ဇွန်-၂၆၊ ၂၀၁၃
ရေးသူ- Nay Linn Aung
ဦးဝီရသူ နဲ့ သူ့နောက်လိုက်တွေကို ဆဲဆိုနေကြတဲ့ မွတ်စလင်မ်ဆိုသူများခင်ဗျား။
ဆဲဆိုတာဟာ အစ္စလာမ်သာသနာကတားမြတ်ထားတဲ့ အမူပါ။ ဆဲဆိုနေမယ့်အစား အောက်ကအချက်လေးတွေကို နည်းနည်းစဉ်းစားကြည့်ပါဦး။
၇၈၆ ကို တုပြီး ၉၆၉ ပေါ်လာတယ်။ ကုရ်အာန်ကျမ်းမြတ်ထဲက မွတ်စလင်မ် အချင်းချင်းသာ လက်ထပ်ထိမ်းမြန်းရမယ် ဆိုတာကို ကြည့်ပြီး မျိုးစောင့်ဥပဒေကို တီထွင်ရတယ်လို့ သူတို့ဆိုနေကြပါတယ်။
အပေါ်ယံ ဇွာဟေရီအရ အစ္စလာမ်အရောင်ဆိုးလာပြီလို့ဆိုနိုင်ပါတယ်။ သူတို့အစ္စလာမ်နဲ့တစ်လှမ်းနီးလာပါပြီ။ ဒါပေမယ့် အတွင်းအနှစ်သာရက ခြားနားနေဆဲဖြစ်နေတာတော့မှန်ပါတယ်။
၇၈၆ ဟာ ကိုယ့်အချင်းချင်းအုပ်စုဖွဲ့ပြီး အခြားလူ့အစုအဝေးတစ်ခု ဒုက္ခရောက်အောင် ဆောင်ရွက်ဖို့မဟုတ်ပါဘူး။ အလွန်တရာ သနားကြင်နာတော်မူသော အရှင်မြတ်ရဲ့နာမတော်ကို ဦးထိပ်ပန်ဆင်ပြီး မိမိတို့ ဆိုင်၊ အလုပ်မှာ မင်္ဂလာရှိစေဖို့ သုံးစွဲကြခြင်းဖြစ်ပါတယ်။ ဒီထက်ပိုပြီး အတွင်းကျကျပြောရရင် ဘာပဲလုပ်လုပ် အစ္စလာမ်ဘဝလမ်းညွှန်မှုအတိုင်း မှန်မှန်ကန်ကန် နေထိုင်ကျင့်ကြံပြီး အခက်အခဲ တစ်စုံတစ်ရာကြုံလာသော် အရှင်ထံမှ ဆန်းသပ်မှုလို့ သဘောထား ဘယ်သူတရားပျက်ပျက် ကိုယ်မပျက်စေဘဲ ကြံ့ကြံ့ခံရပ်တည်၊ အောင်မြင်မူရတဲ့အခါမှာလဲ ငါလုပ်လို့ရတယ်ဆိုပြီး မာန်မာန မထောင်လွားဘဲ အရှင်ဂရုဏာတော်အဖြစ် လက်ခံပြီး အဖန်ဆင်းခံများအကြား မျှဝေဖို့စတဲ့ အစ္စလာမ့်တရားတော်တွေကို အမြဲအမှတ်ရစေဖို့ ၇၈၆ (ခုနှစ်ရာ့ရှစ်ဆယ့်ခြောက်)ကို အသုံးပြုကြတာဖြစ်ပါတယ်။
ကုရ်အာန်ကျမ်းမြတ်ထဲက မွတ်စလင်မ် အချင်းချင်းသာ လက်ထပ်ထိမ်းမြန်းရမယ် ဆိုတာဟာလဲ ကိုယ့်ဘာသာဝင် မိန်းကလေးတွေကိုတော့ ဘာသာခြားတွေနဲ့မယူစေနဲ့၊ အခြားဘာသာခြားမိန်းကလေးတွေကိုတော့ယူပြီး ကိုယ့်ဘာသာထဲသိမ်းသွင်း ဆိုတဲ့ပုံစံမျိုး လုံးဝ မဟုတ်ပါ။ ကုရ်အာန်ကျမ်းမြတ်က မွတ်ဆလင် အမျိုးသားရော အမျိုးသမီးရော ဘာသာမတူသူတွေနဲ့ လက်မထပ်ဖို့ ဆိုထားတာပါ။ အကြောင်းက အလွန်ရှင်းပါတယ်။ အစ္စလာမ်သာသနာမှာ အိမ်ထောင်ပြုမူဟာ သာသနာ့တာဝန်ပါ။ အစ္စလာမ့် အိမ်ထောင်ရေးရဲ့ အဓိကရည်ရွယ်ချက်ဟာ လူအစုအဝေးရဲ့ အခြေခံအကျဆုံး မိသားစုဘဝကို အရှင်မြတ်ရဲ့ အမိန့်တော်များနဲ့အညီ သာယာအေးချမ်းအောင်မြင်စွာ တည်ဆောက်ပြီး နှစ်ဘဝအောင်မြင်ရေး ကျင့်ကြံအားထုတ်ဖို့ဖြစ်ပါတယ်။ အဲဒီတော့ ဘာသာခြားနဲ့ယူရင် ဘာအဓိပ္ပါယ်မှမရှိ ဖြစ်သွားမှာပေါ့။ နောက်တချက်က အသွင်မတူရင် အိမ်သူမဖြစ်၊ မုဆိုးနားနီး မုဆိုး တံငါနားနီးတံငါ ဆိုတဲ့ ဆိုရိုးတွေအတိုင်း အသွင်တူဖို့ဟာ အိမ်ထောင်တစ်ခုတည်တံ့ဖို့ အရေးအကြီးဆုံးပါ။ ဥပမာ အနုပညာကို အလွန်တန်ဖိုးထားသူ တစ်ယောက်နဲ့ အနုပညာကို လုံးဝတန်ဖိုးမထားတတ်သူတစ်ယောက် လက်ထပ်ဖြစ်ကြတယ် ဆိုပါစို့။ အဲ့ဒီ အိမ်ထောင်တည်မြဲဖို့ဆိုရင် သူတို့ထဲက တစ်ယောက်ယောက်ဖြစ်စေ နှစ်ယောက်လုံးဖြစ်စေ အသွင်ပြောင်းရပါလိမ့်မယ်။ မပြောင်းလဲနိုင်ရင်တော့ ဒီအိမ်ထောင်သာယာဖို့ တည်မြဲဖို့ ဘယ်လိုမှမဖြစ်နိုင်ပါ။ လူတိုင်းရဲ့ အသွင် တနည်းအားဖြင့် ဘဝမှာအလေးအထားဆုံးအရာဟာ ဘာသာတရားဖြစ်ချင်မှဖြစ်မှာပါ။ ဒါပေမယ့် အစ္စလာမ့်အဆုံးအမ အရတော့ ဒီလောကမှာရော နောင်တမလွန်မှာရော နှစ်ဘဝစလုံးမှာ သာယာအောင်မြင်တဲ့ဘဝရချင်ရင် သူရဲ့ အသွင် တနည်းအားဖြင့် ဘဝမှာအလေးအထားဆုံးအရာဟာ အစ္စလာမ်ဖြစ်ဖို့လိုပြီး အသွင်တူတဲ့ မွတ်စလင်မ်နဲ့သာ အစ္စလာမ့်နည်းကျ အိမ်ထောင်မှုပြုဖို့ဆိုထားတာဖြစ်ပါတယ်။
ပြောချင်တာကတော့ ဦးဝီရသူနဲ့ သူ့နောက်လိုက်တွေကို (သူပြောတဲ့စကားငှားသုံးရရင်) ဝေဒနာနဲ့ ဆဲဆိုနေမယ့်အစား ဒေတာနဲ့ သူမှားနေတာကိုထောက်ပြ အစ္စလာမ်ရဲ့အမှန်တရားကိုပြောပြသင့်ပါတယ်။ ဆဲဆိုတာဟာ အစ္စလာမ်သာသနာကတားမြစ်ထားတဲ့ အမှုပါ။ အမှန်တရားဘက်ကို အသိပညာ ဉာဏ်အလိမ္မာနဲ့ ချိုသာအေးမြတဲ့စကား အားဖြင့်ဖိတ်ခေါ်ရမယ်လို့ အစ္စလာမ်ကလမ်းညွှန်ထားပါတယ်။ အပြင်ပိုင်းအရောင်ဆိုးထားပြီမို့ သူတို့တွေဟာ တစ်ဆင့်နီးလာပြီလို့လဲ ယူဆနိုင်ပါတယ်။
အစ္စလာမ်ကို သေမလောက်မုန်းပါတယ်ဆိုသူတွေ အစ္စလာမ်ကို အသက်ပေးချစ်သွားကြတာတွေ၊ မွတ်စလင်မ်တွေကို ကျူပင်ခုတ် ကျူငုတ်မကျန်အောင် ရှင်းမယ်ဆိုရာက မိမိအသက်အိုးအိမ်စည်းစိမ်ကိုစတေးပြီး အစ္စလာမ်ကိုကာကွယ်သူဖြစ်လာတွေစတဲ့ ဖြစ်ရပ်တွေဟာ အစ္စလာမ့်သမိုင်းမှာ ဒုနဲ့ဒေးပါ။
ဒီတော့ အခု ၉၆၉ ခေါင်းဆောင် အရှင် ဝီရသူဟာ နောင်တချိန်မှာ ၇၈၆ ခေါင်းဆောင် မုဟမ္မဒ် ဝရစ်ဒီးန် မဖြစ်လာနိုင်ဘူးလို့ ဘယ်သူ တထစ်ချပြောနိုင်ပါသလဲ။
(မှတ်ချက် ။ ။ ဝရစ်ဒီးန် မုဟမ္မဒ် ဟူသောအမည်ဖြင့် အမေရိကန်သမိုင်းတွင် အကြီးဆုံး အစ္စလာမ်သာသနာ လက်ခံပွဲကို ကြီးကြပ်ခဲ့သော အာဖရိကန် အမေရိကန် မွတ်ဆလင်ခေါင်းဆောင်တစ်ဦး ရှိခဲ့ပါသည်။) http://en.wikipedia.org/wiki/Warith_Deen_Mohammed )
