Tag: UKoNi

ဖေဖော်ဝါရီ ၁၃၊ ၂၀၁၇
M-Media

ဇန်နဝါရီလ ၂၉ ရက် ညနေပိုင်းတွင် ရန်ကုန်လေဆိပ်၌ အကြမ်းဖက် လုပ်ကြံခံရပြီး ကွယ်လွန်သူ NLD ပါတီ ဥပဒေအကြံပေး(ဗဟို)၊ တရားလွှတ်တော်ရှေ့နေကြီး ဦးကိုနီနှင့် လူသတ်တရားခံအား လိုက်လံဖမ်းဆီးစဉ် သေနတ်ထိမှန်၍ ကွယ်လွန်ခဲ့သူ ကိုနေဝင်းအား ရည်စူး၍ ဘာသာကြီး ၄ ခု မှ  ခေါင်းဆောင်များနှင့် ပြည်သူများ မှ မေတ္တာပို့ အမျှဝေ ဆုတောင်းပွဲတစ်ရပ်ကို ဖေဖေါ်ဝါရီလ ၁၂ ရက် မနက် ၉နာရီတွင် ရန်ကုန်တိုင်း ဒေသကြီး သင်္ဃန်းကျွန်းမြို့နယ် (ခ) ရပ်ကွက်တွင် ပြုလုပ်ခဲ့ပါတယ်။

အခမ်းအနားတွင်  သင်္ကန်းကျွန်းမြို့နယ်  (ခ)ရပ်ကွက် ရပ်မိရပ်ဖ များ၏ ဦးဆောင်မှုဖြင့်  လူမျိုးဘာသာမရွေး လူ ၃၀၀၀ နီးပါးအား နံနက်စာ ထမင်း ကျွေးမွေးခဲ့ကြောင်းသိရှိရပါတယ်။

အဆိုပါ အခမ်းအနားသို့ သင်္ကန်းကျွန်းမြို့နယ် ပြည်သူ့လွှတ်တော်ကိုယ်စားလှယ် ဦးရွှေလှဝင်း၊ မြို့နယ်ရဲတပ်ဖွဲ့မှူး ဦးကိုကိုဦး။ မြို့နယ်အထွေထွေအုပ်ချုပ်ရေးမှူးးဦးဆန်းမြင့်၊့ မြို့နယ်ဘာသာပေါင်းစုံအဖွဲ့ ဥက္ကဌဦးခင်ဝေ၊ အထူးဖိတ်ကြားထားသူများနှင့် ရပ်မိရပ်ဖ ရပ်ကွက်သူရပ်ကွက်သားများ တက်ရောက်ခဲ့ကြောင်း သတင်းရရှိပါတယ်။

သတင်းနှင့် ဓါတ်ပုံများပေးပို့သူ ဂျက်ဖရီ တင်အုံး (RIT) အား ကျေးဇူးတင်ရှိပါတယ်။

ရန်ကုန်နိုင်ငံတကာလေဆိပ်မှာ သေနတ်ပစ် လုပ်ကြံခံရတဲ့ NLD ပါတီဥပဒေအကြံပေး တရားလွှတ်တော်ရှေ့နေ ဦးကိုနီအမှုနဲ့ပတ်သက်လို့ အစိုးရနဲ့ သက်ဆိုင်ရာလုံခြုံရေးတပ်ဖွဲ့က ခုချိန်ထိ သတင်းထုတ်ပြန်မှု အားနည်းနေသေးတယ်လို့ သတင်းသမားတွေက ဝေဖန်လိုက်ကြ ပါတယ်။ ဦးကိုနီ လုပ်ကြံခံရတာ ၂ ပတ်ပြည့်လာတဲ့ အချိန်ထိ ပြည်သူတွေ သိသင့်သိထိုက်တဲ့ နောက်ဆက်တွဲ သတင်းအချက်လက်တွေ ထုတ်ပြန်တာမျိုး မတွေ့ရသေးဘူးလို့ ထောက်ပြကြပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က ပြောပြပါမယ်။

