Tag: Yangon Region

ဇူလိုင် ၄၊ ၂၀၁၉
M-Media

-ဇွန်လ ဒုတိယပတ်ကနေ ဇူလိုင် ၃ ရက်နေ့အထိ နိုင်ငံတစ်ဝှမ်း ရာသီတုပ်ကွေး H1N1 ကူးစက်မှုကြောင့် သေဆုံးသူ အရေအတွက်ဟာ ၂၆ ဦး ရှိလာပြီလို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ပါတယ်။

ရောဂါ ကူးစက်နေတယ်လို့ သံသယရှိသူ ၃၈၅ ဦးကို စစ်ဆေးရာမှာ ၁၁၄ ဦး ရောဂါကူးစက်နေတာကို တွေ့ခဲ့ရတယ်လို့ ဆိုပါတယ်။ H1N1 ကြောင့် သေဆုံးမှု အများဆုံးက ရန်ကုန်တိုင်းဒေသကြီးမှာဖြစ်ပြီး ၂၂ ဦးအထိ ရှိနေပါတယ်။

ကျန်းမာရေးဝန်ကြီးဌာနရဲ့ လက်ထောက် ညွှန်ကြားရေးမှူး ဒေါက်တာ ဒေါ်ခင်ခင်ကြီးက သေဆုံးသူအများစုဟာ နာတာရှည်ရောဂါအခံ ရှိတာကြောင့် ဖြစ်တယ်လို့ ပြောကြားခဲ့ပါတယ်။

“သေဆုံးသွားသူတွေရဲ့ ၃ ပုံ ၂ ပုံလောက်မှာ နာတာရှည် ကျန်းမာရေး ပြဿနာတွေ ရှိနေတာပါ။ သူတို့ရဲ့ ကိုယ်ခံစွမ်းအားဟာ အားနည်းလွန်းတာကြောင့် လွယ်လွယ်ကူကူနဲ့ ရောဂါ ကူးစက်တာပါ။ ဆီးချို၊ သွေးတိုး၊ နှလုံးနဲ့ အသက်ရှုလမ်းကြောင်း ဆိုင်ရာ ရောဂါ ရှိတဲ့သူတွေဟာ (H1N1 ကူးစက်ပြီးတဲ့နောက်) အသက်ဆုံးရှုံးဖို့အန္တရာယ် ပိုမို မြင့်မားပါတယ်”

၂၀၁၇ ခုနှစ်အတွင်း H1N1 သံသယရှိသူ ၁၁၆၅ ဦးကို စစ်ဆေးရာမှာ ၄၀၆ ဦး ကူးစက်နေတာကို တွေ့ခဲ့ရပြီး လူ ၃၀ သေဆုံးခဲ့ပါတယ်။ ပြီးခဲ့တဲ့နှစ်မှာ ရောဂါကူးစက်နေသူ ၁၃ ဦးရှိခဲ့ပြီး သေဆုံးမှု မရှိဘူးလို့ ပြည်သူ့ကျန်းမာရေး ဦးစီးဌာန မှတ်တမ်းမှာ ဖော်ပြထားပါတယ်။

Ref: Irrawaddy

(ဧရာဝတီသတင်းဌာန အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုပါသည်)

ဇွန် ၂၀၊ ၂၀၁၉
M-Media

-ကူးစက်မြန် H1N1 တုပ်ကွေး ရောဂါကြောင့် ရန်ကုန်မြို့မှာ လူ ၃ ဦး သေဆုံးခဲ့ပြီး အခြား ၄ ဦးမှာလည်း ဒီရောဂါပိုး ကူးစက်နေတယ်ဆိုတာ တွေ့ခဲ့ရကြောင်း ကျန်းမာရေးဝန်ကြီးဌာနက မနေ့မှာ အတည်ပြု ပြောကြားလိုက်ပါတယ်။

ကော့မှူးမြို့နယ်က အသက် ၂၉ နှစ်အရွယ် အမျိုးသမီးတစ်ဦး ပထမဆုံး သေဆုံးခဲ့ပြီး ဇွန်လ ၁၇ ရက်နေ့မှာတော့ စမ်းချောင်းက အသက် ၇၅ နှစ်အရွယ် အမျိုးသားတစ်ဦးနဲ့ ဒဂုံဆိပ်ကမ်းမြို့နယ်က အသက် ၃၂ နှစ်အရွယ် အမျိုးသားတစ်ဦးတို့ သေဆုံးခဲ့ပါတယ်။

