News @ M-Media

Tag: Uyghur

  • ဝီဂါလူမျိုးများကို အဓ္ဓမလုပ်အားခိုင်းစေ၍ ထုတ်သည့်ပစ္စည်းများကို အမေရိကန်က တင်သွင်းခွင့် ပိတ်

    ဝီဂါလူမျိုးများကို အဓ္ဓမလုပ်အားခိုင်းစေ၍ ထုတ်သည့်ပစ္စည်းများကို အမေရိကန်က တင်သွင်းခွင့် ပိတ်

    ​စက်တင်ဘာ ၁၅၊ ၂၀၂၀
    M-Media

    -ရှင်ကျန်းဒေသမှာ ဝီဂါတွေကို တရုတ်အစိုးရက အဓမ္မလုပ်အားခိုင်းစေပြီး ထုတ်လုပ်တဲ့ ပစ္စည်းတွေကို အမေရိကန်အစိုးရက တင်သွင်းခွင့် ပိတ်ပင်လိုက်ပြီး၊ တင်သွင်းလာတဲ့ပစ္စည်းတွေကိုလည်း နိုင်ငံတော်ဘဏ္ဍာအဖြစ် သိမ်းယူဖို့ အမိန့်ထုတ်ပြန်လိုက်ပါတယ်။

    “တရုတ်အစိုးရဟာ ဝီဂါလူမျိုးတွေနဲ့ အခြားလူနည်းစုတွေအပေါ် စနစ်တကျ စီမံကိန်းနဲ့ ညှင်းပမ်းနှိပ်စက်နေပါတယ်။ အဓမ္မလုပ်အားခိုင်းစေမှုဟာ ကြမ်းကြုတ်တဲ့ လူ့အခွင့်အရေးချိုးဖောက်မှုပါ” လို့ အမေရိကန် အကောက်ခွန်နဲ့ နယ်စပ်ကာကွယ်ရေးဌာနရဲ့ ကော်မရှင်နာမင်းကြီး မာ့ခ် မော်ဂန်က ပြောကြားခဲ့ပါတယ်။

    ပိတ်ပင်ခံရတဲ့ ပစ္စည်းတွေက ရှင်ကျန်းပြည်နယ်၊ အနားက အန်ဟွေပြည်နယ်တို့မှာရှိတဲ့ နေရာ ၅ ခုက ထုတ်လုပ်တဲ့ ချည်ထည်၊ အဝတ်အထည်၊ ဆံပင်ပစ္စည်း၊ အီလက်ထရောနစ်ထုတ်ကုန်တွေဖြစ်ပါတယ်ပါ။ အဲဒီနေရာတ​ွေဟာ တရုတ်က လေ့ကျင့်ရေးသင်တန်းကျောင်းလို့ခေါ်တဲ့ အကျဉ်းစခန်းတွေ ပါဝင်ပါတယ်။

    ရှင်ကျန်းပြည်နယ်က Lop County No 4 အကျဉ်းစခန်းဟာ အဓမ္မလုပ်အားခိုင်းစေမှု အဓိကနေရာဖြစ်တယ်လို့ အမေရိကန် ပြည်တွင်းလုံခြုံရေး ဒုတိယဝန်ကြီး ကန်ကျူစီလီနီက ပြောပါတယ်။

    “ဒါဟာ အသက်မွေးသင်တန်းကျောင်းမဟုတ်ဘူးဗျ။ တိုင်းရင်းသားလူနည်းစုတွေကို ညှင်းပမ်းနှိပ်စက်ပြီး၊ လွတ်လပ်မှုမရှိ၊ ရင်းမြစ်တွေမရှိတဲ့ ဆိုးရွားတဲ့အခြေအနေမျိုးမှာ အဓမ္မလုပ်အားခိုင်းစေတဲ့ အကျဉ်းစခန်းပါ။ ဒါဟာ ခေတ်သစ်ကျွန်ပြုမှု ဖြစ်ပါတယ်”

    ပစ္စည်းတွင် တင်သွင်းခွင့် ပိတ်ပင်မှုအပြင်၊ ဥပဒေချိုးဖောက်ပြီး တင်သွင်းလာရင် နိုင်ငံတော်ဘဏ္ဍာအဖြစ် သိမ်းဆည်းနိုင်မယ့် အမိန့်ကိုလည်း တစ်ပါတည်း ထုတ်ပြန်ထားပါတယ်။

