Tag: Taiwan

နိုဝင်ဘာ ၂၉၊ ၂၀၂၁
M-Media

-တရုတ်ဟာ မိမိတို့စစ်တပ် သည်းခံနိုင်စွမ်းကုန်အောင် လုပ်ဆောင်နေပြီး မိမိတို့မှာလည်း ပြန်လည်တုန့်ပြန်နိုင်စွမ်း ရှိနေတယ်လို့ ထိုင်ဝမ် ကာကွယ်ရေးဝန်ကြီးက ဒီကနေ့မှာ ပြောကြားလိုက်ပါတယ်။

တရုတ်လေတပ်က တိုက်လေယာဉ်၊ နျူဗုံးသယ်နိုင်တဲ့ ဗုံးကြဲလေယာဥ် စုစုပေါင်း ၂၇ စီးဟာ မနေ့က ထိုင်ဝမ်ရဲ့ လေကြောင်းရန် ကာကွယ်ရေးဇုန်ထဲကို ထပ်မံဝင်ရောက်လာတဲ့အတွက် ထိုင်ဝမ်တိုက်လေယာဉ်တွေ ပျံတက်ပြီး သတိပေးခဲ့ရပါတယ်။

ထိုင်ဝမ်ကာကွယ်ရေးဝန်ကြီး ချူကိုချန်းက တရုတ်မှာ ကျူးကျော်နိုင်တဲ့စွမ်းအားရှိရင် မိမိတို့မှာလည်း တန်ပြန်တုန့်ပြန်နိုင်တဲ့စွမ်းအား ရှိတယ်လို့ မနေ့က လွှတ်တော်အစည်းအဝေးအပြီးမှာ သတင်းထောက်တွေကို ပြောကြားခဲ့ပါတယ်။

တရုတ်လေတပ်ဟာ ထိုင်ဝမ်လေပိုင်နက်ထဲကို လွန်ခဲ့တဲ့ တစ်နှစ်ကျော်လောက်ကစတင်ပြီး အကြိမ်ကြိမ် ကျူးကျော်ဝင်ရောက်နေတာဖြစ်ပါတယ်။ ထိုမ်ဝင်ကို သူတို့ပိုင်နက်လို့ တရုတ်က သတ်မှတ်ထားပြီး လိုအပ်ရင် စစ်အင်အားသုံး သိမ်းပိုက်သွားမယ်လို့လည်း ပြောထားပါတယ်။

ထိုင်ဝမ်ကတော့ သူတို့ဟာ လွတ်လပ်တဲ့ ဒီမိုကရက်တစ်နိုင်ငံလို့ ခံယူထားတာပါ။

ကာကွယ်ရေးဝန်ကြီး ချူကိုချန်းက တရုတ်ရဲ့ မနေ့က ကျူးကျော်ဝင်ရောက်မှုဟာ အလွန်ဆိုးရွားတဲ့ အခြေအနေမျိုးဖြစ်ပြီး အနာဂတ်စီမံကိန်းအတွက် တရုတ်ကအသုံးပြုတဲ့ လေယာဉ်တွေကို စောင့်ကြည့်လေ့လာသွားမယ်လို့ ထည့်သွင်းပြောဆိုခဲ့ပါတယ်။

ထိုင်ဝမ်ကာကွယ်ရေးဝန်ကြီးဌာနရဲ့ ထုတ်ပြန်ချက်မှာတော့ တရုတ်ရဲ့ လေယာဉ်အုပ်ကို သတိပေးဖို့ တိုက်လေယာဉ်တွေ စေလွှတ်ခဲ့ပြီး ဒုံးကျည်ကာကွယ်ရေးစနစ်ကိုလည်း အသင့်ပြင်ခဲ့တယ်လို့ ဖော်ပြထားပါတယ်။

တရုတ်ဖက်က ဒီလိုပျံသန်းမှုတွေဟာ မိမိတို့ရဲ့ အချုပ်အခြာအာဏာကို ကာကွယ်ဖို့ဖြစ်တယ်လို့ အရင်က ထုတ်ပြန်ဖူးပါတယ်။

