Tag: tennis

ဖေဖော်ဝါရီ ၂၄၊ ၂၀၁၇
M-Media

– လာမယ့်တစ်ပတ်အတွင်း ဘရာဇီးလ်နိုင်ငံ ဆော်ပေါ်လိုမြို့မှာ ကျင်းပပြုလုပ်မယ့် အေတီပီ ဘရာဇီးလ်အိုးပင်း တင်းနစ်ပြိုင်ပွဲက ပွဲတစ်ချို့မှာ ဘောကောက်ခွေးတွေကို အသုံးပြုသွားမယ်လို့ သိရပါတယ်။

ပြီးခဲ့တဲ့နှစ်ကလည်း ပြိုင်ပွဲတုန်းကလည်း ခွေးလေခွေးလွင့်တွေကို စောင့်ရှောက်ထားတဲ့ စင်တာက ခွေး ၄ ကောင်ကို ဘောကောက်အဖြစ် စမ်းသပ်အသုံးပြုခဲ့ပြီး နောက်ပိုင်းမှာ အမြဲတမ်း ဘောကောက်အဖြစ် ခန့်အပ်ခဲ့ပါတယ်။

ဒီနှစ်မှာတော့ စင်ဒီ၊ နန်ဒါ၊ ပရီတင်ဟာ၊ မီယာ၊ အာလီတီနဲ့ အိုဗဲလ် စတဲ့ ခွေး ၆ ကောင်ဟာ မတ်လ ၄ ရက်နေ့ကနေ ၅ နေ့အထိ ပြုလုပ်မယ့် ဆီမီးဖိုင်နယ်၊ ဖိုင်နယ် ပွဲစဉ်တွေအရင် လက်ရည်စမ်းပွဲတွေမှာ ဘောကောက်အဖြစ် တာဝန်ယူသွားမှာ ဖြစ်ပါတယ်။

“သူတို့လေးတွေဟာ ဘ၀ခရီးလမ်း မဖြောင့်ဖြူးခဲ့တဲ့ ခွေးလေးတွေပါ။ ဒါပေမယ့် ကျွန်မတို့ဟာ အတိတ်က ခံစားခဲ့ရတဲ့ သမိုင်းကြောင်းတွေကို ပြချင်တာမဟုတ်ပါဘူး။ ဘာတွေပဲဖြစ်ခဲ့ဖြစ်ခဲ့ ဒီနေ့နဲ့ အနာဂတ်မှာ သူတို့လေးတွေဟာ အဖော်မွန်ကောင်းတွေဖြစ်တယ်ဆိုတာ သက်သေပြဖို့ပါပဲ” လို့ တင်းနစ်ပြိုင်ပွဲမှာ ဘောကောက်ခွေးအသုံးပြုရေးလှုပ်ရှားမှုကို စီစဉ်ခဲ့တဲ့ တိရစ္ဆာန်အစားအစာ ထုတ်လုပ်ဖြန့်ချီရေးလုပ်ငန်း PremieR Pet မာဒါလီနာ စပင်နာဇိုလာက ပြောကြားခဲ့ပါတယ်။

ဘရာဇီးလ်အိုးပင်း တင်းနစ်ပြိုင်ပွဲမှာ ဥရုဂွေးက ပါဘလို ကျူဗက်ဇ်ဟာ လက်ရှိ ၂ ကြိမ်ဆက်ချန်ပီယံဖြစ်ပြီး ပြင်သစ်အိုးပင်း ၉ ကြိမ်မြောက်ချန်ပီယံ ရာဖေးနာဒယ်ဟာလည်း ဒီပွဲကို နွှဲမှာဖြစ်ပါတယ်။

Ref: CNN

ဇန်န၀ါရီ ၁၉၊ ၂၀၁၆
M-Media

– လုပ်ပွဲပြဿနာကို ဖြေရှင်းရန်အတွက် လူငယ်တစ်နစ်ကစားသမားများကို အသိပညာပေးရမည်ဖြစ်ပြီး ထိုပြဿနာ အတွက် ပြောဆိုရာတွင် ပိုမို၍ ပွင့်လင်းရန် လိုအပ်သည်ဟု ကမ္ဘာ့နံပါတ် ၂ တင်းနစ်ကစားသမား အန်ဒီမာရေးက ယနေ့တွင် ပြောကြားလိုက်သည်။