    တရုတ်အစိုးရက ဝီဂါတွေအပေါ် ညှင်းပမ်းမှုနဲ့ပတ်သက်ပြီး အမေရိကန်က ပိတ်ဆို့အရေးယူမှုတွေ တိုးမြှင့်လုပ်ဆောင်လာတာပါ။

    ပြီးခဲ့တဲ့ ဇူလိုင်လနဲ့ ဩဂုတ်လအတွင်း ဝီဂါနဲ့ အခြားလူမျိုးစုတွေအပေါ် ခေါင်းပုံဖြတ်အမြတ်ထုတ်ကာ၊ အဓမ္မလုပ်အားခိုင်းစေမှုကနေ ထုတ်လုပ်ထားတဲ့ ဆံပင်တုပစ္စည်းတွေ၊ အဝတ်အထည်ပစ္စည်းတွေကို အမေရိကန်အကောက်ခွန်ဌာနက တင်သွင်းခွင့် ပိတ်ပင်ခဲ့ပါတယ်။

    Ref: AFP

  • ဝီဂါမွတ်စလင်များအရေး စုံးစမ်းရန်အတွက် လွတ်လပ်သည့် အဖွဲ့တစ်ခု ဖွဲ့စည်းမည်

    ဝီဂါမွတ်စလင်များအရေး စုံးစမ်းရန်အတွက် လွတ်လပ်သည့် အဖွဲ့တစ်ခု ဖွဲ့စည်းမည်

    စက်တင်ဘာ ၊၇ ၂၀၂၀
    M-Media


    -တရုတ်နိုင်အနောက်ပိုင်း ရှင်ကျန်းပြည်နယ်က ၀ီဂါနဲ့ အခြားလူနည်းစုတွေ ဖိနှိပ်ညှင်းပမ်းခံနေရတာကို လွတ်လပ်တဲ့ စုံစမ်းစစ်ဆေးရေးအဖွဲ့တစ်ခုက ဖော်ထုတ်ပြီး တရုတ်အစိုးရကို အရေးယူနိုင်ဖို့ စီစဥ်နေပါတယ်။

    အစ္စလာမ်ဘာသာ၀င်တွေဖြစ်ကြတဲ့ ၀ီဂါနဲ့ အခြားလူနည်းစုတွေကို တရုတ်အစိုးရက အကျဥ်းစခန်းတွေမှာ ပိတ်လှောင်ပြီး ညှင်းပမ်းတာ၊ အဓမ္မလုပ်အားခိုင်းစေတာ၊ အမျိုးသမီးတွေကို မြုံအောင်လုပ်တာ စတဲ့ ဖိနှိပ်မှုတွေ ရှိတယ်လို့ နိုင်ငံတကာ သတင်းဌာနတွေ၊ လူ့အခွင့်အရေးအဖွဲ့တွေက ဖော်ထုတ်ခဲ့ကြပါတယ်။

    ဒီအထောက်အထားတွေကို ဖော်ထုတ်ပြီး ဥပဒေကြောင်းအရ လုပ်ဆောင်ဖို့ ကမ္ဘာ့၀ီဂါကွန်ဂရက်က တိုက်တွန်းခဲ့ပြီးတဲ့နောက်ပိုင်း မိမိတို့အနေနဲ့ လွတ်လပ်တဲ့ စုံစမ်းစစ်ဆေးရေးအဖွဲ့ Uighur Tribunal ဖွဲ့စည်း ဆောင်ရွက်သွားမယ်လို့ ဗြိတိန်က နာမည်ကျော်ရှေ့နေ ဆာ ဂျီယိုဖရီ နိုက်စ် ကျူစီက စက်တင်ဘာ ၃ ရက်နေ့မှာ ပြောကြားလိုက်ပါတယ်။

    တရုတ်နိုင်ငံဟာ Rome Statue ကို လက်မှတ်မထိုးထားတဲ့အတွက် နိုင်ငံတကာ ခုံသမာဓိရုံးနဲ့ အခြားနိုင်ငံတကာ အဖွဲ့အစည်းတွေဟာ တရုတ်နိုင်ငံအပေါ် တရားစီရင်ပိုင်ခွင့် မရှိပါဘူး။

