News @ M-Media

Tag: Yangon_University

  • ရန်ကုန်တက္ကသိုလ် ကျောင်းသားသမဂ္ဂ (တ.က.သ) ဖွဲ့စည်းခြင်း ၈၃-နှစ်မြောက် နှစ်ပတ်လည်နေ့

    ဇန်နဝါရီလ ၉၊ ၂၀၁၄
    ရေးသူ- စည်သူမောင်
    rusu
    ၉.၁.၂၀၁၄ ရက်နေ့သည် တ.က.သ ဟုခေါ်သော ရန်ကုန် တက္ကသိုလ် ကျောင်းသား သမဂ္ဂ (တ.က.သ) စတင်ဖွဲ့စည်းခဲ့သည့် ၈၃-နှစ်မြောက်နှစ်ပတ်လည်နေ့ပဲဖြစ်ပါတယ်။ မြန်မာနိုင်ငံလွတ်လပ်ရေး မရခင်ကိုလိုနီခေတ်က အင်္ဂလိပ်အစိုးရသည် ရန်ကုန်တက္ကသိုလ် တည်ထောင်စကပင် ကျောင်းသားများနှင့် သက်ဆိုင်သည့် အသင်းအဖွဲ့တစ်ခုရှိ သင့်ကြောင်း ရည်ရွယ်ခဲ့ကြပြီး တ.က.သ အဆောက်အအုံဆောက်လုပ်ရန် အတွက် မြန်မာပြည်ဘုရင်ခံ ဆာဟာကုတ်ဘတ္တလာမှ ၁၉၂၆-ခုနှစ်တွင် သူဌေးဦးညိုဆီမှ ငွေသား ၁၇၀၀၀၀ (တစ်သိန်းခုနှစ်သောင်းကျပ်) အလှူခံပြီး ၁၉၂၇-ခုနှစ်တွင် ဘုရင်ခံကိုယ်တိုင် အုတ်မြစ်ချ၍ စတင်ဆောက်လုပ်ခဲ့ပါတယ်။

    ၁၉၃၀-ခုနှစ်မှာ တ.က.သ အဆောက်အအုံကြီးဟာ ပြီးစီးသွားပေမယ့် ကျောင်းသား သမဂ္ဂ မဖွဲ့ရသေးတဲ့အတွက် ရန်ကုန်တက္ကသိုလ်ကျောင်းသား ကိုကျော်ခင်၊ ကိုတင့်ဆွေ နဲ့ ကိုဘဂျမ်း စတဲ့ ကျောင်းသားများဟာ ရန်ကုန်တက္ကသိုလ် ကျောင်းသားသမဂ္ဂ ဖွဲ့စည်းနိုင်ရေးအတွက် တက္ကသိုလ် ဒုတိယ အဓိပတိ တရားသူကြီး ဦးဘနဲ့တွေ့ဆုံပြီး ရန်ကုန်တက္ကသိုလ်ကျောင်းသားသမဂ္ဂ စည်းမျည်းရေးဆွဲရေးကော်မတီ တစ်ရပ်ဖွဲ့စည်းနိုင်ရေးကိစ္စ ညှိနှိုင်းကာ သဘောတူညီမှု ရယူခဲ့ပါတယ်။
    URashid2
    ထိုကော်မတီကပင် ၁၉၃၀ စက်တင်ဘာလ ၂၀-ရက်နေ့မှာ ရန်ကုန်တက္ကသိုလ်အားကစားရုံ အတွင်းမှာ ပြုလုပ်တဲ့ ကျောင်းသားထု အစည်းအဝေး တစ်ရပ်ကို ကျောင်းဆောင်နေ ကျောင်းသားကျောင်းသူများ နဲ့ ပြင်ပကျောင်းသားများ အားလုံးပါဝင်တဲ့ (ကျောင်းသားထု အစည်းအဝေးကြီး) တစ်ရပ် ပြုလုပ်ပြီး တ.က.သ စည်းမျဉ်းရေးဆွဲရေးကော်မတီ တစ်ရပ်ကို အဖွဲ့ဝင် ၁၂-ဦးနဲ့ ဖွဲ့စည်းခဲ့ပြီး တ.က.သ စည်းမျဉ်းရေးဆွဲရေး လမ်းညွန်အဖြစ် အခြေခံရမယ့် ရည်ရွယ်ချက် (၃) ရပ်ကို ကျောင်းသားထုမှ ဆုံးဖြတ်အတည်ပြု ပေးခဲ့ရာမှာ (၁) ကျောင်းသားများ အကြား တက်ကြွညီညွတ်သော ပူးပေါင်းဆောင်ရွက်မှု ရှိလာစေရေး၊ (၂) ပေါင်းသင်းဆက်ဆံရေးဘ၀ အခြေအနေများဖန်တီးရေး၊ (၃) လွတ်လပ်ရေးစိတ်ဓာတ်နှင့် တာဝန်သိစိတ်များ ဖန်တီးပေးရေး ဟူ၍ ဆွေးနွေးဆုံးဖြတ်ခဲ့ကြပါတယ်။