ဇန်န၀ါရီ ၂၉ ရက်နေ့က ရန်ကုန်နိုင်ငံတကာလေဆိပ်မှာ ရှေ့နေဦးကိုနီကို လုပ်ကြံသတ်ဖြတ်ခဲ့တာ အခုဆို ၂ ပတ်ပြည့်လာပြီဖြစ်ပါတယ်။ လုပ်ကြံမှုအပြီး အချိန်ပိုင်းအတွင်းမှာပဲ သေနတ်သမား ဦးကြည်လင်းကို လေဆိပ်ပိုင်နက်မှာ ဖမ်းမိခဲ့ပြီး၊ အခု ၂ ပတ်ကြာလာတဲ့အချိန်အတွင်း လုပ်ကြံမှုမှာ ပူးပေါင်းပါဝင်ခဲ့တဲ့ ဦးအောင်ဝင်းဇော်ကို ဇန်နဝါရီလ ၃၀ ရက် မနက် ၄နာရီကျော် ဘာအံမြို့က သံလွင်တံတားမှာ ဖမ်းမိခဲ့တယ် ဆိုတဲ့ နိုင်ငံတော်သမ္မတရုံးရဲ့ ဖေဖေါ်ဝါရီလ ၃ ရက် သတင်းထုတ်ပြန်ချက်ကလွဲလို့ အခြားသတင်းအချက်အလက်တွေကို အစိုးရပိုင်းကရော ဒီအမှုကို ကိုယ်တွယ်စစ်ဆေးနေတဲ့ ပြည်ထဲရေးဝန်ကြီးဌာနကပါ သေချာ ထုတ်ပြန်ပေးတာမျိုး မရှိသေးဘူးလို့ သတင်းသမားတွေဖက်က ဝေဖန်နေတာ ဖြစ်ပါတယ်။ ဒါဟာ သက်ဆိုင်ရာက သတင်းထိန်ချန်ချင်တဲ့ သဘောများလားလို့ သံသယဝင်မိကြောင်း ဦးကိုနီ လုပ်ကြံခံရမှုကို စုံစမ်းဖေါ်ထုတ် ရေးသားဖို့ကြိုးစားနေတဲ့ Myanmar Now သတင်းဌာန အယ်တီတာချုပ် ကိုဆွေဝင်းက ပြောပါတယ်။

“ဒီအခြေအနေတခုလုံးက နိုင်ငံရေးနဲ့ဆက်နွယ်နေတယ်ဆိုတာ အားလုံးလည်းနားလည်ကြတယ်၊ ဒါကြောင့်မို့လို့ အစိုးရအနေနဲ့ ၊ အစိုးရဆိုတာထက် ကျနော်တို့ တိတိကျကျပြောရမယ်ဆိုရင် ပြည်ထဲရေးဝန်ကြီးဌာန နဲ့ တပ်မတော်ပေါ့ဗျာ၊ စစ်တပ်ကနေပြီးတော့ ဒီသတင်းအချက်အလက်အပေါ်ကို သူတို့လိုသလို ကစားလို့ရအောင် သတင်းအမှောင်ချထားတာလို့ပဲ ကျနော်တို့ကနားလည်တယ်။ နောက်ပြီးသူတို့ပြောတဲ့ ကွင်းဆက်တရားခံတွေ မလွှတ်မြောက်သွားအောင် မထုတ်ပြန်သေးဘူးဆိုတာကလည်း လုံလောက်တဲ့ အကြောင်းပြချက်လည်းမဟုတ်ဘူး ဘာကြောင့်လဲဆိုတော့ CCTV မှတ်တမ်းမှာရှိတဲ့ မသင်္ကာဖွယ်ရာ ဓါတ်ပုံတွေဆိုတာက ပြည်သူလူထုနဲ့ ပူးပေါင်းပြီးတော့ ဖမ်းရတာ၊ ဒါက မြန်မာနိုင်ငံမှာတင်မဟုတ်ဘူး တကမ္ဘာလုံးမှာ ဒီလိုပဲ ဖမ်းကြရတာ၊ ၂၄ နာရီအတွင်းမှာ ထုတ်ပြန်တယ်၊ ပြီးတော့ ဒီလူတွေအားလုံး နယ်စပ်တွေမကျော်သွားအောင် ဆိုပြီးတော့ လုပ်နေကြတာ။ ဆိုတော့ အခု ၂ ပတ်ကြာလာပြီ ဒါနဲ့ပတ်သက်ပြီးတော့မှ ဘာမှ မထုတ်ပြန်ပေးဘူး ၊ နောက်ပြီးတော့ ပထမတရားခံကနေ ရရှိလာတဲ့ သတင်းအချက်အလက်တွေကို ပြည်သူလူထုကို ဘာမှ တိတိကျကျ မထုတ်ပြန်ပေးဘူးဆိုတာက လုံခြုံရေးအရ လိုအပ်လို့ လျှို့ဝှက်ထားတယ်ဆိုတာထက် သတင်းအမှောင်ချထားတယ်လို့ပဲ ကျနော်တို့က ပြောချင်ပါတယ်ခင်ဗျ။”

