အောက်တိုဘာ ၆၊ ၂၀၂၀
M-Media
-သန်းပေါင်း ၇၈၀၀ လောက်ရှိတဲ့ ကမ္ဘာ့လူဦးရေရဲ့ ၁၀ ရာခိုင်နှုန်းဟာ Covid-19 ရောဂါ ကူးစက်ခံထားရနိုင်တယ်လို့ လေ့လာမှုမှာ တွေ့ရှိခဲ့ကြောင်း ကမ္ဘာ့ကျန်းမာရေးအဖွဲ့ WHO က မနေ့မှာ ပြောကြားလိုက်ပါတယ်။
လက်ရှိ မှတ်တမ်းတွေအရ ကမ္ဘာတစ်၀ှမ်း လူပေါင်း ၃၅.၂ သန်း ရောဂါကူးစက်ခံခဲ့ရပြီး သေဆုံးသူကတော့ ၁ သန်းကျော် ရှိလာပါတယ်။
WHO ရဲ့ မနေ့ကအစည်းအဝေးမှာ အဖွဲ့ရဲ့ အရေးပေါ် ဆိုင်ရာ အကြီးအကဲ မိုက် ရိုင်ယန်က ဥရောပ၊ အရှေ့တောင်အာရှ၊ အာဖရိကနဲ့ ပစိဖိတ်အနောက်ခြမ်းတို့မှာ ကူးစက်မှု၊ သေဆုံးမှု များလာတာတွေကို ထောက်ပြခဲ့ပြီး ကိုဗစ်ဟာ ကမ္ဘာ့လူသားထုအတွက် အန္တရာယ်ရှိနေတုန်းပဲလို့ သတိပေးခဲ့ပါတယ်။
“ကျွန်တော်တို့ရဲ့ လက်ရှိ တွက်ချက်မှုအရဆိုရင် ကမ္ဘာ့လူဦးရေရဲ့ ၁၀ ရာခိုင်နှုန်းလောက် ဒီဗိုင်းရပ်စ်ကူးထားတယ်ဆိုတာ တွေ့ခဲ့ရပါတယ်”
ကူးစက်မှုဟာ ထပ်မံမြင့်တက်လာဖို့ရှိနေပေမယ့် ကမ္ဘာကြီးမှာ ဒီကူးစက်မှုကို နှိမ်နှင်းမယ့် နည်လမ်းတွေရှိနေကြောင်း၊ အားလုံးပူးပေါင်းပြီး ဒီနည်းလမ်းတွေကို ဘယ်လို မြှင့်တင်အသုံးပြုနိုင်မလဲဆိုတာနဲ့ တစ်ခြားသူတွေကို ဘယ်လိုမျှ၀ေရမလဲဆိုတဲ့အပေါ်မှာ မူတည်ကြောင်း ရိုင်ယန်က ထည့်သွင်းပြောဆိုခဲ့ပါတယ်။
မနေ့က WHO အစည်းအဝေးမှာ ကိုဗစ်နဲ့ပတ်သက်တဲ့ အချက်အလက်တွေ မျှ၀ေခြင်းမပြုတဲ့ တရုတ်ရဲ့လုပ်ရပ်ကို အမေရိကန်က ၀ေဖန်ခဲ့ပြီး တရုတ်ကတော့ မိမိတို့ဟာ ကမ္ဘာကြီးနဲ့ ပွင့်လင်းမြင်သာမှုရှိစွာ ပူးပေါင်းဆောင်ရွက်ခဲ့တယ်လို့ ပြောကြားခဲ့ပါတယ်။
Ref : Aljazeera