    တ.က.သ စည်းမျဉ်းရေးဆွဲရေး ကော်မတီမှာ ပါဝင်ခဲ့ကြသူတွေ ကတော့ ကော်မတီဥက္ကဌ အဖြစ် ကိုကျော်ခင်၊ အတွင်းရေးမှုးအဖြစ် ကိုဘဂျမ်း၊ ကိုကျော်သိန်း၊ ကိုရာရှစ်၊ ကိုစံဖော်အောင် အပါအ၀င် စူစူပေါင်း ၁၂-ဦးနဲ့ ရေးဆွဲခဲ့ကြပါတယ် ။ တ.က.သ စည်းမျဉ်းရေးဆွဲရေး ကော်မတီဟာ ရေးဆွဲချိန်မှ စတင်ပြီး ကျောင်းသားထုဆီမှ အကြံပြုချက်များ သဘောထားများ တောင်းခံပြီး ဥပဒေပညာရှင်များနှင့် တိုင်ပင်ကာ ရန်ကုန်တက္ကသိုလ် ကျောင်းသားသမဂ္ဂ ရဲ့ ဖွဲ့စည်းပုံစည်းမျဉ်းကို အင်္ဂလန်ပြည်ရှိ အောက်စဖို့ဒ် တက္ကသိုလ် ကျောင်းသားသမဂ္ဂ၊ ကင်းဗရစ်ခ်ျ တက္ကသိုလ်ကျောင်းသားသမဂ္ဂမှ ဖွဲ့စည်းပုံ စည်းမျဉ်းများကို မှီငြမ်းပြီး ၁၉၃၁-ခုနှစ် ဇန်န၀ါရီလ (၉) ရက်နေ့ (စတင်ဖွဲစည်းသည့်နေ့) တွင် ကျောင်းသားထု အစည်းအဝေးကြီး ကျင်းပပြီး စည်းမျဉ်းကို အတည်ပြုခဲ့ပါတယ်။

    U Tun Sein with label

    ၁၉၃၀-၃၁ တ.က.သ ရဲ့ယာယီ အလုပ်အမှုဆောင်အဖြစ် ဥက္ကဌ ကိုကျော်ခင် နဲ့ အတွင်းရေးမှုး ကိုရာရှစ်တို့က ဦးဆောင်ပြီး ရွေးကောက်ပွဲ ကျင်းပနိုင်ရေးအတွက် ဆက်လက်ပြင်ဆင်ခဲ့ပြီး ၁၉၃၁-၃၂ သက်တမ်း ရန်ကုန်တက္ကသိုလ် ကျောင်းသားသမဂ္ဂ (တ.က.သ) ရဲ့ပထမဆုံး ကျောင်းသား သမဂ္ဂ ရွေးကောက်ပွဲနဲ့ ရွေးချယ် တင်မြောက်ခံရသူအဖြစ် ဥက္ကဌ ကိုထွန်းစိန် ဖြစ်လာခဲ့ပါတယ်။ ထို့ကြောင့် ရန်ကုန်တက္ကသိုလ်ကျောင်းသားသမဂ္ဂ စတင်ဖွဲ့စည်းခဲ့ပြီး ဖွဲ့စည်းပုံ စည်းမျဉ်းကို ကျောင်းသားထုက လက်ခံအတည်ပြုပေးခဲ့တဲ့ ဇန်န၀ါရီလ (၉)ရက်နေ့ဟာ နယ်ချဲ့ဆန့်ကျင်ရေး အမျိုးသား လွတ်မြောက်ရေး လွတ်လပ်ရေးကြိုးပမ်းမှု သမိုင်းမှာ ထင်ရှားခဲ့တဲ့ တ.က.သ ရဲ့ ၈၃-နှစ်မြောက် နှစ်ပတ်လည်နေ့အား ဂုဏ်ပြုတဲ့အနေနဲ့ ကျနော်ဖတ်မှတ်ခဲ့ဖူးတဲ့ တ.က.သ သမိုင်းစာအုပ်များအား ကိုးကားပြီး ဂုဏ်ပြုရေးသားလိုက်ပါတယ်။

    ကျောင်းသားရှိလျှင် ကျောင်းသားသမဂ္ဂ များရှိရမည်…..။

    ကျောင်းသားသမဂ္ဂ ရှိလျှင် ကျောင်းသားသမဂ္ဂ အဆောက်အဦးများ ရှိရမည်။

    ၉.၁.၂၀၁၄
    စည်သူမောင် (ရန်ကုန်စီးပွားရေးတက္ကသိုလ်ကျောင်းသားသမဂ္ဂ-တ.က.သ)