Ref: Reuters

အောက်တိုဘာ ၂၊ ၂၀၂၁
M-Media

-တရုတ်လေတပ်က လေယာဉ် ၄၀ နီးပါးလောက် မိမိတို့ပိုင်နက်ကို ကျူးကျော်ပျံသန်းလာတဲ့အတွက် တိုက်လေယာဉ်တွေ ပျံတက်သတိပေးခဲ့ရတယ်လို့ ထိုင်ဝမ်က ထုတ်ပြန်ပါတယ်။

‘တရုတ်ဟာ စစ်ဖက်ကျူးကျော်မှုကို လက်လွတ်စပယ် လုပ်ဆောင်ခဲ့ပြီး၊ ဒေသတွင်း ငြိမ်းချမ်းရေး ထိခိုက်ပျက်ဆီးစေပါတယ်’ လို့ ထိုင်၀မ်ဝန်ကြီးချုပ် Su Tseng-chang က ဒီကနေ့ မနက် သတင်းစာရှင်းလင်းပွဲမှာ သတင်းထောက်တွေကို ပြောကြားခဲ့ပါတယ်။

ထိုင်ဝမ် ကာကွယ်ရေးဝန်ကြီးဌာနရဲ့ ထုတ်ပြန်ချက်မှာ တရုတ်ဖက်က J-16 တိုက်လေယာဉ် ၁၈ စင်း၊ Su-30 တိုက်လေယာဉ် ၄ စင်း၊ နျူဗုံးသယ်နိုင်တဲ့ H-16 ဗုံးကြဲလေယာဉ် ၂ စင်း၊ ရေငုပ်သင်္ဘောခွင်း လေယာဉ်တစ်စင်း သောကြာနေ့က မိမိပိုင်နက်ကို ကျူးကျော်ဝင်ရောက်ခဲ့တဲ့အတွက် တိုက်လေယာဉ်တွေ ပျံတက်သတိပေးခဲ့ရတယ်လို့ ဖော်ပြထားပါတယ်။

စနေနေ့ မနက်ပိုင်းကလည်း J-16 တိုက်လေယာဉ် ၁၀ စင်း၊ H-6 လေယာဉ် ၂ စင်းနဲ့ ကင်းထောက်လေယာဉ် ၁ စင်းတို့ ထပ်မံ ကျူးကျော်ဝင်ရောက်လာခဲ့တယ်လို့ ထိုင်ဝမ်ကာကွယ်ရေးဝန်ကြီးဌာနက ဆိုပါတယ်။

ထိုမ်ဝမ်ရဲ့ထုတ်ပြန်မှုကို တရုတ်ဖက်က တုန်ပြန်တာမျိုး မရှိသေးပါဘူး။ တရုတ်က ထိုင်ဝမ်ဟာ မိမိတို့ရဲ့ပိုင်နက် ဖြစ်တယ်လို့ ပြောကြားထားတာပါ။ ထိုင်ဝမ်ဟာ ကိုယ်ပိုင်အုပ်ချုပ်ရေးရှိတဲ့ဒေသလည်း ဖြစ်ပါတယ်။

ပရာတက်စ်ကျွန်းနဲ့ကပ်နေတဲ့ နိုင်ငံအနောက်တောင်ပိုင်းက လေကြောင်းကာကွယ်ရေးဇုန်ကို တရုတ်လေ​တပ်က ကျူးကျော်ဝင်ရောက်မှုတွေ လုပ်ဆောင်တယ်လို့ လွန်ခဲ့တဲ့တစ်နှစ်လောက်ကစပြီး ထိုင်ဝမ်ဖက်က မကြာခဏ ထုတ်ပြန်လေ့ရှိပါတယ်။

တရုတ်ဟာ ထိုင်ဝမ်အပေါ် စစ်ရေး၊ နိုင်ငံရေးဖိအားတွေပိုသုံးပြီး သူတို့ရဲ့​ အုပ်ချုပ်မှုကို လက်ခံအောင် ပိုမိုလုပ်ဆောင်လာပါတယ်။ ထိုင်ဝမ်ကတော့ မိမိတို့ဟာ လွတ်လပ်တဲ့ အချုပ်အခြာပိုင်နိုင်ငံဖြစ်ပြီး လွတ်လပ်ရေးနဲ့ ဒီမိုကရေစီကို ကာကွယ်သွားမယ်လို့ ထုတ်ပြန်ထားပါတယ်။

