News @ M-Media

Tag: UAyeLwin

  • ဘာသာပေါင်းစုံ ချစ်ကြည်ရေး အောက်ခြေထိ ရောက်ရန် လိုအပ်ဟု ဦးအေးလွင်ပြော

    ဘာသာပေါင်းစုံ ချစ်ကြည်ရေး အောက်ခြေထိ ရောက်ရန် လိုအပ်ဟု ဦးအေးလွင်ပြော

    ဒီဇင်ဘာ ၃၀၊ ၂၀၁၃
    M-Media
    ဆူးထက်၊ သီရိ

    DSCN5664-1

    ဘာသာပေါင်းစုံ လက်တွဲပြီး ငြိမ်းချမ်းရေး အတွက် အကောင်အထည်ဖော်ဆောင်နေသူများ အနက်  အစ္စလာမ်သာသနာမှ ဆရာဦးအေးလွင်နှင့် တွေ့ဆုံ မေးမြန်းဖြစ်ခဲ့ပါတယ်။

    M-Media – မြန်မာပြည်တွင် မည်သည့် ဘာသာတရားမှ ထွန်းကားခဲ့သည် မဟုတ်ဟု ခေါင်းစဉ်တပ်ပြီး ဆရာပြောဆိုခဲ့သည်ဟု ဂျာနယ်တစ်ခုက ရေးသားဖော်ပြခဲ့မှု အပေါ်ထွက်ပေါ်လာတဲ့ တုံ့ပြန်မှုတွေကို ဆရာ့နေနဲ့ ဘာများပြောကြားလိုပါသလဲ။

    ဖြေ – မြန်မာနိုင်ငံမှာ မည်သည့်ဘာသာမှ စတင်ပေါ်ပေါက်ခဲ့ခြင်း မရှိဟု ပြောခဲ့တာပါ။ သို့သော်လည်းပဲ ကမ္ဘာအရပ်ရပ်မှာ ရှိတဲ့ ဘာသာတွေက မြန်မာပြည်မှာ လာထွန်းကားတယ်။ အထူးသဖြင့် လူအများစု ကိုးကွယ်တဲ့ ထေရ၀ါဒ ဗုဒ္ဓဘာသာ ပိုထွန်းကားပါတယ်လို့ ဆိုလိုပါတယ်။

    M-Media – နိုင်ငံရေး ကိစ္စ အလို့ငှာ ဘာသာ သာသနာအား အလွဲသုံးစား မပြုရ ဆွေးနွေးပွဲမှာ ကုရ်ဘာနီနဲ့ ပတ်သက်ပြီး မေးရာမှာ ဆရာအနေနဲ့ အခြား စီစဉ်ဆောင်ရွက်မှုတွေပြုလုပ်ဖို့ တိုင်ပင်နေတယ်ဟု ပြောကြားခဲ့ပါတယ် အဲဒါနဲ့ပတ်သက်ပြီး နောက်ဆက်တွဲ ဖြေကြားပေးစေလိုပါတယ်။

    ဖြေ – ရှရီအသ် တရားတော်မှာ ကုရ်ဘာနီအတွက် ဘယ်သားကောင်တွေရဲ့အသားတွေကို လှူဒါန်းရမယ်ဆိုတာ တရားတော်က သတ်မှတ်ပြီးသား ဖြစ်တယ်။ တရားတော်က သတ်မှတ်ပြီးတာကို လူကပြောင်းလဲလို့ မရဘူး။ သို့သော် ဘာကိုပြောင်းလဲပေးလို့ ရလဲဆိုရင် အခြားလူတွေက ကုရ်ဘာနီ သားကောင်ပြုလုပ်တာနှင့် ပတ်သက်ပြီး စိတ်မကောင်း မဖြစ်ရအောင် လှူဒါန်းမှု ဇဘာပြုလုပ်နေတဲ့ အချိန်မှာ လုံလုံခြုံခြုံ သိုသိုသိပ်သိပ်နဲ့ လုပ်နိုင်ဖို့ အတွက် တိုင်ပင်ဆွေးနွေးနေပါတယ်။ ကုရ်ဘာနီဟာ ယဇ်ပူဇော်ခြင်း မဟုတ်ပါဘူး။

