Tag: Sydney siege

ဒီဇင်ဘာ ၁၈ ၊ ၂၀၁၄
M-Media

– အီရန်ဖွား သြစတေးလျနိုင်ငံသားတစ်ဦး ဆစ်ဒနီမြို့ရှိ ကော်ဖီဆိုင်တစ်ခုကို အပိုင်စီး၍ စားသုံးသူများအား ဓားစားခံလုပ်ထားခဲ့သည့် သတင်းများ ပြန့်နှံ့ခဲ့ပြီးနောက် ထိုအရေးအား ပြေလည်ရန်အတွက် မွတ်စလင်များကလည်း အာဏာပိုင်များအား အကူအညီများပေးကာ ပူးပေါင်းဆောင်ရွက်ခဲ့သည်ဟု သိရသည်။

`ကျွန်တော်တို့တတ်နိုင်တဲ့နည်းလမ်းနဲ့ ကူညီချင်ခဲ့ပါတယ်။ ဒါဟာ ကျွန်တော်တို့ လုပ်ရမယ့် တာဝန်ဆိုတာ ကျွန်တော်တို့ သိပါတယ်´ ဟု သြစတေးလျ မွဖ်သီချုပ် ဒေါက်တာ အီဗရာဟင် အဘူ မိုဟာမက်၏ ပြောရေးဆိုခွင့်ရှိသူက Sydney Morning Herald သတင်းစာသို့ ဒီဇင်ဘာ ၁၆ ရက်နေ့တွင် ပြောကြားခဲ့သည်။

တနင်္လာနေ့က ဖြစ်ပွားခဲ့သည့် အဆိုပါ အပိုင်စီးမှုတွင် ပြည်သူ ၁၅ ယောက်မှ ၃၀ အကြား ဓားစာခံဖြစ်ခဲ့ပြီး ထိုသတင်းပြန့်နှံ့သွားပြီးနောက် အဘူ မိုဟာမက်က အခြေအနေ ငြိမ်းချမ်းသွားစေရန် ကော်ဖီဆိုင်အား အပိုင်စီးထားသူနှင့် ညှိနှိုင်းပေးသွားမည်ဟု ကမ်းလှမ်းခဲ့သည်။

ထိုကဲ့သို့ အာဏာပိုင်များအား ကူညီမှုမှာ ၎င်းတစ်ဦးတည်းမဟုတ်ဘဲ ဆစ်ဒနီရှိ အခြား ရှေ့ဆောင်ဆရာတော်များကလည်း လိုအပ်သမျှသော၊ ၎င်းတို့ တတ်နိုင်သမျှသော အကူအညီများကို ပေးအပ်သွားရန် အာဏာပိုင်များအား ကမ်းလှမ်းခဲ့သည်။

အပိုင်စီးသမား ဟာရွန် မိုနစ်နှင့် တစ်ချိန်က သိကျွမ်းဖူးသည့် မမ်ဒူ ဟာဘစ်ကမူ ရဲတပ်ဖွဲ့သို့ ဖုန်းခေါ်ကာ မိုနစ်အား တည်ငြိမ်အောင် ကြိုးစားဆောင်ရွက်ပေးမည်ဟု ပြောကြားခဲ့သည်။

`သူက နေကောင်းတဲ့သူတစ်ယောက် မဟုတ်ပါဘူး။ ကျွန်တော်သူ့ကိုသိပြီး သူ့စိတ်ကို တည်ငြိမ်လာဖို့ စကားတွေလည်း အရင်က ပြောခဲ့ဖူးပါတယ်။ တစ်ခုခုကြိုးစားပေးဖို့ ကျွန်တော် ဆန္ဒရှိခဲ့ပါတယ်´ ဟု ဟာဘစ်က Fairfax မီဒီယာသို့ ပြောကြားခဲ့သည်။

ကူညီမှုများ

အချို့သော မွတ်စလင်များကလည်း ရဲတပ်ဖွဲ့သို့ ဖုန်းခေါ်ဆိုမှုများ ပြုလုပ်ခဲ့ပြီး ၎င်းတို့ထံမှ အကူအညီလိုပါက ရယူနိုင်ကြောင်း အသိပေး  အကြောင်းကြားခဲ့သည်။

