Tag: yemen

ဇန်န၀ါရီ ၁၂၊ ၂၀၂၃

M-Media 

-အမေရိကန်နဲ့ ယူကေတို့ဟာ ယီမင်မှာ ဒုတိယနေ့အဖြစ် တိုက်ခိုက်မှုတွေ ဆက်လက်လုပ်ဆောင်နေပါတယ်။ 

ယီမင်ကို အုပ်စိုးနေတဲ့ ဟူသီအဖွဲ့က ပင်လယ်နီမှာ အစ္စရေးကုန်တင်သင်္ဘောတွေအပေါ် နှောက်ယှက်မှုကို တုန့်ပြန်တာလို့ အမေရိကန်က ထုတ်ပြန်ပါတယ်။ 

တိုက်လေယာဥ်တွေ၊ ဒုံးကျည်တွေနဲ့ ပစ်ခတ်တိုက်ခိုက်မှုကို ကြာသာပတေးနေ့က စတင်ခဲ့တာဖြစ်ပြီး သောကြာနေ့မှာ ဒုတိယအကြိမ်အဖြစ် နေရာအများအပြားကို ထပ်မံ တိုက်ခိုက်ခဲ့ပါတယ်။ 

ဒီတိုက်ခိုက်မှုတွေကြောင့် လူတွေ သေဆုံးမှုရှိတယ်လို့ ဟူသီအဖွဲ့က ထုတ်ပြန်ထားပြီး လက်တုန့်ပြန်မှုတွေ လုပ်ဆောင်မယ်လို့လည်း ကြေငြာထားပါတယ်။ 

ဂါဇာက အစ္စရေးရဲ့လူသတ်ပွဲ မရပ်မချင်း အစ္စရေးကုန်တင်သင်္ဘောတွေကို တိုက်ခိုက်သွားမယ်လို့ ဟူသီအဖွဲ့က ကြေငြာထားတာပါ။ 

အမေရိကန်ကတော့ ဂါဇာပြဿနာ ဒေသတွင်းမှာ ပိုမိုကျယ်ပြန့်လာမှာကို စိုးရိမ်တယ်လို့ အစောပိုင်းက ပြောကြားထားပေမယ့်လည်း ယီမင်ကို ကျူးကျော်တိုက်ခိုက်မှုတွေ ဦးဆောင်လုပ်ဆောင်လာတာ ဖြစ်ပါတယ်။ 

Ref: Aljazeera 

ဧပြီ ၂၀၊ ၂၀၂၃

M-Media 

-ယီမင်နိုင်ငံ မြို့တော် ဆန်နာမှာ ရမ်ဇာန်ဥပုသ်လ ပစ္စည်း၀ေငှမှုအတွင်း လူအုပ်တိုးမှုကြောင့် အနည်းဆုံး ၇၈ ဦး သေဆုံးပြီး အများအပြား ဒဏ်ရာရခဲ့ပါတယ်။ 

စာသင်ကျောင်းတစ်ခုမှာ လူတစ်ယောက်ကို ကန်ဒေါ်လာ ၉ ဒေါ်လာဖိုး ရှိတဲ့ ပစ္စည်းတွေ လှူဒါန်းမှုအတွင်း လူရာချီ လာရောက်ခဲ့ကြတာ ဖြစ်ပါတယ်။ 

မြို့ကိုထိန်းချုပ်ထားတဲ့ ဟူသီသူပုန်အဖွဲ့က စစ်သားတစ်ချို့ဟာ လူအုပ်ကိုထိန်းဖို့ သေနတ်ပစ်ဖောက်ခဲ့ပြီး ဓာတ်ကြိုးကိုထိမှန်ကာ ပေါက်ကွဲမှုဖြစ်တာကြောင့် လူတွေလန့်ကာ ထွက်ပြေးခဲ့ကြတာလို့ မျက်မြင်သက်သေတွေက ပြောပါတယ်။ 

သေဆုံး ဒဏ်ရာရသူ အများစုဟာ အမျိုးသမီးတွေနဲ့ ကလေးတွေ ဖြစ်ပါတယ်။ 

ဟူသီအဖွဲ့က လှူဒါန်းသူဟာ အာဏာပိုင်တွေနဲ့ ဆက်သွယ်ဆောင်ရွက်ခြင်း မရှိတဲ့အတွက် အခုလို ဖြစ်ခဲ့တာဖြစ်ပြီး အဲဒီလူကို ဖမ်းဆီးထားတယ်လို့ ထုတ်ပြန်ပါတယ်။ 

