Tag: UKoNi

ဆွေဝင်း/Myanmar Now
ရန်ကုန် (Myanmar Now)–အမျိုးသားဒီမိုကရေစီအဖွဲ.ချုပ်ပါတီ၏ ဥပဒေအကြံပေး ဦးကိုနီလုပ်ကြံသတ်ဖြတ်ခံရမှုနှင့် စပ်လျဉ်း၍ အမျိုးသားနှစ်ဦးကို ရန်ကုန်တိုင်း တာမွေမြို.တွင် လွန်ခဲ့သည့် ရက်သတ္တပတ်ကျော်က ဖမ်းဆီးခဲ့ကြောင်း သိရသည်။

တာမွေမြို.နယ်ရှိ တာမွေလေးရပ်ကွက်တွင် ဦးဇေယျာဖြိုး ဆိုသူအား ဖေဖော်ဝါရီလ ၁၀ ရက်နေ့တွင် လည်းကောင်း၊ ဦးတင်ထွန်းအောင်ဆိုသူအား ဖေဖော်ဝါရီလ ၁၁ ရက်နေ့တွင် တာမွေမြို.နယ် မာန်အောင်ရပ်ကွက်တွင် လည်းကောင်း ရဲတပ်ဖွဲ.ကဖမ်းဆီးခဲ့ကြောင်း တာမွေမြို.နယ် အမျိုးသားဒီမိုကရေစီအဖွဲ.ချုပ်ပါတီမှ တုိုင်းဒေသကြီး လွှတ်တော်ကိုယ်စားလှယ် ဦးလှသိန်းက ပြောကြားသည်။

ဦးဇေယျာဖြိုးကို ဖမ်းဆီးခဲ့ရာတွင် ၀န်ထမ်းသက်သေခံကဒ် သုံး၊ လေးကဒ် တွေ.ရှိခဲ့ပြီး၊ ဦးတင်ထွန်းအောင်ကို ဖမ်းဆီးခဲ့ရာတွင် တပ်မတော် ထောက်လှမ်းရေးအကူတပ်အဖွဲ.၀င် ကဒ်ပြားတွေ.ရှိခဲ့သည်ဟု သိရကြောင်း ဦးလှသိန်းက Myanmar Now ကိုပြောကြားသည်။

“သူတို့တွေက ဒီဒေသခံမဟုတ်ဘူး။ ဒီမှာလာပြီး ပုန်းအောင်းနေတာလို့သိရတယ်” ဟု ဦးလှသိန်းကဆိုသည်။

၁၉၇၄တွင် မွေးဖွားခဲ့သော ရန်ကုန်မြို.ဇာတိ ဦးဇေယျာဖြိုးသည် စစ်တက္ကသိုလ်အမှတ်စဉ် ၃၈ ဆင်းဖြစ်ပြီး၊ ဗိုလ်ချုပ်ကြီးဟောင်း ခင်ညွှန့်ဦးဆောင်သော တပ်မတော်ဗဟုိုထောက်လှမ်းရေးတပ်တွင် ၂၀၀၄ ခုနှစ်ထိ ဗိုလ်ကြီးအဆင့် ဖြင့် တာဝန်ထမ်းဆောင်ခဲ့ဖူးသူဖြစ်သည်ဟု သူနှင့်နီးစပ်သူ စစ်ဖက်အသိုင်းအ၀ိုင်းက Myanmar Now ကိုပြောဆိုသည်။

“သူက ထောက်လှမ်းရေးကထွက်ရပြီးနောက်ပိုင်း စီးပွားရေးကုမ္ဗဏီတွေ အများကြီးလုပ်နေတာ” ဟု သူ့နှင့် နီးစပ်သူတစ်ဦးကဆိုသည်။

ရန်ကုန် အင်းစိန်မြို.နယ်ရှိ အမျိုးဘာသာ သာသနာစောင့်ရှောက်အဖွဲ.ဥက္ကဌ ဆရာတော်ဦးတိလောကဘိဝံသနှင့် သီတဂူဆရာတော် အရှင်ဥာဏိဿရတို့ ၂၀၁၅ ခုနှစ်ခန့်က တွေ့ဆုံပွဲကိုရိုက်ကူးခဲ့သော ဓာတ်ပုံထဲတွင်ပါရှိသူ လူလတ်ပိုင်းအမျိုးသားတစ်ဦးအား ဦးဇေယျာဖြိုးဆိုသူဟု လူမှုကွန်ယက်တွင် ပြောဆိုနေမှုများရှိရာ၊ ထုိုဓာတ်ပုံထဲက အမျိုးသားသည် ဦးဇေယျာဖြိုးဖြစ်ကြောင်း ၄င်းနှင့်ရင်းနှီးသိကျွမ်းသူများက အတည်ပြုပြောဆိုသည်။

ဦးဇေယျာဖြိုးဖမ်းဆီးခံရမှုသတင်းကို ပြည်တွင်းထုတ် ၇န်ကုန်အခြေစိုက် Speaker ဂျာနယ်က ဖေဖော်ဝါရီ ၂၀ ရက်နေ့တွင် ကနဦးရေးသားခဲ့ခြင်းဖြစ်သည်။

၎င်းဖမ်းဆီးခံရမှုနှင့်ပတ်သက်ပြီး သက်ဆိုင်ရာ အာဏာပိုင်များကို မေးမြန်းရာ
နိုင်ငံတော်သမ္မတရုံး ပြောရေးဆိုခွင့်ရှိသူ ခေတ္တညွှန်ကြားရေးမှူးချုပ် ဦးဇော်ဌေးက တိကျသည့်ဖြေကြားမှုမပြုလုပ်ဘဲ မကြာခင် သတင်းထုတ်ပြန်မှု ပြုလုပ်မည်ဟု သာဆိုသည်။

ဇန်န၀ါရီလ ၂၉ ရက်နေ့တွင် ရန်ကုန်အပြည်ပြည်ဆိုင်ရာလေဆိပ်တွင် အနီးကပ် သေနတ်ပစ်လုပ်ကြံသတ်ဖြတ်ခံရသော ဦးကိုနီအမှုနှင့်ဆက်စပ်၍ ဦးကြည်လင်းနှင့် ဦးအောင်ဝင်းဇော်ဆိုသူအား ဖမ်းဆီးထားကြောင်း နှင့် ၄င်းတို့ နှစ်ဦးအား ငွေပေးခိုင်းစေသူ ဦးအောင်ဝင်းဇော်၏ညီ ဒုတိယဗိုလ်မှုးကြီးဟောင်း ဦးအောင်ဝင်းခိုင်ကို ဖမ်းဆီးရမိရေး ဆောင်ရွက်လျက်ရှိကြောင်း အစိုးရကထုတ်ပြန်ထားသည်။
#

ဖမ်းခံရတဲ့ စစ်အရာရှိဟောင်း လေဆိပ် လုပ်ကြံမှုနဲ့ ပတ်သက်မှု ရှိမရှိ အစိုးရက သတင်းထုတ်ပြန်ပါတော့မယ်။

ထက်ခေါင်လင်း – Myanmar Now

ရန်ကုန် (Myanmar Now) – ဦးကိုနီကို လုပ်ကြံမှုမှာ ပါဝင်တယ်လို့ ယူဆရသူတစ်ဦးဖြစ်တဲ့ ရန်ကုန်၊ တာမွေမြို့နယ်က ဦးဇေယျာဖြိုး ဖေဖော်ဝါရီ လဆန်းက ဖမ်းဆီးခံရကြောင်း သူသင်္ကန်းစည်းခဲ့တဲ့ ကျောက်ကုန်းကျောင်းကြီး ပရိယတ္တိစာသင်တိုက် ဆရာတော်က ကြာသပတေးနေ့မှာ မိန့်ပါတယ်။

