News @ M-Media

Tag: World_Masjid

  • မက်ဆာချူးဆက်ပြည်နယ် နယူးအင်္ဂလန် ဗလီဝတ်ကျောင်းတော် နှစ် ၅၀ ပြည့် ရွှေရတု အခမ်းအနား ကျင်းပ

    မက်ဆာချူးဆက်ပြည်နယ် နယူးအင်္ဂလန် ဗလီဝတ်ကျောင်းတော် နှစ် ၅၀ ပြည့် ရွှေရတု အခမ်းအနား ကျင်းပ

    နိုဝင်ဘာ ၂၅ ၊ ၂၀၁၄
    M-Media
    22-11-14_New-England-Mosque-Marks-50-Years
    – လျင်မြန်စွာ ကြီးထွားလာသော အမေရိကန် မွတ်စလင် လူ့အဖွဲ့အစည်းအား နှစ်ပေါင်း ၅၀ ကြာ ဦးဆောင်မှုပေးနိုင်ခဲ့သည့် အထိမ်းအမှတ်အဖြစ် အမေရိကန် ပြည်ထောင်စု မက်ဆာချူးဆက်ပြည်နယ် နယူးအင်္ဂလန်မှ ဗလီဝတ်ကျောင်းတော်က အခမ်းအနား တစ်ခု ပြုလုပ်ခဲ့သည်ဟု သိရသည်။

    “အစ္စလာမ်ဆိုတာ ပစ်ခတ်၊ လူသတ်၊ ရန်ဖြစ်တဲ့ သာသနာမဟုတ်ပါဘူး။ အစ္စလာမ်ဆိုတာ ISIS နဲ့ အလ်ကိုင်းဒါးတို့လို အတွေးအခေါ်အယူအဆမျိုး မဟုတ်ဘူးဆိုတာကို နောက်မျိုးဆက်ကို ကျွန်တော်တို့ သင်ပေးချင်ပါတယ်။ အစ္စလာမ်ဆိုတာ ငြိမ်းချမ်းရေး သာသနာပါ” ဟု နယူးအင်္ဂလန် ဗလီဝတ်ကျောင်းတော် ဂေါပကအဖွဲ့မှ ဒုတိယဥက္ကဌ အဟ်မဒ် ဘရီကာက ပြောကြားခဲ့သည်။

    အစ္စလာမ်သာသနာ၏ အမည်အား ခုတုံးလုပ်၍ ရာဇ၀တ်မှုများကို ကျူးလွန်နေသည့် စစ်သွေးကြွများနှင့် ပတ်သက်၍ ဘရီကာ၏ အဆိုပါ မှတ်ချက်မှာ နယူးအင်္ဂလန် မွတ်စလင်လူ့အဖွဲ့အစည်းတွင် နှစ်ပေါင်း ၅၀ ကြာ အဓိကအခန်းကဏ္ဍမှ ပါဝင်ခဲ့သည့် နယူးအင်္ဂလန် ဗလီဝတ်ကျောင်းတော်၏ အရေးပါမှုကို ထုတ်ဖော်ပြောဆိုခဲ့သော မိန့်ခွန်း၌ ထည့်သွင်း ပြောကြားခဲ့ခြင်းဖြစ်သည်။

    အဆိုပါ ဗလီဝတ်ကျောင်းတော်ကို ၁၉၆၄ ခုနှစ်က တည်ဆောက်ခဲ့ခြင်းဖြစ်ပြီး ထိုစဉ်က ထိုမြို့တွင် မွတ်စလင်မိသားစု ၇ စုသာ ရှိခဲ့သည်။ သို့သော်လည်း ယခုတွင် South Shore နှင့် Greater Boston ဒေသတစ်ဝှမ်းအပါအ၀င် အဆိုပါ ဗလီဝတ်ကျောင်တော် အဖွဲ့ဝင် မိသားစုမှာ ၁၀၀၀ ကျော် ရှိလာခဲ့ပြီဖြစ်သည်။

    ထို့ပြင် အဆိုပါ ဗလီဝတ်ကျောင်းတော်မှ ကမကထပြုကာ စာသင်ကျောင်းများ ပါဝင်သည့် ဗလီဝတ်ကျောင်းတော် ၂ လုံးကိုလည်း ထပ်မံ တည်ဆောက်ပေးနိုင်ခဲ့သည်။

    “မွတ်စလင်လူ့အဖွဲ့အစည်းက သိသိသာသာကို တိုးတက်လာပါတယ်။ သူတို့အတွက် အဆင်ပြေအောင် ကျွန်တော်တို့ ကြိုးစားနေပါတယ်” ဟု ဘရီကာက ထပ်လောင်း ပြောကြားခဲ့သည်။

    တရားဝင်စစ်တမ်းကောက်ယူမှုများ မရှိသော်လည်း အမေရိကန်ပြည်ထောင်စုတွင် အစ္စလာမ်ဘာသာဝင် ၆ သန်းမှ ၈ သန်းရှိသည်ဟု ခန့်မှန်းကြသည်။