    အခုဆောင်ရွက်မယ့် Uighur Tribunal ဟာလည်း တရုတ်အစိုးရရဲ့ ရာဇ၀တ်မှုတွေကို အပြည့်အ၀ စုံစမ်းစစ်ဆေးပြီး တာ၀န်ရှိသူတွေကို တရားစွဲဆိုနိုင်မှာ မဟုတ်ပေမယ့် ရက်စက်ကြမ်းကြုတ်မှုတွေကို နိုင်ငံတကာအသိုင်းအ၀ိုင်းက ပိုပြီး အလေးထားနိုင်စေဖို့ ရည်ရွယ်တာ ဖြစ်ပါတယ်။

    Ref: Forbes

  • ရှင်ကျန်းရှိ ဖျက်ဆီးခံဗလီနေရာများတွင် တရုတ်အစိုးရက အိမ်သာများဆောက်လုပ်

    ရှင်ကျန်းရှိ ဖျက်ဆီးခံဗလီနေရာများတွင် တရုတ်အစိုးရက အိမ်သာများဆောက်လုပ်

    ဩဂုတ် ၁၈၊ ၂၀၂၀
    M-Media

    ကွန်မြူနစ်ဝါဒဖြန့်ပိုစတာများနှင့် တွ​ေ့ရသည့် ရှင်ကျန်းမှဗလီတစ်ခု

    -​တရုတ်အစိုးရဟာ နိုင်ငံအနောက်ပိုင်း ရှင်ကျန်းပြည်နယ်မှာ ဝီဂါလူမျိုးတွေရဲ့ ဗလီဝတ်ကျောင်းတော်တွေကို ဖြိုဖျက်ကာ အများသုံးအိမ်သာတွေ ဆောက်လုပ်နေပြီး ဒါဟာ လူမျိုးစုရဲ့သမိုင်းကို ဖျောက်ဖျက်တာသာမက စော်ကားတာမျိုး ဖြစ်တယ်လို့ ဝေဖန်မှုတွေ ရှိလာပါတယ်။

    ရှင်ကျန်း အာဏာပိုင်တွေအနေနဲ့ ဝီဂါမွတ်စလင်တွေရဲ့ ၀တ်ပြုရာနေရာတွေကို ဖြိုချ ဖျက်ဆီးဖို့အတွက် တရုတ်အစိုးရက ၂၀၁၆ ခုနှစ်မှာ ညွှန်ကြားချက် ထုတ်ပြန်ခဲ့တာပါ။

    အခုအချိန်မှာတော့ ဖျက်ဆီးခံထားရတဲ့ ဗလီနေရာတွေမှာ အာဏာပိုင်တွေက အများသုံးအိမ်သာတွေ ဆောက်လုပ်လာပါတယ်။

    ရှင်ကျန်းပြည်နယ် အာတူရှ်မြို့ ဆွန်တာ့ဂ်ရွာက ‘တိုကူလ်’ ဗလီဟာ ၂၀၁၈ ခုနှစ်မှာ ဖြိုချ ဖျက်ဆီးခံခဲ့ရပြီး လက်ရှိ ဗလီနေရာမှာ အများသုံး အိမ်သာတွေ ဆောက်လုပ်ထားပါတယ်။

    ကျေးရွာတာ၀န်ရှိသူတွေက ရွာကအိမ်တိုင်းမှာ အိမ်သာတွေရှိကြပြီး ဒေသဟာ ကမ္ဘာလှည့်ခရီးသွားနေရာလည်း မဟုတ်တာကြောင့် အများသုံးအိမ်သာတွေ မလိုအပ်ကြောင်း၊ ဒါဟာ ဗလီဖြိုချမှုကို ဖုံးကွယ်ဖို့ဖြစ်ပြီး ၀ီဂါတွေကို စော်ကားတာဖြစ်ကြောင်း ပြောကြားခဲ့ပါတယ်။