လဆန်း ၁ ရက်နေ့က အဆိုပါကျောင်းမှာ သင်္ကန်းစည်းတဲ့ တပ်မတော် အရာရှိဟောင်း ဦးဇေယျာဖြိုးဟာ  ၃ ရက်နေ့ မနက်ပိုင်းမှာ လူဝတ်လဲသွားတယ်လို့ ဆရာတော်က မိန့်ပါတယ်။

“လူပြန်ထွက်သွားပြီး သူ့အိမ်ပြန်သွားတယ်။ အိမ်ပြန်ပြီးမှ အဖမ်းခံရတာလားတော့ မသိဘူးလေ။ သူ့ကို ဒီမှာလာ ပြောလို့ သူသိပြီး လူထွက်တာနေမှာပေါ့။ အိမ်ခဏပြန်ပြီးမှ သူ့ကို ဟိုခေါ်သွားတာ ဖြစ်ပါလိမ့်မယ်” လို့ ဆရာတော်က မိန့်ကြားပါတယ်။

“အဲ့ဒီအချိန်က ဆရာတော်လည်း ခရီးသွားနေတာ၊ သူလူထွက်တော့ တိုက်အုပ်ကိုယ်တော်က သိက္ခာချပေးလိုက်တာ”

သူတို့မိသားစုက ကျောင်းမှာ အလှူအတန်းလာရောက် လုပ်ကိုင်တတ်သလို အိမ်မှာ အလှူပွဲ ကျင်းပတဲ့အခါမှာ သွားရောက်  တရားဟော၊ ဆွမ်းဘုန်းပေးခဲ့တာမျိုး ရှိတယ်လို့ ဆရာတော်ထံက သိရပါတယ်။

လွန်ခဲ့တဲ့ ၁ဝ နှစ်ခန့်က စတင်ရင်းနှီးကြချိန်မှာ ဦးဇေယျာဖြိုးဟာ တပ်မတော်ကနေ နှုတ်ထွက်ပြီးဖြစ်တယ်လို့ ယူဆကြောင်း၊ သင်္ကန်းစည်းတာ ဦးဇေယျာဖြိုး တစ်ဦးတည်း ဖြစ်ပြီး အဲဒီနေ့က ကျောင်းကို မိသားစုနဲ့ဆွေမျိုးသားချင်းများ လာရောက်ကြကြောင်း၊ သူဟာ ဆောက်လုပ်ရေးလုပ်ငန်း လုပ်ကိုင်သူလို့ သိရကြောင်း ဆရာတော်က မိန့်ပါတယ်။

“သူတိုက်တွေဘာတွေ ဆောက်တယ်ဆိုတာလောက်ပဲ သိတယ်။ ကျန်တာတော့ ဦးဇင်းတို့လည်း မသိဘူး” လို့ ဆရာတော်က မိန့်ပါတယ်။

“သူ့ကို ဖမ်းသွားပြီး နောက်ပိုင်းလည်း ကျောင်းကို ဘယ်ရဲတွေမှ လာမေးမြန်းကြတာမျိုး မရှိပါဘူး”

ဦးဇေယျာဖြိုးကို ဖမ်းဆီးမှုနဲ့ ပတ်သက်ပြီး ရန်ကုန်၊ တာမွေရဲစခန်းကို ကြာသပတေးနေ့ ညနေပိုင်းက ဆက်သွယ်ရာမှာ တာဝန်မှူးဖြစ်သူ ဒုရဲအုပ်တစ်ဦးက စခန်းအနေနဲ့ ဒီကိစ္စကို မသိရှိကြောင်း၊ ဖမ်းဆီးမှုမှာလည်း တာမွေမြို့နယ်ရဲတပ်ဖွဲ့ဝင်တွေ ပါဝင်ခဲ့ခြင်း မရှိကြောင်း  ပြန်လည်ဖြေကြားပါတယ်။

နိုင်ငံတော်သမ္မတရုံး ပြောရေးဆိုခွင့်ရှိသူ ခေတ္တညွှန်ကြားရေးမှူးချုပ် ဦးဇော်ဌေးကို ဆက်သွယ် မေးမြန်းရာမှာတော့ ဦးဇေယျာဖြိုးကို ဖမ်းဆီးထားမှုနဲ့ ပတ်သက်ပြီး အဖြေ တိတိကျကျ မပေးပေမယ့် မကြာခင် သတင်းထုတ်ပြန်မှု ပြုလုပ်မယ်လို့ ပြောပါတယ်။

“အဲ့ဒီကိစ္စအတွက် ကျွန်တော်တို့ ညှိနှိုင်းနေပါတယ်။ လာမယ့် ၁ ရက်၊ ၂ ရက်အတွင်း သတင်း ထုတ်ပြန်မှာပါ။ အဲ့ဒီလူကို ဖမ်းဆီးထားတာ ဟုတ်သလား၊ မဟုတ်ဘူးလား၊ ပက်သက်သလား၊ မပတ်သက်ဘူးလား အားလုံးကို သတင်းမထုတ်ပြန်သေးခင် ကျွန်တော်တို့ ဘာမှပြောလို့မရသေးပါဘူး” လို့ ဦးဇော်ဌေးက ဆိုပါတယ်။

အမျိုးသား ဒီမိုကရေစီ အဖွဲ့ချုပ် ဥပဒေအကြံပေး ရှေ့နေဦးကိုနီ ဇန်နဝါရီလကုန်းပိုင်း ရန်ကုန်လေဆိပ်မှာ လုပ်ကြံခံရမှုကို  အာဏာပိုင်တို့က စုံစမ်းစစ်ဆေးမှု ပြုလုပ်ခဲ့ပေမယ့် တွေ့ရှိချက်တွေကို အဆက်မပြတ် ထုတ်ပြန်ခြင်း မရှိတဲ့အတွက် ဝေဖန်ခံနေရပါတယ်။ ဦးဇေယျာဖြိုး အထိန်းသိမ်းခံရတယ်ဆိုတဲ့ သတင်းနဲ့ ပတ်သက်ပြီး အများပြည်သူက အာဏာပိုင်တို့ရဲ့ ထုတ်ပြန်ချက်ကို စောင့်မျှော်နေကြပါတယ်။

ဦးဇေယျာဖြိုးနဲ့ သူ့မိသားစုဟာ အမှတ် D-8, မင်္ဂလာလမ်း၊ တာမွေလေးရပ်ကွက်မှာ နေထိုင်ကြသူတွေဖြစ်တယ်၊ သူဟာ စစ်သက္ကသိုလ် အပတ်စဉ် ၃၆ ဆင်းသူဖြစ်ပြီး ဗဟိုထောက်လှမ်းရေးတပ် (ဗကထ-ရေကြည်အိုင်) မှာ သင်တန်းနည်းပြတစ်ဦးအဖြစ် ဆောင်ရွက်ခဲ့သူဖြစ်ကြောင်း၊ အိန္ဒိယနိုင်ငံမှာ စစ်ခွေးအထူးလေ့ကျင့်ရေး သင်တန်း တက်ရောက်ဖူးသူဖြစ်ကြောင်း ရန်ကုန်အခြေစိုက် အပတ်စဉ်ထုတ် ဂျာနယ် The Speaker News Journal အတွဲ ၁၊ အမှတ် ၁၄ မှာ သတင်း ရေးသားထားပါတယ်။

