Tag: The Enduring Legacy of Muslim Civilization

စက်တင်ဘာ ၈၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– မွတ်စလင်တွေဟာ မိုးကောင်းကင်ကို စူးစမ်းလေ့လာမှုအတွက် ဘာ့ကြောင့် အချိန်တွေအများကြီး သုံးစွဲခဲ့လဲဆိုတာ သင်သိပါသလား။ ပထမဆုံးအကြောင်းအရင်းက တစ်နှစ်တာပတ်လုံး နေ့စဉ် ၀တ်ပြုချိန်တွေကို သတ်မှတ်ဖို့ လိုအပ်တာကြောင့်ဖြစ်ပါတယ်။ ၀တ်ပြုချိန်တွေဟာ အာရုဏ်တက်၊ နေ့လည်၊ မွန်းလွဲ၊ နေ၀င်ပြီးချိန်နဲ့ ညဉ့်ဦးယံတို့မှာ ဖြစ်တာကြောင့် ဒီအချိန်တွေကို သတ်မှတ်ဖို့ဟာ နေရဲ့ ရွေ့လျားမှုအပေါ်မှာ မူတည်နေပါတယ်။ မွတ်စလင်တွေဟာ ၀တ်ပြုရာမှာ ကမ္ဘာ့နေရာတိုင်းကနေ မက္ကာမြို့ဖက်ကို အတိအကျ မျက်မှာမူဖို့ လိုအပ်တာကြောင့် ဒါကိုလည်း နေနဲ့ လတို့ရဲ့ အနေအထားတွေကို ကြည့်ပြီး ဆုံးဖြတ်ရတာ ဖြစ်ပါတယ်။ ကုရ်အာန်ကျမ်းတော်မြတ်မှာ စူးစမ်းလေ့လာရမယ့် အာကာသ အကြောင်းတွေနဲ့ ပတ်သက်တဲ့ ထုတ်ပြန်ပို့ချချက်တွေ ရှိနေကာ နောက်ဆုံး အကြောင်းအရင်းတစ်ခုကတော့ ပြက္ခဒိန်ဖန်တီးရေး ဖြစ်ပါတယ်။

အစ္စလာမ့်ပြက္ခဒိန်ဟာ လကို အခြေခံတွက်ချက်တာကြောင့် လမင်းကြီး အ၀င်အထွက်ကိုလိုက်ကာ ပြက္ခဒိန်က လတွေကလည်း ပြောင်းလဲနေပါတယ်။ တစ်လချင်းစီကို ဆန်းဦးစလကြည့်ရှုခြင်းနဲ့ စတင်ရပြီး တစ်လတာ ဥပုသ်သီလ ဆောက်တည်ရတဲ့ မွတ်စလင်တို့ရဲ့ ရမ်ဇာန်ဥပုသ်လမှာ အဲဒီလို လကြည့်တာက တော်တော် အရေးပါပါတယ်။

ဒီလို ဘာသာရေးဆိုင်ရာတွန်းအားတွေကြောင့် နက္ခတ္တဗေဒဟာ လွန်ခဲ့တဲ့ နှစ်ပေါင်း တစ်ထောင်ကျော်အရင်က မွတ်စလင်ပညာရှင်တွေ အဓိကထား လေ့လာခဲ့တဲ့ ပညာရပ်ဖြစ်ခဲ့ပြီး  သူ့တို့ရဲ့ စူးစမ်းဖော်ထုတ်မှုတွေကလည်း ရာစုနှစ်နဲ့ချီ တည်တံ့ခဲ့ပါတယ်။ ဥရောပ ဉာဏ်သစ်လောင်းအရေးတော်ပုံ အတွင်း ၁၅ ရာစုရဲ့ နာမည်ကျော် သင်္ချာနဲ့ နက္ခတ္တဗေဒပညာရှင် ရီဂျီယိုမွန်တာနက်စ် (Regiomontanus) ဟာ မွတ်စလင်တွေရဲ့ နက္ခတ္တဗေဒဆိုင်ရာ စာအုပ်စာတမ်းတွေကို ကိုးကားခဲ့သလို၊ နီကိုလက်စ် ကော့ပါးနီးကပ်စ် (Nicolaus Copernicus) ကလည်း သူ့ရဲ့ De Revolutionibus စာအုပ်မှာ ၁၀ ရာစုနဲ့ ၁၁ ရာစုက မွတ်စလင်နက္ခတ္တဗေဒ ပညာရှင်တွေဖြစ်တဲ့ အလ်-ဇာကာလီ (Al-Zarqali) နဲ့ အလ်-ဘတ္တာနီ (Al-Battani) တို့ကို ထပ်ခါတလဲလဲ ရည်ညွှန်းခဲ့ပါတယ်။

နက္ခတ္တဗေဒဆိုင်ရာ အကြီးကျယ်ဆုံး ရှာဖွေတွေ့ရှိမှုတွေဟာ အရှေ့တိုင်းက သုတေသန စင်တာတွေမှာ ဖြစ်ခဲ့ပေမယ့် စပိန်က တော်လေဒိုဒေသကို မွတ်စလင်တွေရဲ့ နှစ်ပေါင်း ၃၀၀ အုပ်စိုးမှုအတွင်း အဲဒီဒေသဟာ ကမ္ဘာ့ နက္ခတ္တဗေဒရဲ့ အချက်အခြာနေရာ ဖြစ်ခဲ့ပါတယ်။ တော်လေဒိုမှာ တီထွင်ဖန်တီးခဲ့တဲ့ နက္ခတ္တဗေဒဆိုင်ရာ ဇယားတွေကို ဥရောပမှာ ရာစုနှစ် ၂ ခုလောက် တွင်တွင်ကျယ်ကျယ် အသုံးပြုခဲ့ပါတယ်။

