Tag: SweMon

မလိုတစ်မျိုး လိုတစ်မျိုး ဥပဒေကြားက သားကောင်များ (သူ့အမြင်)
ဒီဇင်ဘာ ၂၃ ၊ ၂၀၁၆
ဆွေမွန်ရေးသည်။

နိုင်ငံတော်ပုန်ကန်မှုချင်းတူတယ်။ ပုဒ်မတူတယ်။ ဒါပေမယ့် ပြစ်ဒဏ်မတူပါချေ။
.
ဖြစ်စဉ်-၁
———–
KIA တပ်မတော်နှင့်ဆက်သွယ်ပြီး နိုင်ငံတော်ကို ပုန်ကန်ရန်ပြုလုပ်တယ်ဆိုပြီး ဖမ်းဆီးခံထားရ သူများဖြစ်ကြတဲ့ ကိုဇော်မင်းထွေး ၊ ကိုမြင့်သိန်း ၊ Aရာမန်နှင့် ကိုခင်မောင်ရွှေတို့ ပြစ်ဒဏ်ချ မန္တလေးခရိုင် တရားရုံးကနေ ဒီဇင်ဘာ ၂၃ ရက်နေ့က တစ်သက်တစ်ကျွန်း ပြစ်ဒဏ်ကိုချမှတ်လိုက်ပါတယ်။
.
ဖမ်းတယ်။ အထောက်အထား မရှိဘူး။ သက်သေမခိုင်လုံဘူး။ စစ်ကြောခံနေရချိန် စရဖရုံးမှာ ရိုက်နှက်ပြီး စစ်ချက် ယူတယ်။ လက်မှတ်ထိုးခိုင်းတယ်။ လက်မှတ်ထိုးခိုင်းတဲ့စာရွက်တွေမှာ ဘာတွေရေးထားလဲဆိုတာ ဖတ်ခွင့်တောင် မရှိပါဘူးလို့ ပြစ်ဒဏ်ချမှတ် ခံရသူတွေက လျောက်လဲခဲ့သော်လည်း တရားရုံးက ဒီလျောက်လဲချက်ကို လက်မခံဘဲ နိုင်ငံတော်ပုန်ကန်မှုပြုရာတွင် အထမြောက်သည် ဖြစ်စေ မမြောက်သည်ဖြစ်စေ ပူးပေါင်းကြိုးစားအားထုတ်တာ တွေ့ရတယ် ဆိုပြီး ထောင်ဒဏ်တစ်သက် တစ်ကျွန်းပြစ်ဒဏ်ချတယ်။

ဖြစ်စဉ်-၂
————–
ရခိုင်တပ်မတော် AA က တပ်သားကို လက်နက်နဲ့တကွ လက်ပူးလက်ကြပ်မိတယ်။ လက်နက်ကိုင်ဆောင်မှု၊ နိုင်ငံတော်ပုန်ကန်မှုနဲ့ တရားစွဲတယ်။ သူကိုယ်တိုင် AA တပ်သားဖြစ်တာကို ၀န်ခံပါတယ်။ လက်နက်ကိုင်ပြီး နိုင်ငံတော်ကို ဆန့်ကျင်နေသူကို နိုင်ငံတော် ပုန်ကန်မှုအပြင် လက်နက်ကိုင်ဆောင်မှုနဲ့ ထောင်၅နှစ်ချပါတယ်။
.
ဘာကြောင့်ပါလဲခင်ဗျာ။ နိုင်ငံသားချင်းတူတာတောင် ဥပဒေရဲ့ ကာကွယ်စောင့်ရှောက်မှုကို ဘာကြောင့်တန်းတူ မရကြပါသလဲ။ လက်နက်နဲ့ မိတဲ့လူက ၅ နှစ် ထောင်ကျပြီး လက်နက်မမိတဲ့ သာမန်ပြည်သူကို ထောင်တစ်သက် တစ်ကျွန်းချတဲ့ နိုင်ငံတော်ပုန်ကန်မှု ဥပဒေကြီးက အင်မတန် အံ့သြစရာပါခင်ဗျား။
.
နိုင်ငံခေါင်းဆောင် ဒေါ်အောင်ဆန်းစုကြည်ရဲ့ မိန့်ခွန်းတစ်ခုနဲ့ လက်ရှိတရားစီရင်မှုကိုပဲ နှိုင်းယှဉ်ပါရစေ …
.
တရားမျှတရုံနဲ့မလုံလောက်ဘူး။
.

ကျွန်မတို့နိုင်ငံမှာ တရားဥပဒေစိုးမိုးရေးရှိစေချင်တယ် ဆိုတာဟာ နိုင်ငံသူ နိုင်ငံသားများအားလုံးဟာ တရားဥပဒေရဲ့ ကာကွယ်မှုအောက်မှာ လုံလုံခြုံခြုံနေနိုင်ခြင်းကို ကျွန်မတို့ဦးတည်တာကို ပြောတာပါ။
.
တရားဥပဒေဆိုတာဟာ တရားမျှတရမယ်။ ကောင်းမွန်တဲ့ သက်ရောက်မှုရှိနိုင်တဲ့ ဥပဒေတွေရှိရမှာဖြစ်ပါတယ်။
.
ကျွန်မတို့ တရားစီရင်ရေးမဏ္ဍိုင်ကြီးဟာ တည့်မတ်ဖို့၊ ထိရောက်ဖို့အင်မတန်မှ အရေးကြီးပါတယ်။ တရားစီရင်ရေးနဲ့ ပတ်သက်လို့ဆိုလို့ရှိရင် တရားမျှတမှုရှိရမယ်။ နိုင်ငံတကာက လက်ခံထားတဲ့စံနှုန်းတွေနဲ့ ကိုက်ညီရမယ်။
တရားမျှတမှုဆိုတာဟာ မျှတတဲ့တရားစီရင်ခြင်းဆိုတာဟာ အဆိုရှိပါတယ်။
.
လုပ်ရုံတင်နဲ့မပြီးဘူး။ လုပ်ပါတယ်ဆိုတာ ထင်ရှားရမယ်။
.
တရားမျှတရုံနဲ့ မလုံလောက်ဘူး။ တရားမျှတခြင်း ရှိပါတယ်ဆိုတာ ထင်သာမြင်သာဖြစ်ရပါလိမ့်မယ်။
.
အဲဒါကတော့ အခြေခံတစ်ခုပါပဲ။
.

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၂၀၁၆ ဧပြီလက ပြောခဲ့တဲ့ နှစ်သစ်ကူးမိန့်ခွန်းမှ ကောက်နှုတ်ချက် ကလေးဖြစ်ပါတယ်။
.
နိုင်ငံခေါင်းဆောင်ဖြစ်စေချင်တဲ့ တရားစီရင်ရေး စနစ်နဲ့ လက်ရှိဖြစ်နေတဲ့ တရားစီရင်ရေးစနစ်ဟာ ရှိသင့်တာနဲ့ ဖြစ်နေတာ ဘယ်လောက် ကွာဟနေပြီလဲ ဆိုတာကို ပြသနေပါပြီ။
.
လက်နက်ကိုင်သူကို ထောင် ၅ နှစ်ချပြီး လက်နက်မကိုင်သူကို ထောင်တစ်သက် တစ်ကျွန်းချတဲ့ ဒီလို သားရေကွင်း ဥပဒေတွေသာ မြန်မာနိုင်ငံထဲမှာ အမှန်တကယ် ထွန်းကား လက်ခံနေကြပြီဆိုရင် တစ်သက် တစ်ကျွန်းပြစ်ဒဏ်ကျခံရနိုင်တဲ့ပြစ်မှု ကျူးလွန်မယ့်သူတိုင်းဟာ လက်နက်ကိုင် လမ်းစဉ်ကိုသာ ရွေးချယ်စရာ ကျန်ကြပါတော့မယ်။
.
အင်မတန် လွဲချော်နေတဲ့ တရားစီရင်ရေးစနစ်ကြီးကို အချိန်မီ ပြန်လည်တည့်မတ်ဖို့ဟာ ပြည်သူတွေမှာ လုပ်ပိုင်ခွင့်အာဏာ မရှိပါဘူးလို့သာ ဆိုပါရစေ။
.

SM
၂၃ ဒီဇင်ဘာလ ၂၀၁၆

ဆက်စပ်သတင်းများ
- နိုင်ငံတော်ပုန်ကန်မှု ၁၂၂(၁)ဖြင့် တစ်ကျွန်းချခံရသူများ အယူခံဆက်ဝင်မည်
  https://www.facebook.com/714912165290510/videos/1141142352667487/
- ရက္ခိုင်တပ်မတော် AA မှ ထွန်းထွန်းနိုင် ထောင် ၅ နှစ် ချမှတ်ခံရ
  https://www.facebook.com/permalink.php?story_fbid=1379902315355175&id=151742128171206
December 23, 2016
လုပ်ဇာတ်ကြီးနဲ့ လုပ်စားကြဆဲ စပိန်နိုင်ငံ၊ ဆီဗီးလ်မြို့မှ ၀က်သေဇာတ်လမ်း