    M-Media – လက်ရှိငြိမ်းချမ်းရေးလုပ်ငန်းစဉ်အတွက် အခြားဘာများလုပ်ဆောင်နေပါသလဲ။

    ဖြေ – သံတွဲမြို့ပေါ်မှာ ဟိုအရင်ကတည်းက ဆောက်ထားတဲ့ မျက်စိဆေးရုံရှိတယ်။ အဲဒီဆေးရုံအတွက် သံတွဲမြို့ခံ မွတ်စလင်တွေက သိန်းရာနဲ့ချီပြီး လှူဒါန်းထားပါတယ်။ သံတွဲမြို့ဟာ နဂိုတည်းက သဟဇာတရှိတဲ့မြို့ပါ။ မသမာလူတွေက သက်သက် မြို့ခံအစွန်းရောက် တချို့ကိုအသုံးချ ဖန်တီးသွား တာပါ၊ နောက် ဗလီတွေကို ပြန်လည်ပြုပြင်ခွင့်ရအောင် ကြိုးပမ်းနေပါတယ်၊ ရခိုင်ပြည်နယ် တစ်ခုလုံးမှာရှိတဲ့ တက္ကသိုလ်ကျောင်းသားတွေရဲ့ ပညာရေးအတွက် ဘာသာရေးအဖွဲ့ကြီးတွေက မေတ္တာရပ်ခံစာတင်ထားသလို သီတဂူဆရာတော်ကြီးကလည်း ထပ်လောင်းမေတ္တာရပ်ခံစာကို
    သမ္မတကြီး အထိတင်ပြထားပါတယ်။

    M-Media – အခုချိန်မှာ ဘာသာပေါင်းစုံချစ်ကြည်ရေး လှုပ်ရှားမှုတွေကို အရင်ကထက် အစပေါင်းများစွာ လုပ်လာတယ်၊ ဒါပေမယ့် လူထုကြားမှာ မုန်းတီးမှုတွေပိုများလာတာ ဘာကြောင့်ဖြစ်မယ်လို့ ဆရာ့အနေနဲ့ ထင်မြင်ပါသလဲ။

    ဖြေ – ဒါဟာဘာကြောင့်လဲဆိုရင် ဌာနဆိုင်ရာ အာဏာပိုင် အဖွဲ့တွေက ဗဟိုဦးစီး ပုံစံမျိုးနဲ့ ဘာသာပေါင်းစုံ အဖွဲ့တွေကို ပြုလုပ်လာကြတာဆိုတော့ အဲလိုဆွေးနွေးပွဲတွေမှာ တစ်ယောက်နဲ့တစ်ယောက် အဆင်မပြေတဲ့ အထင်လွဲမှားသူတွေ မပါဝင်ကြဘူး။ တကယ် လိုအပ်နေတာက အောက်ခြေက ဆင်းရဲသား လူတန်းစားတွေ၊ ဘေးကလူကသွေးထိုးတာနဲ့ နားယောင်လွယ်တဲ့ လူတွေ ထိမရောက်သေးဘူး။ ရောက်အောင်လုပ်ရမယ်။
    နောက် အခုထက်ထိ အမုန်းတရား အခွေတွေဟာလဲ ဆက်ပြီးတော့ ပြန့်နှံ့နေသေးတယ်၊ အချို့တရားပွဲတွေမှာ သိသိသာသာဖြစ်စေ မသိမသာဖြစ်စေ အစ္စလာမ်ဆန့်ကျင်ရေး၊ မုန်းတီးရေး စကားတွေကိုထ ည့်ဟောနေတုန်းပဲ။ အဲဒီထဲမှာ အခု အဆိုးဝါးဆုံးက အမျိုးသားရေး ၀ါဒီတွေက ထုတ်တဲ့ စာစောင် တစ်ခုထွက်ပေါ်လာတယ်။ အဲဒီစာစောင်က အစ္စလာမ် ဆန့်ကျင်ရေးကို သီးသန့်ရေးနေသလိုကို ဖြစ်နေတယ်၊ ကဗျာ၊ ဆောင်းပါး၊ ၀တ္တု၊ သတင်းတွေမှာ ရေးသားဖော်ပြနေတာဖြစ်တယ်၊ ဒီစာစောင်မှာရေးတဲ့ ပင်တိုင်ဆောင်းပါးရှင်ရဲ့ အာဘော်များကြောင့် ဗုဒ္ဓဘာသာအများစု လက်သင့် မခံသော စာစောင်ဖြစ်နေတာကို တွေ့ရသော်လည်း တစ်ပတ်တစ်ခါ ပုံမှန် ကြာရှည် ထွက်လာရင် ရိုးသားတဲ့ ပြည်သူတွေက မုန်းတီးရေး တရားခွေတွေကို နားယောင်သလို ဒါအတွက်လဲစိုးရိမ်စရာ ရှိလာပါတယ်။ ဥပမာ- ဘာသာသာသနာထဲက မကောင်းသောသူတွေရဲ့လုပ်ရပ်ကို ထုတ်ဖော်ပြစ်တင်ခြင်း၊ ဝေဖန်ခြင်း ဆိုရင် ဆရာတို့လက်ခံလို့ရတယ်။ သို့သော် ဘာသာတစ်ခုရဲ့ အနှစ်သာရကို ဆန့်ကျင်တဲ့ပုံစံက
    မဖြစ်သင့်ပါဘူး။ အခုကအဲဒီပုံစံမျိုး ဖြစ်နေပါတယ်။

