက်ခဲ့ပါတယ်။ အံ့သြစရာက အမေရိကန်ပညာရေးလောကမှာ လူတိုင်းတန်ဖိုးထား ဂုဏ်ယူစွာ တက်ချင်ကြတဲ့ Ivy League Schools လို့ခေါ်တွင်တဲ့ သက်တမ်း အကြာဆုံး၊ ဂုဏ်အရှိဆုံး တက္ကသိုလ်ကြီး ၇ ခု အနက် ၆ ခုက ဆာဟီလာကို တက္ကသိုလ်တက်ခွင့် ပေးခဲ့ပါတယ်။ Yale တစ်ခုတည်းကပဲ အသက်ကြောင့် ဆာဟီလာကို မရွေးခဲ့ပါဘူး။ တော်ရုံလူ အိပ်မက် မမက်ရဲတဲ့ Harvard ၊ MIT ၊ Princeton ၊ Columbia ၊ Cornell ၊ Brown ၊ University of Pennsylvania ၊ UChicago တို့အပါအ၀င် တက္ကသိုလ်ကြီး ၁၃ ခုတိတိမှာ ဆာဟီလာကို တက်ရောက်ပညာ သင်ကြားခွင့်ရခဲ့ပါတယ်။

အများတကာ တက္ကသိုလ်တစ်ခု တက်ခွင့်ရလို့ ပျော်နေရတဲ့အချိန်မှာ ဆာဟီလာက တက္ကသိုလ် ၁၃ ခုကို ခရီးကြမ်းနှင်ကာ တက်မယ့် တက္ကသိုလ်ရွေးပွဲ ပြန် ကျင်းပနေခဲ့ရပါပြီ။ တက္ကသိုလ်တစ်ခုပြီး တစ်ခု သွားကြည့်ခဲ့ပါတယ်။ ကျန်တဲ့တက္ကသိုလ်တွေကို ဆာဟီလာ ဘာမှ မပြောခဲ့ပေမယ့် ဟားဗတ်တက္ကသိုလ် အ၀င်ဝကို ရောက်ကတည်းက ကျောင်းရဲ့ ပရိဝုဏ် ကြီးကျယ် ခမ်းနားမှုရယ်၊ ကျောင်းသားတွေရဲ့ ပြောဆို ဆက်ဆံမှုတွေရယ်၊ ပညာရေးအခွင့်အလမ်းတွေအားလုံးက ဆာဟီလာကို ဖမ်းစားခဲ့ပါတော့တယ်။ ဟားဗတ်ကို ဆာဟီလာ မလွန်ဆန်နိုင်ခဲ့ပါဘူး။ ဒါ သူ့ကျောင်းပါပဲ။ သေချာခဲ့ပါပြီ။
.
အသက် ၁၅ နှစ်အရွယ်မှာ ဟားဗတ်တက္ကသိုလ်သမိုင်းမှာ အသက်အငယ်ဆုံး တက်ရောက်ခွင့်ရတဲ့ ကျောင်းသူတစ်ဦးဖြစ်လာတဲ့ ဆာဟီလာလေးဟာ ဟားဗတ် တက္ကသိုလ်မှာ ဦးနှောက်ကို အထူးပြုလေ့လာတဲ့ သိပ္ပံဘာသာရပ် Nerobiology ကို သင်ကြားခဲ့ပြီး တောက်နေတဲ့ မီးခဲလေးဟာ ဟားဗတ်မှာလည်း အရှိန်မသေသွားခဲ့ပါဘူး။ တက္ကသိုလ် အသင်းအသီးသီးမှာ ၀င်ပါတယ်။ ဟားဗတ်တက္ကသိုလ် အစ္စလာမ့် အသင်းမှာလည်း အသက် ၁၅ နှစ်အရွယ်ကလေးနဲ့ ဒုဥက္ကဌအဖြစ် အရွေးခံခဲ့ရပါတယ်။
.
အသက် ၁၆ နှစ်အရွယ်မှာ ကမ္ဘာ အတော်ဆုံး ဆယ်ကျော်သက် ၅၀ စာရင်း 50 smartest teenagers မှာ နံပတ် ၂၁ ပေါက်ခဲ့ ပါတော့တယ်။ တက္ကသိုလ်ပညာသင်ကာလမှာ သူမရဲ့ထူးချွန်မှုတွေကြောင့် သတင်းစာတွေ၊ ကျောင်းစာစောင်တွေရဲ့ မျက်နှာဖုံးသတင်းနေရာကို ဆာဟီလာ အကြိမ်ကြိမ်ရယူနိုင်ခဲ့ပါတယ်။

ခုချိန်မှာ အသက် ၁၉ နှစ်ရှိနေပြီဖြစ်တဲ့ လာမယ့်မေလမှာ ဟားဗတ်က ဘွဲ့ရတော့မယ့် နောက်ဆုံးနှစ်ကျောင်းသူ ဆာဟီလာဟာ ၂၀၁၅ ဖေဖော်ဝါရီလ ၂၆ ရက်မှာ အမေရိကန်သမ္မတ အိုဘားမားနဲ့ သမ္မတ ကတော် မီချယ်လ်တို့ က အိမ်ဖြူတော်မှာ တရားဝင် ဖိတ်ကြားဧည့်ခံတာကို ခံယူခဲ့ရပါတယ်။ ဆာဟီလာလေး စကားပြောတာကို ငြိမ်သက်စွာနားထောင်အပြီး အမေရိကန် သမ္မတအိုဘားမားက “တော်တဲ့ကလေးတွေ အများကြီးတွေ့ဖူးပါတယ်။ ဆာဟီလာဟာ အတော်ဆုံး ၅၀ စာရင်းဝင် ပီသပါပေတယ်။ တကယ်အံသြစရာ အမျိုးသမီးငယ်ပါ။ သူမနဲ့ စကားပြော ရတာဟာ နိုင်ငံခြားရေးဝန်ကြီးဌာနနဲ့ ကျန်းမာရေးဝန်ကြီး ဌာန နှစ်ခုကို ရောမြင်ရသလို ခံစားရစေပါတယ်။ ပညာရေးအောင်မြင်မှုတွေအတွက် ဂုဏ်ယူပါတယ် ဆာဟီလာရေ။ နောက်ထပ် ဆက်သွားဦးမယ့် လမ်းကြောင်းတွေအတွက်လည်း ဂုဏ်ယူပါတယ်။ မင်းဟာ အမေရိကန် သမိုင်းကို ထွန်းပြောင်စေမယ့်လူပါ။ အမေရိကန် အနာဂတ်ဟာ မင်းတို့လို လူငယ်တွေရှိနေတဲ့အတွက် ပိုပြီး ထွန်းတောက်ဦးမှာပါ” လို့ ဂုဏ်ယူ ၀င့်ကြွားစွာ ပြောဆိုသွားခဲ့ပါတယ်။

“ပေါ်လာသမျှအခွင့်အလမ်းတွေကို အကျိုးရှိအောင် လုပ်တတ်ဖို့ အရေးကြီးပါတယ်။ ပညာစောစောသင်နိုင်လေလေ၊ ဘ၀မှာ အောင်မြင်ဖို့ အခွင့်အလမ်းများလေလေပါ။ ဒါဟာ လက်တွေ့ကျတဲ့ ဘ၀ပါပဲ။” ဒါဟာ ဆာဟီလာရဲ့ ဆောင်ပုဒ်ပဲဖြစ်ပါတယ်။

ဆင်းရဲတဲ့ အာဖရိကနိုင်ငံတစ်ခုမှာ မွေးဖွားခဲ့ပေမယ့် လူသားအချင်းချင်း တန်းတူရည်တူကြိုးစားခွင့်ကို အသိအမှတ်ပြုတဲ့နိုင်ငံ တိုင်းဟာ နိုင်ငံသားကောင်းတွေကို မွေးထုတ်နိုင်ပါတယ်။ ထို့နည်းတူစွာ နိုင်ငံခြားက ပြောင်းဝင်လာတဲ့ မွတ်ဆလင်အမျိုးသမီးငယ် ဆာဟီလာလိုမျိုး လူတော်လူငယ်တစ်ဦးကို တန်းတူရည်တူ ကြိုးစားခွင့်ပေးခဲ့တဲ့ အမေရိကန်နိုင်ငံဟာလည်း ပညာရေးမှာ ထူးချွန်လွန်းတဲ့ ဆာဟီလာတို့လို လူငယ်တွေကြောင့် အမြဲတမ်းခေတ်ရှေ့ရောက်နေမှာ အမှန်ပဲ ဖြစ်ပါတော့တယ်။

အားကျအတုယူနိုင်စေဖို့၊ ပညာဟာ အရေးကြီးဆုံးအရာဖြစ်တယ်ဆိုတာ နားလည်ကြစေဖို့၊ ပညာရေးကို အလေးပေးကြဖို့ ရည်ရွယ်ရင်းသာ ဖြစ်ပါတယ်။

မြန်မာကျောင်းသား ကျောင်းသူတိုင်း ကမ္ဘာ့အဆင့် ထိုးဖောက်နိုင်ကြပါစေ။

ဆွေမွန်
၃ မတ်လ ၂၀၁၅

March 3, 2015
အမျိုးသားရေး အစွန်းရောက်များ၏ လုပ်ကြံသတင်းများဖြင့် ချိန်ကိုက် ဝါဒဖြန့်မှုများ

