News @ M-Media

Tag: taliban

  • အာဖဂန် တာလီဘန်ခေါင်းဆောင် အမေရိကန်၏ ဒရုန်းဖြင့် တိုက်ခိုက်မှုအတွင်း သေဆုံး

    အာဖဂန် တာလီဘန်ခေါင်းဆောင် အမေရိကန်၏ ဒရုန်းဖြင့် တိုက်ခိုက်မှုအတွင်း သေဆုံး

    မေ ၂၂၊ ၂၀၁၆
    M-Media

    taliban

    – ပါကစ္စတန်နိုင်ငံတောင်ပိုင်း ဘာလိုချစ္စတန်ပြည်နယ်တွင် အမေရိကန်က ပြုလုပ်ခဲ့သည့် ဒရုန်းလေယာဉ်ဖြင့် တိုက်ခိုက်မှုအတွင်း တာလီဘန်ခေါင်းဆောင် မူလာ အခ်တာရ် မိုဟာမက် မန်ဆူရ် သေဆုံးခဲ့သည်ဆိုသော သတင်းကို အာဖဂန်တာလီဘန်အဖွဲ့က အတည်ပြုခဲ့သည်။

    တာလီဘန်အဖွဲ့၏ အကြီးတန်းတပ်မှူးတစ်ဦးဖြစ်သူ မူလာ အဘ်ဒဲလ် ရာအွဖ်က ယနေ့တွင် ထိုကဲ့သို့ အတည်ပြုခဲ့ခြင်းဖြစ်ပြီး မန်ဆူရ်မှာ သောကြာနေ့က အာဖဂန်-ပါကစ္စတန်နယ်ခြားဒေသတွင် ပြုလုပ်ခဲ့သည့် လေကြောင်းတိုက်ခိုက်မှုအတွင်း သေဆုံးခဲ့သည်ဟု ပြောကြားခဲ့သည်။

    အာဖဂန်နစ္စတန် သမ္မတရုံးကလည်း ထိုကိစ္စအား အတည်ပြုခဲ့သည်။ မန်ဆူရ်အား ပစ်မှတ်ထားကာ ဒရုန်းဖြင့်တိုက်ခိုက်မှု ပြုလုပ်ခဲ့သည်ဟု အမေရိကန် ကာကွယ်ရေးဝန်ကြီးဌာနက စနေနေ့တွင် ကြေငြာခဲ့ပြီးနောက် တာလီဘန်ခေါင်းဆောင် သေဆုံးခဲ့လားဆိုသည်နှင့်ပတ်သက်၍ မသေချာသော သတင်းများ ထွက်ပေါ်ခဲ့သေးသည်။

    တာလီဘန်မှာ ၎င်းတို့၏ ယခင်ခေါင်းဆောင် မူလာ မိုဟာမက် အိုမာရ် ၂၀၁၃ ခုနှစ်တွင် သေဆုံးခဲ့သည်ကို ၂၀၁၅ ခုနှစ် ဇူလိုင်လကမှ သတင်းထုတ်ပြန်ခဲ့သည်။ ထို့နောက် ခေါင်းဆောင်သစ်အဖြစ် ယခုသေဆုံးသွားသူ မန်ဆူရ်ကို တင်မြှောက်ခဲ့ခြင်းဖြစ်ပြီး ထိုကိစ္စအတွက် အဖွဲ့အတွင်း သဘောထား ကွဲလွဲမှုများ ဖြစ်ပေါ်ခဲ့သည်။

    Ref: Press TV

  • ပါကစ္စတန်ရှိ စာသင်ကျောင်းကို တာလီဘန် သေနတ်သမားများ ၀င်ရောက်ပစ်ခတ်၊ လူ ၁၀၀ ကျော်သေဆုံး

    ပါကစ္စတန်ရှိ စာသင်ကျောင်းကို တာလီဘန် သေနတ်သမားများ ၀င်ရောက်ပစ်ခတ်၊ လူ ၁၀၀ ကျော်သေဆုံး

