M-Media
နိုင်ငံတော်လုံခြုံရေးကြောင့် ကန်တက္ကသိုလ်တစ်ခု တရုတ်နှင့် အဆက်အသွယ်ဖြတ်
———————–
တရုတ်စစ်တပ်နဲ့ ပတ်သက်မှုရှိနိုင်တဲ့ Tianjin၊ Shenzhen တက္ကသိုလ်တွေနဲ့ ပူးပေါင်းဆောင်ရွက်မှုရပ်ဆိုင်းလိုက်တယ်လို့ အမေရိကန် နည်းပညာတက္ကသိုလ် Georgia Tech က ကြေငြာပါတယ်။ Georgia Tech ဟာ တရုတ်တက္ကသိုလ်တွေနဲ့ ကွန်ပျူတာချပ်စ် သုတေသနမှာ ပူးပေါင်းဆောင်ရွက်နေတာဖြစ်ပြီး ဒါဟာ အမေရိကန်ရဲ့ နိုင်ငံတော်လုံခြုံရေးအတွက် ခြိမ်းခြောက်မှုတစ်ရပ် ဖြစ်လာနိုင်တယ်လို့ အောက်လွှတ်တော်ကော်မတီက ဆုံးဖြတ်ကာ ဆက်ဆံရေး ရပ်ဆိုင်းခိုင်းခဲ့တာ ဖြစ်ပါတယ်။
ဗီယက်နမ်တိုင်ဖုန်း အပျက်အဆီးများမည်
————-
တရုတ်တောင်ပိုင်းနဲ့ ဖိလစ်ပိုင်နိုင်ငံတို့မှာ တိုက်ခတ်ခဲ့တဲ့ တိုင်ဖုန်း Yagi ဟာ ဒီကနေ့မှာတော့ ဗီယက်နမ်ဖက်ကို ၀င်ရောက်လာပါတယ်။ တစ်နာရီကို လေတိုက်နှုန်း ၁၄၉ ကီလိုမီတာရှိပြီး သစ်ပင်တွေ အမြစ်ကနေ ပြုတ်လဲတဲ့အထိ ပြင်းထန်ပါတယ်။ မုန်တိုင်းကြောင့် သေဆုံးသူ ၄ ဦးအထိ ရှိလာပြီလို့ ဗီယက်နမ်က ထုတ်ပြန်ပါတယ်။ တရုတ်နဲ့ ဖိလစ်ပိုင်မှာ Yagi ကြောင့် ၂၄ ဦး သေဆုံးခဲ့ပါတယ်။
အမှိုက်ဗူဖောင်းများဖြင့် တောင်ကိုရီးယား တိုက်ခိုက်ခံနေရ
—————-
ပြီးခဲ့တဲ့ ၃ ရက်အတွင်း မြောက်ကိုရီးယားဟာ မြစ်ကြောင်းကနေတစ်ဆင့် အမှိုက်ဗူဖောင်း ၉၀၀ လောက် မျှောချခဲ့တယ်လို့ တောင်ကိုရီးယားစစ်တပ်က ထုတ်ပြန်ပါတယ်။ အမှိုက်တွေဟာ အများအားဖြင့် စက္ကူနဲ့ ပလက်စတစ်ပစ္စည်းတွေဖြစ်ပြီး လူထုအတွက် အန္တရာယ်မရှိပါဘူး။ မြောက်ကိုရီးယားကတော့ နယ်စပ်မှာ တောင်ကိုရီးယားဖက်က အသံချဲ့စက်နဲ့ ၀ါဒဖြန့်နေမှုကို လက်တုန့်ပြန်တာလို့ ထုတ်ပြန်ပါတယ်။
Ref: CNA