မတ် ၂ ၊ ၂၀၁၅
M-Media
ဆွေမွန်ရေးသည်။

လက်ရှိကာလမှာ မြန်မာနိုင်ငံတက္ကသိုလ်ကျောင်းသူကျောင်းသားတွေရဲ့ မန္တလေးကနေ ရန်ကုန်မြို့တိုင်အောင် လမ်းလျှောက်ဆန္ဒပြကာ ပညာရေးအခန်းကဏ္ဍမှာ တိုးမြှင့်မှုတွေ လုပ်ဆောင်ပေးဖို့ အချက် ၁၁ ချက်ကို တောင်းဆိုနေတဲ့အချိန် ဖြစ်ပါတယ်။ မန္တလေးကျောင်းသားတွေ၊ ရန်ကုန်ကျောင်းသားတွေအပြင် ဧရာဝတီ၊ မော်လမြိုင်၊ ထားဝယ်၊ ပဲခူး ဒေသကြီးတွေက ကျောင်းသားတွေပါဝင်တဲ့ ပူးပေါင်းဆန္ဒပြမှုတွေဟာ ပြီးခဲ့တဲ့ လက အရှိန်တိုးမြှင့်လာခဲ့ပါတယ်။
.
ကျောင်းသားလှုပ်ရှားမှုတွေဟာ အခြားနိုင်ငံရေးတောင်းဆိုမှုတွေ လုံးဝမပါဘဲ ပညာရေးကဏ္ဍ တိုးတက်လာစေဖို့အတွက်သက်သက်သာ ဖြစ်တယ်ဆိုတာ တစ်နိုင်ငံလုံးက ပြည်သူ ပြည်သားတွေ သိရှိပြီးလည်း ဖြစ်ပါတယ်။ တိုင်းသူပြည်သားအများစုဟာလည်း ကျောင်းသားဆန္ဒပြမှု ရွေ့လျားလာတဲ့လမ်းကြောင်းတစ်လျှောက် ကြိုဆိုအားပေးတာတွေအပြင် ၀န်းရံလိုက်ပါစောင့်ရှောက်ကြတာကိုလည်း လူမှုကွန်ယက်အပြင် ဂျာနယ်တွေ သတင်းစာတွေမှာ အများအပြား ဖော်ပြမှုတွေ ရှိလာခဲ့ပါတယ်။
.
အစိုးတာဝန်ရှိသူတွေနဲ့ ကျောင်းသားတွေ ဆွေးနွေးထားတာကို လွှတ်တော်ထိတင်ကာ အပြန်အလှန်ဆွေးနွေးကြဖို့ အဆိုပြုထားချိန်မှာပဲ ကျောင်းသားအရေး လှုပ်ရှားသူတွေရဲ့ ရည်ရွယ်တောင်းဆိုချက်တွေဟာ အမျိုး ဘာသာ သာသနာကို ထိခိုက်စေနိုင်တယ်၊ မွတ်ဆလင်အားပေးတဲ့ လုပ်ရပ်ဖြစ်တယ်၊ မိခင်ဘာသာစကား အရဗီစာပေသင်ကြားစေဖို့ဖြစ်တယ် စသည်ဖြင့် အမည်ဖျက်လမ်းလွှဲမှုတွေ အများအပြား ဖြစ်ပေါ်လာခဲ့ပါတယ်။ ကျောင်းသားအရေးဆွေးနွေးမှုတွေကို နှစ်မြို့ပုံမရတဲ့ မဘသ အဖွဲ့ရဲ့ ထုတ်ပြန်ချက်တွေကို အစိုးရကိုယ်တိုင်က အထူးအလေးထားကာ အစိုးရသတင်းစာတွေမှာ ရက်ဆက်ဖော်ပြပေးခဲ့သလို မဘသ အဖွဲ့ပေါင်းစုံကလည်း ကြေညာချက်ပေါင်းစုံနဲ့ ကျောင်းသားအရေးလှုပ်ရှားမှု ပညာရေးတိုးတက်စေဖို့ လှုပ်ရှားမှုတွေကို ကန့်ကွက် အပုပ်ချ ထုတ်ပြန်လာတာကို တွေ့နေရပါတယ်။
.
အဲဒီထဲမှာမှ အမျိုးဘာသာသာသနာ စောင့်ရှောက်ရေးအဖွဲ့ – အထက်မြန်မာပြည်၊ မန္တလေးတိုင်းဒေသကြီးအမည်ခံအဖွဲ့ရဲ့ ထုတ်ပြန်ချက်တွေအပြင် လူမှုကွန်ယက်ထဲက သတင်းထပ်ဆင့်ဖြန့်ဝေမှုတွေမှာ ပညာရေးကဏ္ဍပြောင်းလဲပေးဖို့ ကျောင်းသားလှုပ်ရှားမှုဟာ မိခင်ဘာသာစကားကို လွတ်လပ်စွာ သင်ယူခွင့်ရလာတဲ့အတွက် မွတ်ဆလင်တွေအမြတ်ထွက်မယ့် အရေးဖြစ်တယ်လို့ ပုံဖျက်သတင်းခဲ့တာကို တွေ့ရပါတယ်။ NNER ပညာရေးမူကြမ်းကို ရိုဟင်ဂျာတွေက ၀မ်းသာအားရ ထောက်ခံနေပါပြီလို့ အများမြင်အောင် လမ်းကြောင်းချပေးခဲ့ပြီး ပြင်ပလောကမှာ လုံးဝမရှိတဲ့ အဖွဲ့အစည်းတွေက၂၆ ဖေဖော်ဝါရီ ၂၀၁၅ရက်စွဲနဲ့ ထုတ်ပြန်ခဲ့ပါတယ်လို့ ဖန်တီးလုပ်ကြံထားတဲ့ မြန်မာနိုင်ငံရိုဟင်ဂျာလူငယ်များအဖွဲ့ချုပ် Letter Head နဲ့ စာတွေကို သတင်းအမှားဖြစ်နေမှန်းသိပါလျှက် လူမှုကွန်ယက်တွေပေါ်မှာ ရည်ရွယ်ချက်ရှိရှိ ထပ်ဆင့်ဖြန့်ဝေတာတွေကို တွေ့ခဲ့ရပါတယ်။ မဘသရဲ့ ထပ်ဆင့်ဖြန့်ဝေတာကို ဒီမှာ https://facebook.com/mabhatha.mandalay/photos/a.1503407193249137.1073741826.1503395323250324/1546231858966670/?type=1&theater ဖတ်ရှုနိုင်ပါတယ်။ ဒီလိုလုပ်ရတာဟာ အစ္စလာမ်ဆန့်ကျင်ရေး၊ ရိုဟင်ဂျာဆန့်ကျင်ရေး ဝါဒမှိုင်းတွေနဲ့ အမုန်းတရားအခံတွေကို ရောပြွန်းကာ ကျောင်းသား လှုပ်ရှားမှုကို ပြည်သူတွေ ထောက်ခံမှု လျော့ကျစေဖို့၊ ကျောင်းသား လှုပ်ရှားမှုကို မှေးမှိန်စေဖို့ လီဆယ် ဖြန့်ဝေခဲ့တာဖြစ်တယ်လို့ ခန့်မှန်းနိုင်ပါတယ်။
.
အမျိုးဘာသာသာသနာ စောင့်ရှောက်ရေးအဖွဲ့ – အထက်မြန်မာပြည်၊ မန္တလေးတိုင်းဒေသကြီး အမည်ခံအဖွဲ့ဟာ ဒီလို လိမ်လည် လုပ်ကြံထားတဲ့ စာရွက်စာတမ်းတွေကို သုံးပြီး သတင်းထုတ်ပြန်တာ ဒါမှမဟုတ် သတင်းထပ်ဆင့်ဖြန့်ဝေတာတွေဟာ ဒီတစ်ကြိမ်တည်း မဟုတ်ပါဘူး။ ၂၀၁၄ ဇန်န၀ါရီ ၃ ရက်ကလည်း မြန်မာနိုင်ငံရိုဟင်ဂျာလူငယ်များအဖွဲ့ချုပ် က ပုဒ်မ ၅၉ (စ) ကို ပယ်ဖျက်ဖို့ ထောက်ခံပါတယ်၊ ၁၉၈၂ ဥပဒေကို ပယ်ဖျက်ဖို့ ထောက်ခံထားပါတယ် ဆိုပြီး ဒေါ်အောင်ဆန်းစုကြည် ဦးဆောင်တဲ့ NLD ပါတီရဲ့ လှုပ်ရှားမှုတွေနဲ့ အစ္စလာမ်ဆန့်ကျင်ရေး၊ ရိုဟင်ဂျာဆန့်ကျင်ရေး အမုန်းအခံတွေ ရောထွေးသွားစေဖို့ မှိုင်းတိုက်ခဲ့တာကိုလည်း တွေ့ခဲ့ရပါတယ်။
.
ဒီလို လီဆယ်လိမ်ညာကာ သတင်းမှားနဲ့ ရောပြွှန်း အမုန်းမှိုင်းတိုက်သူတွေရဲ့ ထပ်ဆင့်ဖြန့်ဝေစာတွေထဲက အများသတိ မထားမိကြတဲ့အချက်တွေကို ဆွဲထုတ်ပြချင်ပါတယ်။
.
၃ ဇန်န၀ါရီ ၂၀၁၄ ရက်စွဲပါ စာနဲ့ ၂၆ ဖေဖော်ဝါရီ ၂၀၁၅ ရက်စွဲပါ စာတွေကို မြန်မာနိုင်ငံရိုဟင်ဂျာလူငယ်များအဖွဲ့ချုပ်အမည်ခံ ထုတ်ပြန်ထားကြောင်း လိမ်လည်ထားတဲ့စာတွေမှာ အသုံးပြုထားတဲ့ Letter Head လိပ်စာကို 3509, jalan teknokrat 5, Cyberjaya, Selangor, Darul Ehsan, KL, Malaysia လို့ ပေးထားပါတယ်။ လိပ်စာတိုင်းကို မှန် မမှန် ကြည့်နိုင်တဲ့ Google Map၊ Google Earth စတဲ့ ဆော့ဖ်ဝဲတွေကို သုံးတာနဲ့ မလေးရှားကို ကိုယ်တိုင်သွားစရာ မလိုဘဲ နေရာအတိအကျ သိနိုင်တဲ့ခေတ်မှာ မဘသ ထပ်ဆင့်ဖြန့်ဝေတဲ့ မြန်မာနိုင်ငံရိုဟင်ဂျာလူငယ်များအဖွဲ့ချုပ် လိပ်စာဟာ လူသူမနေတဲ့ အိမ်မရှိတဲ့ လမ်းပေါ်က လိပ်စာ ဖြစ်နေတာကို တွေ့ရမှာပါ။ ကွန်ပျူတာမသုံးချင်ရင်တောင် သာမန် လက်ကိုင်ဖုံးတိုင်းမှာ အင်တာနက်ရှိတာနဲ့ လွယ်လင့်တကူ ကြည့်နိုင်ကြပါသေးတယ်။
.
ပိုပြီး လူရယ်စရာ ဖြစ်တာက Cyberjaya ဟာ ၁၉၉၇ မေလကမှ ဖွင့်လှစ်ခဲ့တဲ့ မလေးရှားနိုင်ငံရဲ့ ဆီလီကွန်ဗယ်လီလို့ တင်စားထားတဲ့ စက်မှုခေတ်လွန်မြို့တော်သစ်ကြီးဖြစ်ပါတယ်။ cyberjaya အကြောင်းကို ဒီမှာ http://en.m.wikipedia.org/wiki/Cyberjaya သွားဖတ်နိုင်ပါတယ်။ Cyberjaya မှာ မလေးရှားပညာရေးဝန်ကြီးဋ္ဌာနကို ရုံးစိုက်ထားတဲ့အပြင် အခြားအစိုးရဋ္ဌာနပေါင်းစုံကိုလည်း အခြေစိုက်ထားပါသေးတယ်။ နိုင်ငံတကာနည်းပညာ ကုမ္ပဏီကြီးတွေဖြစ်တဲ့ T-systems, Dell, HP, DHL, Satyam, Wipro, HSBC, Ericsson, Motorola, OCBC, BMW, IBM, Shell IT, Monster.com, Vivanova Systems တို့ရဲ့ နည်းပညာဆိုင်ရာ သုတေသန လုပ်ငန်းတွေ တည်ရှိရာနေရာဖြစ်တဲ့အပြင် တက္ကသိုလ်ကျောင်းသားတွေ၊ အပြည်ပြည်ဆိုင်ရာက ပညာရှင်တွေရဲ့ နည်းပညာဆွေးနွေးပွဲတွေ အတွက် ရည်ရွယ် တည်ဆောက်ထားတဲ့ နည်းပညာမြို့တော်မှာ နည်းပညာနဲ့ ဘယ်လိုမှ မပတ်သက်တဲ့ မြန်မာနိုင်ငံရိုဟင်ဂျာ လူငယ်များအဖွဲ့ချုပ် ဟာ ဘယ်လိုရောက်နေရသလဲ တွေးကြည့် လို့တောင် မရနိုင်ပါဘူး။ jalan ဆိုတာ မလေးဘာသာစကားနဲ့ လမ်းဖြစ်ပါတယ်။ jalan teknokrat 5 ဟာ လမ်းအမည်ဖြစ်ပါတယ်။ letter head မှာ ပါတဲ့ ဖုံးကိုလည်း ကိုယ့်မှာ ရှိတဲ့ တယ်လီနော တို့ အော်ရီဒူးတို့နဲ့ ဆက်ကြည့်တာနဲ့လည်း တစ်မိနစ်အတွင်း လိမ် မလိမ် သိနိုင်ပါသေးတယ်။ လိမ်လည်ဖန်တီးထားတဲ့ သတင်းတွေကို ထုတ်ပြန်တာတွေ၊ ထပ်ဆင့်ဖြန့်ဝေတာတွေကို ဘာရည်ရွယ်ချက်နဲ့ လုပ်ဆောင်ကြသည်ဖြစ်စေ ဘုရားသားတော်အစစ်အမှန်ဆိုရင် ဒီလုပ်ရပ်တွေကို ပိုပြီးရှောင်ကြဉ် သင့်လှပါတယ်။
.
ဒီ အမျိုးဘာသာသာသနာ စောင့်ရှောက်ရေးအဖွဲ့ – အထက်မြန်မာပြည်၊ မန္တလေးတိုင်းဒေသကြီးအမည်ခံအဖွဲ့ရဲ့ လိမ်ညာသတင်းသုံးပြီး သတင်း ထပ်ဆင့်ဖြန့်ဝေမှုတွေထဲမှာ ထင်ရှားတာနောက် တစ်ခုက မန္တလေးအဓိကရုဏ်း ဖန်တီးမှုနောက်မှာ သေဆုံးသူတစ်ဦးဖြစ်တဲ့ ဦးစိုးမင်း သေဆုံးရမှုဟာ “ဗုဒ္ဓဘာသာဝင် အကြမ်းဖက်သမားများ၏ ၀ိုင်းဝန်းရိုက်နှက် တိုက်ခိုက်သတ်ဖြတ်တာကို ခံရသဖြင့်” ဆိုတဲ့ အသုံးအနှုန်းကို မြန်မာနိုင်ငံထဲမှာ လုံးဝမရှိတဲ့ ဘာသာရေးအဖွဲ့အစည်းအမည်ဖြစ်တဲ့ မွတ်စ်လင်မ်လူငယ်များသမဂ္ဂ အမည်သုံးစွဲကာ နှစ်ဖက် အမုန်းပွားအောင် သပ်လျှိုထည့်ခဲ့ဖူးပါသေးတယ်။