    ဒီဇင်ဘာ ၁၆ ၊ ၂၀၁၄
    M-Media

    09749D8D-A775-45C0-B354-F762CB1CF87F_mw1024_s_n
    – ပါကစ္စတန်အနောက်မြောက်ပိုင်း ပက်ရ်ှဝါရ်ပြည်နယ်မှာ စစ်တပ်က ဖွင့်လှစ်ထားတဲ့ ကိုယ်ပိုင်စာသင်ကျောင်းတစ်ခုကို တာလီဘန်က ဒီနေ့နေ့လည်ပိုင်းမှာ ၀င်ရောက်တိုက်ခိုက်ခဲ့တာကြောင့် အခုအချိန်အထိ နည်းဆုံး လူ ၁၃၀ လောက် သေဆုံးခဲ့ပြီလို့ သိရပါတယ်။

    ဒီတိုက်ခိုက်မှုအတွက် ပါကစ္စတန်တာလီဘန် TTP က တာဝန်ယူခဲ့ပြီး အသေခံ သေနတ်သမား ၆ ဦးကို စေလွှတ်ခဲ့ကြောင်း ၀ါဇီရစ္စတန်နဲ့ ခိုရာဆာနီဒေသတို့မှာရှိတဲ့ ၎င်းတို့ ခြေကုပ်စခန်းကို အစိုးရတပ်က တိုက်ခိုက်နေပြီး ၎င်းတို့ရဲ့ မိသားစုဝင်တွေ သေဆုံးခဲ့ရတာကို လက်တုံ့ပြန်တဲ့အနေနဲ့ ပြုလုပ်တာဖြစ်ကြောင်း ပြောကြားခဲ့ပါတယ်။

    သေဆုံးသူတွေထဲမှာ ကျောင်းသား ၈၀ ကျော်ပါပြီး၊ သေဆုံးဒဏ်ရာရမှုကလည်း မြင့်တက်လာနိုင်တယ်လို့ အစိုးရက သတင်းထုတ်ပြန်ခဲ့ပါတယ်။ တာလီဘန် သေနတ်သမား ၆ ဦးစလုံးကို ပါကစ္စတန်စစ်တပ်က ပစ်သတ်နိုင်ခဲ့ပါတယ်။

    တိုက်ခိုက်မှုက လွတ်မြောက်လာသူ အသက် ၁၆ နှစ်အရွယ်ကျောင်းသား ရှာရွတ်ခန်းကတော့ တိုက်ခိုက်ရေးသမားတွေဟာ ကျောင်းခန်းထဲဝင်လာပြီး မြင်မြင်ကရာ ကျောင်းသားတွေကို ပစ်ခတ်ခဲ့တယ်လို့ ပြောခဲ့ပါတယ်။ ၎င်းကိုယ်တိုင်လည်း ခြေထောက် ၂ ဖက်လုံးမှာ ကျည်ဆံမှန်ခဲ့ပြီး သေချင်ယောင်ဆောင်ခဲ့တာကြောင့် လွတ်မြောက်ခဲ့တယ်လို့ ဆိုပါတယ်။

    ပါကစ္စတန်ဝန်ကြီးချုပ် နာဝပ်ဇ်ရှရစ်ဖ်ကတော့ ဒီတိုက်ခိုက်မှုကြီးကို `နိုင်ငံလုံးဆိုင်ရာ အဖြစ်ဆိုးကြီး´ လို့ ကင်ပွန်းတပ်ခဲ့ပါတယ်။

    ပါကစ္စတန်အစိုးရတပ်နဲ့ တာလီဘန်တို့ဟာ အရင်ကတည်း အပြန်အလှန်တိုက်ခိုက်မှုတွေရှိပြီး အပြစ်မဲ့ပြည်သူတွေ အများအပြား သေကြေပျက်ဆီးခဲ့ရပါတယ်။

    Al Jazeera and agencies
    Photo-AP

  • ပါကစ္စတန်မှ တာလီဘန် အဖွဲ့ခွဲ တစ်ခု လက်နက်စွန့်ပြီး လူမှုရေးလုပ်ငန်းများ လုပ်ကိုင်တော့မည်

    ပါကစ္စတန်မှ တာလီဘန် အဖွဲ့ခွဲ တစ်ခု လက်နက်စွန့်ပြီး လူမှုရေးလုပ်ငန်းများ လုပ်ကိုင်တော့မည်