    OnIslam

  • ကမ္ဘာ့ သတ္တမမြောက် အကြီးဆုံး ဗလီဝတ်ကျောင်းတော် တစ်ခု ပါကစ္စတန်တွင် ဖွင့်လှစ်

    ကမ္ဘာ့ သတ္တမမြောက် အကြီးဆုံး ဗလီဝတ်ကျောင်းတော် တစ်ခု ပါကစ္စတန်တွင် ဖွင့်လှစ်

    အောက်တိုဘာ ၁၃ ၊ ၂၀၁၄၊
    M-Media
    10-10-14_Pakistan-Opens-Worlds-7th-Largest-Mosque
    – ကမ္ဘာ့သတ္တမမြောက် အကြီးဆုံး ဗလီဝတ်ကျောင်းတော်အား ပါကစ္စတန်နိုင်ငံတွင် အောက်တိုဘာ ၅ ရက်နေ့တွင် ဖွင့်လှစ်ခဲ့ပြီး ဖွင့်ပွဲအခမ်းအနားသို့ ထောင်းပေါင်း များစွာသော ၀တ်ပြုသူများ တက်ရောက်ခဲ့ကြသည်ဟု သိရသည်။

    Bahria Town Grand Jamia Masjid ဟု အမည်ပေးထားသည့် အဆိုပါ ဗလီဝတ်ကျောင်းတော်အား လာဟိုးရှိ ဘဟ်ရီယာမြို့တွင် ဆောက်လုပ်ထားကာ ပါကစ္စတန်သမ္မတဟောင်း အာဆစ်ဖ် အလီဇာဒါရီက တက်ရောက်ဖွင့်လှစ်ပေးခဲ့ခြင်း ဖြစ်သည်။

    “ဒီဗလီဝတ်ကျောင်းတော်ဟာ မွတ်စလင်ကမ္ဘာတစ်ဝှမ်းမှာ ပါကစ္စတန်ရဲ့ အမှတ်သညာတစ်ခုဖြစ်လာမှာပါ” ဟု ဗလီဝတ်ကျောင်းတော်တည်ရှိရာ ဘဟ်ရီယာမြို့ မြို့တော်ဝန် မာလစ်ရီအာ့ဇ် က Express Tribune သတင်းဌာနသို့ အောက်တိုဘာ ၉ ရက်နေ့တွင် ပြောကြားခဲ့သည်။

    အဆိုပါဗလီဝတ်ကျောင်းတော်၏ အဓိက၀တ်ပြုဆောင်တွင် ၀တ်ပြုသူပေါင်း ၂၅၀၀၀ခန့် ၀တ်ပြုနိုင်ပြီး ဗလီဝတ်ကျောင်းတော် ပရုဏ်အတွင်း တစ်ချိန်တည်း လူပေါင်း ၇၀၀၀၀ ၀တ်ပြုနိုင်သည်။

    ဗလီဝတ်ကျောင်းတော်၏ အမှတ်အသားဖြစ်သည့် အမိုးခုံး ၂၁ ခု ပါဝင်ပြီး၊ ၁၆၅ ပေမြင့်သည့် မင်နာရတ် ၄ ခုပါဝင်သော အဆိုပါ ဗလီဝတ်ကျောင်းတော်မှာ ကမ္ဘာ့ သတ္တမမြောက်အကြီးဆုံး ဗလီဝတ်ကျောင်းတော် ဖြစ်လာမည်ဖြစ်ပြီး ပါကစ္စတန်၏ အကြီးဆုံး ဗလီဝတ်ကျောင်းတော်လည်း ဖြစ်သည်။

    ဗလီဝတ်ကျောင်းတော်၏ အခင်းအား သလင်းကျောက်ဖြင့် ပြုလုပ်ထားပြီး၊ မျက်နှာကျက်တွင် အထူးပြုလုပ်ထားသော မီးဆိုင်းများဖြင့် အလှဆင်ထားသည်။ အဓိက ၀တ်ပြုဆောင်တွင်လည်း မှန်စီရွှေချ မျက်နှာကျက်များကို တပ်ဆင်ထားသည်။

    အဆိုပါ ဗလီ၏ ဒုတိယထပ်မှာ အမျိုးသမီးများအတွက် ၀တ်ပြုဆောင်ဖြစ်ပြီး မဂိုရိုးရာ ဗိသုကာ လက်ရာများဖြင့် တည်ဆောက်ထားသည်။

    အစ္စလာမ်အနုပညာလက်ရာများကို ပြသရန်ပြခန်းနှင့် အစ္စလာမ်ဓမ္မသင်တန်းများသင်ကြားပို့ချပေးနိုင်မည့် အခန်းများကို ဗလီဝတ်ကျောင်းတော်၏ မြေအောက်ပိုင်းတွင် ဆောက်လုပ်လျက်ရှိနေပြီး လာမည့် လအနည်းငယ်အတွင်း ဖွင့်လှစ်နိုင်မည်ဖြစ်သည်။

    မြို့အတွင်း သေးငယ်သော ဗလီဝတ်ကျောင်းတော်များတွင် ၀တ်ပြုနေရသည့် ဘီဟာရ် မြို့မှ ဒေသခံများကမူ လူထောင်းပေါင်းများစွာ ၀တ်ပြုနိုင်သည့် အဆိုပါ ဗလီဝတ်ကျောင်းတော် ရရှိခြင်းအတွက် ပျှော်ရွှင်လျက်ရှိနေသည်။