ကိုရောင်ပြန် ခေါ် ကိုထွန်းထွန်း နာရေးကြော်ငြာကိုလည်း “ယုတ်မာသော မွတ်ဆလင်အုပ်စု၏ ရက်စက်ယုတ်မာစွာ သတ်ဖြတ်မှုများကြောင့် သေဆုံးသွားပါသဖြင့် မျိုးချစ်စိတ်၊ ဘာသာ သာသနာချစ်စိတ်၊ လူမှုရေးစိတ်တို့ဖြင့် လိုက်ပါပို့ဆောင်ပေး” ကြဖို့ ထုတ်ပြန်လှုံ့ဆော်ခဲ့တဲ့အပြင် နာရေးကအပြန်မှာ သတင်းအမှားတွေကို ထပ်ဆင့်ဖြန့်ဝေခဲ့ခြင်း နောက်ဆက်တွဲဖြစ်စဉ်အဖြစ် နာရေးအကြောင်းပြဆူပူချင်သူအချို့ဟာ မွတ်ဆလင်သင်္ချိုင်းတစ်ခုကို မီးတင်ရှို့ခဲ့ကြပါတယ်။ မုဒိမ်းသတင်းလိမ်လည်တင်ကာ စတင်လှုံ့ဆော်တဲ့ ဦးဝီရသူအပါအ၀င် သစ်ထူးလွင်သတင်း၊ မန္တလေး မဘသ တစ်ဦးမှ အရေးယူခံရခြင်းမရှိ၊ ထောင်လည်းမကျခဲ့သလို ထိခိုက်ဒဏ်ရာရခြင်းလည်း မရှိခဲ့ပါဘူး။ လိမ်လည် လှုံ့ဆော်မှုကို ယုံကြည်ဒေါသထွက်ကာ ဘယ်လိုမှ မလုပ်သင့်တဲ့လုပ်ရပ်ဖြစ်တဲ့ သင်္ချိုင်းကို မီးသွားရှို့ခဲ့ကြတဲ့လူတွေသာ ထောင်ကျခံရကာ လိမ်လည်လှည့်ဖျားသတင်းတင်သူတွေရဲ့ သားကောင်ဖြစ်ခဲ့ကြရပါတယ်။
.

ဒီမန္တလေးဖြစ်ရပ်အတွက် ၅-၇-၂၀၁၄ ရက်စွဲနဲ့ NLD ကြေညာချက်အတုကိုလည်း မန္တလေး မဘသကပဲ အမှားမှန်းသိသိနဲ့ ထပ်ဆင့်ဖြန့်ခဲ့ပြန်ကာ မွတ်ဆလင်မုန်းတီးရေးနဲ့ NLD ဆန့်ကျင်ရေးရောပြွန်းသွားစေဖို့ ဦးတည်ကာ အချိန်ကိုက် အခါကိုက် ဖြန့်ဝေခဲ့ကြပါသေးတယ်။ NLD ကြေညာချက်အတုမှာ မူဆလင်ပိုင်ပစ္စည်းတွေကို ဖျက်ဆီးရင် NLD က တရားစွဲ မှာဖြစ်ကြောင်း၊ မြန်မာအမျိုးသမီးတွေက အ၀တ်အစားကို ယဉ်ယဉ်ကျေးကျေး မ၀တ်ခြင်းကြောင့် မုဒိမ်းကျင့်ခံရတာဖြစ်ကြောင်း၊ စသည်ဖြင့် NLD ပါတီအပေါ် ပြည်သူတွေ သွေးမဆူဆူအောင်၊ ဒေါသမထွက်ထွက်အောင် လုပ်ကြံလှုံ့ဆော်ထားတဲ့စာသားတွေ ပါဝင်ခဲ့ပါတယ်။ အပြီးသတ်မှာ မန္တလေးအဖြစ်အပျက်ဟာ ဆန်းညီအကို မုဒိမ်းမကျင့်ပါဘဲလျှက် လိမ်လည် လုပ်ကြံမှုတွေကြောင့် ဖြစ်ပွား ရတာကို လူအများသိသွားကြပေမယ့် လုပ်ကြံလိမ်လည်ခဲ့ကြတဲ့ တရားခံတွေကတော့ မြန်မာနိုင်ငံအနှံ့ လွတ်လွတ်လပ်လပ် ခရီးသွားကာ တရားပွဲအမည်ခံ မြန်မာနိုင်ငံသားအချင်းချင်း သွေးကွဲနေစေဖို့ ဘာသာရေးအမုန်းတရားတွေနဲ့ သွေးခွဲ အိုးမဲသုတ်နေတုန်းပဲ ဖြစ်ပါတယ်။
.
ဒါကြောင့် မဘသကြေညာချက်၊ လူမှုကွန်ယက်ထဲမှာ သတင်းရေးသားထပ်မံဖြန့်ဝေမှုတိုင်းလိုလိုဟာ NLD ပါတီခေါင်းဆောင် ဒေါ်အောင်ဆန်းစုကြည်ကို လူထုထောက်ခံမှု လျော့ကျအောင် အစ္စလာမ်ဆန့်ကျင်ရေး ၊ ရိုဟင်ဂျာဆန့်ကျင်ရေး လှုပ်ရှားမှုတွေနဲ့ ရောသမမွှေပြီး NLD အပါအ၀င် ကျောင်းသားလှုပ်ရှားမှုရဲ့ ရည်ရွယ်ချက်အမှန်တွေ၊ ဒီမိုကရေစီစနစ်ကို ကူးပြောင်းလို သူတိုင်းရဲ့ ဆန္ဒအမှန်တွေကို စာဖတ်နည်းကြတဲ့ အများပြည်သူကြားမှာ နားလည်မှု လွဲမှားစေဖို့၊ အမုန်းပွား သွေးကွဲစေဖို့ လုပ်ကြံဖန်တီးထားတဲ့ စာရွက်စာတမ်းတွေ၊ သတင်းအမှားတွေ သုံးစွဲကာ စနစ်တကျ လုပ်ဆောင်နေကြ တာပဲဖြစ်တယ်လို့ ထောက်ပြချင်ပါတယ်။
.
တစ်ရေတည်းသောက်ကာ တစ်လေတည်းရှုကြတဲ့လူတွေ၊ တစ်ရပ်ကွက်တည်းနေကာ တစ်မြို့တည်း ကြီးပြင်းကြတဲ့လူတွေ၊ ဖိနှိပ်ခံရသူ ပြည်သူအချင်းချင်း လက်တွေ မြဲမြဲတွဲလို့ ပညာသတိကြီးကြီးထားကာ ၂၀၁၅ ကို ကျော်ဖြတ်နိုင်ပါစေ။
.
လိမ်ညာလှည့်ဖြားသူတွေ ကျရှုံးပါစေ။ မြန်မာပြည် ငြိမ်းချမ်းတိုးတက်ပါစေ။

