News @ M-Media

Tag: WFP

  • ရခိုင်မြောက်ပိုင်းရှိ မွတ်စလင်များအား အကူအညီပေးခွင့်ပြုရန် လူ့အခွင့်အရေးအဖွဲ့များ တောင်းဆို

    ရခိုင်မြောက်ပိုင်းရှိ မွတ်စလင်များအား အကူအညီပေးခွင့်ပြုရန် လူ့အခွင့်အရေးအဖွဲ့များ တောင်းဆို

    အောက်တိုဘာ ၂၁၊ ၂၀၁၆
    M-Media

    police

    – နယ်ခြားစောင့်စခန်းများကို တိုက်ခိုက်မှုများဖြစ်ပွားပြီးနောက် ပိတ်ဆို့ထားသည့် ရခိုင်ပြည်နယ်မြောက်ပိုင်း မွတ်စလင်အများစုရှိရာ ဒေသများတွင် လူသားချင်းစာနာထောက်ထားမှု အကူအညီများ ၀င်ရောက်ခွင့်ပေးရန်အတွက် လူ့အခွင့်အရေးအဖွဲ့များက မြန်မာအစိုးရအား တိုက်တွန်းလိုက်သည်။

    မြန်မာအာဏာပိုင်များကမူ ထိုတိုက်ခိုက်မှုကို နိုင်ငံခြား စစ်သွေးကြွအဖွဲ့များ၏ ထောက်ပံ့မှုဖြင့် ထိုဒေသရှိ မွတ်စလင်များပါဝင်သော အဖွဲ့တစ်ခု ပြုလုပ်သည်ဟု ယုံကြည်ထားပြီး ခန့်မှန်းခြေ ထိုအဖွဲ့ဝင် ၄၀၀ ခန့်ကိုလည်း စစ်တပ်က တိုက်ခိုက်မှုဖြစ်ပွားပြီးနောက်ပိုင်း ရခိုင်ပြည်နယ်မြောက်ပိုင်းတွင် ပိုက်စိပ်တိုက် ရှာဖွေနေသည်။

    မြန်မာစစ်တပ်က ထိုဒေသအား စစ်ဆင်ရေးဇုန်အဖြစ် သတ်မှတ်ကာ ပြင်ပမှ အ၀င်အထွက်များကိုလည်း ကန့်သတ်ထားပြီး နိုင်ငံတကာ လူသားချင်စာနာထောက်ထားမှုဆိုင်ရာ အဖွဲ့များက ထောက်ပံ့မည့် စားနပ်ရိက္ခာများ၊ ဆေးဝါးများကိုလည်း ပို့ဆောင်ခွင့် မပေးချေ။

    ကုလသမဂ္ဂမှ အဖွဲ့များကမူ ထိုဒေသတွင် လိုအပ်နေသည့် လူသားချင်းစာနာထောက်ထားမှုဆိုင်ရာ အကူအညီများကို တိုက်ခိုက်မှုအပြီးနောက်ပိုင်း ပို့ဆောင်ခွင့်မရတော့ဟု ပြောကြားခဲ့သည်။

    လူ့အခွင့်အရေးအဖွဲ့များကလည်း မြန်မာနိုင်ငံအနေဖြင့် လူသားချင်းစာနာထောက်ထားမှုဆိုင်ရာ အကူအညီများကို လိုအပ်သူများထံ ပို့ဆောင်နိုင်ရေး လုပ်ဆောင်ပေးရမည်ဟု ဆိုသည်။

    “နယ်ခြားစောင့်စခန်းတွေ တိုက်ခိုက်သူတွေကို ရှာဖွေဖမ်းဆီးဖို့ မြန်မာအစိုးရမှာ တာဝန်ရှိသလို၊ လူ့အခွင့်ရေး လေးစားမှုကိုပြဖို့၊ အဲဒီဒေသကပြည်သူတွေ သူတို့လိုအပ်နေတဲ့ အကူအညီတွေရအောင် လုပ်ပေးဖို့၊ ဂျာနယ်လစ်တွေ၊ လူ့အခွင့်အရေး စောင့်ကြည့်သူတွေကို ဒေသတွင်း ၀င်ရောက်ခွင့်ပြုဖို့လည်း တာဝန်ရှိပါတယ်” ဟု နယူးယောက်အခြေစိုက် လူ့အခွင့်အရေးစောင့်ကြည့်အဖွဲ့ Human Rights Watch ၏ အာရှဆိုင်ရာဒါရိုက်တာ ဘရဒ် အဒမ်က ယနေ့တွင်ထုတ်ပြန်သော ကြေငြာချက်၌ ပြောကြားခဲ့သည်။

    နိုင်ငံတကာ လူ့အခွင့်အရေးအဖွဲ့ဖြစ်သော Amnesty International ကလည်း အောက်တိုဘာ ၉ ရက်နေ့က ဖြစ်ပွားခဲ့သည့် ထိုတိုက်ခိုက်မှုမှာ နိုင်ငံအတွင်း ယိုင်နဲ့နေသော လူ့အခွင့်အရေးအခြေအနေကို ပိုမိုဆိုးရွားသွားစေသည်ဟု ဆိုသည်။

    “လိုအပ်နေတဲ့သူတွေဆီ အကူအညီရောက်ရှိဖို့ ကုလသမဂ္ဂနဲ့ အခြားသော လူသားချင်းစာနာထောက်ထားမှုဆိုင်ရာ အေဂျင်စီတွေအတွက် အဟန့်အတားဖြစ်စေတဲ့ ကန့်သတ်မှုတွေကို ချက်ခြင်း ဖယ်ရှားပေးရပါမယ်” ဟု အရှေ့တောင်အာရှနှင့် ပစိဖိတ်ရေးရာ ဒါရိုက်တာ ရာဖန်ဒီ ဒီယာမင်က ပြောကြားခဲ့သည်။

    ကုလသမဂ္ဂ၏ ကမ္ဘာ့စားနပ်ရိက္ခာအစီအစဉ် WFP ကမူ မောင်တောမြို့တွင် စားနပ်ရိက္ခာအကူအညီ လိုအပ်နေသူ ၅၀၀၀၀ ရှိနေပြီး ယခုအချိန်အထိ သွားရောက်ပို့ဆောင်ခွင့်မပြုသေးဟု ပြောကြားခဲ့သည်။ သိုသော်လည်း မောင်တောနှင့် ကပ်နေသည့် ဘူးသီးတောင်မြို့ကို လာမည့်တစ်ပတ်အတွင်း အကူအညီများ ပေးပို့နိုင်ရန် မျှော်လင့်သည်ဟု ဆိုသည်။