`ဘာသာရေးအဆင့် ဒါမှမဟုတ် ယဉ်ကျေးမှုအဆင့်နဲ့ပတ်သက်ပြီး ဒီလူကို ပြောနိုင်တဲ့လူက ကျွန်မတို့ လူ့အဖွဲ့အစည်းက လူပဲဖြစ်တယ်လို့ တွေးခဲ့ပါတယ်။ ကျွန်မတို့က အန္တရာယ်ကင်းဖို့နဲ့ နိုင်ငံအတွင်းမှာ ငြိမ်းချမ်းရေးကို ပြန်လည်ယူဆောင်လာဖို့အတွက် ကိုယ့်အလုပ်ကို လုပ်ချင်ခဲ့ပါတယ်´ ဟု ဒေသခံတစ်ဦးဖြစ်သူ ရေဘက်ကာကေးက ပြောကြားခဲ့သည်။

ထိုကဲ့သို့ အပိုင်စီးထားသည့် အချိန်အတွင်း သြစေတြေးလျပြည်သူများကလည်း ထိုလုပ်ရပ်နှင့် မဆိုင်သော မွတ်စလင်များ ထိခိုက်နစ်နာမှုများ မရှိစေရန်နှင့် သြစတေးလျရှိ မွတ်စလင်လူ့အဖွဲ့အစည်းအား အားပေးကူညီရန်အတွက် IllRideWithYou လှုပ်ရှားမှုကို Twitter စာမျက်နှာတွင် ပြုလုပ်ခဲ့သည်။

ထိုလှုပ်ရှားမှုအား ကမ္ဘာတစ်ဝှမ်းမှ ပြည်သူများက ပါဝင်ခဲ့ကြပြီး ဗြိတိန်ရှိ ပထမဆုံး မွတ်စလင်ဝန်ကြီးဖြစ်သူ ရှာဟစ်မာလစ်ကလည်း ထိုလှုပ်ရှားမှုအား ချီးကျူးခဲ့သည်။

`အဲဒီလှုပ်ရှားမှုက အားလုံးကို ကိုယ်စားပြုပြီး လူသားဝါဒအတွက်လည်း ကောင်းမွန်တဲ့ လှုပ်ရှားမှုပါပဲ။ ပြီးတော့ သြစတေးလျပြည်သူတွေရဲ့ တုံ့ပြန်မှုအတွက် ကျွန်တော်တကယ့်ကို လေးစားအားကျမိပါတယ်။ ဒီလို စပ်ဆုပ်ဖွယ်ကောင်းတဲ့ လုပ်ရပ်တွေကို ကျူးလွန်သူတွေရဲ့ ရည်ရွယ်ချက်က လူ့အဖွဲ့အစည်းအတွင်းမှာ ခွာပြဲဖို့၊ ရန်ဖြန်ကြဖို့ သပ်လျှိုတာသာ ဖြစ်ပါတယ်။ (ပြည်သူတွေရဲ့) အံ့သြဖွယ်ကောင်းလောက်တဲ့ ရင့်ကျက်မှုနဲ့ တူညီတဲ့ စိတ်သဘောထားတွေက အဲဒီလူတွေ မအောင်မြင်ဘူးဆိုတာ သေချာသွားစေပါတယ်´ ဟု မာလစ်က ပြောကြားခဲ့သည်။