အာကာသမိုးကောင်းကင်ကို လေ့လာမှုဟာ လွယ်ကူတဲ့အရာတော့ မဟုတ်ပါဘူး။ နေနဲ့ လတို့ဟာ မိုးကောင်းကင်တစ်ဝှမ်းမှာ ရွေ့လျားနေတာကြောင့် နေ့စဉ်နေ့တိုင်း စူးစမ်းမှုတွေ ပြုလုပ်ရပါတယ်။ ဒါ့ကြောင့် နေ၀င်နေထွက် သတ်မှတ်မှုတွေ၊ နှစ်ပတ်တစ်ခါတိုင်းမှာ ပြန်လည် တိုင်းတာသတ်မှတ်ရတဲ့ ဂြိုဟ်တွေရဲ့ လတ္တီကျု၊ လောင်ဂျီကျု အတိုင်းအတာတွေ ပေါ်ထွက်လာပါတယ်။

၉ ရာစု ဘဂ္ဂဒတ်ပြည့်ရှင် အလ်-မာမွန် (Al-Mamun) ဟာ ‘ပညာ့ရိပ်မြုံ’ (House of Wisdom) လို့ခေါ်တဲ့ အသိပညာ အကယ်ဒမီတစ်ခုကို တည်ထောင်ခဲ့ပြီး ယခင်က အသိအပညာတွေကို ဘာသာပြန်ဆိုခဲ့ပါတယ်။ ဒီ ပညာ့ရိပ်မြုံရဲ့ ပထမဆုံး အာရဘီဘာသာပြန် လက်ရာတွေထဲမှာ နက္ခတ္တဗေဒ ပညာရှင်ကြီး တော်လမီ (Ptolemy) ရဲ့ Great Work စာအုပ်လည်း ပါဝင်ခဲ့ပါတယ်။ ဒီစာအုပ်ကြီးမှာ နေ၊ လ၊ ဂြိုဟ်တွေ၊ ကြယ်တွေဟာ ကမ္ဘာ့ပတ်ဝန်းကျင်မှာ လည်ပတ်နေကြတယ်လို့ ရေးသားထားပါတယ်။ အာရပ်ပညာရှင်တွေက Almagest လို့သိကြတဲ့ ဒီ ဘာသာပြန်ကျမ်းဟာ နောက်ထပ် နှစ်ပေါင်း ၅၀၀ လောက် နက္ခတ္တဗေဒရဲ့ အခြေခံအုတ်မြစ် ဖြစ်လာခဲ့ပါတယ်။ ဒါပေမယ့် ဒီစာအုပ်ကြီးမှာ တွေ့ခဲ့တဲ့ ဂရိတွေရဲ့ သင်္ချာဆိုင်ရာနည်းလမ်းတွေကို ကျော်လွန်ပြီး မွတ်စလင်တွေက ရှာဖွေစူးစမ်း ဖော်ထုတ်နိုင်ခဲ့ကြပါတယ်။ အထူးသဖြင့် ထရီဂိုနော်မေတြီ နယ်ပယ်မှာဖြစ်ပြီး မွတ်စလင်တွေကြီးစိုးတဲ့ ဒေသတွေမှာ ပေါ်ထွက်လာခဲ့တဲ့ တိုးတက်မှုတွေက ဥရော ဉာဏ်သစ်လောင်းအရေးတော်ပုံ ကာလ နက္ခတ္တဗေဒ ၏ပညာရပ်အတွက် တန်ဖိုးဖြတ်မရတဲ့ နည်းလမ်းတွေ ဖြစ်ခဲ့ပါတယ်။

အာကာသမိုးကောင်းကင်ကို စူးစမ်းလေ့လာရေးနယ်ပယ်နဲ့ အနာဂတ် နက္ခတ္တနယ်ပယ်အတွက် အခြေခံအုတ်မြစ်တွေချပေးရာမှာ ထင်ရှားတဲ့ မွတ်စလင် နက္ခတ္တဗေဒပညာရှင်တွေ အမြောက်အများရှိနေပြီး အဲဒီအထဲက အထင်ရှားဆုံး ပညာရှင်အချို့အကြောင်းကို အကျဉ်းချုံး ဖော်ပြလိုပါတယ်။

အလ်-ဘတ္တာနီ (Al-Battani)