ဧပြီ ၁၄ ၊ ၂၀၁၅
ဆွေမွန်ရေးသည်။

မွတ်စလင်တွေ ဗလီ မဆောက်စေချင်ရင် ဗလီဆောက်မယ့် မြေနေရာမှာ ၀က်သေမြုပ်လိုက်ပါ။ အစ္စလာမ်မစ်ဥပဒေက ၀က်သေမြုပ်ထားတဲ့မြေပေါ်မှာ ဗလီမဆောက်ရလို့ တားမြစ်ထားတဲ့အတွက် ၀က်သေမြုပ်ထားတဲ့ သတင်းကို ကြားတာနဲ့ အဲဒီနေရာမှာ ဗလီမဆောက်တော့ပါဘူးတဲ့။ ၀က်သေတစ်ခု အရင်းပြုရင် ဗလီဆောက်မယ့် အန္တရာယ်ကနေ ကာကွယ်ပြီသား ဖြစ်သွားပါတယ်တဲ့ ခင်ဗျား။ ဒီသတင်းကိုပဲ စာရိုက်လို့တစ်မျိုး၊ စာရေးထားတဲ့ ဓာတ်ပုံနဲ့ တစ်သွယ် မြင်ဖူးနေတာတော့ ကြာပါပြီ။ တစ်နေ့ကပဲ ဒီသတင်းကို လက်ရေးနဲ့ ထပ်တွေ့ပြန်ပါတယ်။ Share ပေါင်း ၂၇၀၀၀ ကျော်ရှိနေပါပြီ။ ထပ်ကူးတင်သူတွေအပါဆိုရင် ထပ်ဆင့်ဖြန့်ဝေမှုတစ်ခုကို လူ ဆယ်ယောက်ပဲမြင်ပါစေဦး၊ အွန်လိုင်းသုံးစွဲသူအနည်းဆုံး နှစ်သိန်းကျော် မြင်ဖူးနေပါပြီ။
.
မြန်မာနိုင်ငံမှာလည်း မွတ်စလင်မုန်းတီးရေး၊ မွတ်စလင်ဆန့်ကျင်ရေးအားကောင်းချိန်ဆိုတော့ ခမျာတွေလည်း ဘယ်နည်းနဲ့ ဆန့်ကျင်ရ ဆန့်ကျင်ရ ကျေနပ်တယ်၊ ဗလီမဆောက်ရင်ပြီးရော ဆိုတဲ့သဘောနဲ့ ဒီသတင်းဟာ ဟုတ်သလား၊ မဟုတ်ဘူးလား၊ မှားမှန် မခွဲနိုင်ဘဲ ဒီသတင်းကို လူမှုကွန်ယက်တွေမှာ ထပ်ဆင့်ဖြန့်ဝေကြ၊ ကွန်မင့်တွေရေးကြ၊ ထုံးစံအတိုင်း ကြမ်းတမ်း ဆဲဆိုထားတဲ့ စကားလုံးတွေသုံးပြီး ဗုဒ္ဓဘာသာကို ကာကွယ်စောင့်ရှောက်နေကြတာကို တွေ့နေရပြန်ပါတယ်။ အွန်လိုင်းမှာ လူ သိန်းဂဏန်းမြင်ကြတဲ့အတွက် နိုင်ငံတကာကလည်း မြင်ပါတော့မယ်။ နိုင်ငံတကာကတွေ့ပြန်ရင်လည်း မြန်မာတွေဟာ သတင်းမှားမှန် မခွဲတတ်ကြဘူး၊ ဘယ်လိုလိမ်လိမ် အလိမ်ခံတဲ့လူမျိုး၊ သတင်းအမှားတွေနဲ့ ပျော်မွေ့တတ်တဲ့ လူမျိုးတွေလို့အမည်တပ်ခံရပြီး အရှက်ကွဲပြီးရင်း ကွဲ ဖြစ်နေကြဦးမှာပါပဲ။
.
ဒီ ၀က်ဇာတ်လမ်းဟာ ခုဖြစ်တာ မဟုတ်ပါဘူး။ လွန်ခဲ့တဲ့ ၁၂ နှစ်အကြာ ၂၀၀၃ လောက်ဝန်းကျင်က စပိန်၊ ဆီဗီးလ်မြို့ကြီးမှာ စပိန်မွတ်စလင်တွေ ဗလီအသစ်တစ်လုံး ဆောက်ခွင့်ရခဲ့ပါတယ်။ သိထားသင့်တာက ယဉ်ကျေးမှုပေါင်းစုံ ထွန်းကားရာဆီဗီးလ်မြို့ကြီးဟာ ဗလီတစ်လုံးဆောက်ခွင့်ပြုဖို့အတွက် ခက်ခဲလွန်းတဲ့နေရာမဟုတ်ပါဘူး။ ဖြစ်ချင်တော့ ဆီဗီးလ်မြို့၊ Los Bermejales District က ဗလီဆောက်ခွင့်ပြုလိုက်တဲ့ မြေနေရာဟာ အများပြည်သူသုံးစွဲဖို့ ကြိုတင်လျာထားတဲ့နေရာ (နောက်ပိုင်းမှာ ပန်းခြံ၊ ကျောင်း လိုတာဆောက်နိုင်အောင် ဖယ်ထားတဲ့ မြေနေရာ) ဖြစ်နေခဲ့တာပါပဲ။ ဒါကို ဆီဗီးလ်မြို့သူမြို့သားတွေက မြို့တော်အုပ်ချုပ်ရေးအဖွဲ့ကို ကန့်ကွက် ဆန္ဒပြခဲ့ကြပါတယ်။ ရှင်းရှင်းလင်းလင်း နားလည်ထားသင့်တာက ဗလီဆောက်တာကို ကန့်ကွက်တာမဟုတ်ဘဲ ဗလီဆောက်မယ့်နေရာဟာ အများပိုင်နေရာဖြစ်တဲ့အတွက် ဘာအဆောက်အဦမှ ပေးမဆောက်ဖို့ ကန့်ကွက်ခဲ့ကြခြင်းသာ ဖြစ်ပါတယ်။ မွတ်စလင်အဖွဲ့အစည်းတွေက ကန့်ကွက်မှုတွေကို လက်ခံရရှိပြီးတာနဲ့ ဗလီဆောက်မယ့်နေရာနဲ့ ပတ်သက်ပြီး အာဏာပိုင်တွေနဲ့ ဆွေးနွေးကာ ဗလီအသစ်ကို နေရာပြောင်းရွှေ့ဆောက်လုပ်ဖို့ သဘောတူခဲ့ကြပါတယ်။ ၂၀၀၄ ခုနှစ်မှာ မူလနေရာ Los Bermejales District အစား ဆီဗီးလ်မြို့မှာပဲ San Jeronimo District မှာနေရာအသစ် အစားပေးခဲ့ပါတယ်။

.
အများပိုင်နေရာကနေ ဗလီမြေနေရာရွှေ့ပြောင်းဖို့ မွတ်စလင်တွေဖက်က သဘောတူခဲ့ပြီး နေရာသစ်ရွေးချယ်ဖို့ ညှိနှိုင်းနေစဉ်မှာပဲ ဗလီဆောက်မှာ မလိုလားတဲ့ သဘောထားတင်းမာသူအချို့က ဗလီဆောက်မယ့် မြေနေရာမှာ ၀က်တစ်ကောင်ကို သတ်ဖြတ်ခဲ့ကြတယ်၊ ၀က်သေကို မြုတ်နှံခဲ့ကြတယ်၊ ၀က်သွေးတွေ ဖြန်းခဲ့ကြတယ်လို့ သတင်းတွေ ပေါ်ထွက်လာခဲ့ပါတယ်။ ဘယ်မီဒီယာမှာမှ ဘယ်သတင်းမှာမှ ဒီဝက်သေမြုပ်တဲ့သတင်းကို ဖော်ပြခဲ့ခြင်း မရှိခဲ့ပါဘူး။ ဒါပေမယ့် ကောလာဟလပီပီ ပြန့်နှံ့အား အင်မတန်ကောင်းခဲ့ပုံ ရပါတယ်။ ဒါကြောင့်ပဲ ၀က်သေတစ်ကောင် အရင်းပြုပြီး ဗလီဆောက်မယ့် နေရာရွေ့သွားတယ်ဆိုတဲ့ ယုံတမ်းပုံပြင်ဟာ အစ္စလာမ်ဆန့်ကျင်သူတွေကြားမှာ နှစ်ပေါင်းများစွာထိ ပြန့်နှံ့နေခဲ့ပါတော့တယ်။ အမှန်တကယ်တော့ ဒီဝက်အသေကောင်မြုပ်တဲ့သတင်းနဲ့ ဆီဗီးလ်က ဗလီနေရာရွေ့သွားခြင်းဟာ ဘာမှ မသက်ဆိုင်ခဲ့ပါဘူး။ အများပြည်သူသုံးစွဲဖို့ ကြိုတင်လျာထားတဲ့နေရာဖြစ်နေတဲ့အတွက် နေရာပြောင်းပေးခဲ့ခြင်းသာ ဖြစ်ပါတယ်။
.
အစ္စလာမ်မစ်ဥပဒေက ၀က်သေမြုပ်ထားတဲ့မြေပေါ်မှာ ဗလီမဆောက်ရလို့ တားမြစ်ထားတယ်ဆိုတာကလည်း အစ္စလာမ်မှာ မရှိပါဘူး။ ဆွစ်ဇာလန်မှာ ၂၀၁၁ တုန်းက ဖြစ်ခဲ့တဲ့ အဖြစ်အပျက်ကို ထောက်ပြချင်ပါတယ်။ ဆွစ်ဇာလန်နိုင်ငံ Grenchen မြို့မှာလည်း ဗလီသစ်တစ်လုံးအတွက်ဆောက်မယ့် မြေနေရာမှာ သဘောထားတင်းမာသူ အစ္စလာမ်ဆန့်ကျင်ရေးသမားတွေက စပ်ိန် ဆီဗီးလ်က အဖြစ်အပျက်ကို ကြားဖူးနားဝနဲ့ ၀က်သေတွေ အမှန်တကယ် မြုပ်ခဲ့ကြပါသေးတယ်။ ၀က်သေတစ်ကောင် နဲ့ ၀က်ခေါင်း ၄ လုံး၊ ၀က်ခြေ ၀က်လက် ၀က်ခန္ဓာကိုယ်အစိတ်အပိုင်းတွေအပြင် ၀က်သွေးလီတာပေါင်း ၁၂၀ လောက်ကို ဗလီဆောက်မယ့်မြေနေရာမှာ လောင်းချခဲ့ကြပါတယ်။ ဆွစ်ဇာလန်ရဲတွေဟာ ၀က်သေကောင်တွေ၊ ၀က်အစိတ်အပိုင်းတွေကို ပြန်လည်တူးဖော်ဖယ်ရှားပေးခဲ့ကာ ဒီကျူးလွန်သူတွေကို ပတ်ဝန်းကျင်ညစ်ညမ်းစေမှု၊ တိရိစ္ဆာန်တရားမ၀င် သတ်ဖြတ်မှု၊ တိရိစ္ဆာန်အညစ်အကြေးတွေကို တရားမ၀င်စွန့်ပစ်မှုတွေနဲ့ အရေးယူမယ်လို့ ထုတ်ပြောခဲ့ပါတယ်။
.
ဆွစ်ဇာလန်မွတ်စလင်တွေကတော့ တိရိစ္ဆာန်သွေးတွေနဲ့ ညစ်ပတ်နေတဲ့ မြေသန့်သွားစေဖို့ နောက်တကြိမ်ရွာမယ့်မိုး ဒါမှမဟုတ် နှင်းထုကျမှာကိုသာ စောင့်ခဲ့ရပြီး ဗလီဆောက်လုပ်မှုကို ပြန်စတင်ခဲ့ပါတယ်။ ဒီသတင်းကို ကမ္ဘာသိ အမေရိကန်သတင်းဌာန CNN က တင်ဆက်ထားတာကိုလည်း တွေ့နိုင်ပါတယ်။
.
ဒီလောက်ဆိုရင် ဆီဗီးလ်မြို့က ၀က်ဇာတ်လမ်းအပြင် အစ္စလာမ့်ဥပဒေမှာ ၀က်သေကောင်ရှိတဲ့နေရာမှာ ဗလီမဆောက်ဘူးဆိုတဲ့ လုပ်ကြံဇာတ်လမ်း မရှိတာကို မြင်လောက်နိုင်ပါပြီ။ သိပ္ပံနည်းကျတွေးရင်လည်း ကမ္ဘာ့သက်တမ်း နှစ်သန်းပေါင်း ၄၅၀၀ လောက်အတွင်း ကမ္ဘာ့မြေနေရာတိုင်းဟာ လူအပါအ၀င် ဘယ်အကောင်ဗလောင်မဆို မသေဖူး၊ မမြုပ်ဖူးတဲ့နေရာ မရှိနိုင်ပါဘူး။ လွန်ခဲ့တဲ့ နှစ် ၁၀၀ ၀န်းကျင်က သချိုင်းမြေဖြစ်ခဲ့တဲ့ ရန်ကုန်၊ အနော်ရထာလမ်း၊ ဆူးလေမီးပွိုင့်ဘေးကနေရာတွေဟာ မိုးမျှော်တိုက်ကြီးတွေ ဖြစ်နေပါပြီ။ ၀က်တစ်မျိုးတည်း မဟုတ်တဲ့ အခြားသတ္တ၀ါတွေဟာလည်း ကမ္ဘာမြေအနှံ့ နေရာတိုင်းမှာ မသေဖူး၊ မမြုပ်ဖူးဘူးဆိုတာ ဘယ်လိုမှ မဖြစ်နိုင်ပါဘူး။
.
ဒါကြောင့် ၀က်မသေဖူးတဲ့နေရာကိုသာ ရှောင်ကြမယ်ဆိုရင်လည်း ကမ္ဘာ့အပြင်ဖက် ၀က်မရှိတဲ့ အာကာသမှာပဲ ဗလီဆောက်ဖို့ ဖြစ်နိုင်ပါတော့မယ်။ ဒါကြောင့် “အစ္စလာမ်မစ်ဥပဒေက ၀က်သေမြုပ်ထားတဲ့မြေပေါ်မှာ ဗလီမဆောက်ရလို့ တားမြစ်ထားတဲ့အတွက် ၀က်သေမြုပ်ထားတဲ့ သတင်းကို ကြားတာနဲ့ အဲဒီနေရာမှာ ဗလီမဆောက်တော့ပါဘူး” ဆိုတဲ့သတင်းမျိုးကို ဆက်လက်ပြီး ကျားကျားမီးယပ်ကွာ ဆိုပြီးတော့ အတင်း ဇွတ်မှိတ် ယုံကြည်နေကြသေးရင်လည်း စိတ်ထောင်း ကိုယ်ကြေမဖြစ်ခင် စိတ်ရောဂါအထူးကုဆရာဝန်ကြီးတစ်ဦးဆီမှာ မနှေးအမြန် ကုသမှုခံယူကြဖို့သာ တိုက်တွန်းလိုပါတော့တယ်။