အဆိုပါပြန်ပေးဆွဲမှုဟာ ၁၆ နာရီကျော် ကြာခဲ့ပြီး နောက်ဆုံး ပြန်ပေးသမားနဲ့ ဓားစာခံတွေထဲက ၂ ယောက် စုစုပေါင်း ၃ ယောက်သေဆုံးခဲ့ပါတယ်။

ref_ OnIslam

ဒီဇင်ဘာ ၁၆ ၊ ၂၀၁၄
M-Media

– ဆစ်ဒနီမြို့၏ စီးပွားရေးဆိုင်ရာ အချက်အချာကြသည့် မာတင်ပလေ့စ်ဒေသရှိ ကော်ဖီဆိုင်တစ်ခုတွင် သေနတ်သမား တစ်ဦးက ပြန်ပေးဆွဲမှုဖြစ်ပွား ခဲ့ပြီးနောက် ပေါ်ပေါက်လာသည့် မွတ်စလင်ဆန့်ကျင်ရေး လှုံ့ဆော်မှုကို တုံ့ပြန်ရန်၊ နိုင်ငံအတွင်းရှိ မွတ်စလင်လူ့အဖွဲ့အစည်းနှင့် တစ်သားတည်းရှိနေမှုကို ပြသရန် ရည်ရွယ်၍ သြစတေးလျ ပြည်သူများက ဆိုရှယ်မီဒီယာများတွင် လှုပ်ရှားမှုများ ပြုလုပ်နေသည်ဟု သိရသည်။

ထိုကဲ့သို့ ပြန်ပေးဆွဲမှု ဖြစ်ပွားခဲ့ပြီးနောက် သြစတေးလျရှိ အများပြည်သူသုံး ပို့ဆောင်ရေး လိုင်းများတွင် မွတ်စလင်များအား ရည်ရွယ်သည့် လူမျိုးရေး ခွဲခြားမှုများ ဖြစ်ပေါ်လာ ခဲ့သည်ဟု သတင်းများထွက်ပေါ်လာခဲ့ပြီး ထိုလုပ်ရပ်များအား တုံ့ပြန်ရန်အတွက် သြစတေးလျ ပြည်သူများက Twitter စာမျက်နှာတွင် #illridewithyou ဟူသော စာတန်းဖြင့် လှုပ်ရှားမှုတစ်ခု ပြုလုပ်ခဲ့သည်။

အဆိုပါ ကမ်ပိန်းရဲ့ သဘောမှာ ပြန်ပေးမှုနောက်ဆက်တွဲကြောင့် လူနည်းစု ဘာသာဝင်တွေ အလုပ် သွား၊ ကျောင်းသွားချိန်မှာ  တန်ပြန် လက်စားချေမှု အတွက် စိုးရိမ် သောက ရောက်၊ စိတ်မလုံခြုံမှု မဖြစ်စေဖို့ သူတို့နဲ့ အတူ ရထားစီး၊ ကားစီး အတူ သွားပေးဖို့၊ ကားကြုံတွေ တင်ဖို့ ဆော်သြတဲ့ လှုပ်ရှားမှုပါ။

မွတ်စလင်များအား အားပေးရန်နှင့် တစ်သားတည်းရှိရန် ရည်ရွယ်သည့် ထိုလှုပ်ရှားမှုမှာ သြစတေးလျတစ်ဝှမ်းနှင့် ကမ္ဘာတစ်ဝှမ်းရှိ Twitter သုံးစွဲသူများအကြား ပြန့်နှံ့ခဲ့ပြီး မွတ်စလင်များ အနေဖြင့် လှုံ့ဆော်မှုများကို မကြောက်ကြရန်နှင့် မိမိတို့မှာ မွတ်စလင်အားလုံးနှင့် အတူရှိနေသည်ဆိုသော မှတ်ချက်များဖြင့် အဆိုပါလှုပ်ရှားမှုကို ပူးပေါင်းပါဝင်ခဲ့ကြသည်။

သြစတေးလျ လူမျိုးရေးခွဲခြားမှု တုံ့ပြန်ရေး မဟာမင်းကြီး Tim Soutphommasane ကလည်း မိမိမှာ ထိုလှုပ်ရှားမှုအတွက် ပီတိဖြစ်မိကြောင်း ပြောဆိုခဲ့ပြီး ကြောက်ရွံ့မှု၊ အမုန်းတရားနှင့် ကွဲပြားမှုကို လက်မခံခြင်းဖြစ်သည်ဟုလည်း ပြောကြားခဲ့သည်။