အနောက်တိုင်းမှာ အလ်ဘာတဂ်နီယက်စ် (Albategnius) လို့သိကြတဲ့ သူဟာ သက္ကရာဇ် ၉၂၉ ခုနှစ်မှာ ကွယ်လွန်သွားခဲ့သူပါ။ အလ်-ဘတ္တာနီဟာ The Sabian Tables ကို တည်ဆောက်ခဲ့ပြီး ဒီ ဇယားဟာ ရာစုနှစ်တော်တော်ကြာတဲ့အထိ လွှမ်းမိုးမှု ရှိခဲ့ပါတယ်။ သူ့ရဲ့ ဖော်ထုတ်မှုတွေထဲမှာ လ၀င်၊ လထွက် အချိန်အတိအကျကို တွက်ချက်တာ၊ နေရဲ့ အကွာအဝေးကို တိုင်းတာတာ၊ နေကြတ်မှုကို ခန့်မှန်းတာ၊ အာကာသအရာဝတ္ထုတွေအပေါ် အမြင်အာရုံထွေပြားမှု (parallax) ဖြစ်စဉ်တွေ  ပါဝင်ပါတယ်။ ထရီဂိုနော်မေတြီအယူအဆကို လူကြိုက်များလာအောက် လုပ်ပေးခဲ့တာကလည်း အလ်-ဘတ္တာနီပဲဖြစ်ပြီး အဲဒီအချိန်တုန်းက နက္ခတ္တဗေဒနယ်ပယ်မှာ အဓိကထားအသုံးပြုနေရတဲ့ တော်လမီရဲ့ သီအိုရီတွေကို သိသိသာသာ ပြောင်းလဲမှုတွေ လုပ်ဆောင်ခဲ့ပါတယ်။ အလ်-ဘတ္တာနီဟာ နေရဲ့လှုပ်ရှားသွားလာမှု လမ်းကြောင်း၊ နေဟာ ကမ္ဘာမြေကနေ အဝေးဆုံးကို ရောက်သွားတဲ့အချိန်မှာ ကြယ်တာရာတွေကြား နေရဲ့ အကွာအဝေး စတဲ့ အရေးပါတဲ့တွေ့ရှိချက်တွေကိုလည်း စူးစမ်းဖော်ထုတ်နိုင်ခဲ့ပါတယ်။ ဒီတွေ့ရှိချက်တွေဟာ တော်လမီလက်ထက်မှာ မရှိခဲ့ပါဘူး။ ဂရိနက္ခတ္တဗေဒ ပညာရှင်တွေက နေဟာ လောင်ဂျီကျု ၆၅ ဒီဂရီမှာ ရှိတယ်လို့ ယူဆခဲ့ပြီး အလ်-ဘတ္တာနီက ၈၂ ဒီဂရီမှာ ရှိတယ်လို့ ဖော်ထုတ်ခဲ့ပါတယ်။

အလ်-ဘီရူနီ (Al-Biruni)

သက္ကရာဇ် ၉၇၃ ကနေ ၁၀၅၀ အထိ အသက်ရှင်နေထိုင်ခဲ့တဲ့ အလ်-ဘီရူနီက ကမ္ဘာကြီးဟာ သူ့ရဲ့ ၀င်ရိုးပေါ်မှာ လည်ပတ်နေတယ်ဆိုတာကို ဖော်ထုတ်ခဲ့ပါတယ်။ ကမ္ဘာကြီးရဲ့ စက်ဝန်းမျဉ်းကို တွက်ချက်ပြခဲ့ပြီး ကမ္ဘာတစ်ဝှမ်းကနေ မက္ကာမြို့ကို မျက်နှာမူရမယ့် အရပ်တွေကို သိပ္ပံနည်းကျ ပုံသေ သတ်မှတ်နိုင်ခဲ့ပါတယ်။ အလ်-ဘီရူနီဟာ ကျမ်းပေါင်း ၁၅၀ လောက် ရေးသားခဲ့ပြီး အဲဒီအထဲမှာ ၃၅ ခုလောက်က နက္ခတ္တဗေဒ သီးသန့်ကျမ်းတွေဖြစ်ပါတယ်။ ဒါပေမယ့် ယနေ့မှာတော့ သူ့ရဲ့လက်ရာ ၆ အုပ်လောက်သာ ကျန်ရှိပါတော့တယ်။

အစ်ဗနေ့ ယူနွတ်စ် (Ibn Yunus)

အစ်ဗနေ့ယူနွတ်စ်ဟာ ၄.၆ ပေအချင်းရှိတဲ့ နက္ခတ္တဗေဒကြည့် အိမ်မြှောင်နဲ့ သက္ကရာဇ် ၉၇၇ ကနေ နှစ်ပေါင်း ၃၀ နီးပါးလောက်အထိ အာကာသကို စူးစမ်းလေ့လာမှုတွေ ပြုလုပ်ခဲ့ပြီး ဒီနှစ်တွေအတွင်းမှာ နေရဲ့ တည်နေရာပေါင်း တစ်သောင်းကျော်လောက်ကို ရှာဖွေတွေ့ရှိခဲ့ပါတယ်။

အလ်-ဖာ့ဂ်ဟာနီ (Al-Farghani)

