News @ M-Media

Tag: World_Masjid

  • ဒိန်းမတ်တွင် ၀တ်ပြုဖိတ်ခေါ် မျှော်စင်ပါ ပထမဆုံး ဗလီဖွင့်ပွဲပြုလုပ်

    န်လ ၂၁ ရက်၊ ၂၀၁၄
    M-Media
    606x340_271352
    ကိုပင်ဟေဂင်။     ။ တမန်တော် မုဟမ္မဒ်(ငြိမ်းချမ်းမင်္ဂလာသက်ရောက်စေသား)အပေါ် သရော်ပုတ်ခတ်သိက္ခာချသည့် ကာတွန်းများ ထွက်လာပြီး ၉ နှစ်အကြာတွင် ၀တ်ပြုဖိတ်ခေါ်မျှော်စင်(မီနာရာ)ပါသော ပထမဆုံးဗလီဝတ်ကျောင်းကို ဒိန်းမတ်နိုင်ငံတွင် ဖွင့်လှစ်နိုင်ခဲ့ရာ နားလည်မှုတိုးတက်လာသောအရွေ့တစ်ခုဟု ဆိုရပေမည်။

    “ ဆွေးနွေးမှု၊ နားလည်မှုကို ဖန်တီးပေးတဲ့ ဒီလျှောက်လမ်းခင်းခြင်းနဲ့အတူ မုဟမ္မဒ်ကာတွန်းတွေလို ကိစ္စမျိုးတွေအပေါ် ပဋိပက္ခတွေ ရှောင်ကြဉ်နိုင်ပါလိမ့်မယ် ” ဟု ဗလီဝတ်ကျောင်း ပိုင်ဆိုင်တဲ့ ဒိန်းမတ်အမျိုးသားအစ္စလာမ့်ကောင်စီ၏ ပြောရေးဆိုခွင့်ရှိသူ  မုဟမ္မဒ် အလ် မိုင်မူနီက AFP သို့ ဇွန်လ ၁၉ ရက် ကြာသပတေးနေ့တွင် ပြောကြားသည်။

    ဒိန်းမတ်အမျိုးသားအစ္စလာမ့်ကောင်စီ The Danish Islamic Council သည် အလယ်အလတ် အစ္စလာမ့် အယူအဆရှိခြင်း၌ ကျော်ကြားသည်။ မိမိ လူ့အဖွဲ့အစည်းနှင့် မျှတစေသော အစ္စလာမ့် အတွေးအမြင်များလည်း ရှိပါသည်ဟု သူက ဆို၏။

    ကြီးထွားလာသော မွတ်စ်လင်မ်လူဦးရေ၀င်ဆန့်ရေးအတွက် ကာတာရံပုံငွေ ခရိုနာ သန်း ၁၅၀ (ဒေါ်လာ ၂၇.၂ သန်း)နှင့်အတူ တည်ဆောက်ထားသော ကိုပင်ဟေဂင် အနောက်မြောက်ပိုင်းခရိုင်ရှိ ဒိန်းမတ်နိုင်ငံ၏ အကြီးဆုံးဗလီ ၀တ်ကျောင်းတော်အား ကြာသပတေးနေ့တွင် ဖွင့်လှစ်နိုင်ခဲ့သည်။

    ၆၇၀၀ စတုရန်းမီတာ (ပေ ၇၂၁၁၈ ပတ်လည်) ပေါ် တည်ဆောက်ထားသော ဗလီဧရိယာအတွင်း ဗလီတစ်လုံး၊ ယဉ်ကျေးမှုစင်တာ၊ တီဗီ စတူဒီယို၊ အားကစားဌာန တစ်ခု ပါဝင်သည်။

    ဗလီဖွင့်ပွဲအခမ်းအနားကို ရေနံပေါကြွယ်သည့် ကာတာနိုင်ငံရံပုံငွေပါဝင်နေခြင်းအပေါ် လက်ျာစွန်းရောက်ခေါင်းဆောင်များ၊ ဒိန်းမတ်နိုင်ငံရေးသမား များစွာတို့မှ ရှောင်ဖယ်ခဲ့ကြသည်။