    ပါကစ္စတန်နိုင်ငံတွင် လူဦးရေ သန်းပေါင်း ၁၈၀ ကျော်ရှိပြီး ၉၅ ရာခိုင်နှုန်းမှာ အစ္စလာမ်သာသနာကို သက်ဝင်ယုံကြည်ကြသူများ ဖြစ်ကြသည်။

    ref_ OnIslam & Newspapers

  • ကမ္ဘာ့ သတ္တမအကြီးဆုံး ဟာဆန်ဗလီ ဝတ်ကျောင်းတော် ( သို့ )  King Hassan II Mosque

    ကမ္ဘာ့ သတ္တမအကြီးဆုံး ဟာဆန်ဗလီ ဝတ်ကျောင်းတော် ( သို့ ) King Hassan II Mosque

    စက်တင်ဘာ ၂၈ ၊၂၀၁၄

    M-Media
    4
    မြေထဲပင်လယ်လို့ပြောလိုက်တာနဲ့ ဂျီဘရော်တာရေလက်ကြားကို တွဲမြင်မိကြမှာပါ။ ဂျီဘရော်တာရေလက်ကြားရဲ့ တောင်ဖက်မှာ မော်ရိုကို “Morocco” နိင်ငံတည်ရှိပါတယ်။

    Morocco နိုင်ငံဟာ အေးချမ်းသာယာ လှပမှုကြောင့် ကမ္ဘာ့ပေါ်မှာ နာမည်ကြီးသလို ၊ဒီနိုင်ငံထဲက Casablanca ဆိုတဲ့မြို့ဟာ ကမ္ဘာ့လှည့်တွေ၊ သန်းကြွယ်သူဋ္ဌေးကြီးတွေ လာရောက်အပန်းဖြေ ကြတဲ့ လှပတဲ့ ကမ်းခြေမြို့တစ်ခုပါ။ Hollywood Celebrity တွေရဲ့ သည်းခြေကြိုက်မြို့ တစ်မြို့လည်းဖြစ်ပါတယ်။

    Casablanca မြို့ရဲ့လှပတဲ့ကမ်းခြေအငူလေးတစ်ခုပေါ်မှာ မော်ရကိုနိုင်ငံရဲ့ဘုရင်ဟာဆန်က ၁၉၈၆ခုနှစ်မှာ ကမ္ဘာ့သတ္တမ မြောက် အကြီးဆုံး ဗလီဝတ်ကျောင်းတော် ဖြစ်လာမည့် ဟာဆန်ဗလီဝတ်ကျောင်းတော်ကို စတင်အုတ်မြစ်ချခဲ့ပါတယ်။

    ပြင်သစ်လူမျိုး ဗိသုကာပညာရှင် Michel Pinseau က ဦးဆောင်ဆောက် လုပ်ခဲ့ပြီး၊ စကျင်ကျောက်ပြားများ၊ သစ်ကတိုးများ ကိုသုံးစွဲကာ ဥရောပ နဲ့ အာရဗ် ယဉ်ကျေးမှု အနုပညာလက်ရာ ပုံစံ များနဲ့ အလှဆင်ထားပါတယ်။ ၁၉၉၃ မှာပြီးစီးခဲ့ပြီး အမေရိကန် ဒေါ်လာ ၇၅၀ သန်း ကုန်ကျခဲ့တယ်လို့ သိရပါတယ်။

    ဒီဗလီဝတ်ကျောင်းတော် အတွင်း ပရဝဏ်မှာ လူပေါင်း ၂၅၀၀၀ ဝတ်ပြုနိုင်ပြီး  ပြင်ပ ဝတ်ပြု ဆုတောင်း ဧရိယာမှာ ဝတ်ပြု ဆုတောင်းသူပေါင်း ရှစ်သောင်း ဝတ်ပြုနိုင်ပြုနိုင်ကာ ဝတ်ပြု ဆုတောင်းသူစုစုပေါင်း တစ်သိန်း ငါးထောင်ကျော် တစ်ပြိုင်တည်းဝတ်ပြုနိုင်ပြီးလက်ခံနိုင်တယ် လို့သိရပါတယ်။

    Minaret လို့ခေါ်တဲ့ ဝတ်ပြုရန်ဖိတ်ခေါ်တဲ့မျှော်စင်က ပေပေါင်း ၆၈၉ ပေ မြင့်ပြီး ကမ္ဘာ့ပေါ်က ဗလီဝတ်ကျောင်းတော် အားလုံးထဲမှာ အမြင့်ဆုံးမျှော်စင်လည်း ဖြစ်ပါတယ်။ထူးခြားတာက ဝတ်ကျောင်းတော်ကြီးမှာ တပ်ဆင်ထားတဲ့ crystal clear glass တွေမှတစ်ဆင့် အတ္တလန်တိတ် သမုဒ္ဒရာကြီးရဲ့အလှကို ရှု့မငြီးအောင် ခံစားနိုင်တယ်လို့ ဆိုပါတယ်ခင်ဗျား။

    Dr Ko Ko Gyi ရှာဖွေတင်ပြသည်။

    1  3

    5

    6

    7

    8

    9

     

     

