Tag: voiceofppl

ဇူလိုင် ၁ ၊၂၀၁၄
M-Media
ရေးသူ-ဆွေမွန်

ဒီနေ့ 7 Day daily သတင်းမှာ ၁၆ နှစ်က ၁၃ နှစ်ကို မုဒိမ်းကျင့်တယ်၊ လည်ပင်းကို ပုဆိုးနဲ့ ချည်ဆွဲတယ်၊ လက်ကောက်ဝတ်တွေကို ဓားနဲ့ ခုတ်တယ်၊ ဗိုက်ကို အချွန်နဲ့ထိုးတယ်၊ သေပြီထင်လို့ တွင်းကို လက်နဲ့ တူး၍ မြှုပ်ထားခဲ့တယ်။

မွတ်ဆလင်တွေ မုဒိမ်းမှုကျူးလွန်ရင် ၀မ်းသာအားရ ပြသနာရှာတတ်တဲ့ ဦးဝီရသူ ပါးစပ်ပိတ်နေတယ်။ ပိတ်မှာပေါ့။ ဗုဒ္ဓဘာသာဝင်က မုဒိမ်းကျင့်တာကိုး…။ ကိုးကွယ်ရာဘာသာမပါတဲ့ မုဒိမ်းမှုကျူးလွန်သူဟာ သေချာပေါက်ဗုဒ္ဓဘာသာဝင် ဖြစ်နေလို့ မီဒီယာတွေက ကိုးကွယ်ရာဘာသာကို အသာလေးလျှိုပြီး မဖော်ပြဘဲ ရေးတာပေ့ါဗျာ။

ဒီနေရာမှာ တစ်ခု ပွင့်ပွင့်ရှင်းရှင်းမေးကြည့်မယ်။ စိတ်မဆိုးကြနဲ့ ။ မုဒိမ်း ဗုဒ္ဓဘာသာလို့ ပြောရင် ကြိုက်ကြမလားဗျ။ ဘယ်ကြိုက်ကြမလဲ။ သာမန် ရိုးရိုးသားသားနေထိုင်ကြတဲ့ ဗုဒ္ဓဘာသာဝင်တိုင်းဟာ မုဒိမ်းမှုနဲ့ ဘာမှ မဆိုင်ဘူးဆိုတာ လူတိုင်းသိနေကြတာပဲဗျ။ ဗုဒ္ဓနဲ့ မုဒိမ်းမှုနဲ့ ဘာတွဲစရာ ရှိသလဲ။

ဒီအတိုင်းပဲ မွတ်ဆလင်တစ်ဦး မုဒိမ်းမှုနဲ့ အဖမ်းခံရရင် မုဒိမ်းဘာသာလို့ ရေးရင် ခင်ဗျားတို့ မီဒီယာတွေ ဘာလို့ ပျော်ကြတာလဲဗျ။ မွတ်ဆလင်တိုင်း မုဒိမ်းကျင့်နေကြလို့လား။ ဒီလိုဆို သာမန်ရိုးရိုးသားသားနေထိုင်ကြတဲ့ မွတ်ဆလင်တွေ နဲ့ မုဒိမ်းမှု ဘာမှ မသက်ဆိုင်တဲ့အတွက် ကိုးကွယ်ရာဘာသာကြီးနဲ့ တွဲရေးရင် ကျွန်တော်တို့လည်း မကြိုက်ဘူးဗျ။

ဒီအမှုမှာ မွတ်ဆလင်လုပ်ကြည့်ပါလား။ ဒီလိုပဲ ကိုးကွယ်ရာဘာသာကို ယှဉ်တွဲမဖော်ပြဘဲ၊ ပြသနာအကြီးကြီး မဖြစ်ဘဲနေမယ် ထင်ကြပါသလား။

ခင်ဗျားတို့ မီဒီယာတွေ ၀မ်းသာအားရ ပွဲမခံဘဲ ဒီလိုလေးပဲပြီးသွားမယ်လို့ရော ထင်ကြပါသလား။

ဗုဒ္ဓဘာသာဝင်တစ်ယောက် အဲဒီလိုလုပ်တာကို ကျန်တဲ့ ဗုဒ္ဓဘာသာဝင်အများက မနှစ်သက်သလိုပဲ မွတ်ဆလင်တစ်ဦးကျူးလွန်ခဲ့ရင်လည်း ကျန်တဲ့မွတ်ဆလင် အားလုံးက မတရားမှုကို မနှစ်သက်တာ အမှန်ပဲဗျ။ ဒီနေရာမှာ ဗုဒ္ဓဘာသာလို့ ရေးရင် အများက မကြိုက်သလိုပဲ ကျွန်တော်တို့ မွတ်ဆလင်ထဲက အပြစ် ကျူးလွန်ရင်လည်း ဘာသာအမည် တွဲရေးတာကို ကျွန်တော်တို့အားလုံး မကြိုက်ဘူးဗျ။ ဒါ သဘာဝပဲ။