    “အဲဒီဒေသတွေမှာ ရက်တော်တော်များများ ၀င်ရောက်ခွင့် မရခဲ့ပြီးတဲ့နောက် နောက်တစ်ပတ်မှာ လူပေါင်း ၃၇၀၀၀ အတွက် ပုံမှန်ထောက်ပံ့မှုတွေ ပြန်စနိုင်မယ်လို့ မျှော်လင့်ပါတယ်။ အဲဒီအကူအညီတွေထဲမှာ ထိခိုက်ခံစားရတဲ့ အိမ်ထောင်စုတွေအတွက် ငွေသားထောက်ပံ့တာတွေ၊ ကိုယ်ဝန်ဆောင်တွေနဲ့ ကလေးငယ်တွေအတွက် အဟာရပြည့်ဝတဲ့ ဖြည့်စွက်အစားအသောက် ဝေငှတာတွေ ပါဝင်ပါတယ်” ဟု WFP ဟု ဒေသဆိုင် ပြောရေးဆိုခွင့်ရှိသူ ဆစ်လ်ကီ ဘာရ်က ပြောကြားခဲ့သည်။

    Ref : Channelnewsasia

  • ရခိုင်ပြည်နယ်မှ မွတ်စလင်များ အတွက် ကုလ၏ စားနပ်ရိက္ခာထောက်ပံ့မှု ၀င်ရောက်ခွင့်မရ

    ရခိုင်ပြည်နယ်မှ မွတ်စလင်များ အတွက် ကုလ၏ စားနပ်ရိက္ခာထောက်ပံ့မှု ၀င်ရောက်ခွင့်မရ

    အောက်တိုဘာ ၂၀၊ ၂၀၁၆
    M-Media

    rakhine

    – ရခိုင်ပြည်နယ်မြောက်ပိုင်းအား စစ်တပ်က ထိန်းချုပ်ထားသောကြောင့် ထိုဒေသရှိ လူပေါင်း ၈ သောင်းကျော်အတွက် စားနိပ်ရိက္ခာအကူအညီ ပေးပို့နိုင်ခြင်းမရှိဟု ကုလသမဂ္ဂ၏ ကမ္ဘာ့စားနပ်ရိက္ခာ အစီအစဉ် WFP က ပြောကြားလိုက်သည်။

    လွန်ခဲ့သည့်တစ်ပတ်ကျော်က နယ်ခြားစောင့်စခန်းများကို တိုက်ခိုက်မှုများအပြီးတွင် မွတ်စလင်အများစုနေထိုင်ရာ ရခိုင်ပြည်နယ်မြောက်ပိုင်းကို ပိတ်ထားခဲ့ပြီး အစိုးရတပ်များကိုလည်း တိုးမြှင့်ချထားသည်ဟု ယမန်နေ့တွင် WFP မှ ထုတ်ပြန်သည့် ကြေငြာချက်၌ ဖော်ပြထားသည်။

    ဘင်္ဂလားဒေ့ရ်ှနှင့် ထိစပ်နေသည့် ထိုဒေသအတွင်းမှ လူပေါင်း ၈၀၀၀၀ မှ ၈၅၀၀၀ အကြားကို WFP က စားနပ်ရိက္ခာများ ပုံမှန် ထောက်ပံ့နေသော်လည်း လက်ရှိတွင် အကူအညီပေးပို့ရန် ဟန့်တားခံရကာ စစ်တပ်ကလည်း မည်သည့် ထောက်ပံ့ရေးပစ္စည်းမှ ၀င်ရောက်ခွင့်မပြုပေ။

    “စစ်တပ်က နေရာတိုင်းမှာရှိနေတယ်။ ပြီးတော့ ကာဖျူးလည်း ထုတ်ပြန်ထားပါတယ်။ အဲဒီဒေသတွေကို ၀င်ရောက်ဖို့ မဖြစ်နိုင်ပါဘူး။ အဲဒီဒေသတွေက ကျွန်တော်တို လုပ်ငန်းဆောင်ရွက်တဲ့ ဒေသတွေပါ” ဟု မြန်မာနိုင်ငံမှ WFP ၏ မိတ်ဖက်တာဝန်ရှိသူ အာဆန် ဆာဟက်ယန်က ပြောကြားခဲ့သည်။

    နိုင်ငံပိုင်မီဒီယာကမူ နယ်ခြားစောင့်စခန်းများကို ၀င်ရောက်တိုက်ခဲ့ပြီးနောက်ပိုင်း လုံခြုံရေးတပ်ဖွဲ့များမှာ အနည်းဆုံး လူပေါင်း ၃၀ ကို သုတ်သင်ခဲ့သည်ဟု ဖော်ပြခဲ့သည်။ ဖမ်းဆီးထားသူများမှာလည်း အနည်းဆုံး ၄၀ ရှိနေသည်ဟု အစိုးရ စာရင်းများက ဆိုသည်။

    တက်ကြွလှုပ်ရှားသူများကမူ လုံခြုံရေးတပ်ဖွဲ့ဝင်များမှာ မွတ်စလင်အရပ်သားများအား ပစ်သတ်ခြင်း၊ ၎င်းတို့၏ရွာများအား မီးရှို့ခြင်းများနှင့်အတူ အကြမ်းဖက်ဖြိုခွင်းမှုများ ရှိနေသည်ဟု ထောက်ပြထားသည်။ သို့သော်လည်း စစ်တပ်ကမူ အကြမ်းဖက် တိုက်ခိုက်မှုများကို နှိမ်နင်းခြင်းဖြစ်သည်ဟု ပြောကြားခဲ့သည်။

    Ref: Aljazeera

  • တုိုင်းရင်းသားကလေးငယ်များမှာ အခြားမြန်မာကလေးငယ်များထက် ဖွံ့ဖြိုးတိုးတက်မှု နှေးကွေးနေ