  • ရန်ကုန်တက္ကသိုလ် တက်ရောက် ခွင့်ရသူများ ဒီဇင်ဘာ ၃၀ နောက်ဆုံး ကျောင်းအပ်ရမည်

    ရန်ကုန်တက္ကသိုလ် တက်ရောက် ခွင့်ရသူများ ဒီဇင်ဘာ ၃၀ နောက်ဆုံး ကျောင်းအပ်ရမည်

    ဒီဇင်ဘာ ၂၄၊ ၂၀၁၃
    M-Media
    A.N.Lay

    55_0
    ရန်ကုန်တက္ကသိုလ် (ဓါတ်ပုံ အင်တာနက်)

    ရန်ကုန် ။      ။    ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် ကျောင်းစတင်တက်ရောက်မည့်ကျောင်းသားကျောင်းသူများအနေဖြင့် ဒီဇင်ဘာ ၃၀-ရက်နောက်ဆုံးထားကျောင်းအပ်နှံရမည်ဖြစ်ကြောင်းရန်ကုန်တက္ကသိုလ် သင်တန်းရေးရာဌာနဆိုင်ရာမှ သတင်းရရှိသည်။

    ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် တက်ရောက်သင်ကြားနေသည့် ဝိဇ္ဇာသိပ္ပံ ဘာသာရပ်အလိုက် ထူးချွန်ကျောင်းသား ကျောင်းသူများ၏ ပထမနှစ်ဝက်စာမေးပွဲစစ်ဆေးမှုများကို ၂၀၁၄-ခုနှစ် မတ်လ ၁၉-ရက်နေ့တွင် စတင်စစ်ဆေးသွားမည်ဖြစ်ရာ ကျောင်းခေါ်ချိန် ၇၅-ရာခိုင်နှုန်း ပြည့်မီသူများကိုသာ စာမေးပွဲဖြေဆိုခွင့် ပြုသွားမည်ဖြစ်ကြောင်း သိရှိရသည်။

    ရန်ကုန်တက္ကသိုလ် သင်တန်းရေးရာဌာန ဆိုင်ရာမှ တာဝန်ရှိသူတစ်ဦးကလည်း “ကျောင်းစဖွင့်တာက ၂၀၁၄ ခုနှစ် မတ် ၁၉-ရက်ဆိုတော့ ဒီကာလအတွင်းမှာ ကျောင်းခေါ်ချိန်က ၁၀၀ ရာခိုင်းနှုန်းထိရှိပါတယ်။ အဲဒါကြောင့်ကျောင်းအပ်နှံခွင့်နောက်ဆုံးထားခွင့်ပြုတဲ့နေ့ကို ဒီဇင်ဘာ ၃၀-ရက်သတ်မှတ်ထားပါတယ်။ ကျောင်းတက်တဲ့အချိန်မှာလည်း ကျောင်းခေါ်ချိန် ၇၅-ရာခိုင်းနှုန်းထက်လျော့လို့မဖြစ်ပါဘူး။ ကျောင်းခေါ်ချိန် ၇၅-ရာခိုင်နှုန်းပြည့်မှသာ စာမေးပွဲဖြေဆိုခွင့်ရရှိမှာ ဖြစ်ပါတယ်။ ဒါကြောင့် ကျောင်းခေါ်ချိန် ၇၅-ရာခိုင်နှုန်းပြည့်ဖို့က အရေးကြီးပါတယ်”လို့ ပြောကြားခဲ့သည်။

    ကျောင်းဝင်ခွင့်ရရှိသူများ စာရင်းအား ၂၀၁၃ ခုနှစ်ဒီဇင်ဘာ ၁၆ ရက် ပညာရေးဝန်ကြီးဌာနရှိတက္ကသိုလ်၊ ဒီဂရီကောလိပ်၊ ကောလိပ်များတွင် ကြေညာ ခဲ့သည်။

    ယင်းထုတ်ပြည်ကြေညာရာတွင် မြန်မာစာ ၄၅ ဦး၊ အင်္ဂလိပ်စာ ၃၉ ဦး၊ သင်္ချာ ၅၀ ဦး၊ ပထဝီ ၄၉ ဦး၊ သမိုင်း ၄၇ ဦး၊ ဒဿနိက ၄၉ ဦး၊ စိတ်ပညာ ၄၉ ဦး၊ ဥပဒေ ၄၁ ဦး၊ အရှေ့တိုင်းပညာ ၃၉ ဦး၊ ကွန်ပျူတာ သိပ္ပံ ၃၆ ဦး၊ နိုင်ငံတကာ ဆက်ဆံရေး ၄၉ ဦး၊ မနုသဗေဒ ၃၂ ဦး၊ ရှေးဟောင်းသုတေသန ၄၉ ဦး၊ ရှုပဗေဒ ၄၇ ဦး၊ သတ္တဗေဒ ၄၆ ဦး၊ ရုက္ခဗေဒ ၄၉ ဦး၊ နိုင်ငံရေးသိပ္ပံ ၄၇ ဦး၊ ဓာတုဗေဒ ၃၇ ဦး၊ သတ္တဗေဒ ၄၆ ဦး၊ ကုန်ထုတ် ဓာတုဗေဒ ၃၈ ဦး တို့အား ထပ်မံဝင်ရောက်ခွင့်ပြုခဲ့ကြောင်းသတင်းရရှိသည်။