အချို့သော ခရစ်ယာန်ဘုရားကျောင်းများကလည်း ၎င်းတို့၏ ကြော်ငြာသင်ပုန်းတွင် #illridewithyou စာတမ်းကို ရေးသားခဲ့ကြပြီး အချို့သော Twitter အသုံးပြုသူများကလည်း နာဇီလက်ထက် ဂျူးအမျိုးသမီးများကို ဟိဂျဘ်ဝတ်ဆင်၍ မွတ်စလင်များက ကာကွယ်ကယ်တင်ပေးခဲ့သည့် ဓာတ်ပုံများကိုလည်း လွှင့်တင်ခဲ့ကြသည်။

aljazeera

ဒီဇင်ဘာ ၁၆ ၊ ၂၀၁၄
M-Media

– သြစတေးလျနိုင်ငံ ဆစ်ဒနီမြို့က ကော်ဖီဆိုင်တစ်ခုကို အီရန်က ပြောင်းရွှေ့အခြေချသူတစ်ယောက် တနင်္လာနေ့နံနက်ပိုင်းကစပြီး ပြန်ပေးဆွဲထားမှုဟာ ဒီနေ့မနက်မှာ အဆုံးသတ်ခဲ့ပါတယ်။

ဒီကော်ဖီဆိုင်ကို ရဲတပ်ဖွဲ့ ရှင်းလင်းခဲ့ပြီး ပြန်ပေးသမားနဲ့ ဓားစာခံတစ်ဦး စုစုပေါင်း ၂ ဦးသေဆုံးခဲ့တယ်လို့ သတင်းမီဒီယာတွေက ဖော်ပြခဲ့ကြပါတယ်။ အဆိုပါ ပြန်ပေးဆွဲသမားရဲ့ ဘ၀ဟာ တည်ငြိမ်မှုမရှိဘဲ ဇနီးဟောင်းဖြစ်သူ အသတ်ခံရမှုမှာလည်း ပါဝင်ပတ်သက်နေတယ်လို့ သံသယရှိခံထားရသူဖြစ်ပါတယ်။

ပြန်ပေးသမားဟာ အနက်ရောင်နောက်ခံမှာ အစ္စလာမ့်သက်သေခံချက်ကိုရေးထားတဲ့ နဖူးစီးတစ်ခုကို အပြင်ကမြင်ရအောင် ဓားစားခံတွေကို ကိုင်ခိုင်းခဲ့တာကြောင့် ဒီပြန်ပေးဆွဲမှုနဲ့ပတ်သက်ပြီး သြစတေးလျနဲ့ ကမ္ဘာတစ်ဝှမ်းက အစ္စလာမ်ဘာသာရေးခေါင်းဆောင်တွေ အပါအ၀င် မွတ်စလင်အဖွဲ့အစည်း တော်တော် များများကလည်း ကြေညာချက် ထုတ်ကာ ကန့်ကွက်ရှုတ်ချခဲ့ပါတယ်။

သြစတေးလျက အဖွဲ့အစည်းများနဲ့ ပြည်သူများဟာလည်း ဒါဟာ အစွန်းရောက်သူတစ်ဦးရဲ့ လုပ်ရပ်သာဖြစ်ပြီး အစ္စလာမ်နဲ့ ဘာမှမဆိုင်ကြောင်း ဖွင့်ဟခဲ့ကြကာ ဒီအကြမ်းဖက်မှုနဲ့ မပတ်သက်တဲ့ မွတ်စလင်တွေ ထိခိုက်ခံစားရခြင်း မရှိရအောင် ကာကွယ်ပေးမှုတွေလည်း ပြုလုပ်နေပါတယ်။