    တုိုင်းရင်းသားကလေးငယ်များမှာ အခြားမြန်မာကလေးငယ်များထက် ဖွံ့ဖြိုးတိုးတက်မှု နှေးကွေးနေ

    M-Media
    ဧပြီ ၃၀ ၊ ၂၀၁၆

    ချင်းတိုင်းရင်းသား ကလေးငယ် ၂ ဦး
    ချင်းတိုင်းရင်းသား ကလေးငယ် ၂ ဦး

    အသက် ၅ နှစ်အောက် တိုင်းရင်းသားကလေးငယ်များမှာ အခြားသော မြန်မာကလေးငယ်များထက် ၃ ဆပို၍ ရုပ်ပိုင်းနှင့် စိတ်ပိုင်းဆိုင်ရာ ဖွံ့ဖြိုးတိုးတက်မှု နှေးကွေးမှုကို ခံစားနေရကြောင်း သိရသည်။

    အာဟာရချို့တဲ့မှုနှင့်ဆိုင်သည့် စစ်တမ်းကောက်ယူမှုတစ်ခုကို အင်ဂျီအိုအဖွဲ့များဖြစ်သည့် Livelihoods နှင့် Food Security Trust Fund (LIFT) တို့ပူးပေါင်းလုပ်ဆောင်ခဲ့ပြီး ထိုစစ်တမ်းအရ ချင်း၊ ကချင်နှင့် ရှမ်းတောင်တို့ရှိ ၀င်ငွေနည်းမိသားစုများမှ ကလေးငယ်များမှာ ဖွံ့ဖြိုးမှု နှေးကွေးခြင်းဒဏ်ကို ခံစားကြရဖို့ ရာနှုန်းတိုးတက်မြင့်မားလျက်ရှိကြောင်း သိရသည်။

    ဖွံ့ဖြိုးတိုးတက်မှုဆိုရာ၌ ခန္ဓာကိုယ်ပိုင်းဖွံ့ဖြိုးခြင်း၊ စိတ်ပိုင်းနှင့် ရုပ်ပိုင်းဆိုင်ရာအင်္ဂါရပ်များဖွံ့ဖြိုးခြင်းများပါ ပါဝင်ကြောင်း စစ်တမ်းက ဆိုသည်။ ထိုစစ်တမ်းကို အိမ်ထောင်စုပေါင်း ၂၄၀၀ ထံမှ ကောက်ခံခဲ့ခြင်းဖြစ်ကြောင်း၊ ရွာပေါင်း ၂၀၀ မှ အိမ်ထောင်စု ၈၀၀ အထိ နှိုင်းယှဉ်သုံးသပ်ခြင်းများ ပြုလုပ်ထားကြောင်း သိရှိရသည်။

    ကာလ၀မ်းနှင့် သောက်သုံးရေသန့် မရရှိနိုင်ခြင်းတို့အကြောင်းနှစ်ခုမှာ တိုင်းရင်းသားကလေးငယ်များ နည်းမှန်လမ်းမှန်ဖွံ့ဖြိုးတိုးတက်ရေးအတွက် ပြဿနာကြီးနှစ်ရပ်ဖြစ်နေပြီး ၊ မိသားစုဝင်ငွေနည်းပါးခြင်းကြောင့်လည်း ကလေးငယ်များမှာ အာဟာရလုံလောက်စွာမရရှိကြောင်း စစ်တမ်းက ဖော်ပြထားသည်။

    အာဟာရလုံလောက်စွာရရှိသည့်နေရာများရှိ မိသားစုများမှာလည်း အာဟာရပြည့်ဝစေဖို့ မည်သို့မည်ပုံ စားသောက်ရမည်ကို မသိကြကြောင်း စစ်တမ်းက ဆိုသည်။

    ကမ္ဘာ့စားနပ်ရိက္ခာအစီအစဉ် (WFP) ကြေညာချက်အရ မြန်မာနိုင်ငံမှာ အရှေ့တောင်အာရှတွင် အာဟာချို့တဲ့မှု တတိယအများဆုံးနိုင်ငံဖြစ်ကြောင်း သိရသည်။

  • “မြန်မာဟာ အရှေ့တောင်အာရှမှာ အာဟာရချို့တဲ့မှု တတိယ အများဆုံးနိုင်ငံဖြစ်နေတယ်”

    “မြန်မာဟာ အရှေ့တောင်အာရှမှာ အာဟာရချို့တဲ့မှု တတိယ အများဆုံးနိုင်ငံဖြစ်နေတယ်”

    IMG_8467

    သင်းလဲ့ဝင်း/Myanmar Now

    ရန်ကုန် (Myanmar Now) — မြန်မာနိုင်ငံရှိ ကုလသမဂ္ဂ ကမ္ဘာ့စားနပ်ရိက္ခာအစီအစဉ်အဖွဲ့ (WFP) သည် ၂ဝ၁၆ ခုနှစ်ကုန်အထိ လိုအပ်ချက်များကို ဖြည့်ဆည်းဆောင်ရွက်ပေးနိုင်ရန် ဒေါ်လာ ၅၁ သန်း လိုအပ်လျက်ရှိသည်။
    ဝန်ထမ်းအင်အား ၂၅ဝ အထိ မြန်မာနိုင်ငံတွင် ခန့်ထားပြီးသော WFP က ၂ဝ၁၅ ခုနှစ် အတွင်း လူဦးရေ ၁ ဒသမ ၂ သန်းကို  စားနပ်ရိက္ခာနှင့်ငွေကြေး ထောက်ပံ့ခဲ့ရာတွင် သဘာဝဘေး အန္တရာယ်နှင့် ပြည်တွင်းစစ်ဒဏ် ကြုံတွေ့ခဲ့ရသည့် ဒုက္ခသည် ငါးသိန်းခန့်အတွက် အရေးပေါ်စားနပ်ရိက္ခာထောက်ပံ့မှုလည်း ပါဝင်သည်။