  • ရန်ကုန်တက္ကသိုလ် သမိုင်းတလျောက် တည်ရှိခဲ့သော အမျိုးသား အဆောင်များကို အမျိုးသမီး အဆောင်အဖြစ် ပြောင်းမည့် အစီအစဉ် ကျောင်းသားဟောင်းများ ကန့်ကွက်

    ဒီဇင်ဘာ ၁၅၊ ၂၀၁၃
    M-Media
    သတင်း – ဆူးထက်

    1486723_633736090002198_1872672565_n

    သမိုင်းအစဉ်အလာအရ ကျောင်းသားအဆောင် အဖြစ်တည်ရှိခဲ့သော ရွှေဘိုဆောင်နှင့် ဒဂုံဆောင်အား ကျောင်းသူအဆောင်အဖြစ် ပြောင်းလဲ စီစဉ်ဆောင်ရွက်နေမှု အပေါ် ရွှေဘို၊ ဒဂုံဆောင် ကျောင်းသားဟောင်း များက သဘောမတူကြောင်း ဒီဇင်ဘာ ၁၄ရက်နေ့က ရန်ကုန်မြို့၊ တော်ဝင်နှင်းဆီခန်းမ၌ နံနက် ၁၀နာရီက ကျင်းပပြုလုပ်ခဲ့သည့် သတင်းစာ ရှင်းလင်းပွဲတွင် ပြောကြားလိုက်သည်။

    ” သမိုင်းဝင် အဆောက်အဦးတွေ မပျက်ဆီးစေချင်တာရယ်၊ သမိုင်းကြောင်း တစ်လျှောက် ယောက်င်္ကျားလေး အဆောင် ဖြစ်တည်မှုကို မပျက်ဆီး စေချင်တာပါ။ မိန်းကလေးအဆောင် လုပ်ရင် သမိုင်းဝင် အဆောက်အဦးတွေကို ပြင်ရမယ်၊ အဲဒါတွေကို မကြိုက်ဘူး “ဟု ဒဂုံဆောင် ကျောင်းသားဟောင်း တစ်ဦးဖြစ်ခဲ့သော ဒေါက်တာမောင်ဆောင် (ပါမောက္ခငြိမ်း- ဒဿနိက ဗေဒ) က M-mediaသို့ပြောသည်။

    စစ်မဖြစ်ခင်ကတည်းက နေလာခဲ့သော အဆောင်များ ဖြစ်ပြီး ဗိုလ်ချုပ်အောင်ဆန်းခေတ်တုန်းကလည်း ကိုလိုနီ တော်လှန်ရေးတွေမှာ ယင်းအဆောင်နေ ကျောင်းသားများ ပါဝင်ခဲ့ကြောင်း၊ အစဉ်အလာတွေကို ဖျက်စ ရှိလျှင် တဖြေးဖြေး ဖျက်လာမှာ ဖြစ်ပြီး နောင်ပျောက်ကွယ်သွားမှာ စိုးရိမ်ကြောင်း ၎င်းက M-media သို့ပြောသည်။

    “ဟိုးရှေးခေတ်တုန်းက ကျောင်းတက်တဲ့သူမှာ ယောက်င်္ကျားလေးက ပိုများတယ်။ ဒီခေတ်ကတော့ ပြောင်းပြန်ပေါ့။ မိန်းကလေးက များလာတော့ မိန်းကလေးဆောင် လိုလာတာပေါ့။ အဲဒီမှာ သူတို့က မစဉ်းစားဘဲ စီစဉ် ဆောင်ရွက်မှု မရှိဘဲ ဒီနှစ်ဆောင် လုပ်လိုက်ဆိုပြီး လုပ်ခိုင်းလိုက်တယ်။ ဒါတွေကို ပြေလည်ဖို့ တကယ်တမ်း ရန်ကုန်တက္ကသိုလ်နဲ့ လှိုင်နယ်မြေက နီးနီးလေးပါ။ လှိုင်နယ်မြေမှာ ရှိတဲ့ မိန်းကလေးဆောင်တွေ ဖြစ်တဲ့ နှင်းဆီ၊ သရဖီ၊ သဇင်၊ ဂန္ဓာ၊ ကန့်ကော်၊ မာလာဆောင် တွေအများကြီး ရှိပါတယ်။ အဲဒီမှာ နှစ်ဆောင်လောက် ပြန်ဖွင့် ပေးလိုက်ရင် ရပါတယ်” ဟု၎င်းက ဝေဖန်ထောက်ပြခဲ့သည်။