သေနတ်သမား ဦးကြည်လင်းရဲ့ထုတ်ဖေါ်ချက်အရ နောက်ဆက်တွဲ ဖမ်းဆီးထားတဲ့ ဦးအောင်ဝင်းဇော်ကို သူနောက်ဆုံးနေထိုင်ရာ ရန်ကုန် သာကေတ ထူပါရုံအရှေ့ ၁၆ လမ်းက နေအိမ်ကို လုံခြုံရေးတပ်ဖွဲ့နဲ့အတူ ခေါ်ဆောင်လာပြီး အိမ်ကိုဝင်ရှာခဲ့တဲ့ အကြောင်းတွေ ပြည်တွင်း သတင်းဌာနတချို့က ရေးသားခဲ့ကြပေမယ့် သူ့အိမ်ကို ဘာအတွက်ခေါ်လာပြီး ဘာပစ္စည်းတွေ သိမ်းဆည်းသွားတယ်၊ သူ့ရဲ့နောက်ကြောင်း ရာဇဝင်က ဘာတွေဖြစ်တယ် စတာတွေကို အစိုးရက ရှင်းလင်းဖေါ်ပြတာမျိုး ခုထိမရှိသေးပါဘူး။ ဒါတွေဟာ အစိုးရအနေနဲ့ သတင်းကို လိုသလို ထိန်းချုပ်နိုင်ဖို့ လုပ်နေတာများလားလို့ အတွေးဝင်မိကြောင်း မြန်မာနိုင်ငံ သတင်းမီဒီယာကောင်စီအဖွဲ့ဝင် ဦးမြင့်ကျော်က ပြောပါတယ်။

“တကယ်တော့ ပြည်ထဲရေးက ဒီကိစ္စကို တိုက်ရိုက်ထုတ်ပြန်ရမှာပါ။ နိုင်ငံတော်သမ္မတရုံးနဲ့ ထုတ်ပြန်တာကတော့ သိပ်တော့မဆီလျော်ဘူးလို့ထင်တယ်။ ဆိုလိုချင်တာက Information ကို Control လုပ်ချင်လို့ လုပ်တဲ့သဘောမျိုးလို့ အဲလိုမျိုး ကောက်ချက်ချစရာဖြစ်နေတယ်။ တကယ်တမ်းကျတော့ ပြည်ထဲရေးက ရဲလုပ်ထုံးလုပ်နည်းလည်း သူတို့နားလည်ပါတယ်။ ဘယ်ဟာပြောလို့ရတယ်၊ မရဘူးဆိုတာ ။ဒီကိစ္စလည်း ပြောလို့ရတဲ့ဟာမျိုးတို့ ပြောဖို့၊ သူတို့ထုတ်ပြန်နိုင်တဲ့ဟာကို ရဲတွေက ထုတ်ပြန်ဖို့ ဒါက အစဉ်အလာဖြစ်စေချင်တယ် ။ ၂ ပတ်ကြာတဲ့အထိ အခြေအမြစ်ခိုင်ခိုင်မာမာမပြောနိုင်သေးတာ မဖော်ထုတ်နိုင်သေးတာကတော့ဖြင့် ခေါင်းဆောင်ရည်ညံ့တာလား ၊ ဒါမှမဟုတ် တခြားသော နိုင်ငံရေးအရ ဆက်နွယ်မှုတို့ကြောင့် ဖုံးဖိထားတာလား ဆိုတာမျိုး သံဿရဖြစ်စရာ ဖြစ်နေပါတယ်။”

ဒီလို ဝေဖန်မှုတွေနဲ့ပတ်သက်လို့ ရှင်းရှင်းလင်းလင်းသိရအောင် သမ္မတရုံးပြောခွင့်ရသူနဲ့ ပြည်ထဲရေးဝန်ကြီးဌာန ပြောခွင့်ရသူတွေကို VOA က အကြိမ်ကြိမ်ဆက်သွယ်ခဲ့ပေမယ့် ဖုန်းကိုင်ဖြေကြားမှု မရှိပါဘူး။ ဦးကိုနီကို လူမြင်ကွင်းထဲ လုပ်ကြံခဲ့တာဟာ NLD အစိုးရလက်ထက် တိုင်းပြည်ဟာ ငြိမ်သက်မှုမရှိပဲ လုံခြုံရေးကင်းမဲ့နေပြီဆိုတဲ့ အမြင်မျိုးကို လုပ်ကြံသူတွေဘက်က ဖေါ်ဆောင်လိုတဲ့ဆန္ဒ ရှိကြောင်း သုံးသပ်သူ ကတော့ Myanmar Now အယ်တီတာချုပ် ကိုဆွေဝင်းဖြစ်ပါတယ်။