    M-Media – အာဇာန်သံ(၀တ်ပြုရန် ဗလီမှ ဖိတ်ခေါ်သံ)နဲ့ ပတ်သက်ပြီး အမျိုးမျိုး ဝေဖန်ပြောဆိုနေမှုအပေါ် ဆရာအနေနဲ့ ရှင်းပြပေးစေလိုပါတယ်။

    ဖြေ – တရားတိုင်းမှာ ဘာသာရေးစာပေရှိတယ်၊ မြန်မာလူမျိုးစု အများစုကိုးကွယ်တဲ့ ဗုဒ္ဓရဲ့စာပေမှာ ပါဠိစကားရှိတယ်၊ ပါဠိကို လူတိုင်း နားမလည်သလို အစ္စလာမ်မှာရှိတဲ့ အာရဗီ ဆိုတဲ့ ဘာသာစကားကိုလဲ လူတိုင်း နားမလည်နိုင်ဘူး။ အဲဒါကို ဘယ်လိုမှပြောင်းလဲလို့ မရဘူး။ အဓိပ္ပာယ်ကို ရေးသားထားတဲ့ စာရွက်တွေကို ဖြန့်ဝေထားတာ ရှိပါတယ်၊ အဲဒီမှာ အသိဥာဏ်ရှိတဲ့ လူတွေစဉ်းစားဖို့ အချက်နှစ်ချက် ရေးထားတယ်။

    (၁) အချက်က အစ္စလာမ်ဟာ မနေ့တစ်နေ့ကမှ ပေါ်လာတာမဟုတ်ပဲ လွန်ခဲ့တဲ့ နှစ်ပေါင်း-၁၄၀၀ က ပေါ်ပေါက်ခဲ့တာဖြစ်တယ်။ အစ္စလာမ်ဟာ တိုင်းပြည်တစ်ပြည် လူမျိုးတစ်မျိုးမှာပဲ ရှိတာမဟုတ်ဘူး။ ဒီအာဇာန်သံဟာ ထိတ်လန့် စရာဖြစ်နေလျှင် ခေတ်တစ်ခတ်မှာ ပုဂ္ဂိုလ် တစ်ယောက်ယောက် က ကန့်ကွက်မှာပဲ။ ဒီအာဇာန်သံမှာရှိတဲ့ စာသားများဟာ ဘယ်သူ့ကိုမှ မထိခိုက်ဘူး၊ အန္တရာယ်မပြုဘူး၊ ကောင်းချီး မင်္ဂလာတွေဖြစ်စေတဲ့အတွက် နှစ်ပေါင်း -၁၄၀၀ ကတည်းကအားလုံးက လက်ခံခဲ့တယ်။