နားလည်စာနာနိုင်ကြပါစေ။

7DAY DAILY မှသတင်းဖတ်ရန်  http://7daydaily.com/story/14590

ဇွန်လ ၁၉ ရက် ၊ ၂၀၁၄
M-Media
ရေးသူ- သန့်ဇင်ထွေး

မနေ့က မလေးရှား တရားရုံးတခုကို ကိစ္စတခုနှင့် ရောက်ခဲ့တယ်။

ကျွန်တော့်မိတ်ဆွေ အလှည့် မရောက်မှီမှာ ကောင်မလေး (၅) ယောက်နှင့် ကောင်လေး (၁) ယောက် တရားခွင်ကိုရောက်လာတယ်။ (အားလုံး မြန်မာတွေပါ)၊၊

အမှုသွား အမှုလာ မလေးလိုပဲ ပြောကြပါတယ်၊၊ စကားပြန်လည်း မရှိပါဘူး။ နောက်တော့ တရားသူကြီးက ကောင်မလေးတွေကို ထောင်ဒဏ် တလ စီ အမိန့်ချ လိုက်တယ်၊၊

ကောင်လေးကိုတော့ ထောင်ဒဏ် (၃)လ နှင့် ကြိမ်နှစ်ချက် အမိန့်ချလိုက်တယ်။ ထောင်တလစီ ကျတယ်လို့ နားလည်လိုက်တဲ့ ကောင်မလေးတွေ ပါးပေါ်မှာ မျက်ရည်တွေနဲ့ပေါ့။

အဲဒီကောင်မလေးတွေထဲက နှစ်ယောက်က မင်းသမီး သက်မွန်မြင့် နီးနီးလောက်လှတယ်လို့ ပြောရင် ကျွန်တော်လွန်တယ်လို့ ခင်ဗျားတို့ မထင်စေချင်ဘူး။

အဖြစ်မှန်က အဲဒီ (၆) ယောက်စလုံး နိုင်ငံကူးလက်မှတ်ရော ၊ ပါမစ်ရော ရှိတယ်။ ပါမစ်သက်တမ်းတိုးတဲ့ အချိန်မှာ မြန်မာ ပွဲစားတယောက်ကို ပေးလိုက်တယ်။

ပွဲစားက လိမ်ပြီး ပါမစ်အတုတွေ ကပ်ပေးလိုက်တယ်။ နောက်နှစ်လနေတော့ စားသောက်ဆိုင်ကို လဝက (အင်မီဂရေးရှင်း) အော်ပရာစီ ဝင်ဖမ်းတော့ ပါမစ်အတု အမှုနဲ့ satu bulan penjara(ထောင်တလ) ပေါ့ဗျာ။

အဲဒီလိမ်သွားတဲ့ ကိုရွှေ ပွဲစားကတော့ ဒီတရားခွင်ကို ဘယ်တော့မှ မရောက်ဘဲ လွတ်မြောက်နေဆဲပါ၊

ဒီမတရားမှုအတွက် ကျွန်တော်တို့ ဘယ်သူ့ကို သွားတိုင်ရမှာလဲ….

ကျွန်တော်တို့ ဘဝက နိုင်ငံခြားမှာ အားကိုးစရာမရှိ( မိဘမဲ့သား ရေနည်းငါးလိုပါပဲ)

အားကိုးစရာ ကျွန်တော်တို့တိုင်းပြည်ကို ကြည့်ပြန်တော့လည်း
…………………
…………………
…………………
တိုင်းပြည်ရဲ့  မြေပေါ်မြေအောက် သယံဇာတတွေကို ဘာမျှ မကျန်အောင် ခိုးရောင်းစားခဲ့တဲ့ သူကိုတောင် နိုင်ငံတော် သမ္မတ က နိုင်ငံ့ဂုဏ်ရည်ဆုပေးနေတဲ့ တိုင်းပြည်ဖြစ်နေတော့လည်းဗျာ…….

M-Media “ပြည်သူ့အသံ” ကဏ္ဍတွင် ဖော်ပြပေးစေလိုလျှင်  [email protected] သို့ အီးမေးလ် ပို့၍ ဖြစ်စေ M-Media FB Page သို့ Message ပို့၍ ဖြစ်စေ ဆက်သွယ်ပေးပို့နိုင်ပါတယ်။ စိစစ်ပြီး ဖော်ပြပေးပါမည်။