    10

    12 13

    14

    15 16

    17

  • ဂျေရုဆလင်ရှိ  အတ်က်ဆွာ ဗလီဝတ်ကျောင်းနှင့် စပ်လျဉ်း၍ လူသိနည်းသော အချက်(၈)ရပ်

    ဂျေရုဆလင်ရှိ အတ်က်ဆွာ ဗလီဝတ်ကျောင်းနှင့် စပ်လျဉ်း၍ လူသိနည်းသော အချက်(၈)ရပ်

    စက်တင်ဘာ ၁၄ ၊ ၂၀၁၄
    M-Media

    8ThingsYou-Didnt-Know-about-Masjid-Al-Aqsa
    အစ္စလာမ့်သမိုင်းတွင် ပထမဦးဆုံးလက်ရာဟု ယူဆထားသည့် ကျောက်သားပေါင်း မိုးခုံးအား အုမိုင်ယဒ်မင်းဆက် ခလီဖဟ် အဗ်ဒုလ် မာလစ်က် အိဗ်နု မရ်ဝါန်မှ တည်ဆောက်ခဲ့ခြင်းဖြစ်သည်။

    ဂျေရုဆလင်ရှိ အတ်က်ဆွာ ၀တ်ကျောင်းတော်မှာ ကမ္ဘာ့အငြင်းပွားမှုအကြီးမားဆုံး နယ်မြေအတွင်း၌ တည်ရှိနေသည်။ လူတို့သည် ၎င်းအား ထိန်းချုပ်ရေးအတွက် နှစ်ထောင်ပေါင်းများစွာ အာသာငမ်းဖြစ်နေခဲ့ကြသည်ဟု ဆိုလျှင် လွန်မည်မထင်ပါချေ။

    မွတ်စ်လင်မ်တို့၏နှလုံးသားအတွင်း ၎င်းသည် ရင်နှစ်သည်းချာ နေရာတစ်ခုအဖြစ် တည်ရှိနေ၏။ ထိုနေရာမှာ တမန်တော်မြတ်(ငြိမ်းချမ်းမင်္ဂလာသက်ရောက်စေသား)၏ အစ္စရာ့အ်နှင့် မိအ်ရာ့ဂ်ျ ခရီးစဉ်အတွင်း ခရီးတစ်ထောက်နားခိုရာ ဖြစ်ခဲ့သည်။ လူ့သမိုင်းကြောင်း၌ အကြီးမြင့်ဆုံး အံ့ဘနန်းစုရုံးရာမြင်ကွင်းတစ်ရပ်လည်း ဖြစ်တည်ခဲ့သည်။ အကြောင်းကား လောကတစ်ခွင် ပွင့်ပေါ်ခဲ့သည့် စေတမန်တော်အပေါင်းသည် ထိုနေရာဝယ် တမန်တော် မုဟမ္မဒ်(ငြိမ်းချမ်းမင်္ဂလာသက်ရောက်စေသား)၏ နောက်မှ စုံညီစုပေါင်း ၀တ်ပြုခဲ့သောကြောင့် ဖြစ်ပေသည်။

    သို့တိုင် ယင်း မတ်စ်ဂျိဒ် အတ်က်ဆွာနှင့်စပ်လျဉ်း၍ ယနေ့တိုင် လူသိနည်းသောအချက်များ ရှိနေပါသေး၏။

    ၁။ ၎င်းသည် ဗလီဝတ်ကျောင်း တစ်လုံးတည်းသာရှိသည့် အဆောက်အဦ မဟုတ်
    ————————————————————-
    ကျွန်ုပ်တို့မှ မတ်စ်ဂျိဒ် အတ်က်ဆွာဟု သိရှိကြသော ရပ်ဝန်းပေါ်တွင် မျိုးတူဗလီများစွာ ရှိနေပါ၏။ ၀တ်ကျောင်းတော်ကြီး၏ တောင်ဖက်စွန်းထောင့်ဖက်ရှိ အဆောက်အဦကို ကျွန်ုပ်တို့မှ မတ်စ်ဂျိဒ် အတ်က်ဆွာဟု ထင်မှတ်လျက်ရှိသည်။ စင်စစ်မှာမူ ၎င်းမှာ ကစ်ဗ်လီ ၀တ်ကျောင်းတော် ဖြစ်၏။ ကစ်ဗ်လဟ်မျက်နှာမူရာ အရပ်နှင့် အနီးဆုံးဖြစ်၍ ယင်းသို့ ခေါ်ဆိုခြင်းပင်။ ထိုတောင်ကုန်း တစ်ခုလုံးသည်ပင် မတ်စ်ဂျိဒ် အတ်က်ဆွာ ဖြစ်ပါသည်။ ရှုပ်ထွေးမှုကင်းစေရေး အတွက် ရံဖန်ရံခါ ဟရာမုလ် ရှရီးဖ် ဟု ရည်ညွှန်းသုံးနှုန်းလေ့ရှိသည်။  သို့သော် ယင်းရပ်ဝန်းပေါ်တွင် အခြားဝတ်ကျောင်းတော်များလည်း တည်ရှိနေပြီး   သမိုင်းဝင်ဖြစ်ရပ်များနှင့် ဆက်နွှယ်လျက်ရှိပြန်သည်။ ဥပမာ – ဗုရာ့က်ဗလီ၊ မရ်ဝါနီဗလီ စသည်များ။