    ရှေးရိုးစွဲ ကာတာအစိုးရသည် ဗလီဝတ်ကျောင်းတော်အပေါ် တိုက်ရိုက်ဖြစ်စေ၊ သွယ်ဝိုက်ဖြစ်စေ သြဇာသက်ရောက်နိုင်ချေ ရှိသည်ဟု ထင်ရကြောင်း DPP ပါတီခေါင်းဆောင် Kristian Thulesen Dahl က ဒိန်းမတ် လူ့အဖွဲ့အစည်းအတွင်း မွတ်စ်လင်မ်တို့၏ ၀င်ဆန့်လာမှုကို မနှစ်မြို့ဟန်ဖြင့် ပြောကြားသည်။ DPP ၏ ဤအငြင်းပွားစရာ မှတ်ချက်များမှာ ပထမဆုံးအကြိမ် မဟုတ်ချေ။

    ၂၀၀၃ ခုနှစ်အစောပိုင်း ကာလ၌ အကြမ်းဖက်သမားဟု သံသယရှိသူ လူ ၇၀၀ ကို နိုင်ငံသားအသစ် အဖြစ် လူဝင်မှုကြီးကြပ်ရေး၏ကြေငြာချက်အား ဆန့်ကျင်သောကြောင့် DPP မှာ ဒဏ်ငွေတပ်ခံခဲ့ရသည်။

    ၂၀၀၇ ခုနှစ်တွင် ဒိန်းမတ်၏ တတိယအင်အားအကြီးဆုံး နိုင်ငံရေးအုပ်စု DPP မှ အများနှင့် သက်ဆိုင်သောနေရာများ၌ ဟိဂျာ့ဗ်(အမျိုးသမီးဦးဆောင်းပုဝါ) ဆင်ယင်ခြင်းကို ပိတ်ပင်ရန်၊ လုပ်ငန်းခွင်၌ မွတ်စ်လင်မ်တို့ အတွက် ၀တ်ပြုနေရာသီးသန့် မထားပေးရန် ဥပဒေထုတ်ပြန်ရေးကို လှုံ့ဆော်ခဲ့သည်။

    ထို့အတူ နေ့ကလေးထိန်းကျောင်းများ နှင့် မွတ်စ်လင်မ်ကျောင်းသူများ၏သီးသန့်စားသောက်ဆောင်များတွင် ဟလာလ်အသား အသုံးမပြုရေး တားမြစ်လှုံ့ဆော်မှုကိုလည်း ယင်းပါတီမှ ပြုလုပ်ခဲ့သည်။

    လိင်တူဆက်ဆံမှုအပေါ် မိုင်မူနီ၏ လတ်တစ်လော မှတ်ချက်များကိုလည်း ယင်းအုပ်စုဝင်များက သရော်ခဲ့ကြသေး၏။

    လက်ျာစွန်းရောက်တို့၏ ကာတာ ရံပုံငွေအပေါ် ဝေဖန်ချက်အား ချေပသောအားဖြင့် မိုင်မူနီက ယင်းအရှေ့အလယ်ပိုင်းမှ လှူဒါန်းမှုသည် ဒါန သက်သက် မျှသာဖြစ်သည်ဟု တုန့်ပြန်ခဲ့သည်။

    “ ကာတာနိုင်ငံရေးထဲ ကျွန်တော်တို့ ၀င်ပါမှာမဟုတ်ပါဘူး။ သူတို့ပြည်တွင်းရေးနဲ့ ကျွန်တော်တို့က ဘာမှ မပတ်သက်ပါဘူး။ ဒိန်းမတ် အမျိုးသားအစ္စလာမ့်ကောင်စီမှာ ၀ါဒဖြန့်မှုတွေအပေါ် အပြည့်အ၀ ကိုင်တွယ်နိုင်တဲ့ အာဏာရှိပါတယ်။ မည်သည့်နှောင်ကြိုးမှ မပါဝင်တဲ့ လှူဒါန်းမှုဖြစ်လို့ ကျွန်တော်တို့ နှစ်မြို့ကျေနပ်စွာ လက်ခံခဲ့ခြင်းဖြစ်တယ် ” ဟု မိုင်မူနီက ဆိုပါသည်။

    ကာတာရံပုံငွေများ လက်မခံမီက ဒိန်းမတ်အမျိုးသားအစ္စလာမ့်ကောင်စီသည် အခြားမွတ်စ်လင်မ်နိုင်ငံများထံမှ ရံပုံငွေ မရယူခဲ့။

    အဆိုပါ ဗလီဝတ်ကျောင်းဖွင့်ပွဲကို ဒိန်းမတ်ချာ့ခ်ျမှ ကိုယ်စားလှယ်များ၊ ဂျူးလူ့အဖွဲ့အစည်းများနှင့်အတူ ဒါနပံ့ပိုးမှုနှင့် အစ္စလာမ့်ရေးရာဝန်ကြီးဦးဆောင်သော ကာတာကိုယ်စားလှယ်အဖွဲ့လည်း တက်ရောက်ခဲ့သည်။