မြန်မာပြည်သူပြည်သားအားလုံး လုပ်ကြံဖန်တီးထားတဲ့ အမုန်းတရားအပေါင်းမှ ကင်းဝေးကြပါစေဗျာ။

ဆွေမွန်
၁၄ ဧပြီ ၂၀၁၅

Ref :

(၁) စပိန်နိုင်ငံ ဆီဗီးလ်မြို့မှ ၀က်ဇာတ်လမ်းနှင့် ဆန့်ကျင်ပြီး ဆွစ်ဇာလန်နိုင်ငံမှာ ၀က်မြုပ်ထားသော မြေကြီးမှာ ဗလီဆောက်လုပ်ခဲ့ကြောင်းဖော်ပြထားသော သတင်း စာမျက်နှာ
http://www.onislam.net/english/news/europe/454662-mosque-profanation-outrages-swiss-muslims.html

(၂) စပိန်နိုင်ငံ ဆီဗီးလ်မြို့မှ ၀က်ဇာတ်လမ်းအား အမှန်အတိုင်း ဖော်ပြထားသော သတင်း စာမျက်နှာ
http://islamversuseurope.blogspot.com/2013/10/burying-pig-heads-to-stop-mosques.html

(၃) အမေရိကန် CNN သတင်းဋ္ဌာနမှ ဆွစ်ဇာလန်နိုင်ငံမှ ဗလီဆောက်မည့်နေရာ ၀က်သေကောင် မြုပ်နှံခဲ့ပေမယ့် ဗလီဆက်ဆောက်လုပ်သွားကြောင်း သတင်းဖော်ပြချက်
http://edition.cnn.com/2011/11/12/world/europe/switzerland-mosque/

(၄) မြန်မာနိုင်ငံတွင် လက်ရှိဖြန့်ဝေနေသော မြန်မာဘာသာပြန်စာရွက်ရဲ့ စပိန်နိုင်ငံ ဆီဗီးလ်မြို့မှ ၀က်ဇာတ်လမ်း မူရင်းစာမျက်နှာ ကြည့်ရှုလိုပါက
https://shariaunveiled.wordpress.com/2013/04/04/how-to-stop-a-mosque-from-being-built/

(၅) ဆင်တူယိုးမှား ၀က်ဇာတ်လမ်း သတင်းကို ထပ်ကြည့်လိုပါက
http://www.ibtimes.co.uk/britain-first-extremists-plot-pig-burial-halt-controversial-dudley-mega-mosque-1474294

(၆) ဆီဗီးလ်မှ ၀က်ဇာတ်လမ်းဟာ အကျိုးသက်ရောက်မှု မရှိတဲ့ ကောလဟာလသာဖြစ်ကြောင်း ရေးသားချက်ကို ဖတ်ရှုလိုပါက
http://www.truthorfiction.com/plant-a-pig/

(၇) ဆီဗီးလ်မြို့မှ မွတ်စလင်များအကြောင်း ဖတ်ရှုလိုပါက (စပိန်ဘာသာပြန်ကို တွဲပေးထားပါတယ်။)
http://translate.googleusercontent.com/translate_c?depth=1&hl=en&prev=search&rurl=translate.google.com&sl=es&u=http%3A%2F%2Fmezquitadesevilla.com%2Fla-fundacion%2F&usg=ALkJrhi9TdICX17Q4Hkg6HL4hpi7FX6MmA

April 14, 2015
စကားဝိုင်းမှ သူ့အမြင်များ

မတ်လ ၃၀ ၊ ၂၀၁၅
ဆွေမွန်ရေးသည်။

.
ဒီမနက်က အိပ်ယာထပြီး မုန့်လေး ဘာလေး ထွက်ဝယ်ရင်း အပြင်ခဏထွက်ဖြစ်တော့ မတွေ့တာကြာပြီဖြစ်တဲ့ ရဲမှူးကြီးတစ်ဦးနဲ့ လမ်းပေါ်မှာ ပြန်ဆုံဖြစ်ခဲ့တယ်။ သူက ၆၅ ကျော် ၇၀ နား။ ပင်စင်စားပေမယ့် စမတ်ကျကျနဲ့ လန်းဆန်းနေဆဲပါပဲ။ တစ်လမ်းတည်းနေကြသူတွေပီပီ အပြန်အလှန်လေးစားမှုလည်း ရှိကြသလို စကားလည်း မကြာခဏဆိုသလိုတော့ ပြောဖြစ်ကြတယ်။ သူလည်း မနက်ပိုင်း အပြင်ထွက်လမ်းလျှောက်ရာက ကျွန်တော်နဲ့တွေ့တော့ “လာဗျာ၊ ကြုံတုန်း စကားလေး ဘာလေးပြောရအောင်” ဆွဲခေါ်၊ လက်ဖက်ရည်ဆိုင်ထိုင်ဖြစ်သွားရင်း နောက်ထပ်အသိမိတ်ဆွေတစ်ဦး နှစ်ဦးပါ ၀င်ပါလာတဲ့ စကားဝိုင်းလေးဖြစ်သွားပါတယ်။
.
၂၀၁၅ နဲ့ သူ့အမြင်ကို ခေါက်ကြည့်ပါတယ်။ ပွင့်လင်းပါတယ်။ ရွေးကောက်ပွဲ မရှိနိုင်တော့ဘူးလားလို့ ငါတော့ ထင်မိတယ်ကွ လို့ တစ်ခွန်းတည်း တိုတိုပြတ်ပြတ် ဖြေပါတယ်။ ဒါနဲ့ မြင်သမျှလေး ပြောပြပါဦး။ အန်ကယ့်အမြင်လေးသိပါရစေ၊ စကားထောက်မိတော့ ဒေါ်စုဟာ လွှတ်တော်မှာ လုပ်ပိုင်ခွင့်မယ်မယ်ရရမရှိဘဲ ထိုင်နေရတဲ့အတွက် လုပ်ချင်တာတွေ ရှိနေခဲ့ရင်တောင် ဘာမှ လုပ်မရတော့တာရယ်၊ သူသာ လွှတ်တော်မှာ ထိုင်မနေရင်လည်း ဒီထက် အခြေအနေဆိုးသွားနိုင်တယ်။ Democratic Reform လမ်းကြောင်းဟာ သူ လွှတ်တော်မှာ ထိုင်နေတဲ့အတွက် အသက်ဝင်နေသေးတာဖြစ်တယ် လို့ ထောက်ပြပါတယ်။