    ဆွန်တာ့ဂ်ရွာက အခြား အဖျက်ဆီးခံ ‘အဇ်နာ’ ဗလီ နေရာမှာလည်း အာဏာပိုင်တွေက အရက်ဆိုင်ဖွင့်ထားပါတယ်။ ဟိုတန်မြို့က ဖျက်ဆီးခံ ဗလီနေရာမှာ အတွင်းခံစက်ရုံ တည်ဆောက်ထားပါတယ်။

    တရုတ်အစိုးရဟာ ပြီးခဲ့တဲ့ ၃ နှစ်အတွင်း ရှင်ကျန်းပြည်နယ်က ဗလီဝတ်ကျောင်းတော်ပေါင်း တစ်သောင်းကနေ တစ်သောင်းခွဲအထိ ဖြိုချဖျက်ဆီးခဲ့တယ်လို့ ဝီဂါလူ့အခွင့်အရေး စောင့်ကြည့်အဖွဲ့က ပြောပါတယ်။

    ရှင်ကျန်းပြည်နယ်က ၀ီဂါနဲ့ အခြား လူမျိုးစုငယ်တွေကို တရုတ်အစိုးရက ဖိနှိပ်ညှင်းပမ်းမှုတွေ လုပ်ဆောင်နေတယ်လို့ ကမ္ဘာ့မီဒီယာတွေက ပြီးခဲ့တဲ့နှစ်မှာ ကျယ်ကျယ်ပြန့်ပြန့် ဖော်ထုတ် တင်ပြခဲ့ကြပါတယ်။ သန်းနဲ့ချီတဲ့ ၀ီဂါတွေကိုလည်း တရုတ်အစိုးရက အကျဥ်းစခန်းတွေမှာ ထိန်းသိမ်းထားပါတယ်။

    တရုတ် ကွန်မြူနစ်အစိုးရက ဒီသတင်းတွေကို ငြင်းဆိုပါတယ်။

    Ref: Opindia

  • ရှင်ကျန်းပြည်နယ်တွင် သာသနိကအဆောက်အဦးများ ဖျက်ဆီးကာ အစ္စလာမ်ပပျောက်အောင် တရုတ်က လုပ်ဆောင်နေ

    ရှင်ကျန်းပြည်နယ်တွင် သာသနိကအဆောက်အဦးများ ဖျက်ဆီးကာ အစ္စလာမ်ပပျောက်အောင် တရုတ်က လုပ်ဆောင်နေ

    ဒီဇင်ဘာ ၃၊ ၂၀၁၉
    M-Media

    ရှင်ကျန်းတွင် ဖျက်ဆီးခံခဲ့ရသည့် ဗလီတစ်လုံး

    -တရုတ်အစိုးရဟာ နိုင်ငံအနောက်မြောက်ပိုင်း ရှင်ကျန်းပြည်နယ်မှာရှိတဲ့ ဗလီတွေ၊ အစ္စလာမ့် သာသနိက အဆောက်အဦးတွေကို ဖြိုချဖျက်ဆီးတာ၊ ပိတ်ပင်တာတွေလုပ်ဆောင်ကာ ဝီဂါတွေရဲ့ အမှတ်သညာတွေကို ဖျောက်ဖျက်ပစ်နေတယ်လို့ အမေရိကန်အစိုးရ တာဝန်ရှိသူတစ်ဦးက ပြောကြားလိုက်ပါတယ်။

    “အစ္စလာမ်သာသနာ ပျောက်ပျက်သွားအောင်၊ မွတ်စလင်တွေကို ဘာသာပျက်သွားအောင် ကြိုးပမ်းမှု တစ်စိတ်တစ်ပိုင်းအဖြစ် တရုတ်အစိုးရဟာ ဗလီတွေ၊ ဂူဗိမာန်တွေ၊ သုဿာန်တွေ၊ အခြား အစ္စလာမ်သာသနိက အဆောက်အဦးတွေ အခြားအရာတွေ ဖျက်ဆီးတာ၊ ပိတ်ပစ်တာတွေ လုပ်ဆောင်ခဲ့ပါတယ်” လို့ အမည်မဖော်လိုတဲ့ အဲဒီအရာရှိက VOA သတင်းဌာနကို ပြောကြားခဲ့ပါတယ်။