    “ ကာတာ သို့မဟုတ် မော်ရိုကိုက အစ္စလာမ်ဟာ ဒိန်းမတ်က အစ္စလာမ်ပုံစံနဲ့ ထပ်တူ မကျပါဘူး။ ဆိုလိုတာက အစ္စလာမ်မှာ ကာလဒေသံပေါ်မူတည်ပြီး မပြောင်းလဲတဲ့ စည်းမျဉ်းတွေရှိပေမယ့် အဲ့ဒါမှအပ ကျန်တာတွေကို အပြောင်းအလဲလုပ်ခွင့် ရှိနေပါတယ် ” ဟု မိုင်မူနီက ပြောပြသည်။

    လက်ျာစွန်းရောက်တို့၏ ဝေဖန်ချက်များနှင့်ဆန့်ကျင်စွာ ဗလီဝတ်ကျောင်းတော်သစ်နှင့်ပတ်သက်၍ အကောင်းမြင်တုန့်ပြန်ကြိုဆိုချက်များစွာ ဖြစ်ထွန်းခဲ့သည်။

    “ ကျွန်မဟာ ကာတာအစိုးရပုံဟန်နဲ့ အမျိုးသမီးတွေအပေါ်ထားရှိတဲ့ သူတို့အမြင်ကို လက်ခံသူ မဟုတ်ပါဘူး။ ဒါကြောင့် ကာတာရဲ့ပံ့ပိုးမှု ရှိနေပေမယ့်လည်း ဗလီသစ်ကို လာရောက်ဖို့ ကျွန်မမှာ ပြဿနာ တစ်စုံတစ်ရာ မရှိပါဘူး ” ဟု ပါလီမန်အဖွဲ့ဝင် Özlem Sara Cekic မှ Jyllands-Posten သို့ ပြောကြားသည်။
    ဒိန်းမတ်လူ့အဖွဲ့အစည်းအတွင်း မွတ်စ်လင်မ်နှင့် အခြားအုပ်စုတို့အကြား အပြန်အလှန်ဆွေးနွေးဖလှယ်မှုပလက်ဖောင်းတစ်ခု ဖန်တီးမည်ဟု ဗလီဝတ်ကျောင်းတော်မှ ဆိုထားပါသည်။

    တမန်တော် မုဟမ္မဒ်(ငြိမ်းချမ်းမင်္ဂလာသက်ရောက်စေသား)အပေါ် သရော်ပုတ်ခတ်သိက္ခာချသည့် ကာတွန်းများကို အစ္စလာမ်၌ စော်ကားချက်အဖြစ် သတ်မှတ်ခဲ့သော်လည်း ဥရောပသတင်းစာများက လွတ်လပ်စွာဖော်ထုတ်တင်ပြခွင့်အဆိုဖြင့် ထပ်မံပုံနှိပ်ဖော်ပြခဲ့ကြရာ အနောက်တိုင်းနှင့် မွတ်စ်လင်မ်ကမ္ဘာအကြား တင်းမာမှုကို ပိုမို ပြင်းထန်သွားစေခဲ့သည်။ ထိုကာတွန်းများ ထွက်ခဲ့စဉ်က ကမ္ဘာ့မွတ်စ်လင်မ်ထုမှ တမန်တော်၏ထူးမြတ်သောဂုဏ်ရည်များကို ပြန်လည်ဇောင်းပေးတင်ပြခဲ့ကြသည်။

    အစ္စလာမ်သည် ဒိန်းမတ်တွင် နိုင်ငံ့လူဦးရေ ငါးပုံလေးပုံရှိ လူသာရန် ပရိုတက်စတင့် ခရစ်ယျာန်ပြီးလျှင် ဒုတိယအကြီးဆုံးသာသနာတစ်ရပ်ဖြစ်သည်။

    Ref: OnIslam & News Agencies

  • ကော့ကေးရှပ်ဒေသတွင် အကြီးဆုံးဖြစ်လာမည့် ဗလီဝတ်ကျောင်းတော်အား အဇာဘိုင်ဂျန်တွင် တည်ဆောက်နေ