စကားပြင်ပြီး နောက်တစ်မျိုးပြောရရင် ၂၀၁၅ ရွေးကောက်ပွဲဟာလည်း ဒေါ်စုလွှတ်တော်မှာ ထိုင်နေသေးတဲ့အတွက် ရှိကောင်း ရှိနိုင်မယ်။ ဒေါ်စုသာ လွှတ်တော်မှာ မရှိတော့ရင် ဒီလူတွေ ပြန်ပြီး ဘောင်းဘီကောက်ဝတ်လိုက်တာ ကြာလှပြီလို့ သူ့အမြင်ကို ထုတ်ပြောပါတယ်။
.
ကြားထဲမှာ ရွေးကောက်ပွဲပျက်အောင် မွှေနေတဲ့အဖွဲ့အစည်းတွေဟာလည်း တကယ်ရှိနေတယ်။ ဘာကိုမှ အလျှော့အတင်း မလုပ်ချင်တဲ့ အုပ်စု၊ သဘောထားတင်းမာတဲ့အုပ်စု၊ ဒီအုပ်စုက အဓိကပဲ။ ဒီအုပ်စုဟာ ဘယ်သူတွေလဲ၊ မသဲကွဲဘူးလို့ ပြောနေကြပေမယ့် မြင်တတ်ဖို့ပဲ လိုပါတယ်လေ၊ တစ်ရက်က မန္တလေးအဓိကရုဏ်းအစီရင်ခံစာမှာပါသလို ၃ မျိုးရှိတယ်လို့ ပြောကြတယ်။ ပထမအုပ်စုက သမ္မတ ဦးသိန်းစိန်ကို မလိုလားသူတွေက သမ္မတ ရာထူး နောက်ထပ် သက်တမ်း အတွက် ယှဉ်ပြိုင်လိုစိတ်နဲ့ လုပ်ကြတာ၊ ဒုတိယ အချက်က NLD ကို ပစ်မှတ်ထားပြီးတော့ ဘာသာရေး အရ ခုတုံးယူ နိုင်ငံရေးအရ အသာစီး ရဖို့ လုပ်တာ၊ တတိယက စစ်အုပ်ချုပ်ရေးအောက်မှာ ရွေးကောက်ပွဲ ကျင်းပချင်တဲ့ ဆန္ဒရှိသူတွေက တိုင်းပြည် မငြိမ်သက်အောင် လုပ်ပြီး ရွေးကောက်ပွဲ ရွှေ့ဆိုင်းအောင် လုပ်နေကြတာလို့ ပြောကြပြန်တယ်။ ၃ မျိုးရှိသလို ၃ မျိုးပေါင်း တစ်မျိုးတည်းလို့လည်း သတ်မှတ်နိုင်တဲ့အချိန်တွေလည်း ရှိခဲ့ပြန်တယ်။ လုပ်သမျှ ပြသနာတွေဟာ ဒီအုပ်စု၊ ဒီလူတွေကြောင့်၊ တတိယအုပ်စုပေါ့ကွာ၊ ဒီလိုပဲ အကြမ်းမှတ်ထားပေါ့ကွာ။
.
ရွေးကောက်ပွဲ မဖြစ်မနေလုပ်ရရင်လည်း ဦးသိန်းစိန်ရဲ့ ကြံ့ခိုင်ရေးပါတီ သေချာပေါက် ရှုံးလိမ့်မယ်။ အရင်က ဒီပဲယင်းကိစ္စ၊ လောလောလတ်လတ် လုပ်ထားတဲ့ လက်ပံတန်းကိစ္စ၊ ရှေ့က သန္တိသုခဘုန်းကြီးကျောင်းကိစ္စ၊ ကိုပါကြီးကိစ္စ၊ ဒေါ်ခင်ဝင်းကိစ္စ၊ ကချင်ဆရာမတွေ DNA စစ်တာတောင် အဖြေမထွက်သေးတဲ့ ကိစ္စတွေအပြင် ဒီရက်တွေမှာ ဖြစ်ခဲ့တဲ့ လက်ပံတောင်းတောင်က မီးလောင်သံဃာတွေကို အမှုဖွင့်ခွင့်မပေးတာတွေဟာ ငါတို့ ရဲ လုပ်ထုံးမှာ မရှိဘူး။ အမှုလာဖွင့်ရင် လက်ခံကို ခံပေးရမှာက ရဲတာဝန်ပဲ။ အမှုဖွင့်သူ မရှိရင်တောင် ရဲက တရားလို လုပ်ပြီး အမှုဖွင့်ရမယ့်ဟာကို အမှုဖွင့်ခွင့် မရှိဘူး၊ စုံစမ်းခွင့်ပိတ်တယ်၊ နံပတ်တုတ်ကိုင်ပြီး ရိုက်နှက်တာတွေ၊ မန္တလေးမှာဆိုရင် ဆိုင်ကယ်ပေါ်ကလူကို ရဲယူနီဖောင်းကြီးနဲ့ ဆွဲချလိုက်တာတွေဟာ ဥပဒေ ပ လုပ်ရပ် တွေချည်းပဲ။ အမိန့်ကို နာခံတာက တပိုင်းပေါ့ကွာ၊ ဥပဒေပြင်ပက မလုပ်ရဘူး၊ ဒီတော့ လူတွေ မကျေနပ်ထားတာ အများကြီးပဲ။ ဒီလူတွေကို ဒေါ်စုက ထိန်းထားတာ၊ ဒေါ်စု ရှိနေလို့ ဒီလူတွေရဲ့ မကျေနပ်ချက်တွေဟာ ပေါက်ထွက်မသွားသေးတာလို့တော့ ငါမြင်မိတယ်။ ဖိထားလွန်းလို့ ခဏအောင့်နေတဲ့ ပေါက်ကွဲလုလုမီးတောင်ကြီးနဲ့ အတူတူပဲ။
.
ရွေးကောက်ပွဲလုပ်ပေးတာနဲ့ သူတို့ ရှုံးမယ်။ အခုဖွင့်မရတဲ့ အမှုတွေဟာ ကျေအေးသွားကြမှာ မဟုတ်ဘူး။ ဒါကို သူတို့ ကောင်းကောင်း သိတယ်။ ရခိုင်ကစ တစ်နိုင်ငံလုံး မီးတင်ရှို့ထားတာတွေ၊ လူသတ်ထားတာတွေ၊ လယ်သိမ်းထားတာတွေ၊ ပြည်သူပိုင်တွေကို ကိုယ်ကျိုးအတွက်သုံး ရောင်းစား လက်သိပ်ထိုးထားတာတွေဟာ တရားခံမရှိ၊ အမှုမပေါ်တာများကြတယ်။ သတ်ဖြတ်ခံထားရတဲ့လူတွေဖက်က ပြန်တရားစွဲကြရင်၊ တရားလိုပေါ်လာရင် ဒါတွေဟာ အမှုမဖွင့်ပါနဲ့ လို့ ပြောလို့ မရမယ့်အချိန် ရောက်လာမှာကို သူတို့ ဘယ်လိုလားပါ့မလဲ။ သူတို့ ကိုယ့်လည်ပင်းကို ကိုယ် ကြိုးကွင်းစွပ်မယ့်လူတွေ မဟုတ်ကြဘူးလေ။
.
အဲဒီအခြေအနေကို မရောက်အောင် ရွေးကောက်ပွဲ မရှိမှာ ဖြစ်မှာ။ ဒီတော့ တတိယအုပ်စုသားတွေဟာ ရွေးကောက်ပွဲနောက်ဆုတ်သွားအောင်၊ ရွေးကောက်ပွဲမှာ မရှုံးအောင် သူတို့ ညစ်ပတ်ချင်ရင်၊ စကားခံထားတယ်နော်၊ (ညစ်ပတ်ချင်ရင်) ဖြစ်လာနိုင်တာ ၃ မျိုးလောက်ရှိနိုင်တယ်။ မိုးရာသီမတိုင်ခင် ဖြစ်သွားနိုင်တယ်လို့တော့ သူမြင်မိတယ်လို့ ပြောပါတယ်။
.
နံပတ် (၁) က ထုံးစံအတိုင်း အဓိကရုဏ်းတွေဖက်ကို လှည့်နိုင်သေးတယ်။ ဒါပေမယ့် ငါတော့ သိပ်မထင်မိတော့ဘူး။ တရုတ်ဖက်ကို မလှည့်ရဲဘူး။ ဒါက သေချာတယ်။ ကုလားဖက်ကိုလည်း လှည့်မရလောက်တော့ဘူး။ လူတော်တော်များများက သိနေကြပြီ။ မန္တလေးကိစ္စ မဖြစ်မြောက်ကတည်းက ၉၆၉ ဟာ အရှိန်သေသလောက်ဖြစ်သွားတယ်။ ဒါပေမယ့် လိုတရဖြစ်နေတဲ့ ကုလားကို ဆက်ပြီးတော့ မုန်းနေဖို့ တရားပွဲတွေနဲ့ အဆက်ပြတ်မသွားအောင် သွေးမအေးသွားအောင် မီးထိုးပေးနေသေးတယ်။ အရင်က တစ်နှစ်တစ်ပွဲတောင် မရှိတဲ့ တရားပွဲတွေဟာ ခု တစ်ပတ် နှစ်ပွဲ သုံးပွဲ လုပ်ခွင့် ရနေသေးတယ်။ ဘယ်က ပိုက်ဆံတွေ ထွက်လာနေသလဲ။ ဘယ်သူတွေ ထောက်ပံ့နေကြသလဲ။ ဒီဘုန်းကြီးသွားလာဖို့ လုံခြုံရေးအားလုံးကို ဘယ်သူတွေ စီစဉ်ပေးနေသလဲ။ ဘုန်းကြီးအားလုံးက သူတို့ လူတွေလို့ ပြောနိုင်တဲ့ ကြံ့ခိုင်ရေးအားပေးတဲ့ ဘုန်းကြီးတွေချည်းပဲ။ ဒါက တချက်။
.
ဒီတော့ ကုလားဖက်နဲ့လည်း တိုက်နေဦးမယ်။ အမျိုး၊ ဘာသာ၊ သာသနာ တိုးတက်ဖို့ ကြံ့ခိုင်ရေးကို မဲပေးစို့လို့ အမည်တပ်နိုင်ဖို့ ကုလားကို လိုတဲ့အချိန် ထိုးကျွေးနိုင်ဖို့ ပြင်ဆင်နေဦးမှာပဲ။ ခုလည်း ၉၆၉ ကို မဘသ လို့ ပြောင်းထားပေမယ့် လိုရင် ထပ်ပြောင်းလိမ့်ဦးမယ်လို့ ထင်မိတယ်။ အဓိကရုဏ်းတော့ မဖြစ်လောက်တော့ဘူး၊ ငါ ဒီလိုပဲ ထင်မိထားသေးတယ်။
.
(၂) အချက် အနေနဲ့ ရွေးကောက်ပွဲ ပျက်သွားနိုင်တာက တိုင်းရင်းသား လက်နက်ကိုင်တပ်ဖွဲ့တွေနဲ့ အရှိန်မြှင့်တိုက်ပွဲတွေ ဖန်တီးဖို့ပဲ။ တိုက်ပွဲတွေ အကြီးအကျယ်ဖြစ်နေတဲ့အတွက် အေးချမ်းတည်ငြိမ်မရှိလို့ ရွေးကောက်ပွဲ ပျောက်ရပါတယ်ပေါ့။ ခုလည်း ကရင် DKBA ၊ ကချင် KIA ၊ TNLA ၊ ကိုးကန့်၊ ၀၊ ရခိုင် အကုန်လုံးနဲ့ ချနေတာပဲလေ။ ဖြစ်နေတဲ့ အရှိန်လေးကို ထပ်တင်လိုက်ဖို့ပဲ လိုတယ်။ နောက်တစ်ခါ နေရာအနှံ့ ဗုံးခွဲမှုတွေ ဖြစ်လာနိုင်တယ်။ တစ်နှစ်ကလို သာကေတဖက်က အမှိုက်ပုံတွေမှာ ဗုံးခွဲ၊ ကုန်သည်ကြီးများဟိုတယ်တက် ဗုံးထောင်၊ စောနေတိုးဆိုပြီး အမည်တစ်ခုကို ရွတ်ပြ၊ သတင်းစာ ရှင်းလင်းပွဲတွေ အကြီးအကျယ်လုပ်၊ ဒလံဂျာနယ်တွေကတဆင့် ကြော်ငြာ၊ ဟိုလူ လက်ညှိုးထိုး၊ ဒီလူ လက်ညှိုးထိုး၊ အားလုံးက ကြောက်လန့် စိုးရွံ့နေရအောင် လုပ်ထား။ ပင်မပစ်မှတ်က ရွေးကောက်ပွဲ ပျက်သွားဖို့ပဲ။ နောက်ဆုတ်သွားစေဖို့၊ စစ်အုပ်ချုပ်ရေးပြန်ဝင်လာဖို့ပဲ။