“ဦးကိုနီကို လုပ်ကြံတဲ့အခါမှာ လူမျိုးခြား၊ ဘာသာခြားဆိုတာကို ရွေးချယ်တာလည်းပါတယ်။ ဖွဲ့စည်းပုံအခြေခံဥပဒေနဲ့ ပတ်သက်ပြီးတော့ တိုက်တိုက်တွန်းတွန်း ဆောင်ရွက်နေတဲ့ ပုဂ္ဂိုလ်တယောက်ကို လုပ်ကြံတယ်။ လုပ်ကြံတဲ့အခါမှာလည်း လူတွေ ထိန့်လန့်တုန်လှုပ်လောက်အောင် အထင်ကရ လေဆိပ်လိုမျိုးမှာ လုပ်ကြံတယ်ဆိုတာ ဒါတွေအားလုံးက ဒီအရပ်သားအစိုးရလက်ထပ်မှာဆိုရင် တိုင်းပြည်က မငြိမ်မသက် ဖြစ်တယ်ဆိုတာမျိုးကို ဖန်တီးချင်တယ်၊ ပြည်သူလူထုတွေအားလုံး လုံခြုံရေးအရ အယုံအကြည်ကင်းမဲ့ သွားတယ်ဆိုတဲ့ အခြေအနေကို ဖန်တီးချင်တဲ့ လူတစု၊ ဒါမှမဟုတ်ရင် လူပုဂ္ဂိုလ်တွေကနေပြီးတော့ ဖန်တီးတယ်လို့ ကျနော်တို့မြင်တယ်ခင်ဗျ။”

မြန်မာသမ္မတရုံး ပြောခွင့်ရ ဦးဇော်ဌေးကတော့ ဦးကိုနီကို လုပ်ကြံသတ်ဖြတ်မှုမှာ ပါဝင်သူတွေကို စစ်မေးချက်တွေနဲ့ နောက်ဆက်တွဲ အခြေ အနေတွေကို ထုတ်မပြောနိုင်ရတာဟာ ဒီအမှုတွက် ဆက်စပ်တရားခံတွေ ဖေါ်ထုတ် ဖမ်းဆီးနိုင်ရေးအတွက် အဟန့်အတား မဖြစ်ရအောင် ဆောင်ရွက်နေခြင်းသာ ဖြစ်တယ်လို့ သတင်းဌာနတွေကို အစောပိုင်းက ဖြေကြားခဲ့ဖူးပါတယ်။

VOA မှ ကူးယူဖော်ပြသည်။
http://burmese.voanews.com/a/government-information-still-lack-on-the-murder-of-u-ko-nyi-/3720802.html

ဆွေဝင်း/Myanmar Now

ရန်ကုန် (Myanmar Now) — တရားလွှတ်တော် ရှေ့နေ ဦးကိုနီ လုပ်ကြံခံရမှုနဲ့ ဆက်စပ်ပြီး ဒုတိယမြောက်ဖမ်းဆီးရမိထားတဲ့သူဟာ ၄၆ နှစ်အရွယ် ဦးအောင်ဝင်းဇော်ဖြစ်တယ်လို့ နိုင်ငံတော်သမ္မတရုံးက ယခုလ ၃ ရက်နေ့မှာ ထုတ်ပြန်ကြေညာခဲ့ပါတယ်။

ဦးအောင်ဝင်းဇော်ဟာ ရန်ကုန်လေဆိပ်လုပ်ကြံမှု အခင်းဖြစ်တဲ့နေရာမှာ ဖမ်းခံရသူ ဦးကြည်လင်းနဲ့အတူ ပြစ်မှုကျူးလွန်ရာမှာ ပါဝင်ခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။