Ref: BBC

ဧပြီ ၁၁၊ ၂၀၂၃

M-Media 

-လွန်ခဲ့တဲ့ ၉ နှစ်က စတင်ခဲ့တဲ့ ပြည်တွင်းစစ် ပြီးဆုံးဖို့အတွက် ယီမင်က လက်နက်ကိုင်အဖွဲ့တွေအကြား ဆွေးနွေးမှုတွေ ပြုလုပ်နေတရာမှာ တိုးတက်မှုတွေ ရှိလာပါတယ်။ 

ယီမင်အစိုးရဟာ ၂၀၁၄ ခုနှစ်က ဟူသီသူပုန်အဖွဲ့ရဲ့ ဖြုတ်ချမှုကို ခံရပြီးနောက် နိုင်ငံတောင်ပိုင်းကို ထွက်ပြေးခဲ့ရပြီး အဲဒီနောက် နိုင်ငံအတွင်းကနေ ထွက်ခွာကာ ဆော်ဒီမှာ ရှိနေတာ ဖြစ်ပါတယ်။ 

အစိုးရကို ထောက်ခံတဲ့ ဆော်ဒီနဲ့ အိုမန်တို့က ကိုယ်စားလှယ်အဖွဲ့တွေဟာ မနေ့က မြို့တော်ဆန်နာကို ရောက်ရှိလာကာ ဟူသီခေါင်းဆောင်တွေနဲ့ ဆွေးနွေးမှုတွေ ပြုလုပ်နေပါတယ်။ 

လုပ်ငန်းစဥ်တွေထဲမှာ အပစ်ရပ်ရေး၊ ငြိမ်းချမ်းရေး၊ အကျဥ်းသားလဲလှယ်ရေး၊ ရေရှည်တည်တံ့တဲ့ နိုင်ငံရေးအဖြေတစ်ခု ရရှိဖို့အတွက် ယီမင်က အဖွဲ့အစည်းတွေအကြား ညှိနှိုင်းဆွေးနွေးနိုင်ရေး စတာတွေ ပါ၀င်တယ်လို့ ယီမင်ဆိုင်ရာ ဆော်ဒီ သံအမတ် မိုဟာမက် ဘင် ဆအီဒ် အလ်-ဂျဘာရ်က ပြောပါတယ်။ 

ယီမင်ပြည်တွင်းစစ်ထဲကို ဆော်ဒီဦးဆောင်တဲ့ မဟာမိတ်အဖွဲ့တွေက ၂၀၁၅ ခုနှစ်မှာ ပါ၀င်လာပြီး လေကြောင်းကနေ တိုက်ခိုက်မှုတွေ အဆက်မပြတ် ပြုလုပ်လာတာပါ။ 

ဟူသီနဲ့ ဆော်ဒီတို့ကြား ပြီးခဲ့တဲ့နှစ်က အပစ်ရပ်ရေး သဘောတူညီချက်တစ်ခု ရရှိခဲ့ပေမယ့် အောက်တိုဘာလမှာ သက်တမ်းကုန်ဆုံးခဲ့ပါတယ်။ 

Ref: Aljazeera 

ဧပြီ ၇၊ ၂၀၂၂

M-Media 

-၈ နှစ်နီးပါးရှိနေတဲ့ ယီမင်ပြည်တွင်းစစ် အဆုံးသတ်ရေး ကြိုးပမ်းမှု ပိုမိုအားကောင်းလာပြီး နိုင်ငံတကာက အသိအမှတ်ပြုထားတဲ့ သမ္မတ ဟာဒီက အာဏာခွဲ၀ေမှုတွေ ပြုလုပ်ခဲ့ပါတယ်။

ဆော်ဒီဦးဆောင်တဲ့ အာရပ်မဟာမိတ်အဖွဲ့က ကျောထောက်နောက်ခံပြုထားတဲ့ ဟာဒီအစိုးရနဲ့ ဒေသတော်တော်များများကို သိမ်းပိုက်ထားတဲ့ ဟူသီသူပုန်အဖွဲ့တို့ ၂ လကြာ အပစ်ရပ်ရေးဟာ တစ်ပတ်အတွင်းကို ရောက်ရှိလာပြီ ဖြစ်ပါတယ်။ ဒါဟာ ၂၀၁၆ ခုနှစ်နောက်ပိုင်း ပထမဆုံးအကြိအဖြစ် တစ်နိုင်ငံလုံး အပစ်ရပ်နိုင်ခဲ့တာ ဖြစ်ပါတယ်။ 