.
ငါနောက်တစ်ခု အကြီးအကျယ် စိုးရိမ်မိတာ ဒီသင်္ကြန်တွင်းပဲ။ အကြမ်းဖက် သောင်းကျန်းသူလို့ အမည်တပ်ပြီး ဂျာနယ်တွေမှာ ခုတလော ပါလာနေတယ်။ စစ်ကိုင်းလိုလို၊ ရှမ်းတောင်လိုလို၊ ကြိုလွှင့်ထားပြီးသား။ ဒီကြားထဲမှာ IS အမည်တပ်ပြီး သင်္ကြန်မဏ္ဍပ်အကြီးကြီးတစ်ခုမှာ ဗုံးခွဲချလိုက်လို့ လူ ၅၀ – ၁၀၀ လောက် သေပြီဆိုရင် ပြီးသွားပြီ။ လူ ၁၀၀ လောက်ပဲ ရင်းရမယ်။ မရင်းရဲစရာ မရှိဘူး။ ဒီလူတွေမှာ ပြည်သူ ပြည်သား အသက်သေကြေမှာကို စာနာစိတ်က တစက်မှ မရှိဘူး။ ဒါက အားလုံး အသိပဲလေ။ မှတ်မိဦးမယ်၊ X2O မဏ္ဍပ်ဗုံးခွဲတရားခံဆိုပြီး မွတ်ဆလင်ကို လူမှားဖမ်းတဲ့ထဲမှာ အခု လ၀က ၀န်ကြီး ဦးခင်ရီတောင် ဦးစီးပြီး သတင်းစာတွေ ဘာတွေ ရှင်းလိုက်သေးတယ်ကွာ၊ မင်းတို့ သိကြဦးမယ်။ တရားခံအစစ် ပျောက်သွားတယ်။ ကြားထဲက မဆိုင်သူတွေ ဘ၀ပျက်ရတယ်။ ထိုးကျွေးကြတာကို ပြောတာပါကွာ။ ဒီလူတွေ ဒီလို လုပ်ဖူးတယ်။ ဒီလို လုပ်တတ်တယ်။ လုပ်ရဲတယ်။
.
ခုလည်း ၂၀၁၅ မှာ သင်္ကြန်မဏ္ဍပ်ဗုံးကွဲပြီး လူ ၁၀၀ လောက် အသေပြ၊ အဲဒီထဲမှာ အနုပညာရှင် နည်းနည်းပါးပါး ဒူးပြတ် ပေါင်ပြတ် အသေပြ၊ ဘုန်းကြီးတစ်ပါး နှစ်ပါးလောက် သွေးရွှဲရွှဲနဲ့ အသေပြလိုက်ရင် ရပြီ။ IS အဖွဲ့က မြန်မာပြည်ကို ဂျီဟတ်လုပ်နေပါပြီ။ ဗုဒ္ဓဘာသာဝင်တွေကို ဂျီဟတ်လုပ်ပါတယ်လို့ အစိုးရ သတင်းစာတွေ ကိုယ်တိုင်က ရေး၊ ကုလားရုပ်တွေနဲ့ ချိတ်ပြလိုက်ရင် မင်းတို့ ဘာလုပ်ကြမလဲ။ တစ်နိုင်လုံးမှာ အဓိကရုဏ်း အကြီးအကျယ်ထပ်ဖြစ်၊ သွေးချောင်းစီးကုန်ကြလိမ့်မယ်။ အကွက်က ရိုးရိုးလေးပဲ၊ အဖြေ ဆန်းဆန်းလေး ထွက်သွားမယ်။ ဘယ်အဖွဲ့မှ တားမရတော့ဘူး။ မြို့တိုင်းမှာ သူတို့လူတွေချည်းပဲ။ ချထားပြီးသား။ စလုပ်မယ့် အကြောင်းတရား ဖန်တီးပေးလိုက်ဖို့ပဲလိုတယ်။ ပွဲစတာနဲ့ အချိန်ကိုက် အခါကိုက် ဖျက်ဆီးသတ်ဖြတ်မှုတွေ အကြီးအကျယ် ဖြစ်ကုန်လိမ့်မယ်။
.
၁၉၉၄ ဧပြီ တုန်းက ရ၀မ်ဒါမှာ ဟူတူ နဲ့ တွတ်ဆီတွေ အပြန်အလှန်ဆော်ကြတာကို သိတယ်မလား။ ရက် ၁၀၀ အတွင်း လူ ရှစ်သိန်းကျော် အသတ်ခံကြရတယ်။ ကုလသမဂ္ဂမပြောနဲ့၊ ဘယ်အဖွဲ့အစည်းမှ တားဖို့ အချိန်မရလိုက်ဘူး။ ကလေး၊ မိန်းမ၊ အရပ်သား၊ လူတွေ ကုန်သွားပြီ။ ဒါမျိုး ဒီမှာ မလုပ်ဘူး၊ မဖြစ်နိုင်ဘူးလို့ ဘယ်သူပြောနိုင်သလဲ။ မိတ္ထိလာမှာလည်း ဘယ်သူမှ မတားနိုင်ခဲ့ဘူး။ ကလေးတွေကို အရှင်လတ်လတ် မီးရှို့သတ်ပြခဲ့တာ။ ရဲတွေ တားနိုင်ပေမယ့်၊ လက်ပတန်းမှာ ကျောင်းသားလေးတွေကို နံပတ်တုတ်နဲ့ရိုက်ပြီး တားသလို တားလို့ရလျှက်နဲ့ အထက်အမိန့်မရလို့ မတ်တပ်ရပ်ကြည့်နေခဲ့ကြတယ်။
.
‪#‎အဲဒီအထက်အမိန့်ကိုဘယ်သူပေးနေသလဲ‬။