သြစတေးလျအိုးပင်း တင်းနစ်ပြိုင်ပွဲ စတင်သည့်အချိန်နှင့် တိုက်ဆိုင်စွာ တင်းနစ်လောကတွင် လုပ်ပွဲကစားမှုသတင်းများမှာ ပေါ်ထွက်လာခဲ့ပြီး၊ ကမ္ဘာ့နံပါတ် ၁ တင်းနစ်သမား ဂျိုကိုဗစ်ကလည်း ၂၀၀၇ ခုနှစ်က ၎င်းကို လုပ်ပွဲကစားရန် ကမ်းလှမ်းခဲ့ဖူးသည်ဟု ဖွင့်ဟခဲ့သည်။ ဗြိတိန်မှ အန်ဒီမာရေးကမူ လုပ်ပွဲကစားမှုကို အသိပညာပေးခြင်းဖြင့်သာ ဖြေရှင်းရမည်ဟုဆိုသည်။

“ပိုက်ဆံအထုတ်လိုက်ပိုက်လာတာကိုတွေ့ရင် ဒီလို ငယ်ငယ်ရွယ်ရွယ်အချိန်မျိုးမှာ လူတွေဟာ တစ်ခါတစ်တရံ အမှားလုပ်နိုင်တယ်လို့ ကျွန်တော်ထင်ပါတယ်။ ဒီလိုအခြေအနေမျိုးတွေ့တဲ့အခါ သူတို့ဘာလုပ်သင့်တယ်ဆိုတာနဲ့ ဒီလိုဆုံးဖြတ်ချက်ဟာ သူတို့ရဲ့ ကစားသမားဘ၀နဲ့ တင်းနစ်အားကစားတစ်ခုလုံးကို ဘယ်လိုထိခိုက်နိုင်တယ်ဆိုတာ ပိုပြီး အသိပညာပေးဖို့၊ ပိုပြီး နားလည်းသဘောပေါက်အောင်လုပ်ဖို့ အရေးကြီးတယ်လို့ ကျွန်တော်ထင်ပါတယ်။ အားကစားတစ်ခုတည်းမှာမဟုတ်ပါဘူး။ အားကစားအားလုံးမှာ လုပ်ရမှာပါ။ ဒီလိုကိစ္စတွေကို အသက် ၁၅၊ ၁၆၊ ၁၇ အရွယ် လောက်ကတည်းက သိထားသင့်ပါတယ်။ သတိထားသင့်ပါတယ်” ဟု အန်ဒီမာရေးက ပြောကြားခဲ့သည်။

Ref : Channelnewsasia

ဇန်န၀ါရီ ၁၈၊ ၂၀၁၆
M-Media

– တင်းနစ်လောကတွင် လုပ်ပွဲပြဿနာများရှိသည်ဟု စွပ်စွဲချက်များ ကျယ်ကျယ်ပြန့်ပြန့် ထွက်ပေါ်လာခဲ့သည့်အချိန်တွင် ကမ္ဘာ့နံပါတ် ၁ တင်းနစ်သမား ဂျိုကိုဗစ်က ၎င်း၏ စောစာပိုင်းအချိန်၌ လုပ်ပွဲကစားရန် ကမ်းလှမ်းခံခဲ့ရသည်ဟု ဖွင့်ဟ ပြောကြားလိုက်သည်။

BBC နှင့် BuzzFeed News တို့က ပြီးခဲ့သည့် ၁၀ နှစ်အတွင်း ကမ္ဘာ့ထိပ်တန်း တင်းနစ်သမား ၅၀ ထဲမှ ၁၆ ဦးမှာ လုပ်ပွဲများတွင် ပါဝင်ခဲ့သည်ဟု တင်းနစ်အဖွဲ့တစ်ခုဖြစ်သော TIU မှ သတင်းများ ရရှိခဲ့သော်လည်း ကစားသမားများအကြားတွင် သံသယဖြစ်ဖွယ်ကောင်းသော လုပ်ရပ်များအား စောင့်ကြည့်မှုမရှိခဲ့ဘဲ၊ မည်သည့် ပြစ်ဒဏ်မှ ချမှတ်ခဲ့ခြင်းလည်းမရှိဟု ဖော်ပြခဲ့သည်။

သြစတေးလျအိုးပင်း အဖွင့်ပွဲစဉ်တွင် တောင်ကိုရီးယားမှ ချန်ဟေယုံကို အနိုင်ရရှိခဲ့သည့် ဂျိုကိုဗစ်ကမူ ထိုသတင်းများကို လက်မခံခဲ့သော်လည်း ၂၀၀၇ ခုနှစ် ရုရှားတင်းနစ်ပြိုင်ပွဲတစ်ခုတွင် ပထမအဆင့်၌ အရှုံပေးရန် ကန်ဒေါ်လာ ၂ သိန်းဖြင့် ကမ်းလှမ်းခံရဖူးကြောင်း ပြောကြားခဲ့သည်။