    Myanmar Now သတင်းဌာနမှ သတင်းထောက်ချုပ်  သင်းလဲ့ဝင်းက WFP ၏ မြန်မာနိုင်ငံဌာနေကိုယ်စားလှယ် Dom Scalpelli ကို   သွားရောက်တွေ့ဆုံပြီး လိုအပ်ငွေကြေးပမာဏကြောင့်  ဖြစ်နိုင်ဖွယ်အကျိုးဆက်၊  မြန်မာနိုင်ငံအနေဖြင့် စားနပ်ရိက္ခာမလုံလောက်မှု ဖြစ်နေရဆဲ အကြောင်းများ၊ ငတ်မွတ်ခေါင်းပါးမှုနှင့် အာဟာရချို့တဲ့မှုပပျောက်ရေးလုပ်ငန်းများ လုပ်ဆောင်ခြင်းဖြင့် တိုင်းပြည်အတွက်အကျိုးဖြစ်ထွန်းမှု စသည်တို့နှင့် ပတ်သက်၍ မေးမြန်းခဲ့သည်။

    မေး –  ရန်ပုံငွေမလုံလောက်မှုအပေါ် ဘယ်လောက်အထိ စိုးရိမ်မိသလဲ။ ဒါဟာ ရေရှည်အခက်အခဲတစ်ခုရဲ့ အစိတ်အပိုင်းတစ်ရပ်လား။

    ဖြေ –  စိတ်မကောင်းစရာတစ်ခုက ကျွန်တော်တို့လုပ်ငန်းဟာ ပုံမှန်အားဖြင့် ရန်ပုံငွေလုံလောက်မှုမရှိပါဘူး။ မီးသတ်ဌာနတစ်ခု မီးသတ်ကားတွေဝယ်ဖို့ ဒါမှမဟုတ် အဲဒီကားတွေကို ဆီထည့်ဖို့ ငွေပုံမှန်လိုနေသလိုပါပဲ။ ဥပမာဆိုရရင် မီးလောင်ပြီဆိုတော့မှ မြို့ထဲကို အပြေးအလွှားသွား၊  ငွေရှာရသလို ဖြစ်နေပါတယ်။

    မြန်မာနိုင်ငံမှာလည်း ရေကြီးပြီဆိုရင်၊  ရှမ်းပြည်နယ်မှာ တိုက်ပွဲတွေကြောင့် လူတွေထွက်ပြေးရပြီဆိုရင် ဖြစ်ပုံက ခုနကလိုပါပဲ။  အရေးပေါ်အခြေအနေတစ်ခုဖြစ်လာပြီဆိုရင် ကျွန်တော်တို့မှာ နောက်ထပ်ရန်ပုံငွေတွေ လိုက်ရှာရပါတော့တယ်။ ဒါဟာ မဖြေရှင်းနိုင်သေးတဲ့အခက်အခဲပါ။ ဒါပေမဲ့ ဒါက လက်ရှိသွားနေတဲ့စနစ်ပါပဲ။

    မေး –   ရန်ပုံငွေမရှိတဲ့အတွက် လူသားချင်း စာနာတဲ့အကူအညီပေးတဲ့လုပ်ငန်းအပေါ် ဘယ်လိုအကျိုးသက်ရောက်နိုင်ပါသလဲ။

    ဖြေ – စစ်ဘေးရှောင်ဒုက္ခသည်တွေကို ကူညီဖို့ ဧပြီလအထိတော့ ရိက္ခာလုံလောက်ပါတယ်။ အဲဒီနောက်ပိုင်းဆိုရင်တော့ အခက်အခဲရှိလာပါပြီ။ ကျွန်တော်တို့က ပုံမှန်အလှူရှင်တွေ၊  နောက်တိုးအလှူရှင်တွေနဲ့ အဆက်မပြတ် ဆွေးနွေးနေတာကြောင့် ဧပြီလမတိုင်မီ နောက်ထပ် လှူဒါန်းထည့်ဝင်တာတွေ ရလာနိုင်မယ်လို့ အရမ်းကိုမျှော်လင့်ထားတာပါ။

    ရန်ပုံငွေ လုံလောက်မှုမရှိတဲ့ အခါမျိုးမှာ ကျွန်တော်တို့က  လူ့အသက်ကယ်တဲ့လုပ်ငန်းတွေကို ဦးစားပေးရပါတယ်။ ဒီလုပ်ငန်းစဉ်အောက်မှာဆိုရင် အာဟာရချို့တဲ့နေတဲ့ ကလေးငယ်တွေ၊ အသက် ၅ နှစ်အောက် ကလေးငယ်တွေ၊  ကိုယ်ဝန်ဆောင်နဲ့ နို့တိုက်မိခင်တွေ၊  ကချင်၊  ရခိုင်နဲ့ ရှမ်းပြည်နယ်တို့က နေရပ်စွန့်ခွာထွက်ပြေးလာရသူတွေ (အထူးသဖြင့် အဲဒီပြည်နယ်တွေက ဒုက္ခသည်စခန်းတွေမှာရှိတဲ့သူတွေ)၊  ရေကြီးမှုနဲ့ မြေပြိုမှု ကြုံတွေ့ခံစားခဲ့ရသူတွေကို အစာအာဟာရ ထောက်ပံ့ပေးပါတယ်။

    ဒုတိယဦးစားပေးအနေနဲ့ကတော့ စားနပ်ရိက္ခာလုံလောက်မှု မရှိတဲ့ ဒေသတွေက စာသင်ကျောင်းတွေမှာ အာဟာရပြည်စုံတဲ့ မုန့်တွေကို မူကြို၊  သူငယ်တန်းကလေးပေါင်း၂၃ဝ,ဝဝဝ ခန့်ကို ကျွေးမွေးတဲ့ နေ့စဉ် ကျောင်းမှာလုပ်တဲ့အစီအစဉ် မျိုးကတော့ မိဘတွေ ကိုယ့်သား၊ သမီးတွေကို ကျောင်းပို့အောင် ဆွဲဆောင်တဲ့အရာဖြစ်ပါတယ်။

    အခြားသော ဒေသဖွံ့ဖြိုးရေးအစီအစဉ်တွေဖြစ်တဲ့ ဆည်၊  ငါးကန်၊  လမ်း၊  တံတားအစရှိတဲ့ လူမှုအခြေခံ အဆောက်အဦတွေ ပြန်လည် ထူထောင်ပေးတာကလည်း ဒီသဘောပါပဲ။ ဒါဟာ အနာဂတ်မှာလာမယ့် ထင်မထားတဲ့ဘေးဒုက္ခတွေကိုကာကွယ်ရာမှာ ဒါမှမဟုတ် လျှော့ချရာမှာနဲ့ ဒုက္ခကြုံရင်လည်း ကြံ့ကြံ့ခံနိုင်စွမ်းရှိအောင် တည်ဆောက်ပေးရာမှာ အထောက် အကူဖြစ်ပါတယ်။