    စက်တင်ဘာ ၁၅ ၊ ၂၀၁၄
    M-Media
    TalibanGroup-Drops-Arms-Shifts-to-Charity
    – ပါကစ္စတန်တာလီဘန်အဖွဲ့၏ ပန်ဂျပ်ဒေသ အဖွဲ့ခွဲ ပန်ချာဘီ တာလီဘန်အဖွဲ့မှာ ပါကစ္စတန်တွင် စစ်ရေးအရ တိုက်ခိုက်မှုများကို စွန့်လွှတ်ကာ နယ်လှည် တရားဟောခြင်း၊ လူမှုရေးလုပ်ငန်းများ လုပ်ကိုင်ခြင်း တို့ကိုသာ ပြုလုပ်သွားတော့မည်ဟု ကြေညာလိုက်သည်။

    “၀ါဇီရစ္စတန် မြောက်ဘက်ဒေသမှာ ကြီးမားတဲ့တိုက်ခိုက်မှုတွေ မလုပ်ခင် အကြမ်းဖက်မှုတွေကို ရှောင်ရှားဖို့ အဲဒီ အဖွဲ့က အစိုးရနဲ့ စေ့စပ်ခဲ့တာပါ။ အခုလို ကြေညာချက် ထွက်ပေါ်လာတာဟာ မပြတ်တမ်း ဆွေးနွေးမှုကနေ ဖြစ်လာတဲ့ ရလဒ်ပါ” ဟု အစ္စလာမ်မာဘတ် အခြေစိုက် လုံခြုံရေးဆိုင်ရာ စောင့်ကြည့် လေ့လာသူ အမီရန် ရာနာက ယမန်နေ့တွင် Anadolu သတင်းဌာနသို့ ပြောကြားခဲ့သည်။

    ထိုကြေညာချက်အား ပန်ဂျာဘီတာလီဘန် အဖွဲ့မှ ပြောရေုးဆိုခွင့်ရှိသူ အစ္စမာသွလ္လာဟ် မိုအာဝေယာက ပြီးခဲ့သည့် စနေနေ့တွင် ဗီဒီယိုဖိုင်မှတစ်ဆင့် ကြေညာခဲ့ခြင်းဖြစ်သည်။ အဆိုပါ ဗီဒီယိုဖိုင်တွင် မိုအာဝေယာက မိမိတို့အဖွဲ့မှာ လက်နက်ချကာ စစ်ဘက်ဆိုင်ရာ လှုပ်ရှားမှုများကို စွန့်လွှတ်ရန် ဆုံးဖြတ်ခဲ့သည်ဟု ပြောကြားခဲ့သည်။ သို့သော်လည်း လက်နက်များကို ပါကစ္စတန်လုံခြုံရေး တပ်ဖွဲ့သို့ လွှဲပြောင်းပေးအပ်ခဲ့ခြင်း ရှိ၊ မရှိကို ထည့်သွင်းပြောကြားခဲ့ခြင်း မရှိချေ။

    အဆိုပါ ပန်ဂျာဘီ တာလီဘန်အဖွဲ့မှာ ပါကစ္စတန် တာလီဘန်အဖွဲ့ကြီးနှင့် ချိတ်ဆက်ထားသော အဖွဲ့ငယ်များထဲမှ တစ်ခုဖြစ်သည်။

    မိုအာဝေယာကမူ ၎င်းတို့အနေဖြင့် အခြားသော မွတ်စလင်ခေါင်းဆောင်များနှင့် တွေ့ဆုံဆွေးနွေး အကြံဥာဏ်များ ရယူပြီးနောက် အင်အားသုံးခြင်းကို ကန့်သတ်သွားမည်ဖြစ်ကြောင်း၊ ရှရီအာဥပဒေ ကျင့်သုံးရေး အားပေးရန်အတွက် အာရုံစိုက် ဆောင်ရွက်သွားမည်ဖြစ်ပြီး၊ အာဖဂန်နစ္စတန်တွင် ဒအ်ဝသ် တဗ်လီးဂ် (နယ်လှည့်တရားဟောခြင်း) လုပ်ငန်းကို လုပ်ဆောင်သွားမည်ဖြစ်ကြောင်း၊ အခြားသော တာလီဘန်အဖွဲ့များအနေဖြင့်လည်း လက်နက်ကိုင်မှုကို စွန့်လွှတ်ရန် တိုက်တွန်းပါကြောင်း ထည့်သွင်းပြောကြားခဲ့သည်။