    ဧပြီ ၁၆၊ ၂၀၁၄
    M-Media

    – ကော့ကေးရှပ်ဒေသတွင် အကြီးဆုံးဖြစ်လာမည့် ဗလီဝတ်ကျောင်းတော် တစ်လုံးကို အဇာဘိုင်ဂျန်နိုင်ငံ မြို့တော် ဘာကူတွင် တည်ဆောက်နေသည်ဟု သိရသည်။

    baku

    မြေဧက ၁.၃ ဟက်တာပေါ်တွင် တည်ဆောက်နေသည့် အဆိုပါ ဗလီဝတ်ကျောင်းတော်ကို Shirvan ဒေ၏ ရိုးရာအနုပညာ လက်ရာအတိုင်း ဆောက်လုပ်နေခြင်းဖြစ်ပြီး မင်နာရတ် မျှော်စင် ၄ ခုနှင့် အမိုးခုံး ၉ ခု တို့ပါဝင်မည်ဖြစ်ကာ ပန်းပုလက်ရာများနှင့် အလှဆင်ထားသည့် အကြီးဆုံး အမိုးခုံး၏ အချင်းမှာ ၃၈ မီတာရှိမည်ဖြစ်သည်။

    မင်နာရတ်မျှော်စင်၏ စုစုပေါင်းအမြင့်မှာ ၉၅ မီတာ (၃၁၁ ပေ) ရှိကာ၊ ဗလီဝတ်ကျောင်းတော်အတွင်း ဓာတ်လှေကားများ တပ်ဆင်ထားပြီး အမျိုးသား၊ အမျိုးသမီးများအတွက် သီးသန့် ၀တ်ပြုဆောင်များကို ထားရှိပြီး ၀င်ပေါက်တွင် စက်လှေကားများ တပ်ဆင်ထားရှိမည်ဖြစ်သည်။

    မသန်စွမ်းသူများ ၀တ်ပြုနိုင်ရန် အတွက် အသုံးအဆောင် ပစ္စည်းများကိုလည်း ထားရှိပြီး၊ ကားအစီးရေ ၄၀၀ ခန့် ရပ်နားနိုင်သည့် ကားပါကင်ကိုလည်း ထည့်သွင်း တည်ဆောက်မည်ဖြစ်သည်။

    အဇာဘိုင်ဂျန်နိုင်ငံမှာ ကော့ကေးရှပ်ဒေသတွင် အကြီးဆုံးနိုင်ငံဖြစ်ပြီး အနောက်အာရှနှင့် အရှေ့ဥရောပတို့ အကြား အချက်အချာကျသည့်နေရာတွင် တည်ရှိသည်။ အဇာဘိုင်ဂျန်၏ လူဦးရေမှာ ၉.၃ သန်းကျော်ရှိပြီး ၉၅ ရာခိုင်နှုန်းမှာ အစ္စလာမ်ဘာသာကို သက်ဝင်ယုံကြည်ကြသူများဖြစ်သည်။

    islam.ru

  • အလယ်အာရှတွင် အကြီးဆုံးဖြစ်လာမည့် ဗလီဝတ်ကျောင်း ကာဂျစ်စတန်တွင် တည်ဆောက်နေ

    မတ်- ၅၊ ၂၀၁၄
    M-Media
    cami1-1
    – အလယ်အာရှတွင် အကြီးဆုံးဖြစ်လာမည့် ဗလီဝတ်ကျောင်းတော် တစ်လုံးကို တူရကီနိုင်ငံခြားရေး ၀န်ကြီးဌာန၏ ပံ့ပိုးမှုဖြင့် ကာဂျစ်စတန်နိုင်ငံ ဘစ်ရ်ှကတ်မြို့တွင် ဆောက်လုပ်နေသည်ဟု သိရသည်။

    မီတာ ၇၀ အမြင့်ရှိမည့် အဆိုပါ ဗလီဝတ်ကျောင်းတော်အား၂၀၁၂ ခုနှစ် မတ်လအတွင်းက စတင်ဆောက်လုပ်ခဲ့ခြင်းဖြစ်ပြီး ယခုအခါ ပြီးစီးတော့မည်ဖြစ်သည်။  ဗလီဝတ်ကျောင်းတော်အား မြေနေရာ ၅ ဧက ကျော်တွင် တည်ဆောက်ထားခြင်းဖြစ်ပြီး ၁၃၀၀ စတုရန်းမီတာ ကျယ်ဝန်းမည်ဖြစ်သည်။ ထို့ပြင် ထိုဗလီဝတ်ကျောင်းတော်တွင် မင်နာရာ(မျှော်စင်) ၄ ခုပါဝင်မည်ဖြစ်ကာ ၂ ခုမှာ ယခုလောလောဆယ်တွင် တည်ဆောက်ပြီးစီးသွားပြီဖြစ်သည်။

