Tag: Yangon

ဒီဇင်ဘာ ၂၉၊၂၀၁၂
ရန်ကုန်
သတင်း- ဇာဇာလှိုင်

ဒီမိုကရေစီ အင်အားစုမှ ကြီးမှူးကျင်းပသော လက်ပံတောင်းတောင် ဒဏ်ရာရ သံဃာတော်များအား နေ့ဆွမ်းကပ် လှူဒါန်းပွဲကို ဒီဇင်ဘာ ၂၉ရက်နေ့က ရန်ကုန်ပြည်သူ့ဆေးရုံကြီး အရေပြားကုသမူ အဆောင် နားတွင် နံနက်၁၀နာရီခွဲမှ ၁၂နာရီထိ ကျင်းပ ပြုလုပ်ခဲ့ကြောင်း သတင်းရရှိသည်။

လက်ပံတောင်းတောင် ဒဏ်ရာရ သံဃာတော် စောင့်ရှောက်ရေး အဖွဲ့မှ မန္တလေး တိုင်း မုံရွာဆရာတော် ဦးသု(ခ)ဦးဝိမလ က “NlD ၊ ဒီမိုကရေစီ အင်အားစုတွေက ဦးဇင်းတို့ရဲ့ ဆွမ်းကိစ္စ အ၀၀ကို လိုလေးသေးမရှိ ၂၄နာရီ အပြည့် ဆောင်ရွက်ပေးနေပါတယ်။ မန္တလေးကနေ ဦးဇင်းတို့ ရန်ကုန်ကို ၁၆ရက်နေ့က စရောက်ပြီး ဆေးကုသမူ ခံယူနေပါတယ်။ ဒဏ်ရာရ သံဃာသုံးပါးရယ်၊သံဃာတော်တို့ကို စောင့်ရှောက်တာက နှစ်ပါး စုစုပေါင်း ငါးပါးဖြစ်ပါတယ်။ အခြား ဦးဇင်းတွေက ရန်ကုန်ကပါ။ ဒီမိုကရေစီ အင်အားစုတွေမှာလည်း ဘာသာမရွေး၊လူမျိုးမရွေး ပါပါတယ်။ လူသားချင်း ကိုယ်ချင်းစာနာတဲ့ စိတ်ဓာတ် ရှိတဲ့သူတွေပါ ”ဟု M_Media သို့ပြောကြားခဲ့သည်။

ဆက်လက်ပြီး လက်ပံတောင်းတောင် အရေးနှင့် ပတ်သပ်ပြီး ဆန္ဒ ဖော်ထုတ်သူတွေကို တရားစွဲဆိုနေခြင်းကြောင့် တရားစွဲဆို ခံရသူတွေဟာ အခက်အခဲနဲ့ ကြုံတွေ့ နေပါတယ်။ တစ်ရက်ကို တရားရုံး သုံး၊လေး ရုံးက တပြိုင်တည်း စွဲဆိုတာတွေရှိတယ်။ ဒါဟာ အနုနည်း နှိပ်စက်နေခြင်းပါ။ဦးဇင်းတို့ အနေနဲ့ တရားစွဲဆိုမူတွေ ရပ်ဆိုင်းပေးဖို့ မီဒီယာတွေကနေတဆင့် တောင်းဆိုပါတယ်”ဟု ၎င်းက M-Media သို့ပြောကြားခဲ့သည်။

ဒီမိုကရေစီရေး အင်အားစုများထဲက ကိုအောင်နိုင်သူ မှ “ဒီနေ့ ဆွမ်းကပ်တဲ့ ပွဲလေးမှာ  ဗုဒ္ဓဘာသာ တွေအပြင် အစ္စလာမ်တွေရော၊ ခရစ်ယာန်တွေပါ အားလုံးပါဝင်ပါတယ်။ဘာသာ ပေါင်းစုံနေထိုင်တဲ့ မြန်မာပြည်မှာ ဘာသာလူမျိုး မခွဲခြားဘဲ လူသားချင်း ကိုယ်ချင်းစာ တဲ့စိတ်ဓာတ်နဲ့ ပူပေါင်း ပါဝင် လုပ်ကိုင်ကြခြင်း ဖြစ်ပါတယ်”ဟု M-Media သို့ပြောကြားခဲ့သည်။

ဒီမိုကရေစီရေးတွင် ပါဝင်လှုပ်ရှားဆောင်ရွက်နေသူ ဒေါ်နော်အုန်းလှ ကလည်း“ဒီ နေ့ဆွမ်းကပ်တဲ့  ရည်ရွယ်ချက်လေးက ဒီနေ့က လက်ပံတောင်းမှာ သံဃာတော်တွေ ဖြိုခွင် ခံရတာ တစ်လပြည့် တဲ့နေ့မို့လို့ပါ ”ဟု ပြောပါသည်။