    မေး –  မြန်မာနိုင်ငံဟာ စားနပ်ရိက္ခာ ပိုလျှံကြွယ်ဝတဲ့ နိုင်ငံဖြစ်ပေမယ့် ဒေသအများအပြား အထူးသဖြင့် တိုင်းရင်းသားဒေသတွေမှာ အစားအစာ မလုံလောက်တာကြောင့် လူကြီးလူငယ်တွေမှာ အာဟာရမပြည့်ဝတာကို တွေ့နေရပါတယ်။ ဘာကြောင့် အခုလို ဖြစ်ရတာလဲ။

    ဖြေ –  ကမ္ဘာပေါ်က နိုင်ငံတိုင်းမှာ အာဟာရချို့တဲ့စွာ စားရတဲ့ သူအချို့ကို အနည်းနဲ့ အများဆိုသလို တွေ့ရပါတယ်။  ဒါဟာလည်း အသိပညာ ဗဟုသုတနဲ့ အများကြီး သက်ဆိုင်နေပါတယ်။ အာဟာရရှိတဲ့အစာကို စားသုံးနိုင်တဲ့အနေအထားမှာရှိရင်တောင်မှ လူတွေဟာ မှန်ကန်တဲ့နည်းလမ်းနဲ့ အမြဲစားချင်မှ စားပါလိမ့်မယ်။ စားချင်မှတောင် စားမှာပါ၊ အဲဒါကို ရောင်းပစ်ပြီး ပိုပြီးဈေးသက်သာတာတွေကို  ပြန်ဝယ်စားတာမျိုးလည်း ရှိနိုင်ပါတယ်။

    မြန်မာနိုင်ငံဟာ ဆန်စပါးထုတ်လုပ်မှု ပိုလျှံတယ်ဆိုတာ မှန်ပါတယ်။  မြန်မာတွေ အတွက်ကတော့ ဆန်ရှိခြင်းဟာ စားနပ်ရိက္ခာရှိခြင်းပါပဲ။ ဒါပေမယ့် ဒီမှာ စားသုံးနေတဲ့ပုံစံအရတော့ ဆန်ကိုစားရုံသက်သက်မျှနဲ့ အာဟာရရှိသွားတာတော့ မဟုတ်ပါဘူး။
    ဆန်ညိုကို စားတဲ့သူ တော်တော် နည်းပါတယ်။ ဆန်တွေကို ဖြူနိုင်သမျှဖြူအောင် ဖွတ်ထားတဲ့ ဆန်တွေကို စားကြတော့ အဲဒီဆန်မှာပါတဲ့ အာဟာရတွေ အများကြီး ဆုံးရှုံးကုန်ပါတယ်။

    ချင်းပြည်နယ်မှာလည်း မြို့တစ်မြို့ကနေ နောက်တစ်မြို့ကို သွားမယ်ဆိုရင် ကားကောင်းမယ်ဆိုရင်တောင်မှ သုံးနာရီလောက်ကြာပါတယ်။ ဒီတော့ အစားအစာတွေကို ဝယ်လို့ရတယ်ဆိုပေမယ့် ဈေးကြီးတယ်။ အဲဒီဒေသမှာ ရေကြီးတုန်းက ကြုံခဲ့ရဖူးတယ်၊ ဆန်တစ်အိတ်ကို အရင်က အခြားနေရာတွေထက်ဈေးကြီးပြီး ကျပ် သုံးသောင်းကျော်လောက် ရှိရာကနေ ကျပ်တစ်သိန်းကျော် ဖြစ်သွားတယ်။ သွားရေးလာရေး ခက်ခဲတာကလည်း ပြဿနာတစ်ခုပါ။

    မြေနဲ့ အခြား ရင်းမြစ်တွေ အသုံးပြုနိုင်မှုနည်းပါးတာ သို့မဟုတ် မျှမျှတတမဖြစ်တာ၊  စိုက်ပျိုးရေးရေခံမြေခံ မကောင်းမွန်တာ၊ တစ်ခုခုဖြစ်ရင် နာလန်ထူနှေးတာတွေကြောင့် မြေယာမဲ့တွေ၊  လက်လုပ်လက်စားတွေနဲ့ တိုင်းရင်းသားတွေလိုမျိုး အစကတည်းက တစ်ပန်းရှုံးပြီးသား သူတွေအတွက် အစားအစာ မလုံလောက်မှုဟာ ကြုံနေကျပြဿနာတစ်ရပ်ပါ။ လယ်သမားအများစုမှာ စိုက်ပျိုးနိုင်တဲ့မြေ နည်းနည်းပဲ ရှိပါတယ်။ ဒီအခြေအနေကြောင့် သူတို့အနေနဲ့ မိသားစုအတွက်လိုအပ်မယ့် အစားအစာ၊  ဟင်းသီးဟင်းရွက်တွေကို တစ်နှစ်ပတ်လုံး စိုက်ပျိုးလို့ မရပါဘူး။ စိုက်ပျိုးရေးလုပ်ငန်းကလည်း ရှိသင့်သလောက် မကောင်းမွန်ပါဘူး။  အပူပိုင်းဒေသတွေမှာဆိုရင် မြေကြီးတွေက သဲဆန်ပြီး မိုးရွာသွန်းမှုက နည်းပါတယ်။ တောင်တန်းဒေသတွေမှာကျတော့ စိုက်ပျိုးရေးလုပ်နိုင်တဲ့မြေက အနည်းအကျဉ်းပဲရှိပြီး  စိုက်ပျိုးရေးလုပ်ငန်း ကာလ တစ်ခုတစ်ခုကလည်း အင်မတန် တိုတာကြောင့် မြေဆီသြဇာ အသစ်ပြန်ဖြစ်ဖို့ မလွယ်ဘူး။

    တိုင်းရင်းသား ဒေသတွေမှာ လွတ်လွတ်လပ်လပ်/သို့မဟုတ် စိတ်ချလက်ချ သွားလာနိုင်ခြင်းမရှိတာကြောင့် မြေယာနဲ့ အသက်မွေးလုပ်နိုင်မယ့် အခြေအနေကောင်းတွေ ပိုပြီးလိုအပ်ပါတယ်။

