ဇွန်လ ၁၉ ၊ ၂၀၁၄
M-Media
လက်ရှိချန်ပီယံ စပိန်၊ သြစတေးလျနဲ့ ကင်မရွန်းတို့ အုပ်စုအဆင့်မှာပဲ လက်ပြ နှုတ်ဆက်ခဲ့ရတဲ့ ဇွန် ၁၈၊ ၁၉ ကမ္ဘာ့ဖလားပွဲစဉ်များ
– မနေ့ညနဲ့ ဒီနေ့မနက်ကစားခဲ့တဲ့ ကမ္ဘာ့ဖလားအုပ်စုပွဲစဉ်တွေမှာတော့ အုပ်စုအဆင့်ကနေ လှည့်ပြန်ရမယ့် အသင်းတွေပေါ်လာခဲ့ပြီး လက်ရှိချိန်ပီယံ စပိန်အသင်းလည်း ပါဝင်ခဲ့ပါတယ်။ ဟော်လန်ကနဲ့ချီလီကတော့ နောက်တစ်ဆင့်ကို တက်ရောက်သွားခဲ့ပြီး ခရိုအေးရှားကလည်း နောက်တစ်ဆင့်တက်ရေးမျှော်လင့်ချက်တွေ ရှင်သန်လာခဲ့ပါတယ်။
အုပ်စု B ရဲ့ သြစတေးလျနဲ့ ဟော်လန်တို့ပွဲမှာ နှစ်ဖက် ဂိုးတွေအပြန်အလှန်သွင်းကာ ကြည့်ကောင်းခဲ့ပြီး ဟော်လန်က ၃ ဂိုး ၂ ဂိုးနဲ့အနိုင်ရကာ နောက်တစ်ဆင့်တက်ဖို့ သေချာသွားခဲ့ပါတယ်။ စပိန်နဲ့ပွဲတုန်းက ၂ ဂိုးစီသွင်းခဲ့တဲ့ ရော်ဘင်နဲ့ ဗန်ပါစီ ဒီပွဲမှာလည်း တစ်ဂိုးစီသွင်းခဲ့ပါတယ်။ သြစတေးလျကတော့ ၂ ပွဲကစား ၂ ပွဲစလုံးရှုံးနိမ့်ခဲ့တာကြောင့် ကမ္ဘာ့ဖလားပြိုင်ပွဲကို လက်ပြ နှုတ်ဆက်ခဲ့ရပါပြီ။
အဖွင့်ပွဲမှာ ဟော်လန်ကို ဂိုးပြတ်နဲ့ အရှက်တကွဲရှုံးနိမ့်ခဲ့ရတဲ့ စပိန်တို့ ဒီနေ့မနက် ချီလီနဲ့ပွဲမှာလည်း ၂ ဂိုးပြတ်နဲ့ ထပ်မံရှုံးနိမ့်ခဲ့ပါတယ်။ ဒီပွဲကို မဖြစ်မနေအနိုင်ကစားရမှာဖြစ်တဲ့အတွက် အသင်းကို နည်းပြ ဒဲလ်ဘော့စကေးက အပြောင်းအလဲတစ်ချို့လုပ်ခဲ့ပေမယ့် ကစားပုံကတော့ ထူးခြားမလာခဲ့ပါဘူး။ ချီလီအတွက်ဂိုးတွေကို ပထမပိုင်းမှာပဲ ရခဲ့တာဖြစ်ပြီး ဒုတိယပိုင်းမှာ စပိန်တို့ ဂိုးသွင်းခွင့်အချို့ရခဲ့ပေမယ့် ဂိုးအဖြစ်တော့ မပြောင်းလဲနိုင်ခဲ့ပါဘူး။ ချီလီကတော့ ဟော်လန်နဲ့အတူ ၁၆ သင်းအဆင့်ကို တက်ရောက်နိုင်ခဲ့ပြီး လက်ရှိချန်ပီယံ စပိန်ကတော့ အိမ်ပြန်ရပါတော့မယ်။
အိမ်ရှင်ဘရာဇီးကို အဖွင့်ပွဲမှာ အရှုံးပေးခဲ့ရတဲ့ ခရိုအေးရှားကတော့ မန်ဇူကစ်ရဲ့ ဂိုးတွေနဲ့အတူ ကင်မရွန်းကို ဂိုးပြတ်နဲ့ အနိုင်ယူခဲ့ပါတယ်။ ပွဲအစမှာ ကင်မရွန်းက အသာရခဲ့ပေမယ့် ဂိုးရသွားတာကတော့ ခရိုအေးရှားဖြစ်ပြီး ၁၁ မိနစ်မှာ အိုလစ်က သွင်းယူပေးခဲ့တာပါ။ နောက်ပိုင်းမှာ ကင်မရွန်းတို့ ဂိုးရဖို့ ကြိုစားခဲ့ပြီး အခွင့်အရေးတစ်ချို့ရခဲ့ပေမယ့် အသုံးမချနိုင်ခဲ့ဘဲ ပထမပိုင်းပြီးကာနီးမှာ နောက်ခံလူ အဲလက်ဆောင်း အထုတ်ခံခဲ့ရတာက ပွဲကို အပြောင်းအလဲဖြစ်စေခဲ့ပါတယ်။
ဒုတိယပိုင်းမှာ ခရိုအေးရှားက ဂိုးတွေ ဆက်တိုက်သွင်းယူခဲ့ပြီး အဖိုးတန် အနိုင်သုံးမှတ်ကို ရယူနိုင်ခဲ့ပါတယ်။ ဒီပွဲအနိုင်ဟာ ၂၀၀၂ခုနှစ်နောက်ပိုင်း ကမ္ဘာ့ဖလား နောက်ဆုံးအဆင့်မှာ ခရိုအေးရှားနဲ့ ပထမဆုံးနိုင်ပွဲလည်းဖြစ်ပါတယ်။ ပထမပွဲမှာ မက္ကဆီကို ကို ရှုံးထားတဲ့ ကင်မရွန်းတို့ အုပ်စုအဆင့်ကပဲ လှည့်ပြန်ခဲ့ရပါပြီ။ ခရိုအေးရှားက ရမှတ် ၃ မှတ်ရရှိထားပြီး ဘရာဇီး၊ မက္ကဆီကိုတို့နဲ့ ၁ မှတ်အကွာ တတိယနေရာမှာရှိနေကာ မက္ကဆီကိုနဲ့ နောက်ဆုံးပွဲကတော့ နောက်တစ်ဆင့်တက်ရေး အဆုံးအဖြတ် ဖြစ်လာမှာ ဖြစ်ပါတယ်။
အုပ်စု A
ခရိုအေးရှား ၄-၀ ကင်မရွန်း
အုပ်စု B
ချီလီ ၂-၀ စပိန်
ဟော်လန် ၃-၂ သြစတေးလျ