ဆွေမွန်
၂ မတ်လ ၂၀၁၅

March 2, 2015
အမုန်းတွေထဲက အမြတ်ထုတ်ရမယ့်အချိန်

ဖေဖော်ဝါရီ ၂၈ ၊ ၂၀၁၅
M-Media
ဆွေမွန်ရေးသည်။

ဒီမှာမွေး၊ ဒီမှာကြီး၊ ဒီမှာပညာသင်၊ ဒီမှာပဲ အလုပ်လုပ်၊ ဒီကလူတွေ အကျိုးအတွက် လုပ်ဆောင်ရင်း သက်တမ်း တစ်ဝက်ကျော်ခဲ့ပြီ။

ငယ်ငယ်က မဆလထုတ်စာအုပ်တွေဖတ်ပြီး ငယ်သေးတဲ့အချိန်ဆိုတော့ ကိုယ်တွေပါ အကြောင်းမဲ့ ဗကပ ဆိုမုန်း၊ KNU ကိုမုန်း၊ ဒေသခံ သူပုန်တွေကိုမုန်း၊ မမုန်းတာ စစ်သားတစ်မျိုးတည်း။

နယ်စပ်မြို့သေးသေးလေး အမည်းရောင်နယ်မြေတွေမှာ နှစ်ကို ဆယ်ချီကာ နေခဲ့ဖူးသူမို့ သေနတ်သံနဲ့ မစိမ်း။ ဗုံးသံလည်း ကြားခဲ့ဖူးပါရဲ့။ စစ်သားတွေ ရှေ့တန်းပြန်လာရင် မြို့လေးထဲကို အချိန်မတော်ဝင်လာကြ၊ အိမ်ရှေ့က လှမ်းအော်၊ အကိုတို့ အမတို့၊ အမေတို့ အဖေတို့ တံခါးလေးဖွင့်ပေးပါဦး၊ ကျွန်တော်တို့ တပ်မတော်သားတွေပါတဲ့။ ထမင်းမစားရတာ ဘယ်နှစ်ရက်ရှိနေပါပြီ။ အဖေက တံခါး ထွက်ဖွင့်၊ တစ်အိမ်လုံး၊ တစ်မြို့လုံးနိုးကုန်ကြ။

ငယ်လွန်းသေးတော့ ဘာကိုမှမကြောက်၊ စစ်သားလာရင် ပျော်တောင်နေသေး။ ညနက်ချိန် ထမင်းမချက်ပါနဲ့တော့။ ကျန်တာလေးပဲ အရင်ကျွေးပါ..တဲ့။ ချပေးတဲ့ ထမင်းဟင်းအကျန် ထမင်းချိုးပါမကျန် အိုးထဲကပဲ နှိုက်စားကြ၊ ပန်းကန်ပြားတောင် မယူ။ အိမ်ရှေ့မှာပဲ သေနတ်တွေကို ပြုံပြီးထောင်ထားကြ၊ အမေအဖေကလည်း သဘောကောင်း၊ တောမှာဆိုတော့ ကြက်ဘဲက အကောင် သုံးလေးဆယ် မွေးထားတော့ အမြဲတမ်း အဆင်သင့်ရှိ။ မနက်ရောက်တာနဲ့ အဖေကိုယ်တိုင် ဘဲ ၁၀ ကောင်၊ ကြက် ၁၀ ကောင် ထုတ်ပေး။ ကိုယ့်အိမ်က ကြက်ဘဲ ရယ်ဒီရှိတော့ မနက်ပိုင်းမှာ ဗိုလ်မှူးအဆင့်ရှိသူတွေပါ အိမ်ကို ရောက်လာကြ၊ စားကြ သောက်ကြ၊ အဖေ့ကို ကျေးဇူးတင်၊ အိမ်မှာတည်း၊ အိမ်ရှေ့ကွက်လပ်မှာ အိပ်ကြ၊ ရဲဘော်တွေဆီက သေနတ် ယူကိုင်ဆော့ချင်ရင်တောင် ရသေးဗျာ။ ဗိုလ်ကြီးတွေဆီက ပစ္စတိုတွေလည်း ယူချင် ကိုင်ဖူးချင်ရင် ပေးကိုင်ပါရဲ့။ အဲလောက် မြို့ကလူတွေက ချစ်သလို၊ သူတို့ကလည်း ချစ်ကြသဗျ။ ပြည်သူ့တပ်မတော်သားတွေ ဖြစ်နေတုန်းအချိန်ကိုး။

သူတို့ဖက်ကလည်း အိမ်သာကျင်းမရှိရင် တူးပေးကြ၊ ၀ါးခွဲ၊ အကြောသပ်၊ ၀ါးထရံကာ၊ ခြံစည်းရိုးတည့်ပေးကြတာတွေလည်း လုပ်ကြရဲ့။ စစ်သားတွေကိုယ်တိုင် အရာရှိ မခိုင်းဘဲ အလိုက်သိသိ လုပ်ပေးကြတာတွေ၊ ကျွန်တော့် အမေဆိုလည်း ရှိတဲ့ဆေးအတိုအထွာ အကုန်ချပေး၊ ရဲဘော်တွေ ခြေထောက်တွေ သဲဝဲစား၊ ခြေသည်းကွာ၊ ခြေချောင်းတွေ ရေစားပြီး ထက်ခြမ်းကွဲနေတာတွေကို ကိုယ်တိုင်ဆေးထည့်ပေး ပတ်တီးစည်းပေး၊ လုပ်ပေးတာကိုလည်း မြင်ဖူးခဲ့ရဲ့။

တစ်မြို့လုံးမှာမှ ကျွန်တော်တို့မိဘတွေရဲ့ မွတ်ဆလင်တစ်အိမ်တည်း ရှိတာကို တစ်မြို့လုံးက ဗုဒ္ဓဘာသာတွေလည်း မချစ်မရှိ၊ ကျောင်းထိုင်ဘုန်းကြီးလည်း မကြာခဏကြွလာရဲ့။ အဖေနဲ့ ညဖက်-လေဖုတ်၊ ညကြီးပိုင်းမှပြန်၊ လက်ဆောင်တွေ ပေးကြယူကြ။ ဘယ်သူမှ ကုလားလို့ မခေါ်။ အဖြူထည်သက်သက်။ ခရစ်ယာန်နည်းနည်း၊ ချပ်ခ်ျမရှိ၊ နေကြတာပဲ။ နတ်ကိုးကွယ်တဲ့ လူတွေလည်း အများသား။

အင်မတန်ချစ်စရာကောင်းခဲ့တဲ့ ပတ်ဝန်းကျင်တွေမှာ နေထိုင်ကြီးပြင်းခဲ့ရတယ်။ သတိရတမ်းတစရာတွေချည်း။ ပတ်ဝန်းကျင်ကောင်းသလို လူတွေလည်း ကောင်းကြ၊ စိတ်ရင်းတွေလည်း ကောင်းကြ၊ အမုန်းမရှိ၊ အချစ်တွေချည်း။

နောက်တော့ အတန်းက ကြီးလာ။ မိဘတွေတာဝန်ကျရာ လိုက်ပြောင်းရင်း အမည်သစ်တွေကြားရ၊ ကုလားဆိုတာ ကိုယ့်ကို ခေါ်မှန်း သေချာသိလာရ။ သြော်.. မြို့ပေါ်ကလူတွေက တောကလူတွေလောက် လူလူချင်း မလေးစားကြပါလား။ တစ်နေရာတည်း တစ်ခုတည်း ဒီလိုလို့ ထင်မိခဲ့သေး။ မဟုတ်ဘူးဗျာ။ ဒေသတိုင်းမှာ racists တွေ ကြီးစိုးနေကြပြီပဲ။ အသက်ပိုကြီးလာလေလေ အမုန်းတရားခါးခါးတွေကို မြန်မာပြည်အနှံ့တွေ့ရလေ။

မွန်က ဗမာကို မုန်းတာလည်း မြင်ဖူး၊ ရခိုင်က ဗမာကို မုန်း၊ မွတ်ဆလင်ကိုမုန်း၊ ကရင်က ဗမာကို မုန်း၊ ချင်းက ဗမာကို မုန်း၊ တက္ကသိုလ်မှာ မဟာတက်ရင်း တွေ့ခဲ့တဲ့ ရှမ်းကြီးတစ်ယောက်နဲ့ ချင်းတွေဆို ဗမာအသေမုန်း။

သူငယ်ချင်းလို့သာ အပြင်ပန်းက ဟန်ဆောင်နေကြပေမယ့် ရင်ထဲက အမုန်းတွေကို မြင်သာမိခဲ့ ခံစားမိခဲ့ပါရဲ့။ အသက်ရလာလေလေ အမုန်းတရားကို ခံစားမိလေလေပါပဲ။ ဘာသာတူတူ မတူတူ အဓိကအကျဆုံးက မိမိရင်ထဲက တစ်ဖက်သားကို မလေးစားချင်တဲ့စိတ်၊ အထင်သေးတဲ့စိတ်တွေ အပြင် တစ်ဖက်သားကောင်းစားရင် မုဒိတာပွားရမယ့်အစား မနာလိုမှု အပြည့်နဲ့ ရှင်သန်နေကြတဲ့ ပတ်ဝန်းကျင်တွေကို တစ်ခုပြီးတစ်ခု မြင်လာခဲ့ရတယ်။