    မေး –  မြန်မာနိုင်ငံမှာ စားနပ်ရိက္ခာရှားပါးမှု အများဆုံးဖြစ်နေတာ ဘယ်နေရာတွေလဲ၊  ဘာကြောင့် ဖြစ်ရတာလဲ။

    ဖြေ – အဓိကဖြစ်နေတဲ့နေရာတွေကတော့ နယ်စပ်ဒေသတွေ၊  အပူပိုင်းဒေသတွေဖြစ်ပါတယ်။ ချင်းပြည်နယ်ဟာ ဝေးလံခေါင်ဖျားပြီး သီးခြားလိုဖြစ်နေတဲ့အပြင် အလုပ်အကိုင်အခွင့်အလမ်းမရှိသလို စိုက်ပျိးမြေလည်း နည်းပါးပါတယ်။ ရခိုင်ပြည်နယ်မှာ ဆိုရင်တော့ လွတ်လွတ်လပ်လပ် သွားလာလို့မရတာ၊  အလုပ်အကိုင်အခွင့်အလမ်းမရှိတာနဲ့ မြေယာရှားပါးမှုတို့ ဖြစ်နေပါတယ်။ အပူပိုင်း ဒေသမှာတော့ မြေဆီသြဇာညံ့ဖျင်းမှုနဲ့ စိုက်ပျိုးရေးနည်းပညာ လိုအပ်ချက်တွေရှိနေပါတယ်။

    မေး –  မြန်မာနိုင်ငံမှာ အာဟာရမပြည့်ဝမှုဟာ ဘယ်လောက်ထိ ဆိုးနေသလဲ။

    ဖြေ –  အရှေ့တီမောနဲ့ ကမ္ဘောဒီးယားနိုင်ငံတို့ပြီးရင် မြန်မာဟာ အရှေ့တောင်အာရှမှာ အာဟာရချို့တဲ့မှု တတိယအများဆုံးနိုင်ငံဖြစ်နေတယ်။ အမှန်ဆို ဒီလိုဖြစ်ရမှာ မဟုတ်ဘူး။ မြန်မာနိုင်ငံဟာ သဘာဝရင်းမြစ်တွေ ပေါကြွယ်ဝတယ်၊  ဒီရင်းမြစ်တွေကို ပညာရေး၊  လူနေမှုဘဝတွေအတွက် အသုံးချနိုင်ဖို့နဲ့ အာဟာရပိုမိုပြည့်ပြည့်ဝဝရှိအောင် စားတတ်ဖို့ လိုပါတယ်။ တစ်ခါတစ်ရံမှာတော့ ပိုကောင်းမွန်တဲ့အာဟာရစားသုံးမှု မြှင့်တင်အောင် ရှိရင်းစွဲယဉ်ကျေးမှုဓလေ့တွေကိုလည်း ပြောင်းလဲရပါလိမ့်မယ်။

    အစားအစာလိုအပ်ချက်အများဆုံးနေရာကတော့ ဘင်္ဂလားဒေ့ရ်ှနိုင်ငံနဲ့ နယ်နမိတ်ချင်းထိစပ်နေတဲ့ ရခိုင်ပြည်နယ် မြောက်ပိုင်းဖြစ်ပါတယ်။ အသက် ၅ နှစ်အောက် ကလေး ၃၄ ရာခိုင်နှုန်းဟာ အာဟာရချို့တဲ့တာကြောင့် အရေအတွက်နဲ့ဆိုရင် ကလေးသုံးယောက်မှာ တစ်ယောက်က   အရင် တော်တော်လေး ပုပါတယ်။ ဘင်္ဂလားဒေ့ရ်ှနဲ့ ကပ်နေတဲ့ နေရာမှာဆိုရင် အာဟာရချို့တဲ့ဒဏ်ကြုံတွေနေရသူ ၅ဝ ရာခိုင်နှုန်းအထိ ရှိပါတယ်။ (အယ်ဒီတာ့မှတ်ချက် – ရခိုင်ပြည်နယ် မောင်တောနှင့် ဘူးသီးတောင်မြို့တို့တွင် ရိုဟင်ဂျာ/ဘင်္ဂါလီ မွတ်စလင် တစ်သန်းခန့်နေထိုင်သည်)

    ဒုတိယကမ္ဘာစစ်ပြီးချိန်အထိ ဂျပန်မှာ အရပ်ပုတဲ့သူတော်တော်များသေးတယ်။ အခု တိုကျိုကို သွားကြည့်လိုက်ပါ၊ အများစုက အရပ်အမောင်းကောင်းနေကြပြီ၊ မျိုးဆက်တစ်ခုလောက်ပဲ ကြာခဲ့ပါတယ်၊ လုပ်ယူလို့ရတဲ့ အရာတစ်ခုပါ။ အာဟာရပြည့်ဝမှုဆိုတာ အစားအစာတစ်ခုတည်းနဲ့တင် မလုံလောက်ပါဘူး။ ကျန်းမာရေးကောင်းမွန်ရေး၊  သန့်ရှင်းရေးတို့နဲ့လည်း ဆိုင်ပါတယ်။ ဥပမာအားဖြင့် တောင်အာရှမှာဆိုရင် သန့်ရှင်းရေးညံ့ဖျင်းလို့ အာဟာရချို့တဲ့မှု ဖြစ်စေပါတယ်။ မွေးကင်းစကလေး တစ်ဦးအတွက် ပထမဆုံးရက်  ၁,ဝဝဝ မှာ မိခင်နို့သက်သက် တိုက်ကျွေးခြင်းနဲ့ ခြောက်လပြည့်ပြီးနောက်မှာ ဖြည့်စွက်စာပါ ထည့်ကျွေးဖို့ တိုက်တွန်းနှိုးဆော်တဲ့ကိစ္စကို နေရာတိုင်းမှာ လုပ်လို့ မရနိုင်ပြန်ပါဘူး။ အကြောင်းကတော့ ယဉ်ကျေးမှုတွေက အမျိုးမျိုးဖြစ်နေလို့ပါ။