အဘ္ဘာစစ်မင်းဆက် ပြည့်ရှင် အလ်-မာမွမ်ရဲ့ လက်စွဲတော် နက္ခတ္တဗေဒပညာရှင်တွေထဲက တစ်ဦးပါ။ အလ်-ဖာ့ဂ်ဟာနီဟာ နက္ခတ္တဗေဒသုံး အိမ်မြှောင်အကြောင်း၊ ဒီကိရိယာနောက်ကွယ်က သင်္ချာဆိုင်ရာ သီအိုရီအကြောင်း ရေးသားဖော်ထုတ်ခဲ့သူပါ။ ပြီးတော့ သူ့ခေတ်သူ့အခါက အဲဒီအိမ်မြှောင်မှာ ရှိခဲ့တဲ့ ဂျီသြမေတြီဆိုင်ရာ မှားယွင်းချက်တွေကိုလည်း ပြင်ဆင်ပေးခဲ့ပါတယ်။ သူ့ရဲ့ အကျော်ကြားဆုံး စာအုပ်က Book on Sun Movement and Encyclopedia of Star Science (နေရွေ့လျားမှုနှင့် ကြယ်တာယာသိပ္ပံဆိုင်ရာ စွယ်စုံကြမ်း) ဖြစ်ပြီး စကြ၀ဠာဗေဒနဲ့ ပတ်သက်တဲ့ စာအုပ်ကောင်းတစ်အုပ် ဖြစ်ပါတယ်။ အခန်းပေါင်း ၃၀ လောက်ပါဝင်တဲ့ ဒီစာအုပ်မှာ ကမ္ဘာကြီးအကြောင်းနဲ့ အရွယ်အစား၊ ကမ္ဘာကြီးရဲ့ ပတ်ဝန်းကျင်မှာရှိတဲ့ ဂြိုဟ်တွေရဲ့ အကွာအဝေး၊ အရွယ်အစားတွေကို ဖော်ပြထားပါတယ်။

အလ်-ဇာကာလီ (Al-Zarqali)

သက္ကရာဇ် ၁၀၈၇ ခုနှစ်မှာ ကွယ်လွန်ခဲ့တဲ့သူ့ကို ဥရောပက အာရ်ဇာခီ (Arzachel) ဒါမှမဟုတ် အဇာကွီလ် (Azarquiel) လို့ သိကြပါတယ်။ သူဟာ နက္ခတာယာဇယား Toledan Tables ကို တည်ဆောက်ခဲ့ပြီး ဘယ်လို ပထ၀ီအခြေအနေမျိုးမှာမဆို အသုံးပြုလို့ရတဲ့ အဆင့်မြင့် နက္ခတ္တဗေဒကြည့် အိမ်မြှောင်ကို တီထွင်ခဲ့သူပါ။

ဂျာဘီရ် အစ်ဗနေ့ အဖ်လာ (Jabir ibn Aflah)

ဂျာဘီရ်ဟာ သက္ကရာဇ် ၁၁၄၅ ခုနှစ်မှာ ကွယ်လွန်ခဲ့ပြီး အာကာသ ကိုသြဒိနိတ်တွေကို တိုင်းတာဖို့အတွက် ဂြိုဟ်ပုံတူတွေကို ပထမဆုံး ဒီဇိုင်းဆွဲ ဖန်တီးခဲ့သူပါ။ စက်လုံးဆိုင်ရာ ဂျီသြမေတြီပညာရပ်မှာ ဂျာဘီရ်ရဲ့ ကြိုးပမ်းအားထုတ်မှုတွေကလည်း ကျော်ကြားပါတယ်။

အစ်ဗနေ့ ရူရှဒ် (Ibn Rushd)

၁၂ ရာစု ကော်ဒိုဘာက မွတ်စလင်ပညာရှင်တစ်ယောက်ဖြစ်ပြီး အနောက်တိုင်းမှာတော့ အဗာရို့စ် (Averroes) အဖြစ် ကျော်ကြားပါတယ်။ သူဟာ ကော်ဒိုဘာမှာ နာမည်ကျော် ဆရာဝန်တစ်ယောက် ဖြစ်ပြီး၊ နက္ခတ္တဗေဒမှာလည်း ကျွမ်းကျင်ပါတယ်။ သူဟာ နေက အစက်အပျောက် (sunspot) တွေကို ရှာဖွေတွေ့ရှိခဲ့သူလို့ မှတ်ယူခံထားရပါတယ်။

အစ်ဗနနေ့ အလ်-ရှာတီရ် (Ibn al-Shatir)

၁၄ ရာစုက မွတ်စလင် နက္ခတ္တဗေဒပညာရှင်တစ်ဦး ဖြစ်ပါတယ်။ သူဟာ လရဲ့ လှုပ်ရှားသွားလာမှုမှာ တော်လမီရဲ့ အယူအဆကို ပြင်ဆင်ခဲ့ပြီး လက အမှန်တကယ် ကမ္ဘာနဲ့ နီးကပ်တာထက်ပိုပြီး ကြီးနေတယ်လို့ လူတွေက မြင်နေရတယ်ဆိုတဲ့ အချက်ကို ပထမဆုံး စဉ်းစားခဲ့ပါတယ်။ အခြားသော မွတ်စလင်နက္ခတဗေဒပညာရှင်တွေလိုပဲ ဂရိတွေရဲ့ ဂြိုဟ်နက္ခတ်ဆိုင်ရာ သီအိုရီမှာ လိုအပ်ချက်တွေကိုလည်း အလ်-ရှာတီရ်က ပြင်ဆင်ခဲ့ပါတယ်။