သိပ်မကြာပါဘူး။ ခရိုင်အဆင့်အရာရှိဖြစ်နေတဲ့ အဖေဟာ အစည်းအဝေးတစ်ခုကနေ မွတ်ဆလင်ဖြစ်တယ်ဆိုတဲ့ အကြောင်းပြချက်နဲ့ ဖယ်ထုတ်ခံခဲ့ရတယ်။ အဲဒီနေ့က အဖေ့မျက်နှာ မကောင်း၊ နိုင်ငံတော်သမ္မတကိုယ်တိုင်ချီးမြှင့်တဲ့ဆုတွေကို အကြိမ်ကြိမ်ရဖူးတဲ့ အဖေဟာ အစည်းအဝေးတိုင်းမှာ ပွဲတိုင်းကျော်ပါပဲ။ အဲဒီနေ့က အစည်းအဝေးရဲ့ ပထမပိုင်းမှာ တက်ခွင့်ရပေမယ့် မပြီးသေးတဲ့ အစည်းအဝေးဒုတိယပိုင်းမှာ မွတ်ဆလင်ဖြစ်နေတဲ့ အဖေတစ်ဦးတည်း ဖယ်ထုတ်ခံခဲ့ရတယ်။ တစ်ပတ်အတွင်း ဆေးခွင့်တင်၊ အလုပ်လွှဲ ပင်စင်အပြီးယူလိုက်တယ်။

အစိုးရကိုယ်တိုင် ဗုဒ္ဓဘာသာမဟုတ်တဲ့ ကျန်ဘာသာတရားတွေကို အမုန်းထားနေပြီလို့ အဲဒီနေ့က အဖေပြောခဲ့တယ်။ မိဘနှစ်ပါးပေါင်း ၀န်ထမ်း လုပ်သက် နှစ် ၅၀ နီးနီးအတွက် အစိုးရတုန့်ပြန်တဲ့သဘောထားကို အဖေနားမလည်နိုင်ခဲ့။ တညလုံး တောက်ခေါက်သံတွေချည်း။ တစ်ကြိမ်ထက် တစ်ကြိမ် ပိုကျယ်လာနေခဲ့လေရဲ့။ သေချာကြီးကို နားနဲ့ဆတ်ဆတ်ကြားမိနေသေး။

နောက်နေ့မနက် အစောဆုံးပြောတဲ့ တစ်ခွန်းတည်းသောစကားက “မင်း အစိုးရ၀န်ထမ်းလုပ်ချင်ရင် ငါနဲ့ သေခန်းပြတ်ပြီ” တဲ့။ ကဲ… ဘယ်သူ့ကိုမှ မမုန်းဖူးတဲ့ မမုန်းတတ်တဲ့ အဖေ့ ရင်ဘတ်ကြီးထဲကို အစိုးရကိုယ်တိုင် ထည့်ပေးတဲ့ အမုန်းတရားတစ်ခုကို အဖေစကား ကတဆင့် ကျွန်တော်ခံစားခဲ့မိတယ်။

ဒါတွေက လွန်ခဲ့တဲ့ နှစ် ၂၀ ကျော်က။ အခု ဒီထက် အဆ ရာချီ ပိုဆိုးကုန်ပါပြီ။ အမုန်းတရားကို ဘယ်သူတွေ တမင်ထည့်ပေးနေတယ်ဆိုတာကိုလည်း ခွဲခြားတတ်ပြီ။ အိမ်ကြက်ချင်း အိုးမဲသုတ်နေတာ ဘယ်သူတွေလဲ မြင်တတ်ပြီ။

ရှေ့တန်းပြန်စစ်သားကြိုဖို့ ကျွန်တော်ကိုယ်တိုင် ပန်းကောက်ဖူးတာကို တွေးမိရင် နောင်တရမိသလို။ တစ်တိုင်းပြည်လုံးလည်း တစ်ဖက်နဲ့ တစ်ဖက် အမုန်းတရားအပြည့်။ ဗိုလ်ချုပ်တွေက ဘုန်းကြီး နဲ့ ကျောင်းသားတွေကို မုန်း။ ရိုက်နှက် ထုထောင်း ပစ်သတ်၊ မီးရှို့။ အရပ်သားထဲက နည်းနည်းထောင်နေရင် စာတတ်ပေတတ်ဆိုရင် မကြိုက်ချင်။ အလိုလို ကြည့်မရ။ အကြောင်းရှာ ဖမ်းဆီး ထောင်ချ။

အစိမ်းရောင်မျက်နှာဖုံးစွပ် ဘုန်းကြီးတွေက ကုလားကို မုန်း။ ခရစ်ယာန်ကို မုန်း။ ဘာသာမတူ အကုန်မုန်း။ အရပ်သား အချင်းချင်း သတ်ဖြတ် မုန်းတီးကြ။ ကရင်က ဗမာကို ဆော်ကြ မုန်းကြ။ တစ်ယောက်က ကျန်တဲ့လူကို မုန်း။ ကချင်ကို စစ်တပ်က အမြောက်နဲ့ပစ်။ လေယဉ်နဲ့ ဗုံးကြဲ။ ၀ါဒဖြန့်မှုတွေကြားထဲမှာ ဗမာတွေက ကချင်ကို မုန်းကြ။ ကချင်တွေက ပြန်အော်။ ချင်းတွေက ထွက်ပြေး။ ရခိုင်တွေ ကုလားကို သတ်။ သူတို့ကိုယ်တိုင်လည်း မတည့်ကြ။ ရခိုင်က ဗမာကို မုန်း။ ကရင်တွေ မွန်တွေ နယ်စပ်ပြေးရ။ ပြေးကြ၊ ဆော်ကြ၊ ဆဲကြ၊ ပြေးကြရင်း ပြည်ထောင်စုကြီးလည်း ဗုန်းဗုန်းကျ။

ဒီနေ့မနက်ထိ ဆော်နေကြတုန်း။ မြေဇာပင်တွေလည်း ကြေမွနေတုန်း။ ပြည်သူတွေလည်း ပြေးနေရတုန်း။ ဘယ်မလဲ ငြိမ်းချမ်းရေး။ ဘယ်မလဲ ဗြဟ္မစိုရ်တရားတွေ။ ဗုဒ္ဓဘာသာကိုင်းရှိုင်းလှပါတယ်ဆိုတဲ့ နိုင်ငံ၊ ကမ္ဘာမှာ ဘယ်မှာမှ မရှိတဲ့ တစ်မြို့တည်း စေတီ ပုထိုး ၂၀၀၀ ကျော်ရှိတဲ့ နိုင်ငံ။ ဘာအကြောင်းကြောင့် မငြိမ်းချမ်းပါသလဲ။ မတိုးတက်ရပါသလဲ။ တစ်ဦးနဲ့တစ်ဦး မချစ်ခင်နိုင်ရပါသလဲ။

‪#‎မြန်မာအမည်ဟာရန်လိုတဲ့လူတစ်စုလက်ထဲမှာကြေမွကုန်ပါပြီ‬။

ဒါနဲ့ပဲ…

ထိုင်းမှာ ထွက်ပြေးနေရတာ ကိုယ့်လူတွေချည်း။

မလေးမှာ ထွက် အလုပ်လုပ်နေရတာ ကိုယ့်လူတွေချည်း။

ဒူဘိုင်း၊ စင်္ကာပူ၊ ထိုင်ဝမ်၊ ဟောင်ကောင်ရောက် ပညာတတ်တွေ၊ အလုပ်သမားတွေ၊ အိမ်ဖော်တွေအားလုံး ကိုယ့်လူတွေချည်း။

အချင်းချင်း မုန်းတီးကြရင်း အားလုံးပြိုလဲကုန်ကြတဲ့ အဖြစ်တွေ။

ညီကိုချင်း အိုးမဲသုတ် ရန်ဖြစ်ခိုင်းရင် အိမ်ပါပြိုကြတဲ့ အမုန်းတွေ။

မိသားစုအချင်းချင်း ရန်ဖြစ်ကြရင်း ပြန်မရတော့တဲ့ အချစ်တွေ။

ဘာသာတရားအကြောင်းခံပြီး ပျက်စီးသွားရတဲ့ ညီညွတ်မှုတွေ။

အချင်းချင်းရန်တွေဖြစ်ရင်း ကျသွားခဲ့တဲ့ ကမ္ဘာ့အဆင့်တွေ။

အချင်းချင်းဆဲဆိုစော်ကားကြရင်း ကျရှုံးသွားတဲ့ နိုင်ငံ့သိက္ခာတွေ။

လွှတ်ပေးနေသေးသရွေ့ မြောင်းထဲကို အကုန်ရောက်မယ့် ကိုယ်ကျင့်တရားတွေ။

အားလုံးကို ဒီအချိန်မှာ မပြင်နိုင်ရင် နောင် ဘယ်အချိန်မှာမှ မပြင်နိုင်တော့ပါဘူး။

လွန်ခဲ့တဲ့အချိန်တွေတုန်းက ရှိခဲ့တဲ့ စည်းလုံးမှုတွေ၊ ညီညွတ်မှုတွေ၊ အပြန်အလှန်လေးစားမှုတွေ၊ လှိုက်လှဲတဲ့ အပြုံးတွေ၊ ကျယ်လောင်တဲ့ ရယ်သံတွေကို အရင်တုန်းကလို ပြန်ကြားရအောင် လုပ်ဖို့ အချိန်တန်နေပါပြီ။

အမုန်းတွေကို ခါချကြပါတော့။ အပြုံးတွေကို ရှာပြကြပါတော့။

အမုန်းတရားတွေကို အဆုံးထိ လောင်မြိုက်စေတဲ့ ထိုင်ခုံရောဂါသည်အဖွဲ့အစည်းတွေကိုလည်း ၂၀၁၅ မှာ မြောက်ကြွမလာအောင် တောက်ချကြရမယ့် အချိန်ရောက်နေပါပြီ။ အချင်းချင်း လက်တွဲကြပါ။ ရင်ချင်းအပ်ကြပါ။ ပြုံးပြကြပါ။

သွားတွေရှိနေတုန်း အလှပဆုံးပြုံးနိုင်ဖို့ ကြိုးစားကြပါ။

သွားမရှိချိန်မှာမှ ပြုံးပြဖို့ကြိုးစားကြရင် အရာရာဟာ မလှပဘဲ နောက်ကျကုန်ပါလိမ့်မယ်။

ဒါတွေဟာ ကျွန်တော်တို့ ခင်ဗျားတို့အတွက် မဟုတ်တော့ပါဘူး။ ကျွန်တော်တို့ ခင်ဗျားတို့အားလုံးရဲ့ သားသမီးတွေ အနာဂတ်တွေ လှပဖို့ အတွက်ပါပဲ။ မြန်မာပြည်ရဲ့ မူလနေရာ ပြန်ရောက်ဖို့ မူလအမည်ကို ပြန်လည်ရရှိဖို့ပါပဲ။