    မေး – အာဟာရချို့တဲ့မှုဟာ ဘဝတစ်လျှောက်လုံးအထိ သက်ရောက်နိုင်တယ်လို့ သိရပါတယ်။ ဟုတ်ပါသလား။

    ဖြေ – ဟုတ်ပါတယ်။ ဥပမာ မြန်မာနိုင်ငံရဲ့ အစားအစာလုံလောက်မှုမရှိတဲ့ နေရာဒေသတစ်ခု အာဟာရမပြည့်ဝတဲ့ မိန်းကလေးတစ်ယောက်ဟာ ငယ်ငယ်ရွယ်ရွယ်နဲ့ ကလေးမွေးမယ်ဆိုရင် အဲဒီမွေးလာတဲ့ ကလေးဟာ စိတ်ပိုင်းဖြစ်ဖြစ် ရုပ်ပိုင်းဖြစ်ဖြစ် တစ်စုံတစ်ရာ ယုတ်လျော့ ချို့တဲ့မှု ရှိနိုင်ပါတယ်။

    မွေးကင်းစ ကလေးဟာ ပထမဆုံး ရက် ၁,ဝဝဝ မှာ အာဟာရ လုံလုံလောက်လောက် မရရှိဘူးဆိုရင် ဦးနှောက်ဟာ ပုံမှန်မဖွံ့ဖြိုးနိုင်ပါဘူး။  ရှိသမျှလူတွေအားလုံး ဒီလိုမျိုးဖြစ်နေရင်လို့ တွေးကြည့်လိုက်လေ။ နိုင်ငံတစ်နိုင်ငံမှာ ကလေးငယ်တွေအာဟာရချို့တဲ့မှုတစ်ခုတည်းကြောင့်ပဲ အဲဒီနိုင်ငံရဲ့ စီးပွားရေးကဏ္ဍဆုံးရှုံးမှုဟာ ဂျီဒီပီရဲ့ ပျမ်းမျှ ၁၁ ရာခိုင်နှုန်းလောက် အထိ ရှိနိုင်တာကို လေ့လာ တွေ့ရှိထားပါတယ်။ ဒီလိုအဖြစ်မျိုးကို ရပ်တန့်ပစ်နိုင်တယ်။ အမျိုးသမီးတစ်ဦး ကိုယ်ဝန်ဆောင်နေရပြီဆိုရင် အာဟာရပြည့်ဝတဲ့ အစားအစာတွေကို လုံလုံလောက်စားပြီး သန့်ရှင်းတဲ့ရေကိုသောက်ဖို့ လိုပါတယ်။ မွေးဖွားပြီးတဲ့ အချိန်မှာလည်း မိခင်နို့တစ်မျိုးတည်းကိုသာ တိုက်ကျွေးမယ်၊  အဲဒီနောက်မှာလည်း အာဟာရရှိတဲ့အစာကိုသာကျွေးမယ်ဆိုရင် ကလေးငယ်အနေနဲ့ အသက်နှစ်နှစ်လောက်အထိ ကျန်းမာစွာနဲ့ကြီးထွားလာနိုင်ပါတယ်။

    ဒါတင်မပြီးသေးပါဘူး။ ကလေးဟာ အရွယ်ရောက်ရင် ကျောင်းသွားရမှာမို့လို့ အာဟာရရဲ့ အရေးပါပုံကို သူတို့နားလည်ပါတယ်။ မိန်းကလေးတစ်ယောက်ဟာ ပညာသင်နေတဲ့အချိန်ပိုကြာလေ ကလေးမွေးတာလည်း ပိုပြီးနောက်ကျလေပါပဲ။ အသက်ငယ်ငယ်နဲ့ ကလေးမမွေးတော့ရင် မွေးလာတဲ့ကလေးက ပိုကျန်းမာဖို့ပဲရှိပါတယ်။ ဒါ့ပြင် သူကိုယ်တိုင်ကလည်း သားဆက်ခြားဖို့ အလားအလာပိုများပါတယ်။

    မေး –  ဒီပြဿနာကို ဘယ်လိုဖြေရှင်းနိုင်မလဲ။ အစိုးရအနေနဲ့ရော ဘာတွေလုပ်သင့်သလဲ။

    ဖြေ – အားဖြည့်ဆန် ထုတ်လုပ်ဖို့ ကျွန်တော်တို့က မြန်မာအစိုးရ၊  အခြားအဖွဲ့အစည်းတွေနဲ့ စတင်လုပ်ဆောင်နေပါတယ်။ ဒါကို ကြိုးစားလုပ်ဆောင်ပြီး ဈေးကွက်ထဲမှာ ရောင်းချနိုင်မယ်၊ ကျွန်တော်တို့ရဲ့ အာဟာရဖြည့်ဆည်းရေး အစီအစဉ်တွေအတွက် ဝယ်ယူသွားမှာပါ။  ကမ္ဘာပေါ်မှာ မြန်မာနိုင်ငံက လူတွေဟာ တစ်ဦးချင်း ဆန်စားသုံးမှု အများဆုံးနိုင်ငံဖြစ်ပါတယ်။ လူတစ်ဦး ဆန်စားသုံးမှုဟာ တစ်နှစ်ကို ကီလိုဂရမ် ၂ဝဝ ကျော်ပါတယ်။ တကယ်လို့ ဒီပမာဏအတိုင်း အာဟာရဖြည့် အစားအစာတစ်မျိုးမျိုးကို စားသုံးနိုင်မယ်ဆိုရင် အာဟာရချို့တဲ့မှုပြဿနာကို အကောင်းဆုံးမဟုတ်တောင်မှ ရေရှည်ဖြေရှင်းဆောင်ရွက်သွားနိုင်မှာပါ။

    အာဟာရဖြည့်ဆန်တွေ လောလောဆယ်ပို့မပေးနိုင်သေးတဲ့ နေရာတွေအတွက် အဲဒီဒေသက လူတွေအနေနဲ့ အာဟာရပြည့်ဝတဲ့ အစားအစာတွေ ရနိုင်ရေး၊  အမျိုးအစား စုံလင်အောင်  စိုက်ပျိုးနိုင်ရေး၊   ဈေးကွက်ပေါက်ရောက်မှုရရှိနိုင်ရေးတွေကို လုပ်ဆောင်သွားဖို့ လိုပါတယ်။ မြန်မာလို နိုင်ငံမျိုးအနေနဲ့ အာဟာရချို့တဲ့မှု ပြဿနာကို ဖြေရှင်းဖို့ဆိုရင် ဒီကိစ္စကို ဦးစားပေးသတ်မှတ်ဖို့ပါပဲ။