ရန်ကုန်လေဆိပ် လုပ်ကြံမှုရဲ့ အဓိက ကွင်းဆက်တရားခံ တစ်ဦးဖြစ်တယ်လို့ အာဏာပိုင်တို့ သတင်းထုတ်ပြန်ထားတဲ့ ဒုတိယဗိုလ်မှူးကြီးဟောင်း ဦးအောင်ဝင်းခိုင်ဟာလည်း စစ်တက္ကသိုလ်ဆင်း ဖြစ်ပြီး  ၂ဝ၁၄ ခုနှစ်မှာ တပ်မတော်ကနေ နှုတ်ထွက်ခဲ့တယ်လို့ သိရပါတယ်။  ။
—————–

The Speaker သတင်းဂျာနယ်
အတွဲ(၁)၊ အမှတ် (၁၄) မှ ကူးယူဖော်ပြသည်။

၂၀၁၇ ဇန်နဝါရီလ ၂၉ ရက် ရန်ကုန် အပြည်ပြည်ဆိုင်ရာ လေဆိပ်တွင် အမျိုးသား ဒီမိုကရေစီအဖွဲ့ချူပ်၏ ဥပဒေအကြံပေး တရားလွှတ်တော် ရှေ့နေ ဦးကိုနီ သေနတ်ဖြင့် ပစ်သတ်ခံရခဲသော ကိစ္စနှင့် ပတ်သက်၍ တရားခံ ကြည်လင်း၊ စေခိုင်းသူ အောင်ဝင်းဇော် တို့ကို ဖမ်းဆီးထိန်းသိမ်းခဲ့သည့် အပြင် ငွေပေးစေခိုင်းသူ အောင်ဝင်းခိုင်မှာ ထွက်ပြေးလွတ်မြောက်နေကြောင်း နိုင်ငံတော် သမ္မတ ရုံးမှ သတင်း ထုတ်ပြန်ခဲ့သည်။ အောင်ဝင်းဇော်၊ အောင်ဝင်းခိုင်တို့နှင့် အတူ ဦးကိုနီ လုပ်ကြံမှုတွေပါဝင်ခဲ့သူ ဇေယျာဖြိုးကိုလည်း သက်ဆိုင်ရာမှ ခေါ်ယူစစ်ဆေး ဖမ်းဆီးခဲ့ကြောင်းသိရသည်။

အောင်ဝင်းဇော်၊ အောင်ဝင်းခိုင်တို့နှင့် အမှုတွဲ ဇေယျာဖြိုးသည် ဖေဖော်ဝါရီ ၁ ရက်တွင် ရန်ကုန်တိုင်းဒေသကြီး ကျောက်ကုန်းရှိ ကျောင်းကုန်းကျောင်းကြီး ပရိယတ္တိ စာသင်တိုက်တွင် ရဟန်းဝတ်နေစဉ် ဖေဖော်ဝါရီ ၃ ရက်က သက်ဆိုင်ရာမှ လာရောက်ခေါ်ဆောင်မှုကြောင့် သိက္ခာချ လူဝတ်လဲကာ လိုက်ပါသွားခဲ့ကြောင်း အဆိုပါကျောင်တိုက်ရှိ ကျောင်းထိုင် ဆရာတော်က မိန့်ကြားသည်။

“ခရီးသွားနေတော့ သိပ်ပြီးတော့ မသိဘူး။ သုံးရက်တောင် မပြည့်ဘူး ၊ ၁ ရက်နေ့မှာ စတက်တယ်။ ၃ ၇က်တောင် အပြည့်မရဘူးလို့ ပြောပါတယ်။ အဲလို ကိစ္စ တွေဖြစ်တဲ့အခါကျတော့ ၃ ရက်နေ့ကျတော့ သိက္ခာချပြီး လူဝတ်လဲပြီး ခေါ်သွားတယ်လို့  ဦးပဉ္ဖင်းလဲ အဲ့လိုပဲ ကြားတာပဲ။ သက်ဆိုင်ရာတွေရော ပါသလား တော့ မသိဘူး။ ဒကာတွေတော့ လာကြတယ်လို့ ကျောင်းက ဦးပဉ္ဖင်းတွေက ပြောတယ်။ အ၇ပ်ဝတ်တွေနဲပ လာတယ်လို့တော့ ပြောတယ်။ မနက်ကိုးနာရီ လောက် လာခေါ်တယ်လို့ ပြောကြတာပဲ ” ဟု ကျောင်းထိုင်ဆရာတော်က The Speaker သို့ မိန့်ကြားသည်။

ကျောင်းကုန်းကျောင်းကြီး ပရိယတ္တိ စာသင်တိုက် ကျောင်းထိုင်ဆရာတော်သည် မအူပင်သို့ ခရီးသွားရန် ရှိသည့် အတွက် ဆရာတော် ခရီးမသွားမီ ဇေယျာဖြိုးအား ရဟန်းဝတ်ပေးခဲ့ပြီး ခရီးသွားနေခဲ့သဖြင့် ဇေယျာဖြိုးကို လာခေါ်သည့် ညနေတွင် ဆရာတော်အား ဖုန်းဆက်လျောက်ထားခဲ့ကြောင်း သိရသည်။

“ဦးပဉ္ဖင်းက  ခရီးသွားစရာရှိတယ်ဆိုတော့ ဦးပဉ္ဖင်းရှိတုန်း ဝတ်လိုက်မယ်ဆိုပြီး တော့ ညနေမှာ ဝန်လိုက်တာ ။ နောက် သုံးရက်လောက်နေတော့ ခေါ်သွားတယ်။ သိက္ခာချပြီးတော့ အိမ်ခဏပြန်သွားတယ်။ ဦးပဉ္ဖင်း ကို သူညနေကျတော ဖုန်းဆက်တယ်။ သိက္ခာချလိုက်တဲ့ အကြောင်း လှမ်းဆက်တာ” ဟု ဆရာတော်က ဆက်လက်မိန့်ကြားသည်။

ဇေယျာဖြိုး သည် နှစ်စဉ် ဖေဖော်ဝါရီလ တွင် ရဟန်းဝတ်နေကျဖြစ်ကြောင်း ယခုနှစ်သည် ကိုးကြိမ်မြောက် ဝတ်ခြင်းဖြစ်ကြောင်း၊ ထိုသို့ ရဟန်းဝတ်ပါက တစ်ပတ်ခန့် ဝတ်လေ့ရှိကြောင်း ကျောင်းကုန်းပရိယတ္တိ စာသင်တိုက်တွင်မူ လွန်ခဲ့သည့် လေးနှစ်၊ ငါးနှစ် ခန့်က တစ်ကြိမ်၊ ယခုတစ်ကြိမ် နှစ်ကြိမ်သာ ရဟန်းဝတ်ခဲ့ဖူးကြောင်း သိ၇သည်။ ဘာသာရေး အလွန်လိုက်စားသူတစ်ဦးဖြစ်ရာ ရဟန်းဝတ်နေစဉ် အချိန်တွင်လည်း တရားရှုမှတ်နည်းများကို ပြပေးရန်မလိုဘဲ ၄င်းကိုယ်တိုင်ပင် ရှုမှတ်အားထုတ်နိုင်သည်ဟု ဆိုသည်။

ဇေယျာဖြိုးသည် စစ်တက္ကသိုလ် အပတ်စဉ် (၃၆) ဆင်းတစ်ဦးဖြစ်ပြီး ဗဟိုထောက်လှမ်းရေး တပ် ဗထလ(ရေကြည်အိုင်) တွင် သင်တန်းနည်းပြအဖြစ် ဆောင်ရွက်ခဲ့ပီး စစ်ခွေး အထူးလေ့ကျင်ရေး နှင့် ပတ်သက်၍ အိန္ဒိယတွင် သင်တန်း တက်ရောက်ခဲ့ကြောင်းသိရသည်။