“ကျွန်တော့်ကို တိုက်ရိုက်ချဉ်းကပ်တာတော့ မဟုတ်ပါဘူး။ အဲဒီအချိန်က ကျွန်တော်နဲ့အလုပ်လုပ်နေတဲ့ သူတွေကနေတစ်ဆင့် ချဉ်းကပ်တာပါ။ တကယ်တော့ သူတို့ ချက်ခြင်းပဲ ငြင်းခဲ့ပါတယ်။ ကျွန်တော့်ဆီတောင် မရောက်လိုက်ပါဘူး။ ကျွန်တော့်ကိုပြောဖို့ ကြိုးစားတဲ့သူက ကျွန်တော့်ဆီကို တိုက်ရိုက် မရောက်ခဲ့ပါဘူး။ ဘာမှလည်း မဖြစ်ခဲ့ပါဘူး” ဟု ဂျိုကိုဗစ်က သတင်းထောက်များအား ပြောကြားခဲ့သည်။

ထို့ပြင် လွန်ခဲ့သည့် ၇ နှစ်၊ ၈ နှစ်အတွင်း ထိုကဲ့သို့သော အဖြစ်အပျက်မျိုး မကြားရခဲ့ရဘဲ၊ မိမိကိုလည်း ချဉ်းကပ်မှုမရှိခဲ့ကြောင်း၊ ထို့ကြောင့် မည်သည့်မှ ပြောစရာမရှိကြောင်း ၎င်းက ထည့်သွင်းပြောကြားခဲ့သည်။

လုပ်ပွဲကစားသည်ဟု စွပ်စွဲခံရသူများတွင် ဂရင်းစလင်းဆုဖလားကို ရရှိဖူးသူများလည်း ပါဝင်ပြီး ၎င်းတို့မှာ ဆက်လက်ယှဉ်ပြိုင်ခွင့်ရနေသည်ဟု BBC နှင့် BuzzFeed News တို့က ထည့်သွင်းဖော်ပြခဲ့သည်။ ထို့ပြင် ၎င်းတို့ထဲမှ ၈ ဦးမှာ ယခု သြစတေးလျအိုးပင်းတွင် ကစားနေသည်ဟု ဆိုသည်။

၂၀၀၇ ATP စုံစမ်းစစ်ဆေးရေးအဖွဲ့မှာ စုံစမ်းစစ်ဆေးသူများက လုပ်ပွဲများကစားခဲ့သည်ဟု ယူဆထားသော ပွဲများအတွက် ရုရှား၊ အီတလီမြောက်ပိုင်းနှင့် စစ္စလီကျွန်းများတွင် ဒေါ်လာသန်းနှင့်ချီ၍ လောင်းကြေးများရှိခဲ့သည်ကို တွေ့ရှိခဲ့ရကြောင်း၊ ထိုအထဲမှ ၃ ပွဲမှာ ၀င်ဘယ်လ်ဒန်ပွဲများဖြစ်ကြောင်း အဆိုပါသတင်းဌာနများက ထည့်သွင်းဖော်ပြခဲ့သည်။

သို့သော်လည်း တင်းနစ်အာဏာပိုင်များကမူ ထိုသတင်းများကို ငြင်းဆိုခဲ့သည်။

Ref: Aljazeera

နိုဝင်ဘာ ၁၃၊ ၂၀၁၅
M-Media

– တင်းနင်းကစားသမားများတွင် တားမြစ်ဆေးပြဿနာများ မရှိရေးအတွက် ပိုမိုအားထုတ်လုပ်ဆောင်ရန် တင်းနစ်အဖွဲ့အစည်းများကို ကမ္ဘာ့ နံပါတ် ၂ ဗြိတိန်တင်းနစ်အကျော်အမော် အန်ဒီမာရေးက တိုက်တွန်း ပြောကြားလိုက်သည်။

ယခုရက်ပိုင်းအတွင်း ရုရှားအားကစားလောကမှာ တားမြစ်ဆေးပြဿနာကို အကြီးအကျယ် ရင်ဆိုင်နေရပြီး ကမ္ဘာတစ်ဝှမ်းမှ အားကစား လောကတွင်လည်း ထိုပြဿနာများ ရှိမလာစေရေး တင်းတင်းကြပ်ကြပ်ဆောင်ရွက်ရန် တိုက်တွန်းဆော်သြမှုများ မြင့်တက်လာခဲ့သည်။ မာရေးကမူ တင်းနစ်ပြိုင်ပွဲများတွင် ဆုကြေး အဆမတန် များပြားခြင်းက ကစားသမားများအား တားမြစ်ထားသည့် ဆေးဝါးများ သုံးစွဲကာ စွမ်းဆောင်ရည်မြင့်တက်အောင် လုပ်ဆောင်မှုကို ဖြစ်စေလိမ့်မည်ဟု ထောက်ပြခဲ့သည်။