ချစ်ခြင်းဖြင့်ပါခင်ဗျာ။

ဆွေမွန်
၂၇ ဖေဖေါ်ဝါရီ ၂၀၁၅

လွန်ခဲ့တဲ့ နှစ် ၃၀ ကို တမ်းတမိရင်း ရေးမိတဲ့ ပို့စ်တစ်ခုပါပဲ။

February 28, 2015
လူမျိုးရေးခွဲခြားမှုကို ဆန့်ကျင်မှုနဲ့ တာဝန်ယူတတ်မှု

ဖေဖော်ဝါရီ ၂၃ ၊ ၂၀၁၅
M-Media
ဆွေမွန်ရေးသည်။

အင်္ဂလန်နိုင်ငံက ပရီးမီးယားဘောလုံးအသင်းဖြစ်တဲ့ ချယ်လ်ဆီးကလပ်အသင်းဟာ ပြင်သစ်ကလပ် ပီအက်စ်ဂျီအသင်းနဲ့ ချန်ပီယံလိဂ် ၁၆ သင်းအဆင့် ရှုံးထွက်ပွဲစဉ် ပထမအကျော့ကို ပြီးခဲ့တဲ့ အင်္ဂါနေ့က ပြင်သစ်နိုင်ငံမှာ ယှဉ်ပြိုင်ခဲ့ပါတယ်။

ပြင်သစ်ကလပ်နဲ့ သရေကျခဲ့တဲ့ ပွဲစဉ်အပြီးမှာ အင်္ဂလန်ကို ပြန်ဖို့အတွက် ပဲရစ်မက်ထရိုဘူတာရုံမှာ ချယ်လ်ဆီးပရိတ်သတ်တွေ စုပြုံပြီး ရှိနေခဲ့ပါတယ်။ ဒီအချိန်မှာပဲ ပြင်သစ်နိုင်ငံမှာ အလုပ်လုပ်တဲ့ ပြင်သစ်မော်ရစ်သျှအနွယ် လူမည်းအမျိုးသား ဆူလေမန်ဟာ အဲဒီ ဘူတာရုံကနေ နေအိမ်သို့ ပြန်ဖို့ ရထားပေါ်အတက်မှာ ချယ်လ်ဆီးပရိသတ်တွေရှိနှင့်ပြီးတဲ့ ရထားတွဲကနေ အ၀င်မခံဘဲ လူမျိုးရေးခွဲခြားခံရပြီး ရထားတွဲရဲ့အပြင်ဖက်ကို တွန်းထုတ်ခံခဲ့ရပါတယ်။ သူ့ကို လူမျိုးရေးခွဲခြားသူ ချယ်လ်ဆီးပရိတ်သတ်အချို့က နှစ်ကြိမ်တိတိ တွန်းထုတ်တာကို ဘူတာရုံက လုံခြုံရေးကင်မရာတွေမှာ မှတ်တမ်းတင်ထားပြီးသား ဖြစ်နေခဲ့ပါတယ်။

လူမျိုးရေးခွဲခြားသူချယ်လ်ဆီးပရိတ်သတ်အချို့ဟာ ရထားထွက်ခွာချိန်မှာလည်း “ငါတို့ဟာ လူမျိုးရေး ခွဲခြားသူတွေ ဖြစ်ကြတယ်။ ဒါကို ငါတို့ နှစ်သက်တယ်” လို့ အော်ဟစ်သွားခဲ့ကြပါသေးတယ်။

လူလူချင်း အသားအရောင်ကွဲပြားမှုအပေါ်မှာ ခွဲခြားဆက်ဆံတာ၊ ဘာသာတရားအပေါ်မူတည်ပြီး ခွဲခြားဆက်ဆံတာတွေကို ကမ္ဘာကြီးရဲ့ ဘယ်နေရာမှာမှ လက်ခံခြင်းမရှိတဲ့အတွက် လူမျိုးရေးခွဲခြားသူချယ်လ်ဆီးပရိတ်သတ်အချို့အတွက် ချယ်လ်ဆီးဘောလုံးကလပ်ပိုင်ရှင် အဗရာမိုဗစ်နဲ့ ကလပ်မန်နေဂျာ ဟိုဆေးမော်ရင်ဟိုတို့ဟာ အဲဒီဆိုးသွမ်းပရိတ်သတ်တွေရဲ့ လုပ်ရပ်အတွက် ရှက်ရွံ့ စက်ဆုတ်မိကြောင်း ချက်ချင်းဆိုသလို ထုတ်ဖော်ပြောကြားခဲ့ပြီး အင်္ဂလန်ဘောလုံးအဖွဲ့ချုပ်တာဝန်ရှိသူတွေ အပါအ၀င် အင်္ဂလန်ဝန်ကြီးချုပ်ဒေးဗစ်ကင်မရွန်း၊ ကမ္ဘာ့ဘောလုံးအဖွဲ့ချုပ် ဥက္ကဋ္ဌ ဆပ်ဘလတ္တာ၊ Football against Racism နဲ့ Kick it out အဖွဲ့အစည်းတွေက အပြင်းအထန်ရှုတ်ချ အပြစ်တင်ခဲ့ကြပါတယ်။ အင်္ဂလန်နဲ့ ပြင်သစ်အာဏာပိုင်တွေကလည်း လူမျိုးရေးခွဲခြားမှု ကျူးလွန်သူကို ပူးတွဲဖော်ထုတ်သွားမယ်လို့ ပြောကြားခဲ့ကြပါတယ်။

ပြင်သစ်ဘူတာရုံက လုံခြုံရေးကင်မရာ မှတ်တမ်းကို စစ်ဆေးကာ ကျူးလွန်သူကို စစ်ဆေးဖော်ထုတ်နေစဉ်အတွင်းမှာ ချယ်လ်ဆီးအသင်းရဲ့ ပထမဆုံးပြန်ကစားခဲ့တဲ့ ဘန်လေအသင်းနဲ့ ပရီးမီးယားဘောလုံးပွဲစဉ်မှာတော့ ချယ်လ်ဆီးအသင်းသားတွေဟာ ‘‘တန်းတူညီမျှမှုကို အားပေးတဲ့ ကစားပွဲ’’ လို့ရေးသားဖော်ပြထားတဲ့ တီရှပ်တွေကို ၀တ်ဆင်ပြီးတော့ လူမျိုးရေးခွဲခြားမှုကို ကလပ်ကစားသမားတွေပါ လက်ခံခြင်း မရှိကြောင်း ထုတ်ဖော်ပြသခဲ့ကြပါတယ်။

အသက် ၃၃ နှစ်အရွယ်ရှိ လူမည်းအမျိုးသား ဆူလေမန်ဟာ ချန်ပီယံလိဂ်ည ပထမအကျော့ညက လူမျိုးရေးခွဲခြားစော်ကားခံခဲ့ရအပြီးမှာ ချယ်လ်ဆီးအသင်းရဲ့ ဆက်သွယ်တောင်းပန်မှုအပြင် ပြင်သစ်သမ္မတ ဟော်လန်ရဲ့ ဖုန်းဆက်အားပေးစကားပြောဆိုမှု၊ ပီအက်စ်ဂျီအသင်း တာဝန်ရှိသူတွေဆီက အားပေး နှစ်သိမ့်မှုများကိုပါ လက်ခံရရှိခဲ့ပါတယ်။

ခုချိန်မှာတော့ ချယ်လ်ဆီးဘောလုံးကလပ်အသင်းနဲ့ မက်ထရိုပိုလီတန်ရဲတပ်ဖွဲ့ဟာ အဲဒီညက လူမျိုးရေးခွဲခြားခဲ့သူ သုံးဦးကို ပူးပေါင်းဖော်ထုတ်နိုင်ခဲ့ပြီ ဖြစ်ပြီး ချယ်လ်ဆီးကလပ်အသင်းက ရာသက်ပန် ပွဲကြည့်ခွင့် ပိတ်ပင်ပြစ်ဒဏ်ချမှတ်ပြီးတော့ အရေးယူသွားခဲ့ပြီလို့ သိရပါတယ်။

ပြင်သစ်နိုင်ငံဥပဒေအရ အများနဲ့ဆိုင်တဲ့သယ်ယူပို့ဆောင်ရေးနေရာတွေမှာ လူမျိုးရေးခွဲခြားဆက်ဆံမှုပြုလုပ်ခဲ့ရင် ဒဏ်ငွေ စတာလင်ပေါင် ၄၅၀၀၀ ( ခန့်မှန်း မြန်မာငွေ ၆၇၅ သိန်းခန့်) အပြင် အမြင့်ဆုံး ထောင်ဒဏ် ၃ နှစ်ထိကျခံရနိုင်တာကြောင့် ဒီလူတွေဟာ ပြင်သစ်ဥပဒေနဲ့ အရေးယူခံယူဖွယ်ရှိနေသေးကြောင်း သိရပါတယ်။

မြန်မာနိုင်ငံမှာ လူမျိုးရေးခွဲခြားမှုတွေကို ပုံစံအမျိုးမျိုးနဲ့ နေ့စဉ် ပုံနှိပ်ဖော်ပြပြီးသော်လည်းကောင်း၊ လက်ကမ်းကြော်ငြာစာအုပ်များ၊ တရားဝင်ပုံနှိပ်မီဒီယာများမှ ဘာသာရေးခွဲခြားစော်ကားမှုများကို ရေးသားဖော်ပြ၍သော်လည်းကောင်း၊ တရားဝင်ပါတီထောင်ကာ လူမျိုးရေးခွဲခြားခွင့်လိုင်စင်ကို တရားဝင်ရနေသလို အာဏာပိုင်များမှ ခွင့်ပြုနေ၍သော်လည်းကောင်း၊ သင်္ဃန်းစီးကာ လူမျိုးရေးခွဲခြားမှု ဘာသာရေးခွဲခြားစော်ကားနေမှုများအား မည်သူမျှ အပြစ်တင် ရှုတ်ချခြင်း မရှိသလို မလုပ်သင့်ဘူးဟုပင် တားမြစ်ခြင်းများပင် ရှိမနေသေးသည်က…

တန်းတူညီမျှမှု အပြည့်ရှိသော ဒီမိုကရေစီစနစ်ကိုသွားနေပါပြီဟု ကြွေးကြော်နေမှုများမှာ မည်မျှ အဓိပ္ပါယ်မဲ့နေသည်ကို မြင်မိစေရန် ယခုသတင်းအား ဘာသာပြန်ကာ ရေးသားရခြင်းဖြစ်ပါကြောင်း။