အဲဒီလိုပဲ အစ္စလာမ်သာသနာဆိုင်ရာ ထိပ်တန်းအဖွဲ့အစည်းများအပါအ၀င် သြစတေးလျက မွတ်စလင်အဖွဲ့အစည်း ၄၀ ကျော်ကလည်း ဒီပြန်ပေးဆွဲမှုနဲ့ပတ်သက်ပြီး ယမန်နေ့ ညနေပိုင်းက ကြေညာချက်တစ်စောင် ထုတ်ပြန်ခဲ့ပါတယ်။ အဲဒီကြေညာချက်မှာ မိမိတို့ မွတ်စလင်လူ့အဖွဲ့အစည်းဟာ ဒီဖြစ်ရပ်အတွက် တုန်လှုပ်ရသူတွေကို စာနာပါကြောင်း၊ မိမိတို့မှာလည်း ထိုကော်ဖီဆိုင်မှ ဓားစာခံများအတွက် စိတ်ပူမိပြီး ၎င်းတို့လွတ်မြောက်ရေး ဆုမွန်ကောင်းတောင်းနေပါကြောင်း၊ ထိုကဲ့သို့ အကြမ်းဖက်လုပ်ရပ်ကို မိမိတို့က လက်ခံမည် မဟုတ်ဘဲ အနက်ရောင်နောက်ခံပေါ်တွင် ရေးသားထားသည့် အစ္စလာမ့် သက်သေခံချက်မှာလည်း အလွဲသုံးစားပြု ခံရခြင်းသာ ဖြစ်ပါကြောင်း စသဖြင့် ဖော်ပြထားပါတယ်။ အဲဒီကြေညာချက် အပြည့် အစုံကတော့ အောက်ပါအတိုင်းဖြစ်ပါတယ်။

ကြေညာချက် (ချက်ချင်းထုတ်ပြန်ရန်)
၂၀၁၄ခုနှစ် ဒီဇင်ဘာ ၁၅ ရက် တနင်္လာနေ့

မာတင်ပလေ့စ်ဒေသရှိ Lindit ကဖေးတွင် ယနေ့နံနက်က ပေါ်ထွက်လာခဲ့သော မကြုံစဖူးဖြစ်ရပ်ကြောင့် ဆစ်ဒနီတွင်နေထိုင်သည့် မိတ်ဆွေများ၏ တုန်လှုပ်ခြောက်ခြားမှုကို သြစတေးလျရှိ မိမိတို့ မွတ်စလင်လူ့အဖွဲ့အစည်းကလည်း မျှဝေခံစားရပါသည်။ ထို့ပြင် ဓားစာခံများနှင့် ၎င်းတို့၏ မိသားစုများအတွက်လည်း မိမိတို့က စိုးရိမ်ပူပန်မိပါသည်။ ၎င်းတို့၏အန္တရာယ်ကင်းရှင်းမှုအတွက် မိမိတို့က ဆုမွန်ကောင်းတောင်းနေပြီး၊ ထိုပြဿနာမှာလျင်လျင်မြန်မြန်နှင့် ငြိမ်းငြိမ်းချမ်းချမ်း ပြေလည်မည်ဟုလည်း မျှော်လင့်မိပါသည်။

မည်သည့်လူသားမျိုးနွယ်မှမဆို အပြစ်မဲ့အသက်တစ်ချောင်းကို ရယူရန် ကြိုးပမ်းမှု၊ ၎င်းတို့၏ နှလုံးသားများ အတွင်းသို့ ကြောက်ရွံ့ထိတ်လန့်မှုများ သွတ်သွင်းရန် ကြိုးစားမှုတို့ကိုလည်း မိမိတို့မှ လက်ခံမည်မဟုတ်ပါ။ အဆိုပါ စက်ဆုပ်ဖွယ်ကောင်းသော လုပ်ရပ်မှာ သြစတေးလျပြည်သူများ၏ စိတ်ကောင်းစေတနာကို ဖျက်စီးရန်ကြိုးစားသူများ၏ အစီအစဉ်ကို ဖော်ဆောင်ခြင်းသာ ဖြစ်ပါသည်။ ထို့ပြင် အစ္စလာမ်သာသနာနှင့် သြစတေးလျတစ်ဝှမ်းမှ မွတ်စလင်များအား လှောင်ပြောင် သရော်သည့်၊ ထိခိုက်စေသည့် လုပ်ရပ်လည်း ဖြစ်ပါသည်။