    လက်နက်ကိုစွန့်လွှတ်လိုက်သည့် ပန်ချာဘီတာလီဘန်အဖွဲ့မှာ ရေလွှမ်းမိုးမှုကြောင့် အတိဒုက္ခရောက်နေကြသော ပန်ဂျပ်ပြည်နယ် ခရိုင် ၂၁ ခုရှိ ပါကစ္စတန်ပြည်သူ ၂ သန်းကျော်အား အကူအညီပေးရေး လုပ်ငန်းများတွင် ပါဝင်ဆောင်ရွက်သွားမည်ဟု သိရသည်။

    ref_OnIslam & News Agencies

  • တာလီဘန် လက်က လွတ်လာတဲ့ အမေရိကန် စစ်သား အစ္စလာမ်ကို လက်ခံခဲ့လေသလော ?

    တာလီဘန် လက်က လွတ်လာတဲ့ အမေရိကန် စစ်သား အစ္စလာမ်ကို လက်ခံခဲ့လေသလော ?

    ၂၀၁၄၊ ဇွန်လ ၁၀ ရက်
    M-Media
    မင်းထွဋ်ခေါင် ဘာသာပြန်ဆိုသည်။

    AFGHANISTAN-TALIBAN-UNREST-US-QATAR

    များမကြာသေးမီ အာဖဂန်နစ္စတန်မှ တာလီဘန်တို့ လွှတ်ပေးလိုက်သော အမေရိကန် ဆာဂျင် ဘိုဝီ ဘာ့ဂ်ဒါလ်သည် အစ္စလာမ်သာသနာသို့ ပြောင်းလဲသက်ဝင်ခဲပြိး မိမိကိုယ်ကို အစ္စလာမ့်စစ်သည် (မုဂျာဟစ်ဒ်) ဟု ကြေငြာခဲ့ကြောင်း လျှို့ဝှက်မှတ်တမ်းအရ သိရသည်ဟု ကြာသပတေးနေ့ Fox News ၏ သတင်း၌ ဆိုသည်။

    ဘာ့ဂ်ဒါလ်မှာ သူ့အား ဖမ်းဆီးထားသူတို့ထံ ညှင်းပန်းနှိပ်စက်မှု မရှိဘဲ ဖော်ရွေနွေးထွေးသည့် ဆက်ဆံရေးကိုသာ မြင်ခဲ့ရသည်ဟု မျက်မြင်သက်သေ၏ အဆိုကိုအခြေခံပြီး ဤအချက်အလက်များကို ဖော်ပြသည့် Fox သတင်းဌာနက ပြောသည်။

    “ သူဟာ ယုံကြည်စိတ်ချရတဲ့ နောက်လိုက်ကောင်းဖြစ်တဲ့ အပြင် အခါအားလျော်စွာ သူကို သေနတ်ပါ ပေးကိုင်တယ် ” လို့  အဆိုပါသတင်းဌာနက ထပ်မံဖြည့်စွက်ဖော်ပြခဲ့သည်။

    အထောက်အထား မှတ်တမ်းများအရ ဘာ့ဂ်ဒါလ်သည် တစ်ကြိမ်တွင် သုံ့ပန်းအဖြစ်မှ အလွတ်ရုန်း ထွက်ပြေးသွားနိုင်ခဲ့ပြီး ၅ ရက်တိုင်တိုင် လွတ်မြောက်နေခဲ့သည်။ သို့သော် ပြန်လည်ဖမ်းဆီးခံရသောအခါ သတ္ထုလှောင်အိမ်တစ်ခုအတွင်း တိရစ္ဆာန်တစ်ကောင်ကဲ့သို့ ပိတ်လှောင်ခံခဲ့ရသည်။

    သို့သော် တာလီဘန်တိုက်ခိုက်ရေးသမားနှင့်အတူ ဘောလုံးကစားခဲ့ဖူးကြောင်း၊  အေကေ ၄၇ ဖြင့် သေနတ်ပစ် လေ့ကျင့်မှု၌ ပါဝင်ခြင်း အပြင် သေနတ်တစ်လက်ကို မိမိဖာသာ သယ်ဆောင်ခွင့် ပြုခဲ့ကြောင်း၊ ရယ်ရယ်မောမောဖြင့် ရင်းနှီးစွာ စကားပြောကြအကြောင်း၊ အရဗီစကားဖြင့် ငြိမ်းချမ်းပါစေဟု စလာမ်ဆိုနှုတ်ဆက်ကြောင်း ဟုလည်း သတင်းထွက်ခဲ့၏။