    (၂) အချက်က ဘာသာတရား အသီးသီးမှာ ဘုရားဝတ်တက်ရင် နိဗ္ဗာန်ဆော်ဆိုတာရှိတယ်၊ အစ္စလာမ်မှာတော့ ဘုရားသခင်ရဲ့ဂုဏ်တော်ကို ချီးမွမ်းတဲ့ အသံကြားရသူတွေဟာ ဘေးအန္တရာယ်ကင်းတယ်။ ဒါကြောင့် အစ္စလာမ် ဘာသာဝင်တွေဟာ မီးလောင်ရင်၊ ငလျင်လှုပ်ရင်၊ ဘေးဥပဒ် အန္တရာယ်တွေကို ကြုံတွေ့ရတဲ့အခါ အာဇာန်သံကိုဆိုလေ့ရှိကြတယ်၊ သန့်ရှင်းစင်ကြယ်တဲ့ တရားစကားတွေဖြစ်တယ်။

    M-Media – အစ္စလာမ်မှာ ဘာသာရေးစစ်ပွဲတွေဆင်နွဲနေတယ်လို့ ဝေဖန်ပြောဆိုနေမှုအပေါ် ဆရာ့အနေနဲ့ ဘာများပြောကြားလိုပါသလဲ။

    ဖြေ – အစ္စလာမ်မှာ ဘာစစ်ပွဲမှမရှိပါဘူး၊ အစ္စလာမ်မှာ ဘာရှိလဲဆိုရင် ကိုယ့်ကိုကျူးလွန်လာရင် ပြန်ခုခံပိုင်ခွင့်ရှိတယ်၊ ကိုယ့်ကို တိုက်ခိုက်နေသူပင်လျှင် လွတ်ငြိမ်းရာနေရာကို အစောင့်အကြပ်နဲ့ လိုက်ပို့ရမယ်လို့လဲ သတ်မှတ်ထားတယ်၊ မလွဲမရှောင်သာလို့ ခုခံစစ်ပွဲနွဲရမယ်ဆိုရင်လဲ အိမ်၊ ယာ၊
    စိုက်ပျိုး၊ ရှုခင်း တို့မှာ မတိုက်ခိုက်ရဘဲ စစ်တလင်းမှာပဲ တိုက်ခိုက်ရတယ်။ အိန္ဒိယနိုင်ငံမှာ ဖြစ်ပေါ်ခဲ့သော စစ်ပွဲများဟာ ဘာသာရေးကြောင့် မဟုတ်ဘူး၊ သူနဲ့ခေတ်ပြိုင် ဘုရင်တွေကြောင့် ဖြစ်တယ်။

    M-Media – ဘာသာပေါင်းစုံအတူငြိမ်းချမ်းစွာ အတူယှဉ်တွဲနေထိုင်ရေးအတွက် ဆရာအနေနဲ့ အခြားဖြည့်စွက်ပြောကြားလိုပါသေးသလဲ။

    ဖြေ – ဘာသာပေါင်းစုံအတူ ငြိမ်းချမ်းစွာအတူယှဉ်တွဲ နေထိုင်ရေးဆိုတာ ကိုယ့်ဘာသာတရားကို လူတိုင်းပီပီပြင်ပြင် ကျင့်သုံးရမှာဖြစ်တယ်။ ဘာသာ တရားတိုင်းမှာ ငြိမ်းချမ်းရေးအတွက် ကမ်းလှမ်းချက်တွေ သွန်သင်ချက်တွေရှိတယ်။ ကိုယ့်တရားကို ကိုယ်ကျင့်ခြင်းအားဖြင့် မတူညီတဲ့ လူတွေဟာ ငြိမ်းငြိမ်း ချမ်းချမ်း အတူယှဉ်တွဲနေထိုင်နိုင်မှာ ဖြစ်ပါတယ်။

    M-Media – အခုလို စိတ်ရှည်လက်ရှည်ဖြေကြားပေးတဲ့ ဆရာဦးအေးလွင်ကို M-Media မှ ကျေးဇူးအထူးတင်ရှိပါတယ်။