Ref: Reuters

မတ် ၂၅၊ ၂၀၂၁
M-Media

-တာဝေးပစ်ဒုံးကျည်တွေ အမြောက်အများ စတင်ထုတ်လုပ်နေပြီး နောက်ထပ်လည်း မော်ဒယ်သစ် ၃ မျိုးကို ဖန်တီးနေတယ်လို့ ထိုမ်ဝမ်နိုင်ငံက ထုတ်ဖော်ပြောဆိုလိုက်ပါတယ်။

ဒီနေ့ လွှတ်တော်အစည်းအဝေးမှာ ထိုင်ဝမ် ကာကွယ်ရေးဝန်ကြီး ချူကိုချန်းက အခုလို ထုတ်ပြောလိုက်တာပါ။

တရုတ်အစိုးရက ထိုင်ဝမ်ဟာ သူတို့ရဲ့ပိုင်နက် ဖြစ်တယ်လို့ ထုတ်ဖော်ပြောဆိုထားပြီး ထိုဝမ်ကတော့ သူတို့ဟာ သီးခြား ဒီမိုကရက်တစ်နိုင်ငံဖြစ်တယ်လို့ ကြေငြာထားတာပါ။

ထိုင်ဝမ်ဟာ သူတို့ရဲ့ စစ်တပ်ကို အဆင့်မြှင့်တင်နေပြီး စစ်ပွဲဖြစ်လာခဲ့ရင် တရုတ်နိုင်ငံ အတွင်းပိုင်းအထိ တိုက်ခိုက်နိုင်တဲ့ စွမ်းရည်မျိုး ရရှိအောင် ကြိုးစားနေတာလည်း ဖြစ်ပါတယ်။

“အခုဒုံးကျည်ဟာ တိကျပြီး ရွေ့လျားသယ်ဆောင်လို့ရတဲ့ တာဝေးပစ်ဒုံးကျည်မျိုးပါ” လို့ ကာကွယ်ရေးဝန်ကြီးက ဆိုပြီး နိုင်ငံပိုင် သိပ္ပံနဲ့ နည်းပညာအသင်း National Chung-Shan Institute က ဖန်တီးထုတ်လုပ်တာလို့ ဆိုပါတယ်။

အသင်းရဲ့ လက်ထောက်ဒါရိုက်တာ လန်ချင်ရှူက တာဝေးပစ် ဒုံးကျည်တစ်လုံးကို ထုတ်လုပ်နေပြီး နောက်ထပ် တားဝေးပစ်ဒုံးကျည် ၃ မျိုးကို ဖန်တီးနေတယ်လို့ ထည့်သွင်းပြောဆိုခဲ့ပါတယ်။

ဖန်တီးမှု ဘယ်အဆင့်ရောက်နေပြီလဲဆိုတာကိုတော့ ဒီအချိန်မှာ မပြောနိုင်သေးဘူးလို့လည်း သူက ဆိုပါတယ်။

National Chung-Shan Institute ဟာ လက်နက်မျိုးစုံ ဖန်တီးထုတ်လုပ်နေတဲ့ အဖွဲ့ဖြစ်ပြီး မကြာသေးခင်ကမှ နိုင်ငံအနောက်တောင်ပိုင်း ကမ်းရိုးတန်းမှာ ဒုံးကျည်စမ်းသပ်မှုကို လျှို့ဝှက် လုပ်ဆောင်ခဲ့ပါတယ်။

Ref: Aljazeera

မေ ၂၀၊ ၂၀၂၀
M-Media

-တရုတ်နိုင်ငံရဲ့ ‘တစ်နိုင်ငံ-စနစ်နှစ်မျိုး’ ဝါဒကို လက်မခံမှာမဟုတ်ဘဲ တရုတ်နိုင်ငံရဲ့ အစိတ်အပိုင်းတစ်ခု အဖြစ်မခံဘူးလို့ ထိုင်ဝမ်သမ္မတ Tsai Ing-wen က ဒီကနေ့မှာ ပြောကြားလိုက်ပါတယ်။