    ဘာ့ဂ်ဒါလ်နှင့် တာလီဘန်တို့၏ နွေးထွေးသော ဆက်ဆံရေးအကြောင်းကို တင်ပြသည့် အမေရိကန်သတင်းဌာနမှာ Fox News တစ်ခုတည်း မဟုတ်ပါ။

    အမေရိကန် အခြေစိုက် လက်ျာယိမ်း ၀က်ဘ်ဆိုဒ်ဖြစ်သော Breitbart ကလည်း ယူကေ နေ့စဉ်သတင်းမှ ၂၀၁၀ ဆောင်းပါးကိုညွှန်းပြီး၊ ဘာ့ဂ်ဒါလ်သည် အစ္စလာမ်သို့ ကူးပြောင်းလက်ခံခဲ့ပြီး တာလီဘန်တိုက်ခိုက်ရေးသမားတို့ကို ဗုံးလုပ်နည်း သင်ကြားပေးခဲ့ကြောင်း ဆိုသည်။

    မိမိကိုယ်ကို ဟာဂျီ နဒီးမ်ဟု ခေါ်ဆိုသော တာလီဘန် ဒုတိုင်းမှူးဖြစ်သူနှင့် UK Daily Mail မှ အင်တာဗျူးစဉ် ဘာ့ဂ်ဒါလ်သည် မိမိအား မိုဘိုင်းလ်ဖုန်းကို တစ်စစီဖြုတ်ပြီး အဝေးထိန်း ချိန်ကိုက်ဗုံး အဖြစ် ပြောင်းလဲအသုံးချနည်း သင်ကြားပေးခဲ့သည်ဟု ၎င်းက ပြောသည်။

    ထိုသတင်းအား အတည်မပြုနိုင်သေးပါ။ သူလွတ်မြောက်လာပြီးနောက်ပိုင်း သူ၏အစ္စလာမ် လက်ခံသက်ဝင်မှုနှင့် ပတ်သက်၌ တာလီဘန်တို့သည် မည်သည့်မှတ်ချက် မပေးသေးချေ။

    တာလီဘန်ပြောရေးဆိုခွင့်ရှိသူ ဇိုင်ဘူလာ မုဂျာဟစ်က အေပီသတင်းဌာနသို့ “ သူ့သုံ့ပန်းဘ၀ အခြေအနေအကြောင်းကို အမေရိကမှာ ခင်ဗျားတို့ မေးမြန်းကြည့်နိုင်ပါတယ်။ မကျေနပ်တဲ့ စကား ဆိုမှာ မဟုတ်ဘူး ” ဟူသော စကားဖြင့် သောကြာနေ့တွင် ဘာ့ဂ်ဒါလ်အား သုံ့ပန်းဘ၀တွင် ကောင်းစွာ ဆက်ဆံခဲ့ကြောင်း၊ သူ့အား တာဝန်ယူထားသူနှင့်အတူ ဘောလုံးကစားခွင့်ပြုကြောင်း၊ သူတောင်းဆိုသမျှ အစားအသောက်နှင့် သီးနှံများ ပေးကမ်းခဲ့ကြောင်းကိုသာ ဖုန်းဖြင့်ပြောပြခဲ့သည်။

    US soldier freed in Taliban prisoner swap
    ဘာ့ဂ်ဒါလ် ရဲ့ မိဘ (၂) နှစ်ပါးနဲ့ သမ္မတ အိုဘားမား

    အမည်မဖော်လိုသူ တာလီဘန် ထိပ်တန်း အရာရှိ တစ်ဦးကလည်း ပြန်လွှတ်လိုက်သည့် အမေရိကန် ဆာဂျင်အပေါ် ပြုမူဆက်ဆံပုံကို “ ကျွန်တော်တို့လည်း လူသားတွေဖြစ်တယ်၊  နှလုံးသားရှိတဲလူတွေဆိုတာ ခင်ဗျားတို့ သိကြပါတယ်။ ကျွန်တော်တို့ အချင်းချင်းကြား စစ်ပွဲတွေဖြစ်ကြတယ်။ တိုက်ပွဲထဲမှာ အမေရိကန်တွေ ကျွန်တော်တို့ကို သတ်ဖြတ်သလို ကျွန်တော်တို့လည်း သူတို့ကို သတ်တယ်လေ။ ဒါပေမယ့် (သုံ့ပန်းဖြစ်သွားတဲ့) ဘာ့ဂ်ဒါလ်ကိုတော့ သူစိတ်ချမ်းသာအောင် တတ်နိုင်သမျှ ကျွန်တော်တို့ လုပ်ဆောင်ပေးခဲ့ပါတယ် ” ဟူ၍ မိမိတို့ထံပြောပြခဲ့ကြောင်း သောကြာနေ့ထုတ် The Time မဂ္ဂဇင်းက ဖော်ပြသည်။