  • အမေရိကန်နိုင်ငံ၊ ယူတီကာမြို့၌ မြန်မာမွတ်စ်လင် မိသားစုတရားပွဲ ကျင်းပ

    ဧပြီလ ၁၃ ၊ ၂၀၁၃
    M-Media
    သတင်း- နေလင်း

    20

    အမေရိကန်နိုင်ငံ၊ ယူတီကာမြို့ရောက် မြန်မာမွတ်စ်လင်မ်မိသားစုမှ ကြီးမှူး၍ တရားဟောပြောပွဲအစီအစဉ်တစ်ရပ်ကို Bosnian Islamic Association ခန်းမ၌ ၂၀၁၃ ခုနှစ်၊ ဧပြီလ ၇ ရက်နေ့တွင် ကျင်းပပြုလုပ်ခဲ့ကြောင်း သတင်းရရှိသည်။ ယင်းတရားပွဲ အခမ်းအနားကို မြန်မာမွတ်စ်လင်မ်မိသားစုမှ လူဦးရေ ၂၀၀ ခန့်တက်ရောက်ခဲ့ပြီး၊ အလ်ဟာဂ်ျ ခလီဖွာဟ်ဦးအေးလွင်မှ  “ ကမ္ဘာကိုအလှဆင်သည့် အစ္စလာမ် ” ခေါင်းစဉ်ဖြင့် ဟောပြောသွားခဲ့သည်။

    14
    “ အသင်တို့ အကောင်းလို့ထင်တဲ့ အရာတွေဟာ အသင်တို့အတွက် အဆိုးတွေဖြစ်နိုင်တယ်။ အသင်တို့ဆိုးတယ်လို့ထင်တဲ့အရာတွေဟာ အသင်တို့အဖို့ကောင်းတဲ့ အရာတွေလည်း ဖြစ်နိုင်ပါတယ်လို့ ကုရ်အာန် ကျမ်းတော်မြတ်ထဲမှာ အတိအလင်း မိန့်ကြားထားပါတယ်။ ခင်ဗျားတို့ကြုံတွေ့ခဲ့ရတဲ့ ဒုက္ခတွေအတွက် အရှင့်ဖက်က ယခုလို အစားပေးတာကို မြင်တွေ့ရလို့ အရှင်မြတ်ရဲ့ဂုဏ်ကျေးဇူးကို ချီးကျူးမိပါတယ် ” ဟု အလ်ဟာဂ်ျ ခလီဖွာဟ် ဦးအေးလွင်က ဟောပြောမှု၌ ထည့်သွင်းပြောကြားသွားခဲ့သည်။

    ယင်းဟောကြားချက်နှင့် စပ်လျဉ်း၍ တရားနာပရိသတ်တစ်ဦးက “ ဆရာဟောပြောတာကို ကြားပြီး ကျွန်တော်တို့ ၀မ်းနည်းဝမ်းသာခံစားရပါတယ်။ ၀မ်းသာမိတာကတော့ – ကျွန်တော်တို့ဟာ မွေးကတည်းက လက်နက်ကိုင် ပဋိပက္ခအတွင်းမှာ ကြီးပြင်းလာခဲ့ရတယ်။ ပြီးတော့ အကျဉ်းထောင်သာသာရှိတဲ့ ဒုက္ခသည်စခန်းမှာ နှစ်ပေါင်းများစွာ နေထိုင်ခဲ့ရတယ်။ ကျွန်တော်တို့ ဘယ်လိုမှ မမျှော်မှန်းနိုင် မမျှော်မှန်းရဲခဲတဲ့ အခြေအနေတစ်ခုကို ယခုအခါမှာ အလ္လာဟ် အရှင်မြတ်က ချီးမြှင့်တော်မူလိုက်ပြီ ဖြစ်လို့ပါဘဲ။ ၀မ်းနည်းမိတာက -ယခင်ကျွန်တော်တို့ခံစားခဲ့ရတဲ့အခြေအနေ နဲ့ ယခုကျွန်တော်တို့ညီနောင်တွေ ခံစားနေရမှုတွေအတွက်ပါ။ ကျွန်တော် တလောကမှ အမေရိကန်နိုင်ငံသား -citizenship ရရှိခဲ့ပါတယ်။ နိုင်ငံသားခံယူမှုအတွက် ကျမ်းကျိန်ပြီးတာနဲ့ တရားသူကြီးက ပြောတယ်။ အခု မင်း အမေရိကန် ဖြစ်သွားပြီတဲ့။ ငါရထားတဲ့အခွင့်အရေးနဲ့ မင်းရတဲ့အခွင့်အရေးဟာ အတူတူဘဲတဲ့။ ငါ တစ်နေ့ သမ္မတဖြစ်နိုင် သလို မင်းလည်း အမေရိကန် သမ္မတဖြစ်နိုင်တဲ့ အခွင့်အရေးရှိတယ်တဲ့။ အမေရိကန် နိုင်ငံသားဖြစ်လာတာ မိနစ်ပိုင်းလေးသာရှိသေးတဲ့ ကျွန်တော့်ကို ဒီမှာ ဒီလိုဆက်ဆံခဲ့ပါတယ်။ ကျွန်တော်တို့ရဲ့ ဘိုးဘေးဘီဘင်လက်ထက် ကတည်းက နေထိုင်ခဲ့တဲ့ မြန်မာနိုင်ငံမှာ ခုထက်ထိ ဧည့်သည်တွေအဖြစ် ဆက်ဆံခံခဲ့ရတာ/ ဆက်ဆံခံနေရတာကို တွေးမိတိုင်း အရမ်းဝမ်းနည်းရပါတယ် ” ဟု မိမိ၏ခံစားချက်ကို M-Media  သို့ ရင်ဖွင့်ပြောကြားလာပါသည်။

