News @ M-Media

Tag: weird-news

  • ၂၈ နှစ်အရွယ် တရုတ်အမျိုးသမီး တစ်ဦး ထူးဆန်းသောရောဂါကြောင့် အသက် ၈၀ အရွယ် အဖွားအိုပုံဖြစ်သွားခဲ့

    ၂၈ နှစ်အရွယ် တရုတ်အမျိုးသမီး တစ်ဦး ထူးဆန်းသောရောဂါကြောင့် အသက် ၈၀ အရွယ် အဖွားအိုပုံဖြစ်သွားခဲ့

    ဒီဇင်ဘာ ၁၄ ၊ ၂၀၁၄
    M-Media

    390053_Hu Juan-Chinese woman-Cutis Laxa
    – ထူးဆန်းသော ရောဂါတစ်ခုကြောင့် တရုတ်နိုင်ငံ ဟီနန်ပြည်နယ်မှ အသက် ၂၈ နှစ်အရွယ် အမျိုးသမီးတစ်ဦးမှာ အသက် ၈၀ အရွယ် အဘွားအိုတစ်ဦးပုံစံမျိုး ဖြစ်သွားခဲ့သည်ဟု သိရသည်။

    ဟူဂျူအန်ဟုအမည်ရသည့် အဆိုပါအမျိုးသမီးမှာ ဇန်ဇူးမြို့တွင်နေထိုင်သူဖြစ်ပြီး Cutis Laxa အမည်ရသော ရောဂါတစ်မျိုးကို ခံစားနေရကာ ထိုရောဂါက သူမအား အဘွားအို တစ်ဦးအဖြစ် ပြုလုပ်လိုက်ခြင်းဖြစ်သည်။

    ထိုရောဂါခံစားနေရမှုကို သူမက လွန်ခဲ့သည့် ၁၁ နှစ် ပထမဆုံး ကလေးမွေးဖွားစဉ်ကတည်းက သတိပြုမိခဲ့ခြင်းဖြစ်ပြီး ထိုအချိန်မှစ၍ လည်ပင်များ တွဲကျလာကာ မျက်နှာပေါ်တွင်လည်း ပါရေတွန့်ခြင်းများ ဖြစ်လာခဲ့သည်ဟု သူမက ပြောကြားခဲ့သည်။

    Cutis Laxa ရောဂါမှာ တစ်ရှူးများ မူမမှန်သည့် ရောဂါမျိုးဖြစ်ပြီး အသားရေများမှာလည်း အလုပ်မလုပ်တော့ကာ ထိုရောဂါအတွက် လောလောဆယ်တွင် ကုသရန် ဆေးမရှိသေးဘဲ ခွဲစိတ်ပြုပြင်ခြင်း နည်းလမ်းဖြင့်သာ သာမန် ရုပ်ရည်မျိုးပြန်ရအောင် ဆောင်ရွက်နိုင်သည်။

    ထိုရောဂါမျိုးဖြစ်ပွားသူများမှာ တရုတ်နိုင်ငံတွင် ဂျူအန် တစ်ဦးတည်းသာ ရှိသေးပြီး တစ်ကမ္ဘာလုံးတွင်လည်း ၁၀ ဦးခန့်သာ ရှိသည်။ ဂျူအန်ကမူ နဂိုရုပ်ရည် အတိုင်း ပြန်လည်ရရှိရေးအတွက် ခွဲစိတ်ကုသမှု ခံယူရန် စီစဉ်နေသည်။

    ref_ Press TV

  • ကမ္ဘာ့ အသက်အကြီးဆုံး ဦးခေါင်း ၂ လုံးပါ ကြောင် ကွယ်လွန်

    ကမ္ဘာ့ အသက်အကြီးဆုံး ဦးခေါင်း ၂ လုံးပါ ကြောင် ကွယ်လွန်

    ဒီဇင်ဘာ ၉ ၊ ၂၀၁၄
    M-Media
    frank-louie-janus-cat
    – အမေရိကန်ပြည်ထောင်စု မက်ဆာချူးဆက်မှ  ဂင်းနစ်မှတ်တမ်းဝင် ဦးခေါင်း ၂ လုံးပါဝင်သည့် ကမ္ဘာ့ အသက်အကြီးဆုံး ကြောင်ကြီးမှာ ပြီးခဲ့သည့် တနင်္ဂနွေနေ့က ကင်ဆာရောဂါဖြင့် သေဆုံးသွားခဲ့သည်ဟု သိရသည်။

    ဖရန်ကန်လူဝီဟု အမည်ရသည့် အဆိုပါကြောင်ကြီးမှာ သေဆုံးချိန်တွင် အသက် ၁၅ နှစ်ရှိပြီဖြစ်ပြီး ပိုင်ရှင်ဖြစ်သူ ၀ိုရက်စတာကမူ ဖရန်ကန်လူဝီ၏ ကျန်းမာရေး အခြေအနမှာ ပြီးခဲ့သည့် သီတင်းပတ် အတွင်းမှ စတင်၍ ဆိုးရွားလာခဲ့သည်ဟု ပြောကြားခဲ့သည်။ ဖရန်ကန်လူဝီဆိုသည့် အမည်မှာ တစ်ကောင်းချင်းဆီ၏ အမည်ဖြစ်သော ဖရန့်နှင့် လူဝီတို့ကို ပူးတွဲ၍ မှည့်ခေါ်ထားခြင်ဖြစ်သည်။

    အဆိုပါ ကြောင်မျိုးကို ဂျာနပ်စ်ကြောင် မျိုးနွယ်ဟု သတ်မှတ်ထားပြီး ဖရန်ကန်လူဝီမှာ အရှည်ကြာဆုံး အသက်ရှင်နေထိုင်နိုင်သော ဦးခေါင်းနှစ်ခုပါ ကြောင်အဖြစ် ၂၀၁၂ ခုနှစ်က ဂင်းနစ် ကမ္ဘာစံချိန်တွင် မှတ်တမ်းဝင်ခဲ့သည်။

    ဖရန်ကန်လူဝီတွင် မျက်လုံး သုံးလုံး၊ နှာခေါင်းနှစ်ခုနှင့် ပါးစပ်နှစ်ခု ပါဝင်ပြီး မျက်လုံး ၂ လုံးသာ မြင်နိုင်ကာ ပါးစပ် တစ်ခုမှသာ စားသောက်ခြင်းဖြစ်သည်။ ထို့ပြင် သာမန်ကြောင်များကဲ့သို့ အသက်ရှင်နေထိုင်ခဲ့သည်။ ဦးခေါင်းနှစ်ခု ဖြစ်ခြင်းမှာ သန္ဓေသား ဘ၀တွင် မျက်နှာဖွံဖြိုးမှုကို ဖြစ်စေသော ပရိုတိန်းများ ကမောက်ကမဖြစ်ခြင်းကြောင့်ဟု ဆိုသည်။

    ဦးခေါင်း ၂ လုံးပါဝင်သည့် ဂျာနပ်စ် အနွယ်ဝင်ကြောင်များမှာ များသောအားဖြင့် အသက်ရှင်လေ့မရှိကြပဲ အသက်ရှင်လျင်လည်း ဆိုးရွားသော ကျန်းမာရေး ပြဿနာများကို ကြုံတွေ့ရပြီး သေဆုံးလေ့ရှိကြသည်။

    independent