    ၂။ ၎င်းသည် သင်္ချိုင်းမြေပြင် ဖြစ်သည်
    —————————————-
    တမန်တော်များ၊ တမန်တော်မြတ် မုဟမ္မဒ်(ငြိမ်းချမ်းမင်္ဂလာသက်ရောက်စေသား)၏ နောက်လိုက်သာဝကတော်များ အရေအတွက် မည်မျှအထိ ထိုနေရာ၌ မြှုပ်နှံသင်္ဂြိုလ်ခဲ့ကြောင်း မှတ်တမ်းမှတ်ရာများ မရှိသော်လည်း အများအပြားမြုပ်နှံခဲ့သည်မှာ အသေအချာပင်။ ဥပမာ – တမန်တော် စုလိုင်မာန်(ငြိမ်းချမ်းခြင်း သက်ရောက်ပါစေ)အား ထိုနေရာ၌ မြုပ်နှံခဲ့ခြင်း ဖြစ်နိုင်ချေများ၏။ အကြောင်းသော် တမန်တော် တစ်ပါးပါး ကွယ်လွန်လျှင် ကွယ်လွန်သည့်နေရာ၌ မြုပ်နှံရစမြဲသာဖြစ်သည်။ ထို့ပြင် တမန်တော်မြတ် (ငြိမ်းချမ်းမင်္ဂလာသက်ရောက်စေသား)သည်လည်း အလားတူပင် ညွှန်ကြားခဲ့ကြောင်း ဟဒီးဆ်တော်များတွင် တွေ့ရသည်။

    ၃။ တစ်ချိန်က အမှိုက်များစွန့်ပစ်သည့်နေရာ ဖြစ်ခဲ့သည်
    —————————————————–
    မြို့တော်အတွင်း ဂျူးလူမျိုး တစ်ဦးတစ်လေမျှ နေထိုင်ခွင့် မရခဲ့စဉ်ကာလက ဒေသခံရောမလူမျိုးတို့သည် ၎င်းဝတ်ကျောင်းတည်ရာ တစ်ဝိုက်ကို အမှိုက်များ စွန့်ပစ်သည့် နေရာအဖြစ် အဓိက အသုံးပြုခဲ့ကြသည်။ အုမရ်(ရဿွိ)မှ မြို့တော်အား ကိုယ်ပိုင်လွတ်လပ်ခွင့် ပေးလိုက်သည့်အခါ သူကိုယ်တိုင် မိမိ၏လက်ဗလာဖြင့် အမှိုက်သရိုက်များအား ရှင်းလင်းပေးခဲ့သည်။ သို့သာမက  သူသည် ဂျူးတို့အား ရာစုများစွာ နယ်နှင်ထားမှုကို ရုပ်သိမ်းစေပြီး အနီးအနားရှိ အပယ်ခံရွာမှ မိသားစုပေါင်း (၇၀)ကို မြို့ထဲ ပြန်နေရန် ဖိတ်ကြားကာ တန်းတူညီမျှအခွင့်အရေး ပြန်လည်ရရှိအောင် ဖော်ဆောင်ပေးခဲ့သည်။

    ၄။ အိမာမ် အလ် ဃဇာလီမှ သူ၏ပြိုင်စံရှား ကျမ်းဂန် ရေးသားခဲ့သောနေရာ
    —————————————————————————–
    အစ္စလာမ့်စာပေ၌ အကျော်ကြားဆုံး ကျမ်းတစ်စောင်ဖြစ်သည့် အိဟ်ယာ အုလူးမုဒ် ဒီးန် ကျမ်းကြီးကို အစ္စလာမ့်မဟာ ပညာရှင် အိမာမ် အဗူ ဟာမစ်ဒ် အလ် ဃဇာလီမှ ရေးသားခဲ့သည်။ ကုရ်အာန်နှင့် ဟဒီးဆ် သွန်သင်မှုများအပေါ် အခြေခံ၍ လူ့စိတ်သဘောကို နက်ရှိုင်းစွာ ထိုးထွင်းထုတ်ဖော် တင်ပြနိုင်သည့် အရည်အသွေးကြောင့် မဇ်ဟဗ်(အစ္စလာမ့်ဥပဒေရေးရာ အတွေးအမြင်လမ်းကြောင်း)အားလုံးမှ ကြည်ညိုလေးစားခံရသူ ဖြစ်သည်။ လူတို့မှ လုံးဝနီးပါး မသိရှိကြသည်မှာ အလ် ဃဇာလီသည် မတ်စ်ဂျိဒုလ် အတ်က်ဆွာ၌ ကာလ တစ်ရပ်အထိ နေထိုင်ပြီး ထိုကျမ်းကို ရေးသားခဲ့သည့်အကြောင်းပင်။ သူနေထိုင်ခဲ့သည့် အခန်းဟောင်းနေရာကို ၀တ်ကျောင်းတော်ရှိ အဆောက်အဦတစ်ခုတွင် ထင်ရှားစွာ တွေ့ရဆဲဖြစ်သည်။