    ဖွင့်ခွင့်ပေးထားတဲ့ ဗလီတွေမှာတော့ မင်နာရတ်မျှော်စင်တွေ၊ အမိုးခုံး ဖယ်ရှားတာတွေ လုပ်ဆောင်ပြီး၊ စောင့်ကြည့်ကင်မရာတွေ တပ်ဆင်တာ၊ လုံခြုံရေးအစောင့်ချထားတာတွေလို အလွန်အမင်း ထိန်းချုပ်ထားကြောင်း၊ ဒါဟာ မွတ်စလင်တွေ သူတို့ရဲ့ ဘာသာတရား လွတ်လပ်စွာ ကျင့်သုံးခွင့်ကို တားမြစ်တာဖြစ်ကြောင်း အဲဒီတာဝန်ရှိသူက ထည့်သွင်း ပြောဆိုခဲ့ပါတယ်။

    ရှင်ကျန်းပြည်နယ်မှာ ဝီဂါနဲ့ အခြား တူရကီအနွယ်ဝင် မွတ်စလင်လူနည်းစု ၁၃ သန်းလောက် နေထိုင်နေကြပါတယ်။ ၂၀၁၇ ခုနှစ်ကတည်းက တရုတ်အစိုးရဟာ မွတ်စလင်တွေကို အကျဉ်းစခန်းတွေမှာ အစုလိုက်အပြုံလိုက် ဖမ်းဆီးထိန်းသိမ်းတာတွေ လုပ်ဆောင်ခဲ့တယ်လို့ ကမ္ဘာ့သတင်းမီဒီယာတွေက စုံစမ်းဖော်ထုတ်ခဲ့ကြပါတယ်။

    တရုတ်အစိုးရကတော့ ဒါတွေဟာ အကျဉ်းစခန်းတွေ မဟုတ်ဘဲ အသိပညာပေးရေးနဲ့ အသက်မွေးဝမ်းကြောင်း သင်တန်းကျောင်းတွေဖြစ်ကြောင်း ပြန်လည်တုန့်ပြန် ပြောကြားခဲ့ပါတယ်။

    ဗလီဖျက်ဆီးခံရမှု ဂြိုဟ်တုပုံရိပ်

    အမေရိကန်အစိုးရနဲ့ လူ့အခွင့်အရေးအဖွဲ့တွေက အနည်းဆုံး ဝီဂါတစ်သန်းလောက် ဖမ်းဆီးထိန်းသိမ်း ခံထားရပြီး အဓမ္မလုပ်အားခိုင်းစေတာ၊ ညှင်းပမ်းနှိပ်စက်တာတွေ ခံနေရကြောင်း ရှင်ကျန်းပြည်နယ်အတွင်းမှာလည်း မွတ်စလင်လူနည်းစုတွေကို အလွန်အမင်းထိန်းချုပ် ကန့်သတ်နေကြောင်း ပြောကြားထားပါတယ်။

    အမေရိကန်အခြေစိုက် ‘ဝီဂါလူ့အခွင့်အရေးစီမံကိန်း’ (UHRP) ရဲ့ စုံစမ်းမှုအရ ၂၀၁၆ ခုနှစ် နှောင်းပိုင်းကတည်းက ရှင်ကျန်းပြည်နယ်တစ်ဝှမ်းမှာရှိတဲ့ မြို့တွေ၊ ရွာတွေ၊ ခရိုင်တွေမှာ ဗလီဝတ်ကျောင်းတော်နဲ့ အစ္စလာမ့် သာသနိကအဆောက်အဦး ၁၀၀၀၀ ကနေ ၁၅၀၀၀ လောက်အထိ ဖျက်ဆီးခဲ့ပြီး ဒါဟာ ပြည်နယ်အတွင်း စုစုပေါင်း အစ္စလာမ်သာသနိကအဆောက်အအုံ ပမာဏရဲ့ ၄၀ ရာခိုင်နှုန်း ဖြစ်တယ်လို့ ဆိုပါတယ်။