    အဆိုပါ ရန်ကုန်တက္ကသိုလ်သည် တစ်ချိန်က အာရှမှာ အလှဆုံး၊ စာသင်ကြားရေးမှာလည်း ထိပ်တန်းမှာ ရှိခဲ့ပြီး အခြား နိုင်ငံများက လာရောက် ပညာသင်ကြားခဲ့ရကြောင်း သိရသည်။

    “ရန်ကုန်တက္ကသိုလ်ကို တကယ့် ကမ္ဘာအဆင့်မှီ တက္ကသိုလ် အဖြစ် ပြန်လည်ပြီး ဖြစ်စေချင်ပါတယ်။ ပညာသင်ကြားရာမှာ လွတ်လပ်ပွင့်လင်းမှု ဖြစ်စေချင်ပါတယ်။ အခုလိုမျိုး ပုံပျက်ပန်းပျက်နဲ့ ကြီးထွားလာတဲ့ ဟန်ပြပုံစံမျိုးကို လုံးဝကို ကန့်ကွက်ပါတယ် ” ဟု ကျောင်းသားဟောင်း တစ်ဦးဖြစ်သော ကိုဌေးကြွယ်က M-Media သို့ပြောသည်။

    နှစ်ပေါင်းနှစ်ဆယ်နီးပါး ပိတ်ထားခဲ့သော ရန်ကုန်တက္ကသိုလ်တွင် ၂၀၁၃-၂၀၁၄ ပညာသင်နှစ်အတွက် ကျောင်းသူ ကျောင်းသားများ၏ အဆောင်ထားရှိမှုနှင့် ပတ်သက်၍ ယင်းပြဿနာပေါ်ပေါက်ခဲ့ခြင်း ဖြစ်သည်။

    ဒဂုံဆောင်၏ သမိုင်းကြောင်းသည် ၁၉၃၄ ခုနှစ်တွင် ဂျပ်ဆင်ကောလိပ်နှင့် အတူ ဒဂုံဆောင်ကြီး ပေါ်ပေါက်လာခဲ့ပြီး၊ မူလအားဖြင့် ၀ီလင်တန်ဆောင်ဟု အမည် ရခဲ့ပေသည်။ ၁၉၅၀တွင် ဂျပ်ဆင်ကော်လိပ်အား ရန်ကုန်တက္ကသိုလ်နှင့် ပူးပေါင်းလိုက်ရာ ၀ီလင်တန်ဆောင်သည်လည်း ရန်ကုန်တက္ကသိုလ်၏ အဆောင်တစ်ဆောင် ဖြစ်လာခဲ့ပေသည်။ ၁၉၅၂- ၅၃ စာသင်နှစ်တွင် ၀ီလင်တန်ဆောင်ကို ‘ ဒဂုန်’ ဆောင်ဟု အမည်ပြောင်းခဲ့ပြီး၊ ၁၉၅၉- ၆၀ စာသင်နှစ် အဆောင်မှူး ဆရာကြီး ဦးလှရွှေ လက်ထက် ‘ ဒဂုန်’ မှ ‘ ဒဂုံ’ ဟု ပြင်ဆင် သတ်မှတ်ခဲ့ပေသည်။

  • ဦးတင်ထွန်း (ရန်ကုန်တက္ကသိုလ် ကျောင်းသားများ သမဂ္ဂဥက္ကဋ္ဌ ၁၉၅၄-၅၅)

    ဦးတင်ထွန်း (ရန်ကုန်တက္ကသိုလ် ကျောင်းသားများ သမဂ္ဂဥက္ကဋ္ဌ ၁၉၅၄-၅၅)

    စက်တင်ဘာ၊ ၂၇ ၊ ၂၀၁၂

    M-Media

    ဦးတင်ထွန်း (ရန်ကုန်တက္ကသိုလ်ကျောင်းသားများသမဂ္ဂ ဥက္ကဋ္ဌ ၁၉၅၄-၅၅)

     

    ရန်ကုန် တက္ကသိုလ်ကျောင်းသားများသမဂ္ဂ ဥက္ကဋ္ဌ တာဝန်ကို ၁၉၅၄-၅၅  တွင် ထမ်းဆောင်ခဲ့သူ ဦးတင်ထွန်းဖြစ်ပါသည်။

    ကိုတင်ထွန်းမှာ ရန်ကုန်တက္ကသိုလ် မွတ်စလင်မ်ကျောင်းသူ ကျောင်းသားများအသင်းတွင် အကြိမ်ကြိမ် အမှုဆောင်အဖြစ် ဆောင်ရွက်ခဲ့သူဖြစ်ပြီး စစ်မဖြစ်မီနှင့် စစ်ပြီးခေတ် အသင်းအခြေနေကို သိရှိသူဖြစ်ရာ လိုအပ်သော အသင်း၏ရာဇ၀င်ကို ရှာဖွေ စုဆောင်းရေးသားပေးသောကြောင့် မှတ်တမ်းအဖြစ် ထည့်သွင်းဖော်ပြအပ်ပါကြောင်း။ –