မနေ့က ရန်ကုန်မှာပြုလုပ်တဲ့ သတင်းစာ ရှင်းလင်းပွဲမှာ ကျန်းမာရေးတာဝန်ရှိသူတွေက ကူးစက်ခံထားရတယ်လို့ သံသယရှိသူ ၂၀ ကို စစ်ဆေးရာမှာ ၇ ဦး ကူးစက်နေတာကို တွေ့ရှိခဲ့ရတယ်လို့ ပြောကြားခဲ့ပါတယ်။ ရောဂါကူးစက်နေသူ နောက်ထပ် ၄ ဦးကို မြောက်ဥက္ကလာပ ဆေးရုံ၊ အင်းစိန်ဆေးရုံနဲ့ ရန်ကုန်ဆေးရုံကြီးတို့မှာ ကုသပေးနေတယ်လို့ ဆိုပါတယ်။

“၂၀၁၇ ခုနှစ်တုန်းကလည်း ကျွန်တော်တို့ ဒီလို အခြေအနေမျိုး ကြုံတွေ့ခဲ့ရပါတယ်။ ပြည်သူလူထုအနေနဲ့ အရမ်းမစိုးရိမ်ဖို့ တိုက်တွန်းလိုပါတယ်” လို့ ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာန အကြီးအကဲ ဒေါက်တာထွန်းမြင့်က သတင်းစာရှင်းလင်းပွဲမှာ ပြောကြားခဲ့ပြီး ထိထိရောက်ရောက် ကုသနိုင်ဖို့အတွက် လိုအပ်တဲ့ ကြိုတင်ဆောင်ရွက်မှုတွေ လုပ်ဆောင်ထားတယ်လို့လည်း ထည့်သွင်း ပြောဆိုခဲ့ပါတယ်။

ရောဂါကူးစက်မှုမရှိစေရေးအတွက် နှာချေ၊ ချောင်းဆိုတဲ့အခါမျိုးမှာ နှာခေါင်းနဲ့ ပါးစပ်တွေကို အုပ်ထားဖို့၊ အိပ်ရေး၀၀အိပ်ဖို့၊ ရေများများသောက်ဖို့၊ လက်တွေကို မကြာခဏ ဆေးကြောပေးဖို့၊ နေ့ဘက် အရမ်းပူပြင်းတဲ့အချိန်မျိုးမှာ အပြင်မထွက်ဖို့လည်း ကျန်းမာရေး အာဏာပိုင်တွေက လူထုကို တိုက်တွန်းထားပါတယ်။

H1N1 ရောဂါဟာ ၂၀၀၉ ခုနှစ်ကစလို့ နှစ်စဉ် ပုံမှန် ဖြစ်ပွားခဲ့ပြီး ရောဂါလက္ခဏာတွေက ရာသီတုပ်ကွေးဖြစ်တာ၊ ချောင်းဆိုတာ၊ အဖျားတက်တာ၊ လည်ချောင်းနာတာ၊ နှာစေးတာ၊ ခန္ဓာကိုယ်ယားယံတာ၊ ခေါင်းကိုက်တာ၊ အဖျားကြီးပြီး၊ သတိလစ်မေ့မျောတာတွေ ဖြစ်ပါတယ်။

Ref: Irrawaddy

(ဧရာဝတီသတင်းဌာန အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုပါသည်)

မေ ၁၇၊ ၂၀၁၉
M-Media

-အင်းစိန် အထွေထွေရောဂါကုဆေးရုံမှာ လာရောက်ကုသတဲ့ ခွေးကိုက်လူနာဟာ တစ်နေ့ကို လူ ၂၀ လောက်ရှိတယ်လို့ ဆေးရုံ တာဝန်ရှိသူတွေက ပြောကြားလိုက်ပါတယ်။