    ၅။ မြင်းဇောင်း၊ နန်းတော်၊ ကွပ်မျက် ခန်းမဆောင်များ အဖြစ် အသုံးပြုခဲ့ခြင်း
    ——————————————————————-
    ပထမ ခရူးဆိတ်စစ်သည်များမှ ဂျေရုဆလင်ကို သိမ်းပိုက်သောအခါ မွတ်စ်လင်မ်ဦးရေ အများစုသည် အတ်က်ဆွာ ၀တ်ကျောင်းတော်အတွင်း ပိတ်မိနေခဲ့သည်။ ပိတ်မိနေသူများအနက် လူပေါင်း ခုနစ်သောင်းခန့် ရက်စက်စွာ သတ်ဖြတ်ခဲ့သည်။ ၎င်းနောက် ကစ်ဗ်လီ ၀တ်ကျောင်းတော်ကို နန်းတော်အဖြစ် ပြောင်းလဲခဲ့သည်။ ကျောက်သားပေါင်းမိုးခုံးအား ၀တ်ပြုဆုတောင်း ခန်းမအဖြစ် အသွင်ပြောင်းခဲ့သည်။ မြေအောက်ခန်းမများကို မြင်းဇောင်း အဖြစ် ပုံပြောင်းခဲ့သည်။ လက်မွန်မဆွ စုပြုံသတ်ဖြတ်မှုမှ လွတ်မြောက်ခဲ့သည့် မွတ်စ်လင်မ်တို့သည်လည်း နောက်ပိုင်းတွင် ၀တ်ကျောင်းတော်၏ဗဟိုအနီး ကားစင်တင် ကွပ်မျက်ခံရသည်။ ယင်းတစ်ခုတည်းသော လက်ဝါးကပ်တိုင်(ကားစင်)ကို ဆွလာဟုဒ္ဒီးန် မှ ရိုက်ချိုးခဲ့သည်။ ယင်းကားစင်၏ အောက်ခြေကို ယနေ့တိုင် တွေ့မြင်နိုင်သည်။

    ၆။ ဒဏ္ဍာရီဆန်သော ဓမ္မပလ္လင်တစ်ခု ရှိခဲ့သည်
    ————————————————
    အစ္စလာမ့်သမိုင်းမှ သူရဲကောင်းကြီး တစ်ဦးဖြစ်သည့် နူးရုဒ္ဒီးန် ဇင်ကီသည် ခရူးဆိတ် စစ်ဆင်သူများထံမှ အတ်က်ဆွာဝတ်ကျောင်းအား အဆုံးသတ်ပြန်လည် ရယူနိုင်သောအခါ မတ်စ်ဂျစ်ဒ် အတွင်း ထည့်သွင်းရန် ပြုလုပ်ခဲ့သော ဓမ္မပလ္လင်တစ်ခု ရှိခဲ့သည်။ ဤပလ္လင်မှာ တင့်တယ်ထယ်ဝါသည်သာမက ၎င်းကို ကော်တစ်စက် သံတစ်ချောင်း အသုံးမပြုဘဲ တည်ဆောက်ခဲ့ခြင်းဖြစ်သည်။ ၀မ်းနည်းစရာကောင်းသည်မှာ နူးရုဒ္ဒီးန်သည် အောင်ပွဲကို မြင်တွေ့ရသည်အထိ အသက်မရှည်ခဲ့ချေ။ သို့သော် သူ့အားဆက်ခံသော ဆွလာဟုဒ္ဒီးန်က ဆရာဖြစ်သူ၏ ဆန္ဒကို ဖြည့်ဆည်းနိုင်ခဲ့သည်။ အစ္စလာမ့်သမိုင်းတွင် ဂျေရုဆလင်အား ဒုတိယအကြိမ်မြောက် လွတ်လပ်နယ်မြေဖြစ်စေခဲ့ပြီးချိန်၌ ယင်းဓမ္မပလ္လင်ကို ထည့်သွင်းခဲ့၏။ ၎င်းသည် ပန်းပု၊ ပန်းတည်းပညာရှင်များအကြား ယနေ့တိုင်အောင် ပြောစမှတ်ပြုရသည့် လက်ရာဖြစ်ခဲ့သည်။  ကံဆိုးလှစွာဖြင့် ဤဓမ္မပလ္လင်သည် (၁၉၆၉) ခုနှစ်တွင် သြစတေးလျနိုင်ငံသား ဇီယွန်ဝါဒီတစ်ဦး၏ မီးရှို့ဖျက်ဆီးမှုကို ခံခဲ့ရသည်။

    ၇။ မူလပုံဟန်ပျောက်သွားသော ကျောက်သားပေါင်းမိုးခုံး
    ————————————————————–
    အစ္စလာမ့်သမိုင်းတွင် ပထမဦးဆုံးလက်ရာဟု ယူဆထားသည့် ကျောက်သားပေါင်းမိုးခုံးအား အုမိုင်ယဒ်မင်းဆက် ခလီဖဟ် အဗ်ဒုလ် မာလစ်က် အိဗ်နု မရ်ဝါန်မှ တည်ဆောက်ခဲ့ခြင်းဖြစ်သည်။ လက်ဦးပထမတွင် သစ်သားအခံ
    ကြေးနီ၊ ခဲသတ္ထု သို့မဟုတ် ကြွေထည်အဖုံးဖြင့် တည်ဆောက်ခဲ့သည်။ သို့သော် နှစ်တစ်ထောင်နီးပါး ကြာမြင့်ပြီးနောက် အော်တိုမန် ခလီဖဟ် စုလိုင်မာန်လက်ထက်တွင် ပေါင်းမိုးကို တောက်ပသည့်ရွှေရောင်တင်၍ အဆောက်အဦမျက်နှာစာကို အော်တိုမန်လက်ရာကြွေပြားများဖြင့် ဆင်ယင်လိုက်လေသည်။