အနက်ရောင် အလံရှိ အာရဘီဘာသာစကားဖြင့် ရေးသားထားမှုမှာ နိုင်ငံရေးကြေညာချက်ကို ကိုယ်စားပြုခြင်းမဟုတ်ဘဲ ၎င်းတို့ကိုယ်တိုင်မှလွဲ၍ အခြားမည်သူကိုမှ ကိုယ်စားပြုခြင်းမရှိသည့် လမ်းမှားသူများ၏ အလွဲသုံးစားပြုခြင်းခံရသော အစ္စလာမ့်သက်သေထွက်ဆိုချက်သာ ဖြစ်သည် ဆိုသည်ကို မိမိတို့က သိပေးလိုပါသည်။

ထိုအဖြစ်အပျက်နှင့် ကိစ္စရပ်များအား တရားဥပေဒရှေ့မှောက်သို့ ရောက်ရှိလာရန် ရဲတပ်ဖွဲ့နှင့် တာဝန်ရှိသူများက ကိုင်တွယ်ဆောင်ရွက်နေသောကြောင့် လူတိုင်းလူတိုင်း တည်တည်ငြိမ်ငြိမ်ရှိကြရန် မိမိတို့မှ တိုက်တွန်းပါသည်။ မီဒီယာများအနေဖြင့်လည်း ၎င်းတို့၏ ဖော်ပြမှုအတွက် တာဝန်ယူရမည်ဟု မိမိတို့မှ တောင်းဆိုပါသည်။ ယခုအချိန်မှာ သြစတေးလျပြည်သူများ အတူတကွရပ်တည်ပြီး တစ်ဦးနှင့်တစ်ဦး ဖေးမကူညီကြရမည့် အချိန်လည်းဖြစ်ပါသည်။

ထိုပြဿနာအား ထိခိုက်သေဆုံးမှုများ မရှိဘဲ အလျင်အမြန်ပြေလည်သွားစေရန် မိမိတို့မှ ဆုမွန်ကောင်း တောင်းလိုက်ပါသည်။

ဒီဇင်ဘာ ၁၅ ၊ ၂၀၁၄
M-Media

သြစတြေးလျနိုင်ငံ ဆစ်ဒနီမြို့ရှိတဲ့ ကော်ဖီဆိုင်တစ်ခုကို ဝင်ရောက်စီးနင်းမှု တရပ်  ယနေ့ မနက်ပိုင်းမှာ ဖြစ်ပွားခဲ့ပါသည်။ အဆိုပါ စီးနင်းသူတွေဟာ ကော်ဖီဆိုင်ထဲမှာ ရှိတဲ့လူတွေကို ဓါးစာခံအဖြစ် ဖမ်းဆီးထားခဲ့ပါသည်။

ယနေ့ ညနေပိုင်းရရှိတဲ့သတင်းများအရ ဓါးစာခံများထဲမှ ၅ ဦး ပြန်လည်လွတ်မြောက်လာပြီး လက်နက်ကိုင် စီးနင်းသူတွေပြန်လွှတ်ပေးလိုက်ခြင်းလား ထွက်ပြေးလွတ်မြောက်လာခဲ့ခြင်းလားကို တာဝန်ရှိသူတွေက ထုတ်ဖော်ပြောကြားခြင်းမရှိသေးပါဘူး။ ယနေ့မနက်ပိုင်းမှာ ထွက်ပေါ်လာတဲ့ ဓါတ်ပုံတွေအရ  ပြတင်းပေါက်မှာ လက်မြှောက်ထားတဲ့ ဓါးစားခံတွေဟာ အာရဘီ စာသားပါ အလံတခုကို ကိုင်ဆောင်ထားပြီး လက်နက်ကိုင်စီးနင်းသူရဲ့ နာမည်ကို သြစတြေးလျ ရဲတပ်ဖွဲ့တွေဟာ သိရှိသော်လည်း ထုတ်ဖော်ပြောခြင်းမရှိသေးပါဘူး။