အခုနှစ် ဇန်နဝါရီလကနေ ဧပြီလအထိ ခွေးကိုက်ခံရတဲ့လူနာ ၁၆၂၇ ဦး အင်းစိန်ဆေးရုံမှာ လာရောက် ကုသခဲ့ပြီး အင်းစိန်၊ လှိုင်၊ မြေနီကုန်းနဲ့ လှိုင်သာယာမြို့နယ်တွေက ဖြစ်တယ်လို့ဆိုပါတယ်။ ဆေးရုံမှာ ခွေးရူးရောဂါကြောင့် သေဆုံးသူဟာ အခုနှစ် ပထမ ၄ လအတွင်း တစ်ဦးသာ ရှိပါတယ်။

ပြီးခဲ့တဲ့နှစ် တစ်နှစ်လုံး အင်းစိန်ဆေးရုံမှာ ခွေးကိုက်လူနာ ၅၀၀၀ လောက် လာရောက်ကုသခဲ့ပါတယ်။

ရန်ကုန်တိုင်းဒေသကြီးအတွင်းမှာ ခွေးကိုက်ခံရတဲ့ လူနာအရေအတွက် မြင့်တက်လာတဲ့အတွက် ကျန်းမာရေးနဲ့ အားကစားဝန်ကြီးဌာနဟာ ရန်ကုန်ဆေးရုံကြီး၊ အင်းစိန်ဆေးရုံ၊ သင်္ကန်းကျွန်း စံပြဆေးရုံးနဲ့ မြောက်ဥက္ကလာပ ဆေးရုံတို့မှာ ခွေးကိုက်ခံရသူတွေကို ကုသပေးမယ့် စင်တာ ၄ ခု ဖွင့်လှစ်ဖို့ စီစဉ်နေပါတယ်။

ပြည်သူ့ကျန်းမာရေး ဦးစီးဌာနရဲ့ ခွေးရူးရောဂါ ထိန်းချုပ်တားဆီးရေး စီမံကိန်း လက်ထောက်ညွှန်ကြားရေးမှူး ဒေါက်တာ သက်ဝေနွယ်က ဒီစင်တာတွေကို မြန်မြန်ဆန်ဆန် ဖွင့်လှစ်ဖို့ စီစဉ်နေတယ်လို့ ပြောကြားခဲ့ပါတယ်။ အဲဒီစင်တာတွေဟာ ကမ္ဘ္ဘာ့ကျန်းမာရေးအဖွဲ့ WHO ရဲ့ လမ်းညွှန်ချက်နဲ့အညီ ခွေးရူးရောဂါ ကာကွယ်ဆေးထိုးနှံမှုကို ဆောင်ရွက်မှာ ဖြစ်ပါတယ်။

၂၀၁၈ ခုနှစ်အတွင်း မြန်မာနိုင်ငံတစ်ဝှမ်း ခွေးကိုက်ခံရသူ ၁၉၁၆၁၉ ဦး ရှိခဲ့ပြီး အများစုက ရန်ကုန်တိုင်းဒေသကြီးမှာ ဖြစ်ပွားတာ ဖြစ်ပါတယ်။ ခွေးရူးရောဂါကြောင့် သေဆုံးသူ အရေအတွက်က ၇၀ ရှိခဲ့ပါတယ်။

မြန်မာနိုင်ငံ တရိစ္ဆာန်ဆေးကု ဆရာဝန်များအသင်းနဲ့ ယူကေအခြေစိုက် ကမ္ဘ္ဘာ့တိရစ္ဆာန်ဆေးကု ၀န်ဆောင်မှုအဖွဲ့ WVS တို့ဟာ ရန်ကုန်မြို့မှာရှိတဲ့ ခွေးလေခွေးလွင့်တွေ သားဆက်ခြားရေး အစီအစဉ်တစ်ခုကို ဗုဒ္ဓဟူးနေ့က ဆောင်ရွက်ခဲ့ပါတယ်။ တစ်ပတ်တာ ကြာမြင့်မယ့် ဒီအစီအစဉ်မှာ လှိုင်မြို့နယ်က ခွေးပေါင်း ၅၀၀ လောက်ကို သားဆက်ခြားပေးနိုင်မယ်လို့ မျှော်လင့်ထားပါတယ်။

Ref: mmtimes

(Myanmar Times အင်္ဂလိပ်ပိုင်းမှ သတင်းကို ထုတ်နှုတ် ဘာသာပြန်ဆိုပါသည်)