    ၈။ ပြာပုံဘ၀ ရောက်ခဲ့ဖူးသည်
    ——————————-
    (၁၉၆၇)ခုနှစ်တွင် ဂျေရုဆလင်သည် မွတ်စ်လင်မ်တို့၏လက်မှ တတိယအကြိမ် လွတ်ထွက်သွားပြန်ပြီး အစ္စရေးတို့၏ထိန်းချုပ်မှုအောက် ရောက်ရှိသွားသည်။ ကျူးကျော်အောင်နိုင်သော အစ္စရေးစစ်သားတို့က ၎င်းတို့၏အလံကို ပေါင်းမိုးခုံးပေါ် လွှင့်တင်ခဲ့ကြသည်။ မတ်စ်ဂျိဒုလ် အတ်က်ဆွာအား ပြောင်ပြောင်တင်းတင်း ထိန်းချုပ်ထားခြင်းဖြင့် မွတ်စ်လင်မ်ကမ္ဘာအား မပြတ်တမ်း အမျက်ထွက်အောင် ဆွပေးရာရောက်နေမည်ကို အစ္စရေးအကြီးအကဲများက သိနားလည်ခဲ့သည်။ မွတ်စ်လင်မ်တို့အား အမျက်ဖြေ၍ အာသာဆန္ဒလျော့ပါးသွားစေရန် ၎င်းတို့က သာသနာ့ဝတ္ထိကမြေ အတုအယောင်တစ်ခုကို အသုံးချခဲ့ကြသည်။ လက်တွေ့ အလုပ်ဖြစ်ခဲ့သည်။

    (၁၉၆၉)ခုနှစ်တွင် သြစတေးလျလူမျိုး ဇီယွန်ဝါဒီတစ်ဦးသည် နူးရုဒ္ဒီးန်၏ ဓမ္မပလ္လင်အား မီးရှို့ရာ မီးမငြိမ်းသတ်နိုင်တော့သဖြင့် ကစ်ဗ်လီ ဗလီတစ်ခုလုံးလည်း မီးလောင်ကျွမ်းသွားသည်။ ဆိုးသွမ်းပါသည်ဆိုသော ပါလက်စတိုင်းသားများသာ ရသည့်နည်းနှင့် မီးကို ငြိမ်းသတ်ခဲ့ကြ၏။ အွမ္မသ်ထုတစ်ရပ်လုံး အတွက် ရှက်ဖွယ်လိလိ ဖြစ်ခဲ့ရသည်။

    ၎င်းနောက်တွင် ၀တ်ကျောင်းတော်ကို ပြန်လည်တည်ဆောက် မွမ်းမံခဲ့ကြသည်။ သို့သော် အစ္စလာမ်၏ တတိယမြောက် အမြင့်မြတ်ဆုံးနယ်မြေမှာ ယနေ့တိုင်အောင် စော်ကားခံနေရ၏။ ဗလီဝတ်ကျောင်းတစ်ခုလုံး၏အုတ်မြစ်များကို အစဖျောက်ဖျက်ထားခြင်း၊ ၀င်ရောက်လည်ပတ်ခွင့်မပြုခြင်း၊ ရှေးဟောင်းကျောင်းတော်အား ပြန်လည်တည်ဆောက်ရန် နေ့စဉ်နှင့်အမျှ ဒုက္ခပေးနေခြင်း စသည်တို့အား လက်ရှိကြုံဆုံနေရလေသည်။ မတ်စ်ဂျစ်ဒ် အလ် အတ်က်ဆွာကတော့ (လွတ်လပ်ခြင်းကို) မျှော်လင့်စောင့်စားနေဆဲ …………။

    ** မုဟမ္မဒ် ၀ါဂျစ်ဒ် အခ်သာရ် ၏ 8 Things You Didn’t Know about Masjid Al-Aqsa ကို မင်းထွဋ်ခေါင်မှ ဆီလျော်အောင်ပြန်ဆိုသည်။

  • တရုတ် အနုပညာ လက်ရာများဖြင့် ဗလီဝတ်ကျောင်း မလေးရှား ပီနန်မြို့တွင် ဆောက်လုပ်တော့မည်

    တရုတ် အနုပညာ လက်ရာများဖြင့် ဗလီဝတ်ကျောင်း မလေးရှား ပီနန်မြို့တွင် ဆောက်လုပ်တော့မည်

    သြဂုတ် ၁၇ ၊ ၂၀၁၄
    M-Media

    Titi_PapanChinese_Mosque_2_1308_840_559_100
    1893 ခုနှစ်က ဆောက်လုပ်ခဲ့သည့် နှစ် ၁၂၀ ကျော်ရှိပြီဖြစ်တဲ့ ပီနန်မြို့မှ ဗလီတလုံး

    – တရုတ်လူမျိုး အစ္စလာမ်ဘာသာဝင်များအတွက် မလေးရှားနိုင်ငံ ပီနန်မြို့တွင် တရုတ်ရှေးဟောင်း အနုပညာလက်ရာများ အသုံးပြုထားသည့် ဗလီဝတ်ကျောင်း တော်သစ်တစ်လုံးကို ဆောက်လုပ်ခွင့်ရခဲ့ပြီဟု သိရသည်။