ဗြိတိသျှဟာ သူတို့အုပ်ချုပ်တဲ့ ထိုင်ဝမ်ကျွန်းကို ၁၉၉၇ ခုနှစ်က တရုတ်နိုင်ငံထံ လွှဲပေးခဲ့ပြီး အဲဒီအချိန်ကတည်းက တရုတ်ကွန်မြူနစ်အစိုးရဟာ ‘တစ်နိုင်ငံ၊ စနစ်နှစ်မျိုး’ ဆိုတဲ့ ခေါင်းစဉ်နဲ့ ထိုင်ဝမ်ကို ကိုယ်ပိုင်အုပ်ချုပ်ခွင့်ပေးခဲ့တာပါ။ ဒါပေမယ့် ထိုင်ဝမ်ဟာ တရုတ်ပြည်မကြီးနဲ့ ပေါင်းစည်းရမယ့် ဒေသတစ်ခုအဖြစ် မှတ်ယူထားပါတယ်။

သမ္မတ ဒုတိယသက်တမ်းထမ်းဆောင်ဖို့ ကျမ်းကျိန်တဲ့ ဒီကနေ့မိန့်ခွန်းမှာ Tsai Ing-wen က တရုတ်နဲ့ ထိုင်ဝမ်တို့ရဲ့ ဆက်ဆံရေးဟာ သမိုင်းဝင်အလှည့်အပြောင်းတစ်ခုကို ရောက်ရှိနေတယ်လို့ ပြောကြားခဲ့ပါတယ်။

“ရေရှည်အတူတကွနေထိုင်ရေး နည်းလမ်းတစ်ခု ရှာဖွေဖို့နဲ့ ရန်လိုမှု၊ ကွဲပြားမှုတွကြောင့် တင်းမာမယ့်အနေအထားကို တားဆီးဖို့အတွက် နှစ်ဖက်စလုံးမှာ တာဝန်ရှိပါတယ်။ ‘ငြိမ်းချမ်းရေး၊ တန်းတူညီရေး၊ ဒီမိုကရေစီနဲ့ ညှိနှိုင်းအဖြေရှာမှု’ ဆိုတဲ့ စကားလုံးတွေကို ကျွန်မ ဒီနေရာမှာ ထပ်ပြောချင်တယ်။ ‘တစ်နိုင်ငံ၊ စနစ်နှစ်မျိုး’ နဲ့ ထိုင်ဝမ်ကို နှိမ်တာကြောင့် ထိုင်ဝမ်-တရုတ် လက်ရှိဆက်ဆံရေး ပျက်ပြားမှာကို ကျွန်မတို့ လက်မခံပါဘူး။ ဒီမူဝါဒအပေါ်မှာပဲ ကျွန်မတို့ မားမားမတ်မတ် ရပ်တည်ပါတယ်”

ထိုင်ဝမ်ဟာ ‘တရုတ်သမ္မတနိုင်ငံ’ လိုခေါ်တဲ့ လွတ်လပ်တဲ့ နိုင်ငံတစ်ခုဖြစ်ပြီး၊ ‘တရုတ်ပြည်သူ့ သမ္မတနိုင်ငံ’ ရဲ့ အစိတ်အပိုင်းတစ်ခု မဖြစ်ချင်ကြောင်း၊ ကမ္ဘာလုံးဆိုင်ရာ အဖွဲ့အစည်းတွေမှာ ပါဝင်ခွင့်ရရေး ဆက်လက် ဆောင်ရွက်သွားမှာဖြစ်ကြောင်း သမ္မတ Tsai Ing-wen က ထည့်သွင်းပြောဆိုခဲ့ပါတယ်။

Tsai Ing-wen ပြန်လည်ရွေးကောက်ခံရပြီးကတည်းက တရုတ်ဟာ ထိုင်ဝမ်အနီးမှာ ကြည်းတပ်၊ ရေတပ်၊ လေတပ် စစ်ရေးလေ့ကျင့်မှုတွေ တိုးမြှင့် လုပ်ဆောင်လာခဲ့ပါတယ်။

Ref: Reuters