သမ္မတဟာဒီဟာ သဘောထားမတူသူတွေနဲ့  တွေ့ဆုံဆွေးနွေးနိုင်ရေး ကြိုးပမ်းနေပြီး ဒုတိယသမ္မတကို ထုတ်ကာ သမ္မတဆိုင်ရာ ကောင်စီကို မနေ့က အာဏာခွဲ၀ေပေးခဲ့ပါတယ်။ လတ်တလော တွေ့ဆုံဆွေးနွေးမှုမှာ ဟူသီသူပုန်အဖွဲ့ မပါ၀င်ပါဘူး။ 

အာဏာခွဲ၀ေမှု ထွက်ပေါ်လာပြီးနောက်ပိုင်း ဆော်ဒီက ကန်ဒေါ်လာ ၂ ဘီလီယံ၊ ယူအေအီးက ၁ ဘီလီယံ ထောက်ပံ့မယ်လို့ ကြေငြာခဲ့ပါတယ်။ 

ဟူသီသူပုန်အဖွဲ့က ဆော်ဒီဦးဆောင်တဲ့ အာရပ်မဟာမိတ်အဖွဲ့၀င် နိုင်ငံတွေအပေါ် ဒုံးကျည်တွေ၊ ဒရုန်းတွေနဲ့ တိုက်ခိုက်တာတွေကို ရပ်ဆိုင်းမယ်လို့ ရမ်ဇာန်ဥပုသ်လမတိုင်ခင်က ကြေငြာခဲ့ပြီး၊ အာရပ်မဟာမိတ်အဖွဲ့ကလည်း ယီမင်မှာ အပစ်ရပ်ကြောင်း နောက်ပိုင်းမှာ ထုတ်ပြန်ခဲ့ပါတယ်။ 

Ref: Aljazeera

မတ် ၃၀၊ ၂၀၂၂

M-Media 

-လာမယ့်တစ်ပတ်မှာ ကျရောက်မယ့် ရမ်ဇာန်ဥပုသ်လအတွက် ယီမင်မှာ တစ်လကြာ အပစ်ရပ်မယ်လို့ အာရပ် မဟာမိတ်အဖွဲ့က ဒီကနေ့မှာ ကြေငြာပါတယ်။ 

ယီမင်မှာ ပြည်တွင်းစစ်ဖြစ်နေတာ ၇ နှစ်ကျော်နေပြီး ဆော်ဒီအာရဗျ ဦးဆောင်တဲ့ အာရပ်မဟာမိတ်အဖွဲ့ဟာ ၂၀၁၅ ခုနှစ်က စတင်ကာ ပါ၀င်တိုက်ခိုက်နေတာ ဖြစ်ပါတယ်။ 

လက်ရှိမှာတော့ ယီမင်သူပုန်အဖွဲ့ ဟူသီနဲ့ အာရပ်မဟာမိတ်အဖွဲ့တို့အကြား အပစ်ရပ်ရေးနဲ့ ငြိမ်းချမ်းရေး ရရှိအောင် ကုလသမဂ္ဂက ဦးစီး ဆောင်ရွက်နေပါတယ်။ 

လူသိန်းချီ သေဆုံးပြီး သန်းချီ အိုးအိမ်စွန့်ခွာ ထွက်ပြေးရတဲ့ ယီမင်ပြည်တွင်းစစ် အဆုံးသတ်ရေး နိုင်ငံတကာအသိုင်းအ၀ိုင်းရဲ့ ၃ နှစ်တာ ကြိုးပမ်းမှုမှာ အခုအပစ်ရပ်ရေးက သိသာထင်ရှားတဲ့ ရလဒ်ဖြစ်ပါတယ်။ 

ပြီးခဲ့တဲ့ သီတင်းပတ်တွေအတွင်း ဆော်ဒီနဲ့ ယူအေအီးက ရေနံစက်ရုံတွေကို ဒုံးကျည်တွေ၊ ဒရုန်းတွေနဲ့ အဆက်မပြတ်တိုက်ခိုက်ခဲ့တဲ့ ဟူသီအဖွဲ့ကလည်း တိုက်ခိုက်မှု ရပ်ဆိုင်းကြောင်း အခုတစ်ပတ်အစောပိုင်းမှာ ကြေငြာခဲ့ပါတယ်။ 

Ref: Aljazeera