တကယ်တော့ သူတို့နှစ်ဦးလုံးဟာ ရာဇဝတ်မှုတစ်ခုကို အတူတူကျူးလွန်တယ်ဆိုတာ ဒါ ပထမဆုံးအကြိမ် မဟုတ်တော့ပါဘူး။ သူတို့နှစ်ဦးဟာ ၂ဝဝ၃ ခုနှစ်လောက်မှာ ရှေးဟောင်းဗုဒ္ဓရုပ်ပွားတော်တွေကို တရားမဝင် ပြည်ပ ခိုးထုတ်မှုနဲ့ မန္တလေး အိုးဘိုထောင်မှာ အတူတူထောင်ကျခဲ့ဖူးကြောင်းကို ထိုအချိန်က တာဝန်ကျခဲ့ဖူးတဲ့ ထောင်အရာရှိများ၊ ရာဇဝတ်အကျဉ်းသားဟောင်းများ၊ နိုင်ငံရေးအကျဉ်းသား ဟောင်းများက Myanmar Now ကို အတည်ပြုပြောဆိုပါတယ်။

ဦးအောင်ဝင်းဇော်ဟာ ထိုအမှုနဲ့ထောင်မကျခင်၊ အခြားအမှုတစ်ခုနဲ့လည်း ထောင်ကျဖူးကြောင်း၊ ပြီးတော့ သူဟာပြစ်ချက်တစ်ခုကြောင့် တပ်မတော်ကနေ အထုတ်ခံထားရတဲ့ အရာရှိဟောင်း တစ်ယောက်ဖြစ်ကြောင်းလည်း သိရပါတယ်။

ဦးအောင်ဝင်းဇော်က ရန်ကုန်မြို့ မဟာဗန္ဓုလပန်းခြံလမ်း အထက်ဘလောက် တိုက်နံပါတ် ၂၅၆ မှာ ငယ်စဉ်ကတည်းက နေထိုင်ခဲ့ကြောင်း၊ ဖခင်က တပ်မတော်အရာရှိ အငြိမ်းစားတစ်ဦးဖြစ်ကြောင်း၊ အစ်ကိုတစ်ယောက်၊ ညီတစ်ယောက်၊ နှမတစ်ယောက်ရှိကြောင်း အဲဒီလမ်းထဲမှာ အခုထိ ဆက်လက်နေထိုင်နေတဲ့ သူ့ရဲ့ ငယ်သူငယ်ချင်းတစ်ဦးက ပြောဆိုပါတယ်။

“သူဆယ်တန်းအောင် တပ်ထဲဝင်သွားကတည်းက ကျွန်တော်နဲ့ သိပ်မတွေ့ဖြစ်တော့ဘူး။ ငယ်ငယ်ကတော့ အေးအေးဆေးဆေးသမားပါပဲ။ ကြီးမှ ထောင်တွေဘာတွေကျပြီး ဘာတွေဖြစ်မှန်းလည်း ကျွန်တော်တို့လည်း မသိတော့ဘူး။ သူ့အဖေက ဆုံးပြီ။ သူ့အမေလည်း ဒီကပြောင်းသွားတာ ၂ နှစ်လောက်ရှိပြီ” လို့ အမည်မဖော်လိုသူ အဲဒီသူငယ်ချင်းက ပြောပါတယ်။

သူ့သူငယ်ချင်းပြောတဲ့ အချက်တွေဟာ မှန်ကန်ကြောင်း ရန်ကုန်၊ အင်းစိန်မြို့နယ်မှာ နေထိုင်နေတဲ့ ဦးအောင်ဝင်းဇော်ရဲ့ ဖခင်ဘက်က ဦးလေးတော်စပ်သူ အငြိမ်းစား အင်းစိန်ထောင်ပိုင် ဦးဌေးလှိုင်က Myanmar Now ကို ပြောပါတယ်။

ဒီအမှုမှာ သူ့တူပါဝင်နေတဲ့ သတင်းတွေနဲ့ပတ်သက်ပြီး မှတ်ချက်ပေးဖို့ မေးမြန်းတဲ့အခါမှာတော့ သူက “ဦးလေး အသက်လည်းကြီးပါပြီ။ အေးအေးဆေးဆေး နေချင်ပါပြီ။ ဖြစ်ချိန်တန်ဖြစ် ပျက်ချိန်တန်ပျက်ပေါ့။ ဒီ့ထက် မပြောပါရစေနဲ့” လို့ပဲ သူက ခပ်တိုးတိုး ပြန်ဖြေခဲ့ပါတယ်။

လူသတ်ပွဲစားလား

ဦးအောင်ဇော်ဝင်း၊ ဦးကြည်လင်းတို့နဲ့ ထောင်ထဲမှာဆုံဖြစ်ခဲ့ပြီး ရန်ကုန်၊ အင်းစိန်မြို့နယ် ဖော့ကန်ရပ်ကွက်မှာ ယခု နေထိုင်နေတဲ့ ဦးအောင်စိုးကတော့ လေဆိပ်လုပ်ကြံမှုအပြီး နာရီပိုင်းအတွင်း ပျံ့နှံ့လာတဲ့ ဓာတ်ပုံတွေကြည့်ပြီး ဒီအမှုမှာ ဦးအောင်ဝင်းဇော် ပါနိုင်ကြောင်း Myanmar Now ကို ဆက်သွယ်ပြောကြားလာပါတယ်။