    “တရုတ်ဗလီဝတ်ကျောင်းတော်ရဲ့ ရည်ရွယ်ချက်ကတော့ အစ္စလာမ်ရဲ့ လူမျိုးမခွဲခြားတဲ့ စကြ၀ဠာလုံးဆိုင်ရာ ဇစ်မြစ်ကို ပြသဖို့ပါပဲ” ဟု ပီနန်သာသနာရေးရာ ကော်မတီမှ ဥက္ကဌ အဘ်ဒူလ် မာလစ် အဘူလ် ကာစင်မ်က သြဂုတ် ၁၃ ရက်နေ့တွင် Malay Mail သတင်းစာသို့ ပြောကြားခဲ့သည်။

    ပီနန်ရှိ တရုတ်မွတ်စလင်လူနည်းစုများ ၀တ်ပြုစုတောင်းရန်နှင့် လူ့အဖွဲ့အစည်းနှင့် ပတ်သက်သော လှုပ်ရှားမှုများ ဆောင်ရွက်ရန်အတွက် တရုတ်ရိုးရာကို အခြေခံသည့် ဗလီဝတ်ကျောင်းတော်တစ်လုံး ဖြစ်မြောက်ရေး လှုပ်ရှားမှုကို ၂၀၀၈ ခုနှစ်ကတည်းက စတင်ခဲ့ခြင်းဖြစ်သည်။

    အဆိုပါဗလီဝတ်ကျောင်းတော်မှာ ပြည်နယ်၏ ပထမဆုံးသော တရုတ်ရိုးရာအခြေပြု ဗလီဝတ်ကျောင်းတော် ဖြစ်လာမည်ဖြစ်ပြီး၊ ထိုဗလီဝတ်ကျောင်းတော်တွင် သောကြာနေ့ ခွသ်ဗဟ်(တရားဒေသနာတော်) ကိုလည်း တရုတ်လူမျိုးတို့၏ မန်ဒရင်း ဘာသာစကားဖြင့် ဟောကြားမည်ဖြစ်သည်။

    “ပြောင်မြောက်တဲ့ တရုတ်အနုပညာလက်ရာတွေနဲ့ ဒီဗလီဝတ်ကျောင်းတော်ကို ဆောက်လုပ်ဖို့ အစိုးရက စီစဉ်ထားပြီး ဒါဟာ နိုင်ငံအတွင်းမှာရှိတဲ့ မလေးလူမျိုး၊ တရုတ်လူမျိုးနဲ့ အိန္ဒိယလူမျိုးတွေရဲ့ မတူညီတဲ့ ယဉ်ကျေးမှုတွေကို ရောင်ပြန်ဟပ်စေမှာပါ” ဟု အဘူကာစင်မ်က ထပ်လောင်းပြောကြားခဲ့သည်။

    ယခုလက်ရှိတွင် မလေးရှားရှိ ကလန်တန်းပြည်နယ်နှင့် အီပိုးပြည်နယ်တို့တွင် ရှေးဟောင်း တရုတ်အနုပညာများဖြင့် ဆောက်လုပ်ထားသော သမိုင်းဝင် ဗလီဝတ်ကျောင်းတော်နှစ်လုံး ရှိနေသည်။

    “လူမျိုးစုံရှိတဲ့ လူ့အဖွဲ့အစည်းဆိုတာကို ဖော်ပြတဲ့ ဗလီဝတ်ကျောင်းတော်တွေ ပီနန်မှာ အများကြီးရှိပါတယ်။ အာရဗ်ဗလီ၊ အာချေးဗလီ၊ ကီလင်းဗလီနဲ့ နောက်ထပ်အများကြီး ရှိနေပါတယ်။ အစ္စလာမ်ဆိုတာ သဘောထားကြီးပြီး စကြ၀ဠာလုံးဆိုင်ရာ ဘာသာတရားဖြစ်တယ်ဆိုတာကို ကျွန်တော်တို့ ပြချင်ပါတယ်။ ဗလီဝတ်ကျောင်းထဲကိုဝင်ဖို့ ဘယ်သူ့ကိုမှ ကန့်သတ်မထားပါဘူး။ အစ္စလာမ်ဆိုတာ မလေးလူမျိုးပိုင်မဟုတ်ပါဘူး” ဟု အဘူကာစင်မ်က ဆိုသည်။

    မလေးရှားနိုင်ငံတွင် လူဦးရေ ၂၆ သန်းရှိပြီး မလေးလူမျိုးအများစုမှာ အစ္စလာမ်ဘာသာကို သက်ဝင်ယုံကြည်ကြကာ အစ္စလာမ်ဘာသာဝင် ၆၅ ရာခိုင်နှုန်းရှိနေသည်။ တရုတ်နှင့် အိန္ဒိယလူမျိုးအများစုမှာ ဗုဒ္ဓဘာသာ၊ ဟိန္ဒူဘာသာနှင့် ခရစ်ယာန်ဘာသာကို ကိုးကွယ်ကြသည်။ တရုတ်လူမျိုး အစ္စလာမ်ဘာသာဝင်မှာ ခန့်မှန်းခြေအားဖြင့် ၅၇၀၀၀ ခန့်ရှိနေသည်။