“ကျွန်တော်က အမြဲတမ်း စည်းမျဉ်းစည်းကမ်းတွေကို လိုက်နာပါတယ်။ ရုရှားမှာဖြစ်သွားတာက တော်တော်ဆိုးပါတယ်။ ဒါပေမယ့် ဒါဟာ ရုရှားရဲ့ ပြဿနာ ဒါမှမဟုတ် အားကစားသမားတွေရဲ့ ပြဿနာပဲလို့ ကျွန်တော်မထင်ပါဘူး။ ဒါကို ဘယ်လိုတွန်းလှန်မလဲဆိုတာ တာဝန်ရှိတဲ့ အားကစားအဖွဲ့တွေပေါ်မှာလည်း မူတည်ပါတယ်။ ဘာ့ကြောင့်လည်းဆိုတော့ အားကစားမှာ ငွေကြေးတွေ၊ အကျိုးအမြတ်တွေကို သုံးစွဲနေသလိုပဲ၊ တားမြစ်ဆေး ပပျောက်ရေးကိစ္စမှာလည်း ငွေကြေးတွေကို လုံလုံလောက်လောက် သုံးစွဲဖို့လိုပါတယ်။ တင်းနစ်က
ဆုကြေးဟာ အလွန့်အလွန်ကို မြင့်မားနေပါတယ်။ ပြီးတော့ တားမြစ်ဆေးကိစ္စမှာ ကျွန်တော်တို့ ငွေကြေး ဘယ်လောက်သုံးစွဲလဲဆိုတာကိုလည်း ကြည့်ဖို့ လိုအပ်ပါတယ်” ဟု မာရေးက ပြောကြားခဲ့သည်။

Ref: Dailymail

နိုဝင်ဘာ ၁၊ ၂၀၁၅
M-Media

– ယခုနှစ် တင်းနစ်ရာသီ ရာသီပိတ် အမျိုးသမီး တင်းနစ်ပြိုင်ပွဲဖြစ်သော WTA Finals ပြိုင်ပွဲတွင် ပိုလန်တင်းနစ်မယ် အဂ်နစ်ဇ်ကာ ရဒ်ဝမ်စကာက ဗိုလ်စွဲခဲ့ပြီး ၎င်း၏ တင်းနစ်သမားဘ၀တွင် အမြင့်ဆုံး အောင်မြင်မှုလည်း ဖြစ်ခဲ့သည်။

စင်ကာပူ၌ ကျင်းပပြုလုပ်ခဲ့သည့် အဆိုပါပြိုင်ပွဲတွင် ရဒ်ဝမ်စကာမှာ အနီရောင်အုပ်စုတွင် ကျရောက်ခဲ့ပြီး မာရီယာ ရှာရာပိုဗာနှင့် ဖလာဗီယာ ပန်နက်တာတို့ကို ရှုံးနိမ့်ခဲ့သော်လည်း ကမ္ဘာ့အဆင့် ၁ ဆီမွန်နာဟဲလ်ပ်ကို အနိုင်ယူကာ ဆီမီးဖိုင်နယ်သို့ တက်ရောက်လာခဲ့ခြင်း ဖြစ်သည်။

ဆီမီးဖိုင်နယ်တွင် ဂါဘိုင်း မူဂူရူဇာကို အနိုင်ရခဲ့ပြီးနောက် ယနေ့တွင် ရှာရာပိုဗာကို အနိုင်ယူကာ ဗိုလ်လုပွဲသို့ တက်ရောက်လာခဲ့သည့် ချက်တင်းနစ်မယ် ပီထရာ ကဗီတိုဗာနှင့် ယှဉ်ပြိုင်ခဲ့ရသည်။ ၎င်းတို့နှစ်ဦး၏ ပွဲမှာ အကြိတ်အနယ်ရှိခဲ့ပြီး ရဒ်ဝမ်စကာက ၆-၂၊ ၄-၆၊ ၆-၃ ဖြင့် အနိုင်ရ ဗိုလ်စွဲခဲ့သည်။

ရဒ်ဝမ်စကာမှာ ကမ္ဘာ့ထိပ်တန်း တင်းနစ်မယ် ၈ ဦးသာ ယှဉ်ပြိုင်ကစားရသည့် WTA Finals ပွဲတွင် ပထမဆုံး ဗိုလ်စွဲနိုင်ခြင်းဖြစ်ပြီး ကမ္ဘာ့အဆင့် ၅ အထိ တက်လာနိုင်ခဲ့သည်။ အမျိုးသမီး နှစ်ယောက်တွဲပွဲတွင်မူ ဆွစ်ဇာလန်မှ မာတီနာဟင်းဂစ်နှင့် အိန္ဒိယမှ ဆာနီယာ မီရ်ဇာတို့အတွဲက စပိန်အတွဲဖြစ်သော ဂါဘိုင်း မူဂူရူဇာနှင့် ကာရ်လာ ဆွာရက်ဇ်တို့ အတွဲကို အနိုင်ယူကာ ဗိုလ်စွဲခဲ့သည်။

Ref: Channelnewsasia