သူ့ရဲ့ပြောဆိုချက်အရ ဦးကြည်လင်းနဲ့ ဦးအောင်ဝင်းဇော်တို့ဟာ ထောင်အတူတူကျ အမှုတွဲတွေဖြစ်သလို၊ ထောင်ထဲမှာလည်း ရင်းရင်းနှီးနှီးပေါင်းသင်းတဲ့ စိတ်တူကိုယ်တူ သူငယ်ချင်းနှစ်ဦးဖြစ်ကြောင်း၊ ထောင်ထဲမှာ ဦးအောင်ဝင်းဇော်ဟာ ငွေလမ်းခင်းပြီး လူပေါ်လူဇော် လုပ်ချင်သူဖြစ်ကြောင်း၊ ဦးကြည်လင်းကတော့ လူအများစုနဲ့ ခပ်ကင်းကင်းနေပြီး တည်ငြိမ်တဲ့ အမူအရာ အပြည့်ရှိသူ ဖြစ်ကြောင်း ပြောဆိုပါတယ်။

“အောင်ဝင်းဇော်က တပ်ထွက်အရာရှိဆိုတော့ အားလုံးက ဗိုလ်ကြီးဆိုတဲ့ သဘောမျိုးနဲ့ ‘ဗက’ လို့ သူ့ကို ခေါ်တယ်။ ကြည်လင်းကတော့ သူနဲ့တွဲပေမယ့် ဦးဆောင်ဦးရွက် လုပ်တတ်တဲ့လူမျိုး မဟုတ်ဘူး။ နှစ်ယောက်လုံးတူတာကတော့ ငွေရရင် ဘာမဆို လုပ်မယ် ဆိုတာပဲ” လို့ ဦးအောင်စိုးက ပြောပါတယ်။

“ဒါ့ကြောင့် ကြည်လင်းပုံကို ကျွန်တော့်မိန်းမက လာပြတော့၊ ဒီအမှုမှာကျိန်းသေပေါက် အောင်ဝင်းဇော် ပါတယ် ဆိုပြီး ကျွန်တော်သိလိုက်ပြီ” လို့လည်း ဆက်ပြောပါတယ်။

အဲဒီလို သူအခိုင်အမာပြောနိုင်ရတဲ့အချက်ကတော့ ထောင်ထဲမှာတုန်းက သူပြောပြခဲ့ဖူးတဲ့ အင်းစိန်မြို့နယ် အိမ်လိပ်စာရှိရာကို မနှစ်က ဇွန်လတုန်းက ဦးအောင်ဝင်းဇော် တစ်ယောက် ခဲရောင် ပါဂျဲရိုးကားလေးနဲ့ ရောက်လာခဲ့ပါတယ်။ သူက ဦးအောင်စိုးဆီကို အလုပ်လာအပ်တာပါ။ အလုပ်ကတော့ လူသတ်ပေးဖို့ပါ။

နေ့ခင်းကြောင်တောင်၊ မြို့လယ်ခေါင်မှာ လူမျိုးမတူ ဘာသာခြားတစ်ဦးကို ပစ်သတ်ရမယ်၊ အောင်မြင်ရင် အမျိုးဘာသာအတွက်ကောင်းမယ်၊ အလုပ်လက်ခံရင် သိန်း ၁,ဝဝဝ ထိပေးမယ်၊ သတ်ဖြတ်ပြီးရင် DKBA တပ်တွေရှိတဲ့ ကရင်ပြည်နယ်ဘက်ကို ထွက်ပြေး တိမ်းရှောင်ဖို့ စီစဉ်ပေးမယ်ဆိုတဲ့ ဦးအောင်ဝင်းဇော်ရဲ့ကမ်းလှမ်းချက်ကို ဦးအောင်စိုးက လက်မခံခဲ့ပါဘူး။