    ပဲခူးခရိုင် ညောင်လေးပင်ဇာတိ ဦးတင်ထွန်းမှာ ၁၉၅၄-၅၅  တကသ ဥက္ကဋ္ဌဖြစ်ပါသည်။ –

    စာအုပ်ပြုစုသူ (ရန်ကုန်တက္ကသိုလ် မွတ်စလင်(မ်)မဂ္ဂဇင်းသမိုင်း၊ စာမျက်နှာ-၅၆)

  • ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၃)

    ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၃)

    စက်တင်ဘာ၊ ၂၅၊ ၂၀၁၂

    M-Media

    Dr.Aung Maw

     

    တချိန်က အာရှထိပ်တန်း တက္ကသိုလ်ဖြစ်ခဲ့တဲ့ ရန်ကုန်တက္ကသိုလ် (Photo – Google)

    ၁။ အရှေ့တောင်အာရှတွင် အစဉ်အလာရှိခဲ့သော ရန်ကုန်တက္ကသိုလ်

    မြန်မာနိုင်ငံတော် သမ္မတ ဦးသိန်းစိန်အား၊ တရုတ်နိုင်ငံ ယန်လင်းစိုက်ပျိုးရေးနှင့် သစ်တောတက္ကသိုလ်က မြန်မာနိုင်ငံ ကျေးလက်ဒေသ ဖွံ့ဖြိုးရေးနှင့် ဆင်းရဲနွမ်းပါးမှု ပပျောက်ရေး ကြိုးပမ်းအားထုတ်မှုများကြောင့် ဂုဏ်ထူးဆောင် ဒေါက်တာဘွဲ့ကို စက်တင်ဘာလ ၁၉ ရက်နေ့က ပေးအပ်ခဲ့ကြောင်း ကြားသိရပါသည်။

    အကယ်၍ နိုင်ငံတကာ အလွှာအသီးသီးမှ ထူးချွန်ထက်မြက်သော ခေါင်းဆောင်အသီးသီးအား နိုင်ငံအချင်းချင်း၊ တက္ကသိုလ် အချင်းချင်း အပြန်အလှန် ရင်းနှီးမှုရစေရန်ကို ရှေ့ရှု၍ ဂုဏ်ထူးဆောင် ဒေါက်တာဘွဲ့ချီးမြှင့်ချင်ပါက မြန်မာနိုင်ငံတွင် သမိုင်းအစဉ်အလာရှိသော၊  ဂုဏ်သတင်းကြီးသော တက္ကသိုလ်များ မရှိပါသဖြင့် အစဉ်အလာနှင့် ဂုဏ်သတင်းကြီးမားခဲ့သော ရန်ကုန်တက္ကသိုလ်ကို ပြန်လည်စည်ကား အသက်ဝင်အောင် လုပ်ဆောင်မည့်အပြင် ပညာရေးတက္ကသိုလ်၊ စီးပွားရေးတက္ကသိုလ်၊ စက်မှုတက္ကသိုလ်နှင့် ဆေးတက္ကသိုလ် အသီးသီးကိုလည်း နိုင်ငံတကာအဆင့် မှီအောင်ကြိုးပမ်းပါမည်။

    ကမ္ဘာ့ အဆင့်မှီ သင်ရိုးညွှန်းတမ်းများနှင့် Teaching Methodology များအတွက် တာဝန်ရှိမည် ဖြစ်သော ရန်ကုန်တက္ကသိုလ် အဓိပတိ (Chancellor) တစ်ဦးကို ဒီမိုကရေစီနည်းအရဖြစ်စေ၊ အမှန်တကယ် အရည်အချင်း ရှိသူကိုဖြစ်စေ  ရွေးချယ်နိုင်ရေးအတွက် လိုအပ်သော Rule & Regulation များကိုလည်း ရေးဆွဲပေးပါမည်။ Rector ကို Chancellor နှင့် အစားထိုးခြင်းဖြင့် တက္ကသိုလ် ပရဝုဏ်ရှိ အဓိပတိလမ်းမဟူသော အမည်သညာက ပို၍ အဓိပ္ပါယ်ရှိလာပါလိမ့်မည်။