    ဗလီဖျက်ဆီးခံရမှု ဂြိုဟ်တုပုံရိပ်

    မျက်မြင်ကြုံရတဲ့ ဒေသခံတွေရဲ့ ပြောဆိုမှုတွေနဲ့ ဂြိုဟ်တုပုံရိပ်တွေအရ အနည်းဆုံး ဝီဂါတွေရဲ့ သာသနိက အဆောက်အဦး ၁၄၀ လောက်ကို တရုတ်အစိုးရက ‘စနစ်တကျ ဖျက်ဆီးခဲ့တာကို’ ကို တွေ့ရကြောင်း UHRP ရဲ့ စုံစမ်းစစ်ဆေးမှုကို ဦးဆောင်သူ ဘာရမ် ဆင်တာရှ်က ပြောကြားခဲ့ပါတယ်။

    ဖျက်ဆီးခံရတဲ့ ဗလီဝတ်ကျောင်းတော်တွေထဲမှာ ဟိုတန်ပြည်နယ်မှာတည်ရှိပြီး ၁၃ ရာစုကတည်းက တည်ဆောက်ခဲ့တဲ့ Keriya ဗလီဝတ်ကျောင်းတော်လည်း ပါဝင်တယ်လို့ UHRP ရဲ့ အစီရင်ခံစာမှာ ဖော်ပြထားပါတယ်။ ဒီဗလီဟာ သမိုင်းဝင်ဗလီဖြစ်ပြီး ယဉ်ကျေးမှု အမွေအနှစ်အဖြစ် သတ်မှတ်ခံထားရတာပါ။

    “တရုတ်အစိုးရဟာ ရှင်ကျန်းက ဗလီတော်တော်များများကို ဖျက်ဆီးခဲ့ပေမယ့် Korla Jama ဗလီအပါအဝင် မြို့ကြီးတွေက ဗလီတစ်ချို့ကိုတော့ ချန်ထားပါတယ်။ Korla Jama ဗလီဟာ ကိုလာမြို့မှာ ခရီးသွားတွေ စိတ်ဝင်တစား သွားရောက်နဲ့ နေရာတွထဲက တစ်ခုဖြစ်တယ်ဆိုတာကို ကျွန်တော်တို့ တွေ့ရတယ်။ ဒါ့ကြောင့် Korla Jama ဗလီကို အစိုးရက ချန်ထားတယ်ဆိုတာ ဝီဂါလူ့အဖွဲ့အစည်းအတွက်၊ သူတို့ ဝတ်ပြုဆုတောင်းဖို့အတွက် မဟုတ်ဘဲ ခရီးသွားနေရာတစ်ခုအဖြစ် ချန်ထားတာ ဖြစ်ပါတယ်။ အစ္စလာမ်သာသနာကို ကာကွယ်ပေးထားတယ်လို့ ဟန်ဆောင်ဖို့နဲ့ နိုင်ငံတကာ လူ့အဖွဲ့အစည်းနဲ့ သတင်းထောက်တွေကို လိမ်ညာဖို့ပါ” လို့ ဘာရမ် ဆင်တာ့ရှ်က ထည့်သွင်း ပြောကြားခဲ့ပါတယ်။

    ထွက်လာတဲ့ သတင်းတွေကို လေ့လာဆန်းစစ်နိုင်ရေး နိုင်ငံတကာက လွတ်လပ်တဲ့ အဖွဲ့တွေ ဝင်ရောက်ခွင့် မပေးမှုအတွက် ကုလနဲ့ လူ့အခွင့်အရေးအဖွဲ့တွေက တရုတ်အာဏာပိုင်တွေကို ဝေဖန်ထားပါတယ်။

    Ref: VOA

  • ႏိုင္ငံျခားဆက္သြယ္ေရးကြန္ယက္မ်ားအထိ ၀င္ေရာက္ကာ တ႐ုတ္က ဝီဂါမ်ားကို ေစာင့္ၾကည့္ေန