ဦးကိုနီအား သေနတ်ဖြင့် လုပ်ကြံရန် ငွေပေးစေခိုင်းသူ အောင်ဝင်းခိုင်နှင့် ပတ်သက်ဆက်နွယ်သူများကို သက်ဆိုင်ရာမှ ခေါ်ယူစစ်ဆေးလျက်ရှိရာ ဇေယျာဖြိုးကိုသာမက အောင်ဝင်းခိုင်ခေါ်ဆိုခဲ့သော ဖုန်းကောလ်များမှ ဦးကိုနီသေဆုံးသည့် နေ့ မတိုင်မီ တစ်ပတ်အတွင်းခေါ်ဆိုခဲ့သော ဖုန်းနံပါတ်များကို ဆက်သွယ်၍ ခေါ်ယူစစ်ဆေးခဲ့ရာ လူဦးရေ ၆၀ ကျော် စစ်ဆေးခံခဲ့ရကြောင်း သိရသည်။

ဇေယျာဖြိုးနှင့် ၄င်း မိသားစုသည် အမှတ် D-8 မင်္ဂလာလမ်း တာမွေလေးရပ်ကွက်တွင် နေထိုင် ကြပြိး ၄င်း အိမ်သို့ The Speaker မှာ သွားရောက်ရာတွင် အိမ်တံခါးများ သော့ပိတ်ထားသည်ကို တွေ့ရှိခဲ့သည်။ အိမ်နီးချင်းများကလည်း ၄င်းတို့ကို မတွေ့သည်မှာ တစ်ပတ်ခန့် ရှိပြိဖြစ်ကြောင်း ပြောကြသည်။

” မတွေ့တာ တော့ ကြာပြီ။ တစ်ပတ်လောက်ရှိပြီ ။ ခါတိုင်း သတင်းစာပို့နေကျ ကောင်လေးတောင် လာမပို့တော့ဘူး” ဟု ဇေယျာဖြိုး ၏ အိမ်နီးချင်းကပြောသည်။

အဆိုကိစ္စ နှင့် ပတ်သက်၍ တာမွေလေး ရပ်ကွက် အုပ်ချူပ်ရေးမှုးထံသို့ သွားရောက်ဆက်သွယ်မေးမြန်းခဲ့သော်လည်း ၄င်းမှာ ထိုကိစ္စ နှင့် ပတ်သက်၍ ဘာမှ သိရှိမှု မရှိကြောင်းနှင့် တာမွေ ရဲစခန်းသို့သာ ဆက်သွယ်မေးမြန်းရန်ပြောခဲ့သည်။

တာမွေရဲစခန်းသို့ ဆက်သွယ်မေးမြန်းခဲ့ရာ စခန်းမှ စစ်ဖက်ရေးရာ လုံခြုံရေးတပ်ဖွဲ့ (စရဖ)မှ တာဝန်ရှိသူများကို ဇေယျာဖြိုး၏ အိမ်သို့ လိုက်လံပို့ဆောင်ပေးခဲ့ရာ ဇေယျာဖြိုးအား စရဖ မှ ခေါ်ဆောင်သွားပြေီး ခေါ်ဆောင်သွားသည့် နေရာကိုတော့ မသိရှိကြောင်း တာမွေ မြို့နယ် ရဲစခန်းမှ တာဝန်ရှိသူ တစ်ဦးက ပြောသည်။

ဇေယျာ၊ လင်းလင်း

ဆွေဝင်း/Myanmar Now

နေပြည်တော် (Myanmar Now) – အမျိုးသားဒီမိုကရေစီအဖွဲ့ချုပ် ဥပဒေအကြံပေး တရားလွှတ်တော်ရှေ့နေ   ဦးကိုနီ လုပ်ကြံသတ်ဖြတ်ခံရသည်မှာ သီတင်းပတ်သုံးပတ်သို့ပင် ရောက်ရှိလာပြီဖြစ်သည်။ ယခုအမှုအား စစ်တပ်နှင့် ရဲတပ်ဖွဲ့တို့ ဦးဆောင်စစ်ဆေးမှုများပြုလုပ်နေပြီး၊ ၎င်းတို့ထံမှ ရရှိလာသော သတင်းအချက်အလက်များကို နိုင်ငံတော်သမ္မတရုံးနှင့် ပြန်ကြားရေးဝန်ကြီးဌာနတို့က ထုတ်ပြန်ပေးလျက်ရှိသည်။ သို့သော် ယခုအမှုနှင့်ပတ်သက်၍ အာဏာပိုင်တို့၏ ကိုင်တွယ်အရေးယူပုံ၊ သတင်းထုတ်ပြန်ပေးမှုတို့ကို  ပြည်သူများက အားမလိုအားမရ မကျေနပ်မှုများလည်း ရှိနေသည်။ ဒုတိယတရားခံ ဦးအောင်ဝင်းဇော်ကို အခင်းဖြစ်ပွားပြီး ၁၂ နာရီအကြာ ဇန်နဝါရီ ၃ဝ ရက် မနက်တွင် ဖမ်းမိခဲ့သည်ဟုဆိုသော်လည်း ၄င်း၏ညီဖြစ်သူ အောင်ဝင်းခုိုင် ဆိုသူ ပါဝင်ပတ်သက်မှုကို သီတင်းနှစ်ပတ်ကျော် ဖေဖော်ဝါရီ ၁၅ ရက်နေ့တွင်မှ သမ္မတရုံးက သတင်းထုတ်ပြန်ခဲ့ခြင်းဖြစ်သည်။

စစ်တပ်က ရေးဆွဲခဲ့သော ၂ဝဝ၈ ဖွဲ့စည်းပုံအခြေခံဥပဒေအရ ရဲတပ်ဖွဲ့သည်၊ ပြည်ထဲရေးဝန်ကြီးဌာနအောက်တွင် ဖြစ်ပြီး၊ ပြည်ထဲရေးဝန်ကြီးဌာနကို စစ်တပ်က ထိန်းချုပ်ထားသည်။ ယခုအမှုတွင် ပြည်သူများသာမက၊ နိုင်ငံတော်သမ္မတနှင့် အစိုးရ သတင်းထုတ်ပြန်ရေးအတွက် တာဝန်ယူထားသော ပြန်ကြားရေးဝန်ကြီးဌာနပါ တပ်မတော်နှင့် ပြည်ထဲရေးဝန်ကြီးဌာန၏ သတင်းအမှောင်ချခြင်း ခံထားရသလော ဆိုသည်ကို Myanmar Now သတင်းဌာနက ပြန်ကြားရေးဝန်ကြီး ဒေါက်တာဖေမြင့်ကို မေးမြန်းထားပါသည်။

မေး။     ။ ဦးကိုနီလုပ်ကြံခံရတာနဲ့ ပတ်သက်ပြီး ဝန်ကြီးတစ်ယောက်အနေနဲ့ရော၊ နိုင်ငံသားတစ်ယောက်အနေနဲ့ပါ ခံစားချက် ဘယ်လိုရှိတယ် ဆိုတာကို ပြောပြပါ။