“ကျွန်တော်ကသူ့ကို ‘မင်းဘာတွေလုပ်နေလဲ’ ဆိုတော့ သူ့က ‘ငါ ထောင်က ထွက်လာကတည်းက ငါ့ကို ဒီလိုအလုပ်တွေ လုပ်ဖို့ တိုက်ခန်းပေးထားတယ်၊ ကားပေးထားတယ်။ လိုသမျှထောက်ပံ့တဲ့သူတွေရှိတယ်’ ဆိုပြီး ပြောပြပါတယ်။ သူပြောနေတဲ့စကားတွေက သိပ်မြင့်လွန်းတော့ ကျွန်တော်က မယုံဘူး။ ဘုရားခိုးဂိုဏ်းကကောင်က ဘာသာရေးတွေ ဘာတွေ ကာကွယ်မယ် ဆိုတော့ ကျွန်တော်က လုံးဝမယုံဘူး” လို့ ဦးအောင်စိုးက ပြောပြပါတယ်။ ဦးအောင်စိုးကိုယ်တိုင်ကလည်း လုယက်မှုများနဲ့ ၁၉၉၆ ခုနှစ်မှာ ထောင်ဒဏ် ၅၈ နှစ် ချမှတ်ခံရပြီး၊ ၂ဝ၁၄ ခုနှစ်အတွင်း သမ္မတဦးသိန်းစိန်ရဲ့လွတ်ငြိမ်းချမ်းသာမှုနဲ့ ပြန်လွတ်မြောက်လာခဲ့သူပါ။

ဒုတိယမ္ပိကမ်းလှမ်းမှု

ဦးအောင်ဝင်းဇော်က ဦးအောင်စိုးကို အင်မတန် လျှို့ဝှက်စွာ ကျူးလွန်ရမယ့် လူသတ်လုပ်ကြံမှုတစ်ခု ဘာ့ကြောင့် ရွေးချယ်ကမ်းလှမ်းခဲ့ပါသလဲ။

ဦးအောင်စိုးရဲ့ ပြောပြချက်အရ မန္တလေးထောင်ထဲမှာရှိနေတုန်း ၂ဝဝ၉ ခုနှစ်မှာ ဦးအောင်ဝင်းဇော်ဟာ DKBA လက်နက်ကိုင်အဖွဲ့နဲ့ ပတ်သက်သူတစ်ဦးရဲ့ အကူအညီနဲ့ သေနတ်နှစ်လက်ကို ခုိုးသွင်းပြီး ထောင်ကနေ ထွက်ပြေးမယ်လို့ သူ့ဆီ လာတိုင်ပင်ခဲ့ဖူးကြောင်း၊ အဲဒီအချိန်မှာ ဦးအောင်စိုးဟာ ထောင်တွင်းနေသား ၁ဝ နှစ် ရှိပြီးဖြစ်ပြီး နိုင်ငံတော်လွတ်ငြိမ်း ချမ်းသာခွင့်လာရင် လွတ်မြောက်ဖို့မျှော်လင့်နေတဲ့ အချိန်ဖြစ်တဲ့အတွက် ထောင်ဖောက်မယ့် အကြံကို လက်မခံခဲ့ကြောင်း ပြောပါတယ်။ ဒါပေမယ့် သူဟာ ဒီသတင်းကို လုံးဝ မပေါက်ကြောင်းရအောင် နှုတ်လုံခဲ့တာမို့ ဦးအောင်ဝင်းဇော်ရဲ့ အထူး ယုံကြည်မှုကို ရရှိခဲ့သူဖြစ်ပါတယ်။

ဒါ့အပြင် ဦးအောင်စိုးဟာ ၁၉၈၈ ခုနှစ်မတိုင်မီက စစ်တပ်ထဲမှာ နှစ်နှစ်မျှဝင်ရောက် တာဝန် ထမ်းဆောင်ခဲ့ဖူးတာ၊ ကရာတေး ကောင်းမွန်စွာတတ်မြောက်ထားတာ၊ အခုအချိန်အထိ ကောင်းကောင်းတိုက်ခိုက်နိုင်သေးတဲ့ ခန္ဓာကိုယ် အနေအထား ရှိတာ၊ ထောင်တွင်းကာလမှာ သဘောထားတင်းမာစွာ နေထိုင်တတ်သူဖြစ်တာတို့ကြောင့် သူ့ကို ဦးအောင်ဇော်ဝင်းက လူသတ်လုပ်ကြံတဲ့အလုပ်ကို ကမ်းလှမ်းခဲ့တာလို့ ဦးအောင်စိုးက ယုံကြည်နေတာပါ။