    ႏိုင္ငံျခားဆက္သြယ္ေရးကြန္ယက္မ်ားအထိ ၀င္ေရာက္ကာ တ႐ုတ္က ဝီဂါမ်ားကို ေစာင့္ၾကည့္ေန

    စက္တင္ဘာ ၇၊ ၂၀၁၉
    M-Media

    -တ႐ုတ္အစိုးရအတြက္ အလုပ္လုပ္ေပးေနတဲ့ ဟက္ကာေတြဟာ အေရွ႕အာရွနဲ႔ အေရွ႕ေတာင္အာရွ ႏိုင္ငံေတြက တယ္လီဖုန္းကြန္ယက္ေတြကို ၀င္ေရာက္ၿပီး ဝီဂါလူမ်ိဳးေတြရဲ႕ လႈပ္ရွားမႈကို ေစာင့္ၾကည့္ေနတယ္လို႔ ေထာက္လွမ္းေရးရင္းျမစ္ ၂ ခုနဲ႔ လံုျခံဳေရးအဖြဲ႕ ၂ ခုတို႔ရဲ႕ ေျပာၾကားမႈကို ကိုးကားၿပီး ႐ိုက္တာသတင္းဌာနက ေဖာ္ျပခဲ့ပါတယ္။

    ႏိုင္ငံအေနာက္ပိုင္း ရွင္က်န္းျပည္နယ္က ဝီဂါလူမ်ိဳးေတြအေပၚ ဖိႏွိပ္ခ်ဳပ္ခ်ယ္မႈအတြက္ တ႐ုတ္အစိုးရဟာ ကမ႓ၻာ့အသိုင္းအဝိုင္းရဲ႕ ႐ႈတ္ခ်ျခင္းကို ခံခဲ့ရပါတယ္။ ရွင္က်န္းမွာ အက်ဥ္းစခန္းေတြ တည္ေဆာက္ကာ ဝီဂါ ၁ သန္းေလာက္ကို ထိန္းသိမ္းထားတယ္လို႔ ႏိုင္ငံတကာမီဒီယာေတြက ၂၀၁၈ ခုႏွစ္ေႏွာင္းပိုင္းမွာ စံုစမ္းေဖာ္ထုတ္ခဲ့ပါတယ္။

    ဆိုက္ဘာလံုျခံဳေရး ေလ့လာဆန္းစစ္သူေတြက တ႐ုတ္ဟာ ႏိုင္ငံအတြင္းက ဝီဂါေတြကိုသာမကဘဲ ႏိုင္ငံအျပင္ေရာက္ေနတဲ့ ဝီဂါေတြကိုပါ ေစာင့္ၾကည့္မႈေတြ လုပ္ေနေၾကာင္း၊ ဒါဟာ သံတမန္ေတြ၊ တစ္ျခားတိုင္းျပည္ေတြက စစ္ဖက္တာ၀န္ရွိသူေတြအေပၚ ျပဳလုပ္တဲ့ ဆိုက္ဘာသူလွ်ိဳလုပ္ငန္းရဲ႕ တစ္စိတ္တစ္ပိုင္းျဖစ္ေၾကာင္း ေျပာၾကားခဲ့ၾကပါတယ္။

    တ႐ုတ္ဟက္ကာ အဖြဲ႕ေတြဟာ တူရကီ၊ ကာဇက္စတန္၊ အိႏၵိယ၊ ထိုင္းနဲ႔ မေလးရွားတို႔အပါအ၀င္ ႏိုင္ငံျခား တိုင္းျပည္ေတြက ဆက္သြယ္ေရးကြန္ယက္ေတြကို ၀င္ေရာက္ခဲ့ၾကတာပါ။ ဒီႏိုင္ငံေတြဟာ မ်ားေသာအားျဖင့္ တ႐ုတ္အစိုးရရဲ႕ ညႇင္းပမ္းမႈေၾကာင့္ ထြက္ေျပးလာတဲ့ ဝီဂါေတြ တစ္ေထာက္နားတဲ့ ႏိုင္ငံေတြ ျဖစ္ပါတယ္။

    ဆိုက္ဘာတိုက္ခိုက္မႈေတြရွိတယ္၊ ဝီဂါေတြအေပၚ မေတာ္မတရား က်ဴးလြန္မႈေတြ ရွိတယ္ဆိုတဲ့
    သတင္းေတြကို တ႐ုတ္အစိုးရက အႀကိမ္ႀကိမ္ျငင္းဆိုခဲ့ၿပီး ဆက္သြယ္ေရးကြန္ယက္ေတြကို ေဖာက္ထြင္း ၀င္ေရာက္တယ္ဆိုတာကိုေတာ့ သက္ေသအေထာက္အထားျပဖို႔ ေတာင္းဆိုခဲ့ပါတယ္။