    ရန်ကုန်တက္ကသိုလ် (ပင်မ)နှင့် များမကြာမီ ပြန်လည်တည်ဆောက်မည့် ကျောင်းသားသမဂ္ဂ အဆောက်အအုံတို့၏ (Custodian) ထိန်းသိမ်းစောင့်ရှောက်သူများအဖြစ် ကျွန်ုပ် (သမ္မတ ရာထူး)နှင့် ဒေါ်အောင်ဆန်းစုကြည် (အဓိက အတိုက်အခံ ပါတီ ဥက္ကဌ ရာထူး) တို့ကတာဝန်ယူပြီး အဖက်ဖက်က ကမ္ဘာ့အဆင့်မှီယုံမက အစဉ်အလာရှိသော တက္ကသိုလ် တစ်ခုအဖြစ် ပြန်လည်ပေါ်ထွက်လာအောင် ဆောင်ရွက်ပါမည်။ အဆောက်အအုံကိုသာ ကျွန်ုပ်တို့ ထိန်းသိမ်းစောင့်ရှောက်ပြီး သမဂ္ဂ၏ လုပ်ငန်းများနှင့် ဆုံးဖြတ်ချက်များသည် လွတ်လပ်စေရပါမည်။

    Power Balance အတွက်သာ ကျွန်ုပ်ပါဝင်ခြင်းဖြစ်ပြီး Custody လုပ်ငန်းအများစုကို ဒေါ်အောင်ဆန်းစုကြည်ကိုသာ ဦးဆောင်စေခြင်းဖြင့် ကမ္ဘာကလက်ခံသော တက္ကသိုလ်ကြီးတစ်ခု အမြန်ဆုံး ပေါ်ထွက်လာမည်ဟု ကျွန်ုပ်အနေဖြင့် ယုံကြည်ပါသည်။

    ၂။ ကျောင်းသားသမဂ္ဂကို ဒီမိုကရေစီ၏ ပဉ္စမ မဏ္ဍိုင်ဖြစ်စေမည့် ကမ္ဘာ့သမိုင်း စာမျက်နှာအသစ်ကို ကျွန်ုပ်ရေးပါမည်။

    ၈၈၈၈ အရေးအခင်းဟု နဝတ သတင်းစာများတွင်နှိမ့်ချသမုတ်ခဲ့ပေမဲ့ လက်တွေ့မှာတော့ ၈ လေးလုံး ဒီမိုကရေစီ အရေးတော်ပုံ ကြီးကိုဦးဆောင် ဦးရွက် ပြုခဲ့ကြတဲ့ ကိုမင်းကိုနိုင်ဦးဆောင်တဲ့ ၈ လေးလုံးကျောင်းသားခေါင်းဆောင်တွေကို နိုင်ငံတော် အဆင့် စုံစမ်းရေးကော်မရှင်မှာ ထဲ့သွင်းအသုံးချ  ပွဲထုတ်ပေးရတဲ့ အခြေအနေ၊ အဆင့်ကို ရောက်နေပါပြီ။

    သွားလေသူ မဆလ နောက်ဆုံး သမ္မတ ဒေါက်တာမောင်မောင်ကလည်း ဗိုလ်ချုပ်ကြီး နေဝင်းအစိုးရ ဖြိုချဖျက်ဆီးခဲ့တဲ့ ရန်ကုန်တက္ကသိုလ် ကျောင်းသား သမဂ္ဂကြီးကို ပြန်လည်တည်ဆောက်တဲ့အခါ ပျော်ပျော်ပါးပါး အုတ်မြစ်ချကြရအောင်လို့ နိုင်ငံအခြေပြ မိန့်ခွန်းမှာ ပြောခဲ့ဘူးပါတယ်။

    ၈ လေးလုံးကျောင်းသားတွေကိုတောင် အသိအမှတ်ပြုနေရမှတော့ မြန်မာနိုင်ငံ လွတ်လပ်ရေး ကြိုးပမ်းမှု သမိုင်းဝင်၊   အစဉ်အဆက်သော ကိုလိုနီခေတ် ကျောင်းသားခေါင်းဆောင်ကြီးများကို လေးစား ဂုဏ်ပြုသော အနေဖြင့် ရန်ကုန်တက္ကသိုလ် ကျောင်းသား သမဂ္ဂအဆောက်အအုံကို မှုလနေရာတွင် ပြန်လည် တည်ဆောက်ပေးပြီး လွတ်လပ်သော၊ တက်ကြွသော၊ ခေတ်မှီသော ကျောင်းသားသမဂ္ဂတစ်ခုကို စနစ်တကျ ပြန်လည်ဖွဲ့စည်းပေးကာ ရန်ကုန်တက္ကသိုလ် ကျောင်းသား သမဂ္ဂ ဂုဏ်ထူးဆောင် နာယကများအဖြစ် ၁၉၆၂ နှင့် ၁၉၈၈  ကျောင်းသားခေါင်းဆောင်များ ဖြစ်ကြသော ဦးလှရွှေနှင့် ကိုမင်းကိုနိုင်ကိုဆောင်ရွက်စေပါမည်။