ဖြေ။    ။ ဦးကိုနီက ကျွန်တော်နဲ့ အရင်ကတည်းက ရင်းနှီးတဲ့ ပုဂ္ဂိုလ်တစ်ယောက်ပါ။ အခုခရီးစဉ်မှာ အတူတူသွားတယ်။ တစ်ပတ်လောက်အတွင်းမှာ နေ့တိုင်း တွေ့ဆုံ စကားပြောတယ်၊ ပြီးတော့ ပြန်လာတယ်။ ပြန်လာပြီးတော့ အခုခရီးစဉ်က အောင်မြင်တယ်ဆိုပြီးတော့ ကျွန်တော်တို့တစ်ဖွဲ့လုံးက ခံယူကြတယ်၊ အဲဒီတော့ နောက်လည်း တွေ့ကြ ဆုံကြဦးမယ်ဆိုပြီးတော့ လေဆိပ်မှာ နှုတ်ဆက်ပြီးတော့ ဆင်းကြတာပေါ့ဗျာ။ အဲဒါပြီး ခဏနေတော့ ဦးကိုနီ လုပ်ကြံခံရတယ်၊ သေနတ် အပစ်ခံရတယ်ဆိုပြီးတော့ ကြားရတာပေါ့ဗျာ။ ကြားရတော့ ကျွန်တော်တို့ သွားကြည့်တယ်။ သူ့ကို သွေးအိုင်ထဲမှာ တွေ့ရတယ်။ ခုနလေးကတင် စကားပြောလာတဲ့ မိတ်ဆွေတစ်ယောက် ဒီလိုဖြစ်သွားတယ်ဆိုတော့ တော်တော် လူပ်လူပ်ရှားရှား ခံစားရတယ်။

မေး။     ။ လေယာဉ်ပေါ်ကနေ စဆင်းလိုက်တဲ့အချိန်ကနေပြီး ဦးကိုနီ လဲနေတဲ့နေရာထိ အဲဒီအချိန်ကာလအကြောင်း အသေးစိတ်ပြောပြပေးပါလား ခင်ဗျ။

ဖြေ။    ။ ကျွန်တော်တို့ဆင်းလာပြီးတော့ ဆိုက်ရောက်ဧည့်သည်တွေ နားကြတဲ့နေရာမှာ  နူတ်ဆက်တဲ့သဘောမျိုးနဲ့ ကျွန်တော်တို့ စုကြတယ်။  ခရီးစဉ်အဆင်ပြေတဲ့အတွက် ဝမ်းသာတယ်။ နောက်လည်းပဲ ကျွန်တော်တို့ ခရီးသွားတဲ့အတွေ့အကြုံတွေကို ဖလှယ်မယ်။ နောက်ထပ် ပြောဆို ဆွေးနွေးစရာတွေလည်း ရှိတာပေါ့ဗျာ၊ အဲဒီတော့ အဆက်အသွယ်တွေ နောက်လည်း တစ်ယောက်နဲ့တစ်ယောက် ထိတွေ့မူတွေ ရှိကြမယ်ပေါ့နော်။ ပြောပြီး နူတ်ဆက်ပြီးတော့ ဆင်းသွားတာပေါ့ဗျ။  သွားတုန်းကတော့ VIP အဆောင် ဆိုတဲ့နေရာမှာ စုပြီးတော့ ထွက်ကြတယ်။ အပြန်ကြတော့ ပြန်ရောက်ပြီဖြစ်တဲ့အတွက် ဒီလိုပဲ ကိုယ့်အစီအစဉ်နဲ့ကို ထွက်ကြတာပေါ့။ ပြည်တွင်း သွားလာနေရင်တော့ ပုံမှန်အားဖြင့် ကျွန်တ်ာတို့လည်း အဲဒီနေရာမျိုးကပဲ ထွက်ကြတာပဲ။ အဲဒီနေ့မှာတော့ ကျွန်တော်တို့က အကြောင်းအားလျော်စွာ ဟိုဘက်နားကို ရောက်နေတယ်။ အဲဒီအချိန်မှာ သေနတ်သံတွေ ကြားနေကြတယ်လို့ ပြောတယ်။ အဲဒီအခါမှာ ဘာဖြစ်သလဲ မေးနေမြန်းနေကြတယ်။ နောက် ဦးကိုနီလို့ ပြောတယ်၊ တက္ကစီသမားလို့ ပြောတယ်။ သတင်းတွေက အဲဒီအနားမှာပဲ ကြားနေတယ်။ နောက်တော့ ကျွန်တော်တို့ အဖွဲ့နဲ့ အတူတူသွားတဲ့ တစ်ယောက်ကပဲ ဦးကိုနီ သေနတ်မှန်ပြီး လဲနေပြီဆိုတော့၊ ပြည်ထဲရေးက ဒုဝန်ကြီး ဗိုလ်ချုပ်အောင်စိုးရယ် နယ်စပ်ရေးရာဝန်ကြီးဌာနက ဒုဝန်ကြီး ဗိုလ်ချူပ်သန်းထွဋ်ရယ် လိုက်သွားကြတယ်ပေါ့။ အဲဒီမှာ သူ့ကို တွေ့တယ်။

မေး။      ။ ဒီလိုနိုင်ငံတော်အဆင့်ခရီးစဉ်မှာ လုပ်ကြံခံရတယ်ဆိုတာ အတွင်းသတင်းပေးရှိတယ်ဆိုတဲ့ သံသယတွေရှိတယ်။ လေကြောင်းလိုင်း နံပါတ်တွေ၊ အချိန်တွေကအစ တစ်ယောက်ယောက်က ကြိုတင်ပြီး ပေါက်ကြားအောင်လုပ်တယ်လို့ သံသယတွေ ရှိတယ်။ ဆရာကော ဒီလို သံသယရှိလား။

ဖြေ။      ။ ကျွန်တော်ကတော့ ဒီလို ခရီးအတူတူသွားနေတဲ့ သူတွေထဲမှာတော့ ဒီလိုမျိုး ရှိလိမ့်မယ်လို့ သံသယ မရှိပါဘူး။ ဒါက လူတွေအများကြီးနဲ့ သွားရတဲ့ ခရီးစဉ်တွေဖြစ်တယ်။ သိပ်လျှို့ဝှက်ပြီးသွားတဲ့ ခရီးစဉ်တော့ မဟုတ်ပါဘူး။ ပထမထွက်တဲ့နေ့ကတည်းကပဲ အဖွဲ့လိုက်ဓာတ်ပုံရိုက်တယ်။ ကျွန်တော်ထင်တယ် အဲဒါက လျှိူ့ဝှက်ထားတာမဟုတ်တော့ အများကသိတယ်လုိ့ ထင်တယ်။ သိနေတော့ လုပ်ကြံချင်တဲ့လူအဖို့ကလည်း ခက်ခက်ခဲခဲစုံစမ်းရမယ့် ကိစ္စတော့ မဟုတ်ဘူး။

မေး။ ။ ခရီးစဉ်အတွင်းမှာ ဦးကိုနီနဲ့ အခြား ဒီခရီးစဉ်မှာပါလာတဲ့သူတွေကြား ဆက်ဆံရေးကော အဆင်ပြေလား။

ဖြေ။     ။ ကျွန်တော်တို့ ဒီအဖွဲ့က စုစုပေါင်း ၂၁ ယောက်ပေါ့။ ဆက်ဆံရေးက နွေးထွေးတယ်လို့ပြောရမယ်။ နဂိုတုန်းကတော့ တစ်ယောက်ကိုတစ်ယောက် သိပ်ပြီးမသိကြဘူး။ လေးငါးရက်လောက်ကြာပြီးတဲ့အခါမှာ ရင်းရင်းနှီးနှီးနဲ့ ရယ်စရာ မောစရာပြော၊ နောက်နောက်ပြောင်ပြောင်နဲ့ အဲဒီလောက်အထိကို အခြေအနေ ဆက်ဆံရေးတွေ ကောင်းတယ်ဗျ။