Ref :
http://www.france24.com/en/20150219-chelsea-bans-three-fans-over-paris-metro-racism/
http://www.bbc.co.uk/news/uk-31575123
https://uk.eurosport.yahoo.com/news/football-ashamed-chelsea-announce-new-bans-185523617–sow.html

ဆွေမွန်
၂၃ ဖေဖေါ်ဝါရီ ၂၀၁၅

February 23, 2015
ဥပဒေ အထက်မှ “မဘသ” ဂျာနယ်များ

ဇန်န၀ါရီ ၆ ၊၂၁၀၅
.ဆွေမွန်ရေးသည်။

တိုင်းပြု ပြည်ပြု သာသနာပြု အမည်ခံပြီး မြန်မာနိုင်ငံတွင်းမှာ နှစ်ပေါင်းများစွာ ညီညီညွတ်ညွတ် နေထိုင်လာကြတဲ့ တိုင်းရင်းသား နိုင်ငံသား အချင်းချင်း အမြင်မကြည်လင်အောင် အမုန်းပွား သွေးမကွဲကွဲအောင် ခွဲနေတဲ့ အမျိုး ဘာသာ သာသနာစောင့်ရှောက်ရေး အဖွဲ့ (မဘသ) က ထုတ်ဝေတဲ့ ဂျာနယ်တွေ အနက် ၂၀၁၄ အောက်တိုဘာ ၂၄ ရက် အောင်ဇေယျာတုဂျာနယ် အမှတ် ၄၄ မှာ ဖော်ပြထားတဲ့ အစ္စလာမ် ဘာသာကို အကြောင်းမဲ့ တိုက်ခိုက် စော်ကားချက်တွေဟာ အရှိန်မပြယ်ခင်မှာဘဲ ယခုနောက်ထပ်တဖန် မဘသ(ဗဟို)အတွက် စီစဉ်ထုတ်ဝေတဲ့ ၂၀၁၅ ဇန်န၀ါရီ ၄ ရက်ထုတ် သာကီသွေး ဂျာနယ် အတွဲ (၂) အမှတ် (၁၃) မှာ အစ္စလာမ်ဘာသာနဲ့ ပြည်ထောင်စု ပြန်မာနိုင်ငံတော် တ၀ှမ်းမှာ ငြိမ်းချမ်းစွာ မှီတင်းနေထိုင်နေကြတဲ့ တိုင်းရင်းသား နိုင်ငံသား မွတ်ဆလင်တွေကို ရည်ရွယ်ချက်ရှိရှိ စော်ကားပြောဆိုတဲ့ အသုံးအနှုန်းတွေနဲ့ ထပ်မံ ထုတ်ဝေဖြန့်ချီလာတာကို တွေ့ရပြန်ပြီ ဖြစ်ပါတယ်။

၂၀၁၅ ဇန်န၀ါရီ ၄ ရက်ထုတ် သာကီသွေးဂျာနယ် အတွဲ (၂) အမှတ် (၁၃) မျက်နှာဖုံးမှာ “ကုလားဆိုတာ နိုင်ငံခြားသား” ဖြစ်သယောင် စတင်စော်ကားပြောဆိုတာကို တွေ့ရပါတယ်။

မွတ်ဆလင်တွေဟာ နိုင်ငံခြားသား မဟုတ်ရုံတင်မကဘဲ နိုင်ငံသားတွေ ဖြစ်တဲ့အပြင် တရားဝင် တိုင်းရင်းသားတွေ ထဲမှာလည်း မွတ်ဆလင်အများအပြားရှိနေတာကို ရည်ရွယ်ချက်ရှိရှိ မျက်ကွယ်ပြုထားတာကို တွေ့ရမှာပါ။

၂၀၁၅ ဇန်န၀ါရီ ၄ ရက်ထုတ် သာကီသွေးဂျာနယ် အတွဲ (၂) အမှတ် (၁၃) စာမျက်နှာ ၁၁ နဲ့ ၁၂ မှာ ပုံနှိပ်ဖော်ပြထားတဲ့ မိသားစုရွှေစကားဝိုင်း (၁၂) ခေါင်းစဉ်ပေးထားတဲ့ ဆောင်းပါးကို နတ်မင်းကြီး အမည်ခံထားတဲ့ ကလောင်ရှင်တစ်ဦးက ရေးထားပါတယ်။

ဒီဆောင်းပါးမှာ ဖော်ပြထားတဲ့ နိုင်ငံတော်အခြေခံဥပဒေက တရားဝင်အသိအမှတ်ပြုထားတဲ့ ကိုးကွယ်ရာ ဘာသာကြီးတစ်ခုဖြစ်တဲ့ အစ္စလာမ်ဘာသာအပေါ်မှာ စော်ကားဖော်ပြထားတာတွေကတော့…

(၁) “((မဟာမေဒင် မူဆလင်လူမျိုး)) တို့ရဲ့ အစ္စလာမ်ဘာသာမှာ (( အလ္လာဘုရားသခင်ဟာ အေဒီ ၅၇၀ ဧပြီလ တနင်္လာနေ့မှာ မွေးဖွားသူဖြစ်သတဲ့။)) လူမျိုးကတော့ အာရပ်လူမျိုး ဖြစ်သတဲ့။ ((အာရေဗျနိုင်ငံ မက္ကာမှာ ဘုရားဖြစ်သတဲ့။))
((ဘုရားသခင်ဟာ အမေ အဖေ မရှိဘူးတဲ့ကွယ်။”))

(၂)”အလ္လာဟ်ဘုရားသခင်ဟာ သူ့ရဲ့အမိန့်ကို မနာခံသူအားလုံးကို ((ရက်ရက်စက်စက် သတ်ပစ်)) သတဲ့ကွယ်။ အစ္စလာမ် ဘုရားသခင်နှင့် သူ့ရဲ့ အမိန့်ကို နာခံသူများဟာ ((သူ့အမိန့်မနာခံသူများ အားလုံးကို သတ်ပစ်ပြီး)) ((စစ်အောင်နိုင်သူများကို)) တမန်တော် အဖြစ် ချီးမြှောက်သတဲ့။ ((တပည့်လူမိုက်မွေးတာပေါ့ကွယ်။)) အလ္လာဟ်ရဲ့ နောက်ဆုံး တမန်တော်ကတော့ မိုဟာမက်ဖြစ်သတဲ့”

(၃) ” မိုဟာမက်ဟာ ((တရားဝင်မယား (၁၂) ယောက်နဲ့ အမြှောင် မယားပေါင်းများစွာ)) ရှိသတဲ့။ ဒီအကြောင်းကို (( (၁၆-၁-၇၉) ထုတ် တိုင်းမဂ္ဂဇင်းမှာ ဖော်ပြထားတယ်ကွယ်။))”

(၄) ((မိုဟာမက်ကွယ်လွန်သွားတဲ့အခါ)) မိုဟာမက်ရဲ့((တပည့်)) “အဘူဘေကာ”လို့ဆိုတဲ့လူက ((မိုဟာမက်ရဲ့ ပြောကြားချက်များ)) နှင့် ((“ထင်ရာမြင်ရာ”)) များကို စုစည်းပြီး “ကုရ်အာန်ကျမ်းမြတ်”ကို အကျယ်တ၀င့် ((ထုတ်ဝေ))လိုက်တယ်။”

စတဲ့ အချက်အလက်အမှား၊ သမိုင်းကြောင်းအမှား၊ တွေကို ရည်ရွယ်ချက်ရှိရှိ အသုံးပြုကာ တိုင်းသူပြည်သားအများကြားမှာ အမုန်းတရားတွေ ပျံ့ပွားလာစေဖို့ အစ္စလာမ်ဘာသာကို စော်ကားအပုပ်ချမှုတွေကို ရေးသားပုံနှိပ်ဖော်ပြခဲ့ပါတယ်။

ဆောင်းပါး ရေးသားချက်တွေကို တိုက်ရိုက်သိနိုင်စေဖို့ ဓာတ်ပုံမိတ္တူကို ပူးတွဲဖော်ပြထားကာ အချက်အလက်အမှားတွေကို ((ကွင်းခတ်)) ဖော်ပြထားပါတယ်။ သမိုင်းကြောင်းအမှားကတော့ အများကြီးပါပဲ။

၂၀၁၄ အောက်တိုဘာ ၂၄ ရက် အောင်ဇေယျာတုဂျာနယ် အမှတ် ၄၄ မှာ ဖော်ပြထားတဲ့ အစ္စလာမ်ဘာသာကို တိုက်ခိုက်စော်ကားချက်တွေကို ပုံနှိပ်ဖော်ပြတဲ့ အောင်ဇေယျတုဂျာနယ်ကိစ္စတုန်းကလည်း အရှင်မုနိတ အမည်ခံ ဆောင်းပါးရှင်ရေးတဲ့ “ဗုဒ္ဓ၏ သမိုင်းအမွေအနှစ်များကို ဖျက်ဆီးခဲ့ကြသော မိုဟာမက်၏ အစ္စလာမ်မစ် မွတ်ဆလင် ကျူးကျော်စစ်များ” ဆောင်းပါးအတွက် ပြန်ကြားရေးဝန်ကြီးဌာန၊ ၀န်ကြီးဋ္ဌာနစာ အမှတ် ၁-၆(၈)/၂၀၁၄(၇၁၈၂) မှာ နိုင်ငံတော်ဖွဲ့စည်းပုံ အခြေခံဥပဒေ ပုဒ်မ ၃၅၄၊ ပုဒ်မခွဲ (ဃ)၊ ပုဒ်မ ၃၆၂၊ ၃၆၃၊ ၃၆၄ တို့အားလည်းကောင်း၊ သတင်းမီဒီယာဥပဒေ ပုဒ်မ ၉၊ ပုဒ်မခွဲ (ဇ)(ဈ) နှင့် ပုံနှိပ်ခြင်း နှင့် ထုတ်ဝေခြင်း လုပ်ငန်းဥပဒေ ဥပဒေ ပုဒ်မ ၈၊ ပုဒ်မခွဲ(ခ) တို့အားလည်းကောင်း ဖောက်ဖျက်ကျူးလွန်ရာ ရောက်တယ်လို့ ပြည်ထောင်စုဝန်ကြီး(ကိုယ်စား) ဦးပိုက်ထွေး ပြည်ထောင်စု ဒုဝန်ကြီး က ၂၀၁၄ အောက်တိုဘာ ၂၉ ရက်စွဲနဲ့ လက်မှတ်ရေးထိုးကာ အတိအလင်း ၀န်ခံဖော်ပြထားပါတယ်။