“လိုအပ်နေတာအတွက် အောင်မြင်မှုရမယ့် နည်းနာတွေကို ဖော်ထုတ်နိုင်ရေး အားထုတ်ကြိုးပမ်းလိုစိတ်နဲ့ ကူညီစောင်မဖို့ ကြီးမြတ်တော်မူသော အလ္လာဟ်အရှင်မြတ်ထံတော်ပါးမှာ ဆုမွန်ကောင်း တောင်းခံခဲ့ပါတယ်။ အလ္လာဟ်အရှင်မြတ်ရဲ့ ကျေးဇူးတော်ကြောင့်ပဲ ကျွန်တော်ဟာ လောင်ဂျီကျု၊ လတ္တီကျုတွေ၊ ဂြိုဟ်တွေရဲ့လှုပ်ရှားမှုကို ဖော်ထုတ်နိုင်မယ့် အခြားနည်းလမ်းတွေနဲ့အတူ  ဂြိုဟ်နက္ခတ် သွားလာလည်ပတ်မှုတွေအတွက် ကမ္ဘာလုံးဆိုင်ရာစံတွေကို ကျွန်တော် တီထွင်နိုင်ခဲ့ပါတယ်။ ဒီနည်းစနစ်အသစ်တွေက နည်းလမ်းအဟောင်းတွေမှာ ရှိနေတဲ့ မပြည့်စုံမှုတွေကို ချေဖျက်ပစ်လိုက်ပါတယ်” လို့ အလ်-ရှာတီရ်က ရေးသားခဲ့ပါတယ်။

အလယ်ခေတ် အစ္စလာမ့် နက္ခတ္တဗေဒနယ်ပယ်ရဲ့ အမွေအနှစ်တွေကို ယနေ့ထိတိုင် တွေ့နေရတုန်းပါ။ Zenith၊ Azimuth ဆိုတဲ့ စကားလုံးတွေ၊ Summer Triangle၊ Vega၊ Altair၊ Deneb စတဲ့ ကြယ်အမည်တွေ အားလုံးဟာ အာရဘီဝေါဟာရတွေကနေ ဆင်းသက်လာတာ ဖြစ်ပါတယ်။

ခေတ်သစ် နက္ခတ္တဗေဒပညာရပ် မွေးဖွားလာခြင်း

ဂရိတွေနဲ့အတူ သေဆုံးပျောက်ကွယ်တဲ့ နက္ခတ္တဗေဒပညာကို ကော်ပါးနီးကပ်စ်က ပြန်လည် အသက်သွင်းပေးခဲ့တယ်လို့ လူတော်တော်များများက ယုံကြည်ထားကြပါတယ်။ ၁၅ ရာစုက ဒီ ပိုလန်ပညာရှင်ကြီးဟာ ခေတ်သစ်နက္ခတ္တဗေဒရဲ့ အစလို့ ပြောလို့ရတဲ့ နေကိုဗဟိုပြုတဲ့ နေ့အဖွဲ့အစည်းစနစ်ကို စတင်မိတ်ဆက်ခဲ့မှုအတွက် ကျော်ကြားပါတယ်။

ဒါပေမယ့် သူ့ရဲ့ ဒီဖော်ပြချက်ဟာ သူ့အရင် နှစ်ပေါင်း ၁၀၀ ကျော်က မွတ်စလင်ပညာရှင်ကြီး အလ်-ရှာတီရ် ဖော်ထုတ်ခဲ့တဲ့ ဂြိုဟ်နက္ခတ်ဆိုင်ရာ သီအိုရီနဲ့ တွက်ချက်မှုဆိုင်ရာမှာ သွားတူနေတာဟာ တိုက်ဆိုက်မှု မဟုတ်လောက်ဘူးလို့ သမိုင်းပညာရှင်တွေက နောက်ပိုင်းမှာ ယူဆလာကြပါတယ်။ ကော်ပါးနီးကပ်စ်ဟာ အလ်-ဘတ္တာနီ ရေးသားခဲ့တဲ့ ကြယ်တရာနဲ့ ဂြိုဟ်နက္ခတ်ဇယားတွေ ပါဝင်တဲ့ နက္ခတ္တဗေဒဆိုင်ရာ ကျမ်းကြီးကို တော်တော်လေး မှီခိုအားထားခဲ့တယ်လို့ သိရပါတယ်။

ကော်ပါးနီးကပ်စ်အသုံးပြုခဲ့တဲ့ သင်္ချာဆိုင်ရာ ကိရိယာတွေကလည်း သူ့အရင်က မွတ်စလင် ပညာရှင်ကြီးတွေ တီထွင်ထားတဲ့ ကိရိယာတွေ ဖြစ်ပါတယ်။ ကော်ပါးနီးကပ်စ်နဲ့ မွတ်စလင်ပညာရှင်ကြီးတွေအကြား အရေးပါတဲ့ တစ်ခုတည်းသော ကွာခြားချက်ကတော့ မွတ်စလင်တွေရဲ့ ကမ္ဘာကြီးကို ပုံဖော်မှုဟာ အသေဖြစ်နေပြီး ကော့ပါးနီးကပ်စ်က နေကို လှည့်ပတ်နေတယ်ဆိုတဲ့ အယူအဆပဲ ဖြစ်ပါတယ်။ prallactic ruler လို အရှေ့တိုင်းက အသုံးပြုတဲ့ နက္ခတ္တဗေဒ ကိရိယာတွေကိုလည်း ကော်ပါးနီးကပ်စ်က အသုံးပြုခဲ့ပါတယ်။ အဲဒီ ကိရိယာကို ဆမာရ်ကန်နဲ့ မာရဂ်ဟာက သုတေသန စင်တာတွေမှာ အသုံးပြုခဲ့ကြတာ ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်