မေး။  ။ ဒီခရီးစဉ်မှာ ဦးကိုနီကကော မှတ်မှတ်ရရ ဘာတွေပြောဆိုတာရှိခဲ့သလဲ။

ဖြေ။     ။ ဦးကိုနီကတော့  ခင်ဗျားလည်း သိပါလ်ိမ့်မယ်။ ကျန်တဲ့သူတော်တော်များများလည်း သိပါလိမ့်မယ်။ ဦးကိုနီက နိုင်ငံရေး စိတ်ဝင်စားတယ်ဗျာ။ ဥပဒေအရေး စိတ်ဝင်စားတယ်။ နောက် လူမျိုးရေး ဘာသာရေး ပဋိပက္ခတို့ စသဖြင့် တိုင်းပြည်ရဲ့အရေးကိစ္စတွေ တော်တော်များများ စိတ်ဝင်စားပြီးတော့ ပြောတဲ့၊ ဆိုတဲ့၊ ရေးလည်းရေးတဲ့ ပုဂ္ဂိုလ်မျိုးဖြစ်တယ်ပေါ့ဗျာ။ ဆိုတော့ ကျွန်တော်တို့ ခရီးစဉ်တလျှောက်မှာ ကျွန်တော်တို့ ဟိုတိုင်းပြည်က ပုဂ္ဂိုလ်တွေ အစိုးရပိုင်းကရော တခြားအဖွဲ့အစည်းကရော အမျိုးမျိုးသော ပုဂ္ဂိုလ်တွေ အများကြီး တွေ့တယ်။ တွေ့တဲ့အခါမှာ သူတို့ဟာသူတို့ တင်ပြဆွေးနွေးကြတယ်။ အဲဒီအခါမှာ ဦးကိုနီကတော့ တော်တော်များများ ဝင်ဆွေးနွေးတယ်။ ဒါကတော့ သူ့ပင်ကိုယ်သဘာဝပဲ ထူးခြားတယ်လို့ ပြောရမှာပေါ့။

မေး။      ။ ရခိုင်ကိစ္စရော ဆွေးနွေးဖြစ်လား။

ဖြေ။      ။ အမျိုးစုံ ပါပါတယ်။ ကျွန်တော်တို့သွားတာက အင်ဒိုနီးရှားရဲ့ ဒီမိုကရေစီကူးပြောင်းမူဖြစ်စဉ်ပေါ့။ အဲဒီရဲ့ အတွေ့အကြုံတွေ နားထောင်ဖို့ သွားတယ်။ အဲဒီအကူးအပြောင်းကာလအစပိုင်းမှာ သူတို့ဆီက မာလုကူ ဆိုတဲ့ ကျွန်းစုမှာ လူမျိုးရေးဘာသာရေး ပဋိပက္ခတစ်ခု တော်တော် ပြင်းပြင်းထန်ထန်ဖြစ်တယ်ဗျ။ အဲဒီမှာ ခရစ်ယာန်နဲ့ မွတ်စလင်တွေ ရှိတယ်။ လူဦးရေက ဆတူလောက်ရှိတယ်။ အဲဒီနေရာမှာ လေးငါးနှစ်လောက် ပြင်းပြင်းထန်ထန် ပဋိပက္ခတွေဖြစ်ခဲ့တယ်ဗျ။ ဖြစ်တော့ အဲဒီနေရာက ပုဂ္ဂိုလ်တွေက သူတို့ဆီမှာ ပဋိပက္ခတွေ ဘယ်လိုဖြစ်တယ်၊ ပြေလည်အောင် ဘယ်လိုဖြေရှင်းကြတယ်ဆိုတဲ့ အကြောင်းတွေကို ကိုယ်တွေ့တွေ ပြောတယ်၊ သဘောတရားတွေ ပြောတယ်။ ဒါတွေပြောတာရှိတယ်၊ နောက် အကူးအပြောင်းနဲ့ပတ်သက်လို့ ပြောတာတွေရှိတယ်။  ဦးကိုနီက ပြောဆို ဆွေးနွေးတတ်တဲ့လူတစ်ယောက် ဆိုတော့ အဲဒီကိစ္စတွေမှာ သူတော်တော်ပြောဆိုဆွေးနွေးခဲ့တယ်။

မေး။      ။ ဦးကိုနီက မွတ်စလင်တွေ မြန်မာပြည်မှာ နှိပ်ကွပ်ခံနေရတယ်ဆိုတာ မျိုးရော ပြောဆိုခဲ့တာရှိလား။

ဖြေ။      ။ ကျွန်တော်တို့က လေ့လာရေးအဖွဲ့ဆိုတော့ ဟိုဘက်က ဆွေးနွေးတာတွေကို နားထောင်ရတယ်၊ မရှင်းတာ မေးတယ်။ တချို့ဟာတွေကို ဆွေးနွေးတယ်ပေါ့ဗျာ၊ ဒီသဘောလောက်ပါပဲ။ အဲဒီအခါမှာ ကျွန်တော့်အထင် သိပ်ပြီး ထူးခြားတဲ့၊ ပြင်းထန်တဲ့ ဆွေးနွေးမူတွေ မတွေ့ရပါဘူး။ ပြီးတော့ သူက အကျိူး အကြောင်းနဲ့ စကားပြောတဲ့လူတစ်ယောက်ဖြစ်လို့ သူသိပ်ပြီးတော့ ငြင်းခုံတာမျိုးတွေ မတွေ့ရဘူး။ သူ့အယူအဆကိုတော့ ရှင်းလင်းအောင်တော့ ပြောတဲ့သူမျုိုးပါ။

မေး။    ။ ခုဒီကိစ္စနဲ့ပတ်သက်ပြီး ပြည်သူလူထုက သတင်းအမှောင်ချခံထားရသလိုဖြစ်နေတယ်။ လုံခြုံရေးအရလျှို့ဝှက်ဖို့မလိုတဲ့ အချက်တွေပါ ပြည်သူလူထုက မသိရဘူး။ ဒါဟာဘာဖြစ်လို့လဲ။

ဖြေ။       ။ ကျွန်တော်ကတော့ ဒီအမူက ထူးခြားတဲ့အမူတစ်ခုလည်းဖြစ်တယ်။ အရေးကြီးတဲ့ ကိစ္စတစ်ခုလည်း ဖြစ်တယ်။ သုံးသပ်ပြောဆိုနေတာတွေကလည်း အများကြီး ထွက်ပေါ်နေတဲ့ အခါမျိုးမှာ စုံစမ်း စစ်ဆေးရေး လုပ်ရတဲ့ပုဂ္ဂိုလ်တွေအဖို့တော့ တော်တော်လေးကို အလေးအနက်ထားပြီးတော့ လုပ်နေလိမ့်မယ်လို့ ကျွန်တော်မြင်တယ်။ သို့သော် ဒီလိုအမူမျိုးမှာ သူတို့ရဲ့ စုံစမ်းထောက်လှမ်းတဲ့ လုပ်ထုံးလုပ်နည်းတွေတော့ ကျွန်တော်လည်း သိပ်ပြီးတော့ နားမလည်ဘူးပေါ့ဗျာ။ ကျွန်တော်တို့ ကြားရသလောက်ဆိုရင် တချို့ကိစ္စတွေမှာ ဆက်စပ်နေတဲ့ ပုဂ္ဂိုလ်တွေ လွတ်သွားမှာစိုးလို့ပေါ့။ သူတို့ အသုံးအနှုန်းတော့ ကျွန်တော်လည်း အတိအကျ မသိဘူး။  အခုအချိန်မှာဆိုရင် နှစ်ပါတ်ကျော်ကျော်လောက်ရှိပြီ။ နှစ်ပါတ်ကျော်ကျော်သည် ရှည်ကြာတယ်လို့ ပြောမလား၊ ဒီလောက်ကတော့ကြာနိုင်လား ဆိုတာတော့ ကျွန်တော်လည်း မပြောတတ်ဘူးပေါ့ဗျာ။ ဒီကြားထဲမှာ တကယ့်လက်သည်တရားခံက ထင်ထင်ရှားရှားကြီး ဆိုတော့ ဖမ်းမိတယ်။ နောက်ထပ် ဆက်စပ်နေတဲ့ ပုဂ္ဂိုလ်တစ်ယောက်ကိုလည်း ဖမ်းမိပြီလို့ ဆိုထားတယ်။ ဆိုတော့ ဒါကနေပြီးတော့ နောက်ထပ် ဘာတွေ ဘယ်လောက်ရှိဦးမလဲ၊ အဲဒါတွေကို ဆက်စပ် ဖော်ထုတ်နေတယ်လို့ ထင်တယ်။ ဒီထက်ကြာလာရင်တော့ ဒီအမူဟာ ကြာနေတယ်လို့ ပြောလာတာတွေရှိမယ်လို့ ကျွန်တော်ထင်ပါတယ်။