လက်ပံတောင်းတောင် ကြေးနီစီမံကိန်း သပိတ်စခန်းတွင် ငြိမ်းချမ်းစွာ ဆန္ဒဖော်ထုတ် ခဲ့သည့် သံဃာတော်များအား နိုဝင်ဘာ ၂၉ရက်နေ့ နံနက် ၃နာရီခန့်က အင်အားသုံး ဖြိုခွင်း၍ မီးလောင် ဒဏ်ရာရရှိခဲ့ခြင်း အပေါ် မီးခိုးဗုံး သို့မဟုတ် မီးလောင်ဗုံးဟု ဒွိဟ ဖြစ်နေမူများအား ပြီးပြတ်စေရေး အတွက် ဒီမိုကရေစီရေးနှင့်ငြိမ်းချမ်းရေး အမျိုးသမီး ကွန်ယက်မှ အမျိုးသမီးများ ဦးဆောင်၍ မည်သည့် အမျိုးအစား ဖြစ်ကြောင်း ဓာတုဗေဒ ပညာရှင်များ၊အများပြည်သူနှင့် သတင်းဌာန များရှေ့ လက်တွေ့စမ်းသပ်ခံလိုကြောင်း ဆန္ဒဖော်ထုတ် တင်ပြခြင်း ဖြစ်ကြောင်း စုံစမ်းသိရှိရသည်။

ဒီဇင်ဘာ ၁၈၊၂၀၁၂
M-Media
ဆောင်းနှင်းမှုံ

လက်ပံတောင်းတောင် ကြေးနီစီမံကိန်းရပ်ဆိုင်းရေးအတွက် တောင်းဆိုဆန္ဒပြသူတွေထဲက ဦးဆောင်သူ (၆) ဦးကို ရန်ကုန်မြို့ အင်းစိန် အကျဉ်းထောင်မှ ဒီဇင်ဘာ ၁၁ရက်နေ့ က အာမခံဖြင့် ပြန်လည်လွတ်မြောက်လာခဲ့ကြောင်း သတင်းရရှိသည်။

ထိုနေ့ ၌ ကျောက်တံတားမြို့ နယ် တရာရုံးနှင့် ဗဟန်းမြို့ နယ် တရားရုံးတို့ မှအာမခံဖြင့်လွတ်မြောက်လာကြသူများမှာ ကိုညီညီ (မြန်မာ-မွတ်စလင်) ၊ ကိုရဲလင်း ၊ ကိုဝေဠု ၊ ဦးမျိုးချစ် ၊ နော်အုံးလှ နှင့် ဒေါ်ရှမ်းမ တို့ ဖြစ်ကြပြီး ၄င်းတို့ကို ပုဒ်မ ၁၈၊ပုဒ်မ ၅၀၅/ခ  ပုဒ်မ နှစ်ခုတို့်ဖြင့် တရားစွဲဆိုခဲ့ပြီး အင်းစိန်ထောင်သို့ခေါ်သွားခြင်းဖြစ်ကြောင်းသိရသည်။

    ဦးဆောင်ဆန္ဒပြသူထဲမှတစ်ဦးဖြစ်သော ကိုညီညီက “အမိမြေငြိမ်းချမ်းရေးမစ်ရှင်ကိုယ်စားပြုက ကိုရဲလင်း ၊ ရန်ကုန်ပြည်သူ့  အကျိုးဆောင်ကွန်ယက်ကနေ ကိုယ်စားပြုတာက ကိုဝေဠု ကျွန်တော်က လူ့ အခွင့်အရေးနှင့် တရားဥပဒေစိုးမိုးရေး ကွန်ယက် ကနေ ကိုယ်စားပြု လှုပ်ရှားတာပါ။ကျွန်တော်တို့ ဆန္ဒပြရခြင်းရဲ့ အကြောင်း(၃) ချက်ရှိတယ်။ တစ်အချက်က တရုတ်ပြည်သတင်းစာ အာဘော်ဖြစ်တဲ့ မြန်မာပြည်ကို တရုတ်လက်ထဲက ထုတ်လို့မရဘူးဆိုတာရယ် ၊ နှစ်အချက်က လက်ပံတောင်းတောင်မှာ စိုက်ထူထားတဲ့စာထဲမှာ တရုတ် နယ်မြေလို့ရေးထားတဲ့ အကြောင်းရယ်၊ သုံးအချက်က  တရုတ်နိုင်ငံရဲ့ တာဝန်ခံ မြန်မာအစိုးရက ဧရာဝတီ စီမံကိန်းတွေကို ဆက်လက်လုပ်ကိုင်မယ်ဆိုတာရယ်၊ သမ္မတရုံး ဝန်ကြီး ဦးအောင်မင်းပြောတဲ့ ထဲက တရုတ်ကိုကြောက်ရပါတယ်ဆိုတဲ့ စကားရယ် ကြောင့် မြန်မာနိုင်ငံသားတစ်ယောက် အနေနဲ့  လက်မခံနိုင်လို့ ဆန္ဒပြခဲ့တာပါ ”ဟု M-Media သို့ပြောကြားသည်။