    ဘာ့ဂ်ဒါလ်သည် အာဖဂန်ဘာသာစကားဖြစ်တဲ့ Pashto ကို အခြေခံ  လေ့လာသင်ယူခဲ့ကြောင်း၊ သူ့အား လက်ရဖမ်းဆီးခဲ့သော တာလီဘန်များအကြား မိတ်ဆွေများစွာ ရှိခဲ့ကြောင်း၊ ကောင်းမွန်စိတ်ရှင်းသည့် ပြည်တော်ပြန် ခရီး ဖြစ်စေလိုကြောင်း ၎င်းသူ၏စကားအရ သိရသည်။

    လွန်ခဲ့သည့် ရက်သတ္တပတ် သူ့အားလွှတ်ပေးလိုက်သည့် တာလီဘန် ဗီဒီယို မှတ်တမ်းတစ်ခုတွင် သူ့ကို ၎င်းသူတို့မှ လက်ဆောင်ပေးထားသည့် ဗောင်းထုတ်ကို ပခုံးပေါ်ဖြန့်ပြီး ဆောင်းလျက်သား တွေ့မြင်ခဲ့ကြရသည်။

    သို့သော် ဘာ့ဂ်ဒါလ်၏ ပြည်တော်ပြန်ခရီးမှာကား စိုပြေသာယာစွာ ဆီးကြိုခြင်း မခံခဲ့ရချေ။

    ဘာ့ဂ်ဒါလ် သည် စစ်တပ်မှ ထွက်ပြေးခဲ့ခြင်း ဖြစ်ကြောင်း သတင်းများထွက်ပေါ်ခဲ့ပြိးနောက်မှာ သူ့ဇာတိ Idaho တွင် သူ့အတွက် ဇွန်လ ၂၈ ရက်၌ ပြုလုပ်ပေးရန်စီစဉ်ထားသော ပါတီကို ဖျက်သိမ်းခဲ့ပါသည်။

    သူနဲ့ပတ်သက်ပြီး ကန့်ကွက်ခြင်း၊ စောဒကတက်ခြင်း အကြောင်းကြားချက် မြောက်များစွာကိုလည်း မိမိတို့မှ လက်ခံရရှိခဲ့ကြောင်း အာဏာပိုင်များက ဆိုသည်။ ရဲချုပ် ဂျက်ဖ် ဂန်သာသည် တဲန်နက်စီ ရဲမှူးထံမှ “ ဒီ စစ်တပ်က ထွက်ပြေးတဲ့ တပ်ပြေး ကို အားပေးရအောင် ရူးနေလို့လား ” ဟူ၍ ဖုန်းဆက်ပြောကြားခဲ့ကြောင်း ရိုက်တာသို့ ပြောပြသည်။

    တာလီဘန်များလက်မှ ဘာ့ဂ်ဒါလ် လွတ်မြောက်ရေးအတွက် ဂွမ်တာနာမိုအကျဉ်းစခန်းမှ နာမည်ကြီးတာလီဘန်အကျဉ်းသား ၅ ဦး လှဲလှယ် လွှတ်ပေးလိုက်ရခြင်းအတွက် သမ္မတ ဘားရက် အိုဘားမား အပါအ၀င် ထိပ်တန်းအာဏာပိုင်များကို အမေရိကန် လူထုက ဒေါသထွက်လျက်ရှိပြီး ဝေဖန်မှုများ အများအပြားထွက်လျက်ရှိပြီး  ဘာ့ဂ်ဒါလ်၏ စိတ်ပိုင်းဆိုင်ရာ ကျန်းမာရေး အတွက်စိုးရိမ်ကြောင်း ပြောဆိုလျက်ရှိနေကြသည်။