လက်ပတန်းမှာ ကျောင်းသားတွေကို ရိုက်မိန့်လာတယ်။ လက်ပံတောင်းမှာ မီးဆွမ်းကပ်မိန့်လာတယ်။ မိတ္ထိလာမှာ မတ်တပ်ရပ်ခိုင်းထားတယ်။ ဒီလူသတ်သမားတွေ၊ ကြိုးကိုင်သူတွေဟာ ခုချိန်ထိ လက်မည်းကြီး အမည်ခံပြီး အရှင်လတ်လတ်ကြီး ငုတ်တုတ်ကြီးရှိနေသေးတယ်။ လူ လေး ငါးဆယ်လောက် သတ်ဖူးသူတွေဟာ ပိုသတ်ဖို့လည်း ၀န်မလေးနိုင်ဘူး။ အကြီးကြီးကို လုပ်ပြမှ အပြောင်းအလဲ အကြီးကြီး ဖြစ်သွားမှာ။ ဒီလိုလုပ်ဖို့အတွက် အကွက်ကောင်းကောင်း စောင့်နေတာပဲ ရှိတယ်။ ဒီသင်္ကြန်မှာ ဒီတစ်ချက်ကို ငါ အစိုးရိမ်ဆုံးပဲကွာ လို့ သူက ပြန်ပြောခဲ့ပါတယ်။
.
သူပြောပြတဲ့ ဒီအတွေးအမြင်က ကျွန်တော့်ကို တကယ်ကျောချမ်းစေပါတယ်။ ဖြစ်အောင် ဖန်တီးရင် ဖြစ်သွားနိုင်တာပါပဲ။
.
နံပတ် (၃) က ရွေးကောက်ပွဲ မတိုင်မီ ဒေါ်စု လုပ်ကြံခံရနိုင်တယ်။
ဒီအချက်ကို အရင်ကတွေးဖူးပေမယ့် ဖယ်ထားတာ ကြာနေပါပြီ။ တလောက မြို့တော်ခန်းမရှေ့မှာ လက်ပတ်နီစွမ်းအားရှင်တွေကို ထုတ်သုံးနေသေးတာကို မြင်ကတည်းက အားလုံးဟာ အရင်အတိုင်းပဲ။ ပြောင်းလဲမှု ဘာမှမရှိသေးဆိုတာကို မြင်ကြမယ်။ ပြောင်းလဲမှုအားလုံးရဲ့ အရင်းအမြစ်ဟာ အသက်ဟာ ဒေါ်အောင်ဆန်းစုကြည်ပဲ။ ဒေါ်စုသာ တ်ိမ်းပါးသွားရင် အဖြေဟာ ပြောင်းသွားနိုင်တယ်။ ဒီမှာလည်း ကုလားကို ထိုးကျွေးလို့ ရနိုင်သေးတယ်။ ခဲတစ်လုံးနဲ့ ငှက်နှစ်ကောင်၊ ဒေါ်စုကို သတ်တာ ကုလားပါခင်ဗျာ။ ကုလားရုပ်ခံလေးနဲ့ ပြီးသွားပြန်ပြီ။ ဒါပေမယ့် မဖြစ်နိုင်လောက်သလို မဖြစ်ပါစေနဲ့လို့ ငါ ဆုအတောင်းဆုံးပဲ။ နိုင်ငံတကာက မျက်လုံးဒေါက်ထောက် ကြည့်နေတဲ့ကြားက အလုပ်ခံရရင် ဘယ်သူတွေ အမြတ်ထွက်မလဲ။ ရွေးကောက်ပွဲ ချိန်ခွင် အနည်းနဲ့ အများအပြောင်းအလဲ ဖြစ်သွားနိုင်တယ်။ ဒါကြောင့် ဒီတစ်ချက်ကို ငါ ခဏခဏ ပြန်ပြီး စဉ်းစားမိတယ်လို့ ပြန်ပြောခဲ့ပါတယ်။

အားလုံး ပြန်သုံးသပ်ကြည့်ရင် ရွေးကောက်ပွဲကို နိုဝင်ဘာမှာ လုပ်ရင် ရှုံးမယ်။ ရွေးကောက်ပွဲကိုလည်း ကျင်းပကို ကျင်းပပေးရတော့မယ်။ ရွေးကောက်ပွဲ ရက်ထွက်နေပြီ။ ဒါပေမယ့် ရှုံးလို့ကို မရဘူး။ ရှုံးရင် အာဏာ လွှဲပေးလို့ မရဘူး။ ဒါကသေချာတယ်။ ရှုံးတာနဲ့ သူတို့ ကျူးလွန်ခဲ့တဲ့ ရာဇ၀တ်မှုတွေဟာ အကုန်ပေါ်လာမှာ။ မျိုထားသမျှ ပြန်လျော်ရမှာ။ ဒါလည်းသေချာနေပြန်တယ်။ ဒါတွေက ထွက်လာနိုင်ဖို့ ထွက်ပေါက်လိုတယ်။ သရေလောက်ဆို မဆိုးဘူး။ သူတို့ ခု လုပ်နေသမျှဟာ သရေလောက်ရဖို့၊ ၅၀-၅၀ လောက် ရဖို့ မှန်းပြီး လုပ်နေကြတဲ့ အကွက်တွေချည်းပဲ။ စစ်တပ်က တမတ်နဲ့ပေါင်းပြီး ၅၀-၆၀ ကျော်နိုင်ရင် သူတို့အသက်ရှိဦးမယ်။
.
NLD က ကျေအေးပါတယ်၊ အာဃာတ မထားဘူးလို့ အလကားအော်နေခဲ့တာမှ မဟုတ်ဘဲ။ သူတို့ ဘာကို စိုးရိမ်နေသလဲဆိုတာတွေကို NLD က သေသေချာချာကြီးကို သိထားတယ်။ ဒါကြောင့် NLD နိုင်ရင် သူတို့ကို ဘာမှ ပြန်မလုပ်ပါဘူးလို့ ဖွင့်ဟထားသလို သူတို့ဖက်ကလည်း နောက်ကြောင်းပြန် အရေးယူလို့ မရအောင် ဥပဒေကို အဆင့်ဆင့် ချုပ်ထားတယ်။ စစ်တပ်က တမတ်ဖိုးပါနေသေးတာ ဒီအချက်ကြောင့်ပဲ။ မျိုထားသမျှ ပြန်မအန်ရအောင် လုပ်ထားတာတွေချည်းပဲကွာ။ ဒါပါပဲ။ နိုင်ငံရေး အစစ်အမှန်တွေ မဟုတ်ကြပါဘူး။
.
မင်းကို ပြောပြတဲ့ ငါ့အမြင်တွေကလည်း ‪#‎မှန်းဆချက်တွေပါပဲ‬။ မှန်းတာဖြစ်တဲ့အတွက် ဖြစ်ချင်လည်း ဖြစ်လာနိုင်တယ်။ လွဲသွားတာလည်း ဖြစ်နိုင်မယ်။ ကောင်းတဲ့ အပြောင်းအလဲ ဖြစ်လာနိုင်ဖို့ ဆုတောင်းရတာလည်း အမောပါပဲကွာ။ ကောင်းတဲ့ တိုးတက်ပြောင်းလဲမှုတွေကိုပဲ မြင်ချင်ပါတယ်။ ငါလည်း မင်းတို့တွေကို ဒီမက ပြောချင်တာတွေ ရှိနေသေးတယ်။ ခုတော့ ငါလည်း ပြန်ရဦးမယ်ကွ။
.
ဟုတ်ကဲ့ပါခင်ဗျာ။ နောက်တွေ့ချင်ပါသေးတယ်။ စကားပြောရတာ အင်မတန်ဗဟုသုတရစေပါတယ်။ ကျေးဇူးပါပဲ။
.
စကားဝိုင်းအမည်ခံပေမယ့်လည်း နားထောင်သက်သက်ဖြစ်ခဲ့ရတဲ့ စကားဝိုင်းလေး အပြီးမှာ ကျန်ခဲ့သူတွေဟာ စကားဆက်ပြောစရာ မကျန်တော့သလိုပါပဲ။ အဲဒီ ရဲမှူးကြီးနဲ့ ပြောခဲ့သမျှကို အတွေးထဲမှာပဲထားဖို့၊ မရေးဖို့ ဆုံးဖြတ်ထားပေမယ့် မနေ့ မနက်ပိုင်းက ရခိုင်သူပုန်နဲ့ စစ်တပ်ချကြတဲ့သတင်းကိုလည်း ကြားရော၊ ငါတို့အန်ကယ်ကြီးပြောတာ တစ်ချက်တော့ ပက်ပင်းလက်ငင်း ထိပဟလို့ တွေးမိရင်း သူ့အမြင်အချို့လို့ပဲ ရိုးရိုးရှင်းရှင်း မှတ်ပေးကြဖို့ ပြောပြခဲ့သမျှ ရေးချလိုက်ရပါတယ်။