    ကိုယ်လက်သန့်စင်နိုင်သည့် နေရာ၊ မွဖ်သီချုပ် (ဓမ္မသတ်မှူးချူပ်) ၏ ရုံးခန်းအပါအ၀င်၊ ကားအစီးရေ ၈၀၀ ခန့် ထားနိုင်မည့် ကားပါကင် တစ်ခုလည်းပါဝင်မည်ဖြစ်ပြီး ဆောက်လုပ်ရေးလုပ်ငန်းများကို ၂၀၁၅ တွင် အပြီးသတ်နိုင်ရန် မျှော်မှန်းထားသည်။

    ယခုလက်ရှိတွင် ကမ္ဘာ့အကြီးဆုံး ဗလီဝတ်ကျောင်းတော်မှာ သက္ကရာဇ် ၆၃၄  ခုနှစ်က တည်ဆောက်ခဲ့သည့် ဆော်ဒီအာရေးဗီးယားနိုင်ငံ မက္ကာမြို့မှ ဗလီဝတ်ကျောင်းတော်ဖြစ်ပြိး တစ်ချိန်တည်းတွင် ၀တ်ပြုသူပေါင်း ၄ သန်း ၀တ်ပြုနိုင်သည်။

    ကာဇက်စ်တန်နိုင်ငံမှ နူရ်-အက်စ်တာနာ ဗလီဝတ်ကျောင်းတော်မှာ ယခုလက်ရှိတွင် အလယ်အာရှ၏ အကြီးဆုံး ဗလီဝတ်ကျောင်းတော်ဖြစ်သည်။

    World Bulletin

  • အဆင့်မြင့် နည်းပညာ အသုံးပြုသည့် (Smart Mosque) ဗလီ တစ်လုံး ဒူဘိုင်းတွင် ဖွင့်လှစ်

    ဖေဖော်ဝါရီ ၁၈ ၊ ၂၀၁၄
    M-Media
    uae-59970
    – ဗလီဝတ်ကျောင်းတော်များတွင် အဆင့်မြင့် နည်းပညာများ အသုံးပြု၍ ပြည်သူများအား ၀န်ဆောင်မှုပေးနိုင်ရန်အတွက် Smart Mosque ပရောဂျက်ကို ဆောင်ရွက်နေသည့် ယူအေအီးနိုင်ငံတွင် QR ကုဒ်စနစ်သုံး ဗလီဝတ်ကျောင်းတော် တစ်လုံးကို ဒူဘိုင်းမြို့၌ ဖေဖော်ဝါရီ ၉ ရက်နေ့ တနင်္ဂနွေနေ့တွင် ဖွင့်လှစ်ခဲ့သည်ဟု သိရသည်။

    ဒူဘိုင်းကမ်းခြေရှိ Sheikh Mohammed bin Rashid Al Maktoum အမည်ရသည့် ဗလီဝတ်ကျောင်းတော်ဖြစ်ပြီး၊ QR ကုဒ် စနစ်သုံး ပထမဆုံး ဗလီဝတ်ကျောင်းတော်ဖြစ်ကာ ယခုနှစ်အတွင်း အခြားသော ဗလီဝတ်ကျောင်းတော် ၉ လုံးကိုလည်း QR ကုဒ် စနစ် တပ်ဆင်သွားမည်ဖြစ်သည်။

    QR ကုဒ်စနစ်မှ တစ်ဆင့် ပြည်သူများမှာ ဗလီဝတ်ကျောင်းတော်၏ သမိုင်း၊ ၀တ်ပြုနိုင်သည့် လူဦးရေ ပမာဏ၊ ဗလီဝတ်ကျောင်းတော်၏ သဘာဝ၊ ဧရိယာ၊ ၀တ်ပြုချိန်များ၊ ထိုဗလီဝတ်ကျောင်းတော်မှ ဟောကြားသည့် တရားဒေသနာများနှင့် အစ္စလာမ် သာသာရေးသင်ခန်းစာများ၊ ထို့ပြင် သောကြာနေ့ တရားဒေသနာများ စသည်တို့ကို ဖုန်းများ၊ Tablet များအသုံးပြု၍ အလွယ်တကူ ရယူနိုင်မည်ဖြစ်သည်။