    18

    “ ဒီ Bosnian Islamic Association မှာ ကျွန်တော်တို့မြန်မာမွတ်စ်လင်မ်တွေ မင်ဘာဝင်ထားကြတယ်။ ဒီပွဲပြုလုပ်ဖို့ဂေါပကကို သွားပြောတော သူတို့က မင်းတို့လည်း မင်ဘာတွေဘဲ။ ကြိုက်သလိုအသုံးပြုလို့ရပါတယ်လို့ဆိုပြီး သော့ကိုပေးလိုက်တယ်။ ကြိုက်သလိုစီစဉ် ကြိုက်သလိုလုပ်လို့ပြောပြီး လာတောင်မကြည့်ပါဘူး။ ဒီအခမ်းအနား ပြုလုပ်တဲ့ဗလီဟာ အရင်တုန်းက Church ကျောင်းတစ်ခုပါ။  ဘော့စ်နီးယား၊ ဆိုမားလိယား၊ နီပေါ၊ မြန်မာ အစုံရှိပါတယ်။

    ဘော့စနီးယားတွေ စရောက်တော့ သူတို့အတွက် ဗလီလေးတစ်ခု စီစဉ်သေးတယ်။ နောက်လူဦးရေများပြားလာတဲ့အခါ ဗလီလေးထဲ လူမဆန့်တော့ဘူး။ ဒါနဲ့ မြို့ အုပ်ချုပ်ရေး နဲ့ ဒီ Church အုပ်ချုပ်ရေးတို့ တိုင်ပင်ပြီး အသုံးမပြုသလောက်ဖြစ်နေတဲ့ ဒီ church ကို ဗလီလုပ်ဖို့ပေးလိုက်တာပါ ” ဟု တရားပွဲစီစဉ် သူတစ်ဦးမှ လက်ရှိတရားပွဲပြုလုပ်သည့်ဗလီ အကြောင်း ရှင်းလင်းပြောပြခဲ့သည်။ ဤသည်နှင့် စပ်လျဉ်း၍ အလ်ဟာဂ်ျခလီဖွာဟ် ဦးအေးလွင်မှ  “ ဒီလို တစ်ဦးနဲ့တစ်ဦး ချစ်ကြည်နားလည် သဘောထားကြီးတဲ့ အစဉ်အလာကောင်းများကို မြတ်နိုး တန်ဖိုးထားကြဖို့ အရေးကြီးပါတယ် ” ဟုလည်း ထည့်သွင်းပြောဆိုခဲ့ကြောင်း  သိရသည်။

    19

    နယူးယောက်ပြည်နယ်၊ ယူတီကာမြို့တွင် ၂၀၁၁ ခုနှစ်စာရင်းအရ လူဦးရေ ခြောက်သောင်းခန့်ရှိသည်။ ယခုအခါ မြန်မာမွတ်စ်လင်မ်မိသားစု ၁၀၀ ခန့်အပါအ၀င် မွတ်စ်လင်မ်ဦးရေ တစ်သောင်းကျော် နေထိုင်လျက်ရှိသည်။ Central Methodist Church မှ Bosnian Islamic Association ထံလွှဲပြောင်းပေးသော (ယခုတရားပွဲပြုလုပ်သည့်) ဗလီအပါအ၀င် ဗလီဝတ်ကျောင်းတော် ၄ လုံးရှိပါသည်။

    ဓါတ်ပုံများ ကြည့်ရှုရန်။