    ဘာ့ဂ်ဒါလ် လွတ်မြောက်လာပြီးကတည်းက သမ္မတ ဘားရက် အိုဘားမား အပါအ၀င် ထိပ်တန်းအာဏာပိုင်များက အကျဉ်းသားမှာ ဂွမ်တာနာမိုအကျဉ်းစခန်းမှ နာမည်ကြီးတာလီဘန်အကျဉ်းသား ၅ ဦးနှင့် လဲလှယ်ရေးအစီအစဉ်၌ ပါဝင်သူဖြစ်ကြောင်း၊ ယင်းကိစ္စသည် အမေရိကတွင် လူထုအား အမျက်ထွက်စေခဲ့ကြောင်း၊ ရုပ်ပိုင်းဆိုင်ရာကျန်းမာရေးဆိုးဝါးနေသဖြင့် စိုးရိမ်ရကြောင်း ပြောဆိုလျက်ရှိနေကြသည်။

    Ref:Al Arabiya News

  • တာလီဘန် အကျဉ်းသား ၅ ဦးနှင့် အမေရိကန် အကျဉ်းသား ၁ ဦး လှဲလှယ်

    ဇွန် ၁ ၊ ၂၀၁၄
    M-Media

    တာလီဘန်နှင့် အကျဉ်းသားလဲလှယ်ရေး အစီအစဉ်ဖြင့် တစ်ဦးတည်းသော အမေရိကန်စစ်သား လွတ်မြောက်လာ

    US soldier freed in Taliban prisoner swap

    – တာလီဘန်တို့၏ ဖမ်းဆီးခြင်းကို ခံထားရသည့် တစ်ဦးတည်းသော အမေရိကန်စစ်သားတစ်ဦးမှာ တာလီဘန်-အမေရိကန် အကျဉ်းသားလဲလှယ်ရေး အစီအစဉ်တွင် ပြန်လည် လွတ်မြောက်လာခဲ့သည်ဟု သိရသည်။

    ကာတာအစိုးရက ကြားဝင်စေ့စပ်ပေးသောကြောင့် ၂၀၀၉ ခုနှစ် ဇွန်လ ၃၀ ရက်နေ့ကတည်းက ဖမ်းဆီးခံခဲ့ရသည့် အသက် ၂၈ နှစ်အရွယ် တပ်ကြပ် ဘာ့ဂ်ဒါလ်မှာ လွတ်မြောက်လာခဲ့သည်။ ၎င်းအား ယမန်နေ့ညနေက အာဖဂန်အရှေ့ပိုင်းတွင် အမေရိကန်သို့ လွှဲပြောင်းပေးအပ်ခဲ့သည်။ ဘာ့ဂ်ဒါလ်မှာ ကျန်းမာရေးကောင်းမွန်ပြီး အာဖဂန်ရှိ အမေရိကန် လေတပ်စခန်းတွင် ဆေးစစ်ခဲ့ပြီးနောက် ဂျာမနီရှိ အမေရိကန် စစ်ဆေးရုံသို့ ပို့ဆောင်ခဲ့သည်ဟု အမေရိကန်စစ်တပ်မှ တာဝန်ရှိသူများက ပြောကြားခဲ့သည်။
    201453120505964734_20
    အမေရိကန်ကလည်း ဆိုးရွားစွာ ညှင်းပမ်းနှိပ်စက်မှုများ ရှိနေသည်ဟု သတင်းထွက်နေသည့် ဂွာတာနာမိုအကျဉ်းစခန်းမှ တာလီဘန် အကြီးတန်း အဖွဲ့ဝင် ၅ ဦးကို C-17 လေယာဉ်ဖြင့် ကာတာသို့ ပို့ဆောင်ပေးခဲ့သည်။ တာလီဘန် အဖွဲ့က ထုတ်ပြန်သော ကြေညာချက်တွင် ၎င်းတို့ဘက်မှ အကျဉ်သားလွှတ်ပေးမှုမှာ ၀မ်းမြောက်ခြင်းကို ယူဆောင်လာခဲ့သည်ဟု ဖော်ပြခဲ့သည်။

    အမေရိကန်ကမူ ၎င်းတို့၏ အကျဉ်းသား လွတ်မြောက်ရေးအတွက် ဆောင်ရွက်ပေးခဲ့သော ကာတာ အစိုးရအား ကျေးဇူးတင်ကြောင်း ပြောကြားခဲ့သည်။

    Al Jazeera and agencies