ဆစ်ဒနီက ဓားစာခံများအရေးအတွက် ဩစတေးလျ နိုင်ငံလုံးဆိုင်ရာ အစ္စလာမ်ဘာသာဝင် မွတ်စ်လင်မ်တို့၏ အကြီးအကဲ ပါမောက္ခ အစ်ဗရာဟီးမ် အဘူ မုဟမ္မဒ် က ကြေညာချက် တစောင်ကို ယနေ့ ဒီဇင်ဘာ ၁၅ ရက်နေ့နေ့စွဲဖြင့် ထုတ်ပြန်လိုက်ပါသည်။
ကြေညာချက် မှာ

ဆစ်ဒနီမြို့ မာတင်အရပ်တွင် လောလောဆယ် ဖြစ်ပွါးနေသော ဓားစာခံများအရေး မီဒီယာများတွင် ရေးသားဖော်ပြနေသည်များမှ တစ်ဆင့် ဖတ်သိရပါသဖြင့် ဩစတေးလျ မွတ်စ်လင်မ် အသိုင်းအဝိုင်း၏ အကြွင်းမဲ့ထောက်ခံမှုကို ရရှိထားသော ဩစတေးလျနိုင်ငံလုံးဆိုင်ရာ အစ္စလာမ်ဦးဆောင် အကြီးအကဲများ ကော်မတီအနေဖြင့် ကြီးစွာ တုန်လှုပ်ခြောက်ခြား စာနာ ဝမ်းနည်းရပါသည်။

ကျွန်ုပ်နှင့်တကွ ကျွန်ုပ်တို့ အစ္စလာမ်ဦးဆောင် အကြီးအကဲများကော်မတီ တစ်ခုလုံးက ဤရာဇဝတ်မှုမြောက်သော အပြုအမူကို ပြတ်ပြတ်သားသား ဆန့်ကျင်ကြပါသည်။

ထို့ပြင် ဤလုပ်ရပ်သည် အစ္စလာမ်နှင့် လုံးဝ ဆန့်ကျင်သော၊ လားလားမျှ မအပ်စပ်သော လုပ်ရပ်အဖြစ်လည်း ပြင်းပြင်းထန်ထန် ပြစ်တင်ရှုံ့ချပါသည်။

ဤပြစ်မှုကျူးလွန်သူများကို ဖော်ထုတ်နိုင်ရေးကြိုးပမ်းမှုများ၊ ဤပြစ်မှုကြီးနောက်ကွယ်ရှိ သူတို့၏ ရည်ရွယ်ချက်များကို ဖော်ထုတ်နိုင်ရေး ကြိုးပမ်းမှုများ အားလုံးကိုလည်း ကျွန်ုပ်တို့သည် ဩစတြေးလျပြည်သူ တရပ်လုံးနှင့်အတူ အောင်မြင်သော ရလာဒ်များ ရရှိလာမည့်အပေါ် မျှော်လင့်တကြီး စောင့်စားနေကြပါသည်။

ကျွန်ုပ်နှင့်အတူ ကော်မတီတရပ်လုံး၊ ဩစတေးလျ မွတ်စ်လင်မ်ထု တစ်ရပ်လုံးကလည်း ဓားစာခံများ၊ ယင်းတို့၏မိသားစုဝင်များနှင့်အတူ စည်းလုံးညီညွတ်စွာ အခိုင်အမာရပ်တည်ပါကြောင်း၊ ထိုသူများအတွက် အပြည့်အဝစာနာ ထောက်ခံပါကြောင်း၊ ဩစတြေးလျ လူ့ဘောင်အသိုင်းအဝိုင်း တည်ငြိမ်အေးချမ်းမှုပြန်လည် ရရှိရန် စွမ်းဆောင်မှုများကိုလည်း စိတ်ကူးကြံဆ မျှော်မှန်းလျက်ရှိနေပါကြောင်း၊

မှန်ကန်သောသစ္စာဖြင့်

ပါမောက္ခ အစ်ဗရာဟီးမ် အဘူ မုဟမ္မဒ်
ဩစတေးလျ နိုင်ငံလုံးဆိုင်ရာ
အစ္စလာမ်ဘာသာဝင် မွတ်စ်လင်မ်တို့၏ အကြီးအကဲ

Patrick Tan ဘာသာပြန်တင်ဆက်သည်။