မေး။ ။ ဒီသတင်းအမှောင်ချတယ်ဆိုတာ ပြည်ထဲရေးနဲ့တပ်မတော်က အရပ်သားအစိုးရကို သတင်း အချက်အလက် မပေးလို့လား။ ဝန်ကြီးကိုယ်တိုင်ကော ကျွန်တော်တို့ပြည်သူတွေလို သတင်းအချက်အလက် ဘာမှမသိရဘူးလား။

ဖြေ။   ။ ဒီအမူအခင်းကတော့ အင်မတန်မှ အရေးကြီးတဲ့အမူအခင်းဖြစ်တယ်။ ဒီအမူကို စုံစမ်း ထောက်လှမ်းဖို့အတွက်ကို လုံခြုံရေးအဖွဲ့လိုမျိုး ဒီလိုမျိုးနဲ့ သက်ဆိုင်တဲ့ အဖွဲ့တွေက ဆောင်ရွက်နေတယ်။ ကျွန်တော်တို့လည်း ဒီအဖြေတွေကို အများနည်းတူ သိချင်တယ်။ ပြန်ကြားရေးဝန်ကြီးဌာန အနေနဲ့ကတော့ သက်ဆိုင်ရာ ဝန်ကြီးဌာန အသီးသီးက လုပ်တဲ့ကိုင်တဲ့ကိစ္စတွေ အဲဒီနေရာတွေမှာ ဖြစ်ပေါ်တဲ့ အကြောင်းရပ်တွေကို အများ သိအောင်လို့ ကျွန်တော်တို့ သတင်းအချက်အလက်တွေကို ရယူပြီး ဖြန့််ချီပေးတဲ့အလုပ် လုပ်တာပေါ့ဗျာ။ အခုကတော့ စုံစမ်းရေးအဖွဲ့ရှိတယ်။ စုံစမ်းရေးဖွဲ့ကနေ ပြောလာတဲ့အခါမှာ ကျွန်တော်တို့ကနေပြီးတော့ ဆက်လက်ပြီး ဖြန့်ချိသွားရမယ့် သဘောရှိတာပေါ့။ မပြီးသေးတဲ့ ကာလမှာတော့ ထထပြောတတ်တဲ့အလေ့အထတော့ မရှိဘူးပေါ့ဗျာ။ သူတို့ ခိုင်ခိုင်မာမာ ခြေခြေမြစ်မြစ် သိပြီးတော့ ထုတ်ပြန်လို့ရတဲ့အခါမျုိုးမှသာ ထုတ်ပြန်တာပေါ့။ ဒီလိုမျုိုးတွေရှိတော့ ကျွန်တော်ထင်တယ်။ အဲဒီအချိန်မှသာ ကျွန်တော်တို့ သိနိုင်မယ်လို့ ထင်တယ်။ ဒီကြားထဲမှာ ဘယ်တော့ သိနိုင်မလဲ၊ ဘယ်တော့ ထုတ်ပြန်နိုင်မလဲ ဆိုတာကတော့ သတင်းသမားတွေ အနေနဲ့ကတော့ မေးမြန်းလို့ ရနိုင်မယ်လို့ ထင်တယ်။

စုံစမ်းရေးလုပ်နေတဲ့အဖွဲ့ကနေပြီးတော့ ဒါက ဒီလိုဖြစ်ပါတယ်၊ တရားခံဘယ်သူ့ကိုတော့ မိထားပါပြီ။ ဘယ်သူကတော့ ထွက်ပြေး တိမ်းရှောင်နေပါတယ်၊ နောက်ထပ် ပါဝင်နေသူတွေရှိတယ်၊ ဒါကို ဖော်ထုတ်နေတယ် စသဖြင့် သူတုိ့ဆီကနေ ထုတ်ပေးလာရင်တော့ ကျွန်တော်တို့ရဲ့မီဒီယာတွေ သတင်းစာ၊ ရုပ်သံ၊ ဝက်ဆိုက် ဒါတွေကနေပြီးတော့ ဖြန့်ချိပေးမှာပေါ့။ ဒီအနေအထားရှိပါတယ်။

မေး။   ။ လေဆိပ်က စီစီတီဗွီမှတ်တမ်းတွေ၊ အဖမ်းခံထားရသူတွေရဲ့ ကိုယ်ရေးရာဇဝင်အချက်အလက်တွေ၊ ဥပမာ ဖမ်းခံထားရသူ အောင်ဝင်းဇော်ဟာ ယခင်တပ်မတော်အရရှိဟောင်းဆိုတာ ဟုတ်လား မဟုတ်လား၊ စသည်ဖြင့် ဒါတွေဟာ လုံခြုံရေးအရ လျှို့ဝှက်ထားစရာမလိုအပ်ဘူးဆိုတာ ရှင်းလင်းနေတယ်။ ဆိုတော့ လျှို့ဝှက်စရာ မလိုတာတွေပါ အကုန်လျှို့ဝှက်ထားတယ်ဆိုတော့ သက်ဆိုင်ရာအဖွဲ့အစည်းတွေက တမင် သတင်းထိမ်ချန်ပြီး ဒီအမှုကို လိုသလို ပုံဖော်ဖို့ ကြိုးစားနေတာလား။

ဖြေ။   ။ ကျွန်တော်တို့ကလည်း အများနည်းတူသိချင်တာပါပဲ။ စုံစမ်းတဲ့တာဝန်တွေ ထမ်းဆောင်နေကြတဲ့သူတွေကည်း အဖြေ ပေါ်အောင်လို့တော့ သူတို့စွမ်းဆောင်နေကြတယ်လို့မြင်ပါတယ်။ အဲဒီတော့ သူတို့အဖြေရတဲ့အထိကို စောင့်ဆိုင်းရမယ်လို့ပဲ ကျွန်တော်ကတော့ နားလည်ပါတယ်။

မေး။   ။ နိုင်ငံတော်သမ္မတကရော ဒီစုံစမ်းစစ်ဆေးနေမှုအခြေအနေနဲ့ပတ်သက်ပြီး အချိန်နဲ့တပြေးညီ ရရှိလာတဲ့အချက်အလက်မှန်သမျှကို ပြည့်ပြည့်ဝဝ ရရှိနေပါသလား။

ဖြေ။    ။ ကျွန်တော်တို့ကတော့ ပြန်ကြားရေးဝန်ကြီးဌာနပေါ့။ နိုင်ငံတော်သမ္မတ အနေနဲ့ကတော့ ဒီစုံစမ်းစစ်ဆေးရေးသည် ဘယ်အတိုင်းအတာ ရောက်နေတယ်၊ ဘယ်လောက်သိရမလဲ ဆိုတာကတော့ သူသိချင်လို့ မေးမြန်းရင် သူသိနိုင်တယ်လို့ ကျွန်တော်ကတော့ ယုံကြည်ပါတယ်။