    တ႐ုတ္ရဲ႕ ဒီဆိုက္ဘာေဖာက္ထြင္းမႈ လုပ္ငန္းမွာ ဘယ္ဆက္သြယ္ေရးကုမၸဏီေတြ ပစ္မွတ္ထားခံရလဲဆိုတာ မေဖာ္ထုတ္ႏိုင္ေသးေၾကာင္း၊ ထိုင္းအစိုးရ တာ၀န္ရွိသူေတြဟာ ဒီကိစၥအတြက္ မွတ္ခ်က္ေပးဖို႔ ျငင္းဆိုခဲ့ၿပီး၊ မေလးရွား၊ ကာဇက္စတန္နဲ႔ တူရကီႏိုင္ငံတို႔က အာဏာပိုင္ေတြကိုလည္း ဆက္သြယ္လို႔ မရေသးေၾကာင္း ႐ိုက္တာသတင္းဌာနက ေဖာ္ျပခဲ့ပါတယ္။

    ေဖာ္ထုတ္

    အေမရိကန္ ဆိုက္ဘာလံုျခံဳေရး ကုမၸဏီျဖစ္တဲ့ Volexity က ကမ႓ၻာတစ္၀ွမ္းမွာရွိတဲ့ ဝီဂါလူမ်ိဳးေတြရဲ႕ ဖုန္းေတြ အီးေမးလ္ေတြကို ေဖာက္ထြင္း၀င္ေရာက္ဖို႔ တ႐ုတ္အစိုးရရဲ႕ ႀကိဳးစားမႈ အေသးစိတ္ အခ်က္အလက္ေတြကို အခုတစ္ပတ္အတြင္း ထုတ္ျပန္ခဲ့ပါတယ္။

    Google က ပညာရွင္ေတြကလည္း အမည္မသိအုပ္စုေတြက iPhone ေတြကို ေဖာက္ထြင္းဖို႔ ႀကိဳးစားခဲ့ေၾကာင္း ေျပာၾကားခဲ့ၿပီး ဒါဟာ ဝီဂါလူ႕အဖြဲ႕အစည္းကို ပစ္မွတ္ထားလုပ္ေဆာင္ခဲ့တာလို႔ Forbes နဲ႔ TechCrunch သတင္းဌာနေတြက ေဖာ္ျပခဲ့ၾကပါတယ္။

    ဆက္သြယ္ေရးကုမၸဏီေတြဟာ အသံုးျပဳသူေတြရဲ႕ အခ်က္အလက္ေတြကို ပိုင္ဆိုင္ထားတာေၾကာင့္ ကမ႓ၻာတစ္၀ွမ္းက ေထာက္လွမ္းေရး ေအဂ်င္စီေတြရဲ႕ ပစ္မွတ္ထားျခင္းကို ခံစားေနရပါတယ္။

    ကယ္လီဖိုးနီးယားအေျခစိုက္ ဆိုက္ဘာလံုျခံဳေရးကုမၸဏီ FireEye က တ႐ုတ္ ဟက္ကာအဖြဲ႕ေတြဟာ အေရွ႕ေတာင္အာရွ ႏိုင္ငံေတြမွာ malware တစ္မ်ိဳးကို အသံုးျပဳကာ ဖုန္းစာတိုေပးပို႔မႈကို ေထာက္လွမ္းေနတယ္လို႔ ေျပာၾကားခဲ့ပါတယ္။

    သူတို႔ ပစ္မွတ္ထားသူေတြရဲ႕ ဖုန္းေခၚဆိုမႈမွတ္တမ္း CDR ရရွိေအာင္လည္း တ႐ုတ္အစိုးရက
    က်ယ္က်ယ္ျပန္႔ျပန္႔ လုပ္ေဆာင္ေနတယ္လို႔ အေမရိကန္-အစၥေရး ဆိုက္ဘာလံုၿခံဳေရးကုမၸဏီ Amit Serper က အခုႏွစ္အေစာပိုင္းက ေဖာ္ျပခဲ့ဖူးပါတယ္။

    Ref: Reuters