    ထိုအစီအစဉ်မှာ ယူအေအီးနိုင်ငံ၏ ဒုတိယသမ္မတ ဒူဘိုင်းဘုရင် မိုဟာမ်ဘင် ရရှစ် အလ်-မက်တွမ်မှ ၂၀၁၃ ခုနှစ်က  ကြေညာခဲ့သည့် နည်းပညာသုံး အစိုးရ ဖြစ်ပေါ်ရေး လှုပ်ရှားမှုအောက်တွင် ဖြစ်ပေါ်လာခြင်းဖြစ်ပြီး နည်းပညာအသုံးပြု ဗလီဝတ်ကျောင်းတော် ပေါ်ပေါက်လာရေး အစီအစဉ်၏ စိတ်အပိုင်းတစ်ခုလည်းဖြစ်သည်။

    အစ္စလာမ့်ရေးရာနှင့် အလှူဒါနလှုပ်ရှားမှုဌာန DIACA မှ အထွေထွေဒါရိုက်တာ ဟာမဒ်အလ်-ရှိုင်ဘာနီကမူ ဗလီဝတ်ကျောင်းတော်များ တိုးတက်ရေးနှင့် ပြည်သူများအနေဖြင့် ဗလီဝတ်ကျောင်းတော်နှင့် ပိုကောင်းသော ဆက်သွယ်မှုများရရှိရန် ရည်ရွယ်၍ Smart Mosque ပရောဂျက်ကို လုပ်ဆောင်ခြင်းဖြစ်ကြောင်း ပြောကြားခဲ့သည်။

    QR ကုဒ်စနစ်အရ ဗလီဝတ်ကျောင်းတော်များ၏ အချက်အလက်များကို ရယူနိုမည့်အပြင် ပြည်သူများမှာ ဗလီဝတ်ကျောင်းတော်အတွက် အကြံဥာဏ်များ၊ မှတ်ချက်များ၊ တုံ့ပြန်မှုများ၊ ဝေဖန်မှုများနှင့် အဆင်မပြေမှုများအတွက် သတင်းများ ပေးပို့နိုင်မည်ဖြစ်သည်။ ထို့ပြင် ဗလီဝတ်ကျောင်းတော်များ၌ အီလက်ထရောနစ် ဆက်သွယ်ရေးနှင့် ပတ်သက်၍ အနာဂတ်တွင် ပိုကောင်းသော ၀န်ဆောင်မှုများကိုလည်း ပြုလုပ် သွားမည်ဟု သိရသည်။

    Ref: IINA

  • အီတလီတွင် ဗလီဝတ်ကျောင်းသစ်ဖွင့်လှစ်

    အောက်တိုဘာ- ၂၉ ၂၀၁၃
    M-Media

    Italy
    ပြီးခဲ့သည့်သောကြာနေ့ Siena ခရိုင်ရှိ Colle Val d’Elsa တွင် ဗလီဝတ်ကျောင်းသစ်ဖွင့်ပွဲတစ်ခုကို ခြိမ့်ခြိမ့်သဲ ကျင်းပခဲ့သည်။ ၀တ်ကျောင်းတော်အတွင်း မွတ်စ်လင်မ်တို့၏ ဘာသာရေးနှင့်ယဉ်ကျေးမှုစင်တာကိုလည်း ထားရှိမည်ဖြစ်ကြောင်း သိရသည်။

    “ ဒီနေရာဟာ ငြိမ်းချမ်းရေးရဲ့သင်္ကေတတစ်ရပ်ဖြစ်ပါတယ် ” ဟု မြို့ခံမွတ်စ်လင်မ်ခေါင်းဆောင် Feras Jabarin မှ ပြောကြားသည်။

    ဗလီ၏မြေနေရာကို ဒေသခံမွတ်စ်လင်မ်တို့မှ ၉၉ နှစ်စာချုပ်ဖြင့် ငှားရမ်းထားသည်။ ဘာသာမရွေး Siena ဒေသခံများကို အခမ်းအနား၌ပါဝင်ရန် မွတ်စ်လင်မ်အသိုင်းအ၀ိုင်းမှ ဖိတ်ခေါ်ခဲ့ကြသည်။

    အီတလီနိုင်ငံတွင် ဝီကီရဲ့ စာရင်းများအရ လူဦးရေ(၆၀.၉) သန်းခန့် ရှိမည့်ပြီး မွတ်စလင်မ် ၁.၅ သန်း ရှိပြီးမည်ဟု ခန့်မှန်းထားပြီး နိုင်ငံအဝှမ်း ဗလီဝတ်ကျောင်းတော် (၅၀၀) ခန့်ရှိသည်ဟု သိရသည်။

    Source : islam.ru