ဆွေမွန်
၃၀ မတ်လ ၂၀၁၅

March 30, 2015
အလင်း နဲ့ အမှောင်ကြားက အာဆီယံခေါင်းဆောင်တစ်ဦး

မတ် ၂၄ ၊ ၂၀၁၅
M-Media
ဆွေမွန်ရေးသည်။

.
ဗိသုကာကြီး လီကွမ်းယူ၊ စင်္ကာပူရဲ့ ပထမဆုံး ၀န်ကြီးချုပ်၊ ခေတ်မီစင်္ကာပူကို တည်ဆောက်ခဲ့သူ စသည်ဖြင့် လီကွမ်ယူအကြောင်း အကောင်းရေးကြသူများပါတယ်။ အကောင်းရေးကြရအောင်လည်း သူ့လုပ်ရပ်တွေ (အများစု)က စင်္ကာပူနိုင်ငံကို တိုးတက်စေဖို့ ကိုယ်စားပြုနိုင်ခဲ့တယ်လို့ ဆိုနိုင်ပါတယ်။
.
အခြားတဖက်ကို ကြည့်ရင် သူဟာ တရုတ်မျိုးရိုး အစစ်ပါပဲ။ စင်္ကာပူနိုင်ငံမဖြစ်သေးတဲ့ စင်္ကာပူကို ၀င်လာတာ မျိုးရိုး လေးဆက်ပဲ ရှိပါသေးတယ်။ ကွမ်းတုံသားပါ။ ၁၈၆၃ မှာ တရုတ်က သူ့ဘိုးဘွားတွေ စင်္ကာပူကို အခြေချပြောင်းဝင်လာခဲ့တယ်။ British Education ကို ဖြစ်ဖြစ်မြောက်မြောက်တတ်ကျွမ်းတာရယ်၊ PAP ပါတီကတဆင့် နိုင်ငံရေးလမ်းကြောင်းကို ပါးပါးနပ်နပ် ရွေးချယ်ခဲ့တာတွေရယ်၊ အင်္ဂလိပ်လက်အောက်ခံ၊ ဂျပန်လက်အောက်ခံ၊ မလေးရှားလက်အောက်ခံတွေ ဖြစ်ခဲ့ပြီး ၁၉၆၅ မှာ မလေးက ခွဲထွက်ကာ စင်္ကာပူကို ကမ္ဘာ့အဆင့် အာရှကျားတစ်ကောင် ဖြစ်လာစေတာတွေက သူ့ကို အသိအမှတ် မပြုလို့ မရတဲ့အကြောင်းအရာတွေပါ။ မလေးကနေ စင်္ကာပူကို ခွဲထုတ်ခဲ့တဲ့အပိုင်းဟာ စိတ်ဝင်စားဖို့ အကောင်းဆုံးပါ။ လူ ၂၀ လောက်ပဲ အသေအပျောက်ရှိတဲ့ လူမျိုးရေးအဓိကရုဏ်းတစ်ခုကို အကြောင်းပြုပြီး စင်္ကာပူခွဲထွက်ခဲ့တယ်။ ဒီနေရာကို သေချာလေ့လာကြည့်ရင် စိတ်ဝင်စားစရာ အများကြီး၊ နောက်ဆက်တွဲ တွေးစရာတွေအများကြီး ရှိနေတာကို တွေ့ကြရပါမယ်။
.
တကယ်တိုးတက်သင့်တဲ့ ပင်မနိုင်ငံ မလေးရှားက မတိုးတက်ဘဲ စင်္ကာပူက ကျော်တက်လာရတဲ အကြောင်းအရာတွေ၊ မလေးကို ယှဉ်နိုင်ဖို့ မလေးရဲ့ပြိုင်ဖက် ဆူကာနိုရဲ့ အင်ဒိုနဲ့ ပြေးကပ်ခဲ့တဲ့ အကြောင်းတွေ၊ အာဆီယံကို ထူထောင်ခဲ့တဲ့ အကြောင်းတွေအပြင် အာရှသားတွေ ကမ္ဘာကကို ရင်ဘောင်တန်းနိုင်ဖို့ သူကြိုးစားခဲ့တာတွေကို ပိုပြီး လေ့လာသင့်ကြပါတယ်။
.
သူနဲ့ခေတ်ပြိုင် မြန်မာနိုင်ငံက တစ်တိုင်းပြည်လုံးမွဲ၊ သူ့မိသားစုတစ်စုတည်း ကျိကျိတက်ချမ်းသာတဲ့ (၁၉၈၄ လောက် နယူးစ်ဝိခ်လား တိုင်းလား၊ မဂ္ဂဇင်းတစ်စောင်မှာ ထင်မိတယ်။ သေချာ မမှတ်မိတော့။ ကမ္ဘာ့အချမ်းသာဆုံးနံပတ် ၆ ၀င်အောင် တိုင်းပြည်တာဝန်ထမ်းဆောင်ခဲ့တဲ့) ဦးနေ၀င်း၊ ( ခုချိန်ထိ သူ့မြေးတွေ ဒေါ်လာကို ဘီလီယံလို်က် ချမ်းသာကြသေးတယ်။) ဖိလစ်ပိုင်ဖက်မှာဆိုရင် အတိုက်အခံခေါင်းဆောင် အကွီနိုကို အနီးကပ်သတ်ပစ်ခဲ့တဲ့အပြင် ပြည်သူ့ဘဏ္ဍာအကုန်ဘုံးခဲ့တဲ့ သမ္မတ ဖာဒီနန်မားကို့စ်နဲ့ သူ့ကတော် ဖိနပ်အရံ ၂၀၀၀ ပိုင်ရှင် အီမယ်လ်ဒါမားကို့စ်တို့ထက်စာရင် လီကွမ်းယူဟာ နိုင်ငံဘဏ္ဍာကို ဘုံးချင် ခိုးချင်တဲ့သဘော မရှိခဲ့ပေမယ့် သူ့အာဏာတည်မြဲဖို့ အတွင်းစည်းဝိုင်းကို သူ့မိသားစုကိုပဲ ရွေးခဲ့တယ်။
.
မလေးရှားက အတိုက်အခံခေါင်းဆောင် အန်န၀ါ အီဗရာဟင်လို နိုင်ငံရေးပြိုင်ဖက်တွေကို အပြတ်ဖြုတ်တတ်တဲ့ မဟာသီ၊ ထိုင်းက အာဏာသိမ်းနိုင်လွန်းပြီး ပြန်ဆင်းမပေးချင်တဲ့ စစ်တပ်အဆက်ဆက်ရဲ့ ပင်မဆရာကြီး ဗိုလ်ချုပ်ကြီးချာဗလစ်ယောင်ချိုင်ယုဒ် (ဦးနေ၀င်းက အကိုကြီးလို့ ခေါ်ဖူးသေး) တို့လိုပဲ နိုင်ငံရေးအာဏာနဲ့ပတ်သက်လာရင် ဘယ်သူ့ကိုမှ မညှာတာခဲ့ပါဘူး။ နိုင်ငံရေးလမ်းကြောင်းမှာ အတိုက်အခံဟူသမျှ နှိပ်ကွပ်ခဲ့တဲ့ အာဏာရှင်အစစ်ပါ။ သူ့ကို အတိုက်အခံလုပ်သူတွေကို အမှုမစစ်ဘဲ ထောင်ချပစ်ခဲ့တယ်လို့ သူကိုယ်တိုင်ဝန်ခံဖူးပါတယ်။
.
ဒါ့အပြင် အာဏာပိုင်ဆိုင်ခြင်းကတဆင့် ရလာတဲ့ ဆင့်ပွားအခွင့်အရေးတွေကို မိသားစုလိုက် လက်ဝါးကြီးအုပ်ခဲ့တယ်လို့ ပြောနိုင်တယ်။ သားအကြီးဆုံးဖြစ်သူ လက်ရှိဝန်ကြီးချုပ် လီရှန်လွန်းကို ၀န်ကြီးချုပ်နေရာအတွက် ကြိုလျာထားခဲ့သလို သူ့နောက်က ဂိုချောက်တောင်ကိုလည်း သူပဲ ရွေးခဲ့တယ်။ ဒါပေမယ့် ဂိုချောက်တောင်ဟာ လီကွမ်းယူအရိပ်ကို မကျော်နိုင်ခဲ့ပါဘူး။ လီကွမ်းယူရဲ့ အရုပ်သာသာအဆင့်ပဲ ဖြစ်ခဲ့တယ်။ ၀န်ကြီးချုပ်နေရာကို သားအကြီးဆုံးဖြစ်သူ လီရှန်လွန်းက ၂၀၀၄ မှာ ရယူခဲ့သလို၊ သားအငယ် လီဆင်ယန်းဟာလည်း စင်္ကာပူစစ်တပ်မှာ ဗိုလ်မှူးချုပ်အဆင့်၊ နောက်ပိုင်းမှာ Sing Tel ရဲ့ CEO နဲ့ ဥက္ကဋ္ဌ ဖြစ်ခဲ့တယ်။ ညီကိုနှစ်ဦးလုံးဟာ Cambridge တက္ကသိုလ်ဆင်းတွေ၊ စင်္ကာပူစစ်တပ်မှာ ဗိုလ်မှူးချုပ်အဆင့်တွေချည်းပါပဲ။ ညီဖြစ်သူဟာ ခုချိန်မှာ Fraser and NeaveLtd မှာ ဥက္ကဋ္ဌလုပ်နေတဲ့အပြင် the Civil Aviation Authority of Singapore (CAAF) မှာလည်း အကြီးဆုံးရာထူးယူထားပါတယ်။ လီကွမ်းယူရဲ့သမီး လီဝေလင်းဟာ the National Neuroscience Institute ကို လုပ်ပိုင်ခွင့်ရထားသလို ၀န်ကြီးချုပ်လီရှန်လွန်းရဲ့ မိန်းမ Ho Ching ဟာလည်း Temasek Holdings ရဲ့ CEO နဲ့ Executive Director တစ်ဦးပါ။
.
ဒီအကြောင်းတွေမတိုင်မီမှာလည်း လီကွမ်းယူကို ဆက်ခံခဲ့တဲ့ ဂိုချောက်တောင်နဲ့ လီရှန်လွန်းကို ဝေဖန်ခဲ့တဲ့ The New York Times ကပိုင်တဲ့ the International Herald Tribune သတင်းစာကို Philip Bowring အမည်ရ သတင်းစာဆရာတစ်ဦးရေးတဲ့ ‘All in the Family’ ဆောင်းပါးဟာ စင်္ကာပူကို ထိခိုက်စေတယ်လို့ ခေါင်းစဉ်တပ်ပြီး တရားစွဲခဲ့တဲ့အတွက် သတင်းစာတိုက်ဖက်က အမေရိကန်ဒေါ်လာ ၁၁၄၀၀၀ လောက် အလျော်ပေးခဲ့ရပါသေးတယ်။
.
သူ့ရဲ့ PAP ပါတီအကြောင်းဟာလည်း စိတ်ဝင်စားစရာပါ။ အခြားအာဆီယံခေါင်းဆောင်တွေနဲ့မတူတာက နိုင်ငံတိုးတက်လာအောင် လုပ်ပြနိုင်ခြင်းပါပဲ။ အခြားအာဆီယံခေါင်းဆောင်တွေထက်စာရင် လီဟာ အပုပ်နံ့နည်းပါတယ်။
.
နိုင်ငံ့ပုံရိပ်တိုးတက်လာတာနဲ့အမျှ သူ့ရဲ့မကောင်းကြောင်းတွေဟာ နောက်ကို ရောက်ကုန်ပါတယ်။ သူ့ရဲ့အထင်ကြီးစရာ မူဝါဒတစ်ခုက စင်္ကာပူကို multiculture ယဉ်ကျေးမှုပေါင်းစုံထွန်းကားရာ၊ လူမျိုးပေါင်းစုံ လွတ်လပ်စွာနေထိုင်နိုင်စေရာ ဂေဟာတစ်ခုအဖြစ်ကို ကျင့်သုံးနိုင်ခဲ့ခြင်းပါပဲ။ ဒါကြောင့် နိုင်ငံတကာက လူမျိုးပေါင်းစုံဟာ စင်္ကာပူမှာ နေထိုင်ခွင့်၊ ပညာသင်ယူခွင့်၊ လူနဲ့တူတန်စွာ ကိုယ်ကြိုးစားရင် ကြိုးစားသလောက် တိုးတက်ခွင့်တွေ ရလာစေတယ်။ ဘာသာရေးကို လုံးဝ မပိတ်ပင်ဘူး။ ချပ်ခ်ျ၊ ဘုန်းကြီးကျောင်း၊ ဗလီ၊ ဟိန္ဒူဘုရားကျောင်းတွေအားလုံးဟာ တားဆီးမှု တစ်စုံတစ်ခုမရှိဘဲ လွတ်လပ်ခွင့် အပြည့်ပေးခဲ့တယ်။ ဒီအချက်ဟာ အာဆီယံဘယ်နိုင်ငံထက်မဆို အနောက်နိုင်ငံတွေကို သည်းခြေကြိုက်ဖြစ်စေတဲ့ အချက်ပါပဲ။ စည်းကမ်းနဲ့ပတ်သက်ရင် အလျှော့မပေးဘူး။ အနောက်နိုင်ငံသားတွေကိုတောင် ကြိမ်ဒဏ်ပေးခဲ့တဲ့ သာဓကတွေ အများကြီးပါ။ ကားဆေးမှုတ်မိလို့ ကြိမ်ဒဏ်မိတဲ့ မိုက်ကယ်ဖေးကိစ္စဆိုရင် ကမ္ဘာကျော်ခဲ့တယ်။
.
ဖတ်စရာတွေ ကျန်ဦးမှာပါ။ ကောင်းတာတွေရဲ့ တဖက်က အမှောင်ရိပ်သန်းတဲ့ လီကွမ်းယူအကြောင်းတွေဟာ အများကြီးရှိနေဦးမှာပါ။ ဒါပေမယ့် အလင်းအများကြီးထွက်တဲ့ မီးရောင်လိုမျိုး အမှောင်အများအပြားကို ဖယ်ရှားကာ သူ့နိုင်ငံသားတွေရဲ့ ကောင်းကျိုးတွေကို အများဆုံး လုပ်နိုင်ခဲ့လို့သာ သေဆုံးချိန်မှာ အမည်ကောင်းလေး ရခဲ့တယ်လို့ပဲ ဆိုချင်ပါတယ်။
.
ဆွေမွန်
၂၃ မတ်လ ၂၀၁၅