သြဂုတ် ၂၅၊ ၂၀၁၇
M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– အစ်ဗနေ့ ခါလ်ဒွန် (Ibn Khaldun) ဟာ အလယ်ခေတ် မွတ်စလင်လူ့အဖွဲ့အစည်းမှာ နောက်ဆုံး ပေါ်ထွန်းခဲ့တဲ့ ပညာရှင်တွေထဲက တစ်ဦးဖြစ်ပါတယ်။ သူရဲ့စာအုပ်တွေ၊ မိသားစုအကြောင်း ဒိုင်ယာရီတွေ၊ သူ့ဘ၀အကြောင်းတွေမှာ အလယ်ခေတ် မွတ်စလင်လူ့အဖွဲ့အစည်း တစ်ဖြည်းဖြည်းနဲ့ ဆုတ်ယုတ်လာပြီး နောက်ဆုံးမှာ ပျက်ဆီးသွားတဲ့ အခြေအနေတွေကို တွေ့မြင်ရပါတယ်။ အလယ်ခေတ် အစ္စလာမ့်လူ့အဖွဲ့အစည်း ဘာ့ကြောင့် ကျဆင်းသွားလဲဆိုတာကို ရှင်းပြခဲ့တဲ့ ခါလ်ဒွန်ဟာ သက္ကရာဇ် ၁၃၃၂ ခုနှစ် တူနစ်မှာ မွေးဖွားခဲ့ပြီး ၁၄၀၆ ခုနှစ် ကိုင်ရိုမှာ ကွယ်လွန်သွားခဲ့ပါတယ်။

ခါလ်ဒွန်ဟာ တိုးတက်တဲ့ အလယ်ခေတ်အစ္စလာမ့်လူ့အဖွဲ့အစည်းကို ပျက်သုဉ်းစေတဲ့ ကျူးကျော်သူတွေကို မျက်ဝါးထင်ထင် တွေ့မြင်ခဲ့ရသူပါ။ သူရဲ့အဖိုးအဖွားတွေဟာ ဒီ ကျူးကျော်သူတွေရဲ့ဒဏ်ကို ခံစားခဲ့ရပါတယ်။ စပိန်ကခရစ်ယာန်တွေက သူတို့ရဲ့ ဘိုးဘေးပိုင် ဒေသတွေကို ပြန်လည်သိမ်းပိုက်တဲ့ ၁၂၄၈ ခုနှစ်အထိ သူတို့တွေဟာ ဆီးဗီးလ်မြို့မှာ နေထိုင်ခဲ့ပြီး တုိုက်ခိုက်မှုကြောင့် ခါလ်ဒွန်ရဲ့ အဖိုးအဖွားတွေဟာ နေအိမ်ဆုံးရှုံးခဲ့ရကာ မြောက်အာဖရိကကို ထွက်ပြေးခဲ့ရပါတယ်။ ခါလ်ဒွန်ရဲ့ မိဘတွေဟာ မြောက်အာဖရိကမှာ ပလိပ်ရောဂါကြောင့် သေဆုံးသွားခဲ့ပါတယ်။

အစ်ဗနေ့ခါလ်ဒွန်ဟာ မွေးရပ်တူနီးရှားကနေ အီဂျစ်ကို ၁၃၈၂ ခုနှစ်မှာ မိသားစုဝင်တွေနဲ့အတူ ထွက်လာခဲ့ပါတယ်။ ဒါပေမယ့် အီဂျစ်မှာလည်း သူတို့ဟာ မတည်ငြိမ်မှုရဲ့ သားကောင်တွေ ဖြစ်ခဲ့ပြီး မိသားစုဝင်တွေဟာ သတ်ဖြတ်ခံရတာ၊ ဖမ်ဆီးခံရတာကို ကြုံတွေ့ခဲ့ရပါတယ်။ အဲဒီနောက်ပိုင်းမှာ ခါလ်ဒွန်ဟာ ဒီမိသားစုဝင်တွေကို ပြန်မတွေ့တော့ဘဲ သူတို့အကြောင်းလည်း နောက်ပိုင်းမှာ လုံးဝ မပြောတော့ပါဘူး။

အစ်ဗနေ့ ခါလ်ဒွန်ရဲ့ ဘ၀နိဂုံးပိုင်းနှစ်တွေဟာ တစ်ချိန်ကတောက်ပခဲ့တဲ့ မွတ်စလင်လူ့အဖွဲ့အစည်း၊ မွတ်စလင်တွေရဲ့ ပညာအဆင့်အတန်း ကျဆင်းသွားတဲ့ ခုနှစ်တွေလည်း ဖြစ်ခဲ့ပါတယ်။ ၁၅ ရာစု အစောပိုင်းမှာ စပိန်နဲ့ စစ္စလီကို မွတ်စလင်တွေ လက်လွှတ်လိုက်ရပြီး ခရူးဆိတ် ခရစ်ယာန်သာသနာပြု စစ်သည်တွေ၊ မွန်ဂိုတွေရဲ့ ကျူးကျော်မှုတွေကို ကြံ့ကြံ့ခံခဲ့ရပါတယ်။ တာမာလိန်းလို့ နာမည်ကြီးတဲ့ ‘တီမူးရ် သည် လိမ်း’ (Timur the Lame) ကလည်း ဒီကာလမှာ မွတ်စလင်အုပ်စိုးတဲ့ ဒေသတွေကို ပြင်းပြင်းထန်ထန် တိုက်ခိုက်ခဲ့ပြီး ဒီဒဏ်ကို အစ်ဗနေ့ခါလ်ဒွန်လည်း တစ်စိတ်တစ်ပိုင်း ခံစားခဲ့ရပါတယ်။