အောင်ဇေယျတု ဂျာနယ် ကျူးလွန်ဖောက်ဖျက်တဲ့ ပုဒ်မတွေကလည်း အများကြီးဖြစ်နေတာကို ပြန်ကြားရေး ၀န်ကြီးဋ္ဌာနကလည်း သိသလို ၀န်ကြီးကိုယ်တိုင်ကလည်း လက်မှတ်ရေးထိုး ၀န်ခံပါတယ်။ အောင်ဇေယျတု ဂျာနယ်ရဲ့ ရေးသားဖော်ပြမှုတွေကြောင့် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း၊ တစ်ဖက်နှင့် တစ်ဖက် မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း၊ ပဋိပက္ခဖြစ်ခြင်း တို့ကို ဖြစ်ပေါ်စေမည့် ရေးသား ချက်များ ဖော်ပြခဲ့ခြင်းနှင့် ပတ်သက်၍ ((တရားဥပဒေအရ အရေးယူရသည့် အဆင့်မရောက်မီ)) မြန်မာနိုင်ငံ စာနယ်ဇင်း ကောင်စီ(ယာယီ)မှ စာနယ်ဇင်း ကျင့်ဝတ်နှင့် အညီ ညှိနှိုင်း ဖြေရှင်းပေးဖို့ ပြန်ကြားရေး ၀န်ကြီးဋ္ဌာနက တောင်းဆိုတယ် အမိန့်ပေးတယ် လို့ပဲ စာလေးတစ်စောင် ထုတ်ပြန်ကာ အများကြားကောင်းရုံ စာနယ်ဇင်း ကောင်စီ(ယာယီ) နဲ့ ညှိုနှိုင်းခိုင်းကာ ပုဒ်မ တွေ အများကြီးကို ချိုးဖောက်ကျူးလွန်တဲ့ မဘသ ပိုင် အောင်ဇေယျတုဂျာနယ်ကို ထိရောက်စွာ အရေးယူပေးဖို့ တိုင်ကြားတဲ့အမှုဟာ အရေးမယူဘဲ သတိပေးရုံလောက်နဲ့ပဲ ပြီးဆုံးစေခဲ့ပါတယ်။

ကြားဖြတ် အစိုးရအဖြစ် တင်မြှောက်ကြောင်း ဒီမိုကရေစီအရေး စဉ်ဆက်မပြတ် လှုပ်ရှားမှု အင်အားစု (MCDF) ရဲ့ ကြေညာချက်သတင်း တစ်ခုကို ဖော်ပြရုံနဲ့ ဂျာနယ် ထုတ်ဝေခွင့် အပြီးပိတ်သိမ်းခံရရုံတင်မက အယ်ဒီတာတွေ၊ သတင်းရေးသူတွေ သာမက ပိုင်ရှင်ကိုပါ တရားစွဲ ထောင်ချခဲ့တဲ့ မွန်းတည့်နေဂျာနယ် ကိစ္စ၊ ဓာတုစက်ရုံ သတင်းတစ်ခုကြောင့် အယ်ဒီတာတွေ ဖမ်းဆီးထောင်ချခံရတဲ့ ယူနတီ ဂျာနယ်ကိစ္စတွေ၊ စာပေဟောပြောပွဲမှာ ဗုဒ္ဓဘာသာကို စော်ကားပြောဆိုပါတယ်ဆိုပြီး မဘသ ဘုန်းကြီးတွေကိုယ်တိုင် တရားရုံးတက် ဖိအားပေးကာ အတင်းအကျပ် တရားစွဲဆို လက်ထိပ်ခတ်တာကို ခံခဲ့ရတဲ့ စာရေးဆရာ ဦးထင်လင်းဦး(Wisdom Villa) ရဲ့ ကိစ္စတွေဟာ လောလောလတ်လတ်ကြီး အများပြည်သူတွေရဲ့ မျက်စိရှေ့က မပျောက်သေးပါဘူး။

ဗုဒ္ဓဘာသာကို စော်ကားရင် သည်းမခံတတ်ပေမယ့် ကျန်တဲ့ ဘယ်ဘာသာကိုမဆို သမိုင်းအမှား၊ အချက်အလက်အမှားတွေ သုံးပြီး စော်ကားချင်တိုင်း စော်ကားတိုက်ခိုက်ခွင့်ကို တရားဝင်လိုင်စင်ရထားတဲ့ မဘသတွေအတွက် အောင်ဇေယျာတု နဲ့ သာကီသွေး ဂျာနယ်တွေက တဆင့် အစ္စလာမ်ဘာသာကို စော်ကားမှုတွေကို ပုံနှိပ်ဖော်ပြခဲ့လို့ အရေးယူ မခံခဲ့ရပါဘူး။ ပုဒ်မ အများကြီးကို သိသိကြီးနဲ့ ရဲရဲတင်းတင်း ကျူးလွန်ခဲ့တဲ့ အောင်ဇေယျတု ဂျာနယ်နဲ့ အယ်ဒီတာ မောင်သွေးချွန်တို့ကို ((အရေးယူပိုင်ခွင့် အပြည့်အ၀ရှိတဲ့ ပြည်ထဲရေး ၀န်ကြီးဋ္ဌာန၊ သာသနာရေးဝန်ကြီးဌာနတွေက တစ်စုံတစ်ရာအရေးမယူဘဲ)) ပြန်ကြားရေး ၀န်ကြီးဋ္ဌာနကသာ ကျူးလွန်ဖောက်ဖျက်တဲ့ ဥပဒေတွေကို ရွတ်ပြရုံ ရွတ်ပြပြီး ((ဘာတစ်ခုမှ အရေးမယူနိုင်တဲ့)) စာနယ်ဇင်းကောင်စီ(ယာယီ)ကို လွှဲပေးကျေအေးစေတာက တရားဥပဒေကို လို သလို ချုံ့ ချဲ့ ရနေတယ်၊ မဘသ ဟာ တရားဥပဒေ အထက်မှာ ရှိနေတယ်လို့ အများသံသယ၀င်စရာ ကိစ္စကြီး ဖြစ်နေပါပြီ်လို့ပဲ ယူဆရမှာပါ။

ယခု မဘသ(ဗဟို) အမည်နဲ့ ထုတ်ဝေထားတဲ့ သာကီသွေးဂျာနယ်ရဲ့ စော်ကားပြောဆိုထားမှုတွေအတွက် ဘယ်သူ့မှာ တာဝန်အရှိဆုံး ဖြစ်ပါသလဲ။ တာဝန်အရှိဆုံး ပုဂ္ဂိုလ်ဟာ မဘသ ဘာလုပ်လုပ် မျက်စိမှိတ် နားပိတ်နေတဲ့ ပြည်ထဲရေးဝန်ကြီး၊ သာသနာရေးဝန်ကြီးတို့ အထက်ကရှိနေတဲ့ နိုင်ငံတော်အကြီးအကဲတွေပဲ ဖြစ်ပါတယ်။ အပ်လောက်နဲ့ ထွင်းလို့ရတဲ့ အနာတွေကို အရေးယူ ကုသမှု မပြုလုပ်တဲ့အတွက် နောက်ဆက်တွဲ ပုဆိန်နဲ့ ထွင်းလာရအောင် ခွင့်ပြုနေတာဟာလည်း နိုင်ငံတော် အကြီးအကဲတွေမှာပဲ တာဝန်ရှိနေပါတယ်။

နိုင်ငံတကာမှာ လူမျိုးရေး၊ ဘာသာရေးအမည်တပ်ကာ လုယက် ဖျက်ဆီး သတ်ဖြတ်မှုတွေကြောင့် ထပ်ကာတလဲလဲ ကျဆင်းနေတဲ့ မြန်မာနိုင်ငံတော်ရဲ့ ပုံရိပ်ကို ပြန်လည်တည့်မတ်အောင် ပြုလုပ်နိုင်တာလည်း ဒီအစိုးရနဲ့ ဒီနိုင်ငံအကြီးအကဲတွေ ကပဲ ပြုလုပ်နိုင်မှာ ဖြစ်ပါတယ်။ ဒါကြောင့် နိုင်ငံတော် အကြီးအကဲများအနေနဲ့ “ခွင့်တူညီမျှ… ၀ါဒဖြူစင်တဲ့မြေ” အမည်ကို အကောင်အထည်ပေါ်လာစေဖို့ စာတွေ့တင် မဟုတ်ဘဲ နိုင်ငံသားတိုင်းကို ကျောသား ရင်သား မခွဲခြားဘဲ တန်းတူရည်တူ လက်တွေ့ လိုက်နာ ကျင့်သုံး ကာကွယ် စောင့်ရှောက်ပေးကြပါလို့ပဲ အကြံပြု ရေးသားပါတယ်။

မြန်မာပြည် ထာဝရ ငြိမ်းချမ်းပါစေ။

ဆွေမွန်
၆ ဒီဇင်ဘာ ၂၀၁၅

ပုံညွှန်း (၁) (၂) (၃) ၂၀၁၅ ဇန်န၀ါရီ ၄ ရက်ထုတ် သာကီသွေးဂျာနယ် အတွဲ (၂) အမှတ် (၁၃) မှ အစ္စလာမ် ဘာသာအား စော်ကားဖော်ပြချက်များ Photo Credit : Win Htun Soe (https://www.facebook.com/win.htun.77)

ပုံညွှန်း (၄) (၅) ၂၀၁၄ အောက်တိုဘာ ၂၄ ရက် အောင်ဇေယျာတုဂျာနယ် အမှတ် ၄၄ မှာ ဖော်ပြထားသော အစ္စလာမ်ဘာသာကို တိုက်ခိုက်စော်ကားချက်တွေကို ပုံနှိပ်ဖော်ပြတဲ့ အောင်ဇေယျတု ဂျာနယ်ကိစ္စအတွက် ပြန်ကြားရေးဝန်ကြီးဌာန၊ ၀န်ကြီးဋ္ဌာနစာ အမှတ် ၁-၆(၈)/၂၀၁၄(၇၁၈၂) Photo Credit MOI Web Portal

January 7, 2015