March 24, 2015
၂၀၁၅ ‎ရွေးကောက်ပွဲ မရှိလောက်တော့ဘူးလား?

မတ် ၁၂ ၊ ၂၀၁၅
M-Media
ဆွေမွန်ရေးသည်။

မတ်လထဲ ကျောင်းသားသပိတ်ကို ရန်ကုန်နဲ့ လက်ပတောင်းမှာ ဦးသိန်းစိန် အစိုးရက အကြမ်းဖက်ဖြိုခွင်းမှုလုပ်ရပ်ဟာ တကယ်ကို အကျည်းတန်ခဲ့ပါတယ်။

ရွေးကောက်ပွဲ ကျင်းပဖို့ ကြားမှာ ၇ လပဲ ကျန်ချိန်မှာ… အာဏာရ ကြံ့ဖွံ့ ပါတီ က ရွေးချယ်တင်မြောက်ထားတဲ့ အစိုးရ ဘာကြောင့်ဒီလိုလုပ်ရသလဲ။

ပြည်သူ့ထောက်ခံမှုကို အသည်းအသန် ရှာဖွေပြရမယ့်အချိန်မှာ… ကြံ့ဖွံ့ အစိုးရ ဘာကြောင့်ဒီလိုလုပ်ရသလဲ။

ပြည်သူနဲ့ တသားတည်းဖြစ်ကြောင်း ပြသရမယ့် အချိန်မျိုးမှာ .. .ကြံ့ဖွံ့ အစိုးရ ဘာကြောင့်ဒီလိုလုပ်ရသလဲ။

ပြည်သူတွေ ကျောင်းသားတွေ သံဃာတွေကို တမင်အကြောင်းရှာ ရိုက်နှက်ပြကာ အခြေအနေ မဆိုး ဆိုးအောင် ဖန်တီးနေတဲ့ ဒီအစိုးရဟာ ရွေးကောက်ပွဲ မပျက် ပျက်အောင် လုပ်နေတာလား ဒါမှမဟုတ် ရွေးကောက်ပွဲ မကျင်းပတော့ဘူးလား။
.
၂၀၁၀ တုန်းက ဒီအချိန်မှာ လမ်းတွေကို ကွန်ကရစ် ဇွတ်ခင်းပြ။ ငွေချေးပြီး မဲရအောင် ဆွယ်ကြ၊ ကြံ့ဖွတ်ရုံးတွေမှာ ဖြိုးစေတနာဆေးခန်းတွေ ဖွင့်ပြကြ။ အချို့နေရာတွေဆို လမ်းတစ်ခြမ်းခင်းပြီး ရွေးကောက်ပွဲ မဲစရန်သတ်တာတွေတောင် ရှိခဲ့ပါရဲ့။ ဒါက မဲလိုချင်လို့ လုပ်ကြတာ။ သဘာဝ ကျသေးတယ်။

ခု ၂၀၁၅ ရောက်မှ ပြည်သူ၊ ကျောင်းသား၊ ဘုန်းကြီးတွေကို လမ်းပေါ်မှာပဲ နေ့ခင်းကြောင်တောင် ရိုက်နှက် ထုနှက်ပြီး မဲ မလိုချင်ကြောင်း၊ မဲကို လုံးဝ ဂရုမစိုက်ကြောင်း ပြသခဲ့ကြပြီ။

ရွေးကောက်ပွဲတကယ်သာ ရှိရင်လည်း သူတို့ကို သေချာပေါက် ထောက်ခံမှု ကျဆင်းစေမယ့် အလုပ်ကို ကြံဖန်ပြီး လုပ်စရာအကြောင်းကို မရှိဘူး။

ဒီအခြေအနေနဲ့ ရွေးကောက်ပွဲလုပ်ရင်လည်း ဘာရလဒ်ထွက်မယ်ဆိုတာ မသိလောက်အောင် ဒီလူတွေ မတုံးကြဘူး။

တွေးကြည့်စရာ များများမရှိပါဘူး။

ကျောင်းသားတောင်းဆိုတာကို ပေးလိုက်ရင် သူတို့ကို ထောက်ခံမယ့်လူတွေ ဒုနဲ့ဒေးဖြစ်လာနိုင်တဲ့ မဖန်ဘဲဖြစ်လာတဲ့ ဂွင်ကြီးကို ဘာကြောင့် ကန့်လန့်တိုက် အမုန်းပွားအောင် လုပ်လိုက်ကြသလဲ။

ဒီကြားထဲမှာ ကုလားဖက်ကို အတင်းအကျပ် အကြောင်းမဲ့ ဂွင်ဖန်ဆွဲလှည့်တာတို့၊ အဓိကရုဏ်း တမင် ဖန်တီးလာတာတို့ကို ထပ်တွေ့ရရင်တော့ သေချာသလောက်ရှိပြီ။ ရွေးကောက်ပွဲ ဘယ်လိုမှ မရှိနိုင်တော့ဘူး။ အဖြေကို ကြိုတင် သိနိုင်ပါလျှက် ရွေးကောက်ပွဲ လုပ်ပေးရလောက်အောင်လည်း ဒီလူတွေ နုံကြမယ် မထင်မိ။

တကယ်လို့များ ခင်ဗျားသာ ဦးသိန်းစိန်နေရာမှာဆို ဒီအခြေအနေကြီးမှာ ဘယ်အကွက်ဆက်ရွှေ့မလဲဗျ။ သေးသေးလေးတော့ မစဉ်းစားနဲ့နော်။ ဒီလူတွေက အမြင်တစ်ခုပြောင်းဖို့ မြို့တွေကို မီးရှို့ပစ်ဖို့၊ လူတွေကို သတ်ဖြတ်ဖျက်ဆီးဖို့ ၀န်လေးသူတွေ မဟုတ်ကြဘူး။

တခုခုကိုတော့ ဒီကြားထဲမှာ ထိုးကျွေးကို ထိုးကျွေးပါတော့မယ်။ ထိုးကျွေးခံရမယ့် သားကောင်က ဘယ်သူဖြစ်မလဲသာ မသိရသေးတာ။

ပြည်သူဖက်ကလည်း ဘာတခုမှ မပြင်ရသေးဘူး။ ၅၉(စ) ပျောက်၊ ၄၃၆ ပြင်ဖို့ လှုပ်ရှားမှုပျောက်၊ လယ်တီသိမ်ပျောက်၊ ခေါင်းလောင်းကြီးပျောက်၊ ကိုပါကြီးပျောက်၊ ဒေါ်ခင်ဝင်းပျောက်၊ ကချင်ဆရာမလေးနှစ်ယောက်ပျောက်၊ အကုန်ပျောက်၊ အစိုးရ ကကွက်ထဲမှာ စီးမျောနေကြတုန်း။

နောက်လာမယ့် ၇ လတာမှာ မြန်မာ့အရေး ဘာဖြစ်လာနိုင်မလဲ။ အဖြေတွေလည်း အမျိုးမျိုးဖြစ်နိုင်ပါတယ်။

ကျွန်တော်တစ်ဦးတည်း အမြင်ကတော့ ရွေးကောက်ပွဲ မရှိလောက်တော့ဘူး ထင်မိတယ်ဗျ။ ရွေးကောက်ပွဲရှိခဲ့ရင်တောင် ဒေါ်အောင်ဆန်းစုကြည် အတွက် ဘာမှမပါတဲ့၊ ဒေါ်အောင်ဆန်းစုကြည် ဘာမှဖြစ်မလာနိုင်တဲ့ ရွေးကောက်ပွဲဖြစ်လာအောင် ကြားထဲမှာ ဖြစ်ရပ်တွေကို ဖန်တီး၊ အချိန်ဆွဲ လှည့်ပတ်ကာ နိုဝင်ဘာ မရောက်ရောက်အောင် ဆွဲဆန့်နေကြသလားလို့။

ပြည်သူတွေလည်း ပစ်မှတ်ပျောက်ကာ မှုန်ဝါးဝါးပါတီရဲ့ ၀ါးတားတားခေါင်းဆောင်နောက်မှာ မပြတ်မသားရပ်နေကြတုန်း။

Photo Credit- BBC,Reuters

March 12, 2015