ဇွန်လ ၁၆ ၊ ၂၀၁၄
M-Media
– အုပ်စု D နဲ့ အုပ်စု E က ပွဲသုံးပွဲကို မနေ့ညနဲ့ ဒီနေ့ မနက်တွေမှာ ကစားခဲ့ကြပါတယ်။
အိမ်ရှင် ဘရာဇီးလ်နဲ့အပြိုင် ဗိုလ်စွဲဖို့ရေပန်းစားနေတဲ့ အုပ်စု D က အာဂျင်တီးနားကတော့ မက်ဆီရဲ့ သွင်းဂိုးနဲ့အတူ ဘော့စနီးယားကို အနိုင်ရရှိခဲ့ပါတယ်။ ဒါပေမယ့် လွယ်လွယ်ကူကူ အနိုင်ရခဲ့တာမျိုးတော့ မဟုတ်ပါဘူး။ ဂိုးသွင်းခွင့်မှာ ဘော့စနီးယားက ပိုသာခဲ့ပြီး ပွဲအစ ၃ မိနစ်မှာ ကိုလာစီနတ်ရဲ့ ကိုယ့်ဂိုးကိုယ်သွင်းမိခဲ့တာက အာဂျင်တီးနားအတွက် အသာရစေခဲ့ပါတယ်။
၁၃ မိနစ်မှာ ချေပဂိုးရနိုင်တဲ့ အခွင့်အရေးတစ်ခု ဘော့စနီးယားတို့ ရခဲ့ပေမယ့် အာဂျင်တီးနား ဂိုးသမား လက်စွမ်းပြ ကာကွယ်သွားနိုင်ခဲ့ပါတယ်။ ဘော့စနီးယားတို့ရဲ့ ခံစစ်ပိုင်းက အတွဲညီနေတာကြောင့် မက်ဆီ၊ အဂူရိုတို့ရဲ့ ထိုးဖောက်မှုတွေဟာ အရာမထင်ခဲ့ပါဘူး။ ၆၅ မိနစ်မှာတော့ မက်ဆီရဲ့ တစ်ကိုယ်တော်ထိုးဖောက်မှုကတစ်ဆင့် အာဂျင်တီးနားတို့ ဒုတိယဂိုး ရရှိခဲ့ပါတယ်။ ဒီဂိုးဟာ ၂၀၀၆ ခုနှစ်နောက်ပိုင်း ကမ္ဘာ့ဖလားပြိုင်ပွဲမှာ မက်ဆီရဲ့ ဒုတိယမြေက်ဂိုးလည်း ဖြစ်ပါတယ်။
၈၄ မိနစ်မှာ အိုက်ဗီဆီဗစ်က ဘော့စနီးယားအတွက် ချေပဂိုး တစ်ဂိုး သွင်းယူပေးနိုင်ခဲ့ပေမယ့် ပွဲအပြီးမှာတော့ အာဂျင်တီးနားတို့က ၂ ဂိုး ၁ ဂိုးနဲ့ အနိုင်ရခဲ့ပါတယ်။
အုပ်စု E ရဲ့ ပြင်သစ်နဲ့ ဟွန်ဒူးရပ်စ်တို့ပွဲမှာတော့ တစ်ယောက်လျော့ ဟွန်ဒူးရပ်စ်ကို ပြင်သစ်တို့ ၃ ဂိုးပြတ်နဲ့ အနိုင်ရခဲ့ပါတယ်။ ပထမပိုင်းတစ်ပိုင်းလုံးမှာ ပြင်သစ်အသင်းဟာ ကစားကွက် တည်မရခဲ့ပါဘူး။ ဒါပေမယ့် ပထမပိုင်းပြီးကာနီးမှာ ပြင်သစ်ကွင်းလယ်လူပေါ့ဘာကို ပလာစီအို့စ်က ဧရိယာထဲမှာ ပြစ်ဒဏ်ဘော ကျူးလွန်တဲ့အတွက် ပင်နယ်တီရခဲ့ပြီး ဘန်ဇီမာက အမှားအယွင်းမရှိ ကန်သွင်းယူနိုင်ခဲ့ပါတယ်။ ဒီဖျက်ထုတ်မှုကြောင့်ပဲ ပလာစီအို့စ်ဟာ နှစ်ဝါ တစ်နီနဲ့ အထုတ်ခံခဲ့ရပါတယ်။ ဒုတိယပိုင်းမှာတော့ တစ်ယောက်လျော့ ဟွန်ဒူးရပ်စ်ကို ပြင်သစ်တို့ စိတ်ကြိုက်ကစားနိုင်ခဲ့ပြီး ၄၈ မိနစ်မှာ ဗလာဒါရက်စ်က ကိုယ့်ဂိုးကိုယ်သွင်းမိတဲ့အတွက် ပြင်သစ်တို့ တစ်ဂိုးထပ်ရခဲ့ပြီး ၇၂ မိနစ်မှာ ဘန်ဇီမာက တစ်ဂိုးထပ်သွင်းနိုင်ခဲ့တာကြောင့် ၃ ဂိုး ဂိုးမရှိနဲ့ ပွဲသိမ်းခဲ့ပါတယ်။
ဆွဇ်လန်နဲ့ အီကွေဒေါတို့ရဲ့ပွဲမှာတော့ ဆွဇ်လန်အသင်းက ဒုတိယပိုင်း နာကျင်အချိန်ပို သွင်းဂိုးနဲ့ အနိုင် ၃ မှတ်ရခဲ့ပါတယ်။ ပွဲအစပိုင်းမှာ အီကွေဒေါက တောက်လျှောက်တိုက်စစ်ဆင်ကစားခဲ့ပြီး ၂၂ မိနစ်မှာ ဗလင်စီယာက ဦးဆောင်ဂိုး သွင်းယူနိုင်ခဲ့ပါတယ်။ ဆွဇ်လန်တို့ ခံစစစ်ကစားပုံ ကောင်းခဲ့ပြီး နောက်ပိုင်းမှာ ဘောလုံးပိုင်ဆိုင်မှု ပိုရလာက အီကွေဒေါဘက်ကိုလည်း ထိုးဖောက်လာနိုင်ခဲ့ပါတယ်။ ဒုတိယပိုင်းအစမှာ ဆွဇ်လန်တို့ ချေပဂိုး ရခဲ့ပြီး မဟ်မဒီက သွင်းပေးခဲ့တာပါ။ နောက်ပိုင်းမှာ အီကွေဒေါတို့ ဂိုးရဖို့ အကောင်းဆုံး အခွင့်အရေး တစ်ကြိမ်ရခဲ့ပေမယ့် အသုံးမချနိုင်ခဲ့ဘဲ နောက်ဆုံးမိနစ်မှာ တန်ပြန်တိုက်စစ်ကနေတစ်ဆင့် လူစားဝင်လာတဲ့ ဆီဖီရိုဗစ်က ဆွဇ်လန်အတွက် အဖိုးတန် အနိုင်ဂိုး သွင်းယူပေးနိုင်ခဲ့ပါတယ်။
မနေ့ညနဲ့ ဒီနေ့မနက်မှာ ကစားခဲ့တဲ့ ပွဲစဉ်များရဲ့ ရလဒ်ကတော့ အောက်ပါအတိုင်းဖြစ်ပါတယ်။
အုပ်စု D
အာဂျင်တီးနား ၂-၁ ဘော့စနီးယား
အုပ်စု E
ပြင်သစ် ၃-၀ ဟွန်ဒူးရပ်စ်
ဆွဇ်လန် ၂-၁ အီကွေဒေါ