တရားသူကြီးတစ်ဦး၊ သံတမန်တစ်ဦးအဖြစ် ဆောင်ရွက်ခဲ့ရတဲ့ ခါလ်ဒွန်ဟာ အလုပ်တာဝန်တွေနဲ့ မအားလပ်ပေမယ့် ပညာရပ်ပိုင်းဆိုင်ရာ သုတေသနတွေကို လုပ်ဆောင်ခဲ့ပြီး Book of the Lessons and Archive of Early and Subsequent History (ခေတ်အဆက်ဆက်၏ သမိုင်းမှတ်တမ်းများနှင့် ၎င်းတို့ကပေးသော သင်ခန်းစာများ) လို့ခေါ်တဲ့ ကမ္ဘာ့သမိုင်းဆိုင်ရာ စာအုပ်တစ်အုပ်ကို ရေးသားခဲ့ပါတယ်။ အဲဒီစာအုပ်ကို အလ်-မူကဒ်ဒီမာဟ် (Al-Muqaddimah) လို့လည်း ခေါ်တွင်ပါတယ်။

အလ်-မူကဒ်ဒီမာဟ်ကျမ်းကြီးဟာ ကမ္ဘာလုံးဆိုင်ရာ သမိုင်းနဲ့ပတ်သက်ပြီး ကျယ်ကျယ်ပြန့်ပြန့် ရေးသားဖော်ထုတ်ထားတဲ့ ကျမ်းကြီးတစ်ဆူ ဖြစ်ပါတယ်။ အစ်ဗနေ့ ခါလ်ဒွန်က သမိုင်းကို ပြုစုတယ်ဆိုတာ မှန်ကန်တဲ့အချက်တွေကို စုဆောင်းတာသာ မဟုတ်ဘဲ ဒီအချက်အလက်တွေကို ဘယ်သူက ပြောဆိုတယ်၊ အဲဒီသူတွေက ဘယ်ဒေသကနေ၊ ဘယ်တုန်းကလာတယ် ဆိုတာတွေနဲ့ သူတို့ရဲ့ သမာသမတ်အပေါ်မှာလည်း မှီတည်တဲ့ဆိုတဲ့ အယူအဆတစ်ခုကို ချမှတ်ခဲ့ပါတယ်။ ဒါဟာ သမိုင်းပြုစုမှုနယ်ပယ်မှာ တော်လှန်ပြောင်းလဲခဲ့တဲ့ နည်းလမ်းတစ်ခုဖြစ်ပြီး ဒီနေ့အချိန်အထိ သမိုင်းပညာရှင်တွေ အသုံးပြုနေကြတဲ့ အချက်တစ်ခု ဖြစ်ပါတယ်။ ခါလ်ဒွန်က ဘက်လိုက်မှုနဲ့ စီစစ်မှု မရှိတဲ့ အချက်အလက်တွေကို သမိုင်းဆိုင်ရာမှာ ထည့်သွင်းတာမျိုး လက်မခံပါဘူး။ ဒီလိုနည်းနဲ့ သူဟာ ပညာရပ်ဆိုင်ရာနဲ့ လူမှုသိပ္ပံဆိုင်ရာနယ်ပယ်မှာ မူသစ်တစ်ခုကို ဆောင်ကျဉ်းပေးခဲ့ပါတယ်။

သူ့ရဲ့ နာမည်ကျော် လေ့လာမှုတစ်ခုက လူ့အဖွဲ့အစည်းတစ်ခု တိုးတက်လာမှု၊ ဆုတ်ယုတ်သွားမှုနဲ့ ဆက်စပ်နေပြီး ဒီလေ့လာမှုကပဲ လူအဖွဲ့အစည်းတစ်ခုနဲ့ လူမှုဗေဒတစ်ခုကို လေ့လာတဲ့ လူမှုသိပ္ပံပညာရပ်အတွက် အခြေခံအုတ်မြစ်တွေကို ချပေးခဲ့ပါတယ်။ ခါလ်ဒွန်က လူ့လောကမှာ မှန်ကင်းတစ်လှည့် ထင်းတစ်လှည့် သဘာဝကြောင့် လူ့အဖွဲ့အစည်းတစ်ခုဟာ ဆုတ်ယုတ်မှုကို သူတို့ကိုယ်တိုင် ဖန်တီးဖြစ်ပေါ်စေတဲ့အကြောင်းကို ရှင်းပြခဲ့ပါတယ်။

လူ့အဖွဲ့အစည်းတစ်ခုဟာ ဘုံလိုအပ်ချက်နဲ့ လွှမ်းမိုးလိုမှုအတွက် ပူးပေါင်းဆောင်ရွက်မှုကြောင့် တိုးတက်လာခဲ့ပြီး လူမှုဆက်နွယ်မှု အခိုင်ခံ့ဆုံးအချိန်မှာ တိုးတက်မှု အထွတ်အထိပ်ကို ရောက်သွားကြောင်း၊ ဒီလို သာယာဝပြောနေတဲ့အချိန်မျိုးမှာ စေတနာမမှန်တဲ့ ယှဉ်ပြိုင်မှုတွေ၊ အကျင့်ပျက်မှုတွေကြောင့် ဒီဆက်နွယ်မှုတွေဟာ လျော့လျဲလာပြီး နောက်ဆုံးမှာ တိုးတက်မှု ဆုတ်ယုတ်လာကာ ကျရှုံးသွားတဲ့ အနေအထားကို ရောက်သွားကြောင်း ခါလ်ဒွန်က တင်ပြခဲ့ပါတယ်။