“ဦးကိုနီလုပ်ကြံရအောင် အောင်ဝင်းဇော်ရော၊ ကြည်လင်းရော ဘာမှ ဆက်စပ်စရာမရှိဘူး။ သူတို့နောက်ကွယ်က ငွေပေးခိုင်းလို့လုပ်တာ။ ကျွန်တော်ယုံကြည်တယ်၊ သူ့နောက်မှာ အကောင်ကြီးတွေပဲ” လို့ ဦးအောင်စိုးက ဆိုပါတယ်။

လေဆိပ်လုပ်ကြံမှုမှာ အဓိက သံသယ တရားခံ တစ်ယောက်ဖြစ်သူ ဦးအောင်ဝင်းဇော်ကို ဖမ်းဆီးရမိလိုက်ပြီးတဲ့နောက်မှာတော့ နောက်ကွယ်က လက်မည်းကြီးတွေ၊ ကြိုးကိုင်သူတွေကို ဖမ်းမိရေးအတွက် ပြည်သူများက မျှော်လင့်နေကြပါတယ်။ ။

Myanmar Now မှ ကူးယူဖော်ပြပါသည်။

ဖေဖော်ဝါရီ ၄ ၊ ၂၀၁၇

လုပ်ကြံခံရသည့် အမျိုးသား ဒီမိုကရေစီ အဖွဲ့ချုပ် (ဗဟို) ဥပဒေ အထောက်အကူပြု အဖွဲ့ဝင် တရားလွှတ်တော် ရှေ့နေ ဦးကိုနီနှင့် တက္ကစီ ယာဉ်မောင်း ဦးနေဝင်း တို့ကို ရည်စူးပြီး အောက်မေ့ဖွယ် ဆုတောင်းခြင်း အခမ်းအနားကို မန္တလေးမြို့ရှိ အိုရီယန်တယ်လ် ဟောက်စ် ခန်းမမှာ ယနေ့ (ဖေဖော်ဝါရီ ၄) မှာ ကျင်းပတာ ဖြစ်ပါတယ်။

အခမ်းအနားမှာ မြဝတီမင်းကြီး ကျောင်းတိုက် ဆရာတော်၊ နိုင်ငံကျော် ဓမ္မကထိက မနောမယ ဆရာတော်၊၊ မန္တလေးတိုင်း အစိုးရ အဖွဲ့က တိုင်းရင်းသား ရေးရာ ဝန်ကြီး ဦးစိုင်းကျော်ဇော၊ လျှပ်စစ်နှင့် စွမ်းအင် ဝန်ကြီး ဦးဇာနည်အောင်၊ သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီး ဦးမျိုးသစ်၊ လယ်ယာ စိုက်ပျိုးရေးနှင့် ဆည်မြောင်း ဝန်ကြီး ဒေါက်တာ စိုးသန်း၊ မန္တလေးမြို့တော် စည်ပင်သာယာရေး ကော်မတီဝင် ဦးကျော်ဆန်းမြင့်၊ တရားလွှတ်တော် ရှေ့နေ ဦးသိန်းသန်းဦး၊ တိုင်းဒေသကြီး လွှတ်တော် ကိုယ်စားလှယ် ဒေါ်သဲစုဝေ၊ ပါမောက္ခ၊ ဌာနမှူး၊ နှလုံးနှင့်သွေးကြောခွဲစိတ်အထူးကုဆရာဝန်ကြီး ဒေါက်တာ ခင်မောင်ထွေး၊ စာရေးဆရာ ထင်လင်းဦး၊ စာရေးဆရာ ကျော်ရင်မြင့်၊  ဦးတင်ဝင်း နှင့်  ဦးဇော်လင်းဦး တို့က ဆရာ ဦးကိုနီနဲ့ ပတ်သက်တဲ့ မှတ်သား ဖွယ်ရာတွေ၊ သိမှတ်ဖွယ်ရာတွေနဲ့ ဆရာ ဦးကိုနီရဲ့ မပြီးဆုံးသေးတဲ့ ကြိုးပမ်းမှုတွေ အကြောင်း ဟောပြောခဲ့ကြကြောင်းသိရှိရပါတယ်။

ဦးကိုနီဟာ အင်ဒိုနီးရှားနိုင်ငံကနေ ပြီးခဲ့တဲ့ ဇန်န၀ါရီ ၂၉ ရက်နေ့က ရန်ကုန်နိုင်ငံတကာလေဆိပ် ကိုပြန်ရောက်ရောက်ချင်းသေနတ်သမား ကြည်လင်းက အနီးကပ်လုပ်ကြံသတ်ဖြတ်ခဲ့တာဖြစ်ပါတယ်။

info-Soe Nay Oo
Photo- Khin Mg Tun