ဆက်လက်ပြီး ကိုညီညီက“ အစ္စလာမ်ဘာသာဝင် တစ်ယောက်အနေနဲ့ ဘာသာရေးရဲ့ အဆုံးအမ လမ်းညွှန်ချက်ဖြစ်သော အမိမြေကို ချစ်မြတ်နိုးရမယ်ဆိုတဲ့ ခံယူချက်ကြောင့်ရော၊ တိုင်းရင်းသား တစ်ယောက်အနေနဲ့ လူထုအကျိူးစီးပွား အတွက်ကြောင့်ရော၊ ခေတ်အဆက်ဆက် မြန်မာမွတ်စလင် တွေဟာ တိုင်းပြည်အပေါ် တာဝန်ကျေခဲ့သလို တိုင်းပြည်အရေးနဲ့ ပတ်သက်လာရင် ရှေ့တန်းက တက်တက်ကြွကြွ ပါဝင်ဆောင်ရွက်သူတွေပါဆိုတဲ့ သမိုင်းအစဉ်အလာကို ဆက်လက်ထမ်းပိုး ခြင်းဖြစ်ပါတယ်လို့ M-Media သို့ပြောကြားသည်။

နိုင်ငံရေး လှုပ်ရှားမူတွင် ပါဝင်နေသူ ကိုအောင်အောင်က “ကိုညီညီဟာ ဗမာမွတ်စလင် နိုးကြားရေး ကွန်ယက်မှာ ပါဝင်သူ တစ်ဦးဖြစ်တယ်။ NLD ပါတီရဲ့ မအူကုန်းဥက္ကဌ အဖြစ် အဖမ်းမခံရမီ ၃ရက်အရင်က ရွေးချယ်ခံရသူ ဖြစ်တယ်။ကြားဖြတ်ရွေးကောက်ပွဲ ကာလမှာလည်း မင်္ဂလာတောင်ညွှန့် မြို့နယ် ကိုယ်စားလှယ်လောင်း မဖြူဖြူသင်းအတွက် ရွေးကောက်ပွဲ အောင်နိုင်ရေးကို စွမ်းစွမ်းတမံ ဦးစီးဦးဆောင် ဆောင်ရွက်ခဲ့သူ ဖြစ်တယ်”ဟု M-Media သို့ပြောငြားသည်။

ဆက်လက်ပြီး ၄င်းက “ကိုညီညီ ကဲ့သို့ မွတ်စလင် လူငယ်တွေ များများ ပေါ်ထွက်လာဖို့ မျှော်လင့်တယ်။ကိုညီညီတို့ ကျွန်တော်တို့ မရှိရင် နောက်ပြန်လှည့်ကြည့် တဲ့အခါ မရှိဘူး ဆိုတာမျိုး မဖြစ်ရအောင် အမှန်တရားကို ပြောရဲတဲ့ ရဲဝင့်တဲ့ သတ္တိရှိတဲ့ လူငယ်တွေ အများကြီး လိုအပ်ပါတယ်။ကိုညီညီဟာ ကိုယ်ကျိုးစွန့်ပြီး လုပ်ကိုင်ခဲ့တဲ့ လူငယ်တစ်ဦးပါ”ဟု ထပ်မံM-Media သို့ပြောကြားသည်။

ကိုညီညီသည် ၈၈ကျောင်းသား အရေးခင်းကာလက အကသ(အခြေခံ ကျောင်းသား သမဂ္ဂ )အဖွဲ့ဝင် တစ်ဦးဖြစ်ကြောင်း သိရသည်။တောင်ကုတ်လူသတ်ပွဲ ဖြစ်ပွားခဲ့စဉ်က တရားဥပဒေ စိုးမိုး ရရှိရေး အတွက် ဦးဆောင်ဆန္ဒပြခဲ့သူ ဖြစ်ကြောင်း သိရသည်။၂၀၀၇ ရွှေဝါရောင် အရေးခင်း ကာလတွင်လည်း အောင်ပွဲရသည့် အချိန်မှ အပြီးသတ် အချေမှုန်း ခံရသည့် အချိန်ထိ ရဟန်းရှင် ကျောင်းသား လူတွေနှင့် အတူ ဦးဆောင် ဆောင်ရွက်ခဲ့သူ ဖြစ်ကြောင်း သိရသည်။ ထို အချိန် ကာလ တုန်းက အဖမ်းခံရခြင်းမှ ကိုညီညီ လွတ်မြောက်ခဲ့ကြောင်း သိရသည်။ထို အချိန်တုန်းက (၁၁)ယောက် အထိန်းသိမ်းခံခဲ့ရပြီး ထိုထဲမှ (၈)ယောက်မှာ မြန်မာမွတ်စလင်များ ဖြစ်ကြောင်း သိရသည်။

ရန်ကုန်၊ ဇွန် ၁၆