နိုင်ငံတိုင်းမှာရှိနေတဲ့ အဖျက်စွမ်းအားတွေကို ဆန့်ကျင်တွန်းလှန်ဖို့ တစ်ခုတည်းသော နည်းလမ်းဟာ ဘာသာတရားဖြစ်တယ်လို့ အစ်ဗနေ့ ခါလ်ဒွန်က ကောက်ချက်ချခဲ့ပါတယ်။ အစ္စလာမ်ဟာ လူ့အဖွဲ့စည်းအတွက် နာမ်ပိုင်းဆိုင်ရာ တည်ငြိမ်မှုကိုပေးပြီး ဒါက ဘ၀မှာတွေ့ကြုံရမယ့် ပြဿနာအားလုံးအတွက် အဖြေဖြစ်တယ်လို့ သူက ဆိုပါတယ်။

စီးပွားရေးပိုင်းမှာလည်း ခါလ်ဒွန်ဟာ အရှေ့ရောက်ခဲ့ပြီး စီးပွားရေးပညာရှင်ကြီး အဒမ်စမစ် မတိုင်ခင် နှစ်ပေါင်း ၄၀၀ အရင်ကတည်းက လုပ်အားဟာ သာယာဝပြောရေးအတွက် ရင်းမြစ်တစ်ခုဖြစ်တယ်လို့ ခါလ်ဒွန်က ဖော်ထုတ်ခဲ့ပါတယ်။ စိုက်ပျိုးရေး၊ စက်မှုလက်မှုနဲ့ ကုန်စည်ကူးသန်းရေးတို့က တိုက်ရိုက် ၀င်ငွေနဲ့ ပြည်သူ့ဝန်ထမ်း၊ ပုဂ္ဂလိက၀န်ထမ်းတွေရဲ့ သွယ်ဝိုက်ဝင်ငွေတွေကိုလည်း သူက ခွဲပြခဲ့ပါတယ်။ ဒီနေ့ခေတ်မှာ ဒီအချက်တွေက သိပ်ပြီး အရေးမပါတော့ပေမယ့် လွန်ခဲ့တဲ့ နှစ်ပေါင်း ၈၀၀ နီးနီးလောက်က ဒါတွေဟာ ဆန်းသစ်တဲ့ အယူအဆတွေဖြစ်ခဲ့ပြီး ရောင်းဝယ်ဖောက်ကားမှု၊ ထုတ်လုပ်မှု၊ ၀ယ်လိုအား၊ ရောင်းလိုအားနဲ့ ဖြန့်ဖြူးမှုတွေနဲ့ သက်ဆိုင်တဲ့ စီးပွားရေး စည်းကမ်း နည်းလမ်းတွေကို လမ်းဖွင့်ပေးခဲ့တာ ဖြစ်ပါတယ်။

အစ်ဗနေ့ ခါလ်ဒွန်

အစ်ဗနေ့ ခါလ်ဒွန်ဟာ တရားသူကြီး၊ တက္ကသိုလ်ဆရာ၊ သံတမန် စတဲ့ တာဝန်တွေကို ထမ်းဆောင်ခဲ့ပြီး လူမှုဗေဒ၊ စီးပွားရေး၊ ကုန်သွယ်ရေး၊ သမိုင်း၊ ဒဿန၊ နိုင်ငံရေးသိပ္ပံ၊ မနုဿဗေဒ စတဲ့နယ်ပယ်တွေမှာ အထင်ကရကျမ်းတွေ ရေးသားခဲ့သူဖြစ်ပါတယ်။

အကျော်ကြားဆုံးကတော့ အလ်-မူကဒ်ဒီမာဟ်လို့ခေါ်တဲ့ Introduction to a History of the World (ကမ္ဘာ့သမိုင်းမိတ်ဆက်) ဆိုတဲ့ ကျမ်းကြီးဖြစ်ပြီး မွေးရပ်မြေကနေ ထွက်ပြေးရပြီး အလ်ဂျီးရီးယားမှာ ခိုလှုံရ၊ အဲဒီမှာ နိုင်ငံရေးမငြိမ်မသက်မှုကြောင့် ထွက်ပြေးရ စတဲ့ ဒုက္ခသုက္ခတွေထဲမှာ ရေးသားခဲ့တဲ့ ကျမ်းလည်း ဖြစ်ပါတယ်။

ပထမတွဲမှာ အဲဒီခေတ်က အစ္စလာမ့်လူ့အဖွဲ့အစည်းအကြောင်းကို အသေးစိတ် လေ့လာဆန်းစစ် ဖော်ထုတ်ထားပြီး အခြားလူ့အဖွဲ့အစည်းတွေနဲ့ နှိုင်းယှဉ်ဖော်ပြထားပါတယ်။ ခါလ်ဒွန်ဟာ လူမှုသိပ္ပံဆိုတဲ့ ခေါင်းစဉ်အောက်ကနေ လူ့အဖွဲ့အစည်းတစ်ခု တိုးတက်မြင့်မားမှု၊ ကျရှုံးမှုတွေကိုလည်း လေ့လာ ဖော်ထုတ်ခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်