    ကမ္ဘာ့သမိုင်းစာမျက်နှာတွင် မြန်မာ့ဒီမိုကရေစီရေး တည်ငြိမ်စွာပြောင်းလဲမှုသည် သမိုင်းစာမျက်နှာ အသစ် ဖြစ်သွားသောကြောင့် ဂုဏ်ယူပါသည်။

    ဥပဒေပြုရေး၊ အုပ်ချုပ်ရေး၊ တရားစီရင်ရေးနှင့် သတင်းမီဒီယာဟူသော ဒီမိုကရေစီ၏ မဏ္ဍိုင် လေးခု အနက် စတုတမဏ္ဍိုင်ဖြစ်သော သတင်းမီဒီယာသည် ကျန်သုံးခုကို စောင့်ကြည့် တည့်မတ်ရန်ဟု ဆိုကြ၏။

    မြန်မာနိုင်ငံမှ ရန်ကုန်တက္ကသိုလ် ကျောင်းသားသမဂ္ဂသည် ပထမ မဏ္ဍိုင် ၄ ရပ်ကို စောင့်ကြည့်တည့်မတ်မည့် ဒီမိုကရေစီ၏ ပဉ္စမ မဏ္ဍိုင် ဖြစ်လာစေမည့် ကမ္ဘာ့သမိုင်းစာမျက်နှာအသစ် တစ်ခုကို ကျွန်ုပ် ထပ်မံ၍ ရေးပါဦးမည်။

    ဒီနေရာတွင် ကြုံ၍ ပြောချင်ပါသည်။ ရန်ကုန်တက္ကသိုလ် ကျောင်းသား သမဂ္ဂကို မူလ Blue Print အတိုင်းပြန်လည်တည်ဆောင်ရန်ကိစ္စကို ကျွန်ုပ် သဘောမတူပါ။ Lecture Theater with multimedia room, Assembly Hall with projector & screen, Meeting room, Library with internet connection, Offices for President, secretary & staffs of Student Union, Computers & copiers, Phone connection, Parlor rooms to accept international visitors, Snack bar and dining room, Toilets နှင့် ကျောင်းသားသမဂ္ဂ သမိုင်းဆိုင်ရာ ပြခန်းများ စသည်ဖြင့်အင်္ဂါစုံသော အထပ်မြင့် စွမ်းအင်ချွေတာသော၊ ပတ်ဝန်းကျင် ထိန်းသိမ်းသော ခေတ်မှီ ရန်ကုန်တက္ကသိုလ် ကျောင်းသား သမဂ္ဂ အဆောက်အအုံ အသစ်တစ်ခု ကို တည်ဆောက်ကာ အနာဂတ် နိုင်ငံခေါင်းဆောင်ကောင်းများပေါ်ထွက်လာစေရန် ကျောင်းစာသာမက လိုအပ်သော အဌာရသ များကိုလည်း လေ့ကျင့်ပေးပါမည်။ သမဂ္ဂအသုံးစားရိတ်အတွက် Chancellor ကချပေးသော Budgets ကိုသုံးဆွဲပြီး နိုင်ငံတော် စာရင်းစစ်ချုပ်ရုံးမှ စာရင်းစစ်ပါမည်။

    သို့မှသာအစဉ်အလာ ကြီးမားသော တက္ကသိုလ်ကြီးတစ်ခု မြန်မာနိုင်ငံတွင် အမြန်ဆုံး ပြန်လည် ပေါ်ထွက်လာမည် ဖြစ်ြပီး  ရန်ကုန်တက္ကသိုလ်ကျောင်းသား သမဂ္ဂသည်လည်း ကမ္ဘာ့သမိုင်းနှင့် မြန်မာ့သမိုင်းစာမျက်နှာများတွင် ဒီမိုကရေစီ၏ ပဉ္စမ မဏ္ဍိုင်ဖြစ်လာပါလိမ့်မည်။

    Disclaimer

    နိုင်ငံရေး စာစီစာကုံးများကို ရေးသားနေသော ကျွန်ုပ်သည် တည်ဆဲ ၂၀၀၈ ဖွဲ့စည်းပုံ အခြေခံ ဥပဒေနှင့် ရွေးကောက်ပွဲ ကော်မရှင် ဥပဒေအရ ရပ်ကွက် အုပ်ချုပ်ရေးမှူး အဖြစ်ပင် ဆောင်ရွက်ပိုင်ခွင့် မရှိသော၊ မြန်မာစစ်စစ် မိခင်မှ မြန်မာ့မြေပေါ်တွင် မွေးဖွားသည့် မဲပေးခွင့် သာရပြီး ရွေးကောက်ခံပိုင်ခွင့် မရှိသော်လည်း မြန်မာနိုင်ငံ စစ်မှုထမ်းမှုဥပဒေအရ စစ်မှုထမ်းရန် တာဝန်ရှိသော မြန်မာနိုင်ငံသား တစ်ဦးသာ ဖြစ်ပါသည်။