မေး။     ။ ခု ဒီလုပ်ကြံမှုနဲ့ပတ်သက်ပြီး ပြန်ကြားရေးဌာနကထုတ်ဝေတဲ့ Global New Light of Myanmar သတင်းစာမျက်နှာဖုံးမှာ ဦးကိုနီဓာတ်ပုံနဲ့ သတင်းကို ဇန်နဝါရီ ၃ဝ ရက် မနက်စောစောမှာ အင်တာနက်မှာ တွေ့ရတယ်။ တကယ် သတင်းစာထွက်လာတော့ ဒီသတင်းနဲ့ ဦးကိုနီဓာတ်ပုံဟာ အထဲရောက်သွားတယ်။ ဆိုတော့ ဘယ်လိုဖြစ်သွားပါသလဲ။ ဒါဟာ နိုင်ငံရေးအရ တွက်ဆပြီး ဆရာတို့သဘောနဲ့ဆရာတို့ လုပ်လိုက်တာလား၊ ဒါမှမဟုတ် သမ္မတရုံး၊ သို့တည်းမဟုတ် ပြည်ထဲရေးက ညွှန်ကြားတာလား၊ ဖိအား ပေးတာလား။

ဖြေ။  ။ အဲဒါတော့ ကျွန်တော်လည်း တိတိကျကျမသိဘူး။ သို့သော် စာမျက်နှာရှေ့ပိုင်းမှာ ဘယ်ပုံမျိုးကို တင်မယ်၊ ဘယ်သတင်းမျိုးကိုတင်မယ် ဆိုတဲ့ဟာတွေတော့ အယ်ဒီတာတွေ ယေဘုယျ မူဝါဒတော့ ရှိတယ်ဗျ။ ဒါပေမဲ့ အသေးစိတ်ကတော့ သက်ဆိုင်ရာအယ်ဒီတာအဖွဲ့တွေ လုပ်ကြတာပါပဲ။ ကျွန်တော်လည်း တခါတလေ သတင်းစာတွေကို ညဘက်ကြည့်တာ ရှိပါတယ်။ အဲဒီညကတော့ စီစစ်တာတွေ လုပ်ဖြစ်လား မလုပ်ဖြစ်လား ဆိုတာတော့ သေချာမမှတ်မိတော့ဘူး။

မေး။  ။ ဦးကိုနီ သတ်ခံရတာ အများထင်မြင်နေတဲ့နိုင်ငံရေးကြောင့်လား၊ ဒါမှမဟုတ် လူမျိုးရေး ဘာသာရေးကြောင့်လား၊ ဒါမှမဟုတ် ဒါသူ့ပုဂ္ဂလိကကိစ္စတစ်ခုကြောင့်လား။ တစ်ခုခုများ သိရပြီလား။

ဖြေ။    ။ ဒီအမူမျိုးကတော့ တော်တော်ရှုပ်ထွေးတဲ့အမူမျိုး ဖြစ်မှာပေါ့ဗျာ။ ကျွန်တော်တို့ မှန်းဆတာတွေကတော့ အမျိုးမျိုး အဖုံဖုံ လျှောက်ပြီးတော့ မှန်းဆလို့ရတာပေါ့။ မှန်းဆချက်တွေကတော့ ပြောဖို့ ခက်ပါတယ်။      ဦးကိုနီကို ဒီလိုလုပ်ချင်ရင် ဦးကိုနီသည် ရန်ကုန်မြို့ထဲ ဟိုအစည်းအဝေး၊ ဒီအစည်းအဝေး၊ အဖွဲ့အစည်းကိစ္စရော ပုဂ္ဂိုလ်ရေးအရလည်း ဒီလိုပဲ သွားလာလှုပ်ရှားနေတဲ့ ပုဂ္ဂိုလ်ဖြစ်တဲ့အတွက်ကြောင့်မို့လို့ တမင်တကာ ကြံစည်ပြီးတော့ လူရှေ့သူရှေ့တောင်မှ လုပ်ရဲတဲသူတွေအတွက်တော့ ခက်ခဲစရာအကြောင်း မရှိဘူးပေါ့ဗျာ။ အဲဒါကို ဒီလိုလေဆိပ်လိုနေရာမျိုးမှာ လုပ်တာကတော့ ဒီလုပ်ကြံမူကို ပေါ်လွင်စေချင်တဲ့သဘော ရှိတာပေါ့ဗျာ။ လူတွေကို တုန်လှုပ်ချောက်ချားစေချင်တဲ့စိတ်၊ မလုံခြုံတဲ့စိတ် ဒီလိုမျိုးဖြစ်စေချင်တာပေါ့။ ထင်ထင်ရှားရှား လုပ်တယ် ဆိုတော့ မတည်ငြိမ်မူတွေဖြစ်အောင်လုပ်တယ် ဆိုတဲ့ ကောက်ချက်မျိုးတော့ ချလို့ရနိုင်တယ်။ ဒီအပြင် အများကြီး စဉ်းစားပြီးတော့ စဉ်းစားမှု တစ်ခုတည်းနဲ့တင် ဘယ်သူဘယ်ဝါလုပ်တယ်ဆိုတာ ကောက်ချက်ချဖို့တော့ မလွယ်ဘူး ထင်တယ်။

မေး။   ။ ဒီအမှုမှာ ပါဝင်သူတွေအားလုံး တရားဥပဒေရှေ့မှောက်ကို ခေါ်ဆောင် အပြစ်ပေးနိုင်မယ်လို့ ဆရာယုံကြည်ပါသလား။

ဖြေ။   ။ အားလုံးလို့ပြောတာတော့ ခက်တာပေါ့။ ဥပမာပြောရရင် ကြီးကျယ်သွားမလားလုိ့တော့ မပြောတတ်ဘူး ဗိုလ်ချုပ်အောင်ဆန်းကို လုပ်ကြံတယ်၊ ဂဠုန်ဦးစောရဲ့ တပည့်တွေက ကိုယ်ထိလက်ရောက်သွားလုပ်တယ်။ ဂဠုန်ဦးစောက ခိုင်းစေတယ်လို့ဆိုတယ်။ ပြီးတော့ သူတုိ့ကို အပြစ်ပေးလိုက်တယ်ပေါ့နော်။ သို့သော် အခုကာလအထိကို ဂဠုန်ဦးစောတင် မဟုတ်ဘူး၊ ဘယ်သူတွေက ဘာတွေဘာတွေ စသဖြင့် သီအိုရီတွေက ရှိတယ်။ ဒီလိုအမူအခင်းမျိုးတွေမှာတော့ ဟိုဟာဟိုလို ဖြစ်နိုင်တယ်၊ ဒီဟာဒီလိုဖြစ်နိုင်တယ် ဆိုတာတွေကတော့ ရှိနိုင်တာပေါ့။ ဆိုလိုချင်တာက ဂဠုန်ဦးစောလည်း မိပြီ၊ သူ့တပည့်တွေလည်းမိပြီဆိုတော့ သာမန်အားဖြင့် ကွင်းဆက်ကတော့ ပျက်သွားပြီလို့ ထင်တယ်။ အခုကတော့ ဒီဟာကို အလေးအနက်ထားပြီး စုံစမ်း ထောက်လှမ်းနေတယ်လို့တော့ ကျွန်တော်တို့ကတော့ နားလည်တယ်။ လောလောဆယ် လက်ငင်း လုပ်ကြံတဲ့လူတွေလည်း မိထားပြီ၊ နောက်ကွယ်က ခိုင်းစေတဲ့သူတစ်ယောက်ကိုလည်း မိထားပြီ။ စောစောကပြောတဲ့ အတိုင်းအတာမျိုးကတော့ ကျွန်တော်ကတော့ အချိန်တန်ရင်မိမယ်လို့ ထင်တယ်။  ။