    မြန်မာပြည်ရဲ့ နိုင်ငံရေး၊  ပညာရေး၊  အနုပညာ၊  အားကစားစတဲ့ နယ်ပယ်အသီးသီးမှာ ဒီကိစ္စကို ဦးဆောင်ဦးရွက်ပြုမယ့်လူတွေ လိုအပ်နေပါတယ်။ မြန်မာနိုင်ငံမှာ ကျွမ်းကျင်တဲ့ အာဟာရပညာရှင် မပေါ်ထွန်းသေးပါဘူး။ လုပ်ချင်စိတ်နဲ့ တကယ် အကောင်အထည်ဖော် လုပ်ဆောင်ဖို့ပဲ လိုပါတယ်။

    လုံးဝငတ်မွတ်မှုပပျောက်ရေးအစီအစဉ်ကို မြန်မာအစိုးရက ၂ဝ၁၄ ခုနှစ်နှောင်းပိုင်းမှာ ချမှတ်ခဲ့ပါတယ်။ ဒါဟာ ပထမအဆင့်ပါ။ တစ်ကမ္ဘာလုံးမှာ ဆောင်ရွက်မယ့်ရှေ့ဆောင်အစီအစဉ်လည်း ဖြစ်ပါတယ်။ ၂ဝ၂၅ ခုနှစ် နောက်ဆုံးထားပြီး မြန်မာနိုင်ငံမှာ လူကောင်သေးကွေးညှက်တဲ့ကလေးငယ်တွေ လုံးဝမရှိတော့အောင် တိကျတဲ့တာဝန်တွေပေးထားတဲ့ အာဟာရပြည့်ဝရေးနဲ့ စားနပ်ရိက္ခာ လုံခြုံရေးဆိုင်ရာလုပ်ငန်းစဉ်မူကြမ်းတစ်ခု ချမှတ်ထားပါတယ်။      ။

    Myanmar Now မှ ကူးယူဖော်ပြပါသည်။

  • WFP ရံပုံငွေပြဿနာ  မြန်မာ ဒုက္ခသည်တွေ ထိခိုက်

    WFP ရံပုံငွေပြဿနာ မြန်မာ ဒုက္ခသည်တွေ ထိခိုက်

    image (2)
    မြန်မာနိုင်ငံတွင်းက ပြည်တွင်းပဋိပက္ခတွေကြောင့် နေရပ်စွန့် ထွက်ပြေးခဲ့ကြရသူ ဒုက္ခသည်နှစ်သိန်းကျော်အတွက် ဆန်ပေးဝေမှု ငါးပုံတစ်ပုံ လျော့ချရတော့မယ်လို့ ကုလသမဂ္ဂ ကမ္ဘာ့ စားနပ်ရက္ခာ အစီအစဉ် WFP က မနေ့က ပြောပါတယ်။

    ရံပုံငွေ မလုံလောက်တဲ့အတွက် နိုဝင်ဘာလ ကစပြီး၊ ဆန် ပေးဝေတဲ့ ပမာဏကို ၂ဝ ရာခိုင်နှုန်း ဖြတ်တောက်ရတော့မှာဖြစ်တယ်လို့ သိရပါတယ်။

    လက်ရှိ ပေးဝေနေတဲ့ နှုန်းအတိုင်း လာမယ့်နှစ် နွေရာသီအထိ ပေးနိုင်ဖို့ အမေရိကန်ဒေါ်လာ ၂၉ သန်း လိုအပ်နေကြောင်း၊ ဒါဟာ WFP အနေနဲ့ ပထမဆုံးတွေ့ကြုံရတဲ့ ရံပုံငွေ ပြတ်လပ်မှုဖြစ်ကြောင်း၊ လိုအပ်တဲ့ ရံပုံငွေကို မကြာခင် ပြန်လည်ဖြည့်တင်းနိုင်မယ်လို့ မျှော်လင့်ကြောင်း WFP ရဲ့ အာရှတိုက်ဆိုင်ရာ ဒေသဆက်သွယ်ရေး အရာရှိက ပြောပါတယ်။

    နိုင်ငံတကာ အလှူရှင်တွေအနေနဲ့ လက်ရှိတခြား ကမ္ဘာ့အရေးပေါ်နေရာဒေသတွေကိုပါ ခွဲဝေထောက်ပံ့ ပေးနေရတာကြောင့် အခုလို မြန်မာနိုင်ငံ အတွက် ရံပုံငွေ မလောက်မင ဖြစ်သွားရတယ် လို့လည်း ပြောပါတယ်။

    မြန်မာနိုင်ငံတွင်း ဒုက္ခသည်တွေထဲမှာ အဓိကအနေနဲ့ ရခိုင်ပြည်နယ် ဘာသာ လူမျိုး ပဋိပက္ခတွေကြောင့် ပေါ်ပေါက်လာခဲ့တဲ့ ဒုက္ခသည်ပေါင်း တစ်သိန်း လေးသောင်းနဲ့၊ ကချင်ပြည်နယ် စစ်ရေးပဋိပက္ခတွေကြောင့် ထွက်ပြေးခဲ့ကြတဲ့ ပေါ်ပေါက်လာခဲ့တဲ့ ဒုက္ခသည်ပေါင်း ၇ သောင်း ရှိနေကြပါတယ်။

    ဓါတ်ပုံအညွှန်း- ဆဒုံးမြို့နယ်ခွဲ နယ်စပ်မှတ်တိုင် ၆ နှင့် ၈ ဒုက္ခသည်စခန်း၊ မိုးမောက်မြို့နယ် မိုင်ဂျာယန်အနီး ဆိုင်မိုင်ပါနဲ့ အင်ဘာပါ ဒုက္ခသည် စခန်းများ၌ UNOCHA, UNHCR, WFP တို့က အကူအညီပေးနေစဉ်။ photo courtesy of Kachinnet.net
    RFA (မြန်မာပိုင်း) မှ ကူးယူဖော်ပြသည်။

    http://www.rfa.org/burmese/news/wfp-myanmar-refugee-wound-10302014225653.html